رواية كل هذا الحب الفصل التاسع 9 – بقلم ديدي فتحي

الحلقة 9

قرأه ممتعة

مروان اول ما شغل الفيديو اتصدم من اللي شافه والصدمه لجمته قلبه دقاته دقت بعنف وخوف بيتمني انه يكون نايم مش صاحي بيتمني يكون بيحلم… لا لا ده مش حلم ده كابوس ولنفسه (طب كابوس كابوس انا راضي بس أهم حاجة ميكونش حقيقه)

وللأسف كمل الفيديو للاخر و وقع من طوله.. حنين قربت منه بخضه وخوف… مالك يا مروان في ايه… وايه اللي في التليفون ده خلاك منهار بشكل ده

مروان مد لها ايده بالتليفون بتوهان وشرود ودموعه نزلت بوجع والم

حنين اول ما شافت الفيديو… كانت حاسه انها هتموت من كتر الخوف لا لا دي ماتت خلاص واللي موتها اكتر انسان حبيته يمكن حبيته اكتر من أسر كمان وهو انتقم منها بأبشع الطرق وهي لا ذنب لها غير انها حبته وعشقته

دموعها نزلت بوجع وقهر وحصره وانكسار قربت من مروان اللي دموعه مغرقه وشه وبجديه ودموع وقهر… كنت اعرفه قبل ما اتجوزك

مروان بصلها بذهول بمعني كدا اية دي حتي ما انكرتش معرفتها بيه وحتي لو انكرت الفيديو كفيل عشان يثبتله كل حاجه

حنين بدموع وقهر… والله كنت اعرفه قبل ما اعرفك وعرفته عن طريق النت والله العظيم عمري ما شفته غير صور وهو ما شافنيش غير صور والله العظيم ما في بينا حاجه غير كلام وبس… وبدموع نزله زي الشلال… ارجوك صدقني والله العظيم هي دي الحقيقة… ولسه بتقرب منه

مروان زقها بعنف و غضب وبصريخ… ابعدي عني ابعدي عني انتي وحده خاينه انتي عمرك ما حبتيني ولا هتحبيني وبدموع وقهر كنتي حتي اعملي حساب لبنتك بس انتي مختفيش من ربنا ودوستي علي كل شئ بينا عشان خاطر نزواتك شويه مع اسر وشويه مع كلب من كلاب النت… وبعنف وغضب… انا اللي غلطان ان فكرتك ان ممكن في يوم من الايام تخلصي لبيتك وتلغلطه دي هصلخها حالا…

حنين ومازالت دموعها مغرقه وشها وبتهز دماغها بعدم تصديق معقول هو كمان يظلمها معقول هيصدق عنها انها كدا هي عمرها ماغلط حتي لما حبت اسر عمرها ما اتعددت حدوها معاها وبسبب غلطه غلطها بعددت عنه… وابراهيم هي صحيح غلطت لما سمحتله يدخل قلبها وحياتها عن طريق النت بس برده عمرها ما اتعددت حدودها معاه وعمرها ما خنته ابدا طب ليه بيقول كدا معقوله هيظلمها الظلم الكبير ده لالا مش معقول اكيد هيديها فرصه حتي عشان خاطر بنتها

ولسه هتتكلم قاطعها ايد مروان … اللي شددتها من شعرها بعنف وغضب وسط توسيلاتها وصرخاتها انه يسمعها ورفض يسمع شكوي حنين المظلومه و جرها وراه علي السلم بفستان الفرح اللي كانت ومازالت لبساه… وسط نظرات معظم اللي كانوا في الفندق ومنع اي حد يقرب منهم وللاسف اللي في الفندق لما شافوهم كدا بعد الزفاف افتكروا ان العريس اتخدع في العروسه ومكنتش بنت وان حد تاني لمسها وطبعا خبر زي ده انتشر عن طريق وسائل الاعلام بسرعه الصاروخ

مروان وهو مازال شددتها من شعرها بعنف وغضب وسط صرخاتها ودموعها وتوسلاتها عشان يسيبها بس هو مش شايف ولا سامع غير اللي شافه في الفيديو

