رواية هروب اضطراري الفصل الثالث 3 – بقلم بقلم جيجي

رواية هروب اضطراري – الفصل الثالث

٣ بس طلعو ولد وبنت من الاوضه وجريو وقالو… كبسه كبسه اجرو

بلال قال… واه فى ايه يا ولد المحروق انت كبسه ايه دى بس لقى الضابط وراه بيقول احنا يعنى قدامى على البوكس بلال وجنات بصو لبعض بصدمه وبعد وقت كانو فى القسم

بلال قال… لو سمحت صدقنى والله العظيم مرتى بس القسيمه لساها مطلعتش احنا ادوب جينا من عند الماذون والله اهو حتى الكارت بتاع المكتب بتاعه

الضابط قال.. ورينى

جنات قالت… والله دا مش واحد صاحبه وبيكدب عليك دا ماذون فعلا

بلال قال… ينفع تسكتي يابيه ما ينفعش والله تبدلها معايا كدا دى بت ناس

الضابط قال… امم وبت الناس متجوزه فى لكندا كدا ليه

بلال قرب شويه وقال… يا بيه دى يتيمه واحنا اصلا رايحين عند أهلى بس مافيش حجز دلوك بكره القطر هيطلع وكنا فاكرينها لكندا كويسه دا حتى واخد منى ٧٠٠ جنيه والله

الضابط قال… طب خلاص انا هكلم المكتب واشوف ازا انتو فعلا متجوزين ولا بتكدبو وراح شويه وجيه

وقال… أدى بطايقكم وخد مراتك وروح من هنا ابقى نقى اماكن كويسه بعد كدا

بلال قال… شكرا يا باشا مع الف سلامه

وطلعو وكانو ماشين بلال قال… مالك بتبصيلى كده ليه

جنات قالت بغضب… عشان اديلى ساعه اشرحلك وانت براس بصله اقولك مافيش عيال تقولى منع للازعاج لوكندة سوما ريحلك حبا المكنه فاضيه هوبا
هيكون فيها منع للازعاج اى هبد وخلاص من اسمه كان لازم تعرفو
متابعه ليصلكم الجديد فور نزوله

بلال قال… وانا ايش عرفنى كنت مصبح وممسى هناك وما عرفتيهوش انتى ليه لما انتى متفطنه كدا

جنات قالت بزعيق…. واللى خلاك انت ما عرفتش هعرف انا

بلال قال بحده… خلاص عاد صوتك ما يعلاش تانى

جنات قالت… انت بتزعقلى

بلال قال… ايوه عشان صوتك على و متعليش صوتك تانى لاديكى خماسى اساوى وشك بالاسفلت عشان احنا ما عنديناش حريم تعلى صوتها على الراجل

جنات قالت… لا انتو كدا ما عنديكمش رجاله اصلا يا بلال

بلال قال.. انتى عايزه تقولى ايه بتلمحى لحاجه

جنات قالت.. انا قولت مش بلمح

بلال قال… طب تعالى نشوف حته نترزع فيها لحد الصبح

جنات قالت.. ها ها لا يا حبيبى انا هقعد هنه على المحطه وما هروحش معاك حتى كفايه قوى كدا الفلوس والهدوم كله هناك حتى الدهب كمان راح

بلال قال… خلاص حصل خير كويس ان احنا طلعنا من القسم اصلا

جنات قالت.. تاجى نرجع ناخدهم

بلال قال… اه يلا ويا خدونا تانى

جنات قالت… اوف نقولهم جاين ناخد حاجتنا دى فيها حجات من أبويا الله يرحمه ومن امى دول كانو اخر حاجه ليا منهم

بلال بصلها بحزن وقال… طب تعالى هعمل محاوله يمكن ربنا يهديهم وخلاها بعيد شويه وقرب وقال… معلش يا باشا فى حجات لينا جوه ممكن ادخل اجيبها احنا جينا غلط اصلا

الضابط قال… امم غلط دا اللى هو ازاى

بلال قال… اه والله طب حتى حضرتك اسأل سليم بيه هيقولك كدا انا كنت فاكرها لوكندا زى الناس الضابط كلم صاحبه

وقال… كلمته ادخل بسرعه

بلال قال بفرحه… ماشى وراح جاب حاجتهم وراح عند جنات

وقال… اهى حاجتك جنات حضنته بفرحه

وقالت.. شكرا بجد يا بلال وباسته من خده بفرحه
وقالت.. انت بطلى بلال وقف بصدمه وجنات اخدت بالها بعدت عنه وحمحمت بحرج
وقالت…. انا اسفه انا بس مصدقتش انك ترجعهملى تانى

بلال قال.. اه لا عادى ولا يهمك جنات بصت فى الارض بحرج

وبلال قال… يلا تعالى وراحو سوا قعدو فى المحطه وجيه القطر وركبوا وجنات كانت بصه فى الارض

وبلال قال.. ايه اجبلك حاجه تاكليها

جنات قالت… لا ما عوزاش حاجه

بلال قال… تمام بس جنات قالت… هو انت قولت لأهلك ان انا جايه معاك وقولتلهم انك اتجوزت اصلا ولا

بلال قال… اه قولت لاخويا يقول لامى بالهداوا

جنات قالت… احسن عشان ما يتفاجؤش بينا

بلال قال… لا ما تقلقيش انا معاكى مش هسيبك والله ما تخافيش وبعد شويه كانوا وصلو عند أهل بلال وجات امه سلمت عليهم بفرحه وبلال حضنها وباس ايدها

وقال .. دى جنات يا اما

امه سلمت عليها وحضنتها وقالت… شرفتى يا مرت الغالى اتفضلى جنات وبلال بصو لبعض ودخلو وجيه اخوه وقال السلام عليكم وقفت جنات تسلم بس بلال مسك ايدها وهمسلها وقال… ما بنسلمش احنا على حريم

جنات قالت… ليه

بلال قال… حرام شويه وراجعلك وراح مع اخوه وقال.. ابراهيم انت قولت لامك ايه

ابراهيم قال… قولتلها ان فى بت عجبتك هناك وانها مقطوعه من شجره وانت ما عرفتش تجيبها لحالك كدا فاتجوزتو عشان تعرف تجيبها معاك بس

بلال قال… ليه كدا انا مش قولتلك تقولها اللى حصل

ابراهيم قال.. لا يا خوى امك لو قلناها انك هربان هتفضحنا صويت ولو قلنالها ان اهل البت بيدور عليكم هتعدد انت ما عرفهاش إياك

بس سمعو امهم بتقول… يا لاااااهوى يا مصيبتي يا فضحتى يا خرابى هربان يا بلال هربان يا ولدى ليه تعمل كدا فى نفسك يا مرى

الفصل التالي اضغط هنا

يتبع.. (رواية هروب اضطراري) اضغط على اسم الرواية لتجد الفهرس كاملاً بجميع الفصول.