رواية حياتي فقط – الفصل الرابع والعشرون
الفصل ٢٤
متنسوش تشجعوني بكومنت حلو فيه آرأكم الجميله وتضغطوا علي ❤️❤️❤️
قراءه ممتعه ❤️❤️❤️
********************
في المخيم
الاء : لا متقلقش من حاجه انا هكتبلك علي دوا هيريحك خالص بس تاخدوا ٤ مرات في اليوم لمده اسبوع
احد الظباط : الف شكر يا دكتوره كتر خيرك
الاء بابتسامه هاديه : لا العفو علي ايه ، وانا هبعت حد يجيبهولك من المخزن
خرج الظابط
الاء : لو سمحت يا استاذ محمد محتاجه دوا ****** من المخزن
محمد وهو يحمل بيديه عده اشياء : معلش يا دكتوره استني ٥ دقايق بالظبط هوصل الدواء دا لدكتور حسام ودكتور عبد الله ودكتور علي ودكتور هاني واجي علي طول
الاء : ماشي يا استاذ محمد هستني ٥ دقايق بس متتاخرش علشان الظابط بس
محمد : من عنيا يا دكتوره
مر بعض الوقت
الظابط : ايه يا دكتوره الدواء مش موجود ولا ايه
الاء : هو فعلا اتاخر ثواني هروح بنفسي اجيبه وذهبت لآخر الممر
الاء لنفسها : ايه المكان دا استغفر الله وبدأت تتفقد الادويه حتي تجد ما تريد حتي سمعت صوت خطوات
الاء : استاذ محمد حضرتك جيت انا…فجأه شعرت بأحد يضع يده علي فمها ويحتضنها من الخلف مكبلا لحركتها بدأت تعلي صوتها ثم قامت بعض يديه بكل ما أوتيت من قوه
طارق بوجع : يا بنت المجنونه
الاء وهي تأخذ نفسها بصعوبه : طاااارق ..منك لله ..رعبتني..قلبي وقف يا شيخ
اقترب منها طارق ووضع يديه علي خصرها : بعيد الشر علي قلبك يا روحي
توترت الاء : طارق …ايه الل بتعمله دا ..عيب كدا …
طارق بتلاعب : عيب ايه مش مراتي
الاء بتوتر وخجل واضح وقالت بدلال : طااارق. …ابعد..حد هيجي
طارق وقد ابتعد قليلا : يخربيت طارق اللي هتوديكي وتوديني في داهيه دي
الاء باستغراب : ليه … وقالت برجاء سبني بقي ارجوك اجيب الدواء
طارق بتلاعب وقد اقترب مره اخري : مش هبعد قبل ما اخد اللي انا عايزه
الاء بتوتر واستغراب: عايز ايه
طارق بخبث : عايز ..فراوله
الاء بعدم فهم : فراوله !!!!فراوله ايه دي ، انت بتتوحم ولا ايه روح هات من اي حته
طارق بتلاعب وبتمثيل براءة: بس انتي عندك ومش راضيه تديني
الاء بعدم فهم : والله العظيم ما عندي ولو كان معايا كنت اديتك علي طول ، طارق ارجوك ابعد علشان زمان محمد جي و…
اقترب منها طارق وقبل وجنتيها وتجمدت الاء من فعلته وقد حشر الكلام داخل جوفها
طارق وقد ابتعد عنها : اهو شوفي عندك كتتير ازاي ومش راضيه تديني انا حتي غلبان
الاء : اا…ايه ..ال عملته دا
طارق وقد قبل وجنتيها مره اخري : عملت كدا
سمعوا صوت بالخارج
محمد : دكتوره الاء ، انتي هنا يا دكتوره الاء
ابتعد عنها طارق وقد خرجت الاء مسرعه حتي لا يري طارق وقالت متوتره : ايوا انا لقيت حضرتك اتاخرت يا استاذ محمد فجيت اجيب الدواء
محمد : انا اسف والله يا دكتوره
الاء وهي تري طارق يخرج من الباب خلف محمد وهو لا يراه : لا عادي ولا يهمك هات دوا ******علشان زي ما حضرتك شايف مش لاقياه
محمد بضحك وقد ذهب لمكان ما وأخرجه بكل سهوله : محدش يعرف حاجه هنا غيري
الاء: حالا كدا ، ..يلا عن اذنك
وخرجت وهي تحمد الله انه لم يري طارق
_________________
ليلا اليوم التالي
