رواية زهرة وسط أشواك – الفصل التاسع والعشرون
: امال لو قولتلك ان امه اللي ساعدتني واتفقت مع الدكتورة تقولهم اني حامل. هتقولي ايه
مامتها…. متأمنيش ليها اوي كده.دي اكيد في دماغها حاجة تانية بتخططلها. المهم اوعي حد يكشفك تاني
سهر…. متقلقيش
كملت بأصرار وقالت…. بس انا بردو لازم احمل بجد. انا مش هسيبها تلهفو مني
مامتها… طب اتشطري واتجدعني يامعدولة
سهر…. اتطمني ياماما. لاني اوعدك اني هحاول وهعمل المستحيل عشان متفوزش هي بيه ويرميني انا..وحتي لو محملتش.. دي لو وصلت اني اتبني طفل واقولهم دا ابنكم هعمل كده. المهم افضل معاه مش اخرج من مولد بلا حمص
كل الكلام ده سمعتو صافية اللي كانت داخلة اوضتها لكن وقفت بصدمة لما سمعت سهر وهي بتقول كده
وبعد مابعدت شوية عن الاوضة بقت بتكلم نفسها وتقول بزهول …. يانهار اسود. البت جاية تنصب علينا. لا وكمان امينة اللي بتساعدها. للدرجادي
وهي مش قادرة تستوعب…. للدرجادي يا امينة كرهك ل زهرة وصلك تعملي كده في ابنك وتعيشيه في كدبة.
فاقت من شرودها علي صوت حمزة من وراها بيقولها… مالك ياعمتي
صفية لفت ليه وقالت بارتباك.. هاا. حمزة
حمزة ببتسامة…. عاملة ايه ياست الكل
صفية… الحمدلله ياحبيبي..
لاحظ حمزة ارتباكها فقال…. في حاجه ولا ايه ياعمتي
صفية… ها.لا لا. انا داخلة انام.. تصبح علي خير
حمزة…. وانتي من اهله
دخلت صفية اوضتها وحمزة فتح الاوضة علي سهر اللي كانت لسه بتكلم مامتها
سهر اول ما الباب اتفتح رمت الفون من ايدها بسرعة وقالت بتوتر وارتباك… حـ. حـ حمزة
بصلها بشك …. مالك. متوترة ليه
سهر قامت…. ا. ابدا. ا. انا بـ بس اتخضيت لما فتحت الباب مرة واحدة
حمزة…. المفروض افتحه علي مراحل ولا ايه يعني
وهو بيبص بشك للتليفون اللي رمته من ايدها وقرب مسكه
كانت واقفة مرعوبة وضربات قلبها سريعة وهي خايفة لا يكون سمع اللي قالته
حمزة ابتدي يقلب في التليفون لقي انها كانت بتكلم مامتها هو عارف ان مامتها مش سهلة وطمعانة فيه لكن متكلمش لانه مسمعش حاجة ولا سأل سهر علي حاجة اللي كانت واقفة بتبلع ريقها برعب من غموضه
حمزة ساب التليفون من ايده واخد سجايرو والولاعة وطلع البلكونة
وفي نفس الوقت زهرة كانت واقفة في بلكونة اوضتها هي كمان
بصو لبعض بس متكلموش ورجعو كل واحد يبص قدامه وهو شارد
فجأة سهر دخلت ل حمزة البلكونة واول ما لمحت زهرة قربت علي حمزة بدلع وجات من وراه وحضنته وهي بتقول…. حبيبي. مش هتنام
حمزة…. ادخلي نامي لو عاوزة
اتحركت ووقفت قدامه وهي بتحاوط رقبته وهي قاصدة تغيظ زهرة بحراكتها.. هي كدة كدة زهرة مش سامعة لكن شايفة.
سهر…. حمزة. هو انا مش وحشاك
زهرة محبتش تفضل واقفة راحت دخلت وقفلت البلكونة
حمزة فك ايدين سهر بهدوء وهو بيكمل السيجارة وقال… ادخلي.نامي مش فايقلك
سهر بصتله بضيق ودخلت بدون ولا كلمة وهي هتطق
………………………..
