رواية كل هذا الحب الفصل السابع 7 – بقلم ديدي فتحي

الحلقة 7

قرأه ممتعة

حنين ومروان روحوا بيتهم وهما في سعاده غامره

ومروان بيحاول بكل جهده انه يسعد حنين ومخليهاش محتاجه اي شئ ويملي قلبها و حياتها حب وسعاده وفرح

حنين كمان بتحاول انها تسعده وتبينله انها زوجه صالحه مخلصه لزوجها وبيتها و بنتها

مرت الايام سريعا سريعا ومروان لاسف حصتله مشكله في شغله مع انها مشكله بسيطه بس لاسف اصحاب الشغل نزلوه نهائي وقرر ان هو ينزل ويستقر في مصر ويعمل مشروع ويعيشوا من دخله

حنين الخوف ملي قلبها بس كون إن هو هينزل معاها طمنها و بعد ايام من انهاء الاجراءات العوده لمصر رجعوا من تاني لعذاب الايام واليالي

********************************

رودي كانت بتعشق مروان وقررت تحطم العلاقه دي بينهم زي ما علاقتها بجوزها ادمرت بسبب حبها لمروان وانها معرفتش تعيش مع جوزها وهي بتحب مروان وكمان مكنتش مخلصه ليه ولا اقصد المعني الجسدي في الاخلاص وانما اقصد المعني الفكري والعاطفي علي عكس حنين اللي جاهدت قلبها عشان تفضل مخلصه لجوزها ابو بنتها حتي لو مكنتش بتحبه زي آسر و ابراهيم

وبعد أيام من رجوع حنين ومروان من السفر رودي راحت لهم البيت بحجه ان اعصابها تعبانه بسبب طلاقها وانها عايزه تقعد عندهم يومين لغايه لما اعصابها تهدأ بحجه انها ملهاش اخوات ومروان بالنسبه لها اخوها الكبير برغم ان باباها ومامتها عايشين بس هي اقنعتهم انها عايزه تغير جو عندهم يومين بسبب نفسيتها وهما ما مانعوش لاقتناعهم بكلامها وان مروان فعلا اخ كبير لها

رودي راحت وحنين استقبلتها احسن استقبال متعرفش انها بكدا بتستقبل الافعي في بيتها

مروان استغرب من وجودها بس حاول يصدقها خصوصا ان عارف رودي ايه وماشيه علي ايه بس قدر ظروفها وسكت

عدا يوم واتنين وحنين كانت بتعاملها احسن معامله اكنها اختها وفي يوم حنين ومروان كانوا سهرانين مع بعض قدام التليفزيون وواخدها في حضنه فجاه سمعوا صريخ من جوه وكانت رودي طلعوا يجروا هما الاتنين وكانت لابسه قميص نوم وعامله نفسها بتحلم وبصريخ… هيموتني ارجوك ابعدوه عني ارجوكم وبدموع تماثيل رمت نفسها في حضن مروان اللي اتصدم هو وحنين من حركتها دي بس فسروا ده من وضعها اللي هي فيه وميعرفوش انها افعي بتبخ سمها علي كل إللي حواليها

وبعد وقت قليل ورودي حاضنه مروان جامد وهو ملفش طبعا ايده حواليها وحنين مازالت واقفه قدامهم

رودي بتمثيل… ارجوك انا خايفه خليك معايا ارجوك

مروان بجديه واستغراب… اخليني معاكي فين لا طبعا مينفعش وطلعها من حضنه وبعنف.. عن إذنك وسابها وخرج

رودى عيطت جامد بس برضه بتمثيل عشان دموعها تأثر في حنين اللي قربت منها بحب وصدق… متزعليش يا حبيبتي متخافيش طول ما احنا موجودين مفيش حاجه هتحصلك

رودي بمكر وخبث… طب ارجوكي خلي مروان يفضل معايا هنا عشان انا خايفه اوي

حنين بصتلها ولسه هتمشي رودي شدتها من ايديها بمكر ودموع تماثيل… ارجوكي خليه يجي انهارده بس

