رواية زهرة وسط أشواك – الفصل الثالث
بيقرب يبو”سها وفجأة بيبعد مرة واحدة وبيقوم من السرير وبياخد قميصه اللي علي الارض وبيلبسه
قامت اتعدلت وهي في السرير وقالت باستغراب.. في ايه. انت بعدت ليه
كان ساكت وهو بيقفل في زراير قميصه
: احمد رد عليا في ايه
لف ليها بعصبيه وهو بيقول… في ان اللي بيحصل ده غلط.. مينفعش.. انا خطيب اختك عارفة يعنيي اييه
ببرود… والله. طيب شكرا علي المعلومة. تصدق كنت ناسية
: انتي ازاي كده..ازاي بتعملي كده في اختك
ضحكت اوي بصوت عالي وبعدين قالت… بعمل ايه يعني بخون اختي قصدك .. يعني قصدك تقول اني ز.. بالة مش كده.
قامت من السرير ليظهر قميص نومها القصير
قربت حاوطت رقبته وقالت بهمس جمب ودنه…. دا علي اساس ان انت اييه..ملاك بجناحين
بعدت لكن فضلت واقفة قدامه وهي بتكمل كلامها باستهزاء وبتقول .. طب مانت بتخون خطيبتك مع اختها اللي هي انا.. ايه الفرق بينك وبيني. هاا.قولي… يعني لو انا زبا.. لة ف. انت زبا.. لة وواطي وحيوان وقذ. ر. بقلم فريدة احمد
مسك دراعها جامد وهو بيقول بعصبية… انتي عاوزة ايه مني.. انا مش هكمل في القرف ده. ابعدي عني بقاا
شيماء.. وعايز ايه.. عاوز تكمل مع زهرة اللي شوفت صورها بعينك مع واحد تاني
غمض عينه بغضب لما فكرته بالصور وقال… انا لا عايزك ولا عايزها
وهو بياخد تليفونه ومفاتيحه ناوي الخروج
شيماء بنبرة رقيقة اخيرا مسكت ايده وقالت … طيب خلاص اهدي.
سكتت للحظات وبعدها … بعدين احنا لازم نتجوز
احمد… انتي مابتسمعيش… انا مش عاوزك
وبتحذير…. ابعدي عن طريقـ…
قطع كلامه بصدمة لما قالت…. بس انا حامل منك.. يعني لازم نتجوز
احمد … انتي بتقولي ايه
مسك دراعها جامد وقال بغضب … يعني ايه حامل.. انطقيي
حررت شيماء دراعها منه بقوة وقالت…. زي ماسمعت
احمد بسخرية… وانا اضمن منين ان الحمل ده مني
شيماء بثقة … انت عارف ومتأكد ان مفيش حد لمسني غيرك….
كملت وقالت بثقة اكبر… وهتروح زي الشاطر النهارده تكلم بابا وتطلبني منو. بعد طبعا ماتفسخ خطوبتك من ست الحسن
احمد… نجوم السما اقربلك. انا استحاله اتجوزك…
شيماء بثقة… لا هتتجوزني.. علشان انت بتحبني زي مابحبك..
سكتت ثواني وقالت بخبث… وعلشان كمان في ده
وفتحت فونها وابتدت تفرجه فيديو ليه وهو بيسرق ملفات من شركة باباها اللي هو شغال فيها
حرفيا كان واقف مصدوم
بلع ريقه وقال … انتي جبتي ده منين
قعدت علي السرير وقالت ببرود… مش مهم.. المهم انو معايا ومعايا كمان كذا نسخة منو.. يعني لو معملتش اللي بقولك عليه هتتفضح هتتفضح.. هاا. تحب افضحك قدام بابا. والناس كلها ولا تعمل اللي انا عايزااه..
بعدها قالت… ااه. دا غير كمان كل مرة قربنا من بعض فيها متصورة فيديو بردو… وممكن افرج الفيديوهات لـ زهرة عادي
…………..
كانت شيماء قاعدة في سريرها وهي بتفتكر كل اللي حصل ده.. كانت بتبتسم بانتصار وبتقول في نفسها بغل…. كنتي فاكرة اني هسيبهولك يازهرة.. لااا. انا لايمكن اسيب حاجة عجبتني.. وبعدين انا بحبو من قبل ماتعرفيه ولا يعرفك.. يعني احمد من حقي انا وبس
……………………..
