رواية احفاد عمران – الفصل السادس عشر
الكاتبه ضحى اليوسف
بارت _16_
…………………………………
شجاها الروح يمك ذبت الاسرار
وليش ارجف عليك وينخطف لوني
وحتى الناس كامت تعرف بهالحال
ما اعرف شكللهم من يسالوني
يطبون بصفنتي وعنك يدورون
ويلكوني أفكر بيك يلكوني 💔
………………………………….
“”ليان””
توني سديت الخط من ريم واجتني
رساله من نفس الرقم الدز صوري وكاتب
_فكرتي بالموضوع
استغربت أي موضوع وهيه ريم
كاعده تتمضحك عليه
ليان:: ها ريم ياموضوع
_ريم ياهي
ليان:: ههههه ريم كافي ترا اعرفج أنتِ
_چن ماخذج الواهس ماتعرفين تحجين
ليان:: اهوو ريم روحي لعبيها على غيري
مانكتب شي بس خلال دقيقتين اتصل
الرقم نفسه عليه لا بدون وعي مني كبل
جاوبت عليه واجاني صوته وهو يضحك
نصدمت من عرفت أن هاي مو ريم
وأن صح هذا ولد
_بعدج مفكرتني أنا ريم
الصوت ماجان غريب عليه الصوت
كأنما سامعه هذا الصوت من قبل
ليان بخوف:: منو أنتَ
_اليحبج أنا
ليان:: لضل تحجي وكول منو أنتَ
_ههههه بمرور الوقت تعرفيني
ليان:: انت فارغ ماعندك شي وجاي عليه
_دوكفي اوكفي ياعيني خلي نحجي
ليان:: ماكو كلام نحجي بي افتهمت
ويله مع السلامة
ردت أسد الخط بس صاح عليه
_صورجججج عندي لجججج
ليان::انطيك خصله من شعري خليها
شارب الك بلكي تصير زلمه بوكته وماتهدد
ماخليته يحجي كبل سديته سديته وكعدت
ابجي معقوله صدك يصير يهددني بصوري
منو هذا وشيريد مني منين جاب صوري
رقمي اخخخ كلبي ما تحمل بعد مصايب
كاافي بجيت بس بنفس الوقت كلت لازم
اكول الشخص رفعت الموبايل ورجعت
اتصلت على ريم دك بس بسرعه ردت
حجيت واني ابجي
ليان:: ريم وكعت بمصيبههه
ريم:: ولججج شكووو احجي
ردت احجي بس اجه صوت
اشعار لموبايل ويدل على وصول
رساله وخرت الموبايل من اذني
وباوعت بجهاز لكيت نفس الرقم
داز صوره وكاتب
_ عجبتني هلصوره ابلش بيها لأن حيل حلوه
سديت الخط بوجه ريم وفتحت الدردشه
بينه لكيته دازلي صوره إلي جنت لابسه
ملابس عاديه مال بيت بس جانن كصار
وحصر بارز جسمي منهن انصدمتتت
صدمه عمري مستحيل أخلي يفضحني
وبدون تفكير كتبت إله
ليان:: أسوي اسوي التريده الله يخليك لتنشر
رجع كتب
_عفيه هيج اريدج
أول مادز الرساله رجع حضرني ضليت
ابجي على حضي اليذبلي المصايب……….
ضليت كاعده وافكر بالي جاي
يصير بس أحس صارت عندي لحضه
ادراك معقوله اسمررر أي أي معقوله
بلاصل هو الجاب تلفوني اكيد سواها
الجلب لزمت تلفوني وكبل اتصلت
على ريم
ريم:: ولجج ليان شصاير ليش سديتي الخط
ليان:: أريد رقم اسمر
ريم:: شسوين بي
ليان:: محتاجته تنطينه لو اطلبه من حمزه
ريم:: راح ادزه الج
ليان:: استعجلي
ريم:: أي أي
سديته منها وضليت كاعده شويه وجتني
رساله منها فتحتها جانت دازتلي الرقم
سجلته ودكيت عليه مره مرتين تلاثه
اربعه ماكو ضليت آدك وادك ماكو
ميجاوب خليت وقفلت موبايلي هم………..
