رواية كارثه خفيه – الفصل الثاني
٢ جيه شاب…. مستنيين حد هنا يا باشا
محمد…. اه مستنين الست اللي بتبيع التين هنا
الشاب… قصدك نجاح ما جتش النهارده
محمد… ليه ما جتش
الشاب…. ايش عرفني يا بيه اساسا هى صعيديه مقفله خالص واول ما بيكلموها بتفكر ان الناس بتتحرش بيها ما حدش بيكلمها اصلا بتيجي تقعد فى حالها لحد ما تمشى ماحدش يعرفها اصلا ولا يعرف عنها اي حاجه خالص
محمد…. صعيديه انت متاكد انها من الصعيد يعني هي حكتلك انها من الصعيد طب حكيتلك ساكنه فين طيب هنا ولا هناك ما تعرفش
الشاب.. لا هى ما حكتش انا عرفت لوحدى هى بتتكلم صعيدي بتقول يا ابوي واما ولبسها هى زى ما قولتلك لو حد قالها صباح الخير بتفكروا بيتحرش بيها مقفله خالص ولبسها صعيدي وكلامها انا عرفت من لهجتها باينه يعني يا بيه بس انتو لو عايزين تين عندي تين موصوف يا بيه نظيف وحلو وبنقشرهولك كمان لو عايز
محمد…. لا شكرا
الشاب….. ولو عايزو مش متقشر برده بنديهولك
محمد… شكرا يا عم الله يسهلك روح…. اه ما جتش
سلمى…. سمعته هى هربانه لو كانت عايزه تواجهنا يعني مثلا ما كانتش بعتتلي الورقه كانت قالتلي عل الامانه في وشي انا شاكه في اختك عليا هي اللي بعتتها عشان تقلقنى
محمد…. استغفر الله العظيم يا رب
سلمى….. ايه مش اختك
محمد….. لا طبعا مش اختى… اختي ما تعرفش الاشكال دي عشان تبعتها والراجل لسه قايلك انها من الصعيد واختي ما راحتش الصعيد ما تعرفش حد في الصعيد وبعدين اختي بتناقر معاكى عادى غيره ستات ما تكرهكش لدرجه انها تسيب بيتها واولادها وتجيب واحده وتديها فلوس علشان تقلقك ده انا اختي الجنيه بيطلع من جيبها بعمر جديد
سلمى…. عندك حق هي بخيله طب هنعمل ايه دلوقتي انا مش عارفه
محمد… انتى ليه اخدتى الامانه على الاولاد ما يمكن تكون حاجه تانيه مش يمكن مثلا عليا لانك كنتى متضايقه منى وانا حليوه وخساره فى البهدله
سلمى… انا اللي نفسي اعرف انت من امبارح نازله عليك سلطنه ما تسلطنتهاش من ساعه ما اتجوزتك يعني انا متهيالي اخر مره شفتك رايق فيها كده من ليله الفرح وانت فرفشه الدنيا كلها جايالك دلوقتى
محمد… كل مره بتكوني هاديه فانا ببقى عصبي اما انتى بتكوني متعصبه انا ابقى رايق عشان المركب تمشي عشان ما نخبطش بعض احنا الاتنين نعور بعض ونطلع بعد اسبوعين في برنامج المسامح كريم
سلمى…. خلاص بقى الساعه دي والله مش طالبه معايا خالص
محمد…. هنروح عند ماما هي مستنيانا مع العيال هناك
سلمى…. ايه يعني هنروح مش هنسال على بيت الست دي
محمد… هو حد يعرفها عشان يدلنا هنيجي تاني بكره ان شاء الله نلاقيها
وراحو على بيت ام محمد
محمد… بس يا ماما وده اللي حصل من اوله لاخره
سعاد…. وانتى يا اختي اخدتي ليه ان الامانه على عيالك مش يمكن تكون على اي حاجه تانيه
سلمى… هتكون على ايه يا خالتي
سعاد… ما هي حاجه تحير يا بنتي
سلمى… مش كده يا خالتي اصل انتى يا خالتي ما شفتهاش وهي عماله تبص للولاد تبصلهم كده وتقولي اولادك دول اولادك الاربعه خلفتيهم امتى عندهم كم سنه بصت على كل عيل فيهم من اول ولد الكبير خصوصى البنت الصغيره برقتلها لدرجة انها خافت وانا بصراحه مش عارفه اقول ايه كده قلبي اتقبض وما عرفتش ارد عليها
سعاد…. لا ما تخافيش يا حبيبتي ان شاء الله ما فيش حاجه قولي يا رب يا بنتي ان شاء الله مش هيجيب حاجه وحشه ربنا ما بيجيبش حاجه وحشه لحد مسكينه يمكن اعصابها فيها حاجه حتى لو مش كبيره في السن عادي البنات بتكون صغيره صغيره وبتيجيها الامراض ربنا يشفي
سلمى… المشكله ان احنا لما رحنا ما لقيناهاش كلهم قالوا انها من الصعيد مقفله ما بتتكلمش مع حد ما حدش يعرف بيتها
سعاد….. ايه يا محمد انت سايب مراتك كده ليه ما تهديها يا ابني ولا انت معدي بالصدفه
