رواية كل هذا الحب الفصل السادس 6 – بقلم ديدي فتحي

الحلقة 6

قرأه ممتعة

ابراهيم فضل يدور عليها لغيت لما وصل لاكونت الجديد بتاعها وبعتلها رسايل تهديد علي الخاص لو مردتش عليه هيبعت رسايلها وصورها لجوزها

و عاد لمراوغه حنين وقلبها من جديد خصوصا بعد ما عرف بسفر جوزها ورجع تاني يبعتلها رسائل علي الخاص وكمان علي الواتساب الا ان حنين رفضت ان تخون ثقه جوزها فيها ورفضت ان ترد علي رسائل ابراهيم برغم من انها مازالت تحبه وبرغم من رسايل التهديد لها

ابراهيم بعتلها رسايل تاني وقالها يبقا انتي الجاينه علي نفسك وانتي اللي اختارتي اني احطم حياتك

حنين اتصدمت للدرجه دي هو انسان وحش وقاسي طب ازاي انا حبيته وعشقته ووثقت فيه وقررت تطلب من مروان جوزها تسافر له… وكمان تحذف صفحتها من علي الفيس وتغير رقمها عشان ميوصلهاش تاني

اتصلت علي مروان وبتوتر وحزن.. انا عايزه اطلب منك طلب

مروان بحب وعشق.. انتي مش تطلبي انتي تؤمري يا روح وقلب مروان

حنين بتوتر وحزن.. انا عايزه اجي عندك لو ينف وقبل ما تكمل مروان رد عليها بلهفه وشوق… متكمليش يا قلب مروان ايوه طبعا ينفع تيجي ولو مينفعش اكيد ليكي انتي ينفع انا هبعتلك الورق و خلي حد من اخواتك يخلص معاكي الاجراءات عشان تيجلي في اسرع وقت ممكن

وبعشق جارف… يااااه يا قلب مروان وانا اللي كنت شايل الهم واقول امتي تعدي السنه علي سفري عشان اعرف انزلك

حنين مش عارفه تقول ايه اد كدا هو بيحبها وعايزها جنبه ياااه يارتني عرفتك قبله يا رتني

حنين بصدق.. ان شاء الله هجيلك ومش هفترق عنك ابدا بس أرجوك تخليك جنبي ومهما حصل متتخلاش عني واوعديني لو حصل حاجه بينا انك تسمعني الاول قبل ماتحكم عليه

مروان بحب وعشق وصدق… ارجوكي انتي تخليكي جنبي ومتبعديش عني لو بعدتي عني هاموت والله

حنين بصدق.. بعد الشر عليك ربنا يخليك ليه يا رب

مروان بعشق جارف.. ويخليكي ليا يا اغلى حاجه في حياتي

*************************

بعد اسبوعين

حنين اخواتها خلصوا الاوراق المطلوبه للسفر وسافرت لمروان بعد ما ودعت اهلها واصحابها وقررت تعيش لجوزها وبيتها وبس

وصلت المطار و كان في استقبالها مروان اللي الفرحه مش سيعاه اخدها وراحوا شقتهم وأول ما اتقفل بابهم عليهم اخدها في حضنه بشوق ولهفه واشتياق وبرغبه حضنها بكل الحب والعشق اللي جواه وشفايفه مالت علي رقبتها كي تخبرها كم هو مشتاق اليها وانفاسهم بقت عاليه جدا ورفع وش حنين ليه شاف في عيونها جمال ما شفهوش قبل كدا

قرب شفايفه من شفايفها بدعوه صريحه منه وطبع علي شفايفها قبله حارقه لتخبرها انه لم يعد يتحمل اكثر من ذالك وهي ما كان عليها الا انها رمت نفسها في حضنه ولحظات وشالها وداها غرفه نومهم وحطها علي السرير واخبرها فعليا بمدي اشتياقه ليها وعشقه وبعد وقت ليس بكثير مروان شد حنين لحضنه وهي مكسوفه بس هو مداهاش فرصه للكسوف وضمها بكل حب واشتياق

حنين وهي في حضنه افتكرت تهديد ابراهيم ليها وخافت انه ينفذ تهديه وفي نفس الوقت هي مش هتقدر تخون ثقه جوزها فيها ولا تخون دينها ولا تربيتها دموعها نزلت بوجع وحزن

مروان حس بيها واتخض عليها وافتكر انها بتعيط عشان قرب منها وعمل اللي عمله من شويه وبأسف وحزن حقيقي.. انا اسف يا حبيبتي اسف بس والله كنتي وحشاني اوي ومقدرتش اصبر واوعدك انتي مش هعم قبل ما يكمل كلامه حنين حطت ايدها علي بقه تمنعه من تكمله كلامه وبصدق… والله انا ما زعلانه ابدا علي اللي حصل من شويه

مروان بحب وسؤال… امال ليه الدموع دي والله دموعك دي بتموتني وبتنزل علي قلبي اكنها جمرات بتحرقه

