رواية زهرة وسط أشواك – الفصل الثلاثون
: انزلي
سهر بتوتر…. ا. انت جايبني هنا ليه
بصلها حمزة وقال .. عاوز اتطمن علي البيبي.. اي اللي مخوفك
بلعت ريقها برعب لكن علي قد ماقدرت حاولت ثابتة وقالت…. وو خاف من ايه.
بصتله وكملت بقوة مصتنعة….بس انا مش هنزله. سامع. مش هنزله ياحمزة
حمزة بكل هدوء …. مين قال تنزليه.. انا عاوز اتطمن عليه بس وعلي صحته
وهو بينزل من العربية وبيلف الناحية التانية
فتح الباب ل سهر وشدها من دارعها.وهو بيقول.. يلا ياقلب حمزة نتطمن علي ابننا
واخدها من ايدها ودخل المستشفى وهي حرفيا هتمو،ت من الرعب وهي خايفة يكشفها ويعرف الحقيقة بقت ماشية معاه بتقدم رجل وتأخر التانية
….
عند زهرة
زهرة بجمود….. مقولتليش ليه ان عندك حد
شيري…. دي مش حد يا زهرة. دي مامتك
قامت هيام قربت عليها وقالتلها… مكنتيش عاوزة تشوفيني يا زهرة
زهرة بنفس جمودها… اسفة. بس انا معرفكيش
وبصت ل شيري… عن اذنكو
ولفت وراحت تمشي
شيري قامت بسرعة لحقتها … زهرة. رايحة فين
مسكت ايدها وقالت…. دي امك يازهرة. اللي اتحرمت منك سنين زي ماانتي اتحرمتي منها بالظبط.
زهرة شاورت عليها وقالت… دي قاتـ لة
هيام بسرعة…. لا. لا يازهرة. انا مقـ تلتش. ومتسببتش في مـ وت حد. وأديكي عرفتي انا عملت ايه علشان انقذ يوسف
زهرة…. انتي اتسببتي في مـ وت مامت رحيم
هيام…. لا مش انا. والله ماانا صدقيني. دول جدك وخيلانك ورحيم خد بطاره منهم وخلص عليهم كلهم. قتـ ل اخواتي الاتنين وجدك. يعني انا اللي ليا طا، ر عند رحيم مش هو.
قربت عليها وحاوطط كتافها الاتنين وهي بتقول… بس انا خلاص. سامحت. لان عارفة ان عيلتي هي اللي ابتدت.. انا دلوقتي مش عاوزة اي حاجة من الدنيا غيرك انتي يازهرة. عاوزة بنتي في حضني.عاوزة اعوضك واعوض نفسي عن السنين اللي اتحرمنا فيهم من بعض.. تعالي في حضني
وفتحت ليها ايديها
لكن زهرة فضلت واقفة متجمدة وهي مش قادرة تقرب ليها
هيام…. تعالي يازهرة
زهرة بصت ل شيري اللي هزت راسها بمعني انها تقرب وتحضنها.. فضلت ثواني مترددة وبعدين قربت بهدوء
وهيام ضمتها ليها بحب وهي مش مصدقة ان خلاص بنتها بقت معاها وفي حضنها
: يااااه. متعرفيش كان نفسي في الحضن ده قد ايه
خرجتها من حضنها ومسكت وشها بين ايديها وقالتلها…. من النهاردة مش هسيبك مش هسيبك تبعدي عن حضني ابدا يازهرة
وبقت تحضنها بحب واشتياق
شيري مثلت الغيرة وقالت .. كدا انا هغير.. زهرة اساسا بنتي
وبصت ل زهرة… ولا ايه
زهرة ابتسمت… انا بحبك اوي ياشيري
شيىري…. وانا بموت فيكي
وباستها علي خدها
هيام بحب .. ربنا يخليكو لبعض
وبصت لزهرة … هتيجي تعيشي معايا يازهرة
زهرة بسرعه…. لا طبعا.
بعدين قالت لما حست انها هتزعل… احم. مش قصدي. بس مش هينفع
هيام…. ليه ياحبيبتي.
