رواية احفاد عمران – الفصل الحادي والثلاثون
احفاد عمران
بارت _ 31 _
……………..
……
وين يلگاه وين يلگاه
الضيع عِزيزه وين يلگاه؟
وتفارگينه ، وتفارگينه
ليالينه گضت ، وتفارگينه
خوش ايام وياكم گضينه
عشرة عُمر سولفنه وگضينه
بچينه وداعت الله وشد ضعنه
اعِزاز الگلب عنكم بَعدنا .
…………..
………..
فرح…..
ضلت ليان تلاعب جمانه وهاي كل
ساعه تريد نفاخه وليان تنطيها وهيه
اطك بيهن ضلينه نضحك علبها ضحكه
بيها وجع غصب مو فرح الحد مانفتح
الباب التفتت لكيته اسمر واكف حاله
مهدود منزل راسه ودموعه تصب على
قميصه مثل المطر راحت ليان اله
بخطوات ثكيله مكسوره وكالت
بصوت كله خوف
ليان:: اسمر شصاير وينهم
رفع راسه يباوع اليان وعيونه تصب
نار ودموع تقرب عليها راد يحضنها بس
هيه ابتعدت ودمها يرتجف وصاحت بوجهه
ليان:: حمزههه وعمرررر ويننننن
على صوتها اجتي عمه صابرين وجهها
متغير كلبها مقبوض وكالت
عمه صابرين:: شنوو هم رجعتوو تعاركتو
اسمر:: أم حمزه
باوعنه عليه يريد يحجي بس يرجع
يسكت يتلعثم كلمه محبوسه بصدري
رفع ايده مسح دموعه ومن راد يحجي
طلع عمو يوسف من الغرفه موبايله على
اذنه التفتت عمه صابرين وليان بخوف اله
راحن بسرعه عليه يعرفن شكو وجوههن
كلها خوف
صابرين:: يوسف شكووو وين رايحح
ليان:: بابا شكووو
عمو يوسف صوته انكسر كلماته مثل
السيف جرحنا وخلانا نطيح
عمو يوسف:: شووو وخررنن عمر توفه
{{2021/5/6}} تاريخ وفاته
{{2021/5/7}} تاريخ دفنه
الدنيا صارت سوده دكت عمه صابرين
على صدرها وصاحت بصوت مليان وجع
عمه صابرين:: يبوووووووووو وليدي راححح
وليان عيونها تجمدت دمها برد تباوع
على امها إلي كعدت بالكاع ملخت
نفسها من العياط وليان واكفه بس
دموعها تنزل مثل شلال تكطع الكلب
تقرب عليها أسمر يحاول يحجي بس
ليان وين بس عيونها على امها عافت
أسمر وحضنت امها من ضهرها تحجي
بصوت مهزوم
ليان:: يمههه شبيجج تبجين مابي شي عمر
عمه صابرين:: ولججج يمهههه راححح
اخيججج
ليان ببجي:: يمهه والله مابي شي
شبيججج ماتعرفين عمررر يحب يشاقه
ايست من امها كامت على اسمر لزمت
ايده ترجف بيها تحاول تقنعه بروح مكسوره
ليان:: أسمر أسمر مابي شي عمر مو إني
أعرفه والله اعرفه يحب يشاقه حتى بحياته
ماحاجاها بس حضنها بقوه
دموعها ووجعها دفعت صدره
ورجعت صاحت بي تبجي
ليان:: شبيكمممممم كولوووو عمر مابي شييي
أسمر:: ليان
خلت ايدها على اذانها تمنع صوت
الموت يوصلها
ليان:: اشششش كاافييي
عافنه أسمر وطلع من البيت وهو
ينهار ضليت ارجف بمكاني ماعرف
وين اروح اروح على عمه صابرين
الملخت روحها بالبجي لو على ليان
إلي ماصدكت وتريد تكابر على حزنها
على عياط عمه صابرين جمانه صارت
تبجي صوتها صار يجرح كلبي رحت
عليها وشلتها لأن فرفحت من البجي
وهيه تريد حضن ليان
دقائق ثكيله مثل العمر ودخلن عمه رنا
وعمه زهور يصيحن “يبو”ركضن على
عمه صابرين وصارن يبجن وجع فوك
وجع وليان كامت من بكانه وراحت
الغرفه اهلها ماعرف ليش واني شايله
جمانه ضايعه حايره
رحت للجهازي خابرت اهلي كلتلهم
رجعت الاستقبال جانن بعدهن مكابلات
عمه صابرين يبجن صوتهن مليان كسر
مشيت الليان للغرفه دخلت ولكيت ليان
كاعده على الجربايه حاطه ايدها على
اذانها تحاول تهرب من صوت الفاجعه
تقربت خليت ايدي على كتفها باوعت
عليه بسرعه دمعتها متجمده
ليان:: فرح فدوه روحي كليلهن خلي
يسكتن هسه يجي عمر يضوج منهن
شنو يبجن
فرح:: ب….