حنين بصدق…كل الحكايه اني خوفت لاحسن اتحرم من نعمه وجودك في حياتي وارجع لوحدتي تاني

مروان شدها لحضنه بعنف وصدق.. ان شاء الله يا حبيبتي عمرنا ما هنبعد عن بعض ابدا ونفضل دايما سوا مهما حصل

حنين.. يارب تفضل معايا ومرجعش لوحدتي تاني يارب

مروان بحب وصدق.. يا رب يا حبيبتي يارب يلا بقى عشان ناخد شاور ونام

***************************

مرت الايام والشهور وحنين بتتعايش مع وضعها الجديد وكمان عرفت قد ايه ان ربنا كريم لما عوضها بواحد زي مروان وحبه ليها معيشها أسعد وحده في الدنيا وافتكرت ان ابراهيم خلاص استسلم ونسي حنين وسابها تعيش بعد ما حطم قلبها

ولكن يعقل ان الذئب بعد ما يلاقي فريسته يسيبها تكمل سيرها ويعتقها لوجه الله… بصراحه انا عمري ما شوفت ده اكيد ولا انتوا كمان لان الذئب هدفه الوحيد هو التهام فريسته وتدميرها بأي ثمن

ومرت الشهور سريعا علي حمل حنين وجه الشهر التاسع بتاعها وفي يوم الساعه 3 صباحا حنين قامت من نومها علي مغص ووجع شديد في بطنها و بألم ودموع… الحقني يا مروان الحقني هموت مش قادره

مروان قام من النوم مفزوع.. في ايه يا حبيبتي مالك

حنين بدموع وألم… الحقني انا بولد الحقني

مروان قام بسرعه شالها ونزل يجري حنين بألم… انت هتروح كدا غير هدومك الاول

مروان بخوف وصدق..لا هدومي ايه انتي وبنتي اهم من أي حاجه في الدنيا وجري علي عربيته ووداها المستشفي

والدكاتره اخدوها منه دخلوها غرفه العمليات ومروان بره علي اعصابه الدقايق بتمر عليه اكنها ساعات طويله لا يقطعها غير دعوات من قلبه لحنين انها تخرج علي خير مش مهم بنته المهم حبيبته و روح قلبه

وبعد وقت ليس بكثير طلعوا البنوته اللي كانت صوره طبق الاصل من امها الممرضه جت تدي البنت لمروان سألها بلهفه وخوف… حنين عامله اية هي مطلعتش هي كمان ليه

الممرضه بأبتسامه لما شافت الحب مالي عيون مروان.. متقلقش شويه صغيرين وهتطلع و بمشاكسه ايه مش عايز النونه دي ولا ايه

مروان مد أيديه ليها واخد بنته وبعشق وحب… مش عايزها ازاي دي حته مني وحته من اكتر انسانه حبيتها في حياتي وان شاء الله وهيكونوا هما الاتنين كل حياتي

الممرضه بأبتسامه… ربنا يخليكم لبعض يارب وسابته ودخلت لحنين

مروان واقف شايل بنته وبيبص لها بحب وعشق وشوق لانها شبه امها بالظبط

وبعد وقت ليس بكثير

حنين خرجت ودخلت غرفه عاديه وشويه وفاقت وبتفتح عيونها بالراحه وبصوت خافت… مروان مروان

مروان كان ماسك ايديها بعشق وحب… يا عيون مروان يا قلب مروان انا جنبك اهو يا حبيبتي متخافيش

حنين بصوت خافت ومتقطع… بنتي انا ولدت فين بنتي

مروان شال بنتهم و رفعهالها وخلالها تبوسها وبمشاكسه..يا عيني عليك يا واد يا مروان الواحده منكوا اول ما تشوف ابنها او بنتها تنسي جوزها والله كدا حرام وهترحوا النار

حنين ابتسمت ليه وغمضت عيونها أثر المخدر اللي وخداه اثناء الولاده

وبعد ساعتين

حنين فاقت تاني و لقت مروان بيلاعب بنته وهي نايمه ابتسمت لهم وبصوت خافت… علي فكره هي نايمه مش هتسمعك

مروان بصلها بحب.. كفايه انها تحس ان ابوها بيعشقها وبيعشق امها ولا ايه

حنين بصدق.. مفيش ولا ايه هو كدا بالظبط

مروان باس دماغها ولسه بيقرب من شفايفها حنين خبطته باديها علي صدره وبابتسامه… علي فكره احنا في المستشفي وكدا عيب

مروان بعشق ومشاكسه… مين قال انه عيب الواحد يبوس مراته صدقيني مش عيب ابدا وقرب منها اكتر ومن شفايفها ولسه هيلمس شفايفها دخل الدكتور اللي خبط ومسمعهوش

