رواية مذكرات زوجة – الفصل الثالث
بعد اربع سنوات من زواجي اتزوجت حماتي الثانيه
وأصبح كل همي اخلص شغلي وبس
ناطق باعي هيله اني بعد مااريد اطفال ابد
شوفيلج حل
هيله اني هم بعد مااريد جهال ولله مجاي اللحك على الببت وطلبات الجهال
ناطق هااا بديتي تتشكين هسه قابل انتي شمسويه
ترا شغلج هذا كل النسوان تشتغله
نمونه التنظيف والطبخ عبالك مخترعه علم الذره
هيله لا تزعل حبيبي مو قصدي
اخذت غرفت البنات وجهزته للجهال
لان الجهال كبروووو ومجاي اكدر اخذ راحتي بغرفتي
جمانه السعيدي
فات على زواجنا ثمن سنوات
امير خلص صف اول ومرام عمره خمس سنوات
حياتنا ماشيه مثل ماهي روتين يومي
والي نصبح بي نمسي بي
واني اتعودت على هذا الوضع
بعد ثمن سنوات من عمل ناطق بدأئرة الكهرباء
ترقى وصار مدير دائرة الكهرباء
لان هو كان أعلى شهاده موجوده بلدائره
بلاضافه إلى خدمة ثمن سنوات بهاي الدائره
كانت الفرحه بوقته ماتنوصف ابد ذبحنا خرفان ثنيين
وعزمنا اقاربنا والكل اجه باركلنا
فرحت ناطق بلترقيه ماتنوصف ابد
اني مانابني من هاي الترقيه بس التعب والركض
انضف وارتب واطبخ وناس رايحه وناس جايه
وناطق ابد مافكر من اجته الترقيه والراتب زاد
والمناصب عله
يأخذنا سفره طلعه وونسه يشتريلي هديه
لا كان هامه نفسه وبس
اشترا كم قاط رسمي جدبد
وعطور فاخره
ويطلع ويه جماعته وناس شكد تجينا للببت
حتى يمشيلهم شغل
جمانه السعيدي
اني زادت مسولبتي وتعبت اكثر
بس محد فكر بيه ابد
لا بلعكس كلما تزيد المسوليه ينتضروني اقدم الافضل
صحيح هو هذا واجبي
بس اني بشر من حقي اشوف نفسي شويه
بس ماكان الصوج بيهم ابد
الانسان هو الي يخلق شخصيته ويكون نفسه
ويخلي الناس تحسبله الف حساب
واني ناطق لغه شخصيتي نهائيا
تحت مسمى الحب
ابد ماافكر بنفسي افكر بجهالي وناطق وعيالي وبس
حتلو اتمرض ماأخذ استراحه
اكول منو يخلص شغلي اذا نمت
ناطق من يشوفني مريضه يروح يشرح حالتي للصيدلاني
ويجيبني علاج
اخذ منه واصير زينه
كنت راضيه ابد ماكنت اتمرد على هذا الوضع
بلعكس كل اقاربنا كانو حاسديني
زوجه موضف ومدير دائرة الكهرباء
ومدللهم دلال
بعد شتريد اكثر قابل حضنا مثل حضه
بعد سنه من ترقيه ناطق عمي تمرض وكانت محتاجه عمليه يشيل المراره
ناطق حجزله باحسن مستشفى وحيدر تبرعله بدم
يومين احنا مخبوصين وناس رايحه وناس جايه نجحت العمليه
ولله الحمد
عمي كلش زين اليه والجهالي دائما يذكرهم ويشتريلهم
وكلش يحبهم ومتعلق بيهم حيل
من طلع عمي بيتنا انخبص خبص
صحيح حمواتي اجن بس كل وحده وعدها ثنيين جهال
يوصخون اكثر ماينضفون
وكلشي مركب براسي
خالتي كان شغله الوحيد تهتم بعمي واكله الخاص
وباقي الشغل كله عليه
بدووو يجون موضفين الدائره
يطمنون على عمي
جمانه السعيدي
الحد مايوم رجع ناطق للبيت الضهر بعد اسبوع من
عملية عمي
وويااا وحده
تقريبا من عمر ناطق يعني عمره ٣٢ اني كان عمري بوقته
٢٦ سنه
شفت ناطق دخل وهو حيل مهتم بيه ويرحب بيه
البنيه سمره وملامحه عاديه يعني لا قبيحه ولا جميله
