رواية زهرة وسط أشواك – الفصل العاشر
شالت طاسة الزيت اللي بيغلي من علي النار وبتلف وهي متعمدة توقع الزيت علي زهرة اللي واقفة وراها بتعمل قهوة
لكن فجأة وبدون اي مقدمات علطول وبحركة سريعة كانت في ايد جذبت زهرة لورا
بعد ما زهرة صرخت مرة واحدة وتلقائيي كانت حاطت ايدها علي وشها لما طاست الزيت وقعت من ايد حبيبة
فتحت زهرة عنيها بصت لاقت نفسها في حضن الشغالة اللي واقفة بتحمد ربنا انها قدرت تنقذها لانها من الأول كانت شاكة في حبيبة
زهرة فاقت من الخضة وبصت علي حبيبة اللي بتشيل الطاسة من علي الارض وبتقول بارتباك… ا. انا. د. دي وقعت غصب عني
اتكلمت زهرة وقالت بغضب لأنها هي كمان شكت فيها …. غصب عنك ايييه.. كنتي هتحرقيني بالزيت مش تفتحي ياعامية انتي الله يخربيييييتككك
هنا ردت حبيبية عليها هي كمان بغضب وقالت… لااا عندك بقا. انا مسمحلكييش تغلطي فيا. وبعدين انا كنت بلف وانا ماسكة الزيت معرفش انك ورايا وهتتصدمي بيا اصلا
دخلت علي الصوت صفية عمة زهرة اللي قربت عليها بلهفة وهي بتطمن عليها وبتقول… حبيبتي انتي كويسة.
زهرة وهي بتتنفس بغضب … انا كويسة ياعمتو
الشغالة…. الحمداللة ياست صفيه جات سليمة
صفية حضنت زهرة وهي بتقول… الحمدلله. الحمدلله ياقلب عمتك
دخلت امينة اللي وقفت ببرود علي باب المطبخ و كمان ليلي اخت حمزة اللي قربت من زهرة وقالت وهي بتطمن عليها …. زهرة. انتي كويسة
زهرة هزت راسها وقالت… اه
اتحركت امينة من مكانها وقربت عليها وهي بتمثل انها بتطمن علي زهرة
بصت ليها وقالت وهي بتحط ايدها عليها… جات سليمه ياحبيبتي
بس زهرة بصتلها بضيق وبعدت عنها بدون ماترد عليها
صفية بصت ل حبيبة وقالت بضيق … مش تخلي بالك
حبيبة بصوت عالي … هو فيه ايه ما قولت غصب عني. مكنتش اعرف ان الهانم ورايا.
وهي بتبص علي زهرة بغل
صفية بغضب زعقت فيها وقالت .. اتتكلمي عدل ياروح امك. ولا خالتك معرفتش تربيكي
وهي بتبص ل امينة بسخرية وبتكمل… بس اذا كانت خالتك معرفتش تربيكي. اربيكي انا
امينة… ومالها تربيتي بقا ياصفية
ليلي بسرعة قالت وهي بتحاول تهدي الدنيا… خلاص ياعمتي. خلاص ياما
وبصت علي نادية الشغالة… نضفي الارض يانادية
نادية…. حاضر ياهانم
وصفية اخدت زهرة وخرجت من المطبخ
…………………
وقف احمد بالعربية ومعاه شيماء بعد ما خرجت من المستشفى
احمد وهو باصص قدامه … حمدالله على السلامة . يلا وصلنا. انزلي
شيماء بصتله كانت ملاحظة طول الطريق انو متغير ف قالت بترقب.. احمد.. ه. هو. احنا هنتجوز امتا
احمد بصلها ثواني وبعدين ابتسم بسخرية..
وقال… نتجوز
وراح ضحك بشدة
شيماء باستغراب… هو فيه ايه
احمد… في ان العشم واخدك اوي ياختي
شيماء بلعت ريقها.. ق قصدك ايه
احمد… اقصد انك تنسي موضوع الجواز ده نهائي.تشيليه من دماغك لاني من الاخر عمري ماهتجوزك ياشيماء.