حنين سابتها ومشيت راحت لمروان اللي بيلف في الاوضه من الزهق وقربت منه وبهدوء… ممكن تروح تقعد جنبها علي ما تنام عشان تطمن لانها خايفه اوي

مروان بصلها بدهشه واستغراب.. ايه اللي انتي بتقوليه ده انتي عارفه بتقولي ايه انتي عايزني اروحلها واسيبك؟؟؟

حنين بصدق وهدوء عكس اللي جواها لانه هو جوزها وابو بنتها.. اه عارفه بس هي بنت عمك  ومحتجالك جنبها يعني مفيهاش حاجه غلط

مروان بعنف وغضب… لا فيها وفيها كتير اوي كمان ولو انتي مش عايزني انام معاكي هنا انا ممكن انام تحت واريحك مني و لسه هيسيبها و ينزل حنين مسكت ايده وبحزن… انا اسفه انا مقصدتش كدا بس هي صعبت عليا لما لقيتها محتاجه حد يطمنها ويديها احساس الامان إللي هي محتجاه

مروان بحب وعشق… وأنا مصعبتش عليكي لما تخليني انام بعيد عنك ولا انتي عايزني أبعد عنك وخلاص

حنين رمت نفسها في حضنه وبدموع و حزن… اوعي تقول كدا تاني لان حياتي ملهاش اي معني من غيرك ومن غير حبك ليا

مروان… طب ايه هنقضيها طول الليل كلام ولا ايه

حنين بمكر… لا مش هنقضيها طول الليل كلام لاني رايحه لحنين الصغيره اشوفها عايزه ايه

مروان بعشق ومكر… طب مش لما تشوفي ابو حنين الصغيره عايز ايه الاول

حنين بهمس ومكر… طب ابو حنين الصغيره عايز ايه

مروان في لحظه كان شايلها وبمكر حطها علي السرير انا هقولك ابو حنين الصغيره عايز ايه

وبعد وقت ليس بكثير

مروان واخد حنين في حضنه وبجديه وحب…اوعي تتنزلي عني لاي حد مهما كان السبب لان احنا الاتنين هنبقي خسرانين وانا هموت لو خسرتك

حنين… بعد الشر عليك ان شاء الله محدش فينا هيخسر التاني ابدا مروان زاد ضمته ليها وناموا وهما في قمه السعاده

رودي استنت مروان كتير علي امل إنه يجيلها وتنفذ تفكيرها الشيطاني بس مروان خان تفكيرها ومرحش وفضل مع مراته وحببته حنين

تاني يوم الصبح رودي كانت في قمه غضبها وقررت تعجل في تنفيذ خطتها الشيطانيه هي والشيطان اللي زيها وانتوا طبعا عارفين ان احنا بتكلم عن ابراهيم اللي عايز يوصل لحنين باي شكل وباي تمن

وفعلا بلغت ابراهيم بمكان حنين وكمان اديته رقم تليفونها الجديد ورن عليها

حنين اول ما فتحت الخط وسمعت صوته قلبها دق بعنف وخوف… وبخوف وتوتر…انت عرفت رقمي منين ومين قالك عليه

ابراهيم لحنين… كدا برضه يا حنون تبعدي عني ده كله بقا أنا استاهل منك كدا

حنين بخوف وتوتر اكتر… انت عايز مني اية انا وحده متجوزه وكمان عندي بنت ارجوك ابعد عني وسبني في حالي

ابراهيم بخبث ومكر… هو انا عايز منك حاجه دا انا حتي لغايه دلوقتي مشفتكيش وجها لوجه

حنين بتوتر… وانت عايز تشوفني ليه انا خلاص وحده متجوزه وعمري ما أخون ثقه جوزي فيا

ابراهيم علي نفس مكره… ومين قالك اني عايزك تخوني جوزك بس صدقيني صعبان عليا اوي انه بيحبك ده كله وانتي قلبك و عقلك و روحك معايا انا

حنين بغضب من كلامه… ومين قالك انك لسه ليك شئ جوايا انا بقا قلبي و عقلي وحياتي لجوزي وبس ولو مبعدتش عني انا هقوله وهخليه يدمرك فاهم وقفلت السكه في وشه

