رواية كل هذا الحب الفصل الحادي والثلاثون 31 – بقلم ديدي فتحي

الحلقه ال31

قرأه ممتعة

باسم زاد جنونه بسبب مقاومه حنين ليه ومن غير ما يحس خبطها في الحيطه نزلت مغمي عليها ودماغها اتعورت

وهو شالها وبجنون وبرغبه متوحشه بتحركه… قولتلك يا حنين قلبي لو مش برضاكي يبقا غصب عنك

باسم قطع هدوم حنين نصين ولسه هيقرب منها لمح السلسله اللي اخوها مديهالها وفيها الايه القرانيه ايه الكرسي وصوره اخوها

بعد عنها بنفس السرعه اللي قرب منها… وفعلا الايه القرانيه حماتها من اللي باسم كان عايز يعمله فيها

وبعد وقت ليس بكثير وباسم مازال علي وضعه…قرب من حنين و قعد جنبها ودموعه نزلت بوجع علي حبيبته اللي هو كمان عذبها زي الكل ما بيعذبها من امتي كان بيعذب حد بالشكل ده وخصوصا لما الحد يكون حبه وعشقه الاول والاخير

جري جاب شنطته و طهر لها الجرح وخيطه ونادي لأمه اللي اتفاجأت من اللي حصلها بس هو قالها انها وقعت في الحمام واتعورت وطلب منها انها تفضل جنبها عشان وراه مؤتمر وهيغيب لمده اسبوع

وطبعا هو بيهرب من مواجهه حنين وأمه صدقت وفضلت جنبها و هو سافر

وحنين اول ما فاقت اتالمت من جرح راسها وامه قربت منها وبجديه وحزن… الف سلامه عليكي يا حنين ابقي خلي بالك المره الجايه وانتي في الحمام ياحبيبتي

حنين غمضت عيونها وفهمت ان باسم فهمها كدا… وعمل اللي هو عايزه برغم رفضها لده… وقررت انها خلاص لازم تخرج من سجنها ده يمكن تلاقي اي حاجه تثبت شخصيتها وتعرف اهلها

******************عند إبراهيم وزينب********

إبراهيم راح لزينب وخبط و أول مافتحت و شافته هو و همس افتكرتها بنته

وبحزن و دموع… انت بعد كل السنين دي!!!وحست ان رجليها مش شيلاها واغمي عليها

وهمس صرخت بصوتها كله عمتو زوزوووووو

وابراهيم شالها ودخل بيها احمد وولادها طلعوا وشافوه

واحمد اتصدم لما شافه والصدمه انتهت لما بص لمراته المغمي عليها علي دراعه

جري عليها ونايموها علي الكنبه وفاوقوها …زينب فتحت عيونها

و بتبص لهمس… وبوجع وحزن… يعني انت روحت اتجوزت وخلفت وسبت قلبي محروق عليك ياريتك ما جيت ودخلت اوضتها وسابته

وابراهيم دخل وراها هو و همس

واحمد جوزها بدهشه وصدمه… انت بعد كل السنين دي انت طب ازاي  و كنت فين وليه مجتش تشوف أختك بدل ما هي كل يوم بتموت عليك

ابراهيم بصله وسكت… راح وقرب من زينب و قعد تحت رجليها

وبدموع… ارجوكي سامحيني انا قولت أبعد واريحك مني وكفايه عليكي عذاب و وجع بسببي

زينب بصتله ودموعها مغرقه وشها… تريحني!!!

وبوجع… ازاي فكرت ان بعدك عني هيريحني… وانت سبت قلبي مولع عليك ومش عارفه اذا كنت حي ولا مايت… وهربت و دورت عليك وقلبت الدنيا عشان الاقيك

و بقهر طب انت كنت عارف مكاني… كنت ممكن تجيلي وتريح قلبي… وبدموع وشهقات كان كفايه سنة و ترجع سنين وترجع وجاي ترجع بعد ست سنين بعد الحزن ما اكل قلبي وكسرني

ابراهيم بدموع و حزن… و هو مازال قاعد تحت رجليها… ارجوكي اسمعيني وبعدين أبقى احكمي عليا باللي انتي عايزاه بس ارجوكي اسمعيني

زينب بصتله وقامت و هو مسك رجليها وبدموع ورجاء… ارجوكي اسمعيني ارجوكي… ده كله واحمد و همس

موجودين وكمان عمرو و محمد ولادهم

زينب بصتلهم والكل حزين و دموعه نازلة وبالذات همس اللي قاعده جنب ابراهيم ومسكه فيه وبتعيط هي كمان

