رواية كل هذا الحب الفصل السابع عشر 17 – بقلم ديدي فتحي

الحلقة 17

قرأه ممتعة

رعد وهي مازالت خنقاه بايدها وبصوت اقوي من اسمها… انت عمرك سمعت عن الرعد اكيد لا… طب عمرك شوفته أكيد برضه لا… وبثقه وقوه…بس وعد مني النهارده هسمعهولك وكمان هوريهولك

لأني انا العقيد / رعد احمد الوديدي اللي اقوي من الرعد نفسه يا حيوان وزقته بعنف علي الارض ووقعته وهو مش مستوعب ان بنت تعمل فيه كدا وفي عزيمه نفسه إنه لازم يشوف حد يوديها فعلا ورا الشمس وميعرفش انها الشمس نفسها بتحرق اي حد يحاول بس مجرد محاوله انه يتعدي الحدود المسموح بيها… لانها رعد الليل اللي مبتخفش من ظلام الليل و وحشيته لانها هي اللي بتعمل وحشيه الليل في هجومها علي المجرمين واي حد يتعدا علي القانون

ولحظات وراحت ناحيه السرير وشافت حنين نايمه اشبه بالملاك البرئ وبشفقه عليها وعلي اهلها ذنبهم ايه مامتك وباباكي عشان تسلمي نفسك لواحد حيوان زي ده وترمي تربيتهم ليكي بالرخيص

ورجعت لورا وبصت علي البنت اللي كانت خارجه تبلغ بوليس الآداب لحنين وقربت منها ومسكتها من رقبتها بعنف… مستعجلة علي ايه يا حلوه تعالي ده انا هستضيفك عندي انتي وكل اللي هنا خصوصا الحيوان اللي واقف ده

ابراهيم بجديه وعنف…علي فكره دي مراتي ومفيش حاجه تحرم ان الراجل يكون مع مراته

رعد بقوه وثبات… لا مفيش بس لما الواحد يتحول لذئب والشر يعميه ويبقا عايز يجيب لمراته بوليس الآداب عشان اغراض دنيئه في دماغه هيلاقي أيد واحده بس تمنعه وهي ايد العقيد رعد احمد الوديدي

ابراهيم بدهشه من معرفه رعد الحقيقه… انتي بتقولي ايه انا

رعد بمقاطعه وصوت عالي… انت حيوان دا حتي الحيوان عنده رحمه عنك عارف الشيطان نفسه ميعملش اللي انت عملته ده

ياسين اتدخل وبضحك😂..آه آه مهو واقف في جنبه اهو وبيصقفله عشان تفوق عليه في تفكيره

رعد ببصه منها سكتت ياسين وهو مازال علي ضحكه… أنا مش عارف ايه اللي جابني معاكوا النهارده مهو انا كنت مروح في أمان الله لازم تعالا معانا اخلص المهمه وبعدين تيجي تتعشي معانا

رعد بصتله تاني و ياسين بضحك😂… هسكت وربنا هسكت اهو وحط ايده علي بقه يمنع ضحكه

رعد كملت بقوه وثبات…اوعي تفتكر ان احنا مش مراقبين الشقه دي لان احنا مرقبينها ومن زمان وحاطين فيها كاميرات كمان وهتطلع بره تلاقي أمثالك ممسكوين وفي ايديهم الكلبشات وبقوه ليامن… مقدم يامن خد الحيوان ده حطه في البوكس وابعتلي حد يشيلي مراته دي

ابراهيم باعتراض…لا انا اللي هشيلها

رعد بتريقه ليه خايف عليها ولا ايه و بالنسبه للي كنت هتعمله فيها من شويه ده اسمه ايه

ابراهيم بعنف..اسمه اني عايز اخلص منها من غير ما ازعل اختي

رعد باستهزاء… الراجل اللي يخلص من مراته بالشكل القذر ده ميستهلهاش و بقوه يلا شيلها واخرج قدامي

وفعلا شالها وخرج بيها وهي لا حول لها ولا قوه

ويامن وباقي الفريق اخدوا الباقين إللي في الشقه وخرجوا و بأمر من رعد خلت ابراهيم يحط حنين في عربيتها لانها كانت لسه ما فاقتش ومشيوا بالعربيات وابراهيم العساكر ركبوه البوكس