تاني يوم
دخل رحيم ل ياسمين الاوضة، كانت قاعده بتلاعب كنز بنته.
رحيم باس كنز وقالها…. روحي عند زهرة ياحبيبتي
كنز خرجت
ورحيم بص لياسمين وقال…. اجهزي
وقبل مايكمل…. ياسمين وكأنها حست
ردت و قالت بحذر .. ا. اجهز ل ايه
رحيم…. مش كنتي عاوزة ترجعي لأهلك. هرجعك
ياسمين بسرعة ومن غير تفكير قالت…. بس انا مش عاوزة..
قربت منو وكملت…. انا.انا عاوزة افضل معاك يارحيم.
رحيم… مش هينفع
ياسمين بعصبية…. ليه. ليه مش هينفع. انا مراتك
رحيم… هطلقك
ياسمين…. يااه. هي سهله اوي كده. هتطلقني.
بصتله بوجع وقالت…. ولما ناوي تطلقني. اتجوزتني ليه.
كملت بصريخ…. قربت مني لييييه.
رقت نبرتها وبصوت ضعيف… ليه ادتني امل اني ابقي معاك تاني..وعشمتني تاني. ودلوقتي جاي بكل بساطة وتقولي هسيبك.. انت ايه. انت ازاي اناني كده
قعدت علي الارض بضعف… بتعمل فيا كده ليه
ودموعها بقت تنزل بألم وهي بتقول … دي مش اول مرة.. دي تاني مرة. تاني مرة تاخد اللي انت عاوزه وتسيبني
وهي بتبكي اوي ومنهارة
رحيم ميل عليها باشفاق بسبب حالتها اللي هو السبب فيها وهو بيقومها…. قومي يا ياسمين.. انا هسيبك تعيشي حياتك. اعملي اللي انتي عاوزة. مش هقرب منك
ياسمين بانهيار… ومين قالك اني عاوزاك تبعد عني ياغبيييي.. انت ليه مش حاسس بيااا…ليييه . ليه ليه حرام عليك..
ودموعها بتتساقط زي المطر…. ط. طب انا ذنبي ايه اتعذب كده.. سيبتني زمان وطلقتني.اتخليت عني علشان ترضي ابوك.. ودلوقتي بتكرر نفس اللي حصل.
رحيم… دلوقتي مش هينفع اخسر بيتي وبنتي
ياسمين…. وانا. انا بني ادمة حرام عليك. ذنبي ايه تعمل فيا كده
رحيم بندم …. انا اسف.. عارف اني ظلمتك. اسف. مش قادر اقولك سامحيني لأني مستاهلش تسامحيني
قام وقف وقال ….. انا مستنيكي تحت في العربية
وخرج من الاوضة. في نفس الوقت زهرة خرجت من اوضتها علي صوت ياسمين لاقت رحيم في وشها نازل وباين عليه الزعل
دخلت علطول ل ياسمين اللي لسه قاعدة علي الارض وبتعيط ومنهارة
زهرة بسرعة قربت عليها وهي بتقول بخضة… ياسمين. في ايه
ياسمين اترمت في حضنها وهي منهارة …. عاوز يسيبني تاني يازهرة.. مش مكفيه اللكسرة اللي كسرهالي زمان. جاي بيكسرني تاني
وهي بتبكي بقوه
زهرة بحزن عليها…. ممكن متعمليش في نفسك كده
وهي بتطبطب عليها…. انا حاسه بيكي. حاسة بيكي والله سكتت ثواني وقالت… بس هو كمان بيخسر بيته
بصتلها ياسمين وقالت .. يعني ايه. واناا. انا ايه
مسحت دموعها وقالت … هو من حقي انااا. انا اللي كنت مراتو قبلها.. يعني اذا كان حد ليه الحق يبقي انا مش هي
هزت راسها بثقة … انا عارفة انو بيحبني. زي ما بحبو. انا متأكدة.