ركبها العربيه بكل عنف وغضب وساق بسرعه الصاروخ وصل للبيت وشدها من دراعها و طلع بيها اوضه نومهم وجاب كل هدومها وحطها في شنطه ونزل بيها لتحت حط شنطه هدومها في الجنينه و ولع فيها قدام عيونها وبتهديد وغضب… لو قربتي هنا تاني هحرقك زي ما حرقت هدومك وبدموع ووجع وزي ماحرقتي قلبي ورمتي حبي ليكي في الارض

حنين بقهر و وجع… والله العظيم مظلومه والله عمري ما شفته ولا شافني والله مظلومه

مروان بعضب وعصبيه وهستيريه… اطلعي بره بيتي بدل ما اولع فيكي انتي كمان واولع في نفسي

حنين… طب اديني حنين او خليني اعيش معاكوا خدامه بس خليني جنبها

مروان قرب منها بغضب وعنف شدها من شعرها… انتي فعلا هتكوني خدامه بس مش عندي عند اللي زيك وزي امثالك وبنتي مش هتشوفيها تاني لاني هخبيها عن الدنيا كلها

حنين بدموع ووجع… ارجوك متعملش فيا كدا ارجوك انا مظلومه والله مظلومه

وللأسف مروان شدها من ايديها ورماها بره الفيلا وقفل الباب

حنين فضلت تخبط كتير و تترجاه من ورا الباب بس للأسف كان شيطانه اتمكن منه وغلب عاطفته

حنين يأست ونامت وهي اقعده وسانده علي باب الفيلا

اول ما الشمس اشرقت نورها علي حنين

قامت وخبطت كتير وبدموع ووجع وبصوت عالي نسبيا… ارجوك اديني بنتي وانا همشي ارجوك  متحرقش قلبي عليها ارجوك كفاية عذاب ووجع لغايه كدا

وفضلت لا حول ولا قوه طول اليوم كل ما تلاقي نفسها تقدر تنادي علي مروان كانت تنادي عليه وتترجاه عشان يديها بنتها

وجه الليل عليها ببرودته وقسوت ظلامه وهي من غير اكل ولا شرب بس هي مش عايزه تاكل ولا تشرب هي عايزه بنتها بس وقامت بصريخ ووجع ونادت علي مروان كتير وهو للاسف كان سامعها وقلبه بيتقطع عليها وعلي اللي هو فيه ولاسف رفض انه يديها فرصه وظلمها هو كمان ظلم كبير والظلم ظلمات يوم القيامه

حنين من كتر التعب والارهاق وقله الاكل بدأت قواها تقل شئ فشئ وقعدت تاني قدام باب الفيلا وهي شبه مغمي عليها

ومروان محاولش ولا مره واحده يلبي نداها

وظهرت شمس اخر علي حنين شمس هتنقلها من زمان لزمان اخر واول ما فتحت عيونها علي اشعه الشمس بتحاول تقوم عشان تنادي علي مروان بس للأسف معدتش قادره لا تنادي ولا حتي تقوم من مكانها فخبطت بضعف ووهن علي باب الفيلا وهي قاعده محدش لبي منادتها

وبعد وقت قصير نزل مروان ومعاه حنين الصغيره وأول ما شافها قلبه وجعه عليها اوي ولحظات وافتكر الفيديو رجع تاني لقسوته وهي حاولت جاهده انها تقوم و فعلا قامت بتعب وضعف ومدت ايديها ليه

وبتعب وحزن… انا كنت متاكده انك مش هتبعد بنتي عني وانا والله قاطعها مروان بعنف وغضب انتي ايه اللي مخليكي هنا هو انا مش طردتك ورميتك بره

حنين بدموع ووجع… ارجوك اديهالي وانا هربيها واعمل المستحيل عشانها بس انت اديهاني واتجوز انسانه تليق بيك انت

مروان بعنف وغضب اكتر وصوت عالي… انتي عمرك ما هتلمسيها تاني انتي وحده خاينه وبنتك اكيد ميشرفهاش انك تبقي امها زي ما انا ميشرفنيش انك تكوني مراتي

ولسه هيمشي حنين شدته من دراعه وبقهر وحصره… ارجوك ما تبعدهاش عني أنا الدنيا ظلمتني كتير اديهاني تعوضني اللي انا شفته ارجوك ووطت علي رجله عشان تبوسها انه يسيبهالها