وصل سيف الي السرايا وعلي وجهه ابتسامة واشتياق اليها ، فهو في داخله يفكر في هذا الشعور وكيف أصبح هكذا ، فهو في ابعد أحلامه لن يتخيل انه سيكون هكذا ، كيف مرت حياته هذه الفتره وكيف قابلها
سيف بابتسامه : السلام عليكم يا حج صالح
صالح بابتسامه هو الاخر: بخير يا ولدي كيفيك
سيف : الحمد لله كل حاجه مشت تمام زي ما انا عايز
صالح : الحمد لله ، اطلع يا ولدي شوف مرتك أصلها كانت مش زينه
سيف وقد امتعض وجهه : حياااه !!! مالها حياه
صالح : م…..ولم يلبث أن يكمل كلامه حتي فر سيف من امامه مسرعا اليها
دخل مسرعا الغرفه ووجد الحجه صفيه وشهد جالسين لجوار حياه وهي تهذي ببعض الكلامات الغير مفهومه وجسدها ينتفض بطريقه غربيه
سيف وقد اقترب من حياه : حياااه !!! حييياه مالك يا حبيبتي فوقي
صفيه : متقلقش يا ولدي هي بقت زينه والدكتور كان هنا من شويه واعطاها منوم وقال هتقوم بكره زينه ….يلا احنا هنسبكم ترتاحوا شويه
سيف : لو سمحتي يا حاجه صفيه عايز اعرف ايه الل حصل
صفيه بحزن : كنا تحت وكانت شهد خطيبه فهد جايه تقعد معاها وقبل ما تدخل غرفتها سمعت صوت صريخ دخلت لقتها يا حبه عيني بتنتفض علي آخرها وتقول الحقوني جينا جري وندينا علي الدكتور كشف عليه
وقال انها بتحلم بكابوس يا ضنايا واعطاها منوم واسمه ايه دا
شهد بحزن : مهدئ يا ماما
صفيه بحزن : ايوا هو دا ومن ساعتها يا حبه عيني وهي كدا تنتفض من مكانها وتصرخ الله يكون في عونك يا ولدي
سيف بحزن : الف شكر يا ست صفيه مش عارف من غيركم كنت هعمل ايه
صفيه : انت بقيت ابننا والله وهي بقت بنتي اللي مخلفتهاش الله يشفهالك يا بني وميحرمكوا من بعض ومتشفش فيها حاجه عفشه ابدا
سيف وقد ابتسم لهذه الدعوه وقال من صميم قلبه آمين
خرجوا وقد اقترب سيف منها وعلامات التوتر والخوف باديه عليه : حياتي ، حياه فوقي يا حبيبتي ، وحشتني قومي يلا انا جتلك اهو
لم يحصل منها علي اي رده فعل سوي تغير ملامح وجهها
قام اغتسل وتوضأ وصلي ودعا لها ثم ذهب بجانبها علي السرير واحتضنها بين ذراعيه وهو يقرأ لها القرآن حتي لاحظ انها هدأت نوعا ما فغفي هو الاخر
_________________
قضت الاء وملك الشيفت وهموا ان يذهبوا
ملك : انا حاسه ان حياه فيها حاجه انا قلبي كان مطمن لما عرفت ان سيف وصلها بس دلوقتي
الاء : متقلقيش ان شاء الله خير ومادام سيف معاها هتبقي كويسه بإذن الله
ملك : يارب ..يارب خليها بخير يارب مليش غيرها
خبط الباب
الاء: ادخل ….اهلا دكتور علي
علي : اهلا متجمعين عن النبي
ملك والاء : عليه الصلاه والسلام
الاء وهي تغمز لها : طيب انا هسبقك بقي يا كوكو وابقي حصليني
ملك وهي تصك علي أسنانها : ماشي يا الاء
علي : اذيك يا ملك
ملك باستغراب : الحمد لله فيه حاجه
علي : لا مفيش بس بقالي فتره مش بشوفك …انتي لسه زعلانه مني
ملك : لا مش زعلانه ..هزعل من ايه مش احنا خلاص عدينا الموضوع دا
علي : ملك بصيلي والله العظيم غصب عني اللي حصل واه يا ملك لسه معدنهوش لانك متغيره معايا ، مش دي ملك حبيبتي ، عارف ان المفروض مكنش يحصل كدا بس انا كنت بلوم نفسي انا ، ووعد مني مش هيحصل تاني ….وقال برجاء فرصه كمان مستهلش فرصه كمان
