رواية هروب اضطراري الفصل الثاني 2 – بقلم بقلم جيجي

رواية هروب اضطراري – الفصل الثاني

٢ بدون لينك….. بس جنات قاطعته وقالت…. الناس عارفه زين انى هربانه من الظلم بس ما حدش قادر يتكلم معاه دا اتفرعن خالص ها هتهربنى ولا هتردنى ليه تانى

بلال قال…. ماشى هساعدك طبعا بس انا ظروفي على كدها شويه يعنى مش زى عندكم

جنات قالت بسرعه… انا انا معايا فلوس ودهب اهه خدو خليه معاك

بلال بص للشنطه وقال… لا مش دلوك خليها لو احتجتها يمكن ربنا يعدلها ومحتاجهمش انشاء الله

جنات قال… ايوه بس انت ذمبك ايه مش كفايه الشغله اللى ضيعتهالك

بلال قال… لا عادى الأرزاق على الله يا هانم رب هنا رب هناك أرضه واسعه ورحمته أوسع انا كدا كدا كنت ماشى من هنا دقيقه واحده البس بس واخد شويت حجات ومشى وطلعو من البيت وبقو يمشو شويه ووقفو على الطريق وجات عربيه نقل كبيره معديه وبلال وقفها

وقال.. معلش تخدنا على طريقك لحد اول الشارع وطلع فلوس وادهالو

الراجل قال… اه اركبو وبلال حط ايديه فى بعض وحط الشال عليهم بقلمى جيجى

وقال.. حطى رجلك على يدى واطلعى وجنات ركبت من ورا وبلال ركب معاها وقعد قصادها

جنات قالت…. هو احنا ما ركبناش ليه قدام وانت ليه فردت الشال على يدك كدا

بلال قال… ما قعدناش قدام عشان دا راجل غريب ما نعرفهوش والشال عشان حرام المسك وبعدين ولو ركبنا قدام كنتى هتقعدى تخبطى فينا والطريق طالعه ونازله كده احسن

جنات قالت… اه انت متدين

بلال قال… الحمد للله

جنات قالت…. اه صح انت هتودينى فين

بلال قال بخضه…. ايه لا هو انتى ما عندكيش مكان تروحى عليه امال هربتينا من هناك ليه

جنات قالت…. عشان مش عايزه افضل هناك اى حته غير هناك هتبقى حلوه انت شكرا كده اول ما نوصل اول الطريق انت روح بلدك وربنا يعوض عليك فى الشغله اللى ضاعت منك بسبى

بلال قال…. طب وانتى هتروحى فين

جنات قالت… ما انت لسه قايل بلاد الله كتيره وارضه واسعه

بلال قال… لا انا مش هينفع اسيبك لوحدك مش امان عليكى بس كمان انا مش هينفع افضل معاكى لوحدنا كدا فى مكان واحد حرام

جنات قالت… طب ايه هنتصرف ازاى دلوكتى

بلال قال… شوفى احنا نروح عند اى ماذون نكتب الكتاب ونفضل سوا لحد ما نشوف ايه اللى هيحصل ولا انتى

جنات قالت بحزن… انت فاكر انى رايحه لعشيقى كيف ما صابر قال لا انا زهقت من المعامله بتاعتهم يا بلال بس انت كدا هتتورط انا بس كنت عايزاك تهربنى من هناك انا مش عاوزه حد يأذيك انت كدا تمام كفيت ووفيت انت سيبنى هنا خلاص انا هظبط دنيتى وانت ارجع بلدكم

بلال قال… توكلنا على الله متخافيش بعد ما تتوكلى عليه لان طالما ربنا معانا محدش يقدر يأذينا متخافيش يا ها بس نهر قطعت جملته

وقالت… جنات اسمى جنات

بلال قال… تبارك الرحمن اسم جميل يلا نروح نكتبو الكتاب ونزلو مكتب المأذون وكتبوا الكتاب وراحو فندق صغير وحجزو اوضه واول ما دخلو