ليان:: روحي روحي كليليهن
نزلت دموعي عليها مو ناويه تصدك
عايشه وهم وضليت محتاره بجمانه
وداريد اروح اشيل الصخام الي سوينه
عيد ميلاد وفرحتنا بيه صار كله وجع علينا
صارت النسوان يجن ماعرف منين يطلعن
وحدة تصيح وحدة تلطم على خدها
أصواتهن تصك الحيطان وليان بعدها
كاعده بالغرفه ماطلعت ولا نظرت
بس على حالها كلشي ما تدري
شويه ودخلت عمه سناء بيدها جود
وجهها أصفر وصاحت يبوو وصارت
تبچي وياهن وورا دقايق اجوي أهلي
دخلت أمي وزوجات عمامي الثنين همه
كبالن عمه صابرين وبجن بس شويه
وكامن ذبن عبيهن خطيه وصارن يلمن
بالزينه إلي جانت موجوده
مرت ساعتين وعمه صابرين بعده
بالاستقبال تصيح وتهوس ونسوان
ماعرف منين يطلعن ويكابلنها واحنه
لحد هل لحظه مانعرف شنو إلي صار
بس نعرف عمر توفى ليان بعده بالغرفه
واني كاعده بالصاله علمود جمانه لأن
صارت تخاف من الصوت العالي
طلعت عمه رنا من الاستقبال وجهها
متغير باوعت إلي
عمه رنا:: وين ليان
فرح:: بالغرفه
كا
امت راحتله عليها واني ضليت على
كعدتي بس من سمعت صرختها طفرت
من مكاني وبيدي جمانه رحت الغرفه
ولكيت عمه رنا تجر باليان وليان
ماترضه تكوم
رنا:: ولجج كومي لبسي اسود
ماجاوبتها ولا ردت عليها جت عمه زهور
وياهم حاجتها راحت عمه زهور كبالها
كعدت وهيه دموعها تنزل على خدها
عمه زهور:: يمه ليونه اخيج راح
باوعت عليها ليان وانفجرت بالبجي
ليان:: عمه والله ماراح اني اعرف
هو دائما يسوي هيج بينه عباله مانحبه
عمه رنا:: ولهجج راححح راححح عمر
راح مايفيد الحجي
بعد
عمه زهور:: كومي يمه كومي لبسي اسود
على اخيج
هيه كالت هيج وليان تخبلت كامت
وصارت تصرخ عليهن وهيه مفرفحه
من البجي
ليان:: شبيكممم وي عمرر ها ماتحبو أي
انتو ماتحبو ليش تتمنوله الموت
شبيكممممم
بهاي الإثناء واحنه كلنه دموعنه تنزل
ماسمعنه غير صوت اللصريخ يدوي
الاستقبال دوي التفتنه كلنا على
الاستقبال شايلين التابوت على كتوفهم
ونزلو بنص الاستقبال راحت ليان تركض للاستقبال وهيه تصيح
ليان:: اجه عمر اجاني
وكفت باب الاستقبال اتباوع بوجوهم
جانو موجودين محمد واسمر واحمد
واليأس وثنين شباب ماعرفهم تباوع
بعيونهم تريد تلمحه عين عزيز كلبها عمر
بس مالمحته رجعت باوعت التابوت الي
جان بنص الاستقبال وامها تعيط عليه
تقربت بخطوات بطيئه وكعدت يمه رفعت
ايدها تريد تفتح التابوت بس تقرب عليها
محمد مانعها
محمد بصوت مبوح:: ليان لا تفتحي
ماسمعت منه ومدت ايدها تفتح التابوت
وياريتها مافتحته عمر ممدد بنصه وجهه
كله شخوط واثار جروح ليان شافته
وصرخت
ليان:: عمرررررر
مدت ايدها ترجف لامست وجهه
اخوها تحجي ويا
ليان:: حبيبي عمرر كوم شبيك نايم هيج
صرخت عمه
صابرين
وهيه تضرب على وجهها
عمه صابرين:: ولكممم يمهه وليدي راححح
دنكو الولد وطلعو من الاستقبال دموعهم
بعيونهم وعين اسمر جانت على ليان
ماكدرت اتقرب عليها ولا كدرت اكون
وياها بهيج ساعه
//////////////////////
ريم…