ملك : الموضوع يا علي كان مجرح بالنسبه ليا ومعرفتش اتخطاه بسهوله انت حسستني اني مسواش ولا ليا حق ان اعيش حتي
علي وقد اقترب منها ومسك يديها : قطع لسان اللي يقول كدا انت تسوي الدنيا كلها …انا مش حمل بعد ولا نظره عتاب منك يا ملك
بكت ملك
علي : والله العظيم بحبك وما بحب حد غيرك ارجوكي خلينا نرجع زي زمان …وقال مازحا بس مش زمان اوي يعني ولا انا كدا هيغمي عليا والله ….ابتسمت ملك مسح دموعها مفيش حاجه مستاهله ان الدموع دي تنزل علشانها
علي : كدا صافي يا لبن
ملك بابتسامه: حليب يا قشطه
علي : دا انتي الل قشطه يا قشطه
ضحكت ملك : بيئه
علي ضحك: الحمد لله كدا عرفت انك رجعتي ملك
_________________
كانت الاء تسير وفي طريقها للسكن
طارق من خلفها : الا ما قولتليش يا زوجتي العزيزه ايه سر الحلاوه دي
الاء بخضه : حرام عليك والله ..كل مره كدا
طارق بضحك : اعملك ايه انتِ ال قلبك رهيف
الاء: تقدر تقولي ايه ال حضرتك عملته في المخزن دا. …افرض حد شافنا هيقول عليا ايه
طارق بمرح : هيقول واحد بيحب مراته
الاء : مراته !!!!! وساعه التدريب برضو ايه الل عملته دا
فلاش باك *
كان طارق بيدرب الدكاتره لانه من ساعه الهجوم وأصبح تدريبهم شيء اساسي
الدكتور هاني : دكتوره الاء عايز حضرتك في موضوع مهم
الاء : بعد التدريب يا دكتور نقدر نتكلم
هاني : هستني حضرتك
اقترب طارق وقال بغضب : كان عايز منك ايه وليه كان مقرب منك كدا
توترت الاء من اصدقائها وقالت وهي تصك علي اسنانها : طارق في ايه ابعد محدش يعرف اننا متجوزين
طارق وقد امسك يديها بعصبيه : بقولك كان عايز منك ايه
الاء : كان عايزين في موضوع مهم وهيقولي بعد التدريب
طارق : ملكيش واقفه معاه فاهمه
الاء بغضب وهي تلاحظ نظرات الآخرين عليهم: يا طارق بيه ابعد عني علشان الناس
ابتعد طارق عنها وقد لاحظ نظراتهم : يلا نكمل التدريب…..
أنهوا التدريب وذهب كل واحد لغرفته
هاني : دكتوره الاء
الاء : اتفضل حضرتك كنت عايز ايه
هاني : دي … الباب خبط
الاء : اتفضل
طارق : دكتوره الاء عايزك في موضوع
الاء وهي تعلم نيته وقالت بغضب : والموضوع دا ما يتأجلش يا طارق بيه اصل زي ما حضرتك شايف مشغوله
طارق ببرود : لا كملوا ال بتعملوا انا هستني لما تخلصي وقال وهو ينظر ل هاني ولا الموضوع خاص مينفعش اعرفه
هاني باحراج : لا خاص ايه دا ..كنت جايب ليها ورق وتحاليل لحاله للدكتوره عاوز اشوف رأيها فيها
مسكت الاء التقارير : تمام يا دكتور هاني هطلع عليهم وهقول لحضرتك ملاحظاتي
خرج هاني
الاء بعصبيه: للدرجه دي مش واثق فيا وجاي علشان نشوف
طارق وقد هدي نوعا ما : مش موضوع ثقه
الاء : امال ايه وبعدين انت مش ملاحظ انه مينفعش ال عملته دا ..هيبقي منظري ايه قدام زمايلي تاني
طارق : وانا عملت ايه يعني وتركها وذهب
باك *
طارق بجديه : انا قولتلك يا الاء نقول اننا متجوزين بس انتي الل مش راضيه مش عارف ليه.. بتفكري في حاجات تافه لما هيعرفوا بل بالعكس لما هيعرفوا محدش هيقدر يرفع عينه في عينك ..انا مبسوط ونفسي نكون سوا علي طول واقول للدينا كلها انك مراتي بس الظاهر انك مش مبسوطه ولا حتي فرحانه
الاء بتوتر : انا ..