***************************كل هذا الحب (عشق حنين) بقلمي… دي دي فتحي… صفحتي الشخصية باسم… اللهم اسالك الفردوس لوالدى

وبعد وقت ليس بكثير وصلوا الجهاز ورعد باستفزاز لابراهيم…هااا هتقدر تشيلها وتكمل ولا اجيبلك حد يشيلها بدالك

ابراهيم بصلها بغضب ولسه هيشيل حنين جه يامن ومسكه من دراعه بعنف وغضب و دراعه كان هيتكسر من الماسكه وبعنف وغضب…تعرف لو رفعت عينك في مراتي كدا تاني ولا بصتلها البصه دي هخلعلك عينك من مكانهم واخليك طول عمرك من غيرهم

ابراهيم فك دراعه منه ووطي علي حنين شالها وطلعوا مكتب رعد وهي ماشيه الكل بيضرب لها تعظيم سلام من هيبتها و قوتها ووصلوا المكتب ورعد خلت ابراهيم يحط حنين علي الكنبه اللي في مكتبها

وبأمر.. شاويش علي شاويش علي خدلي الحيوان ده وبتشاور علي ابراهيم…خده ووديه قاعه التدريبات حالا

الشاويش… تمام يا فندم تحت امرك وبيشد دراع ابراهيم… وهو معترض… وبعنف وغضب… انتي متعرفيش انا مين انا ممكن… رعد قربت منه بخطوات مميته.. وبتريقه انت مين هااا قولي يلا انت مين… ابراهيم لسه هيتكلم قاطعته رعد تاني… وباستهزاء.. اقولك انت مين انت واحد ملكاش اي لازمه… انت واحد حقير وقذر

ابراهيم بعنف وغضب اكتر… والله لازم اعلمك ازلي تتكلمي مع ابراهيم عز الدين وهتندمي علي اللحظه اللي سمحتي لنفسك فيها انك تهينيني

رعد بقوه وثبات من ناحيه هندم فاانا هندم…لان هضيع وقتي في تعليم واحد تافه زيك… وبقوه وعنف شاويش علي خد الحيوان ده وحطه في قاعه التدريبات وانا ه دقايق وهاجي والشاويش علي اخده رغم اعتراضه

ورعد وهي مازالت واقفه وبصوت اقوي من اسمها… مقدم يامن خد الزباله دول ارميهم في الحجز علي ما اشوف هعمل ايه معاهم

ويامن نفذ كلامها وقالها هيروح يسلمهم ويرجعلها وخرج وسابها

ورعد راحت قاعه التدريب ودخلت بقوه وثبات وبجديه… شاويش علي… امشي انت وروح مكتبي ومتدخليش حد يدخله ولما البنت اللي فيه تبدا تفوق تعاله بلغني

الشاوش علي بجديه… تمام يافندم

وبعد خروج الشاويش… رعد صقفت بايديها للي في القاعه وكانوا حوالي ٥ متدربين… والكل انتبه لها والكل بقا واقف تمام وتمامهم كان زي المسطره… وبجديه وقوه ليهم وبصوت اقوي من اسمها … انتوا بقالكم حوالي شهر بتتدربوا… وبخبث ومكر… وبتبص لابراهيم اللي واقف الصدمه والدهشه ملجماه من قوتها وصوتها… وبعنف وغضب… انا عيزاكم اللي انتوا ادربتوه في الشهر ده… تورهوني في الحيوان اللي واقف قدامكم ده…

واللي هيثبت كفائته في التدريب هاخده معايه في الفريق بتاعي واللي مش هيثبت كفائته هشيله من الجهاز كله… هااا مين هيثبت كفائته ويبقا معايه في الفريق

الكل وبصوت قوي انااا يافندااام

رعد بمكر وخبث اكتر وهي مازالت بصه لابراهيم اللي التوتر بان علي ملامحه… وانا مستعده… يلا اثبتوا كفائتكم

وفي لحظه كانوا هاجمين علي ابراهيم وضربوه بعنف وغضب وهو قاومهم كتير ودافع عن نفسه اكتر… بس الكتره تغلب الشجاعه… وخلاص ابراهيم من كتر الضرب هيغمي عليه… لان الكل عايز يثبت كفائته عشان ينال شرف انه هو يكون في فريق الوحش المقنع وده طبعا لقبها اللي تابع #عذاب_رعد هيعرف مين هي الوحش المقنع