مسكت ايد زهرة بترجي…. كلميه يازهرة. قوليلو ميسينيش.. انا بحبو. بحبه اوي. حاولت كتير انساه معرفتش.. كلميه يازهرة
زهرة كانت شفقانة عليها وعلي حالتها لكن قالت…. مقدرش.سامحيني.. ليلي كمان صعبانة عليا. لاني هحط نفسي مكانها. انا اسفة. حاسه بيكي. بس مش هقدر اجي معاكي علي حساب ليلي
ياسمين مسحت دموعها وقامت من غير ولا كلمه جهزت ونزلت
……………………………………
مساءا
شيري كلمت زهرة و قالتلها انها عاوزها وطلبت تقابلها في شركتها
زهرة راحتلها وبمجرد مافتحت باب المكتب اتفاجأت ب هيام مامتها قاعدة مع شيري
شيري… تعالي يازهرة
وقفت مكانها علي الباب وهي بتبص ل شيري بعد مافهمت انها مش صدفة ابدا وقالت بجمود…. مقولتيش ليه ان في حد عندك
شيري…. دي مامتك يازهرة مش حد
قامت هيام قربت عليها… مكنتيش عاوزة تشوفيني
….
: مش يلا بقا
قالعا رحيم وهو في بيت عمه ل ليلي اللي كانت قاعدة قصاده
لترد ليلي ببرود وتقول…. يلا فين
رحيم…. ترجعي بيتك
ليلي بجمود…. طلقني يارحيم
رحيم….. ياسمين رجعت ل اهلها خلاص.ارجعي متهديش البيت
ليلي…. والمفروض بقا دلوقتي ارجع علشان خلاص هي مشيت. مش كدا
رحيم…. امال عاوزة ايه
ليلي…. عاوزاك تطلقني.
اتنهدت وقالت… احنا من الاساس جوازنا كان غلط.. انت عمرك ماحبيتني يارحيم.. كنت فاكرة اني هعرف اخليك تحبني. بس فشلت.. انت بتحبها هي. كانت بعيدة عنك بس معاك وفي قلبك.
ابتسمت بحزن وقالت…. المشكلة اني كنت عارفة وحاسة بس كنت بقول اكيد مع الوقت هينساها وهيحبني
كملت بصعوبة…. رجعها يارحيم.. بس طلقني الاول
رحيم….. انا مقدرش اعيش من غيرك انتي وكنز ياليلي. مقدرش اخسركو
ليلي… بنتك عايشة معاك في نفس البيت يعتبر. يعني مش هتبعد عنك..لكن انا هتطلقني يارحيم. وياريت في اقرب وقت لأني واخدة قراري ومش هتراحع عنه
وقامت سابته ودخلت وبمجرد مادخلت وقفلت باب اوضتها عليها قعدت علي السرير وبقت تبمي بشدة وهي قلبها بيتعصر حزن
………
حمزة وقف بعربيته ومعاه سهر اللي مكانتش عارفة هو واخدها علي فين بس دب الرعب في قلبها لما لاقيته وقف بالعربية قدام مستشفى
حمزة….. انزلي
سهر…. ا. انت جايبني هنا ليه
حمزة…. عاوز اتطمن علي البيبي
سهر بخوف …. انا مش هنزله. سامع. مش هنزله ياحمزة
حمزة …. مين قال تنزليه.. انا عاوز اتطمن عليه بس وعلي صحته
وهو بينزل من العربية وبيلف الناحية التانية
فتح الباب ل سهر وشدها من دارعها.وهو بيقول.. يلا ياقلب حمزة نتطمن علي ابننا
وسهر هتموت من الرعب وهي خايفة يكشفها ويعرف الحقيقة
حمزة خدها وطلع المستشفى وهي ماشية معاه بتقدم رجل وتاخر التانية وحرفيا هتـ موت ومرعوبة
يتبع……
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.