طارق قاطعاها : سبيني اكمل بس من النهارده يا الاء انا هعمل الل انتِ عايزاه مش هقرب منك و لا هكلمك حتي وقال بسخريه علشان محدش يتكلم عليكِ
الاء : انا مش قصدي انا ..
طارق : ولو كمان حابه اطلقك مفيش مشكله نخلص الفتره دي هنا وابقي اطلقك وتركها وذهب
زفرت الاء بشده و ادمعت عينها وذهبت للسكن
_________________
في الصباح
استيقظ سيف علي رعشه قويه بين يديه
سيف : حياه ، حبيبتي مالك
حياه بتلعثم في كلامها : سيف …الحقني …س…..لا…..
سيف وقد اضطر عقله : حياه …حببتي اصحي انا سيف جنبك اهو ومش هسيبك
حياه وقد بدأت تشعر به وتعود للواقع : سي..سيف ….. مت. .سب… .نيش .
ضمها سيف وقد شعر بضعف لأول مره بحياته : مش هسيبك يا عمري انتي حياتي مقدرش استغني عنك ..قومي انت بس يلا
حياه وقد اطمأن قلبها : سيييف ..انا …كان …كان …وقد بدأت تتشنج من جديد ..
سيف : اهدي يا حبيبتي دلوقتي متتكلميش ..انا اهو معاكي اشششش وبدأ يقرأ قرآن حتي هدأت مره اخري
مر بعض الوقت دق الباب
هنيه : الوكل يا باشا
سيف : ماشي تسلمي يا ست هنيه
هنيه : الدكتوره بقت عامله ايه دلوقت والله قطعت قلبي لما عرفت انها مريضه الف مليون سلامه عليها
سيف : الله يسلمك يا حجه صفيه تسلمي
خرجت من الغرفه
ذهب سيف لحياه :حياتي ..حياتي ..يلا اصحي يا حبيبتي
حياه بتستعيد وعيها : سي..ف
جلس سيف بجوارها ومسك يديها : نعم يا حبيبتي انا جنبك اهو محصلش حاجه اهدي
حياه بدأت تتلمس ملابسها فوجدت كما كانت امس وبحاله جيده : يعني ..شر..ين مش هنا ولا س..مي.ر
سيف بعدم فهم : لا يا حبيبتي مفيش حد هنا.. حد فيهم عملك حاجه
حياه بخوف : اصل حلمت حلم مش كويس وكانت ..كانت شرين عايزه ..سمير ..ي…
سيف بغضب من سيرته : عايزاه يعمل ليه
حكت حياه حلمها باختصار وهي منهاره : كانت عايزاه ……..وبكت حياه بشده
.
سيف اتنرفز من مجرد التفكير وفارت اعصابه : والله ما هرحمهم
حياه بادراك عما قالت له وبدأت تنتفض من مجرد فكره ان سيف يسيبها
سيف لاحظ ارتعشها حضنها : اهدي يا حياتي دا كان كابوس ومفيش حاجه حصلت انت كويسه ومعايا وانا مستحيل اسيبك وقال مازحا يا شيخه وقعتي قلبي بقي دا كله علشان كانت عايزه تاخذني منك الله يرحم ايام زمان مكنتش طايقه تبصيلي
ابتسمت حياه فمعه حق فقد تغيرت كثيرا طيف أصبحت كذلك يا الله من هذا القدر …..
