رواية مذكرات زوجة – الفصل الحادي عشر 11 والأخير
هيله بليل تخربطت وسن ونقلوها للمستشفى صارت عدها ولاده مبكره
بنص الثامن صار عدها ولاده
بيت عمي انخبصور خبص كلهم راحو وياها للمستشفى
اليل كله تطلك والصبح جابت
جابت بنيه حيل تعبانه ومريضه
اني ثاني يوم نزلت لكيت بس العروسه الجديده بلبيت
بعد تجيهم ناس تباركلهم علمود العرس
نضفت البيت وطبخت غده
شويه واجا ناطق وحيدر
هيله الله يساعدك
ناطق اهلا وسهلا
هاله بلعافيه تتربى بعزك
ناطق الطفله حيل تعبانه وضعها موزين
هيله الله كريم الله يشافيه احضرلك الاكل
ناطق اي جوعان
هيله هسه دقايق
ناطق قميصي السمائي اكوي اليه
صبيت غده وكعدو يتغدون واني كعدت اكوي قميص
ناطق
بعدين العروسه كالت اني انضف المطبخ انتي تعبتي
بدل ناطق ورجع للمستشفي واني رجعت البيتي غديت الجهال وكملت شغلي
جمانه السعيدي
بقت اسبوع بلمستشفى وناطق خطيه يكسر الخاطر
رايح جاي
ساعه يجي يمنا ينام وياكل ساعه يم بيت خالتي
يكول وسن متهستره على بته لان هي موزغيره عمره فوك ٣٣ ماصدكت حملت
والدكتوره تكول هاي الطفله احتمال ماتعيش
تعبانه حيل
بعد اسبوع طلعوه من المستشفي وراحت وسن يم امه
بس كل اشويه رايحين الدكتور شكل يردون يوكفون على علته ماكوووو
البنيه حيل تعبانه
ومجاي تتحسن حالته
حتى خلوله أنبوب من راسه علمود الاوكسجين
وانبوب للمثانه
يعني حالته موتمام وحالت اهله عليه صعبه كلش
ناطق اجا صعد يمي
هيله احضرلك الاكل
ناطق تعبت هيله تعبت لا رب العالمين ماخذه ومرتاحين
ولا عايشه حاله حال الاطفال
ووسن صايره لا تطاق ابد
عصبيه وتصيح والنهار كله تبجي
وفلوسي خلصت على الدكاتره والمستشفيات
صار شهر نركض وماكو اي نتيجه
هيله محتاج فلوس انطيك
جمانه السعيدي
ناطق لا مو الهلدرجه بس تعبت ولله تعبت اكلج شلون انتي جنتي تحبلين وجبببن ولا مره حسيت بيج ابد
لو يمكن اني جنت مهمل كلش
اسف على كل لحظه ضاعت واني مامقدر النعمه الي عندي
هيله هي هم قابليه اكو جسم يتحمل واكو لا
ناطق اتمنى انام واكعد وارجع الحياتي القديمه
اني بيش تورطت
هيله لاتكول هيج كله امتحان واختبار من رب العالمين
الأجر على قدر المشقه
ناطق والنعم بلله تعالى
هيله خل احضرلك الاكل
ناطق اي ولله جوعان وتعبان
تغده ونام شويه وكعد على صوت التليفون
اسمع وسن تتعارك ويااا
وسن اليوم مااجيتني ولا كلت شلونج اي اهم شي عدك
هيله
اجتك الفرصه تكعد يمه وتسكت
واني وبنتك مو مهم
ناطق شكو شبيج اجيت من الدوام تعبان ونمت ساعه
شصاير اكو شي
وسن وليش تنام غير تجي تشوف بنتك لو عايف كلشي براسي
ناطق بلا كلام زايد جنت بلدوام لو بعد مااروح للدوام
واكابلج واكعد ومنيبن نصرف
من جبتي الهسه مابقبتي عليه فلس احمر
تعبت وسن تعبت
حاولي تحسنيين اسلوبج شويه
اني مااشتغل عندج فهمتي
طبك التليفون وهو منفعل كلش وعصبي
هيله احضرلك جاي
ناطق اي بسرعه راسي يوجعني
هيله خدرت الجاي واجيت كال تعاي افرك راسي يمكن ضغطي صعد