نايم زيد ب١ بليل وإلياس اليوم حتى
مادك عليه كال راح يتأخر ضليت اتاني
ماكو دكيت عليه اكثر من مره هم مايفتح
خط عليه شكد ردن مافتح خط وجاوبني
خليت وكمت خليت شال على راسي
ونزلت جوه
نرجس ممدود فراشها بالصاله وهيه
متمدده عليه بس كاعده مانايمه رحت
يمها
ريم:: اكلج نرجس شو إلياس لحد
لان مارجع
نرجس:: والله ماعرف يجوز صارت
عنده شغله
ضلينه كاعدين ونتاني بي بس ماكو هوه
شويه وطلعت عمتي من الغرفه تلف بشالها
كمزت من بكاني
نرجس:: يمه شكو وين رايحه
عمه اقبال:: ولجنن عباتييي
ريم:: عمه وين
عمه إقبال:: ولجنن عباتييي بسرعهه
عمر توفه
فتحت عيوني على وسعهن وكبل
طلعت مني لا إله إلا الله انصدمت
ماعرفت شنو اسوي غير طفرت للغرفتي
وعفت عمتي ادور عبايتها وحدها صعدت
واخذت صايتي وشالي لأن ماعندي عبايه
إني ونزلت اركض وصيت نرجس على
زيد وطلعت ورا عمتي
لكيته دااادور
تكتك توصلها رحت
يمها وهمزين لكيته
وحده بهل تالي اليل
بعدنه تونا وصلنا فرعهم شفنه كبال الباب
كومه زلم ونسوان يدخلن البيت ردت بس
المح واحد من ولدنه ماكو أحد بيهم موجود
غير ابوي وعمو ماجد حتى عمو يوسف ماكو
نزلنه بس إني اجذب الخبر ولحد هاي
الحضه مامصدكه بالخبر
دخلنه وعمه اقبال ضربت على خدها
وصاحت “يبووو منين جتي هايه”
وإني ضليت ادور بعيوني أريد اشوف
ليان لحد ماستقرت عيني عليها كاعده
فوك التابوت وفاتحته ولازمه وجهه
اخوها بيدها وتحجي ويا من شفت
هاذا المنظر كدامي خليت أيدي على
حلكي امنع شهكاتي وكلت الله
يساعد قلب ليان
ومن صرخت عمه اقبال رفعت راسها
باوعت العمه اقبال ورجعت باوعت عليها
ورجعت عينها عليه بجت بجي
وصرخت عليه
ليان:: ريممممم تعاليييي شووفييي عمر
مايكعدد تعاليي حاجي ريمممممم
تقربت عليها واني جسمي كله يرجف
حضنتها وصرت ابجي وياها
ريم:: البقيه بحيات….
دفعتني وهيه تصرخ بحرگه
ليان:: لا تكولين ريمممم لا تصيرين مثلهممم ولكمممم عمرررر ماميتتتت اخخخخ خوييييي
خلت راسها على كصته وصارت تعيد
وتصيح ياخوييييه ياعمرررر
الاستقبال كله صار بجي وصوت الشهكات
يهز المكان بس ليان خنست سكتت رجعت
راسها على الحايط وعيونها مستمره على
عمر كأنما تنتظر نفسه يرجع خفت عليها
كلش
عمه صابرين وهي تبجي تخربطت علينه
وعماتي صارن يضربن على وجوههن بس
ليان بعدها ساكته ما تتحرك جبت مي
وذبينه بوجهها يله صحت وصرخت
وليان بعدهه على كعدتها لا تحجي
ولا تباوع غير عالتابوت
النسوان كلهن حواليه يصحن وينوحون
والولد دخلو للاستقبال يردون يشيلون
الجنازه ابتعدن النسوان بس عمه صابرين
ضلت فوك التابوت وتصيح
عمه صابرين:: ويننن جااااااين تردون
تاخذووون ابني تردون تدفنوه جوه
التراااب امشووو اطلعووو
صارت تعيط وتلطم على خدودها والولد
تقربو على التابوت ما بينهم لا حمزه ولا
أسمر إلياس ومحمد سد التابوت وليان
بعدها مجمده بس من رادو يشيلوهه
كالت بصوت مكسور وهيه تباوع عليه
ليان:: رايحين تعالجو مو….