وده كله تحت انظار رعد اللي واقفه ومربعه ايديها في وسطها…وقربت منهم ورفعت ايديها للمتدربين بمعنى كفايه… وبمكر وخبث لابراهيم… ده بس يعرفك مين هي العقيد رعد احمد الوديدي… اما بالنسبه لعقابي انا هعرفهولك بعد البنت اللي معاك ماتعترف عليك عشان اعرف اديلك العقاب اللي يليق بحيوان زيك

ابراهيم وهو قاعد في الارض… وبتعب والم اثر الضرب… انتي اللي مش عارفه انا هعمل فيكي ايه ولا هعاقبك ازاي

رعد بتريقه واستهزاء وهي بتبص لقعدته في الارض… واضح انك هتعاقبني بس ولا يهمك.. انت كدا كدا هتفضل معانا كام يوم… ويمكن كام اسبوع… ويمكن كام شهر… ويمكن كام سنه… مش عيزاك تقلق ابدا… عايزاك بس تدعي ربنا انه يرحمك من العذاب اللي هتشوفه علي ايدي لان انا هخليك تتمني الموت الف مره في الدقيقة الواحده.. وكمان

وقاطع كلامها الشاويش علي… وبجديه… البنت بدائت تفوق يافندم

رعد بقوه تمام… هاتلي الحيوان ده وتعالي ورايه… وقبل ماتخرج.. بصت للمتدربين… وبجديه… استعدوا لاني انا اللي هدربكم بعد كدا عشان هاخدكم كلكم في الفريق معايه وسابتهم وخرجت راحت مكتبها… وهما كانوا في قمه سعادتهم لانهم هيبقوا مع الوحش المقنع

وراحوا المكتب و حنين بدأت تفتح عيونها وأول ما فتحت بصت حواليها بتوهان وبتحاول تقوم بس حست بدوخه

و لحظات و انتبهت لوضعها شويه و بصت حواليها بتركيز شافت بنت عيونها كلها قوه وثبات ووشها وش ملاك لكن ملامحها ملامح إسود اتمنت تبقي قويه زيها

وبصت الناحيه التانيه لقيت ابراهيم وفي ايديه الكلبشات ووشه يغني عن السؤال من الكدمات والتعب… وبتلقائيه قامت جريت و قربت منه… وبخوف حقيقي عليه هو معملش حاجه في حد يا فندم صدقني هو ملهوش دعوه بحاجه هو مأذاش حد ابدا

ابراهيم اتصدم من كلامها معقوله بيعمل فيها كل ده وهي خايفه عليه وبتدافع عنه معقوله

و قربت من رعد وبرجاء ودموع… حضرتك هو مأذاش حد وملهوش دعوه بجد ارجوكي متضيعيش حياته هما اللي  ناس مش كويسين وهو اتخدع فيهم ارجوكي هو ملهوش علاقه بحاجه

رعد بصت لابراهيم بنظرات قاتله وبثقه وجديه لحنين… هو صحيح مأذاش حد بس أذاكي انتي وكان عايز يضيع حياتك انتي….برغم خوفك الكبير ده عليه وكمان خايفه علي حياته… و مدت ايديها ومسحت دموعها… الدموع دي هو ميستهلش دمعه واحده منها

لان الراجل اللي عايز يعري مراته بدل ما يغطيها ويجبلها بوليس الآداب عشان ياخدوها بالمنظر ده عشان يخلص منها يبقا ميستهلش دموعها دي ابدا ولا حتي خوفها عليه بالشكل ده

حنين كانت هتقع من شده الصدمه بس رعد لحقتها وبجديه… بلاش تبقي ضعيفه وبذات معاه ومتخليش حاجه تكسرك أبدا مهما كنتي اللي فيه لازم تواجهيه وتدوسيه قبل ما يدوسك والحياه تفرمك في مفرمه الحزن والعذاب

حنين بصت لابراهيم بعيون دامعه و بقلب مفطور ومكسور يااااه للدرجه دي عايز يخلص منها طب ليه وهي عملت فيه ايه لكل ده هي حبيبته وعشيقته وهو دمر حياتها وحرمها من بنتها ومن اهلها ده اخر حبها وعشقها ليه

رعد قربت منها وبجديه وقوه… انا اديته تشريفه بسيطه كدا وعيزاكي تشتكي عليه وانا اوعدك اني مش هخرجه من السجن وهحبسه بين أربع حيطان