جمانه السعيدي
شايفه يكولون واحد مشتري المصايب اني اشتريت
المصايب النفسي مشترا
هيله كمت افرك براسه اهداء ولا تعصب ومايصير غير الي كاتبه رب العالمين علينا
ناطق هسه هي غير بمصيبه وبته مريضه
تعدل كلامه تجذب الناس اله
ايكول اشتغل عده كل شويه ومتصله وتتعارك وياي
اني بيش قصرت
تعبت منه حيل لو ماهاي الطفله خاف يكولون عاف بته مريضه
اله هسه اطلكه وانعل الساعه السوده الي شفته بيه
بدل وطلع راح يشوفه
بعد يومين بلضبط ماتت الطفله ووسن انهارت كلش
تبجي وتملخ بنفسه وبيت عمي كلهم كاعدين يمه
بس اني والعروسة بلبيت
بعد هاي الحادثه بقت وسن شهر عد اهله حزينه ومريضه
وتعبانه شكد حاول ناطق يطلعه من حزنه وماكدر ابد
اخير شي
طلبت الطلاك
وسن ناطق طلكني اني مالي عيشه وياك بعد
ناطق ماصدك هو هم طالعه روحه من عدها ومادام هيه طلبت الطلاك خلاص كلمن يروح الحاله
والخيط الي جان رابطهم انكطع
الطفله وماتت
انفصلت واخذت وسن كل حقوقه
وطلبت نقل الغير دائره حتى بعد لاتشوفه ولا يشوفه ابد
كنت سعيده جدا بهاي الاخبار واخيرا ناطق راح يرجع البيته وجهاله
بس ولله ضجت على الطفله من ماتت
هاي الازمه تعبت ناطق حيل ووقف بناء بيتنا لان مابقة عنده فلوس رغم البيت كمل كبناء بس بقت باقي الاشياء مثل الكهرباء والماي ولارضيه والواجه
اني عذرته خطيه ضروفه صعبه مااصير اني والزمن علي
رجع ناطق يعيش ويانه بعد ماتعلم درس ما ينسا طول عمره
بدا الدوام وقدمت كليه اداب كليه اهليه دفعت القصد من الفلوس الي جمعتهن من المصرف الي جنا ناخذه من
ناطق
جمانه السعيدي
بعد ست اشهر رجع ناطق يبني بيتنا
بيتنا كلش حلووو يخبل وجبير
نجحت السنه الاولى طبعا اكثر واحد ساعدني ناطق
يقري الجهال ويطلعهم حتى اركز بلدراسه
ناطق حتى يطبخ ويغسل ملابسنا
حتى ملابسي يغسلهن وياااا
ايكول ركزي بدارستج
ناطق صار انسان ثاني
هاي التجربه شكد صعبه بس كانت مهمه خلتني انتبه النفسي والوضعي
خلتني صرت انسانه ثانيه
لو ماهي التجربه كلشي ماكدرت احقق
حتى ناطق هاي التجربه وعته على زمانه وخلته ينتبه لنعمه الي عنده
وعسى أن تكرهوا شيئا وهوخيرا لكم
كمل بيتنا ونتقلنا واني هاي السنه اخلص كليه
الحمد لله تمسكت بحياتي وحافظت على بيتي وجهالي
لو منفصله جان تعذبت اني وجهالي
شكد جان هذا الدرس صعب وهاي التجربه مره
بس خلقت مني انسانه ثانيه
انسانه انتبهت الصحته وحياته ودراسته
كل هاي الأشياء كنت ناسيتهن
وعايشه بدون هدف
بداية المشكله كانت فكرت الانفصال مسيطره عليه
ردت ابتعد واحفظ كرامتي
بس هسه اكول همزين رجعت وماضاع بيتي مني
صحيح اني ضروفي تختلف عن هواي بنات
اهلي كانو مسانديني
وناطق ضروفه الماليه زينه ومانحرمنا اني وجهالي من اي شي
يمكن اني حليت مشكلتي بطريقه تختلف عن غيري
رجعت الناطق وبنفس الوقت ابتعدت عنه
واشتغلت على نفسي
كلش فخوره بلنجاح الي حققته
دمتم سالمين
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.