رواية احفاد عمران – الفصل السادس والعشرون
أحفاد عمران
بارت _26_
………………
خواف انا الخواف يادنيا..!
انا الخواف من كلشي..
لو احلم حلم مو زين..
اني ارجف گبل رمشي..!
…………….
ليان….
ضليت افتح بالباب عسه ولعل يفتح بس
ماكو صارت أيدي ترجف من الخوف
حلكي نشف صرت ادور براسي يمين
ويسار بس ماكو شي بالحمام غير
الشامبوات رجعت المغسله وصرت
اغسل بوجهي واذب مي على ركبتي
بس ماكو الخوف محتلني رجعت
الباب وصرت اصيح
ليان:: عمررر عمرررر… حمزههه واحدد
بيكمممم يسمعني ر..يم وينجججج
ضليت اصيح بس ماكو رد عليه ضليت
اباوع بزوايه الحمام واني الخوف
مصيطر عليه رجعت ادك الباب بقوه
واصيح
ليان:: افتحووو الباب لا تخلوني اهناااا
حمزههههه وينكككك
اختنكت وصرت كوه اجره لنفسي
جسمي كله رجف من خوفي
ذبيت فستاني ورجعت لدشداشتي
لبستها يله صرت شويه اخذ النفس
رجعت المغسله
وغسلت وجهي وركبتي مره ثانيه
وهم رجعت ادك بالباب واصيح
عليهم بس ماكو غير صوت الأغاني
ولهلاهل وتأكدت مستحيل اطلع منه
اليوم مستحيل أحد راح يفتقدني راح
يخلوني اعيش نفس شعوري قبل سنوات
رحت كعدت بالكاع واني لازمه بطني…
واتذكر هذاك اليوم..
{{قبل سنوات ليان بالصف الرابع ابتدائي}}
كاعدين على الرحلات ونكتب بالدرس يلي
كاتبته النه المعلمه على الصبوره باوعت
على المعلمه بعدها تكتب على الصبوره
رفعت أيدي وكلت بصوت خافت
ليان:: ست ست
اندارت علينه واجت عينه عليه
ابتسمت وكالت
المعلمه:: ها بنيتي شنو تردين
ليان:: ست يصير اروح الحمامات
المعلمه:: بنيتي راح اطلعون البيوت
كملي واجبج هسه
ليان:: ست لازم اروح
المعلمه:: روحي بس لا تتاخرين علمود
اتكتبين قبل ماطلعين
ليان:: حاضر ست
سديت الدفاتر وكمت طلعت برا الصف
ونزلت الدرج لأن احنه صف رابع صفوفنه
بالطابق الثاني
مشيت للحمامات……… جاي اغسل بأيدي
ورحت أريد افتحه الباب بس مانفتح
ليان:: هاذا علك على حضي
جان الباب دائما يعلك على البنات
وإلا يفتحنه بقوه وجر يله يفتح الهن
حاولت افتحه وضليت اجر بي بي ماكو
مايفتح ولا أصلا تحرك حركه من بكانه
وهاذا يدل على أن الباب مو معلك
وانما مقفول دكيت لباب بقوه وصرت
اصيح بصوت عالي
ليان:: بنااااتتتت اكوووووو وحده
اهناااا افتحووو الباب……افتحولييي
ماكو أي صوت ولا أكو حركه غير حركاتي
ضليت بالمكان ماعرف شكد مر من الوقت
بس إني مخنوكه بالمكان وكوه أخذ النفس
ضليت على وكفتي لأن ماكو مكان نضيف
اكعد بي صارت تغورب الدنيا وإني على
مكاني اصيح واضرب بالباب واعرف محد
يسمعني بس احاول وحاولت عده محاولات
بس ماكو من يسمعني
صارت الدنيا ليل وإني على وكفتي
صارت دموعي تنزل جسمي يرجف من
الخوف الاني بي أهلي جاي يدورون عليه
لو نسوني مادري بنفسي واني مرتاجه
على الباب غمضت عيوني
فتحت عيوني على وسعهن وإني اسمع
اصوات غريبه بالمكان صرت ادور بعيوني
بكل شبر بالحمام واحجي بصوت خايف
ليان:: أكو واحد أهنا….
