رواية بوابة الاحلام – الفصل الثاني
شريف….
مجرد ما مسكت الجاكت وبدأت سوزان ترتديه لقيت نفسنا في مكان تاني والبيت اختفي والجو ساقع ع الرغم أننا في الصيف وفضلت أتلفت حواليا لكن مافيش أي بيوت خالص
ولقيت سوزان بتقولي إحنا فين وهنروح ازاى دلوقتي أنا مش معايا الموبايل 😲
قولت لها المهم هنرجع ازاي (جودي ولجي) في البيت لوحدهم ومافيش حد معاهم ومش معانا موبايلات نتصل بأي حد يروح للبنات البيت.
سوزان….
طب أنت دور في الاتجاه ده وأنا أروح من هنا يمكن نلاقي أى حد يساعدنا
شريف….
لأ لأ أنا مش هسيبك بدل ما نفترق إحنا كمان خليني ماسك الجاكت كدا أهو ع الأقل يدفي صوابعي شويه..
وفضلنا ماشيين وشوفنا من بعيد زى دخان، خارج من مدخنه
ولما قربنا لقينا بيوت كتير شكلها غريب تشبه بيوت الصين، القديمة..
ولقيت سوزان بتقولي البيوت دى زى بتاعة أمنا الغولة، والساحرات،. اللي كانت في الأفلام الأجنبية،. القديمة..
قولت لها أنتي بتقولي ايه هى ناقصة عبط،. هو في حاجه إسمها أمنا الغولة..
ردت بسخرية وقالت وهى فى حاجة إسمها نبقي واقفين في بيت نلاقي نفسنا في مكان تاني خالص…
بصيت ل سوزان وأنا مش لاقي رد ع كلامها هى عندها حق بصراحه بس أنا حقيقي محتار ومش عارف المفروض أعمل إيه
وقولت ل سوزان أهدي كدا وشغلي دماغك علشان نخرج من هنا
سوزان….
بص يا شريف إحنا نمشي ب هدوء كدا لحد ما نلاقي أى بوتيك ولا هايبر مول ندخل نتصل من عنده ع ماما وبابا وهما يروحوا يلحقوا ولادنا…
لقيت شريف قالي هايبر 😏 ده إحنا لو لقينا بني آدمين هنا يبقي كويس…
وفضلنا ماشيين لحد ما شوفنا راجل خارج من بيته وبيأكل الفراخ اللي في العيشة فرحت وبصيت ل شريف وقولت له إنسان زينا أهو ومش أكل لحوم،البشر…
وأول ما قربنا منه ولسه شريف بيقولوا السلام عليكم لو سمحت كنت محتاج تليفون بعد أذنك
الراجل فضل باصص لنا فترة وبعدها قال انتوا الغرباء.. أيوة انتوا
رد شريف وقالوا اة بصراحه إحنا تايهين ومحتاجين نتصل ع أصحابنا …
الراجل فضل باصص بأندهاش وبعدها قال بصوت عالي
الغرباء وصلوا يا أهل قرية الأحلام الغرباء وصلوا وصلوا
واتلمت الناس حوالينا وهما بيهللوا وبيرحبوا بينا…
مسكت أيد شريف جامد وقولت له أنا خائفة.، يحصل لنا زى فيلم جحيم،في الهند كانوا الهنود بيرحبوا كدا بأي غريب علشان هيأكلوهم …
شريف….
لقيت سوزان مسكت في أيدي جامد وخا’يفه واللي هى متعرفوش إني خا’يف. أكتر منها.. الموضوع ميطمنش..
وسمعت واحد منهم بيقول لازم يروحوا للعمدة حالا لحد ما نبلغ العرافة بوصولهم…
مشينا معاهم وأنا بترعش، من الخوف. لحد ما وصلنا ل بيت واقفين ع بابه اتنين حراسs كل واحد ماسك في أيده عصايا،خشب وطرفها عرض تشبه الموجودة في أفران العيش..