ماتحملت وصرت ابجي اكثر من قبل اباوع عإلياس ياشر إلي اروح يمها بس ماعندي
قوه شلون اني المكسوره على عمر اجبر
خاطرها أيدي على حلكي واشرت
براسي اله لا
ومن بين الدموع دخل أسمر وجهه كله
محمر ودموعه نازله راح عليها
أسمر:: لياننن كووومي ودعي اخوج
كووومي
ليان بصوت مخنوك:: شبيك أسمر ليش
اودعه هو غير راح يودوه للمستشفى
يشوفون شبيه
أسمر بصراخ وصوته يتكسر:: ليان عمر
مااات راح للرحمه ماعندج بعد اخ
اسمه عمرررر
ليان:: جذابيننن والله جذابين عمر
مايعوفني هو كال ماعوفج ويه عمري
ليش اجذبون عليه هسه من يتعافى
ويرجع راح يزعل منكممم
أسمر:: احنه ماخذين عمر للوادي السلام
راح ندفنه جوه التراب ومايبقه بينه
باوعت بعيونه وبجت
ليان:: لا اسمر لا تصير مثلهم ابوس
ايدك عمر مايعوفني والله مايعوفني
ليششش ماتصدكون
أسمر دموعه بعيونه:: كافي ليان هذا يومه
ليان تصرخ:: لااااا
موووو يومهههه ولكممم
بعدههه صغيررررر وينههه وين الموت
رجعت فتحت التابوت وصارت
تحجي وي عمر وهيه لازمه وجهه
ليان:: ولككككك كوووووممممم يلههه
كوممم شوفهممممم يكلولي عمرررر
مااتتت ولككك كومممم عمرررر
_ ولككككك بعدككككك مااخذتتتت
رهفتككككك كووووومممممم….
ولججج يمهههه تعاليييي حاجيي
كليلهههه لا يضللللل نايممممم
اخخخخخخخ خويههههههه
وعمه صابرين ماكو ولا تسمعها وبس
تصرخ وتبجي ملخه نفسها ورجعت
ادور بعيونها الحمره بالولد الموجودين
وصاحت
ليان:: حمزههه ويننن حمزههه
ولكمممم
محد جاوب عليها وهيه صارت تضرب
على خدها وتصيح والولد تقربو ورجع
محمد سده التابوت وشالو التابوت
ومن شالو عمه صابرين وليان ملخن
ارواحهن ويصرخن بعلو حسهن
فوكه
و
النسوان كلهن ينوحن والبيت كله
صار مثل ميه تغلي من البجي
عمه صابرين:: ويننن ماخذييي ولكمممم
وليدييي ويييننن ماخذييي
ليان:: عوفووو والله ماشبعتتتتت
منههه ولكمممم اخويهه ماشبعت منههه
اخخخخخ يابههه تعال شوفهممم يردوننن ياخذووون اخوييي منييي
اخخخخ
يايابههههه يكلوليي اخوجج ماتتتت
كامت ليان وهيه تصرخ بعلو صوتها
ومفرفحه من البجي وتريد توقفهم
بس اسمر منعها وهمه صارو ينزلون
التابوت ويرفعو وكل نزله ورفعه
صوت صريخ يرج الاستقبال رج
نزلو التابوت ورفعوه ثلاث مرات
وبعدها طلعو وهم يصيحون
“” لا اله الا الله””
ويكررون بيها وليان تريد بس تفلت
من ايد اسمر وتركض وراهم وعمه
صابرين لبسوها عبايه وهيه مفرفحه
بجي على ابنها وطلعن وياهم التشيع
بس ليان ماخلاها اسمر
ليان:: ولككك عوفنننيييي اخذوووو
ولكممم اخذووو عمرررر خويهه وينن