زينب بصتلهم و قعدت تاني مكانها

وابراهيم حكالها عن كل حاجه… من اول ما يأس من الحياه واتوجع بسبب اللي عمله ابو حنين فيها… ورفضه انه يدخل لحنين… ومقابلته لمروان وردى وكمان بنته منها اللي ماتت… و انتقم مروان من رودي الرأس المدبره للي حصل وكمان حرقها هي و بنته

و مروان اللي الشرطه اخدته ولما كشفوا عليه لقوا عنده انهيار عصبي شديد من اللي حصله وحجزوه في المستشفي… وبعد ما خف لقوا ان الصدمه اثرت علي عقله ومبقاش سليم ونقلوه علي مستشفي الأمراض النفسيه ده طبعا ابراهيم عرفه من الجرايد

وحكالها كمان لما لقا همس في الشارع… وانها اد اية هي اللي خففت عنه ألالم السنين… و كل يوم بيعدي عليه كان نفسي ارجعلك بس خايف ليكون سبب في وجع وعذاب حد تاني او اواجع قلبك تاني قلبك تاني

لغايه لما قرروا ينزلوا مصر و همس هي اللي طلبته من ده من كتر ما بيحكي لها عنها وكان نفسها تشوف حنين بس قال لها انها راحت و قابلت وجه كريم… كل ده وابراهيم بيحكي بيوجع ودموع

وزينب كمان دموعها نازله زي الشلال وحست باخوها واد ايه هو اتوجع وقاسي من مراره وظلم الايام ليه… وبحب واشتياق… وحشتني اوي اوي يا ابراهيم وحشتيني اوي

ابراهيم قام وحضنها جامد وصوت عياطهم يكاد مسموع لكل حد اتحرم من حد بيحبه وغالي عليه

وهما مازالوا حاضنين بعض… همس شدت هدوم زينب و بزعل… عمتو عمتو وانا كمان مليش حضن زي ده علي فكره انا برضه بنته و المفروض تحبيني اكتر منه لاني معنديش ماما تحضني

زينب طلعت نفسها من حضن ابراهيم وقعدت علي الارض و مسكت وشها وبدموع اكتر شيفاها فيكي يا حبيبتي انتي صوره طبق الاصل منها واخدتها لحضنها وضمتها جامد

وهمس طلعت نفسها من حضنها… ومدت ايديها و مسحت دموعها وبطفوليه… كفايه بقا يا عمتو عياط

وبمكر ومناغشه… عارفه ياعمتو انتي لو تركزي في الاكل وتاكليني ربنا هيكرمك اكتر من انتي مركزه في العياط كدا

زينب بصتلها باستغراب ودهشه… واتفتحت في الضحك😂 مره واحده… وابراهيم واحمد وولاده كمان

زينب شدتها لحضنها تاني جامد وبحب وصدق… حاضر يا روح و قلب عمتو انا هعمل اكل كتير تفضلي تاكلي لغايه لما تشبعي خالص

همس بطفوليه باستها في خدها… احبك يا عمتو و انتي فهماني كدا احبك

زينب بضحك… وانا كمان بحبك يا روح وقلب عمتو يلا ادخلي خدي حمام والبسي اي حاجه دلوقتي لاني معنديش لبس بنات وانا هبقي انزل اشتري لك كل اللي انتي عايزاه

وبصت لابراهيم اوضتك جاهزه وزي ما هي لانك مش هتسبني تاني

همس بطفوليه… يا عمتو انا معايا لبس كتير هيما جبهولي

زينب بمشاكسه… هيما مين

همس بمرح… هيما ده وبتشاور علي ابراهيم

وهو بصلها وبضحك… احنا قولنا هيما دي بينا احنا الاتنين بس

همس بمكر… هو انا قولت قدام حد غريب دي زوزو حبيبتك

زينب ضحكت بصوتها كله تاني… زوزو تصدقي ما حد يجرأ ويقولي كدا غير ابراهيم وجوزي

همس بمكر… وانا كمان هقولك يا زوزو لاني مش اي حد يازوزو

عمرو قرب منهم وبجديه وغضب… ما تحترمي نفسك وتكلميها باسلوب كويس

همس بصتله من فوق لتحت وباستفزاز… بس ياااد وبعد كدا لما تكلميني تتكلم كويس والا بعد كدا هوريك الوش

