رواية بين قبضتهم وقلبه – الفصل العشرون
20
▭𝅼▬࣪▭𝅼▬࣪▭𝅼▬࣪▭
❂رقــــــو ـ الجـــوهر ❂
بـين قبضتهُم وقلبة
وتعالو بقناة تلي تعالو ياقوت تحجي بيها
قناة :
💙 .
..
يـ مـدري شـلون
طبيـت بثنايـا لروُح
انت التايهـات الما محسبـلهن
..
ديهم : بعععد تحلميين تشوفين خيالي يول تحلميييين بعد انا دَيهم تعملييين بيه هييج تعذبين گلبي ليحبج هيييج من خررررب برووووح اهلج لابو الخلفهم لابووو الخلفج .
من صوتها عرفتها بچت وارتبكت تريد ترد متعرف شتكول سديت الخط بوجها وصلت البيت اجتني ريام
ريام : تتعشه يول؟
ـ ما اريد
ام بـلال : شبيك دَيهم
ـ شبيه الله غاضب عليّ بس عوفوني لا تكثرون اسأله
فتحت تلفوني راسلت شيلاء
ـ دزيلي المسجات كلهاااا هسهه لا اشعل الخلفوج وخلفو اختج
شيلاء : اصبر شبيك معصب
ـ دزييي لا ابتلي بييييج
شواي ودزتهن ركزت بيهن مو طبيعيات شكلهن مفبركات وهاي ياقوتَ تتصل وارفض بيها بس انا اعرف ياقوتَ ماتسوي هيج ابداً هيه عاقله وفاهمه بس تصرفت هيج كدام اختها اريد اشوف وين توصل وشتريد من عندي بس ضوجتني لأن دازه صورها لصديقتها اخخ تعاند والله اخاف عليها من الهوى اليمر من يمها بس ماتسمع الكلام رجعت راسلت شيلاء
ـ بلغي اختج كلشي بيناتنه انتهى
شيلاء : هاا اي اني ابلغها والله هيج افضل للطرفين احسها فرحانه شو هاي صفنت افمر شويه ورديت
ـ بلغيها ومعليج بالباقي هاهيه خلاص ياقوتَ وكعت من عيني .
راحت تبلغها ركاض هههههههه يولي انا تلعبيني ولجج دَيهم نچر ياهو ليگدرلو انا صقر الحُـر
شويه رجعت تكول
شيلاء : شسمه تكول خليه يجاوبني جاي اتصل بي
بس لا تجاوبها تبريراتها كلها جذبه
ـ خلها تولي لا تسمعني صوتها ماريدها بعد
شيلاء ‘:حرامات كل هذا الحب اللي بكلبك لـ ياقوتَ وياريت هيه تقدر!
ـ ندامة صارت
شيلاء : الله يعوضك بالاحسن
ياقوتَ مستمره تتصل وادز مسجات وفويزات كوه متحمل ما فتحت مسجاتها وفويزاتها احس غيحي قبل ايدي تگلي جاوبها شمرت التلفون حتى ما ابقى اشوف مسجاتها
صار الليل وبالكوه نمت رجعت احلم واشوف كوابيس نعلا علا الخلفووج يا سارة الله يطيح حضج نمت بعد تعب وتفكير وتلفوني ماسكت من اتصالات ياقوتَ كعدت الصبح لكيت نفسي نايم بالصالة صعدت لغرفتي سبحت وبدلت وخابرت مُنير
ـ مانطلع؟
ـ تعالي نطلع سوا
ـ هسه جايك
اخذت سويج السيارة من العامل واخذتها من المسفط وطلعت دحنه انا ويا
واحنا كاعدين بالكوفي ياقوتَ اتصلت بيه ورفضتها رجعت دزت مسج گلبي يكلي لك دَيهم افتحو للمسج بررردوو لگلبك الكواد هذا
ياقوت : دَيهم جاوبني لازم تسمعني غصب عنك اني ماسويت شي هيه مجرد صديقة اليه
ـ وعادي ترسلين صورج لبنيه تفصلج عنها الشاشة متعرفين ان كانت بنيه او رجال؟
ياقوت : حبيبي والله بنيه وحق الله بنيه وحتى فويزات دزتلي
ديهم : حتـلو ياقوتَ حتـلو دزتلج فويزات يمكن رجال ويعرف يقلد صوت بنيه ويريدج تثقين بي
ياقوت : حتى صورها عندي والله اذا تحب ادزهن الك شوفهن اتاكد منهن
ديهم. : منير شواي واجيك اصبر
رحت اتصلت عليها مانطتني مجال احجي
ياقوت : دَيهم والله والله بنيه وغلاتك عندي بنيه
ـ واذااا واذا بنيه ياقوتَ واذا نعال بنيه ممنوع ادزين صورج لأحد حتى لو كانت اختج! الدنيا ما بقى بيها امـان .
بقت ساكته وتبجي
ـ استوعبيييي ياقوتَ انا خايف عليج اهلج ميخافون عليج بگدي انتِ غيحي لجج انتِ الهوى اليصعد وينزل بصدري ما اريد اي اذى يمسچ
حجت بحسره
ياقوت : دَيهم يمكن غلطت بس ميصير هيج تقسى عليه ومتسمع مني.
ـ اش ولا حرف كل البلاوي السويتيها وتكليلي قسيت وياي ياقوتَ شوفي انا اتغيرت مو مثل قبل يمكن ننفصل احسن النه
زادت بالبجي تبجي وتحجي
ياقوت : دَيهم لااا كلشي واله حل معقولة تعوفني علمود سبب تافه
ـ مو تافه ياقوووتت انا غيرتي نار وتحرك كلشي حواليها وانتِ تعاندين ومتسمعين الكلام مانرهم هيج احسن انسيني ياقوتَ انتِ من الاول ما حبيتيني ولا غيح تحبيني
ياقوت : ولا لحضة مرت عليّ وانا ما احبك احس بدونك اضيع دَيهم لا تعوفني
ـ يلا باي ياقوتَ ماكدر احجي اكثر من هيج
بقت ساكته سديتو بوجها نوب شيلاء دازتلي الف مسج هو انا فاضي اجاوبج بنت اللذينَ
ـ بعد مرور اسبوع ـ
مُصر على قراري وعلى اساس عيفتها لـ ياقوتَ بس اريد اعرف شيلاء وين تريد توصل
شيلاء : دَيهم حتلو تخرب علاقتك بـ ياقوتَ
لا تگطع تواصلك ويايه
ـ ياقوتَ وراحت من ايدي شأسوي بغيرها؟
شيلاء : مو بعينك اني؟
ـ لا كل البنات بعيني بعدها ما يسون اضفرها
شيلاء : مسيطرة على عقلك بشكل كامل هاي
ـ ادمنتها صح احبها بس صعب اكون وياها .