ضليت ساعات جوه الضلام وعايشه برعب كل دقيقه واحس أكو شخص وياي بالحمامات كل دقيقة وتصير حركه بالمكان واني اضل ابجي واصيح أحد يساعدني من هل مكان
بس فجأة صرت اسمع اصوات وميزت
صوت أبوي أي أبوي كبل صرت اضرب
على الباب واصرخ
ليان:: بابا بااباااا إني اهنااا بابا
وفعلاً صار صوتهم يقرب عليه أكثر واكثر
الى أن انفتح الباب بمفتاح واندفع بقوه
ضهر أبوي وحمزه وراه شايلين لايتات
بيديهم ووراهم ماعرف منو بس إني
كبل رحت على حمزه وحضنته صرت
ابجي………
ومن هذاك اليوم إني اخاف من هاي
لاشياء ومن بعدد مرور عرفت وحده
من صديقاتي هيج سوت بيه بس لأن
جنه متعاركين
ابويه نقلني الغير مدرسه وكملت دراستي
بيها بس بمدرسه الجديدة ماتعرفت ولا
صاحبت بنات ضليت بطريقي اروح
وارجع إلا أن المتوسطه صرنه إني
وريم وامل نفس المدرسه………
…………………
ريم…..
نزلت ودزيت على إلياس اخذت منه زيد
وكعدت بغرفه عمه صابرين اغير اله كملتله وخلصتله شويه وجتني وحده من اقارب
عمه صابرين
_حبيبتي هاذا أكو ولد يسئل على ليان
وينها مو جنتي وياها انتِ
ريم:: منو هاذا ليسئل عليها
_ ماعرف والله
ريم:: هسه إني رايحه اشوف منو
_لعد انطيني هالصغيرون العب عليه
ابتسمت ونطيته الها خليت ملابسه على
الخانات مال عمه صابرين وطلعت كبل
صار بوجهي اسمر
اسمر:: ريم صدك جذب من شوكت دزيت
ريم:: ها مو جنت البس زيد
اسمر:: ليان وين
ريم:: ماعرف يجوز بالصاله لو بعدها مانازله
اسمر:: هاج جمانه وديها الها لو انتِ غيرو
لبسها
ريم:: أي أي شبيك عصبي
اسمر:: خايب ماتروحن
عافني بصفنتي وراح هزيت أيدي عليه
ماخذ من اخبال ليان بعد وبعد تخبلك
هاي البنيه وتذبلك من اخبالاتها
رجعت دخلت وجمانه بيدي باوعت
بالصاله شي يركص وشي واكفات
يصفكن ويصورن وإني أدور على ليان
مالكيتها بالصاله صعدت فوك الغرفه
عود دااريد ادك الباب بس انتبهت
المفتاح موجود من برا
_ شنو ليان نازله بس ماشفتها جوا
صار صوت بالغرفه حمزه وتصفيك
ومن بينهن حتى هلهوله رجال خفت
لا أحد منهم يطلع كبل فتحت الباب
ودخلت الغرفه ليان كبل وسديت الباب
باوعت الغرفه هيه هيه نفس مانزلت
بس ليان ماتحب الهوسه وترتب دائما
شعجب مخليتها هيج خليت جمانه على
الجربايه ورحت الكنتور ضليت ادور
ملابس جمانه ماكو وين مخليتهن هاي
دورت الكناتير كلها ومالكيت ملابس
جمانه فتحت الجرار لكيتها مخليتهن
بيه ابتسمت على تفكيرها
جانت مخليه التنوره وقميصها بتعلاكه
بس مرمي ويمه ليفوك الحذاء تكرمون
وسوارات صغار وقراصات على شكل
أرنب ومشطها الصغيروني وعطرها
حتى عطرها ماناسيته
اخذتهن ورحت الجمانه بس لكيته خطيه
شويه متقيئه كلت خلي اغسل الها قبل
مابدللها شلتها واخذتها الحمام مديت
أيدي ليده الباب مقفول ضحكت وكلت
_هاي من صدك مخبله شنو قافله حتى
الحمام خاف أحد يبوكها
رجعت ادور على المفتاح ماكو جمانه
بيدي ماكدرت ادور براحتي خليتها على
الجربايه وكمت افتح الجرارات كلهن
وحتى الكنتور ادور وادور وهم ماكو