سكتت وهي مش عارفه تقول ايه
فهمت هيام انها محتاجة وقت علي بال ما تاخد عليها
ف قالت…. طيب ممكن تيجي تقضي معايا اليوم النهاردة وتباتي معايا. عاوزة اشبع منك
زهرة….. بس رحيم مش هيوافق
هيام بضيق …. رحيم مالوش حاجة عندنا. انا امك وليا الحق فيكي. هو ميقدرش يعمل حاجة ولا يقدر يمنعك
شيري…. صح يازهرة هو ميقدرش يمنعك
لكن زهرة قالت …. لا لازم يبقي موافق.. مش هينفع اعمل حاجة من غير رضاه
شيري…. خلاص كلميه وقوليلو
وبالفعل مسكت زهرة تليفونها واتصلت علي رحيم
زهرة…. رحيم.
رحيم… ايه يازهرة
سكتت وهي مش عارفه تجبهالو ازاي.. هي متاكده انو هيغضب عليها
رحيم…. انتي كويسة
زهرة… اه. كويسة .
واخيرا شجعت نفسها وقالتلو… رحيم. م مكن اقضي اليوم مع امي النهارده وابات معاها
رحيم… امك مين
زهرة… امي يارحيم ماانت عارف
رحيم اتنهد بضيق…. انتي فين
زهرة…. انا معاها
رحيم…. طب ارجعي البيت
زهرة…. اسمعني بس
قاطعها بغضب…. سمعتي. ارجعي البيت حالا.
وبتحذير…. مش عاوزك تعرفي الست دي..عاوزك تنسيها. فاهمة
زهرة باندفاع…. بس دي امي يارحيم
ابتسمت هيام وهي واقفة بفرحة لما زهرة قالت امي
حاولت زهرة تتكلم بهدوء وقالت…. انا مقدرة اللي بينك وبينها. بس هي في النهاية امي. علشان خاطري بلاش تمنعني عنها. رحيم انا كان ممكن اروح عندها من غير مااقولك. بس حبيت استأذنك الاول مش عاوزة اعمل حاجة من غير رضاك.. قولت ايه. اروح
رحيم اتنهد لأنه حس انو بكده هيظلمها وهي ملهاش ذنب ف رد بهدوء وقال .. روحي يازهرة
……………..
في المستشفى
عند حمزة وسهر
سهر قاعدة مرعوبة وهي مش عارفة تعمل ايه او تتصرف ازاي خلاص كلها دقايق وكدبتها تنكشف
بس من حظها ان حمزة قام يشوف الدكتور لانه اتأخر
وبمجرد ما اتحرك من جمبها ماحمزة طلعت تليفونها بسرعة وكلمت امينه
سهر بصوت واطي قالتلها باستنجاد… طنط. الحقيني ياطنط
امينه باستغراب.. في ايه يابت
سهر…. انا عند الدكتور. حمزة صمم يكشف عليا. الحقيني ياطنط ارجوكي كلها ثواني وهدخل للدكتور وهيعرف اني كدبت عليه
امينة… طيب متقلقيش انا هتصرف. اقفلي دلوقتي.
قفلت معاها في نفس اللحظة حمزة رجع وهو بيقول ل سهر يلا قومي. هندخل للدكتور
سهر بلعت ريقها برعب وهي متجمدة مكانها علي الكرسي
حمزة…. قومي اخلصي
سهر… ح حاضر وقامت ولسه هتتحرك معاه يدخلو للدكتور
تليفون حمزة رن
حمزة طلع التليفون من جيبه ولسه هيكنسل لاقها امه
رد عليها وقبل مايتكلم سمع صوت اخته الصغيرة دينا اللي بتقول بقلق وخوف.. حمزة الحق ماما ياحمزة
حمزة اتخض… في ايه
دينا…. ماما مغمي عليها ومش عارفين نفوقها
وبدموع… الحقها ارجوك
حمزة…. انا جاي حالا
ونزل بسرعة من المستشفى ومعاه سهر اللي كانت بتاخد نفسها براحة وهي بتحمد ربنا في سرها ان امينه اتصرفت وانقذتها من الموقف
……..
بعد وقت وصلو الفيلا حمزة طلع بسرعة علي اوضة امينه لاقها نايمة في السرير بتعب
قرب عليها بسرعة وهو بيبوس راسها وايدها وقال بقلق…. ايه اللي حصل.
امينة بتعب مصطنع… الحمدلله ياحبيبي.. السكر علي عليا شوية. بس اخدت العلاج والحمدلله بقيت كويسه متقلقش
باس راسها وقالها .. الف سلامة عليكي ياست الكل
كمل وقال… هطلبلك الدكتور علشان نتطمن عليكي
امينة بسرعة…. لا لا ياحبيبي. انا بقيت كويسه خلاص
……….