وبجديه…علي فكره احنا في مستشفي وكدا عيب ومينفعش ابدا

مروان وحنين اتخضوا وحنين بصت لمروان وهو كمان بصلها ومره واحده اتفتحوا في الضحك لما افتكروا كلامهم من شويه اللي الدكتور طبق عليهم

الدكتور بصلهم وبغيظ… طب انا كنت جاي اطمن عليكي اطمن ولا اطلع بره واخليكم تكملوا اللي كنتوا فيه

مروان ما بين ضحكه شاور بايده لا لا اتفضل يا دكتور خلاص انا صدقت ان هو عيب اتفضل

الدكتور قرب منهم واطمن علي حنين وقالهم ان حالتها هي والبنوته كويسه وممكن تخرجوا اخر اليوم وسابهم وخرج

مروان بضحك… والله الدكتور ده مسخره

حنين بضحك.. مش يمكن حد تاني هو اللي مسخره

مروان بمشاكسه اصبري عليا بس انا هوريكي المسخره بس لما تشدي حيلك شويه يلا بقا قولي هنسمي البنوته الجميله اللي شبه مامتها دي ايه

حنين بصدق… اي اسم تختاره انا موافقه عليه

مروان بحب.. انا عمري ما هلاقي احسن ولا اجمل من اسمك انتي عشان اسمي بنتي عليه هسميها حنين علي اسمك انتي

حنين بدهشه واستغراب… ايه حنين!!!

لا اختار لها اسم تاني بلاش الاسم ده لانه مجبليش غير الوحده والعذاب والوجع انا مش عايزه بنتي تكون زيي

مروان بحب وعشق.. لا هنسميها حنين ولو لقيت لحنين بنتي مروان تاني يحبها نص ما انا بحب امها صدقيني هديها له من غير تفكير ولا تردد

حنين الدموع ملت عيونها وقامت نص قومه وحضنت مروان وهو ضمها ليه اكتر واكتر واخر اليوم روحوا في سعاده غامره هما الاتنين مع بنتهم حنين ولم يدركوا الذئب المفترس الذي سيحول سعادتهم دي إلى وجع وحزن وألم 💔💔

$$على الجانب الاخر$$

طبعا زي ما كان الذئب ابراهيم بيدور علي حنين بكل طاقته عشان ينتقم منها لرفضها رسايله

كانت هناك أفعى في هيئه انثي وهي رودي بنت عم مروان هي صحيح جميله جدا و تلفت نظر اي راجل ليها لكن مروان ابن عمها مكنش واخد باله منها ابدا وهي كانت بتحبه وبتعشقه من صغرها بس هو محسش بيها وبيعتبرها اخته وكمان كان بيعشق حنين بجنون ومصدق انه رجع وملقهاش اتجوزت واتجوزها

وده خلالها بتدور بكل طاقتها علي سبب تفرق بين مروان و حنين… وطبعا لانها زيها زي ابراهيم كانوا علي علاقه ببعض علي الفيس والخاص ولما ابراهيم عرف انها قريبه مروان مكنش مصدق وقال في نفسه كدا يقدر يوصل لهدفه بمنتهي السهوله وخصوصا انه عارف ومتاكد ان رودي بتعشق مروان من كلامها عنه وعندها استعداد تعمل اي حاجه عشان تفرق بينهم

وهو مصدق ان حد يكلمه من طرف حنين عشان يعرف اخبارها ويعرف يوصلها

بعد محادثات كتير بينهم حسوا ان هدفهم واحد وهو الانتقام من حنين اللي ملهاش اي ذنب في ظلمهم لها

وقرروا انهم يعملوا خطه يفرقوا بيها بين مروان و حنين

ابراهيم بجديه… انتي متأكده انك هتعرفي توصلي لهم في اسرع وقت وتنفذي خطتنا

رودي بشر وكره لحنين … هيحصل صدقيني هيحصل اللي احنا اتفقنا عليه ومتنساش ان مروان يبقا ابن عمي دانا لو اطريت اسافرلهم هسافرلهم عشان انفذ اتفقنا وانت كمل الباقي وكمان اخلص من البلاوي اللي معايه دي

ابراهيم بمكر وخبث… حلو اوي الكلام ده وهصدق انه ابن عمك وبس مش حبيبك وهتموتي وتاخديه منها وعلي العموم احنا هنضرب عصفورين بحجر واحد… انتي تخدي حبيب قلبك مروان وانا اخد فريستي منه واسويها زي ماانا عايز بس المهم لازم تنفذي اللي احنا أتفقنا عليه وباسرع وقت عشان مروان جوزها يتصدم فيها ويشوفها علي حقيقتها ويطلقها ويسبهالي

رودي بشر وكره اكتر لحنين… هيحصل و لو اللي انا مكلفاه معرفش ينزلهم من السفر ساعتها انا اللي هسافرلهم واستحاله حد يقدر يمنعني عن تنفذ خطتي اللي هتحول حياتهم لجحيم