رواية زهرة وسط أشواك – الفصل الرابع
اسمعي يابت انتي. انتي هتاخدي هدومك وترجعي بيت ابوكي. لأني استحالة هوافق علي جوزاك من ابني. فاهمة”
قالتها امينة بشر بعد مافتحت باب الاوضة علي زهرة وقربت منها
زهرة اللي قاعدة علي السرير وهي مش فاهمه حاجة ولا عارفة ليه مرات عمها بتتكلم كدة لكن قالت ببرود… انا كمان مش موافقة علي الجوازة دي. لو تعرفي تقنعي عمي يصرف نظر. اقنعيه
امينة… وعمك مش هيصرف نظر وانتي عارفة.. يبقي زي الشاطرة كدة تاخدي بعضك وتمشي ومادام مش موافقة
اشتري نفسك وبلاش تتجوزي غصب عنك. لان صدقيني هتتعبي. دا غير اني هعيشك هنا اسود ايام عمرك.
زهرة….. حضرتك بتهدديني.!!
امينه…. برافو عليكي. اه بهددك..
في الوقت ده كان حمزة راجع و بيوقف بعربيته قدام الفيلا
امينه…. انتي هتاخدي هدومك وتمشي ترجعي بيت ابوكي.. واللي هيسألك هتقولي مش موافقة علي الجوازة دي. فاهممة
وكملت بتهديد صريح… واياكي تجيبي سيرتي وتقولي اني قولتلك تعملي كده.. علشان متتأذيش
ثم اكملت بثقة…هو كده كده محدش هيصدقك.. ف بدال ماتجيبي لنفسك المشاكل امشي بهدوء احسلك.انتي مش قدي ولا قد جبروتي
بعلت زهرة ريقها بخوف وهي شايفة الشر والجبروت اللي في عين مرات عمها
بقلم فريدة احمد
في اللحظة دي كان حمزة طالع علي السلم وهو معدي علي اوضته شاف اوضة زهرة مفتوحة ومامته جوا معاها
دخل وهو بيقول…. ايه اللي مسهركو كده
لفت امينه ليه بتوتر وهي خايفة يكون سمع بس اطمنت لما لاقيته مبتسم وبيمسك ايدها يبوسها وبيقول… عاملة ايه ياست الكل
مسكت امينه ايده اللي فب ايدها بأديها التانية وطبطبت عليها بحب وقالتو… كويسة ياحبيبي طول ما انت كويس
بصت لـ زهرة ببتسامة وهي بتقول… عروستك كيف القمر
رجعت بصتله وقالت… الف مبروك ياحبيبي . ربنا يتممكلو علي خير… متعرفش انا مبسوطة ازاي ان اخيرا هتتجوز. لاااا ومش اي واحده.. دي زهرة حبيبة قلبى
كانت زهرة واقفة مستغرباها هي ازاي اتحولت كده
بصت لقت حمزة بيبوس راسها وبيقول …. انا مش عاوز حاجه غير رضاكي عليا وتبقي مبسوطة ياست الكل..
كمل بعد مامسك ايدها وباسها كمان وقال… ممكن بقا اطلب طلب من ست الكل
امينه… انت تؤمر يانن عيني
حمزة… انا عاوز فنجان قهوة من الايدين الحلوين دول علشان راجع مصدع اوي
امينه… الف سلامه عليك ياحبيبي. حالا هعملك احسن فنجان قهوة .. وهجيبهولك اوضتك
وقبل ماتخرج قربت علي زهرة وباستها.. بعد ماقالتها ببتسامة حب.. تصبحي علي خير ياعروسة ابني
وهي بتبوسها همست جمب ودنها بصوت واطي مسمعوش حمزة اللي كان بيولع سيجارة وقالت.. عاوزة اصحي الصبح الاقيكي مشيتي. هاا
و رجعت باستها تاني علي راسها ببتسامة وخرجت
حمزة اللي كان بيدور علي حاجة في الاوضة يطفي فيها السيجارة قال.. مالك
مردتش زهرة عليه لانها كانت شاردة
قرب منها بعد مااخد طبق صغير لاقاه موجود علي الترابيزة وابتدي يطفي فيه
حمزة بسخرية….. مالك ياعروسة
بصتله زهرة لثواني وبعدين قالت…. هو انت مارفضتش ليه
حمزة بغباء مصطنع…. مش فاهم
زهرة…. لما انت مش موافق وعارف اني كمان مش موافقة. ليه ماقولتش لابوك لا
حمزة وهو بياخد نفس من السيجارة وبينفخه بهدوء بصلها وقال… مينفعش اقول لابويا لأ.. هو قرر وانتي عارفاه عمره ماهيغير رأيه. مادام قال هنتجوز يبقي هنتجوز. يعني لا انا هعرف اعمل حاجة ولا انتي هتعرفي تعملي. ف ارضي بالامر الواقع..اما كل اللي ليكي عندي اني هعتبر جوزانا دا علي الورق بس. فـ متقلقيش
وقبل مازهرة تتكلم كان حمزة سابها وخرج من الاوضة
قعدت مكانها علي السرير ودموعها ابتدت تنزل بوجع علي حالها واللي بيحصلها من كل اللي حواليها اللي المفروض اقرب الناس ليها. لكن للأسف هما السبب في وجعها
فضلت زهرة ساعات بتبكي لقرب الفجر.. مرة واحدة افتكرت تهديد مرات عمها