زهرة دخلت مع هيام الفيلا وهي مترددة وكانها مش حابة تدخل
هيام حست بيها…. مالك ياحبيبتي
زهرة بهدوء …. مفيش. بس
وسكتت
هيام…. زهرة انا عارفة انك صعب عليكي تدخلي البيت ده.
زهرة…. غصب عني. انا اسفة بس مش قادرة اتقبل ان العيلة اللي طول عمرها بينها وبينا طار. يطلعو عيلتي.
هيام…. هما خلاص. مبقاش حد فيهم موجود.
كملت بحزن…. كلهم راحو يازهرة. وعلي ايد اخوكي
زهرة بحذر… هو كان بياخد حقه
اتنهدت هيام… عارفة..
ابتسمت وقالت… المهم.. تعالي بقا علشان عاوزة اقعد معاكي كتير واشبع منك.. عاوزة احكي معاكي للصبح واعرف عنك كل حاجة….بس ثواني اخليهم يحضرولنا عشا…. يافايزة. يافايزة
طلعت من المطبخ ست في سن الخمسين واول ماشافتها قالت ببتسامة.. حمدالله على السلامة ياهانم
هيام.. الله يسلمك
قربت فايزة علي زهرة باستغراب وهي بتقول…. ماشاء الله
وبصت ل هيام…. دي اكيد بنت حضرتك.صح
هيام ببتسامة…. صح.هي زهرة يافايزة
فايزة….ماشاء الله تبارك الخلاق..قمر زيك ياهانم. ربنا يخليهالك ولايحرمك منها ابدا
هيام…. يارب. تسلمي يافايزة.. بقولك ايه ادخلي خليهم يحضرولنا عشا كويس
فايزة…. عيوني.ثواني و احلا عشا يكون جاهز
ودخلت المطبخ وهيام اخدت زهرة وطلعت اوضتها وقعدو علي السرير يحكو
زهرة… هو ليه حضرتك مفكرتيش تتجوزي
هيام….. عمري مافكرت اتجوز بعد زيدان الله يرحمه
وابتسمت بحزن وهي بتبص علي صورته اللي متعلقة علي الحيطة
زهرة… كنتي بتحبيه
هيام ابتسمت بشرود… عمري ماحبيت غيره في حياتي. بس ربنا يسامحه جدك. هو اللي حرمنا من بعض
زهرة…. المشكلة انو كرر نفس اللي اتعمل معاه وعملو مع رحيم. المفروض كان يبقي اكتر حد حاسس بيه لانه جرب وعارف يعني ايه فراق
هيام…. علشان ياسمين يعني
زهرة… اه
اتنهدت هيام وقالت …. اهي ياسمين دي كل ما بشوفها بحسها انا فعلا.. نفس اللي حصل معايا زمان. ربنا يسامحهم بقا جدودك الاتنين
زهرة…. بس انتي كنتي ممكن تكملي حياتك وتتجوزي. قدرتي تكملي ازاي لوحدك كل ده
هيام…..انا مقدرتش اشوف راجل في حياتي غير ابوكي.عمري مانسيتو.هو عايش جوايا لسه..
ابتسمت وقالت…. وبعدين حبيت اشغل نفسي بقا. وهبت حياتي كلها للشغل..نسيت نفسي. كنت انا البنت الوحيدة علي 3 ولاد اتربيت معاهم وبقيت بشتغل احسن منهم ومسكت شركات جدك كلها
زهرة ابتسمت… حضرتك اسمك مسمع في السوق اوي
كملت بضحك .. اسمك لوحده بيخض وبيوقف اللي قاعد
هيام ضحكت…. طبعاا.. انا بيتهزلي رجالة بشنبات
زهرة بضحك…. حصل
كملت وقالت بفخر…. حضرتك ناجحة جدا. طول عمري معجبة بيكي اصلا ودايما كنت بتمني اكون business woman ناجحة زيك
ابتسمت وكملت… من غير مااعرف انك امي اساسا
هيام…. بإذن الله هتكوني احسن مني. وهتكوني احسنbusiness woman في الدنيا كلها…..
سكتت ثواني وبعدين قالتلها بتردد… زهرة
زهرة… نعم
هيام… ممكن تقوليلي ياماما. نفسي اسمعها منك
زهرة….