بقت تتشاقه وتضحك وتدز فويزات بصوتها وانا لابسها كوه اجاوبها فاتت من يمي ريماس كالت ريماس : دَيهووم متروح وياي؟
ـ وين
غمزتلي وكالت
ـ رايحة لـ ياقوتَ
ـ جؤ ما اغيح
ـ يول شبيك انتَ وياها امبين مو طبيعي؟
ـ الله يخليج رموسه لا تفتحين هذا الموضوع ترا غيحي واصله لخشمي هسه انفجر بيج
ـ لعد كووم وصلني يمها ولا تحدر
ـ يلا امشي اوصلج
وصلنا بيتهم
ابابيل : مو هنا ياقوتَ راحت هيه وشيلاء للبساتين تحوش فواكه للبيت
ديهم : امشي رموسه نغيح الها
ريماس : ههههه يلا
واحنا نمشي ونسولف كالت
ريماس : خويا شعرفك ببساتينهم وشلون تندل ياقوتَ وين؟
ـ عايشه بغيحي شلون ما اندلها تخيلي هسه اتخيل اثار رجليها هنا كدامنه
ريماس : يمااا عزا صدك؟؟
ـ والله عبالك ماشيه على گلبي مو ع الگاع
ريماس : خويا توا جنت متريد تشوفها
ـ رموسه اخوج انسحل سحل والساحلتوو وحده طولها مترة ياريت متر ونص متره يول مترررره
ـ هههههه والنبي صدك گصيره هيه بس تعرف تجنن تجننن هنيالك عليها
ـ يمه مرتي صلي على محمد عين الحااااسووود بيهاااا عووود تف عليج لا تحسدينها
ـ هنيالها على حبك والله
ـ هممم كوليلها هذا الكلام ماتفهم .
ـ ياقوتَ ـ
ياقوت : شوشو بس اغسل وجهي من الساگيه وارجع
شيلاء : لا تبعدين اخاف
ياقوت : ما اطول
رحت نزلت اللثام عن وجهي اغسله من الساگيه جنت ملثمه بشال ورجعت يم شيلاء لمحت دَيهم جاي هوَ و ريماس بأتجاهنه بسرعه رجعت اللثام
على وجهي وتعمدت اخفي عيوني ماريده يشوفني لأن ضوجني بكلامه من ذاك اليوم اجه بأتجاهي تقرب وهوه يضحك ويحجي
ديهم : ههههههه ملثم ملثم من تمر ماعرفك تريد ؟ اعـرفك لو تحط اعلى اسمك اللثام
صار يمي ومركز بعيوني و رجع كال
ـ ملثم من تمر ماعرفك تريد يـَ ابن الكواويد
ريماس : ههههههههههه
ابعدت انضاري عنه زعلانه منه همس
ديهم : ابن الكواويد شعملت بحالي
ياقوت : دَيهم شيلاء وريماس منا عيب
ريماس : نغيح انا وشيلاء شتكولين شيلاء؟
شيلاء : ها اي نروح بس تجون ويانه لو تبقون . احس شيلاء هبطت وملامحها تغيرت
ديهم : جؤ مانجي نبقى هنا
حجه وياها ومركز بيه
ريماس : يلا شيلاء نغيح وهما يلحگونه
اخذتها وراحت بقينا بس اني وهذا المسودن كعد وخله رجليه بالساگيه
ديهم : تعاي
ياقوت : انتَ مو كلت كلشي انتهى بينا؟
ديهم : تجين لو اكوم لج؟
رحت يمه كعدت وخليت رجليه وياه
ـ وخري اللثام عن وجهج
ـ ما اريد هيج احسن
غافلني وفك الشال وكع عن وجهي كال وهو يمسد بشعري
ـ انتِ تتوقعين دَيهم يعيف شمعتو؟ تتوقعين يعيف جُمارتو؟ لج انتِ الغيح مال دَيهم انتِ انتِ اهلو وكل ناسو صافن بيه ويحجي
ـ دَيهم
ـ النفس اليتنفسو انتِ آمريني بويه
ـ شعرفك بصديقتي اللي بالانستا وشلون اندليتها بسرعه رغم انتَ ماتفتش بتلفوني ولا تلزمه؟
ـ ذكية عجبتيني بس غبية ببعض الاحيان
ضجت وعكدت حواجبي و كتله
ـ دَيهههممم
ـ يا بويه انتِ انا مو گتلج لا تثقين بأحد حتى اختچ الجابتها امج لا تثقين بيها
ـ اي صح
ـ اختج شيلاء هيه الحجتلي كلشي واتهمتج اتهامات باطله هم
فتحت حلكي متر من الصدمة
ـ وحتى مفبركه محادثات الج على اساس ويا رجال تحجين بس انا اعرف انتِ شيخة البو عيسى ماتنزلين راسي ماتذليني انا اعرف
ـ عليك الله صدك تحجي؟
ـ وحق الله هيه حجتلي وفنج تعرفين ليش سوت هيج
ـ شلووون ما اعرف متقصده تحجي تريد تخرب بيناتنه الله لا يوفقهاااا بواكه الزلم تررريد تبوگك منييييي يا يمممهه رجليي ولحگتني عليه ولجججن متتت
اباوعله فرط ضحك كال
ـ بس توعديني متحاجيها؟
ـ والله لأدوس ببطنها
ـ جؤ اختج بعدها طفلة يمكن غارت من حبنا
ـ ولككك اختيي شلووون اختييي تسوي هيج وياي
ـ مو كتلج اختج لا تثقين بيها حبيبي انتبهي لا تصيرين غبية
ـ ماجاي استوعب دَيهم معقولة؟
ـ دربالج عليه داريني وحبيني ترا استاهل تحبيني اخذت نفس وزفرته بضوجه وكتله
ياقووت : بنص روحي اضمك يروحي
عضني من ايدي وكرص خدي وميت من الفرحه
ديهم : احبچچ يووول يلوموني ليش احبچ ولج من تحبيني حتى الله يحبني
ـ استغفر الله
ديهم : عيفت المخدرات وادمنتچ ريتني لا اشفى منچ نوب
معت من الخجل صرت ما اعرف احجي ابتسمت وهمست
ـ حباب كافي
ديهم : ياقوتي
ـ همم
ديهم : انطقي اسمي
ـ ماعرف
ديهم : انطقي اميرتي
ـ هئ
ديهم : حبااابهه كولي اسمي واسحليني بزياده شحلات السحله منج
اتقربت يمه خليت ايدي على صدره يم گلبه وعيوني بعيونه وكتله بدلع
ياقوت : دَيييهم؟
ـ يغيحولج فدوه دَيهم واهلو وعشيرتوو يبعد اسمي
ياقوت : احبـ…
سكتت راح اجفصها ييماا
ديهم : كمليها ياقوتَ كمليها
ياقوت : ما احبك
انرسمت الضوجه بوجهه ونتر
ديهم : يعني الا تكفريني؟
ياقوت : اموت بالتراب التمشي عليه دَيهمي .
