رواية حياتي فقط – الفصل الرابع
الفصل ٤
في القاهره في مكان آخر
عند سيف وهو داخل القسم
الظباط: حمد لله علي السلامه يا سيف بيه
نورت المكان يا سيف بيه
دخل مكتبه وبعد فتره الباب اتفتح
طارق : يا مرحب باستاذ سيف اخيرا رضيت تجي القسم
سيف : يا حيوان ابقي خبط قبل ما تدخل والا تحب اسلم عليك
طارق بخوف مصطنع: لا وعلي ايه بقولك وحشتيني يا حضره الظابط سيف بيه
سيف بابتسامه علي صديقه : تعالي ياض هنا
طارق : هتسلم ولا .
سيف : حضنه
فجأه محمد ظابط زيهم دخل عليهم : امممم انا جيت في وقت غلط ولا ايه
طارق بهزار وتميثل : استرني الله يخليك يا بيه دا انا اشرف من الشرف مش كدا يا سي سيف
سيف : انتي هتقوليلي يا حببتي
محمد : وانا اللي فاكرك مؤدبه
سيف : مؤدِبه
ضحكوا
محمد : مش ناوي تستقر بقي
سيف : انا هسافر تاني اخر الشهر يوسف بيه مش
سايبني في حالي وكل شويه يتفق مع واحده علشان اتجوزها وانت عارفني بحب المغامرات والسفر
طارق : خلاص هاجي معاك
محمد : وانا كمان
سيف بخوف علي أصدقائه هو مش هامه حياته هو بيسافر لاماكن خطر وعارف أن ممكن في مره مش هيرجع
محمد وطارق : احنا قررنا خلاص
محمد : الا قولي يا سيف انت راجع من اسبوع رحت فين
سيف : يوسف بيه بعتني في مهمه في منطقه لرياف ناس بانيه علي ارض وجاي قرارا بهدم بيتهم فرحت لان انتو عارفين اني مش بحب اقعد هنا بس القرار اتلغي ورجعت ومحصلش حاجه وحكي لهم علي الدكتوره اللي قابلها وازاي اتكلمت معاه
طارق : ازاي يتلغي
سيف بتفكير : دا اللي بحاول اوصله ازاي يتلغي وفجأه تتطلع الارض دي برائه والبيت يكون متسجل في ساعتين اكيد في حد كبير ورا الموضوع دا اعرفلي الموضوع دا يا طارق
محمد بغمزه : بس حلوه الدكتوره دي ياه نفسي اشوف اللي واقفت في وش سيف الهلالي وهزقته
سيف : اتنرفز : ايه هزقته دي احترم نفسك لا عاش ولا كان الي يهزق سيف الهلالي
طارق بتمثيل : عيب يا محمد دا مهما كان برضو لازم نراعي مشاعره
محمد بمرح : انا اسف يا سيف بس برضو دي لازم تاخد جايزه انها علمت عليك وهرب من المكتب
طارق لقي سيف اتعصب : واد يا محمد روحت فين وسبتني الله يخربيتك
سيف مسك طارق وقال بعصبيه : هي مين دي اللي علمت عليا يا يلا
طارق وهو يتصنع الخوف : وربي ما اتكلمت انت اصلا مين يقدر يتكلم معاك
سيف : بحسب
طارق بخوف مصطنع: بقولك عايز حاجه يا سيف بيه وفر هاربا من امامه
سيف ضحك علي صحابه و افتكر: حياء وهي بتقول بغرور الدكتوره حياه محمد البحيري وقال في سره والله لو شفتك تاني ما هرحمك
في البيت
حياه وملك قاموا وادوا فرائضهم ولبسوا علشان بينزلوا شغلهم
ملك : انتي يا زفته يلا قومي الساعه ١٠ منك لله هنتأخر بسببك
الاء بنوم :خمس دقايق بس
ملك بصوت عالي :خمس دقايق ايه بقولك الساعه ١٠
الاء بفزع : ايه !١٠ ازاي يلهوي هتأخر مش هلحق
ونطت مره من علي السرير ودخلت الحمام
بعد فتره
الاء: خرجت ولبست وهي متخبله
الشراب فين ، فين الجاكت ، فين البالطو ، ولسه بتمسك الموبايل بتبص بالصدفه لقت الساعه ٨
حياه وملك بيضحكوا :الساعه ٨ لسه
الاء: يا حيوانات يا جذم بقي شايفيني بلف زي المجنونه وطلع تجري وراهم
حياه : ما انتي مش بتصحي غير كدا الله وضحكوا عليها
ونزلوا المستشفى
في المستشفى
سلمي : مين هيعمل عمليه رجل الأعمال محمد الكيلاني
روان : دكتوره حياه
سلمي بغضب : هي كل حاجه مهمه هي اللي هعملها مفيش غيرها ولا ايه في المستشفى