حنين بحزن ودموع… مفيش وحده بتسجن جوزها… ومفيش وحده ترضي لجوزها بالذل والاهانه وكسره النفس الا أذا كانت مش بنت اصول وانا بنت اصول وعمري ما هعمل في جوزي كدا حتي لو هو عمل فيه ده

رعد قربت من ابراهيم وبجديه وتريقه… تصدق انك صعبان عليا اوي برغم نيتك الوحشه ودماغك الشيطانيه الا انك مش مقدر النعمه إللي ربنا أنعم عليك بيها وهي مراتك دي… اللي لو مع واحد تاني كان حطها جوه عنيه وخاف عليها وحماها من اي حد يحاول يأذيها مش هو اللي عايز يأذيها و يحطمها

خد مراتك اللي انت متستهلهاش وروح واحمد ربنا إنها مشتكتكش وإلا والله كنت وديتك ورا الشمس اللي انت كنت عايز توديني وراها

اوعي تفكر اني عديتلك كلامك ده ولا نسيته لا أبدا انا بس همشيك دلوقتي عشان خاطرها واتأكد طول ما انت بشكل ده وماشي في الطريق الغلط أعرف انك مش هتلاقي قدامك غير العقيد رعد احمد الوديدي… واتمني تكون تشرفتي ليكي عجبتك

وقربت من حنين اللي دموعها موقفتش وبحب…اتمني اشوفك تاني بس في ظروف غير دي وصدقيني هو ميستاهلش لا قلبك ولا دموعك دي وحاولي تحمي قلبك و روحك منه لانه هيفضل يجرحهم اكتر واكتر وهتفضلي هتنزفي لغايه ما تنتهي واعرفي يوم ما تحبي تشتكيه اعرفي اني هوديه ورا الشمس و هخليه يندم على اليوم اللي جه فيه للدنيا اصلا

وبصت لابراهيم وبجديه… خد مراتك وامشي من هنا وان شاء الله اشوفك تاني واخليك تجرب عقابي واعمل معاك احلي واجب

ابراهيم اخد حنين ومشي وهي مشيت معاه بخطوات مميته

وقابل يامن في الطرقه ويامن باستهزاء واستفزاز… سبحان الله ملاك متجوزه شيطان وقرب منه بصراحه انت (بأف) بمعني الكلمة وسابه و مشي

وابراهيم كان هيولع في نفسه من كتر اللي هو اتعرضله وعايز يطوله بأي شكل بس فكر في نفسه وقال لا ده وقته ولا مكانه مصير الايام هتجمعهم تاني ومشي روح علي شقه حنين هو وهي

*****************************كل هذا الحب (عشق حنين) بقلمي… دي دي فتحي… صفحتي الشخصية… بايم… اللهمّ اسالك الفردوس لوالدى

يامن دخل لرعد قلبه وبحب… انتي سبتي الحيوان ده يمشي ليه كنتي سبتيه تعلميه الأدب

رعد بجديه… هو ملهوش علاقه ببتوع الدعاره اللي كانوا في الشقه غير ان هو كان رايح عشان ينفذ خطته دي و بشرود بس اللي انا مستغرباه انه يكون معاه ملاك زي حنين دي  ويفكر مجرد تفكير يعمل فيها كدا و بمشاكسه وبتبص ليامن رجاله كلهم غدارين  وهو بيقرب منها وهي بترجع لورا وبيقرب زياده

وهي بترجع لورا بس خلاص مبقاش وراها حاجه غير الحيطه و قرب اكتر واكتر وانفاسهم اختلطت ببعض… وبعشق وهيام ومين قال اني تبع الرجالة دي

رعد اتكلمت و بتحاول تبان قويه… اه تبعهم أمال ايه يعني عارف لو حاولت بس تغدر بيه هعمل فيك ايه

يامن بحب وعشق… اولا انا مش زيهم انا مينو حبيبك وبيملس علي وشها و شفايفها بأيده يلا بقا قولي هتعملي فيا ايه

رعد بتوهان وحب… هموتك

يامن بهمس… ويهون عليكي مينو حبيبك تموتيه وبعدين ما انا ميت في حبك وعشقك من ساعه ماشفتك… هااا يهون عليكي مينو حبيبك يا رعد قلبي