شكله كلش عادي
بس لبسه كلش راقي والجنطه والحذاء ماركه
ولا بسه ذهب هواي
ومكياجه وطريقته بلكلام حلوووه
ناطق تفضلي تفضلي اهلا وسهلا
دخلت للبيت بقينا اني وخالتي واكفين ونباوع عليه
ناطق اعرفكم المهندسه ووسن انتقلت قبل شهر تشتغل ويانه
ومن عرفت ابوي مسوي عمليه صممت تجي تتحمدله على سلامته
خالتي اهلا وسهلا تفضلي
هيله اهلا وسهلا
ناطق اعرفج هاي ست الحبايب امي الغاليه
وهذا الوالد
وهاي هيله زوجتي
طبعا اني لابسه دشداشه وضافره شعري
شكلي مرتب بس عادي
كلنا رحبنا بيه سلمت على عمي وخالتي
وبعدين سلمت عليه
تباوع عليه من فوك ليجوه وكنما تستحقرني
تباوع عليه من ورا خشمه وترجع تباوع الناطق
اني مااخذت ابالي ابد
رحت جبتله ماي وعصير
وكتله ابقي تغدي عدنا
كعدت شويه سولفت ويه خالتي جانت جايبه علبة حلويات مبينه راقيه يجوز ٢٥ سعره
وبعدين راحت
ناطق طلع وياها كال اوصله وارجع
راح ناطق يوصله وتأخر يله رجع للبيت
هيله اجبلك غده حبيبي
ناطق لا شكرا اتغدبت
…وين اتغديت سويتلك مركة الباميه الي تحبه
…مو كلنا تغديت ليش تلحين عليه
صعد بدل ونام
هاي كانت بداية الخيانه واني ياغافلين الكم الله
افتر النهار كله بلببت وماادري شجاي يصير
من هي اللحضه بدا ناطق يتأخر يله يرجع
ومن اسئله يكول شغل
لو واحد عزمني لو اكو شغله ورحت حليته
والتليفون ماينزل من ايده ابد
اربعه وعشرين ساعه لازم التليفون ويخابر
ابد ابد ماشكيت بي لحظه وحده
كنت اكول غير مدير اكيد تجي اتصالات هواي
وصل بي الحال اكعد بليل وماالكا نايم بصفي
مرتين بعدين نزلت ادور علي لكيته كاعد بلصاله ويحجي
بس شافني ارتبك حيل
وكال ليش كعدتي اكو عطل صاير بلدائره وتصلو عليه
وماحببت ازعاجج ابد
نزلت احجي بلتليفون جوووو
جمانه السعيدي
لمن زادت الشغله بدا الشك يدخل كلبي
ناطق حيل متغير
مايسئل على الجهال
وعلى طول غايب عن البيت والتليفون ماينزل من ايده ابد
لاتكولون انتي مخربطه وبسببج يباوع برا
بلعكس ابد مايوم لا كيته بملابس الشغل
صحيح اني مو مكيجه على طول
بس ملابسي نضيفه وشعري مرتب واخلي مرطب وعطر
شغل البيت ماخذ كل وقتي
وهو ابد ماكان يحفزني ابدل واتمكيج
وحتلو اتمكيج ماينبهلي ابد
ووزني شويه زايد بسبب الحمل والولادة
اكثر شي يهم ناطق ملابسه نضيفه واكله جاهز وامه وابو وجهاله كلشي تمام
بديت اشك لان ناطق حيل متغير
وخاصه من دخلت هاي المهندسه بيتنا
حال ناطق حيل تغير
بس ابد ماشكيت بي لان اني واثفه من حبه اليه
كنت اكول لا تخلين الوساوس تدخل كلبج
زوجج مدير وشغله هواي
لا تخلين الشيطان يخرب ببتج
حافضي على بيتج وجهالج زوجج الف وحده تحلم بي
احمدي ربج واشكري على وضعج هذا
غيرج يتمنى ربع هاي العيشه
ومالاكيه ناطق ماكو منه ابد
ابد مااحاولت اضايقه او اعكر مزاجه
انطيته كل الاعذار
وماطالبته باي شي
بس هو بلمقابل جان يلعب من وراي ومستغل ثقتي بي
وعايش حياته وهاملني اني والجهال
الفصل التالي اضغط هنا
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.