شيماء بصدمة.. انت بتقول ايه
احمد.. بقول اللي سمعتيه
شيماء بجنون.. يعني ايه. يعني اييه. انت بتهزر صح. قولي انك بتهزر
احمد… لا مش بهزر ويلا انزلي. ومش عاوز المحك تاني
شيماء بجنون… يعني ايه. انت هتخلي بيا. بعد ماضحكت عليا جاي في الاخر وتخلع..
بصتله بقوتها المعتادة وقالت بتهديد كعادتها … لاااا دا انت قبل ماتفكر كده اكون فضحاك
احمد مسكها من شعرها بغضب وقال… تفضحي مين ياروح امك. الحاجاات اللي معاكي دي تبليها وتشربي ميتها . انتي فاكرة اني خايف منك.. لأ فوقي يابت. دا لا انتي ولاعشرة زيك يقدرو يوقعوني
شيماء بوجع … ط طب سيب شعري
احمد ساب شعرها وزقها وهو بيقول… انزليي..
وبتحذير… ومش عاوز اشوف وشك تاني
هنا شيماء ادركت ان اسلوب التهديد معاه مش هيكون في صالحها ابدا بالعكس هيخسرها كتير ف مكانش قدامها غير ان تحاول تصعب عليه واتكلمت بنبرة هادية وهي بتحاول تأثر عليه
وقالت بدموع… احمد انا بحبك وانت عارف و.
لكن احمد … بتحبي مين يابت.. انتي بتعرفي تحبي.. طب قوليلي هأمنلك ازاي بعد ماسلمتيلي نفسك يارخيصة.. غير انك واحدة خا، ينة.. دانتي خو، نتي اختك ياواطية.. بذمتك مش ابقي راجل اهبل لو اتجوزتك
شيماء فضلت تصرخ وهي بتقول… انا عملت كده علشانك.عشااان بحبك ياغبييي. انا ماتخيلتش ان زهرة تاخدك مني.. احمد انا بحبك بجنون.
كملت بترجي… ارجوك متسبنيش..
احمد… و انا مش عايزك. انزلي. انزلي يازباا. لة
شيماء بدموع… احمد
احمد… يلاااا
وفتح باب العربية… انزلييي
بصتله شيماء بغضب شديد وهي بتتوعدلو بداخلها و نزلت دخلت البيت وهي منهارة
….
مساءا في اخر الليل عند زهرة
زهرة واقفة في البلكونة وهي رايحة جاية كانت مستنية حمزة لحد ماشافته جاي بالعربية وداخل علي الفيلا
اتنهدت ودخلت من البلكونة وهي بتشجع نفسها انها تتكلم معاه في انه يوافق يخليها تنزل الجامعة
فتح حمزة باب الاوضة بص لقي زهرة واقفة جمب السرير
حمزة … ايه اللي مصحيكي لحد دلوقتى
زهرة… مستنياك
حمزة قرب عليها وهو بيقول باستغراب… مستنياني.. ومستنياني ليه بقا
ثم اكمل بمكر وقال… اوعا يكون اللي في بالي.
غمزلها وكمل… ايه محضرالي ليلة حلوة ولا ايه.. طب مش كنتي تقولي كنت رجعتلك بدري.. بس ملحوقة الليل قدامنا طويل
زهرة… لا انت فاهم غلط.. وبعدين متخليش دماغك تروح لبعيد تاني.. انا عايزاك في موضوع تاني خالص
وقالت بسرعة… انا عاوزة انزل الجامعة
حمزة قعد علي الكنبة وقال وهو بيولع سيجارة.. ياشيخة. هو دا الموضوع
زهرة… ااه.. عاوزة انزل من بكرة. بقالي كام يوم مروحتش
حمزة ببرود… لا ماانتي مش هتروحي تاني
زهرة… نعم!!!!