تغيرت ملامحه والضحكه شكت حلكه طبع بوسته بخدي وضمني لصدره كعدت بحضنه وهوه يحجي
ديم : ياقوتي
ـ ها يروحي
ديهم : سمعيني ضحكتج
ـ ضحكني
ـ احجيلج نكته؟
ـ اي ايي يلااا
ديهمم : احمم شسمه اكو واحد عندو مشاكل هواي وجزع گلولو روح لبيت الله اكو فتحه صغيرة بالكعبة طبب راسك بيها واشكي همك لله بلكي يسمعك هوه طبب راسو وحشر راسو
صاح يـ الحسين الحگلي الله خنگني
ياقوت : ههههههههههههه استغفر الله
ديهم : اغيح فدوه لهل ضحكة احجيلج الثانيه حتى اسمع ضحكتج
ياقوت : هممم يلا.
ديهم : احمم اكو عرسان الصبح اندك بابهم كالت العروس
كوم افتح الباب لو هذا هم متعرف تفتحو
كفخته على ايده وكتله
ياقوت : اادبسز عييييب شهل نكتة البايخه
ديهم : هههههههه تتوقعين اعرف افتحو لو لا
ابتعدت منه واني ااصيح
ياقوت : ديهههمم لا تحجي وياي هيييج
استحيت يربي هذا فويسد ما يستحي تقرب لزگ بيه خله راسه بركبتي يشمها
ـ شُمامتي ريحتج ريحة اطفال ماتتغير ابد هيه نفسها
يشم ويبوس بنفس اللحضة
ياقوت : دَيهم
هممم يحجي وهو مغمض كتله
ياقوت : نرجع للبيت
ـ حرام تخليني متونس؟
ديهم : ماتشبع
ـ هوَ ينشبع منج؟
ياقوت : دَيهمي كوم نروح كافي
ـ كولي احبك دَيهمي ونغيح
ياقوت : هئ ما اكول
ـ كولي ياقوته كوليي
ـ هئ
بسرعه سحبني يمه وقيد حركتي بأيديه عيونه صارت بعيوني
ديهم : بعنـادچ هذا انهوس بيچ اكثر لا تعانديني خاف يطگ گلبي من حبي الچ واموت
قرب شفايفه يم اذني وهمس
ديهم : متخافين يموت دَيهمج
حاولت ابعده عني وكتله
ـ دَيههممم فك ايدي وعوف الموت عـلى صفحة
ـ تخافين عليّ
ـ اخاف عليك من الهوى دَيهمي اروحلك فدوه بعد لا تحجي بالموت
ضمني لصدره يطمني
ـ اني متت ومارجعتلي بعد الصار ويانه كُله
ـ اش شمعتي كافي لا تشغلين بالج بأشياء صارت من الماضي
راح من يمي وطب بالساگية يغرف ماي ورشه بوجهي شهكت وصحت علي
ياقووت : دَيههم بللت ملابسي
جرني من رجلي طبيت بالساگية
ـ الچلب بللتني راح اموتك
ـ بنت حكومييي انا متحلف بيج اريد اكتلج بس كل ماشوفج انسى كلشي
حجه كلامه ورفعني من الساگية كف شعري عن وجهي غمض عيونه يمرر اصابعه على ملامح وجهي يحفظها كررها هواي حسيت براحة وهو يسويها فتح عيونه وگال
ـ يمكن افقد بصري بيوم من الايام صرت حافظج حتى وانا ضرير
دمعت عيوني من كلامه وحجيت بحسره
ـ اسم الله عليك دَيهمي جاي تخوفني بكلامك
ـ حتـلو مهما يصير انا اشوف الدنيا بيچ
واحنا نسولف اجت شيلاء و ريماس
ريماس : شلونهم عصافير الحب؟
ديهم : دَيهم بس چفونه شركم احنا بخير
اباوع لـ شيلاء شويه وادفنها بكاعها البربوگ
ريماس : يممه هنيالك دَيهم على ياقوته وردة ومفتحه واخويا بس يشتم بعطرها
شيلاء : ههههه لجج حتى حواجبها مختفية من گد بياضها وتگولين هنياله؟
ديهم : مالگو بالـگمر عيب گالو نـورو يعمى عيـّونه ريماس : هههههههه عن حق وحقيقة ياقوتَ گمر ومضوي
شيلاء من الفشاله راحت نصها بالكاع انخلست
اني خجلت كمت امسلت بالحجي
ياقوت : دد دَيهم نروح
غمزت ريماس لديهم وهيه تكول
ريماس : لا لتغيحون ابقو واحنا نغيح ههههههه
ياقوت : لا رموس …
قاطعني ديهم وهوه يكول الريماس
ديهم : غيحن شواي ونجي احنا
ياقوت : لااا دَيهم
ديهم : غيحي رموسه واخذي وياج شيلاء خطيه تحس بالوحده ماعدها حبيب
ريماس : شنو هاي عزا بعينك البنيه بعدها طفله لا تحجي كدامها هيج
ديهم : بس غيحن مو شلعتن گلبييي انتِ وهاي الچنها ابابيل بس تفتر وراي
ريماس بس تضحك ماتسكت اخذت شيلاء بالكوه وراحن
ياقوت : دَيهم عييب اختك شتگول عليّ
ديهم : شتگول؟
ياقوت : هسه تكول مشايفه رجل ولازگه بي
ديهك : بويه انا لازگ بيج مو انتِ