عند زهرة
فتحت عنيها بتعب واول مانتبهت هي فين قامت بفزع وكمان لما لاقت حمزه نايم جمبها
فضلت تصرخ برعب بقلم فريدة احمد
فاق علي صوتها وهو وقال بضيق… في ايه علي الصبح
زهرة بجنون وهي بتبص علي نفسها… انت جبتني هنا ازاي وعملت فيا ايه ياز.. بالة ياحيوان
قام حمزة اتعدل وهو بيسحب سيجارة و بيولعها،، اخد نفس وبعد ما نفخه ببرود قال… انا معملتلكيش حاجة.. اهدي ياماما…
زهرة بجنون… معملتليش ازاي.يازبالة.. امال انا هنا ازاي وانت جمبي بتعمل ايه
حمزة بعد ماخد نفس تاني من السيجارة بصلها وقال بنبرة حادة.. لمي لسانك علشان مساويش وشك بالارض..
بعدين بص علي الماية والفوطة اللي موجودين علي الكومود لانو طول اللي بيعملها كمادات
رجع بصلها وقال بغيظ… كنت بعملك زفت علي دماغك.. طول اللي وانتي سخنة.. لا وكمان كنتي عمالة تخرفي وتقولي كلام مش مفهوم
كمل وهو بيبص عليها باستهزاء وقال… وبعدين قولتلك ماقربتلكيش.. لانك مش من زوقي اساسا يعني متقلقيش
انتي كنتي فاقدة الوعي. جبتك هنا ولا كنتي عاوزاني اسيبك مرمية في الشارع..
ثم اكمل بطريقه مرعبة… اقدر اعرف الهانم كانت في الشارع في وقت متأخر بتعمل ايه
زهرة باندفاع… وانت مالك
حمزة بنبرة حادة… قولتلك ردي كويس علشان مزعلكيش
زهرة بخوف … كنت عند صحبتي واتأخرت شوية وكنت راجعة.. كدا كويس
حمزة بتحذير …. اول واخر مرة تتأخري بره لوقت زي ده.
زهرة… حاضر.. اوعي بقا عشان اقوم امشي
لسه بتقوم
حمزة بمكر .. الا قوليلي. هو حبيب القلب عمل معاكي ايه
بصتلة بصدمة
وفي نفس اللحظة باب الاوضة اتفتح وكان عمها اللي اول ماشافهم كده علي السرير شاور عليهم الاتنين وهو بيقول… ايه اللي بيحصل هنا
زهرة برعب.. عمي
حمزة بصدمة… ابوي
زهرة قامت برعب وقربت علي عمها وهي بتقول… عمي لا متفهمش غلط انا والله ماعملت حا..
قاطعها عمها لما نزل بكف قوي علي وشها وقالها …. اخرسي يافاجرة
بس علطول قام حمزة واتكلم وقال…. ابوي زهرة ملهاش ذنب انا اللي جبتها هنا
هارون بص لابنه بصدمة من جراءته بقلم فريدة احمد
كمل حمزة وقال… يابوي حضرتك فاهم غلط. انا كنت ماشي بالعربية وخبطت زهرة غصب عني وعلشان كنت قريب من الشقة جبتها علي هنا وهي مغمي عليها. لكن صدقني مفيش حاجة حصلت
كان هارون واقف يسمعو بهدوء لكن مكانش داخل عليه الكلام اصلا وشاكك فيهم لحد ماحمزة خلص
بص عليهم الاتنين وقال اللي صدمهم بشده… اعملو حسابكو هتتجوزو. قبل ماتفضحونا في البلد… بكرة كتب كتابكم انتو الاتنين
حمزة وزهرة بصو لبعض هما الاتنين بصدمة
زهرة اللي دموعها علي وشها مسحتها وقالت… يعني ايه ياعمي ماهو قالك مفيش حاجه حصلت.
هارون بحزم … بس خلاص اللي قولته هيتنفذ ومن غير نقاش
زهرة…يعني ايه الكلام ده. يعني ايه
شاورت علي حمزة وقالت… بعدين انا استحالة اتجوز ابنك ده
حمزة…. دا علي اساس ان انا اللي عايزك وهموت عليكي
هارون…. بس انتو الاتنين. اللي سمعتوه هيتنفذ مش عاوز كلام علي الفاضي
زهرة… ياعمي والله زي ماقالك انا كان مغمي عليا يعني ماليش ذنب
قرب هارون باسها علي راسها وقال…. انا مصدقك. بس انا قولت كلمة خلاص.. ويلا علشان اروحك عند ابوكي وبالمرة اتفق معاه علي كتب الكتاب بقلم فريدة احمد
..