حمزة… نعم الله عليكي.. ايه مابتسمعيش كويس
زهرة… وليه بقا ان شاء الله مش عاوزني انزل
حمزة… مزاجي. مزاجي كده
زهرة بعصبية… يعني ايه.. انت مش من حقك تتحكم فيا اصلا
حمزة… لأ من حقي لاني جوزك. ولا الهانم ناسية
زهرة … انت جوزي علي الورق بس. فاهم. انت اتجوزتني علشان رغبة ابوك. وانا اتجوزتك لاني متضطرة. لكن كل واحد فينا يعمل اللي هو عاوزه.. محدش فينا ليه علاقة بالتاني. تمام
حمزة كان بيبصلها بهدوء وهي عمالة بتزعق ومتعصبة
حمزة شاور علي الطفاية اللي علي الكومود وبنفس هدوءه قال… هاتيلي الطفاية اللي هناك دي
زهرة فضلت واقفة مكانها وهي بتتنفس بغضب
حمزة.. سمعتي. هاتي الطفاية اخلصي
زهرة اتحركت بضيق وخدت الطفاية ادتهالو
حمزة وهو بياخد نفس من السيجارة وبينفخه بهدوء بصلها شوية وقال… انا ممكن اوفق بس بشرط
زهرة بصتله باستغراب وقالت .. شرط ايه ده
حمزة بمكر…. جوازنا يبقي طبيعي
زهرة…. يعني ايه مش فاهمه
حمزة…. يعني نتمم جوزانا. اشرحلك تاني. ولا كده فهمتي
زهرة بندفاع قالت بدون تفكير… انسي دي نجوم السما اقربلك.. انت مش هتلمس مني شعرة واحدة
حمزة اتضايق في نفسه لان اول واحدة ترفضه. طول عمره البنات بيرمو نفسهم تحت رجليه وبيتمنو بس نظرة منو
لكن اتكلم و رد عليها ببرود وقال… بس دا اللي عندي.. ياتوافقي ويبقا بمزاجك كمان. يا اما تنسي الجامعة
زهرة بتحدي .. مش موافقة والجامعة هاروحها. لاني مباخدش رايك انا بس كنت بعرفك.
حمزة… طب جربي تنزلي علشان اكس، رلك رجلك
زهرة بقوة قالت… هنزل وهروح ياحمزة سواء انت وافقت او فضلت رافض.. ووريني بقا هتعمل ايه
هنا حمزة قام قرب عليها ببطئ ومرة واحدة قال بعد ما وقف قبالها .. هعمل كده ياروح امك
و في اقل من ثانية كانت واقعة علي الارض من قوة القلم اللي نزل علي وشها
و بنبرة مرعبة قالها.. انا مراتي قبل ماتفكر بس تكسر كلمتي اكون دافنها بالحيا. فاهمة ياروح امك
زهرة قامت من علي الارض وهي حاطة ايدها علي خدها بصدمة وقالت بغضب شديد… انت بتضر، بني ياحيوان. يازبا..
قطع كلامها كف تاني علي وشها
حمزة بتحذير ….. اقسم بالله لسانك ده لو طول عليا تاني مرة لكون قاطعهولك.
مسكها من شعرها بغضب وقال بنبرة خطرة… دي اخر مرة تغلطي وتطولي لسانك . ومتفكريش تعندي معايا لأني مبحبش العند وانتي في الاخر اللي هتتعبي
وشد شعرها اكتر .. سامعة.. سامعة ياابت
زهرة بالم .. سامعة سامعة
سابها وراح قعد علي الكنبة ولع سيجارة تاني وفضل يدخن بغضب
بصلها وقال… انا هعرف اادبك ازاي
زهرة قعدت علي السرير حطت ايدها علي وشها وفضلت تبكي بقهرة
اما هو بعد ماخلص السيجارة اللي في ايده قالها…. انزلي اعمليلي قهوة
زهرة مرديتش عليه وكانت لسه بتعيط
حمزة بغضب… سمعتيي ياروح امك . روحي يلااااا
زهرة بصتله بخوف وقامت بسرعة مسحت دموعها وراحت تعملو
..
في المطبخ كانت واقفة بتعمل القهوة ودموعها بتنزل ون توقف
اتفاجأت بصوت امينه من وراها وهي بتقول بسخرية… ايه ياعروسة معرفتيش تكيفيه قال اتكيف بالقهوة.
وهي بتبصلها بشماته
يتبع..
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.