ابراهيم قفل الخط وضحك باستهزاء ومكر ورن علي رودي وبشر نفذي الخطه إللي قولتي عليها وانا موافق

رودي بضحكه شريره… أيوة كدا برافوا عليك احبك وانت كدا

ابراهيم بوقاحه… طب ما تيجي نجرب الحب ده سوا هنا و اثبتيلي انك بتحبيني

رودي بعنف… لا متتغرش في نفسك لان قلبي ملك لمروان وبس وصدقني مش عارفه حنين حبت فيك ايه و عموما انا هنفذ الخطه عشان اخد مروان من حنين لاننا في حرب والحرب متاح فيها كل حاجة حتي لو كانت أساليب رخيصه وقذره

ابراهيم… يعني الاساليب دي عاديه بالنسبه لكوا لان كلكم رخاص و ملكمش تمن والدليل علي ده انتي.

رودي بعنف وغضب… اياك تغلط فاهم انا بعمل كدا عشان اخد حبيبي واخليه يرجعلي تاني اما انت بتعمل كدا ليه مع انك محبتش حنين

ابراهيم بمراوغه… مالكيش فيه المهم تنفذي الخطه وتبلغيني بتنفيذها عشان اضرب الضربه في الوقت المناسب وقفل الخط

رودي للأسف خططت خطه الشيطان نفسه ميعرفش يخططتها وراحت اوضه نوم مروان وحنين وهما مكنوش في البيت وحطت كاميرات مخفيه مش ظاهره وركزتها علي سريرهم وطلعت من الاوضه وقلبها طاير من الفرحه بخطتها وان مروان قريب هيكون لها وبس

وبعد وقت ليس بقليل

رجع مروان وحنين اللي جايبين هديه عيد ميلاد لرودي لان حنين عرفت من مروان ان عيد ميلادها النهارده وقدمتلها الهديه بكل حب وود وهي خدتها منها بكل كره وغضب

حنين بحب… كل سنه وانتي طيبه يا رودي وعقبال 100 سنه حبيبتي وانتي بخير وسعاده

رودي…. وانتي طيبه وقربت من مروان بحب وعشق ظاهر..و انت مش هتقولي كل سنة وانتى طيبة

مروان باستغراب…هي حنين مش كفايه ولا ايه انا شايف انها كفايه اوي

رودي بمكر وخبث… بس انا عايزها منك انت بمثابه أخويا الكبير يعايدني في عيد ميلادي

مروان ببرود… ماشي كل سنة وانتى طيبة

رودي بمكر وصوت واطي… يكاد مسموع للاذان مروان بس لانها كانت قريبه منه وانت طيب يا حبيبي و السنه الجايه تكون معاية وفي حضني

مروان بصدمه و دهشه… ايه اللي بتقوليه ده انتي اتجننتي

رودي بخبث… اتجننت عشان بقولك كل سنه وإنت طيب يا ابن عمي وبدموع تمثيل… علي العموم انا همشي بكره من هنا واسفه جدا اني ضايقتكم بوجودي معاكم

حنين بحب حقيقي… متقوليش كدا يا حبيبتي انتي تنورينا في اي وقت واحنا اكيد مضايقناش من قعدتك ولا حاجه بالعكس احنا مبسوطين بوجودك معايا يلا بقى امسحي دموعك عشان نتعشي سوا

رودي بتمثل الزعل… لا انا مليش نفس أكل بس لو ميرو قالي تعالي اتعشي معانا أكيد نفسي هتتفتح علي طول

حنين بصتله برجاء بعيونها انه يقولها خصوصا انها ماشيه بكره فبلاش يمشيها وهي زعلانه وهو مكنش عايز يقولها بس حنين قربت منه ومسكت دراعه وبصت له برجاء وهو قالها ببرود وسابهم وطلع يغير هدومه وحنين طلعت وراه و قالت للشغاله تحضر لهم العشاء