قولت ل سوزان افرحي هيدخلونا ع الفرن وهيحمصونا،
وأول ما دخلنا البيت اللي يشبه كل البيوت ميعادا أننا بنطلع درجات من السلم المصنوعه من الخشب في الأول.. لكن باقي البيوت مفيهاش سلالم هو دور واحد ارضي بس 🛖 ..
لقينا راجل وست وحاطين ريشة فرخه (دجاجة) ع رأسهم ولفين قماشة حوالين رأسهم ماسكين بها الريشة.. زى ما يكون عندهم صداع..وأول ما شافنا 😵💫😵💫..
العمدة (سليمان)
كنت قاعد مع زوجتى (نسرين) وفجأة دخلوا عليا أبناء القرية وهما بيهللوا ولقيتهم بيقولوا الغرباء وصلوا…
قولت لهم يا أهلا وسهلا اتأخرتوا كدا ليه إحنا منتظرينكم من لحظه ما جت لنا البشارة…
اتفضلوا اقعدوا ده أنا من فرحتي هضحي، وادبح،. فرخة مخصوص واشرب كل أبناء القرية من شوربتها…
شريف…
كنت بسمع لكلام العمدة وأنا مش فاهم اتأخرنا ع إيه ولا هو فاكرنا مين إذا كنا مش عارفين أصلا إحنا فين ولا جينا هنا ازاي وخو’فت. أوضح له أن اكيد مش إحنا الناس اللي منتظريهم أحسن يعملوا فينا حاجه… فضلت ساكت ولقيت سوزان بتقولي..
سوزان…
هيعمل ع فرخة، واحدة شوربه تكفي أبناء القرية ما شاء الله واضح أنه كريم زيادة عن اللزوم.. غالباً كل واحد هيدوق بالمعلقة..
وهيشم ريحة الفرخة من بعيد..
شريف…
شوفتي يا مبذرة، وأنتي اللي كنتي بتعملي لنا الفرخة في وجبه واحده اتعلمي ده كان زمانا بقي عندنا فيلا لو بنعمل زيه…
نسرين…
أنا زوجة العمدة سليمان وبأسمنا وبأسم كل أبناء قرية الأحلام بنرحب بكم واتمني أن كل مشاكل، قريتنا تنحل ع أيديكم ونعيش في رفاهية وأمان ويعود السلام.. من جديد
سوزان…
بصيت للست زوجه العمدة وقولت لها إحنا هنحل مشاكلكم،. ونعمل كل اللي بتقولي عليه ده ب فرخة واحدة 😲
طب أنا مستعدة اجيبلك فرختين وترجعينا لعيالنا…
العمدة سليمان….
البشاير هلت وسوف ينعم علينا الغرباء ب فرختين استدعوا. العرافة فوراً حتى تنحل مشا’كلنا. ونحظي بالفرختين…
شريف…
بصيت ل سوزان وقولت لها كان لازم تنسحبي من لسانك أهو مسك في الفراخ وساب أننا نرجع لعيالنا.. صبرني يارب..
وببص لقيت واحدة داخله علينا والكل بيوسع لها وفي اللي بينحني وترتدي عباءة مفتوحة وب غطاء ع الرأس..
وأول ما رفعت راسها وازالت الغطاء قالت…
العرافة (رشامنصور)…
اعرفكم بنفسي أنا عرافة قرية الأحلام ولي مكانة عظيمة في القرية وكلمتي مسموعة وكل كبير وصغير يحترمني…
وعندما قيل لي أن الاغراب وصولوا وموجودين عند العمدة سليمان وزوجته نسرين ذهبت لهم ع الفور..
وعندما نظرت لهم قولت…
أهلا شريف ازيك سوزي أخباركم أية أتمني تكون الرحلة كانت سهلة عليكم..
بصوا لبعض ولسه شريف هيتكلم
رفعت يدي امامه قولت له تعالوا عندي في بيتي…
تكلم العمدة سليمان وقال
أنا ضحيت،ودبحتt لهم فرخه (دجاجة) وعزمت جميع أبناء القرية ع الشوربة…
قولت له ده كرم كبير منك لما يجهز الأكل أرسل لي حارسك،. يبلغني وسأحضرهم بنفسي..