طلع جكارته يورثها كتله
ـ انطيني اجرب
ــ اگطع حلگج بالنعال
رحت كباله وگتله
ـ حبااااب بس مره وحده
ـ جؤ مو زين عليك وليدي بعدين تتعلم وتصير مسربت
ـ مره ماتضر
يمسد بشعري وكال
ـسوالف كبار هاي حبيبي ماتلوگ لك
صرت عصبيه وگتله
ـ وانا شنو
ـ طفلة
يشرب بجكارته ويحجي كتله
ـ لااا مو طفلة
ـ طفلةة باعي طولچ متر راسج ما يوصل صدري
ـ دَيههممم؟
ـ يمه يمه تضوجين لأن اكلچ طفلة؟
ـ اي اني مو طفلة
يلعب بخدي بأصابعة ابتسم وهمس
ـ طفلة بعيني شما كبرتي
ـ بشرفك دَيهم اشرب مره وحده
ـ جؤ وليدي لا تعاند
راح كعد وارتجه ع الشجرة رحت كعدت كباله رن تلفونه يسولف بالتلفون والجكارة بحلكه اخذتها من شفايفه وهو مندمج يسولف وسحبت نفس منها اللهه طيبة اخذت نفس الثاني حَـس بيه شربت قيدني بأيديه ويأشرلي طكيتها بضحكة خزرني وهمس
ـ جؤ صوتج خررب
رجعت الجكارة لشفايفه سد الاتصال وصاح
ـ ياقوووتهه ليش تمرمرين كلبي شلووون تضحكين وانا عل اتصال ويا صاحبي
ياقوت : هههههههه
ـ ترا ضحكتج وصلت للموصل
ـ ما يسمع
ـ سمعهاا شلوون ما سمعهاا راح ادفنج اذا تبقين هيج بسته بشفته وشاربه نغزني بشفتي كال
ـ عود تهديني البربوگ تعرفين شلون تهديني موو؟؟ انا اعلمچ هسه
صار يدغدغ بيه مرغدني بالكاع
ياقوت : دَيهم لاااا هههههه امانة كافيي ههههه والله راح كلبي يوكف لا هههههه ما اتحمل يول كافي هههههههه
ضحكت لمن فحطت
ـ اموتج اذا نوب تسولفين وانا عل اتصال
ـ ديهوم تغار؟
ـ احرگج ولا غيري يشوف اثر رجلج اليطبع بالارض
هذا صدك يحجي تمددت على رجليه احجيله
ياقوت : دَيهمي
ديهم : همم
ياقوت : شسمه مثلاً مثلاً
ديهم : احجي بويه دبريها
ياقوت : مثلاً من نتزوج واروح لعرس كرايبكم تخليني البس بكيفي
ديهم : اذبحج بالساطور مالتنه
ياقوت : ههههههههههه لا لا امانة احجي الصدك
ديهم : كل لبسج غيح يتغير بس اخذج تلبسين باللي يعجبني لأن انا اعرف يجي يوم واموت بسبب غيرتي
ياقوت : امم و ميكب
ديهم : مكيب شنو؟
ياقوت : يعني مكياج
ديهم : ها حُمرة وكذا؟
ياقوت : اي
ديهم : بس اليه تخليهن
ياقوت : لعد شلون اطلع؟
ديهم : من تطلعين جؤ ممنوع ياقوته
ـ همم
ـ غيح ابنى بيت وحدنه
ـ واهلك يقبلون؟
ـ ابوي ميريدني وياهم عندي قطعة ارض نبنه عليها انا وياج بيت مرتب وحلو ومليان حب وحنان
ابتسم وغمزلي
ـ لا اريد ويا اهلك حتى ماتضل تحود بيه بالبيت
ـ والله لو بيت اهلج نكعد احودج حود
ـ لا صدك يعني نسوي بيت وحدنه
ـ والله بيت وحدنه راح ابنى وشرط انا وياج نختار الوان الغرف والاثاث وحتى غرفة النوم ومراح اجيب عمال للالوان انا وياج نصبغها
ـ صدكك؟
ـ والله انا امر اخذج يوميه نشتغل بي
ـ شوكت شوكت؟
ـ ما اطول هل فترة ابلش
ـ دَيهم اريد الغرفة لونها ابيض ووو بيها لوحات رسم بالجدران ومرجوحه بنص الغرفة
ـ حبيبي كلشي يجرالج وشرط بأيدج تختارين كلشي ـ اللهه دَيهم شكد حلو نرتب بيت احلامنه سويه
ـ وو اطفالج يتكامزون بنصو مثل القرودة هههههههه
ـ طالعين على ابوهم
ـ ماريدهم عليه على ابوهم اريدهم على امهم
ـ دَيهم …
ـ ياقوتَ الطفل المابي عطرچ ما اريدو
يحجي ويتلمس بخدي ونضراته مليانه حب
ديهم : انا ما جنت ناوي اراضيج بس من شفتج
فز كلبي خان بيه وركضلج قبل رجليه
ـ ها يعني متندم؟
ديهم : جؤ بس جنت ناوي اعاقبج
غمزتله وكتله
ـ وشصار بعدين
ديهم : اجيت وشفتج وسحلتيني البربوگه
باسني بخدي وعضه
ـ حباب لا تعض اتنرفز
ديهم : ترفات ترفااات انعل ابووج لا ابوهن
ضل يلعب بشعري ويتاملني
ياقوت : دَيهم
ديهم : ها ابويه انتِ
ياقوت : اوعدني
ديهم : وعد
ياقوت : بعد متعوفني وتروح بعيد
ديهم : ماضل براسي عقل اذا عيفتج بعد رجع