وبعد ما طلعوا رودي في نفسها… والله لا حرمك منها قريب ومتشفش حد غيري و هكون ليك كل حاجه مبقاش رودي ان ما خليتك تقول حقي برقبتي

مروان وحنين غيروا هدومهم ونزلوا اتعشوا في صمت ومن غير اي كلام بينهم وبعد العشاء طلعوا علي اوضتهم ورودي كمان طلعت اوضتها

مروان دخل الاوضه من غير كلام ولا مناغشه لحنين قلبه وراح عشان ينام وهي استغربت سكوته ده وقربت منه وهو في السرير و اول ما قربت منه لف وشه الناحية التانيه

وحنين نزلت من علي السرير ولفت له و قعدت جنبه وباسف… انا اسفه لو كنت زعلت بس بلاش تفضل علي سكوتك ده ارجوك انا متعودتش منك علي كدا

مروان بزعل وضيق… انا ليه حاسس انك ممكن تتنازلي عني لاي حد بسهوله ليه مش حاسس اني غالي عندك

حنين بصدمه واستغراب… ده كله عشان قولتلك قول لرودي كل سنه وانتي طيبه!!!!

مروان سكت وحنين اتكلمت و بدموع… والله انا كان قصدي انك تعايدها ومتحسش بنقص خصوصا بعد موضوع طلاقها وانها بتعتبرك اخوها الكبير وبحزن ودموع وباسف… علي العموم أنا أسفه مش هتدخل بينكم تاني مهما حصل وسابته وراحت تنام مكانها

مروان مستحملش دموعها ولا لحظه واحدة ولفها ليه  بحب وعشق وهمس يخطف القلوب… ششش طول ما انا عايش مش عايز أشوف دموعك دي ابدا لان عندي استعداد احرق العالم كله عشان دموعك دي

حنين استخبت في حضنه بدموع وشهقات عاليه

مروان بمشاكسه وبمرح…وبعدين بقا في الطفله الصغيرة اللي انا متجوزها دي والله العظيم انتي بتعيطي اكتر ما حنين الصغيره بنتك ما بتعيط

حنين ضربته علي صدره و بابتسامه ما بين شهقاتها… ما انت اللي وحش وبتزعلني وتخليني اعيط

مروان بحب وعشق… خلاص بقى اخر مره كويس انها هتغور من هنا بكره ويلا بقا امسحي دموعك دي

حنين بمراوغه… اعتبرها اتمسحت وابعد يلا عشان انام

مروان بمكر…. مين ده اللي ينام دانا اصور قتيل النهارده

حنين بضحك… ابعد عني يا مروان ابعد لاحسن هع

مروان قرب منها ومسك وشها وبهمس يخطف القلوب وبمقاطعه… هااا قولي لاحسن ايه قولي يلا هتعملي ايه

حنين بتوهان أثر قربه منها كدا… هاااااا

مروان…. هاااا ايه قوليلي هتعملي فيه ايه

حنين بتوهان اكتر… انا هعمل لا لا انا مش هعمل حاجه خالص

مروان بهمس اكتر… بس انا هعمل كل حاجه حتي شوفي

واخدها لدنيته اللي مفهاش غير حنين قلبه وبس

وبعد وقت وحنين نايمه في حضن مروان وهما شبه عرايا ناموا وهما في قمه سعادتهم

وللأسف😔 كل ده من ساعه ما دخلوا الاوضه لغايه لما ناموا… تحت انظار رودي إللي الشر والكره والغل والحقد ملوا قلبها وعقلها ونسيت ربنا بعملتها اللي عملتها دي اللي غلبت واتعدت تفكير الشيطان نفسه

واتصلت علي ابراهيم وبشر وكره… ايوه الفيديو بقا معايا وأنا هبعتهولك حالا… وانت غير فيه علي اد ماتقدر… والأهم من ده كله انك تغير شكل مروان وتخليه شكلك انت وبكدا اول ما مروان يشوف الفيديو يتهمها بالخيانه معاك ويطلقها ويرجعلي انا وانت بقي تنفذ اللي انت عايزه

ابراهيم بمكر وخبث… ابعتي انا جاهز