بعد وقت نزلت زهرة مع عمها بعد ماحمزة مشي علي شركته هو كمان
زهرة في العربية وعمها متجه ل بيت اخوه اللي هو والد زهرة..بصتله وقالت…. عمي..
بصلها فـ قالت… انا مش عاوزة اروح بيتنا.. لو سمحت ممكن حضرتك توصلني عند بيت تيتة
هارون وقف العربية باستغراب لما لاحظ علي وشها الحزن وقالها… ليه ياحبيبتي
زهرة دموعها نزلت
قلق عمها وحاول يعرف منها السبب لحد ما اخيرا قصت عليه ماحدث
هارون بغضب بعد ماسمع منها…. طول عمري وانا عارف ان ابوكي امك اللي ممشياه
اتنهد وبعدين قالها… انتي من هنا ورايح بنتي انا. وابوكي ده انا ليا صرفة معاه.. هتروحي دلوقتي تجيبي حاجتك وهتيجيي معايا الصعيد
زهرة.. بس..
قاطعها… انتي كده كده هتتجوزي حمزة يعني هتيجي تعيشي معانا مفرقتش من يومين
زهرة بترجي…. ياعمي. انا مش عاوزة اتجوز حمزة.. علشان خاطري
هارون بحنية لانو فهمها…. صدقيني لو عملك حاجة انا اللي هقفله.. متخافيش
..
نزلت زهرة من العربية ودخلت البيت علشان تجيب حاجتها.
فتحت الباب بهدوء ودخلت علي اوضتها علطول
بس قبل ماتفتح باب اوضتها وتدخل اتفاجأت بصوت شيماء اللي طالع من اوضتها اللي هي جمب اوضة زهرة
وهي بتتكلم في التليفون وبتقول… اه زي مابقولك كده. انا واحمد علي علاقة مع بعض من فترة.. وعلاقة كاملة كمان
يابنتي بيحبني انا. عمره ماحب زهرة اصلا.. بدليل اول ما فرجته صورها المتفبركة صدق فيها. وبقا معايا انا. واهو خلاص سابها وهيتجوزني
زهرة كانت بتسمع الكلام بصدمة وزهول
اتمالكت نفسها وفتحت الباب بغضب وو
يتبع…..
#البارت الثالث
“بتخوني اختك مع خطيبها ياز..بالة”
قالتها زهرة بعد مافتحت باب الاوضة علي شيماء اختها
وهي لسه ملامح الصدمه والزهول علي وشها
قامت شيماء من علي السرير وهي بتقول بتوتر…. ز. زهرة
زهرة…. بتخونيني ياحيوانة. بتخوني اختك يارخيصة
شيماء…. زهرة. انتي فاهمة غلط
صرخت زهرة في وشها وهي بتقول….. فااهمة غلط اييييه. فااااهمة غلط اييه وانا سمعاكي بتقولي ان في بينكم علاقة كاملة وكمان حامل منو.. حااامل من خطييبي
يازباالة. حامل من خطيب اختك.. لييييه. لييه كده فهميني عملتلك اييه علشاان تعملي فياااااا كده
قربت منها وهي حاسه بوجع وقالت … ليييه. لييييه عملتي فيا كده. ليه. انا اختك. ليه
ردت شيماء بجمود عكس التوتر اللي فيه وقالت ببساطة
… علشان بحبه بقلم فريدة احمد
وقبل مازهرة تتكلم
شيماء… ايوا بحبه ومقدرتش اشوفه معاكي
زهرة….. بتحبيه. بتحبيه الزاي وبتحبيه ليه.. يعني ملقتيش في الدنيا دي كلها غير خطيبي تحبيييييه
شيماء بتصحيح….. لا. انا بحب احمد من زمان من سنين بحبه من قبل مايعرفك ولا تعرفيه. وهو كمان بيحبني
وكان هيخطبني انا.. لولا انتي اللي دخلتي عليه بالشويتين بتوعك وسهوكتك وخلتيه يحبك.. اه ماهو الزاي الزاي حد يشوفك وميعجبش بيكي.. لكن لأ احمد من حقي انا وعمري ما كنت هسيبو يتجوزك بقلم فريدة احمد
زهرة ببتسامة وجع…. علشان كده روحتي حملتي منو وعلشان تشككيه فيا روحتي فبركتي صوري
شيماء بغل وبجاحة…. واعمل ايه حاجة علشان مضيعوش من ايدي
انهت كلامها لتتفاجأ بصفعة قوية علي وشها من زهرة
شيماء بصدمة وهي حاطة ايدها علي وشها… انتي بتضربيني بتضربي اخت…
قاطعتها زهرة بسخرية…. بضرب اختي الكبيرة.اختي اللي خانتني… كنتي هتنطقي وتقولي ايه.هتقولي اختك
ضحكت بسخرية…. طب بذمتك مش مكسوفة تقولي الكلمة دي
كملت بجمود وقالت… اوعي تنطقيها بلسانك القذ. ر ده.. انا مش اختك..