بويه انا مقصر وياج اعترف
ـ بشـنو مقصر؟
ـ الضروف جانت اقوى ونستني اجيبلج حلقة لأصبعج الحلو هذا
ـ عادي دَيهم مو مهم
ـ لا وليدي شلون اريدج من تطلعين كلها تشوف الحلقة بأصبعج حتى ما يخطبوج انا ماناقصني انجلط انوب
ـ هههه هسه ضروري البس حلقة؟
ـ بنياتي المخطوبة شتلبس غير حلقة
ـ هم صدك
ـ يول فهاوتج جلطتني … ياقوته كومي نغيح
ـ حباب حلوه الكعده هنا
ـ كومي ولج الشمس غابت والجو صار بارد
ـ واذا
ـ تتمرضين ام حلك بعد مابيه اضل خايف
انطيته ايدي كومني ورحنه نتمشى ما يهد ايدي مقيدها بقوه خايف لا اطير بس احساسي ويا غيييرر هل مره صدك اباوع له بنضرة مليانه حب وتباهي كل السويته وياه وانطيت بي وسجنته وراح يتعالج بسببي وبعده يحبني وغلطت عليه وسبيته وكتله اكرهك وبعده يحبني لأول مره حسيت اني قسيت وياه وحيل متندمه انوب هو بس يحجي ما يسكت فلتت ايدي منه ورحت اركض بالبساتين واصيح له
ـ دَيهووم الحگني
ـ مابيه اركض ياقوته لا تعبيني تعاي
ـ ما الحگني
ـ مو اجيج
ــ تعااال
ـ بس اجي والزمج تنطيني الاريدو
حركت حواجبي و كتله
ـ هئ
انگلب سبايدر مان من سرعته اضحك واني من اضحك اخررب بالكاع عثرت ردت اوكع ولزمني من ايدي وقيد جسمي
ـ عتنننتتهههه وهسه شتنطيني ياقوته؟
ـ الساقط اعرف تفكيرك
ـ تنطيني لو اخذ غصب
ـ ولا حتى بأحلامك
يريد يبوسني بشفتي وخرت وجهي عنه رجع جرني من راسي يبوسني غصب باسني وكفخني على خدي بخفة وكال
ـ احـبچ ام عيون الوسيعة
ـ وخر عابت لا تبوس
د اموتج بالبوس مو بس ابوسج
ـ هه
كملنا طريقنه وصلنه البيت ولگينه امي و شيلاء وريماس و اشهب كاعدين بالحديقـة
همس لي واحنا رايحين بأتجاهم
ديهم : اميرتي
بقيت ساكته ما جاوبته
ديهم : نسواني بنياتي ماتحمل غيح تبعدين عني
ـ دَيهم اش
ـ لغرفتج گبل اغار ماشوفج هنا
ـ هههههه انچب دَيهم
صرنه يمهم دَيهم واشهب واحد صافح الثاني
خفت يتعاركون كعدو برا واني طبيت للبيت لكيت شيلاء و ريماس كاعدات بغرفتي يسولفن
من دخلت عليهن سكتن
ريماس : ها ياقوته اخويا هدج
ـ هو لزگه متت ما خلاني اجي
حجيت واني امشط بشعري شيلاء ساكته مصدومه لأن تراضينا اني و دَيهم
ريماس : ماحجالج دَيهم؟
ياقوت : على شنو
ريماس : غيح يبنى بيت الكم وحدكم ميريد يكعد ويانه
ياقوت : اي گلي
باوعت لـ شيلاء وكلت
ـ وحتى الوان الغرف والاثاث كالي انتِ تختاريهن كلشي على ذوقج راح يصير
شيلاء شويه وتنجلط عيونها تنگط سم
ريماس : غيح يبلش بي هل اسبوع لأن اهلي مستعجلين يريدون يزوجونو يكولون بلكي يعقل
ياقوت : هههههه هذا خبلني وماراح يعقل
ريماس : بس والله يحبچ من اهلنا ماقبلوو ياخذوج الو وين ما اغيح بالبيت اسمعو مشغل فويزاتج ويسمع بصوتج راد ينجن الولد الا شويه
ياقوت : انا الهاشمية الرقم الصعب يابةة شحده ينساني هههههه
ريماس : هههههه وااانا اشهد محد يكدر ينساج .
شواي ودزلي مسج دَيهم
ـ انزلي اشوفج
ـ ما
ـ وجعا ترا اصعدلج
عفتهن وطلعت نزلت باوعت من الباب كاعد ويا اشهب استحيت اروحله رجع كتبلي
ـ البسي شالج الخرا شكو طالعه هيج
يمه هذا صار عصبي
ـ ماكو احد
ـ ترا احرگ العراق هسه
ـ وخطيه الناس وين تروح؟
ـ امشييي ياقوتَ لا تمرمرين گلبي
اباوع له شويه ويدفني صعدت لبست شالي كتبلي
ـ جيبي ريماس وتعاي غيح نرجع للبيت
اخذتها ورحت يمه
نوب هذا ما يسكت كوه لازم روحه وامي تخوزر بيه و اشهب ولا يمه مندمج بالتلفون شيلاء شويه وتموت من غيرتها كال دَيهم
ـ يلا ريماس نمشي
ـ يلا خويا
ـ شهوبي يلا اترخص اني العزيز
كام لحيله اشهب صافحه وكله
ـ كل الهلا بيكم مرونه لا تكطعون
ـ ان شاء الله سلملي على عمو و نـوار .