مسحت زهرة دموعها وقامت بسرعة اخدت حاجتها وخرجت من الاوضة وطبعا اللي في البيت كلهم كانو نايمين
نزلت زهرة بهدوء من علي السلم وفتحت باب الفيلا براحة وخرجت
كان البواب قاعد علي الكرسي ونايم مشيت من جمبه بالراحة وفتحت البوابة الكبيرة وخرجت بدون مايحس بيها
فضلت ماشية وهي بتبص كل شوية وراها وهي مرعوبة وخايفة من اصوات الكلاب لحد ماابتدت تجري
لحد ما قابلها ثلاث شباب ماشيين بعربية
واحد فيهم لـ لاتنين التانيين .. شايف يلا انت وهو اللي انا شايفه ده
واحد تاني وهو بيحرك لسانه علي شفته السفلية بر، غبة قال… ايوا ياعم دي مزة
الثالث… دي شكلها مش من هنا يلا. واضح من لبسها. دي حاجة نضيفة يااض
بقلم فريدةاحمد
ووقفو العربية ونزلو منها
وابتدو يقربو من زهرة .. كانت زهرة من كتر الجري وقفت تاخد نفسها وهي مش شايفاهم ولا واخدة بالها منهم
لحد مافجأة انتبهت ليهم وهي شايفاهم بيقربو عليها
خافت و راحت تجري بسرعة بس هما كانو اسرع منها ومسكوها
فضلت تصرخ وهي بتحاول تفلت من ايديهم ومش عارفة
زهرة…. سيبوني ياولاااد الكلب. عاوزين مني ايه
واحد فيهم…. اهدي يابطل واحنا هنبسطك
زهرة برعب….. سيبونييي سيبونيي حرام عليكو
وهي بتقاوم فيهم وبتحاول تصرخ وتنادي علي اي حد تستغيث بيه لكن للاسف مافيش اي حد المكان… المكان كلو فاضي مفيش ناس والوقت متأخر
واحد فيهم وهو ماسكها… اثبتي بقا وتعالي معانا. بنقولك هتتبسطي
بصقت زهرة علي وشه وقالت … سيبني ياحيوان يابن الكلب.. سيبونيي
وهي بتصرخ
بس مرة واحدة واحد فيهم خبطها في راسها خلاها فقدت الوعي
شالوها وحطوها في العربية وركبو وطلعو بالعربية وو
…
في الصباح
في فيلا هارون
كانو العيله كلهم متجمعين علي السفرة بيفطرو
وقبل ما اي حد من اللي قاعدين يسأل علي زهرة
قالت امينه ل بنتها ….. روحي اطلعي يادينا شوفي زهرة بنت عمك وقوليلها تنزل تفطر معانا
قالت عمتها… ايوا بسرعة يادينا. البت دي واحشاني بشكل . كان نفس اشوفها امبارح لما جات
بصت لـ هارون وقالت… احسن حاجة عملتها يااخوي انك هتجوزها لـ حمزة.. زهرة دي حتة من قلبي كدة والله. تختلف عن امها واختها.
وبصت لحمزة اللي قاعد يفطر بهدوء وقالتلو… مبروك ياحمزة ربنا يمملكم علي خير ياحبيبي
حمزة… تسلمي ياعمتي
في اللحظة دي نزلت دينا من علي السلم بعد ماراحت تشوف زهرة وملقتهاش في الاوضة وهي بتقول…
ياماما. زهرة مش في الاوضة
هارون بخضة…. كيف ده.. يعني ايه مش في الاوضة
امينة بسرعة…. يابت شوفيها كويس. تلاقيها في الحمام
دينا…. شوفتها..زهرة مش فوق والله
قام حمزة من علي السفرة وكلهم قامو يدور عليها
وفعلا ملاقوهاش ولا اي اثر ليها في البيت
كانت امينه بتدور عليها معاهم وهي بتمثل انها قلقانة عليها
فضلو اليوم كلو قالبين الدنيا عليها لكن للاسف ملاقوش لـ زهرة اي اثر
مساءا
في شقة مشبوهة كانو داخلين شباب كتير وكل واحد معاه بنت
في اوضة من الاوض فاقت زهرة فتحت عيونها وهي حاسة بتعب شديد قامت وهي بتبص حواليها وهي تايهة
وبمجرد مااتذكرت اللي حصل وشافت هدومها المتقطعة اتصدمت وبقت تبكي برعب هي مش فاكرة بالظبط ايه اللي حصلها لانها كانت فاقدة الوعي لكن من منظرها استنتجت
فضلت تسند علي الحيطة وهي دايخة .. كانو الشباب والبنات داخلين شافوها كده
واحد قال… الحق يلا البت بتاع امبارح فاقت
التاني بعد ماساب البنت اللي كانت معاه قال… فاقت يبقي تلزمني بقا وهو بيقرب عليها وبيبصلها بشهوانية
قاطعتهم بنت من اللي كانو موجودين وهي بتدخل عليهم وبتقول…. يالهوي يالهوي البوليس جاي.
وفي لحظة وقبل مايستوعبو لقو البوليس هجم علي الشقة ولمو كل اللي فيها بما فيهم زهرة. اللي كانت في حالة يرثي لها وهي مش قادرة تستوعب كل اللي بيحصلها
يتبع….
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.