رواية دلال الرعد – الفصل الثاني
٢… وكانت لابسه بدلة رقص ورابطه المنديل على وسطها وراكبه فوق التربيزه وبترقص
وبتقول….. ولبسنا يا بدله رقص قطعه واحده وفي بيت دعاره يلا يا اختي ومعاها كام بنت تانيين بيرقصوا معاها وبيزغرطو ويسقفوا بس وقفت اول ما شافتهم ونزلت من على الترابيزه
امه قالت بصدمه… دي دي ينفع تكون زوجه وام لاولادك دى ينفع تدخل بيتنا المحترم بيت الحاج امام منك لله هقولك ايه تاني ومشيت
رعد راح عندها وقال….. ايه اللي انتى عملاه ده
دلال قالت…. كنت بعلم البنات الرقص كل عصريه بلم البنات بتوع الحاره ونقعد كده نعلم كل البنات اللى قربوا يتجوزو فن الرقص والهز عشان الواحده لما تتجوز تاكل عقل جوزها وما يبصش بره
رعد قال…. بسب دروسك دى ضيعتيني وضيعتي نفسك بعد ما وافقت عليكى بقولك ايه
دلال قالت… ايه
رعد قال…. خبي المنديل ده عشان لو حصل نصيب تهزيلي انا عشان ما ابصش بره دلال ضحكه بدلع
وقالت… انت بس اتجوزنى وانا ههز وارز ووز هنخربها
بس قاطعهم دخول بدر لما
قال.. يا نابليون عصرك يلا
دلال قالت… مين اللي دخل من غير احم ولا دستور
بدر قال…. وانتو فاتحين الباب على البحرى ليه طب اقفلوا الباب لا الدستور يستهوا يلا يا زفت واخد رعد ومشى بيه وراح على البيت ووقف قدام امه
وقالت… انت عارف انت ما قعدتش قدامي القعده دي من امتى
رعد قال… من امتى
امه قالت…. من ايام ما كنت اديلك الفلوس تروح الدكان وكنت توقعها وتجيني على كده بقى دى البنت الغلبانه
رعد قال…. اه غلبانه دا شغل يا اما وبعدين كلهم بنات انتى شوفتى رجاله هناك
امه قالت… والله ولبسنا بدله رقص دى عادي
رعد قال… لا يا اما دى دي اغنيه في فيلم على فكره
امه قالت…. اخرس الاغاني كتيره والافلام كتيره ما لقيتش غير دى
رعد قال… يا اما البنت بتحبني وانا بعد الجواز مش هخليها تعمل اي حاجه من الحاجات دي بس واقفى عليها
امه قالت… يالهوى اشمعنا دى ما البنات الكويسين مالين الدنيا
رعد قال… بحبها يا اما ميت فيها
امه قالت… طب اعتبرني وافقت
رعد قال… الله يباركلك يا رب
امه قالت…. ايه اللي هيحصل
رعد قال… في ايه
امه قالت…. في الفرح لما نعمل الفرح ونعزم اعمامك وخوالك والناس اللي تعرفنا دى هتليق بعيلة الشيخ امام الشافعى وطبعا هتحضر الفرح ومعازيمها يعني هتجيب مين
بدر قال بضحك…. هتجيب حمو بيكا
رعد قال… بايخه اوى
بدر قال… بصى يا اما انا عايز اقولك على حاجه هي مش كويسه تمام مش مناسبه خالص يعني بس هو عايزها احنا نقولها فى الفرح يعني تحاول تنقي شويه معينين كده يحضروا معاها ونعدي الليله اقولك بلاش الفرح اصلا نعمل كتب كتاب كده هنا على قدنا وخلاص ودا عادى عندنا يا حجه
امه قالت…. هتوافق تتجوز من غير فرح
رعد قال بسرعه… ان شاء الله بس انتى قولي اه
امه قالت…. خلاص اتنيل على عينك روح اتفق معاها بس انا مش هروح هناك تانى انا هكلم عمك وهقول ان انتو رايحين الخميس الجاي نكتب الكتاب وتجيبها معاك وهشوف يوم كتب الكتاب بس يمكن اجى عشان الناس
بدر قال… وانا يا اما صابر انا كمان هتجوز عزه امتى
امه قالت… لما ابقى اشوف ابوها بس استنى لما نجوز اخوك خلينا نخلص من مصيبه مصيبه عشان خبطتين في الراس بيوجعه
رعد باس دماغ امه بفرحه وقال…. هروح اقابلها واقولها
وراح عند دلال
وقال… بس بقى يا بنت وبعدين معاكى
دلال قالت… ولا قبلين عادى ايه يعنى لما تقولى انك ما عوزش حد من اهلي يحضر الفرح
رعد قال…. هما فين اهل دول انا قلتلهم ما ياجوش دول اصحابك
دلال قالت… ايوه اهلي هما صحابي انا كبرت وسطهم ومعنديش غيرهم
رعد قال….. معلش بقى تعالى على نفسك شويه
دلال قالت…. ما انا ياما جيت على نفسي علشانك جيت على نفسي بعد كلام امك اللي زي الدبش وجيت على نفسي وانت جاي تقولي ان انت مستعر من اهلي وان اهلي ما يصلحوش لعيلتكم ومع ذلك مكمله عشانك اجي على نفسي ايه اكتر من كده ده انا حبه كمان ومش هشوفني
رعد قال…. مش مهم المهم ان انا شايفك وهعوضك على كل حاجه انشاء الله
دلال قالت…… هتعوضنى ازاي هتتجوزني تاني مليش نفس انا زى كل البنات البس الفستان ابيض واعمل فرح وافرح انا وصحباتى من قله بختى مستكترين عليا فرحتي انت وامك روح جهز يا رعد ومشيت بدموع بعد اسبوع كانو كتبو الكتاب ومروحين على شقتهم
وأمه كانت قاعده جمبه وقالت…. انا هروح البيت عند خالتك النهارده
رعد قال…. كلك ذوق يا حجه
امه قالت…. وانت يا بدر هتيجي معانا
بدر قال… لا يا ماما انا هبات مع واحد صاحبي النهارده
امه قالت… ماشي ونزلت بس بدر كان سايق بطريق تانيه
دلال قالت…. هو اخوك مشي من هنا ليه مش المفروض يمشي من الناحيه التانيه
رعد قال…. لا ما احنا مش رايحين البيت
دلال قالت…. ايه ده بجد رايح فين
رعد قال… مفاجأة
دلال قالت…. ماشي اما نشوف بعد شويه كانو وصلوا مكان كده ونزلو وكان متزين دلال بصت للمكان بستغراب
الفصل التالي اضغط هنا
يتبع.. (رواية دلال الرعد) اضغط على اسم الرواية لتجد الفهرس كاملاً بجميع الفصول.