راحو وصلتهم للباب راحت ريماس صعدت بسياره تقرب يمي ديهم وحجه بخفوت
ديهم : ياقوتي
ياقوت : ها يروحي
مدري شبيه صرت خفيفة بس اتمضحك كال
ديهم : احـبچ
باسني بخدي كفخته على ايده
ياقوت : عييب دَيهم ريماس
ـ جؤ مرتي مو عيب
ياقوت : بلا روح
ـ انا اعلمج
ياقوت : علمني بعدين رووح هسه
ـ حضنيني واغيح
ـ هئ
ـ ضميني ياقوتَ ضمينييي
ـ هئ
ضمني غصب عني
ـ اوي ضلوعييي
ـ بنت الچلب اموت عليچ
زگ بالكوه شلعته وراح رجعت للبيت واسمع امي تدردم وتحجي على دَيهم حجيت بعالي صوتي وكلت ياقوت : ياربي شلون يعني منخلص من هل طلابة
رحت يمها بالمطبخ وحجيت
ياقوت : يمه شبيج ويا دَيهم ؟
ـ اني مو كتله بعد لا يجي لمن ياخذج ليش يعاند لو كل المشاكل السواها ماكفته
ياقوت : يمه ليش حاقده عليه شي صار من الماضي ـ مو حاقده بس خاف عبالج نسينه سوايته من نهبج وشرد ترا محد نسى
اجانه صوت اشهب وهو يكول
اشهب : يمه كافي تفتحين مواضيع قديمه هسه هوَ خطيبها وبمقام زوجها حتى لو اجه شافها هو شكم يوم وماخذها
شيلاء : لا مو زوجها بعده ما عرس عليها
رجعت تباوعلي بحقارة وكالت
شيلاء : واصلاً اول مره اشوف هيج خطوبه حتى حلقة بأصبعج ماكو
ياقوت : وانتِ شنو الحارگ گلبج انا قابله
حتى لو ياخذني ع الحصيره
شيلاء : عود هما ذولي عيالج الزناكين الاكابر كل فلوسهم حلقة مافكرو يجيبولج
ياقوت : انچبي شيلاء لا تدخلين بحياتي حلگج اشكه والله
شيلاء : مگدورج عليّ روحي اكدري لـ دَيهم ابو النسوان خانج ورجعتيله مثل الچلبه
ياقوت : ارجعله احسن ما اصير خفيفة
واركض ورا رجل اختي
تقربت يمي ونترت
شيلا۽ : شقصدجج؟
اشهب : كافي سطرتنه شكد تحجن يلا لغرفجن
ابابيل : ياقوتَ انتِ تعاي سوي عشه لأخوانج وابوج مشيت من يم شيلاء وكتلها
ياقوت : يمه اخاف على اضافري دَيهم كال لا تشتغلين شي .
ابابيل : انععل ابووج لابو دَيهم تعاااايي
اشرت لـ شيلاء بأيدي وكتلها
ياقوت : سيووو
طكيتها بغمزه شويه وتموت من العصبيه
ـ بعد مرور فترة ـ
دَيهم كمل بناء البيت بقى عدنا الوان الجدران والاثاث وشيلاء ما حاجيتها ولا كتلها ليش هيج سويتي لأن دَيهم وصاني ما احاجيها يكول ختولي ولخاطره عفتها
كاعده بغرفتي احجي ويا دَيهم اتصال دخلت شيلاء بدون مادكت الباب وصاحت
شيلاء : كوميي ست الحسن عاونيني بالمطبخ
ـ ولي من وجهي
شيلاء : كوووميي بعد ما اخذج حتى تصيرين شيخة علينا ك
ـ شيخة عليكم وعلى الخلفووكم وغصب ع اليرضى ولما يرضى راح ياخذني
شيلاء : وبساع نسيتي؟ چنتي مكفخه لـ اخواني چنتي مثل الخدامة
صارت تعايرني بكلشي فقدت اعصابي عليها
كمت جريتها من شعرها خبطتها بالكاع وصرت اضرب بيها دفرات على بطنها
ياقوت : تخونين اختججج ولججج
شلووون تحطين عينج على دَيهم يا چلبه احجييي مستمره اضرب بيها نوب نزلت يمها كفختها راشدي بكل ماعندي من قوه ورجعت ضربتها الثاني فقدت اعصابي
ياقوت : حاطه عينج على رجلي يولييي **** عضيتها من ايدها ورجعت اهلس بشعرها
تحاول تمنعني ماتكدر قضيت عليها شلعت شعرها تشلع وهيه تعيط عياط تريدهم يخلصوها من ايدي
ـ والله اموووتججج يم دَيهم لا تقربين بععد*** سلميه تاخذج شلون الج نفس بي وهو رجل اختج انعل ابووووج للابوو الما رباج
اجتنا امي تحاول تخلصها من ايدي
ـ عوفينييي وخررريي اني كوه متحمله ما كتلتها من زمااان
بقيت اضرب بيها الا طلع الدم من اسنانها من الضرب عينها زوركت وبطنها صارت توجعها و تكح جسمي كله يرجف من العصبيه ابعدني اشهب وهوه يصيح
اشهب : شجاجن اتخبلتن شهل استهتارر؟
ياقوت : رررربوو اختكم الساقطةة بواگه الزلم
اشهب : شمسويه فهمينيي احجي مثل البشرر؟
ياقوت : اختكك العاقله الفاهمه تفتر ورا رجلي وتريد تخرب بيناتنه
ابابيل : ياقوتَ وسم شهل حجي شلون تحجين على اختج هيج؟
ياقوت : يمه رجائاً محد ديحها وخلاها تطلع من الطريق غيرج
شيلاء ميته من البچي بالكاع اشهب خزرها وكال
اشهب : شيلاء صدك الحجته اختج؟
ساكته متجاوبه راح اموتهاااا