لكيت مفاتيح ثنين رحت جربتهن على
باب الحمام ماكو مو اله رجعتهن وهم
ضليت ادور شنو هاي وين المفاتيح
.موديتهن
فجأه حسيت أكو حركه بالحمام خفت
ونرعبت شنو هاي شديصير ماتصرفت
من كيفي ونزلت بسرعه وحتى جمانه
مخليتها على الجربايه عفتها الصاله
اشك وتبلع كلها نسوان وشي يركصن
ويهلهلن راسي نثول رحت المطبخ
لكيت عمر موجود كبل رحت عليه
ريم:: عمر عمر أكو حركه بالحمام أي بالحمام
ضل صافن بوجهي ومامفتهم شي باوع
على بنيه ماعرف مني وكال الها
عمر:: سها ترجميلي
ريم بصيحه:: عمرر مو وكت شقاك
عمر:: دحجي وفهميني شبيج
ريم:: حمام غرفه ليان مقفول ومفتاح ماكو
عمر:: أي وشنو يعني غير ليان بالحمام
وقافلته قابل تعوفه مفتوح الكم
ريم:: عمر شبيك من دخلت الغرفه هم
لكيت الباب مال الغرفه مقفول واني فتحته
عمر بستغراب:: أي
ريم:: أي وهسه أكو حركه صارت بالحمام
عمر:: ريم روحي من يمي أكو حركه حركه
شنو روحي روحي راسج يوجعج ماتعرفين شتحجين
وصدك عافنه وطلع وهاي البنيه الاسمهه
سها هم راحت الصاله ضليت اني حايره
شسوي بس ماتراجعت باوعت الصاله
جانت كلها تركص واكو طفله صغيره
يطلع عمرها بال5 سنوات هيج شي
رحت عليها سحبتها وجبتها وياي
المطبخ احجي وياها
ريم:: حبيبتي انتِ شنو اسمج
_ني سمي سينه
ريم:: ها عمري سينه باعي….
_ مو سينه سمي سينهه
ريم:: ياعمري عرفت اسمج سينه هسه باعي
_ سينههه سينهه سمي ني
هسه يلا طخت عندي أن اسمها زينه بس
السانه بعده ثكيل لهاذا السبب تلفضه سينه ابتسمت الها وكلت
ريم:: أي حبيبتي زينه
ضحكت هيه وهزت راسها
ريم:: اريدج تروحين تصيحيلي عمو اسمر
زينه:: منو همو سمر
اثناء مااريد احجي صدفه دخل اسمر المطبخ
اسمر:: ريم جيبيلي جمانه هسه تشلع كلب ليان
ضليت محتاره بين احجي أو لا بس لازم
احجي وهم ليان لحد لأن ماشفتها وين
راحت ماعرف خليته الطفله ترجع
الصاله وتقربت على اسمر احجي ويا
ريم:: اريدك بشغله
اسمر:: شنو هيه
حجيت اله من الاول الآخر وهوه ضل
مصدوم من كلامي
اسمر:: ليان وين هسه
ريم:: ماعرف اسمر من عفتها بالغرفه
ونزلت علمود زيد بعد ماشفته
اسمر:: سويلي طريق ادخل
ريم:: خاف عيب
اسمر:: ريم راح تحصلين فد كفخه
ريم:: رايحه اكول العمه صابرين
اسمر:: بسرعه
دار ضهره على المطبخ وبقه واكف
واني رحت دخلت الصاله ادور على
عمه صابرين لحد مالكيته
ريم:: عمه داريد طريق ليفوك
عمه صابرين:: ليش يمه منو يريد يصعد
ريم:: اسمر عمه اسمر
عمه صابرين:: ها يريد يصعد يم الولد
ريم:: لا عمه لليان
عمه صابرين:: اهااا خوش يمه خوش
ضحكت عمه سناء وهيه أصلا متعرف
شنو وليش يريد يصعد صاحت عليهن
ديلبسن شالات أكو بيهن صدك لبسن
واكو بيهن عيارات خلنهن على جتوفهن بس
رحت على اسمر وكتله يدخل دخل وهو
مدنك راسه وكبل صعد فوك بعدني
ماصاعده ورا اجتي وحده ماعرفه
تتموع وتكول
_ هاذا الصاك شعنده صعد فوك
ريم بخباثه:: مرته مرته فوكك
عفتها وصعدت بسرعه ورا اسمر وحتى
ابني نسيته مادري وين صفه بي الدهر