سيف : يلا افطري بقي وتاخدي الدوا شوفي انا جيابلك ايه
حياه بعدم فهم : جايب ايه
شاور علي مجموعه من الشنط متروكه علي الارض باهمال
حياه : ايه دول
سيف : كلي الأول وبعدين اقولك
اكلت حياه بسرعه : وريني ايه دول بقي
ابتسم سيف : يلهوي علي فضولك …دول يا ستي شويه لبس ليكي وليا
حياه بابتسامة: بجد …ليه بس حيرت نفسك
سيف : اصلا مكنتش هجيب بس كتر خيرها
تغير وجه حياه : هي مين دي
ضحك سيف : في ايه ….بتغيري ولا ايه
حياه : سيف انجز قصدك مين
سيف : الشيكولاته يا حياه
حياه باستغراب: شيكولاته!!!!!! ازاي مش فاهمه
سيف : يا ستي كنت رايح علشان اجبلك شيكولاته علشان عارف ادمانك ليها فلقيت محل ملابس جنبها فدخلت اجيب بالمره بما اننا مش معنا اي حاجه هنا تقضينا علي الاقل للفرح الاسبوع الجاي وجبتهم كمان موبايل بس اياكي تكلمي حد يا حياه لأن فؤاد مراقبنا كويس
ابتسمت حياه : حاضر .. شكرا بجد يا سيف واعطي لها الدواء وغفت
_________________
صالح : اخبار مرتك يا بني
سيف : بقت كويسه الحمد لله
صالح : الحمد لله
فهد : انا مراقب سليم منصور ومخلي حد يراقبه وجبلي اخباره اول بأول حتي في بيته ومعايا ورق تثبت تورطه مع فؤاد في المصايب الل بيعملها كمان عرفت انه فؤاد هيتمم الصفقه الجايه معاه هنا
سيف بابتسامه: يعني هيجي هنا ..
فهد : اتوقع كدا لاني مراقب سليم وكان شرط انه يشتغل مع فؤاد انه محدش يعرف انه هو سليم منصور علشان مينفعش في شغله ، ودا معناه ان فؤاد نفسه هو اللي بيجيله ..وكمان لان البلد هنا مفيش حراسه شديده فيها محدش هيعرفه
سيف : انا توصلت مع زمايلي وعرفتهم مكاني وكمان ليا طريقه هنت هنتواصل بيها مع بعض وهنقدر ننفذ في الوقت المناسب خليه يظهر بس
فهد : وانا هحاول علي قد ما اقدر اعرف ميعاد الصفقه امتي
سيف : شكرا يا فهد …بجد لو كان اخويا مكنش عمل كدا معايا
فهد : كدا ازعل يا سيف هو انا مش اخوك ولا ايه
سيف : لا طبعا اخويا واكتر كمان
________________
في مكان آخر
سليم وهو يصك علي أسنانه: انت عارف يا فؤاد اني مينفعش أظهر في العمليه ولا حتي الرجاله تشوفني من الاول بتغير الزفت الكلام دا دلوقتي ليه
فؤاد : وانا مش هعرف اجي بنفسي عندك علشان اتمم علي الاسلحه وخصوصا ان الحكومه عنيها عليا ، وكمان في شحنه بضاعه هتوصل اخر الاسبوع عندك
سليم : دا كان اتفاقنا من الاول اساعدك في التهريب وكمان التوزيع بس من غير حد ميعرف ولا حد يجيب سيره اسمي
فؤاد : يعني ايه دا آخر كلام
سليم : البضاعه عندي في المخازن محدش يعرف يوصلها وفيه مكان لو جي قدها مليون مره بس عايزين اتفق مع التجار وكلام من دا مش هيحصل تعالي بنفسك امضي علي الورق وسلملهم البضاعه زي كل مره
فؤاد : ماشي يا سليم هحاول اجي وقال في سره ما انا مش هخسر كل حاجه ، انا هبيع البضاعه دي واخد فلوسها واهرب علي تركيا ….بقولك يا سليم
سليم : امم
فؤاد : دخلت البضاعه دي كلها ازاي البلد من غير تفتيش
سليم بخبث : دي حاجه بتاعتي بس احب اقولك فرحي يوم ما تيجي علي بنت العمده
فؤاد بضحك : نمس طول عمرك
سليم : يلا سلام وأغلق الخط
يتبع …….
متنسوش ❤️
اللهم صل وسلم على نبينا وحبيبنا محمد وعلى آله وصحبه أجمعين ❤️❤️❤️❤️❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.