ياقوت : ججاوبي اخووج كليله على عمايلج القذرررة ولجج الغريبة ما سوت سوايتج هيييج تلعبين على اختججج
اشهب : ياقوتَ فهميني السالفه راح انجلط
اجن ايلاف ومسرة
زحمه اسولف كدامهن على اختي
ياقوت : اشهب بعدين افهمك
ياقوت : تفهميني هسه راح اتخبل اذا صدك
فرط لساني وخرطت الاول والتالي
ياقوت : شيلاء دازه لـ دَيهم محادثات مفبركة على اساس اني اخونه وكايلتله عدها صديقتها ولد وتدزلها صورها المهم حتى معلمته بأي برنامج البنيه حتى تخرب بيناتنه وتخليه يعوفني
اشهب عيونه جمرن من العصبيه رفعها من الكاع وبلش بيها ضرب وين اليوجعها
اشهب : ولجج شلووون مو هذا مثل اخوج هسه ليش تفشليني كدامهم وهما غربه شيكولون علينا موتهاا من الكتل موتها تموت صگطها واني ضليت بس اباوع ما منعته خليه يربيها ما متربيه بس اباوع للجناين يضحكن ويتهامسن بيناتهن وامي تحجي على اشهب لأن كتلها تعب اشهب وعافها باوع لمسرة وايلاف وصاح
اشهب : شنو شعدنه حفلة هنا تتفرجن يلا كلمن لغرفتها
ابابيل : كله من راسج المصايب كلها
ياقوت : من راس بنتج الماعرفتي شلون تربيها كضيتو عمركم تبرزلون عضلاتكم عليه ونسيتو شلون تربوها كلمه ما جنتو تذبون عليها وانا الشابعه مهانة ومذله منكم انتِ هم حاسبه نفسج ام؟ حتى اكل جنتي متخليني اكل المطبخ تقفلي حتى ما اطب واكل حتى النوم ما اتهنيت بي يمكم
تشمروني مثل الچلب بالملحق بذاك البرد والمطر والملحق يصب عليه ماي ابد مارحمتوني
ساكته امي وانا احجي محروك كلبي
ياقوت : تدرين مرات احس انتو مو اهلي! اعترفوو وين لگيتوني اذا مو بنتكم كولوا حتى لا اضل اتحسر اشوف حنانكممم
ابابيل : انتِ مو باره بوالديج وهيج الله جازاج
ياقوت : هههههه تريديني اصير باره بوالديه وانا كل اذيتني منكم حتى بيوم القيامة الله ماراح يحاسبني اذا اجه يوم وكرهتكم لأن ضوكتوني المر الما ينجرع انا جرعته
ابابيل : طالعلج السان ياقوتَ
ياقوت : سكتت هواي وهسه صار وقت الكلام والعتب كل الصار بيه بسببكم بسبب اهمالكم اليه حتى المدرسة حرمتوني منها بقيت اتحسر اشوف البنات تمشي بدربنا والجنط والكتب بأيديهن والدمعة بطرف عيني انتِ وابنج نوار حوبتي راح تضل تلحگكم وخليها ابالج الحوبه تبطي بس ماتخطييي
بقت مصدومه من كلامي عفتها ومشيت
اايديه ترجف من العصبيه رحت للحقل مال البطات غسلت وجهي من الساگيه وكعدت يم البطات الاعبهن اتصل بيه دَيهم
ـ ها حبيبي
ـ ها يا امي شبي صوتج
ـ تعاركت ويا شيلاء وكتلتها
ـ ههههههههه فلك فلكج جان صدك
ـ والله كتلتها كتله لحد هسه دمها بأضافري
ـ انا شوصيتج ياقوتَ مو كتلج لا تحاجيها
دَيهم عايرتني تكلي جنتي خدامة لـ اخوانج واني ما تحملت صرت عصبيه ولكيت روحي كاتلتها
ـ هههههههه بسـلا تكتليني بعدين
ـ هئ انتَ الروح مال اني
ـ اووف انا ما اتحمل شمعتي الكلام الحلو يخلي السكر يصعد عندي
ـ هههههه دَيهووم
ـ عيونه لـ دَيهوم
ـ تجي نطلع ؟
ـ تدلل اميرتي ثواني واكون يمج
رحت بدلت وعود ترتبت حتى لا يشوفني وجه البومه بعد مدة اجه كال
ديهم : حبيبي انتظرج برا
قبل لا اطلع بسرعة خليت حُمره خفيفة ونزلت ببطئ ماريد امي تشوفني هم تغث دَيهم بكلامها طلعت لكيته ينتظرني واكف ويشرب بجكارته صرت يمه همست
ـشنو رائيك
افتريت فرة ركز بيه عكد حواجبه ضايج
ـ اصعدي
فتح باب السيارة صعدت ولطشه بكل قوته فززني شبي هذا تخبل صعد يمي وكال
ـ خراااا حُمره من نطلع لا تخليين
سحب كلينس من الباكيت وانطاني ووهويصيح
ـ امسحيهاااا
ـ مو حلوه ما عجبتك .
ـ اخخ ياربي شلون توازيني هسه ادفنج امسحيهااا ياقوتَ
ـ دَيهم خليتها الك
ـ تخليها اليه وحدنه مو من نطلع امسحيهاااا راح انجلط
اخخخ فدوه هذا يغار ذبيت الكلينس من الجام وگتله ـ هئ ما امسحها
ـ ليييش تكفريني
ايديه صارت ترجف اخذ كلينس ثاني وجرني من راسي ومسحها غصب وبقوه رجع ضم الكلينس بجيبه
ـ اشمره راح يدمرك
ـ بويه اذبه بنص الشارع والناس تشوفه
ـ واذا دَيهم
ـ شنو واذااا ياقوتَ بي اثار شفتج راح اموتج وحق الله .