……
تاني يوم…
زهرة قاعدة مع عمتها
وفي الناحية التانية امينة وسهر قاعدين مع بعض
سهر بامتنان…. متشكرة اوي ياطنط علي اللي عملتيه. لولاكي كان زمان حمزة عرف اني كدبت عليه
امينة…. خدي بالك. انا مش عاوزه يعرف
وهي بتبص علي زهرة بغل وبتكمل… لحد مايطلقها
في اللحظة دي حمزة نزل من فوق
سهر بسرعة قامت قربت عليه… حمزة. انت خارج
حمزة… اه
سهر وهي بتبص ل زهرة وبتحط ايدها علي بطنها
قالت بدلع…. طيب ممكن ياحموزي تجيب ليا فسيخ.
وهي لسه بتحرك ايدها علي بطنها… اصلي النهاردة حاسة ان نفسي جيباني ليه..
وهي بتبص ل زهرة…. حامل بقا وبتوحم
صفية… شوف البت والمحن اللي فيها
زهرة كانت بتبصلها بقرف ورجعت اتجاهلتها وكملت كلام مع عمتها
حمزة بهدوء …. هبعتلك
وخرج
رجعت سهر قعدت جمب امينة اللي قاتلها…. لا كيادة يابت
سهر…. عجبتك
امينة… الا عجبتيني
…………………………..
تاني يوم صباحا
زهرة خارجة من البيت في نفس الوقت اللي حمزة خارج هو كمان وبيفتح عربيته
شاف زهرة قفل العربية تاني وقرب عليها…. علي فين يامزة
زهرة بصت للكتب اللي في ايدها ورجعت بصتله وقالت … والله اظن واضح انا رايحة فين. اكيد مش رايحة الملاهي يعني
حمزة بسخرية…. لا بقيتي بتعرفي تردي.
زهرة بصتله بضيق وهو قال …. طب اركبي يلا هوصلك
زهرة …. لا متتعبش نفسك. انا بعرف اروح
حمزة…. انتي سمعتي. اركبي
زهرة برفض …. لا مش هركب. وخليك في حالك لحد مانتطلق ممكن. يعني ملكش دعوة بيا
حمزة… والله.
زهرة…. ااه. ياريت تخليك في حالك
حمزة…. طب ادخلي مفيش جامعة
زهرة… انت بتقول ايه فاكر اني هسمع كلامك
كملت بعصبية…. انت ملكش حكم عليا. ساامع
حمزة…. انا جوزك ياهانم واقدر امنعك تتنفسي
لما حست انو خلاص هيعند وممكن ميخلهاش تروج الجامعة بجد
راحت اتنهدت بضيق وفتحت العربية وهي بتنفخ وقالت ..يلا وصلني
حمزة…. انا قولت مفيش خروج خلاص
زهرة… انت بتتلكك بقا..طب انا كده كده رايحة وريني هتمنعني ازاي
حمزة ببرود …. انتي عارفة اني اقدر امنعك
نفخت زهرة بضيق وقالتله بقلة حيلة وزهق …. انت مش في الاول كنت هتوصلني. انا موافقة يلا اخلص بقا ولا حابب تعند معايا وخلاص
محبش يضايقها اكتر من كده فقال… اركبي. بس
وقبل مايكمل
زهرة بهدوء مصطنع قالت… حاضر
و ركبت علطول
بعد مارزعت باب العربية وهي مش طايقة نفسها من تحكماته
حمزة… بالراحة علي الباب يابت
…………
مساء..
حمزة راجع من برا وداخل البيت ولسه هيطلع
صفية نادت عليه… حمزة. عاوزاك
حمزة قرب ليها…. ايه ياعمتي
صفية خدتو علي جنب.
: بقولك ايه. هو انت متأكد ان مراتك دي حامل
حمزة بصلها بتركيز…. تقصدي ايه ياعمتي
صفية…. اصل
وسكتت
حمزة بشك…. في ايه
صفية….. البت دي مش حامل
بصلها حمزة باهتمام …. ازاي
صفية…. سمعتها بتكلم حد
وحكتله علي اللي سمعته وان امه كمان ساعدتها
حمزة كانت ملامحه اتحولت لغضب وراح يطلع ليها لكن صفيه مسكت ايده برجاء وقالت… لا يابني علشان خاطري متأذيهاش. هي بردو اكيد عملت كده علشان مش عاوزاك تطلقها
لكن حمزة مكانش سامعها وراح يطلع
صفيه… متندمينش اني قولتلك ياحمزة.. وبراحة عليها. ماشي يابني. اسمعها.. اوعي تأذيها
حمزة طلع بسرعة وهو لا سامع ولاشايف قدامه من الغضب
صفية…. ربنا يستر
حمزة فتح الباب علي سهر و
يتبع…..
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.