دخلت الغرفه لكيت اسمر يدك باب الحمام
ويحجي
اسمر:: ليان انتِ جوه
ماكو صوت انتبه عليه اسمر وخزرني
اسمر:: احسابج بعدين
ريم:: شمسويه
اسمر:: شلون تخلين جمانه اهنا وأنتِ
تعرفين بيها تزحف
ريم:: والله مادري بنفسي احتاريت شسوي
ماحاجاني طلع تلفونه واتصل ماعرف
عليمن بس كال
اسمر:: تعوف البيدك وتصعد الغرفه ليان
{{تصويتكم وين}}
سده وبقه يفتر بالغرفه واني ويا افتر على الواهس شويه ودخل عمر يلهث
عمر:: شبيكم خليتوني ادخل بنص
النسوان واصعد
اسمر:: بلا حجي زايد أكو مفتاح
احتياط للحمام
عمر:: شسوي بي
اسمر:: الخاطر الله شكد تسئل جاوب أي لو لا
عمر:: أي موجود
اسمر:: روح جيبلي نسخه يله يله بسرعه
وفعلاً راح عمر يجيب المفتاح واسمر
بقه يدك بالباب مال الحمام وماكو رد
شويه ودخل عمر وانطه مفاتيح الاسمر
وهوه مافاهم شي اخذهن اسمر من ايده
وتقرب الباب الحمام خله المفتاح بي
وفتحه راد يدفع الباب بس مايندفع
باوعنه واحد على الخ واسمر كبل كال
اسمر:: لا لا
الباب ماينفتح أكو شي ورا ضل اسمر
يحاول وراح عمر ويا شويه شويه ونفتح
الباب كدر اسمر يباوع على إلي جوه
ومن مد راسه الداخل كبل صاح
بصوت رج الغرفه
اسمر:: لياااننن
صار عمر يدفع بالباب يريده بس ينفتح
واسمر كبل صرخ بوجه
اسمر:: لتدفففععع لياننن ورا الباب
وصارو ثنينهم يحاولون وي الباب
لحد ما شويه انفتح اكثر باوعو ثنينهم
عليه وصاحو بيه
عمر:: تعاللييي
اسمر:: بسرععهههه
ريم:: ش..نو شسوي
اسمر:: ريم الله يخليج بطلي فطاريتج هسه وبسرعه تعالي
تقربت عليهم فتحو الباب شويه واشرو
إلي ادخل لأن همه مايكدرون يدخلون
من هاي فتحه الباب
اسمر:: ريم بسرعه ادخلين وسحبين
ليان قاد من الباب
هزيت راسي بأي وصدك دخلت بس
نصدمت واني اشوف ليان بهاي الحاله
جانت كاعده كعود واديها على بطنها
وجهه صاير اصفر كركم والعرق ينزل
من وجهه بسرعه كنبصت يمها واني
اضرب على خدها
ريم:: ليان لياننن
اسمر:: ريم مو وكتججج اسحبيها
كمت داريد اسحبها بس ماكدرت بجيت
وصحت عليهم
ريم:: ماكدر ماكدررر
عمر:: ريم ريومه بس شويه سحبيها
خاطر ادخل انا
كمت بيه مابيه قربته شويه ولزمت اكتافه
سحبته شويه وماكدرت بعد بس كدرو
يفتحو الباب شويه دخل عمر واجه بسرعه
على ليان يضرب بخدها ويصيح ودخل
اسمر بس بقه واكف بمكانه خايف يتقرب
عليها وهوه يشوفها بهاي الحاله
اسمر:: عمم..مر
عمر:: مابيه مابيه شي بس افتح الباب
كام عمر وشالها وفتح اله الباب اسمر
طلعها من الحمام راد يخليها على الجربايه
بس ماكدر جمانه على الجربايه ركضت
بسرعه وشلتها وعمر مدد ليان على الجربايه
راح صار عمر من جهه ومن جهه ثانيه اسمر
عمر:: ليونه حبيبتي اكعدي
اسمر:: عمر شنو احنه كاعدين كوم ناخذه
المستشفى
عمر:: مايحتاج مابيها شي هسه هيه تكعد
صايره بيها قبل
ضلو عمر واسمر يحاجوها ويردونه
تكعد بس ماكو واني واكفه على جهه
ودموعي تنزل على خدي خايفه عليها
ووانقهر عليها ليش كل هاذا جاي يصير