رعد بحب وعشق وبهمس…لا مستحيل تهون علي رعد قلبك مستحيل

يامن يهمس يخطف القلوب وهما علي نفس وضعهم… عارفه انا هموت و اقولك الكلمتين عارفه ان عيالك حرمني من اني اقولهوملك علي طول

رعد بحب وعشق…انت اللي طماع هم ملهمش ذنب

يامن بهمس اكتر… وايه المشكله لما اطمع في قرب حبيبتي علي طول لا هو عيب ولا حرام

رعد… ماشي نبقي نشوف الموضوع ده في البيت

يامن بحب واشتياق…بس أنا هموت عليكي لأنك وحشاني اوي

رعد بضحك… يامن اهدأ وقول هديت وان شاء الله  في البيت ابقا اعمل اللي انت عايزه لان احنا في الجهاز

يامن باشتياق… طب انا هاخد تصبيره وفي ثانيه كان التهم شفايف رعد بحب واشتياق جارف وهي حاولت تبعده و تقاومه لانهم في المكتب بس فشلت ولقيت نفسها بدل ما تمنعه بتشده ليها اكتر واكتر وبادلته بوسته بحب وعشق مش اقل منه

وبعد وقت كبير حسوا ان الاكسجين خلص من المكان كله سابوا بعض وهما مازالوا قريبين وساندين جبينهم علي جبين بعض

ويامن اتكلم بجديه وعشق وهمس… ايه رأيك لو تيجي معايه دلوقتي نقول الكلمتين و اجيبك تاني علي طول… وقبل ما ترد كان الباب اتفتح مره واحده

ودخل ياسين و اللواء صبري(ابو رعد للتوضيح) اللي اتكلم بغيظ… يخربيتك يا مسهوك انت هو انت مش راحم نفسك ولا في البيت ولا هنا هتموت مولع ان شاء الله

رعد بحب وهي بتبص ليامن… بعد الشر عليه يا بابا

اللواء صبري بغيظ و تريقه… بعد الشر عليه يا بابا اذا كان هو الشر بعينه يا اختي

وبيبص لياسين اللي مسخسخ علي روحه من الضحك وبتريقه…وانت ايه مش عايز تحل مشاكلك انت كمان

ولا خلاص كبرت وتوبت

ياسين بضحك… مستنيك تخلص يا سياده اللواء يا شرير وبعدين ايه كبرت وتوبت دي؟؟؟ هو في حد بيتوب عن حل مشاكله طب بزمتك انت دخلت سن اليأس اهو توبت اكيد لاء😂

اللواء صبري بغيظ منه هو كمان… أقسم بالله لو ما سكت لاعمل فيك عامله تخليك تيأس من حياتك كلها وإنت عارف ممكن أعمل فيك ايه

ياسين… بضحك😂 عارف و ربنا عارف ما هو انت متجوز اتنين وقادر هو فيه حد زيك ياكبيييير😂😂

يامن قرب من اللواء صبري وبمكر و سهوكه… مالك بس يا بابا تصدق وحشتني اوي

اللواء صبري بغيظ اكتر… واااد انت ابعد عني عشان انا مش طايق نفسي ولا طايقك واقسم بالله انا نفسي اعلقك بس اللي مانعني عنك رعد

علي فكره ولادكم(دي دي وفهد) إللي انتوا سايبينهم عندي بقالهم اسبوع دول اية مش هتيجوا تاخدهم بقا ولا انتوا مش فاضين غير للكلمتين

رعد لسه هترد وتقوله انهم هيجوا ياخدوهم قاطعها يامن بمكر وخبث… ان شاء الله يا سياده اللواء هنيجي ناخدهم بعد يومين او تلاته كدا

اللواء صبري بغيظ… وليه بقا يا اخويا متيجى تاخدهم النهارده بدل ما هم عاملين البيت سيرك كدا

يامن بخبث اكتر..اصل احنا عندنا مهمه بره البلد يومين تلاته كدا

ياسين بضحك… اموت انا في المهمات اللي زي دي بالله عليكي يا رعد يا حبيبتي تاخديني انا و بوسي معاكم في المهمه دي علي الاقل هتنقذي ارواح هتموت من كتر الاشتياق وعيزه تحل المشاكل بتاعتهم باي شكل

رعد ضحكت بصوتها كله و بضحك😂😂… اقسم بالله إنت مسخره و ملكش حل

يامن بضحك😂… ده علي اساس انك تنفع تيجي معانا

وقرب من رعد وبهمس المكان ده مكانا احنا وبس محدش هيدخله غيرنا احنا و ذكرياتنا الجميله اللي فيه