رايح وعايفنني ولكممم اخخخخ كلبي
كلبييي
ياخويههههه اخخخخخ
وكعت على ركبها وهيه تصرخ وتصيح
كلبييي نزل اسمر مستواها وصار يمسح
على وجهها وهيه تعيط آخر شي باوع
إلي وصاح
اسمر:: امشييي جيبييي مييي
ريم:: أي أي أي
حجيت بسرعه وطفرت عالمطبخ ضليت
ادور نوب على كلاص شي ماكوو اخير
شي لكيت بطل مي مرمي على الكاونتر
اخذته وردت ارجع للاستقبال بس اجت
عيني على الغرفه مال عمه صابرين جانت
فرح تفتر وبيدها جمانه رجعت للاستقبال
وكبل انطيت البطل لاسمر اخذه من ايدي
وفتحه وخله بيده مي وصار يغسل
بوجه ليان وهيه تبجي
ليان:: خلونييي اروح وياه ولكمم خلوني
اسمر:: أنا اخذج أنا اخذج إله
وبهالاثناء بدون وعي على نفسها حضنت
اسمر بقوه وهو بادلها وحضنها ضمها
لصدره وهيه تشهك بس فجأه اختفت
حتى شهكاتها وخرها اسمر من حضنه
ولكيناها مغمي عليها
صار أسمر يضرب على خدها ويحجي وياها
اسمر:: ليان لياننن
ريم بخوف:: شبيها
اسمر:: مابيها مابيها شي روحي فرغيلي
الغرفه الجوه داوديها
ريم:: أي أي اصبر
رحت كبل الغرفه لكيت بيها بس فرح
وبعدها تسكت بجمانه إلي ماسكتت ابد
رجعت صحت اسمر شالها وجابها الغرفه
مددها على الجربايه وكعد يمها يمسح على
شعرها وهو يوصي بينه عليها وطلع برا
حتى مالحكت اسئله
البيت فارغ وبس صوت صريخ جمانه
يروي المكان وبس نامت جمانه البيت
خنس خنسه وماكو أي صوت غير صوت
انفاسنه عزلنه البيت إني وفرح على
السريع
جني رجعن النسوان ووياهن أمي وعمه
رنا بس وعمه اقبال وعمه زهور رايحات
ووي عمه صابرين وأمي جانت شايله
جود بيدها رحت عليها بسرعه واخذت
جود من حضنها
ريم:: يمههه أنتِ وين ماخذه الطفل
أمي:: لعد شنو اسوي وين اودي
مارديت عليها مشيت وإني شايله جود
خطيه وهو نايم ومفترين بي والله لو
يسمع بيها اسمر يكلب البيت على روسنه
وديته بالغرفه وخليته بصف ليان ومنه
هيه بصفها جمانه
•••••~
ليان…..
اصوات باذاني ماميزها بس من بين
كل الأصوات سمعت صرخه وليدي
جود فزيت مخترعه باوعت إني
متمدده على الجربايه وزيد وجمانه
بصفي نايمين فرحت أي فرحت
وضحكت وبالي كل إلي صار حلم بس
باوعت بكل زاويه بالغرفه وعرفت إلي
داعيشه من حلم هاذا واقع وإني صح
خسرته الأخوي غمضت عيني ونزلت
دموعي على خدي رجع جود يصرخ
باوعت عليه وجهه صاير احمر من العياط
اخذته بحضني ورضعته بهل اثناء دخلت
فرح وهيه تلهث بس من شافت جود
بحضني لزمت كلبها
فرح:: يمه أخذ روحي وإني اسمع صوت
صريخه جان خليتيني اسوي اله حليب بالممه
ليان بصوت مكسور:: مايرضع ممه
•••••~
فرح…..
