رواية حكاية العمر كلو – الفصل الثاني
٢… قمر قالت بغيظ منه . …ولما هى أوضتك والحجات دى كلها بتاعتك جيبنى فيها ليه
حربى قال ..ما هى دى كمان أوضتك احنا من بكره هنام فيها سوا وانا الليله هبات على السطوح مش مشكله
علشان القمر يرتاح اسهر للصباح قمر اتنهدت بضيق
وقالت …انا قولت لعمتى انى مش هتجوزك ماهو مش معقول يعنى كل المرمطه دى علشان متجوزش اهبل فاقوم اتجوز مجنون تمام انت نام هنا فى أوضتك عادى وانا هنام على السطوح.بس حربى مسك ايدها
وقال..تنامى على السطوح ليه عزه واقفه جمبك وبعدين انا مش فاهم حاجه منك وكمان امى مقلتليش حاجه مين الاهبل الى سبتى بيتك بسببه قمر قعدت على السرير و اتنهدت بدموع
وقالت ..ابن مرات أبويا انا لما كان بابا عايش كنت بتحامى فيه دلوقتى بقى أول مامات وابن مرات ابويا مصمم يتجوزنى وانا لما مرضتش بقى يتحرش بيا وكده وخدت بالها لكلامها
قالت ..بس فا خوفت اقعد هناك وجيت هنا لأنى مليش غير عمتى وهى لما عرفت مامنعتش حربى قعد جمبها
وقال…انا كده فهمت بس انتى متجوزتيهوش ليه
قمر اتوترت و قالت بسرعه …مينفعش خالص ده بيشرب وبيقامر وكل يوم سهره فى البيت طب ده انا مره صاحبه ضيقنى وقلتله قلى عادى مايقصدش تلاقيه تقل شويه فى الشرب ومعملش حاجه خالص حربى اتضايق جدا بس لما شاف حزنها محبش يزودها عليها
قال بمرح مصطنع..عادى مدام مفيهاش فيلينج يبقى سووات
قمر ضحكت جامد ومسحت دموعها وقالت..اه فعلا عندك حق بس بصتله بطرف عينها وقالت …وانت سو وات برضه ولا بس حربى قطعها
وقال …انا طب خلى حد يبصلك كده وانتى معايا وانا اخلى امه تصوت عليه قال سو وات قال
قمر قالت … طب و انت هتنام فين دلوقتى
حربى قال ..هو انا قبل ما تحكيلى كنت هنام فى الصاله او على السطح بس دلوقتى بقى أنا مضطر انام هنا جمبك بقى وامرى لله علشان أحميكى قمر ضربته بايدها فى كتفه
وقالت ..يا أخى اتكلم جد مره واحده بس مره واحده
حربى ضحك وقال….طب خلاص انا هطلع انام على السطح وأشوفك الصبح تمام قمر هزت دماغها وهو ومشى وقمر بصت لطيفه بابتسامه جميله وحربى طلع على السطح ومددعلى الكنبه وبقى يفكر فيها وفضل وسط أفكاره لحد مراح فى النوم فى صباح يوم جديد قمر وعمتها كانو بيجهزه الفطار و
سماح قالت ..روحى يا قمر يابنتى اطلعى صحى حربى من فوق معلش انا مش هقدر أطلع السلم رجلى وجعانى شويه
قمر قالت … الف سلامه عليكى يا عمتى حاضر هطلعلو انا وطلعت على فوق وكان حربى نايم وقفت قدامه وبقت تتأمل ملامحه ببتسامه جميله
بس حربى قال وسط نومه …يبت اخلصى بقى ابوكى هيطب علينا قمر اختفت ابتسامتها ومسكت مخده من جمبه وضربته بيها جامد
وقالت بغضب مكبوت… قوم يادنجوان عصرك قوم فز حربى قعد بسرعه
وقال بخضه …طب علينا بس قطع جملته وقال.. ايه فى ايه حد يصحى حد كده
قمر قالت …مين هو الى طب عليكم ها مين
حربى قال بحرج… ها لا محدش طب علينا ده الموبايل بتاعى هو الى طب بس قمر بصتله بعدم تصديق
وقالت ….امم طيب مامتك بعتانى اصحيك علشان تفطر وبتقول معاد شغلك جيه يلا ونزلت وسابته مكانه و حربى اخد شور ونزل هو كمان
وقال ..صباحو وباس جبين امه وقعد معاهم على الفطار
وسماح قالت..يسعد صباحو وفطرو سوا ونزل الورشه بتاعته
وجيه معاد الغدا وقمر جهزت الأكل وكانت مستنياه
وقالت بتردد بقولك ياعمتى هو حربى هيجى امتى علشان الأكل يعنى
سماح قالت ..لا هو مخدش الاكل معاه قمر قالت اكل ايه ليه هو مش هيتغدا معانا
سماح قالت..لاهوكده مش هياجى انتى هتروحيلو وبصتلها وقالت …علشان توديلو الاكل يعنى هو بيتغدا هناك اصلا بس انا رجلى وجعانى مش هقدر اروح قمر اخدت الاكل بسرعه وراحت توديهولو
بس سماح
قالت ..الورشه على يمينك اول متنزلى على طول علشان متلفيش ها
قمر خبطت دماغها بايدها وقالت حاضر ياعمتى ومشيت بسرعه وراحت على الورشه بس وقفت مكانها لما لقته واقف جمبةالعربيه وفى بنت واقفه تضحك معاه وحطت ايدها على كتفه
وقالت … تسلم يا أسطى والله ايدك تتلف فى حرير بس
قمر راحت عندهم وقالت … الاكل نسيت الاكل وحطته بضيق على كبوت العربيه وقالت ..يا أسطى حربى بعد بسرعه
وقال ..اهلا ياقمر اتفضلى وبص للبنت وقال ..تمام لما تجهز العربيه انا هبقى اتصل بيكى
البنت قالت..تمام ياأسطى ومشيت بدلع وحربى بصلها ورفع حاجبه
وقال…فعلا افتح الكبوت واقفلو المزاج المايل النسوان تعدلو
بس قمرقالت بغضب …دى تعدل المزاج دى نسوان أصلا دى
نسناس دى بس قطعها حربى
وقال..نسناسه فى فرق كبير على فكره و بعدين مش انا الى بقول كده ده محمد ثروت الممثل هو الى بيقول يلا ماعلينا جبتيلى الأكل انا نسيتو خالص بس قمر ادتلو الأكل ومشيت على طول. بالليل كانو قاعدين بيتعشو سوا وقمر كانت قاعده قصاد حربى بس كانت بتتجاهله على الاخر
وحربى بصلها داس بخفه على رجلها من تحت الترابيزه قمر شرقت وبقت تكح وسماح ادتلها ميه
وحربى بقى يضحك وقال..براحه كلى براحه قمر بصتله بتوعد ..
الفصل التالي اضغط هنا
يتبع.. (رواية حكاية العمر كلو) اضغط على اسم الرواية لتجد الفهرس كاملاً بجميع الفصول.