التاني

عمرو قرب منها وبجديه… عارفه لو انتي مش في بيتنا وبنت خالوا كنت علمتك الادب

همس بغضب… انسي خالو وعلمني الادب وانا اعرفك مين همس ابراهيم

ابراهيم لسه هيرد… قاطعه ضحك احمد😂 اللي ادخل في الكلام وبضحك… يا نهار مش فايت العيال هيموتوا بعض واحنا واقفين نتفرج ما تحوش بنتك عن الواد يا عم

ابراهيم بضحك😂… ما تحوش ابنك انت عن بنتي

احمد بغيظ… ده علي اساس ان الواد قادر عليها دي فاضل شويه وتولع فيه

زينب بضحك😂 وجديه… شاطره يا حبيبه عمتو انا عايزاكي اي ولد يحاول مجرد محاوله انه يضايقك ولا يتعدا حدوده معاكي حتي لو كان ابني متسكتلهوش… واوعي تسيبي حقك أبدا ياقلب عمتو فاهمه

همس بجديه..ايوه يا عمتو فاهمه اللي يدوسلي علي طرف انهيه

ابراهيم ضحك بصوته كله😂 و بضحك…طب يلا يا سوكه يا عبيطه يلا

همس بغيظ… هيما كل عيش احسنلك بدل ما يبقي منظرك وحش قدام زوزو اختك

ابراهيم بضحك😂… حاضر حاضر هاكل عيش امشي قدامي يا مدوخاني كسفتيني قدام اختي من اول يوم الله يكسفك

ودخلوا اوضته اللي كان متعود ينام فيها عند زينب لما يروحلها

وعمرو بص لمامته بغيظ… والله لازم أعلمها الادب واعرفها مين عمرو احمد وسابها ودخل

و زينب واحمد ضحكوا عليهم انهم اطفال بيحاربوا بعض زي توم وجيري

وبعد وقت ليس بكثير زينب حضرت الأكل والكل اجتمع علي السفره واكلوا

وبعد الاكل لسه عمرو و محمد هيمشوا

همس بجديه… رايحين فين يا حلو انت و هو يلا نشيل الاكل ونساعد زوزو

عمرو بغيظ و غضب… بت انتي انا مستحملك بالعافيه متخلنيش انسي انك بنت خالو و اروقك

همس بهدوء وقربت منه…قرب كدا وانا اللي اروقك واخليك تقول حقك برقبتي

عمرو بدهشه من كلامها.. انتي ازاي بتتكلميني كدا وانا  راجل  والمفروض وتتكلمي معايا احسن من كدا

همس بجديه و هدوء…اما تبقا تعمل افعال الرجاله هبقا اعاملك علي اساس ده واخدت اطباق من علي السفره و مشيت

وده كله تحت انظار ابراهيم و زينب وجوزها

و ابراهيم ابتسم بحزن و بجديه… الحمد لله انها كدا مش زي حنين عشان لو حد اتعرضلها تعرف تاخد حقها((وميعرفش اللي حنين هتعمل فيه ايه وهتخليه يعدا النجوم في عز الضهر… وهتطلع عليه اللي هو عمله فيها… وتاخد حقها منه تالت ومتلت)) وهنعرف ده في الاحداث الجايه ان شاء الله 🙏

وعدا يوم و اتنين واسبوع وابراهيم قرر… قرار ومش عارف قراره ده صح ولا غلط بس لازم يعمله مهما كان اللي هيحصل ولسه هيخرج

همس جريت وراه… رايح فين يا بابا انت اول مره تخرج و متاخدنيش معاك بلاش تسيبني يا بابا

ابراهيم بحب وشدها لحضنه جامد… انا اسيب الدنيا كلها و ما اسبكيش يا همستي

همسه وهي مازالت في حضنه… امال سايبني ورايح فين

ابراهيم بجديه… هروح مشوار صغير كدا واجيلك علي طول

همس بجديه و حزن… وتسيبني لوحدي ؟؟؟

ابراهيم بجديه… لا انا هسيبك مع عمتو حبيبتك وبيبصلها

و زينب بجديه… مصمم برضه مع انه مشوار ملهوش لازمه

ابراهيم بجديه… علي الاقل قلبي يرتاح واطمن عليهم دول مهما كان انا السبب في اللي حصلها ولاهلها