هزت راسها وهي بتقول…. انتي اكيد مش اختي.
كملت بصريخ وهي بتقول… لأن مفييييش اخت بتعمل في اختهااا كداااا
نزلت دموعها وقالت…. لو انا كنت اعرف انك بتحبيه عمري ماكنت هدخل حياته. عمري ماكنت هكسر قلبك ولا اخونك
كملت بزعيق…. عمري ماكنت هروح اعمل زيك واحمل من خطيب اختي بقلم فريدة احمد
دخلت امال مامتهم اللي لسه راجعة من بره اتفاجأت بصوت زعيق زهرة اللي طالع من اوضة شيماء وهي بتقول كده
امال بصدمة ….. هو في ايه.
بصتلهم الاتنين.. ايه اللي انا سمعته ده
شيماء بسرعة…. مفيش حاجة ياماما
زهرة…. مفيش الزاي. لا خليها تعرف بنتها المحترمة عملت ايه
وبصت لمامتها بجمود وقالت…. ولا هي اصلا عارفة
كملت زهرة بنفس الجمود… كنتي عارفة ان بنتك ماشيه مع خطيبي. صح
امال…. انتي بتقولي ايه. وماشية معاه الزاي. وايه حامل دي اللي انا سمعتها
وهي بتبص ل شيماء ومستنيه شيماء تكدب اللي زهرة قالته
لكن شيماء بصت في الارض ومقدرتش تبص ل مامتها
بصت زهرة ل شيماء وقالت بسخرية…. بصي ل ماما وعرفيها حقيقتك… عرفيها انك زبا. لة وحامل من خطيبي ياقذر. ة
قربت امال من شيماء وهي بتقول…. اللي اختك بتقوله ده صح.. انتي حامل من احمد.. رددي علييا انطقيييي
خدت شيماء نفس وقالت بثبات … ايوا ياماما بحبه وغلطنا.
كملت وقالت… بس عادي احنا خلاص اتخطبنا انا وهو وهنتجوز.. ايه المشكله بقلم فريدة احمد
نزلت امال علي وشها بالقلم وهي مصدومة من بجاحة بنتها وقالت بصريخ….. ايه المشكله حامل في الحرام وشايفة ان مفيش مشكله.. انتي الزاااي تعملي كده
قاطعتها زهرة لما قالت… تربيتك ياماما مستغربة ليه
ابتسمت بسخريه وهي من جواها موجوعة. موجوعة منهم كلهم وقالت…. وبعدين انتي متفاجاة ليه وشايفة ان في مشكله ان بنتك تبقي حامل في الحرام.. فرقت يعني
طب ماانتي كنتي موافقة انها تتجوز خطيبي وشايفة ان الموضوع عادي انو يسيبني ويتجوز اختي.. مفكرتيش فيا ولا فكرتي في كسرة قلبي.. مفكرتيش في الناس هيقولو ايه.. شاورت علي شيماء…. بنتك المحترمة راحت شككت احمد فيا وفبركت ليا صور علشان يسيبني ويبقا معاها
ايه رأيك في الاذيه اللي اتأذيتها علي اديها.
امال كانت واقفة مصدومة من اللي بتسمعو
زهرة…. طول عمرك بتفضليها عليا. عمرك ماعملتيني زيها. عمرك ماحسستيني بحبك اللي مغرقاها بيه . انتو كلكو اذتوني…. انا مش عاوزة اعرفكو تاني. مش عاوزة اعرفكو
وخرجت من الاوضة ودخلت اوضتها وابتدت تلم حاجتها
خلصت وخرجت بشنطة هدومها بعد ماكلمت عمها اللي كان قالها انو هيعمل مشوار علي ماتخلص وقالتله انها جاهزة
بره امال كانت قاعدة علي الكنبة حاطة راسها بين اديها
رفعت وشها وقامت لما لاقتها واخدة هدومها وماشية
…. رايحة فين بهدومك بقلم فريدة احمد
زهرة من غير ماتبصلها.. ماشيه زي ماانتي شايفة
امال… رايحة فين يعني
زهرة…. رايحة في داهيه.. ايه يهمك اوي انا رايحة فين
انا ماشيه وسايبهالكو لأني ميشرفنيش اعيش في وسطكم
وجرت شنطتها وراها وفتحت الباب وخرجت
اتفاجأت ب احمد في وشها بصتله بصة كلها استحقار وكملت طريقها
احمد.. زهرة
بس زهرة مرديتش عليه ومشيت
وكان عمها وصل بعربيته وهي ركبت معاه واتجهو للصعيد
..