ياسين قرب منهم واتصل علي بوسي مراته وبضحك😂😂😂… ياريتك معايا يا بوسبس يا حبيبتي ياريتك معايا😂😂… ونلف الدنيا يا عيني يا عيني بعيد عن اللواء صبري و شره… 😂😂و تفضلي تغنيلي حبيبي يا ياسو يا ياسو يالي مجنني انا😂😂

ونفضل نحل في مشاكلنا من غير ما يفصلنا عياط عيالنا انتي وانا 😂😂مهو انتي حبيبتي اللي مجنناني ومسهراني و مطيره النوم من عيني واه يا بوسبس لو طولتك ياللي بتقلبي كياني و تخليني أعيد حل مشاكلي مره واتنين و معذباني😂😂 و اه يا قلبي يا اني😂😂 من اللي بيجرالي من يامن المسهوك ورعد قلبه اللي تعباني وبسببها بعاني… وهموت واعرف مغامرتها إللي مبتخلصش وهتخلص عليا اني😂😂 وبيبص للواء صبري وبمكر وضحك😂😂… واللواء صبري اللي… واول ماقال كدا واللواء صبري بصله وقع منه التليفون في الارض

و بمقاطعه وغيظ  … أقسم بالله لو جبت سيرتي في المسخره اللي انت بتقولها دي لاكون حبسك اسبوع وابقي نفذ المسخره دي بقا مع حيطان السجن يا بتاع حل المشاكل انت و بيبص علي رعد ويامن اللي مسخسخين علي روحهم من  الضحك😂😂😂 من كلام ياسين ورد اللواء صبري عليه بغيظ اكتر و جديه… اقسم بالله انتوا اتجنتتوا رسمي وسابهم وخرج ورزع الباب وراه

ويامن باستفزاز ومكر… لياسين عشان يمشي ويكمل اللي هو بدئه… يلا بقا روح ورا اللواء صبري وصالحه بدل مايحرمك من حل مشاكلك

ياسين اتكلم و بضحك😂…ده علي اساس اني مكنتش همشى معاكم علي العموم انا طالع اهو يا مسهوك عشان تكلموا

وبضحك ومكر ليامن.. قولي كنت هتاخدها ازاي تقولها الكلمتين وترجعها علي طول ده انت اللي زيك وبسهوكته دي يقول قاموس كلام مش كلمتنين اتنين

يامن قرب منه وبغيظ… ملكش فيه روح دور على مراتك وحل معاها قاموس مشاكل مش مشكله واحده

وباستفزاز اكتر… عشان يمشي بقا ولا انت كبرت وتوبت علي قول حمايا العزيز

ياسين بغيظ…طب اقسم بالله ووعد مني وعد من النهارده لتسع شهور قدام هتلاقي معانا نونو تالت ان شاء الله دور علي حالك انت ومراتك وسابهم هو كمان ومشي بعد ما رزع الباب وراه

يامن قرب من رعد وبمكر وخبث… ايه رأيك ما تيجي نطلع علي الجزيره بتاعتنا دلوقتي عشان نقول قاموس كلمات ونجيب نونو تالت زيهم

رعد بصتله بضحك… والله انت مجنون و هتجنني معاك

يامن بمكر وضحك… طب جنون بجنون بقا يلا بينا وشالها ولسه هيخرج من الباب رعد بصوت خافت… نزلني يا يامن نزلني مينفعش نطلع كدا اللي في الجهاز هيقولوا اية

يامن… انا ميهمنيش حد المهم اني اخدك دلوقتي ولو انتي مش حاسه بيه واد انا مشتاقلك وعايزه تكملي شغلك علي راحتك مش هغصبك علي حاجه انتي مش عايزها

رعد بحب وعشق ومكر… مين قال اني مش عايزها بس لو حابب فعلا تروح الجزيره يبقا نخرج من الباب الخلفي للجهاز ولو مش حابب يبقي خلاص

يامن بعشق وشوق جارف… مفيش خلاص لاني انا اللي خلاص مش قادر علي بعدك اكتر من كدا واخدها فعلا وراح من الباب الخلفي للجهاز اللي طبعا ليه ممر من مكتب رعد اللي اقوي من الرعد نفسه تحسبا لاي شئ طارئ يحصل معاها