زينب بجديه…. ربنا معاك يا حبيبي بس متتاخرش عليه

ولسه هيمشي همس بطفوليه…علي فكره يا هيما انا مش هاكل ولا أشرب غير لما ترجع

ابراهيم بجديه وحب… يبقا كدا هيما هيزعل منك

همس بزعل… هيما يزعل من همسته عشان بتحبه وعايزاه يرجع بسرعه

ابراهيم بحب وجديه… لا مش عشان كدا انا هزعل لما متاكليش وتسيبي نفسك جعانه وتتعبي

زينب بمشاكسه… وكمان زوزو حبيبتك هتزعل بزياده ولا انتي مااكلتيش

ابراهيم بحب…هاااا همسه هيما هتاكل ولا تزعل هيما واخت هيما

همس بحب وضحك… لا هاكل ومش هزعل هيما ولا اخت هيما وبجديه وخوف… بس لازم هيما يوعد همسته انه هيرجعلها بسرعه و ميغبش عليها أبدا

ابراهيم بحب وعشق… وهيما بيوعد همسته انه مش هيغيب عليها و هيرجعلها بسرعه وباسها وسابها و مشي

وهمس الدموع لمعت في عيونها… و زينب قربت منها وبحب و مشاكسه… ممكن تعتبريني هيما علي ما يرجع ممكن؟؟

همس بمشاكسه… ممكن يا زوزو بس علي ما يرجع بس

زينب بضحك وحب… و زوزتك موافقه يلا بينا يا هموسه عمتك

***************************كل هذا الحب… عشق حنين… بقلمي… ملكه القلوب… دي دي فتحي… صفحتي الشخصية… باسم… اللهمّ أسألك الفردوس لوالدى

عند حنين👇👇

حنين قررت انها لما تخف تخرج وتشوف الدنيا يمكن تفكرها بحاجه أو تعرف هي مين

و فعلا خرجت بس أم باسم صممت انها تخرج معاها لانها عارفه انها مش فاكره حاجه ولا عارفه حاجه وخافت عليها وخرجت معاها برغم ان عارفه ان ابنها رافض ده بس حنين صعبت عليها خصوصا لما صممت علي ده… و فضلوا كذا يوم يخرجوا ويروحوا أماكن مختلفه

لغايه لما في يوم وهما في مول كبير وبيشتروا حاجات

كانت المفاجأه اللي صدمت😳 اسر وموني لما شافوها هناك

وكانوا بيخلصوا عمليه من عملياتهم المشبوهة بعد ما كان أسر مقرر انه ميرجعش للسكه دي تاني بس بعد كدا ابوه وزنه عليه وحرمانه من الفلوس وكمان نفسيه اسر اللي كانت محطمه بعد موت حنين… رجع للاجرام تاني بعد سنتين بعد ما كان مقرر انه ميرجعلهوش تاني

وكمان موني اللي ماخدتش في السجن يوم واحد بسبب الواسطه اللي ابوها جبهالها

شافوها و الصدمه لجمتهم أسر بصدمه ودهشه… معقوله دى تكون حنين معقوله ولا دي واحده شبهها

موني… لا لا اكيد دي وحده شبهها و ايه اللي هيرجعها تاني من الموت ويجيبها امريكا لو كانت هي فعلا حنين

أسر بشتياق ومكر…و هو ده بالظبط اللي هحاول اعرفه

ولحظات وجه باسم و بعنف و غضب… ايه اللي خرجكم يعني أنا معرفش غير انكوا هنا غير لما كلمتكوا في التليفون

وبغضب اكتر وببص لحنين… مع اني محظرك متخرجيش بس انتي كدا عايزه تشوفي وشي التاني ماشي… اوعدك من هنا و رايح هتلاقي إنسان تاني و مسكها من دراعها بعنف و غضب

وحنين بعنف وغضب اكتر منه وشدت دراعها… ومين قالك اني هسمحلك تعمل فيه كدا… او هسكت علي حبستك ليه بعد كدا… وبتهديد وبتحذير… احسنلك تقولي انا مين واهلي فين… والا قسما بالله ماهتشوف وشي تاني

باسم اتصدم من كلامها وتهديها والصدمه لجمته… ولنفسه معقول!!! معقول دي حنين اللي انا اعرفها معقول

كل ده تحت عيون أسر اللي ضحك بشر وغضب ومكر… حلاوتك يا بسوم يا حبيبي

بقا انت اخدتها لنفسك و مخبيها هنا مش كفايه اخدتها مني قبل كدا

وبشر و كره وانتقام لباسم… بس اوعدك اني مش هسيبك المره دى لان لينا حساب قديم ولازم يتصفي هنا…وهاخدها منك المره دي مهما كلفني الأمر و مهما حصل

وانا يا قاتل يا مقتول المره دي …مش حته دكتور ابن امبارح اللي ياخد قطه أسر المسيري منه