بعد وقت كانو وصلو قدام فيلا كبيرة في الصعيد ونزلو من العربيه
دخل هارون ومعاه زهرة والبواب اللي معاه شنطة هدومها
البواب. احطها فين يابيه
هارون… سيبها هنا. وروح شوف شغلك
وكانو العيلة متجمعين اللي قربو سلمو عليها بحب
وكانت مرات عمها امينه نازلة من علي السلم اتفاجأت بزهرة اللي اول ماشافتها وشها اتقلب لأنها مش بتحب مامت زهرة ولا بتحبهم
هارون… تعالي ياام حمزة سلمي علي زهرة
قربت عليها امينه وقالت من غير نفس… اهلا ياحبيتي
زهرة… اهلا ياطنط
هارون… الغدا فين
امينه…. جاهز
هارون…. طب يلا مستنيه ايه
امينه نادت بصوت عالي وهي بتبص لزهرة بصات غريبة…
يا ناادية
خرجت نادية من المطبخ…. نعم ياست هانم
امينة…. جهزي السفرة
ناديه…. حاضر
ودخلت المطبخ
هارون ل زهرة…. تعالي يابنتي استريحي
وبص لأمينه اللي بتبص لشنطة هدوم زهرة باستغراب
وقال…… خلي حد من البنات ينضف اوضة لزهرة. علشان بعد ماتتغدي تتطلع ترتاح فيها بقلم فريدة احمد
امينه غصب عنها … اللي تؤمر بيه ياحاج
…
بعد وقت كانو خلصو غدا وزهرة طلعت الاوضة
…
في اوضة هارون وامينة
امينه…. ممكن اعرف بنت اخوك بتعمل ايه هنا. لا وكمان جاية بشنطة هدومها.. هو انت جايبها تعيش معانا ولا ايه
هارون بصلها شوية وبعدين قالها بحدة… ايوا هتعيش معانا. انتي عندك مانع
امينة بتوتر… لا لا معنديش بس ممكن افهم ليه سايبة بيت ابوها وجاية تعيش معانا
هارون….. علشان فرحها علي حمزة بعد يومين
امينة وقفت…. نعممم
وكملت باندفاع…. استحالة ده يحصل
هارون بحدة…. هو انتي اللي بتقرري ايه يحصل وايه مايحصلش. في ايه. انتي نسيتي نفسك ولا ايه
امينه…. لا بس انت عارف حمزة هيتجوز حبيبة بنت اختي
هارون….. وبنت اختك قدامة من يوم مااتولدت عمره جي في يوم قالك انا عاوزها.. لو عاوزها كان اتجوزها من زمان
امينه…. ويعني هو بقا عاوز زهرة. ماهي كمان قدامه من زمان اشمعنا دلوقتي يعني
هارون….. علشان الاول كانت مخطوبة كان هيتجوزها الزاي
امينه… وهي السنيورة خطوبتها اتفكت ليه
هارون…. مش عاوز كلام مالوش لازمة ابنك هيتجوز البت بعد بكرة. يعني كلام مش هييجي بفايدة.. ويلا طفي النور خلي الواحد ينام ساعتين
قامت امينة وهي مش طايقة نفسها وطفت النور وخرجت وهي بتقول بغل …. علي جثتي الجوازة دي تتم
واتجهت للاوضة اللي فيها زهرة وفتحت الباب مرة واحدة ودخلت
كانت زهرة قاعدة علي السرير
قربت عليها امينة وقالتلها…. اسمعي يابت انتي.. انتي هتاخدي هدومك وتمشي ترجعي بيت ابوكي.. واللي هيسألك هتقولي مش موافقة علي الجوازة دي. فاهممة
وكملت بتهديد… واياكي تجيبي سيرتي وتقولي اني قولتلك تعملي كده.. علشان متتأذيش.. يلا
يتبع……
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.