محمد…. انا من امبارح بهدي ما فيش فايده دى لا فطرتنا ولا غدتنا وانا على لحم بطني من العشا اللي اكلناه عندك امبارح قبل ما نجيب قفص التين المشؤم وهي على الحاله دي عادى واحده قالتلك خلي بالك على الامانه اللي معاكي ماشي حاضر هنخلي بالنا على الامانه حاضر الحاجات بتاعتنا البيت وعلى الاولاد وعليا على فكره هي مبعوته من ربنا عشان انتى مقصره معايا ليكي فتره انا ملاحظ الموضوع
سلمى بغيظ… اش امك قاعده
محمد… ايوه والله مقصره في حقي عارفه يا ماما مقصره في حقي جدا
سعاد…. وانت اسم الله عليك قايم بحقك 24 درجه ده انت بتطلع 6:00 الصبح بترجع 9:00 بالليل ما بتقعدش غير الجمعه والسبت وما حدش بيشوفك تاني والنبي تتلهى
محمد… شكرا دى امي على فكره دى اكتر واحده ترفع معنويات في الدنيا
سعاد… انا عشان امك اكذب يعني واقولك انت جدع انت مش جدع بنت يا سوسن
سوسن… ايوه يا ماما
سعاد… جهزى غدا لاخوكى ومراته ما اكلوش
سوسن.. حاضر ياما
سلمى… والله انا مش قادره اصلا اكل
سعاد… ايه اللي مش قادره تاكلي والله العظيم ازعل جدا لو عتبتى باب البيت من غير ما تاكلي جوزك بيقول انك ما اكلتيش من امبارح من العشا اللي كان عندي بعدين يا اختي انا طول عمري لحد دلوقتي عمري ما حد دخل بيتي ويطلع منه جعان وما تضيعش المسيره وانا ست على اواخر ايامى ما تكسفنيش وتقعدي…… اوعى كده يا واد عايزه مرات ابني في كلمه……. يا بنت كلي واشربي كده وتشدي شويه ما حدش هينفعك غير صحتك الرساله اللي اتبعتتلك في التين دي من الست الهبله او من مين ما كان يكون حاجه المفروض نخلي بالنا على الامانه اللي معانا الامانه اللي معانا عيالنا الامانه اللي معانا جوزنا امانه اللي معانا صحتنا كل حاجه دي امانه عندنا من ربنا وهنتسال عليها……. بعدين يعني لما انتى ما تاكليش بقالك ٣ ايام وتفضلي تدوري على الامانه اللي عندك عشان تخلي بالك عليها ما الامانه دي هتضيع عيالك من امبارح لا اكل ولا شرب ميتين من الجوع انا اكلتهم وحميتهم ونيمتهم جوزك اهو سايب شغلو وقاعد يدور على الست انا مش هقولك ارميها وراكي وعيشي كانك ما سمعتيش لانها مش هتحصل الموضوع لما بيوصل عند ولادنا الواحده ما بتنامش بس كمان يا حبيبتي بالعقل….. ناخد بالنا من بيتنا وندور خدي بالك على نفسك وعلى بيتك وجوزك والله العظيم يتجوز عليكى ابني ده واطي على فكره لو قصرتى معاه سواء ك مراته ولا في البيت والله العظيم يتجوز عليكى ده نتن انا عارفاه
محمد….. يا ماما ما انتى كنتى ماشيه حلو
سعاد… انت رامى ودنك معانا ليه خليك عندك يلا قومي ناكل قومى
سلمى…. حاضر يا خالتي
وقامت تغسل ايديها
سعاد.. في ايه ياض مالك بمراتك من ساعه ما جيت وانت بارد الامانه اللي انت بتدور عليها دي ولادك انت كمان وربنا يستر ولا جابتهم الشارع
محمد… عيالي يا ماما بس مديه الموضوع اكبر من الحجم
سعاد.. لا هو كبير على فكره بقى مش علشان بنهديها يبقى هو صغير لا هو كبير وكبير قوي اشمعنا انتو من بين الناس كلها اللي راحت اشترت منها والناس اللي ماشيه في الشارع اللي راحت قالتلك خلي بالك ها….. راعي مع مراتك ما تبقاش هم على الهم جاتك البلا وانت شبه ابوك اهو كان كده الله يرحمه الاقي صباع رجلو وما الاقيهوش
محمد… ما انتى لازم تلاقي صباع رجلك يعني هيروح فين ياما
سعاد… ما فيش فايده ما بتفهمش اصلا
بعد وقت….. محمد…. يلا يا شباب هنروح بينا يلا
ومشيو ورجعو بيتهم وكانو فى العربيه وسلمى شافت الست بتاعت التين بتبص من شباك البيت
سلمى…. الحق يا محمد الست بتاعه التين اهي قدام باب بيتنا
محمد نزل من العربيه….
الفصل التالي اضغط هنا
يتبع.. (رواية كارثه خفيه) اضغط على اسم الرواية لتجد الفهرس كاملاً بجميع الفصول.