واكفه بالمطبخ دنيا عصر وكل ساعه
واحد جاي يردون جاي وإني جاي اسوي
وريم ويأي وياي واسمر كل ساعه وجاي
سائل على ليان واحنه نكله بعدها
ماكاعده ونسوي جاي ونرجع اليورا
قلبي مجدود ودموعي على طرف
عيوني وردت بس اشوف حمزه
ماكو ولا لمحته وماتشجعت اسئل
اسمر عليه
واكفين بالمطبخ وريم تخلي الكلاصات
السفري وبي شكر وإني اصب وانطي
لمحمد كالشويه يجي بس من بين حجي
وسوالف النسوان سمعت صرخه جود
ومره من الصاله صاحت عليه
_خاله هاي أكو جاهل بالغرفه يبجي
خطيه تعالي روحيله
ذبيت الابيدي وركضت الغرفه دخلت
وشفت ليان كاعده ترضع جود ودموعه
على خدها سئلتها على جود وكالت
مايرضه ممه رجعت كلت الها
فرح:: طلعنه ملابس من يمج اسود
هزت براسها بمعنى أي دارت وجهه على
جمانه ورجعت حاجتني
ليان بصوت خافت:: منو سوه الها ممه
فرح:: والله محد واصلا ضلت تبجي ونامت
ليان:: اسمر وين خلي يجيب غراضهم
فرح:: هسه ادز عليه وواكله
عفتها وطلعت من الغرفه والنسوان
البصاله كلها تباوع عليه ماعرف ليش
بس سمعت وحده منهن حجت بصوت
ناصي بس للاسف انسمع
_هيه هاي علساس جنتهم شوفي
فكرتهم قبل ماتدخل البيت
غصه ووكفت ببلعومي بالكوه عليه
بلعت ريكي ومشيت سويت روحي
ماسمعت دمعتي وكفت بطرف عيني
بس كابلت ومانزلتها رجعت المطبخ
ريم بعدها تصب بالجاي ومحمد جان
واكف بباب المطبخ ولاف الشماغ على
ركبته يتاني بريم تخلص تقربت عليهم
وحجيت واني موجهه الحجي لمحمد
فرح:: محمد خويه ممكن بس تصيحلنه اسمر
محمد:: اذا تحتاجون شي كولو مو الا لاسمر
ريم:: شعجب تردين اسمر
فرح:: مو ليان رادت غراض الجهال
محمد:: هسه أنا اكله…. ريم يله خويه الجاي
ريم:: اي اي خلصت
صبت أخير كلاص وانطته الصينيه
وضلينا بس اني وريم بالمطبخ شويه
وصار صريخ نسوان باوعت الصاله
هاي وحده من اقارب عمه صابرين
ووياها بنيه شابه جانت تارسه وجهه
مكياج بالك جايه العرس مو الفاتحه
كعدت المره الجبيره وصارت تبجي وتصيح
_ياعيني ياخيتي هاي منين جتججج
النسوان:: كلنا على هاذا الطريق حبيبه
جتي هاي الابنيه ووكفت يمنه بالمطبخ
باوعت عليها ريم وصاحت بيها
ريم:: ولججج شووو انتِ ماتستحينن
_شبيج ريم الناس تسلم
ريم:: ولجج نعل ياسلام امشييي غسلي
وجهج وين جايه العرس
_ريم احترمي نفسج ولا تغلطين
بالحجي ويايه
دارت وجهه ريم ورجعت اشكر
الكلاصات وهمست
ريم:: عايزنه زعاطيط
خلت البنيه وطلعت من المطبخ تقربت
على ريم وسئلتها
فرح:: منو هاي
ريم:: ختولي هاي البنيه مو راحه
فرح:: شصير من ليان
ريم:: بنت خالها ختولي فرح ابد لا
تتورطين وياها
فرح:: لا قابل اني شعندي
ماعرفت ليش هيج حجت ريم على
الابنيه بس عرفت ماطول ريم كالت
مو راحه يعني هاي صاحبه مشاكل
ضلينه اني وريم وخطيه عمه رنا هم
جتي ويانه بالمطبخ
صار المغرب وصبو العشه وعمه سناء
وعمه رنا هنه الي دارن الصواني النسوان
ومن بعدها كلها خلصت وتعال اغسل
المواعين بس
اخذنه زاهي وجلافات وسيامه علمود
الكدوره وطلعنه أني وريم وويانه عمه
رنا بس نصدمنه واحنه نشوف اليأس
ومحمد ووياهم حتى اسمر واحد من
عدهم بس اني ماعرف كاعدين ويجلفون
بالكدوره صاحت عليهم عمه رنا وخلتهم
كلهم يلتفتون علينه
عمه رنا:: عوفوهن احنه نغسلهن