شريف…
بصيت لي سوزان وأنا مندهش تطلع مين دى وتعرف اسماءنا ازاى ؟؟!!! أنا مش قادر أفهم حاجه..
ولما طلبت من العمده أننا نروح معاها معترضش،. وقال لها خلي الحرrس معاكي لحد ما توصلي البيت لكنها رفضت وقالت أنا أقدر اسيطرr ع الموقف…
قلقت جدا واضح أن في حد ممكن يها’جمنا. أو أن البيت في مسافة بعيدة وممكن نقابل حيوانات مفتر.سة…
وخرجنا من بيت العمدة وأنا ماسك. سوزان جامد وبتلفت أحسن يظهر حيوانات فجأة لكني انصدمت ومقدرتش اسكت بقي..
العرافة خرجت من بيت العمدة ودخلت البيت اللي بجواره 😲
وقالت لنا ارتاحو من تعب المشوار… أتمني أن بيتي يعجبكم.
قولت لها أنتي بتسطعبتي. ده البيت لازق في البيت. يبقي تعبنا من إيه… وقوليلي هنا الأول أنتي عرفتي اسماءنا منين…
ويعني ايه أصلا عرافة هو أنتي الساحرة, هنا….
لقيتها برقت وقالت أنت ازاى تطلق عليا أسم الساحرة أنا مش قا’تلة. أطفال ولولا أنكم أغراب كان لي تصرف تاني..
قولت لها اهدي أنا مش أقصد أى إساءة.، أنا بس عاوز أفهم أنتي تعرفينا. منين…
العرافة رشامنصور…
قولت لهم الأول كدا علشان تطمنوا أنا اعرفكم عن طريق صوركم اللي شوفتها مع عم (عرفة) قريبكم..
هو قالي أنه مسافر وأنت هتزورنا وهتقدر تساعدنا في حل مشا’كلنا.
شريف…
أنتي تعرفي عمي عرفه منين ومشاكل، إيه اللي احلها ده إحنا مش عارفين نحل مشاكلنا،،
سوزان…
أستني يا شريف مش يمكن مشكلتهم أنهم مش عارفين هيوزعوا الفرخة ازاى ع كل أبناء القرية 🤔🤣
العرافة رشامنصور…
ع فكرة الفراخ دى كانت هدية عم عرفه لنا وهو السبب في معرفتنا بالفراخ وكان بيعرفنا ازاى نربيها علشان تكبر وتزيد…
ومشكلتنا مش الفراخ يا سوزي.. مشكلتنا مع الساحرة.اللي بتخطفe أطفالنا كل سنه وإذا قدرنا نخبيهم، بتحرrق لنا المحصول
وبقينا نعيش ع معونات الغرباء لحد ما وصل عندنا قريبك عم عرفه
جاء لنا بالفراخ علشان نكبرها ونستفاد من البيض واتي لنا بالحبوب وبدل ما كنا بنزع شعير فقط أصبحنا نزرع البطاطس..
لكن للأسف فاضل شهرين ع ميعاد الساحرة واعوانها ولازم نحمي محصولنا ونخفي،, أطفالنا…
لقيت شريف بيقولي أنا مش فاهم حاجه يعني إيه تخطف،. الأطفال ولقيت سوزان بتخلع الجاكت هوب واختفوااا…
شريف…
إيه ده إحنا رجعنا ازاى ولقيتنا موجودين قدام الدولاب وسوزان ماسكة الجاكت.. نزلت بسرعه أشوف لجي وجودي ولقيتهم قعدين يلعبوا في غرفتهم واخدت الموبايل علشان أخد من بابا رقم فون عمي عرفة وأحاول أفهم منه مين الناس دى وليه قال لهم أن حل مشاكلهم عندي…
وأول ما مسكت الموبايل لقيت 😲😲😲..
الفصل التالي اضغط هنا
يتبع.. (رواية بوابة الاحلام) اضغط على اسم الرواية لتجد الفهرس كاملاً بجميع الفصول.