رواية حلم الاميره الضايع – الفصل الثالث
٣…..امها قالت… عايزه اعرف اللى حصل
نبيله قالت… قالى مطايقش اشوف وشك ومعاوزكش جارى
قالت… يا مورى اوعى تكونى كدابه ما انا مربياكى
نبيله قالت…. انا محدش رباني يا اما
امها قالت… اول مره تقولى حاجه صح يبقى مش كدابه انا ليا كلام مع هلو
نبيله قالت بدموع… امم وهتقوليلهم ايه ولدكم مدخلش على بتى ومعوزهاش مفيش واحده تقبل على روحها تقعد مع واحد مغصوب عليها روحى يا اما كفايكى الله يباركلك
امها قالت…. ما ابقاش انا امك ان مندمته ومشيت ونبيله اخدت هدومها وراحت على الحمام عند رضوان كان قاعد مع شاب
وقال… انت بتضحك على ايه يا زفت ما كله من مرتك قولتلها مين اللى فوق قالتلى مشمش وبرقوق وقعدت تهزر لحد ما جيه ابوى وهزئنى وقالى اتجوزها
الشاب قال… اه ما هى لما بتعمل بلوه بتبقى مرتى ولما بتعمل حاجه زينه بتبقى اختك حبيبتك بس انت هتعمل ايه دلوك
رضوان قال…. انا عارف يا احمد هحاول اخد التسجيل وهربيها بمعرفتى عشان دى ناقصه ربايه
احمد قال…. ايوه بس هتاخده كيف يعنى انت عارف مكانه
رضوان قال… على التلفون بتاعها بس حطاله كلمة سر عايز اعرف بس افتحه كيف معرفش واصل
احمد قال… ما انتو لو كنتو استجدعتو وجبتولها واحد بصمه كان فتحته فى تكه بس انتو استرخصتو
رضوان قال…. اه ما انا ناقصك عارف انت هي بس لو تديني ريق حلو هي بس زعلانه انا كنت زعلان من الفكره مش العيب فيها عارف كمان انا عمرى ما شوفتها بتلبس كيف البنات اللي بيلبسوه ده وحتى ما بتقوليش كلمه كل ما اجي اكلمها تقول الكلمه وتمشي
احمد قال… لان هي متدينه وما ينفعش تتكلم معاك
رضوان قال…. ايوه عارف انا بقى عايز احب واحده واتحب من واحده ايه الحل دلوقتي انا عايز اخطب واتصرمح اضحك اكلم واحده بالليل اقولها ابعتيلي صوره ابعتلها صوره نسمع اغانى نتخانق نسمع حزين نتصالح نسمع رومانسي والاجواء دي بس نبيله دى مينفعش معاها حاجه اخرها يشغلولها ايها الراقدون تحت التراب يا اما ربع قران
احمد قال… ومالو القران مش احلى من الاغاني
رضوان قال… استغفر الله العظيم مين قال مش احسن من الاغانى بس انا عايز اعيش زي الناس اللي في سني اعمل ايه كله من ابوى
احمد قال… وايه الجديد ما احنا طول عمرنا كده بنطلع بنلبس بنت العم لولد الخاله اديني انا من اول ما طلعت لبست اختك اقوم اعترض
رضوان قال…. وانت تقدر تعترض ليه بقى ان شاء الله مش عاجباك اختي ولا هتجيب احسن منها لو حد مظلوم في الجوازه دى تبقى انت
احمد قال… اه شفت كلمه الحق طلعت
رضوان قال… لا انا اقصد اختي
احمد قال… لا انت كداب كلمه الحق طلعت الأول بس رضوان شاف امها نازله
قال… يا مرت عمي ليه بسرعه ما بدري بصتله بضيق وجات جمبه
وقالت… ادو قمر للحمار قال خدوه وهاتو قش ومشيت
رضوان قال… هي الوليه دي بتتكلم كده ليه
احمد قال… هي شكلها كده بتها قالتلها على المستخبي وهى بتلحقح عليك انك حمار بتهيالي كده
رضوان قال…. يا بت الجزمه قولتلها ما تقولش لحد حاجه
احمد قال… وفي واحد بيقول سره لواحده ست يا صاحبي اللي يسلم سره لست يبقى كيف الحمار اللي بيسلم راسه للجزار
رضوان قال… ده انا اللي هروح اقطع راسها تقطيع
احمد قال….. ليه بس كده ده احنا بنهدي النفوس ورضوان طلع على الأوضه بغضب
وقال… انتى يا زفت انتى قلتى ايه لامك نبيله كانت قاعده قصاد المرايه بتمشط شعرها
وقالت…. وانا قلتلها ايه ما قلتش حاجه عادي
رضوان قال… عادي كيف يعني انطقى بدل ما انطقك انا قولي قلتليها ايه نبيله راحت قعدته على السرير وقعدت جمبه
وقالت… قول انت قصدك على ايه وانا اقولك صوح ولا مش صوح
رضوان قال… قلتيلها الكلام اللي انا قلتهولك قبل الجواز وان احنا ما حصلش بينينا حاجه امبارح
نبيله ابتسمت وقالت بهدوء… ايوه قلتلها
رضوان قال… يا سلام وبتقوليها كده ولا كنك عامله حاجه
نبيله قالت… عملت ايه امى وانا حكيتلها الام سر بتها والبنت سر امها
رضوان قال بغيظ….. امم يعني اي حاجه هتحصل هتروحي تقوليها لامك
نبيله قالت… ايوه انا اما حاجه بتزعلني بروح ابكي في حضن امي واول ما حاجه تفرحني بروح اضحك مع امى واما حاجه تضايقني بروح اقول عليها لأمى بتى امى عاد تقول ايه
رضوان قال… امك تاكلك وتوزع عليكى قرص ان شاء الله بعد الاربعين
نبيله قالت… والله بشوقك ادعى براحتك وانا ادعى واللى دعوته تصيب اشطه
رضوان قال… لا تدعى ايه هو انا ناقص طب انا عايز ارجع فى كلامي وعايز اتنيل معاكي عشان تبطلى فضايح
نبيله قالت بردح … ليه بقى ان شاء الله انت فاكرني قلتلها عشان انا مشتقالك ولا عايزاك تيجي جنبي هى قالت انها هتروح وتقول لأبوك وتخرب الدنيا على دماغك وانا قلتلها ابدا اللي ما يعوزنيش ما يعوزنيش انا قاعده معاك لحدت ما الاقي واحد حليوه ساعتها هتطلق منك واتجوزه انا بس قولتلها عشان لما اتطلق يبقى عندى سبب ما تقولش ان انا اتطلقت كده اصل هي كمان زنت عليا عشان اتجوزك مش بس انت يعني ولا ما كنتش اتجوزك انت
رضوان قال… يا حلاوتك وانتى هتدورى على الحليوه وانتى على ذمتي ولما تلقيه تطلقي
الفصل التالي اضغط هنا
يتبع.. (رواية حلم الاميره الضايع) اضغط على اسم الرواية لتجد الفهرس كاملاً بجميع الفصول.