اخذني لـ سينما نشاهد فِيلم حجزلنه بطاقتين دخلنا جوا ماكو احد بس احنا
ـ دَيهم شو ماكو احد
ـ انا حجزت الليلة بس النه انا وياج ماريد ازعاج صفنت بي خفت منه هذا شنو يفكر يممهه كعدنا وعرضولنه فِيلم تايتنك روز وجاك
ياقوت : اللهه دَيهم احبهم
ـ حافظج بنياتي حافظج بدون ماتحجين
راح جاب بوشار واجه
ياقوت : دَيهم ابقى يمي اخاف وحدي ومنا ضلمه
ـ يمج بويه ما ابعد
لزكت بي رن تلفوني امي تتصل اريد اجاوبها دَيهم اخذ التلفون من ايدي وقفله
ـ دَيهم خل ارد
ـ جؤ تغثج بسوالفها وانا ما اريد الليلة تضوجين
ـ هسه يضل بالهم عليّ
ـ عاد هما حيل يحبوج خليني ساكت بويه
ـ بس اجاوبها
ـ انچبي و شاهدي
بعد مدة دَيهم مل وهوَ يشاهد بس اني مندمجة واشاهد مد ايده يدغدني ببطني
ياقوت : دَيهم بشرفك خلينه كاعدين
ديهم : جؤ مليت
ياقوت : بس يكمل الفيلم عود مردغني هنا
ديهم : جؤ الا هسه امردغج
صار يدغدغ لمن فطسني ضحك وعافني
ـ جُمارة
ـ هممم
ـ حضرتي صديقتج
ـ هئ
ـ حضريهااا بس ترجعين
ـ دَيهم صديقتي شلون احضرها
ـ تحضريها مثل الخوش ادميه
ـ هئ
ـ بلي ياقوتَ تحضريها
ـ دَيهم ميصيرررر
ـ ياقوتَ اغـار وربي ماتحسين بيه انتِ ابوس ايدج احضريها
ـ تمام صار
ـ لا تعانديني جُمارة وربي كوه متحمل ما اريد اخنگج بغيرتي
ـ رممم سهله كتلك ح احضرها
طكني بوسه بخدي وكال
ـ فديت اليسمع الكلام اناا فديتتتت و
رن تلفونه عكد حاجبه وكال
ـ مايخلون الواحد متونس غثه غثةةةة
ديهم : ها عمه
وسعت عيوني وهمست
ياقوت : امي
هز لي راسه بـ اي
ياقوت : طيني احجي …
قاطعني يبوس بيه
ياقوت : دَيهم امي تسمعك كافي
ـ عمه شواي واجيبها مانطول
سد الخط بوجها وهيه تحجي
ـ انعل ابوچ لابوو امچ تفتر وراي عبالك مدري شمسوي
ـ دَيهم يلا كوم نروح
ـ جؤ وهاي امج حتى بليلة عرسنا غيح تطلعلي من التبريد ماتخليني اخذ راحتي
ـ هههههه دَيهم بشرفك كوم نروح مو وكت سوالفك
ـ جؤ حبيبي بعدنه ما بلشنا توا السهرة بلشت
ـ دَيهم يمهه لا عوفنييي بواگ الحلوات الحرااامييي
دفن راسه بركبتي صار يبوس
ياقوت : دَيهم بشرفك وخرر استحي
ـ تستحين مني يول؟
ياقوت : كوم خل نرجع
ـ جؤ اليوم اشرد بيچ
ياقوت : تتسسويها انت
ـ ودي اضمج بقفص وبس انا اشوفج
ـ وخررر هيه مال قفص
ـ بت الچلب حالفة عليه ما اتهنى بيج
يكفخ ويضرب ويعضعض عبالك چلب
طلعنا وصعدنه بسيارة ماسكت شكد يحجي سطرني
ديهم : جُمارة
ـ ها يعمري
ديهم : حبيني
ـ هئ
ديهم : اخخخ غيح اموتج ليش تعاندين
ـ بس اوصل البيت
ديهم : جؤ حبيني هسه
ـ دَيههممم
ديهم : تحبيني لو اسوي حادث
صار يسوق سرعة ويطافر بين السيارات ويحجي
ديهم : حبيني ياقوته قبل لا اسوي حادث
ـ لا لا دَيهم راح نندعم خرب روحك
ديهم : حبيني قبل لا يصير حادث حبيني
شويه ويدعمنا بسته بخده وكتله
ـ احبك دَيهم والله احبك بس خفف سرعة گلبي طفر من مكانه
خفف سرعه ويحجي ويضحك
ديهم : ههههههه هييج يلا تجرين عدل بنت حكومي
ـ چلب بعد لتسوي بيه هيج
ـ بيها مجال تحبيني
باوعلي وغمز تك عين وداس سرعة من الخوف تقربت ابوس بي شبعتههه بوووس
ـ دَيههممم هبطتنييي تريد تموتنةةةة خررب عرجك
ـ هههههههه وكال نوب بس اريد اشبع حنان اخذج بسيارة
ـ تووووبة اصعععد وياك الخبل
ابتعدت منه وهو يدور بالتلفون يشغل اغنية
شفت شعر بنات واحنا ماشين وكف السيارة
باوعلي وهمس
ديهم : جُمارة ثواني وراجع لج
نزل اشترالي واجه
ديهم : بنياتي اكو بنفسج شي بعد؟
معت من الخجل
ياقوت : لا
ديهم : يبووووي فديت اليستحون
صعد وحرك السيارة شغل اغنية يدندن وياها عيوني دمعت وواني اشوفه هيج
ديهم :
انتِ بعيني احلى بنية
تضميني تنسيني الدنيا
لمسة ايدك بلسم شافي
مليانة لهفة وحنية
عيوني فاضت بدمعها بهل بارت سحبني لصدره يضمني ويطبع بوساته براسي
ديهم :
نامي بعيني وبين رموشي
وردات الحُب بيدك حوشي
مادام الليلة انتِ بجنبي
مابدي من الدنيا اي شي
شافني ابجي ضحك وكال
ديهم : حبيبي راح اطفيها انا اشغلها الج حتى تضحكين تكعدين تبجين شكو
ياقوت : دَيهم محد حبني مثلك
حجه وهوه يمسح بدموعي
ديهم : كافي يا امي انتِ اويلي راح تموتيني وحق الله
ياقوت : دَيهم
ديهم : غيحو يبعد الداغ
ياقوت : اوعدني ما تتخلى عني؟
ديهم : و ديهم يكدر بدون جُمارتو؟ ابد لا تفكرين
هيج انتِ عايشة بوسط غيحي بويه
وصلنا البيت عياطهم واصل سابع جار
ديهم : شبيهم اجي وياج بويه؟
ـ لا دَيهم روح اشوف شبيهم واخابرك
ديهم : ياقوتَ لا تدخلين بيهم كبل لغرفتج
ـ صار حبيبي
مشى واني رحت هابطه مثل الخبله طبيت لكيت نوار يكتل بمرته موتها كتل وابنه يصرخ ويبجي تلفونها بلكاع مسوي طشار وامي تصيح وترزل بمرت نوار واشهب ومرته يتفرجون عبالك عدهم مسلسل هندي …
يتبــع ♥.
……………………….
اشتـقت لكُم
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.