وهو قلبه وقع عند رجله واتكسر ميت حته  عشانها وبعد رجليه عنها… وبحزن ووجع وقهر … ارجوكي ابعدي عني وسبيني اربيها عشان تقدر ترفع راسها قدام الناس ولو سألت عنك هقولها انك موتي

حنين بصتله بوجع وقهر وهي لسه علي الارض وسابها وركب العربيه ولسه هيمشي بالعربيه حنين قامت بسرعه وخبطت علي الازاز بس لا حياه لمن تنادي وهو دور العربيه و مشي

وحنين جريت وراء العربيه بصريخ ورجاء…. ارجوك يا مروان متعملش فيا كدا ارجوك ارحمني واديني بنتي

وللأسف من حالتها اللي هي فيها مقدرتش تقاوم كتير ووقعت علي الارض في حاله لا يرثي لها و قررت تروح عند باباها ومامتها و اخواتها وترمي نفسها في حضنهم وترمي همومها في حجرهم

وقفت تاكسي بتعب… قالك للسواق عالعنوان ولما وصلت خلعت الخاتم من أيديها وبتديه للسواق وبتعب… ممكن تاخد ده عشان مش معايا فلوس اديهالك

السواق بصلها بنظره اتهام انزلي يا بنتي انزلي ربنا يستر علي ولايانا

حنين بصتله بقهر ووجع ونزلت خبطت علي بيت اهلها وفتح لها ابوها واول ما شافها بمنظرها ده اللي هو شافه عن طريق وسائل الاعلام واللي الإعلام اتهمها بعدم عزريتها ليله دخلتها ودائما الاعلام غبي ومتسرع وبيحط اي كلام وخلاص حتي لو مش حقيقي المهم انه يبيع اكتر نسخ حتي لو كان بيبيع البشر معاه

ابوها بحزن و انكسار… انا هعتبرك موتي في حادثه وهقول للناس ان احنا منعرفش عنك حاجه

حنين اتكسرت وقلبها اتحول لشظايا وبصت لامها بدموع حارقه ووجع

وامها بصتلها بدموع ووجع… مش انتي حنين اللي انا خلفتها وربتها علي القيم والاحترام والمبادئ … وبوجع اكتر انا هعتبر ان بطني ما شالتكيش وانك مجتيش علي الدنيا

حنين بصتلها بألم ووجع ومازالت علي سكوتها مش عارفه تقولهم ايه ولا تدافع نفسها بي ايه مجرد انها مش عارفه تقولهم ايه سكتت… هي كان نفسها يحتواها ويسمعوا منها مش يقسوا عليها هما كمان ولسه هتمشي وتسيبهم

اخوها مسك دراعها وبصتله برجاء انه ميقولش حاجه لانه بالنسبه لها الاخ والصديق والرفيق والسند هي استحملت كتير وممكن تستحمل اكتر بس مش هتقدر تستحمل الاتهام من اخوها

عيونها بتقوله ارجوك اسكت ومتتكلمش ارجوك كفايه الصدمات اللي انا اخدتها النهارده توقع جبل وانا مش بل انا انسانه كل ذنبها انها حبت ولاسف حبت الشخص الغلط… للاسف اخوها اتكلم بوجع وكسره ظهر بسببها… مروان بعت لينا الفيديو بتاعك انتي و عشيقك

حنين اول ما سمعت كدا انكسرت بجد ووطت وشها بانكسار وحصره وقهر ودموعها نزله مش يتوقف ابدا

واخوها كمل بحرقه… تعرفي انا كنت بربيكي علي اساس انك بنتي مش اختي بنتي اللي هتشرفني وترفع راسي لفوق مش تروح تعمل كدا و تحط راسنا في الارض وبدموع.. الله يسامحك الله يسامحك كسرتنا كلنا وحطمتينا

حنين كلام اخوها خلص علي اللي باقي جواها مشيت بانكسار وانهيار هي ماشيه بس مش عارفه رايحه فين ولا رجليها مودياها علي فين فضلت ماشيه لغايه ما الليل جه عليها بقسوته وبظلامه ووقعت اغمي عليها في طرقاته المظلمه