اليأس:: فوتن فوتن جوه
اسمر:: روحن ادخلنن شعدجن طالعات
وصدك رجعنه بس نضفنه المطبخ
والنسوان صارت تجي لان راح تجي
الحرازه وكلها تريد تعزي عمه سناء
ماكو لحظات بس لحظات وكبت الصرخه
بالبيت وتاكدت اهنا أن اجتي الحرازه جنه
قافلين باب المطبخ حتى النسوان يفوتن
من الاستقبال طلعنه اني وريم من المطبخ
ووكفت يم الدنكه الي فاصله بين المطبخ والاستقبال وباوعت بلاستقبال لكيت عمه
سناء ملخه خدودها وتزلق بيهن وهيه تصيح
عمه صابرين:: دفنتهههه بيدييي أنا دفنتتتت وليديييي بيدييي ياربيييي
عمه زهور وعمه رنا وحتى عمه سناء
وعمه اقبال كلهن كابلنها وصارت يبجن
بحرگه ماسمعت غير “” امي وين”” التفتت
ليان طلعت من الغرفه وتباوع بوجوه
النسوان وتصيح “” اميي وينن”” دخلت الاستقبال ووكفت من شافت امها
وصاحت بصوت عالي
ليان:: يمههه شسويتييييي
عمه سناء رفعت راسها وشافت ليان
تبجي وواكفه بباب الاستقبال رفعت
أيدها الها وصاحت
عمه سناء:: دفنتتت اخيججج بيديييييي
يمههه أنا دفنت وليدي بديهههه
مشت ليان بخطوات سريعه وكبل
حضنت امها وصارن ثنيهن يبجن ويصرخن
ليان:: شلونننن يمهه شلوننن انطاججج
كلبججج ادفنينههه ولكمممم هاذا عمرررررر
يمههه وليدج عمرررر هاذا يمهه عمررر هاذا
عمه صابرين:: يمهه الولد يمه الولد يبني
ليان:: اخخخ ياخويههه ياعمرر
صارن النسوان يروحن اليان وعمه سناء
ويعزنهن
_يمةة عمت عيني سوده بوجهي الله
يعينج بعد اخيتججج مصيبتج مو
شويةة الله يعينج ويصبرج
كلها راحت عليهن ومن يعزنهن صارن
يطلعن لأن الوقت اتاخر وناس غربه
جانو قلن النسوان وصار بالبيت كواغد
الكاصات المي ووكلينس جبت علاكه
وصرت الم بيهن لأن اعرف البيت إلي
بي الميت ماينكنس ثلاث ايام
انترست العلاكه كلها وصخ وكلت اروح
اذبها بالزباله الوره البيت تكرمون طلعت
واني مامنتبها على سي غير خطواتي بس
فجاة ومااعرف شلون مشيت يم الحاويه
مال الزباله تكرمون ورميتها ودااريد ارجع
بس لمحت شخص كاعد بالحديقه الوره
البيت وبس صوت شهكاته تنسمع
امشي بخطوات بطيئه وصار يضهر إلي
هاذا الشخص جان كاعد على كرسي ومخلي
راسه بين رجليه ومبين عليه كاعد يبجي
حجيت واني بعد عنه متر
فرح:: م..نو أنتَ
رفع راسه وحجه
_دخلي جوه
فتحت عيوني مصددومه من صوته هاذا
صوت حمزه أي متأكدة مشيت بسرعه
ووصلت يمه وضهر إلي أي حمزه بس
نصدمت من شكله جان وجه بي جروح
وعلى كصته لاصق وعيونه حمر دم
ولاف شماغ هم على ركبته تقربت
منه ولزمت وجهه واني احجي بخوف
فرح:: حمزههه شبيككك حمزههه
باوع بعيوني ورجع دار وجه مني ونزل
اديه منه وهو يكول
حمزه:: دخلي جوه
فرح:: حمز…..
حمزه وهو صاك على اسنانه
_كتلججج ادخلي جوه
كام ديريد يرجع البرا بس اني جلبت
بايده واحجي ويا بخوف وقلق
فرح:: حمززههه جاوبنيي شبيكك
حمزه:: شلزكتي وخرييي
نتر ايده مني بقوه لدرجه رجعت خطوتين
ليورا وماتوازنت وكعت با الأرض على
ايدي صحت متالمه
فرح:: اخخخ ايدي
بس حمزه ماهتم إلي بالعكس كمل
طريقه ومشه وغوركت عيوني
بالدموع وانهرت من القهر…….
يتبعععع……….
•~•~•~•~•~•~•~•~•~•
الكاتبه ضحى اليوسف
احفاد عمران
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.