روان بصوت واطي :اهدي بس كدا يا سلمي العميله صعبه و احتمال كبير يموت وساعتها حياه اللي هتشيل المسئولية
حياه والاء وملك طانو بيضحكوا وهما ماشين
سلمي باستفزاز : مش كل حاجه هتاخديها كدا فيه في المستشفى دكاتره أكبر وامهر منك بكتتير وانتي
متجيش حاجه جنبهم
حياه بهدوء : في دبانه بتزن هنا يا بنات
الاء وملك ضحكوا
الاء بتريقه :ايوا تصدقي وانا كمان سامعه الزن
ملك : هبقي أكد علي العاملات ينظفوا المكان كويس لا الدبان كتر اليومين دول
سلمي بعصبيه وكانت هتضرب ملك : انتو حيوانات
حياء : مسكت ايديها اياكي تفكري تلمسيها بس انا هسكت المره دي بس علشان احنا في المستشفى
ومشيوا وسابوا سلمي بتاكل في نفسها اما وريتها ما يبقاش اسمي سلمي الجوهري
كل واحده ذهبت لمكتبها
في مكتب حياه
علي: صباح الفل
حياه :صباح النور يا علوش عامل ايه وحشتني والله
علي : عمو وعمتو عاملين ايه
حياه :بيسلمو عليك وزعلانين انك ما بتزورهم
علي : هروح لهم قريب ان شاء بقولك
حياه : قول
علي : ناول اعلان ان عايزين مجموعه من الدكاتره يروحوا علي الحدود في سيناء كمعسكر لمعالجه الجنود لمده ٤ شهور بمبلغ كويس اوي حوالي خمسين ألف لكل واحد وبما اننا أكبر مستشفي في مصر فوقع الاختيار علينا احنا ومستشفي كمان وهينزلوا ١٠ او ١٥ دكتور من كل مستشفي والأسماء هتنزل بكره ولو حد عايز يقدم انه يتطوع يروح عادي بس المبلغ هيقل شويه
حياه بتفكير : انت رايك ايه
علي : والله هي فرصه لاي حد وخصوصا لان المبلغ كبير بس الواحد خايف لايحصله حاجه وخصوصا ان المكان مش امان وفيه ضرب وهجوم بيحصل كل يوم وياعالم هنرجع ولا لا
حياه : معاك حق وكمان بابا وماما لو عرفوا مستحيل يوافقوا
علي : سبيها علي الله نصبر ونستني اما نشوف بكره يمكن يكون اسماءنا مش فيهم
حياه : ماشي
علي : اجهزي يلا علشان العمليه عايزيك تركزي دي من أهم العمليات وكمان دا مش اي حد مش عايز غلطه
حياه: علم وينفذ يافندم
علي خرج
حياه : جهزت نفسها ودخلت العمليات
بعد ٧ ساعات خرجت
اهل المريض : ايه يا دكتوره عامل ايه العمليه نجحت
حياه : بتهديهم ايوا الحمد لله العمليه نحجت
وساعتين وهيفوق من البنج
مرات رجل الأعمال اسمها ريم حضنت حياه : الف شكر والله كنت واثقه فيكي بعد ربنا من الكلام عليكي
حياء : ابتسمت الف سلامه علي حضرته
ريم بامتنان : انا في خدمتك في أي حاجه هتطلبيها
حياء : الشكر لله يا فندم دا واجبي
علي بفخر : رافعه راسي دايما
حياه ابتسمت : تلميذتك
حياه ذهبت عند الاء وملك وبتتصنع الحزن : اه متكسره اه يا ضهري
الاء : ايه الاخبار العمليه نحجت
حياه بتمثل : للاسف
الاء وملك بزعل : دا عمره يا حيا ه متزعليش نفسك احنا عارفين انك بتتعبي لو منجحتيش بس دا قدر ربنا متزعليش وحضنوها
حياه ضحكت : العمليه نجحت
ملك : يا واطيه وقعتي قلبي
حياه حضنتهم وابتسمت وقالت انتو عارفين انكم في في قلبي صح
الاء بفرحه : لازم نحتفل
الاء : ايه رايكو نعدي علي مطعم لسه فاتح نجرب الاكل فيه
ملك : نفسي اعرف مطعم في البلد دي انتي مش مجرباه
الاء: خلاص يلا بينا
حياه :احنا موافقناش يا حلوه
الاء : انا اعتبرتكم وافقتوا
ضحكوا مجنونه والله
حياه : طب كويس علشان فيه موضوع عايزه اكلمكم فيه
بيتبع …..
يا تري اللي مستخبي ؟؟.
هل حياه هتروح المعسكر ولا لا !!؟؟
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.