جنات قالت… انا هروح اخد دوش

بلال قال… اه الحمام من هنا وراحت اخدت شور ولبست عبايه بيتى وحطت الطرحه على شعرها بس ما لفتهاش وطلعت وكان بلال بيتكلم فى الفون

وبيقول.. بص يا ياض ركز انت نضف بس الاوضه كيف ماقولتلك وانا لما اجى هفهمك وماتهلفطش قدام امك سامع تقول اللى انا قولته بس ما تجودش طيب وضحك وقال.. يلا غور ياض وقفل

جنات قالت بصدمه… ايه دا هو انت عندك أهل

بلال قال… امم ايه السؤال دا ايوه طبعا عندى اهل امال طالع كدا زرعه شطانى

جنات قالت… لا ما اقصدش اصل بالعاده الغفر بيجيبو أهلهم معاهم زى عم مسعود انت ما جبتش كنت فكراك مقطوع لما جبتك معايا

بلال قال.. لا انا اهلى مش محتاجين الحمد لله ولا انا انا بس كنت بدرس هنا وقولت بدال ما اقعد هو فى سكن بس اهو اطلع مصاريفى بس الحاله مستوره الحمد لله بس اهه بدال ما اجر مكان واكل وكدا يعنى النهار بروح الجامعه وارجع انام وباليل بسهر اذاكر وانا باحرس المكان لقيتها مناسبه لحد من شهر كدا خلصت وكنت مستنى النتيجه بس قبل ما اروح عشان افرح امى

جنات قالت…. انشاء الله تنجح وضحكت وقالت.. عشان الليل بس اللى كنت بتسهرو

بلال فرك دماغه بحرج لانها لما راحتله كان نايم

وقال… يا رب يلا عشان تنامى بصى انتى نامى على السرير وانا هنام هنا جارك بس على الارض

جنات قالت… واه لا والله انا هنام على الارض مش كفايه مشحططاك معاى

بلال قال… طب خلاص مجاتش على دى يعنى وبعدين انتى هتحلفى عليا ولا ايه قولى عليا الطلاق احسن يلا عشان تنامى واخد فرشه صغيره وحطها على الارض ونام فى نص الليل قامت جنات على صوت خبط

وراحت عند بلال وقالت… بلال بلال قوم بلال قعد بنوم

وقال… ايه فى ايه

جنات قالت… فى صوت خبط جامد فى الاوضه اللى جمبنا

بلال قال… عادى تلاقيهم بيحركو حاجه ولا حاجه

جنات قالت… لا ياعم انا خايفه قوم معايا نشوف فى ايه

بلال قال.. ايه هنروح للناس دلوك

جنات قالت… لا هنفتح الباب نشوف فى ايه

بلال قال… ما تخافيش انا دفعت للراجل ٢٠٠ جنيه وقولتله لو حد سأل احنا مش هنا نامى عاد

جنات قالت… لا يلا نتأكد

بلال قال… ماشى وقام معاها وفتحو باب الاوضه وكان فى شاب ومعاه واحده دخلو الاوضه وفى اتنين قعدين عند السلم وكانو قريبين من بعض

بلال قال… اهه المكان ماشى وتمام خايفه من ايه انتى

جنات قالت… طب هو ليه كل اللى هنا شباب يعنى مافيش ناس عواجيز ولا عيال صغيره

بلال قال… عادى عشان الازعاج

جنات قالت… مش دى اكيد الأماكن اللى بيمنعو فيها الازعاج وما فيش ناس كبيره برضه

بس طلعو ولد وبنت من الاوضه وجريو وقالو… كبسه كبسه اجرو

الفصل التالي اضغط هنا

يتبع.. (رواية هروب اضطراري) اضغط على اسم الرواية لتجد الفهرس كاملاً بجميع الفصول.