وياها بعمرها مااذت شخص ليش دائما
تحصل لاذيه
كام عمر الحمام جاب مي بيده وراح
عليها رش على وجهه وهيه كبل صارت
تحرك براسها وكالت بصوت خافت
وكوه ينسمع
ليان:: ككا.. في فتحولي الباب
أسمر:: ليان هاي انتِ بالغرفه يله فتحي عيونج
عمر:: ليونه حبيبتي حاجيني
صارت تبجي وتشهك وهيه مغمضه
عيونها وتحجي
ليان:: ععمر
عمر:: روحه وكلبه لعمر
ليان ببجيي:: ليش حبسوني بالحمام
عمر:: وداعت عيونج البجن لقفل عليج
الباب اخلي يجي ويعتذر منج
فتحت عيونها الغركانه بالبجي باوعت
على أسمر الجان يمها ورجعت باوعت
العمر الجان لازم ايدها رجعت باوعت
عليه وبجت اكثر
ليان:: صيحت عليكم هواي محد سمعني
محد اجه ساعدني ليش ها ليش خليتوني
اعيش اسوء يوم بحياتي مره ثانيه ها ليشش
صاحت بصوت ورجعت تبجي كام عمر
من يمها ودمعته على خده رجع أسمر
عليها رفعه إله وحضنها وهيه هم بادلته
الحضن رفعت اديها وعلقتهن بركبته
أسمر:: اشش كافي
ليان:: محد يحبني
أسمر:: شنو هاذا الحجي ليان
ليان:: محد ساعدني خلوني وحدي
أسمر:: اششش كافيي بعدين نحجي….. هسه ارتاحي
وخرها من حضنه وراد يكوم يطلع
بس لزمت ايده واردفت
ليان:: لتعوفني أخاف
أسمر:: من شنو تخافين ليان ماكو شي
ليان:: اخاف ينقفل عليه الباب
أسمر:: ماكو شينقفل وبلاصل انتِ راح ترحين
ليان بستغراب:: وين
أسمر:: الخطوبه شي اكيد ما راح تضلين اهنا
ليان:: روحو إني باقيه
أسمر:: كومي ليان ليش تخلين حمزه
هسه يبطل حتى الروحه والخطوبه
ليان:: لا تكلوله
أسمر:: شنو هيه……
بهل أثناء وهمه جاي يحجون دخل
حمزه هوه وقاطه وكشخته وركض
على ليان لزم وجهه بين اديه وهوه
يحجي بخوف
حمزه:: ليان شبيج
وخرت اديه وابتسمت إله
ليان:: مابيه شي… بس شويه تعبانه
حمزه:: لياانن وانتِ وبهاي الحاله اجذبين عليه
ليان:: والله مابيه شي
دخل عمر باوع على ليان ودار وجه
منها وكف يم الشباك كامت ليان بيها
مابيها وهيه لازمه بطنها ساعدها
حمزه بالكومه مشت مشت ووكفت
بصف عمر مدت ايدها على كتفه
وهوه اندار الها
ليان:: اسفةة
عمر:: ماكو داعي
ليان:: لا اكو داعي
عمر:: لا ماكو
ليان:: هووو أنتَ شعليك خليني إني اعتذر
عمر:: يله اعتذري
ليان:: هلو وليش اعتذر منك
عمر:: من توج لازكتلي خلي اعتذر منك
ليان:: انسه انسه هاي اختك تخربط
كل احنه ابتسمنه على سوالفها ويه عمر
ليشوفهم مايكول فرق بينهم عمر يكول
تؤام تقرب عمر وحضنها حيل
ليان:: يمههه حمزززه الحكلي موتني
حمزه بضحكه:: مو هيج عمرر
عمر:: شعليكم غير اختي
حمزه:: واختي
ضلو يتناكرون وعمر وليان كل شويه
مطلعين سالفه اخير شي كال حمزه
وهوه موجه الكلام اليان
حمزه:: يله كومي بدلي دنروح
ليان:: إني ماروح
بعده يريد يحجي ودخلت هاي البنيه
التكول على أسمر الصاك ماعرفت
اسمها بس عرفتها هاي حاطه عينها
على اسمر هيه شافت ليان وفتحت
عيونه موسعه عليها وكبل كالت بدون
لا كلام ولا سلام
_ انتِ شطلعج……..
يتبععع…….
……..
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.