رواية حلم الاميره الضايع الفصل الثاني 2 – بقلم جيجي

رواية حلم الاميره الضايع – الفصل الثاني

٢……نبيله بعدت وقالت…. اوعى يدك كده كخ يا بابا انت متجوزنى عشان ابوك خليك عاقل عاد ولا انت عيل وهترجع فى كلمتك ولا ايه

رضوان قال…. هو انا قلت حاجه انا مش فاكر حاجه

نبيله قالت…. بس انا فاكره انت قلت انك متجوزني عشان ابوك وان زيي زي اي جزمه عندك وما قربش من السرير

رضوان قال… اه افتكرت بس انا جوزك بعدين لما انتى مزه كده تتنقبي ليه من وانتى قد كده يا هبله

نبيله قالت.. النقاب ده حاجه انت ما تعرفهاش تعرف السناكيح بتوعك

رضوان قال… لا بقولك ايه لمى لسانك مش عشان انتى مزه وجميله تفضلى تغلطي كده كتير انا اقدر اخد اللي انا عايزه منك واعمل فيكى اللى عايزه دلوقتي وغصب عنك كمان

نبيله قالت…. وماله اعمل انا قاعده اها انا هنا ونامت على السرير ورضوان لسه هيقرب عليها بس

قالت… انا هرقع بالصوت يدخل ابوك اقول ان انت بتضربني واسمعه التسجيل اللى معايا

رضوان قال… تسجيل ايه ده

نبيله قالت… التسجيل اللي جيت وشرشحتني في الاوضه وقلت اللى عندك انا كنت مشغله التليفون وسجلت وتتصافو انت وابوك بقى

رضوان قال… انتى اللى يشوف شكلك دلوقتي ما يشفش تصرفاتك انا عشان كنت اشوف تصرفاتك من غير شكلك كنت كارهك

نبيله قالت… والله لا ما جراش حاجه اقعد كارهنى لان انا مش هحبك لاني هفضل اكرهك يعني تقدر تقول كده القلوب مسلمه

رضوان قرب منها وقال… طب نجرب ونقرب

نبيله قالت…. ما هجربش انا اللي هجرب معاه يكون واحد يفهمني يقدرني يحب شوال الرز اللي لابسه ويقدره

رضوان قال… ليه يقدر الشوال بتاع الرز ما يقدر الرز اللي جوه انظف واحلى

نبيله قالت… لا يا تاخد الرز بشواله او ما تاخدش حاجه

رضوان قال… لا والله انا بروح اشتري كيلو الرز عادي جدا من الدكان وبيديهوني فى كيسه بيضاء شفافه من غير شوال والدنيا زي الفل

نبيله قالت… ضحكتني وانا ما ليش نفس وراحت عند الدولاب واخدت منه هدوم وراحت على الحمام

رضوان قال… ايه البت دي شويه وطلعت وهي لابسه بيجامه بيتي وراحت عند السرير

رضوان قال… مش انتى بتسمعى الكلام خلاص متناميش على السرير يلا اتلقحي مطرح ما قلتلك

نبيله قالت…. لا انا هنام هنا

رضوان قال… خلاص تعالي ننام جار بعضينا

نبيله قالت…. اسمع احنا هنام على نفس السرير لكن انت في حالك وانا في حالي

رضوان قال… ليه بس كده

نبيله قالت… هو كده بقى عشان انا تعبانه من الصبح وهموت وانام

رضوان قال…. طب هو انا لو اتاسفتلك يعني على الكلام اللي قلته في الصبح ده يعدي

نبيله قالت…. لا مش هيعدي ما معهوش رخصه

رضوان قال… رخصه لا نامي نامي يا نبيله

نبيله قالت… هنام يعني هقعد على قبالك ونامت وفى صباح يوم جديد قام رضوان من النوم شاف نبيله نايمه جنبه كانت مغمض عيونها وشعرها مفرود جنبها السرير بقى يبصلها باعجاب وقرب منها بس الباب خبط نبيله فتحت عيونها

وقالت… انت بتعمل ايه انت ها ابعد كده

رضوان قال… ما بعملش حاجه انا كنت بقوم بس

نبيله قالت… ابقى قوم من الناحيه التانيه السرير واسع وبطل الحركات دي ما احناش في المترو احنا

رضوان قال…. لا بقولك ايه لمى لسانك انا بقولك اهه
انا كنت بقوم بس انتى فهمتى غلط انا متعود على السرير بنام لحالي وبتقلب كتير بالليل كنت قايم نسيت اصلا انك نايمه جاري

نبيله قالت… طب يا اخويا متنساش تانى وروح شوف مين على الباب

رضوان قال…. هتكون امك جايه تطمن على الصباحيه واخده بالك انتى

نبيله قالت…. لا ما هو انت لو قلت انا هقول اتعدل معايا وخلي ايامك الحلوه دى تفوت على خير

رضوان قال… هو انتى هتفضلي كده لحد متى

نبيله قالت… لحد الفتره اللي انت كنت عاملها في راسك لما جيت وهزقتني وقلت كلامك اللي زي السم يلا روح افتح

رضوان قام وهو بيقول … الواحد ميعرفش يقول كلمه في ام البيت ده وراح فتح وكانت سته في الاربعين وزغرطت في وشه

ورضوان قال…. بس بس يا مرت عمي خشي الواحد لسه يدوب صاحى من النوم دماغي هتنفجر بتزغرتي على ايه

قالت…. ايه يا واد الكلام ده مش مطمنى واصل رضوان طلع من الاوضه من غير ما يرد

دخلت وقالت… بت يا نبيله مالو ده

نبيله قالت… ايه عايزه ايه يا اما جايه ليه على الصبح ضايقتيه

امها قالت… حتى انتى جايه اطمن عليكى

نبيله قالت… امم بعد ما غصبتينى عليه مش كده

امها قالت…. احنا عويدنا كده يا بت إدريس ولا عايزه تعشقى وتتمعشقى زى بنات البندر بعدين انتى مش كنتى رايداه

نبيله قالت بحزن… يوه مش كنا خلصنا ياوليه واتجوزته عايزه ايه تانى

امها قالت… عايزه اعرف اللى حصل

نبيله قالت… قالى مطايقش اشوف وشك ومعاوزكش جارى ارتحتى

الفصل التالي اضغط هنا

يتبع.. (رواية حلم الاميره الضايع) اضغط على اسم الرواية لتجد الفهرس كاملاً بجميع الفصول.