/////////////////////////
“”ريم””
دزيت الرقم اليان إلي ماعرف شبيها
وصعدت فوك اشوف جمانه دخلت
الغرفتي ماكو لا اسمر ولا جمانه رحت
الغرفته فتحت الباب على كيفي ودخلت
لكيته نايم ومخلي جمانه بحضنه ضحكت
على شكلهم ورجعت سديت الباب ورحت
الغرفتي اني هم غفيت شويه لأن تعبانه
كعدت العصر وكمت بسرعه غسلت وجهي
وطلعت من الغرفه كبل على غرفه اسمر
فتحتها ماكو لا هو ولا جمانه نزلت جوه
لكيتهم كاعدين بصاله كلهم حتى ابوي
موجود خليت وكعدت يمهم
وهمه يحجون
ابوي::: شنو اسمر ماناوي ترجع مريتك
اسمر وهو يباوع على جمانه:: اليوم
رايح احجي وياها والله كريم
امي:: يايمه البنيه ما تريد ترجع وتريد
الطلاق طلقها واحنه نزوجك
اسمر بصياح:: أنا كم مره كلت الكم هذا
الموضوع بعد ماينفتح
امي:: يايمه شنهو اضل هيج أنا مارضه
عليك أنت شاب وهم عندك بنيه لشوكت
تبقى أتاني باليان
اسمر:: اليوم أخير مره احجي وياها وأن
مارضت بعد هاي هيه واحررها مني ومن
هاي العلاقه
ستغربت شنو آخر يوم شنو احررها مني
تقربت عليه وهمست إله
ريم:: شنو قصدك اسمر
اسمر بهدوء:: اطلقها
أبوي:: خير أن شاء الله وأنا هم راح
احجي وي يوسف…..
اسمر وهو يقاطع ابوي:: رجآء لحد يدخل الموضوع انا احله
ابوي:: سمعناها من قبل هواي
اسمر:: كلت الكم هاي آخر مره اسمعو مني
عادي
أبوي:: خوش نشووف
كام اسمر انطاني جمانه وطلع من البيت
باوعت عليه امي وحجت كدام ابويه واني
اعرف بيها متقصده
امي:: وانتِ هم يايمه ارجعي البيت رجلج
شنو تكضيها يم اسمر أنتِ زحمه يمه هسه
شنو يكولون
باوع عليه ابوي واني كبل هزيتلها راسي
بمعنى أي واردفت
ريم:: انشالله يمه انشالله
امي:: شو انطينيها خلي العبها
كمت ونطيتها الها واني كبل طلعت
برأ اشتم هوى……….
////////////////////////
“”اسمر””
قررت وهذا قرار نهائي ماردت بعد اجبرها
واخليها على ذمتي هيه عانت هواي وأكثر
من الكل تحملت حجي الناس وتحملت هواي
اشياء وهيه بعمر صغير هاي هيه ماردت بعد تنضلم أكثر من ما هيه مضلومه
طلعت برأ البيت وكفت بالشارع وطلعت
جكاره ادخنها اثناء ماجاي ادخن شفت
سياره حمزه طبكت طلع من السياره وعاين
عليه تقرب على جهتي وكال
حمزه:: شنهي شعندك بالباب وأكف
اسمر بضحكه:: لازم الشارع هم مسجل باسمك
هز أيده واندار يريد يرجع البيتهم بس
صحت عليه بسرعه
اسمر:: حمزههه
اندار عليه وهوه يباوع عليه بتسائل
حمزه:: نعمم
اسمر:: اليوم أريد احجي وي ليان
حمزه:: ماكو ماتحجي وياها
اسمر:: ترا مرتي
حمزه:: أختي
اسمر:: أريد احجي وياها لآخر مره
حمزه بستغراب:: شلون
اسمر:: هاي هيه آخر مره احجي وياها أن
ماقبلت بعد ترجع وياي شتريدون سوون
سوو حتى الطلاق اطلق وما اجبرها
على شي
ضل صافن وكان اقتنع بحجي وأنا بس
أريد احجي وياها أخير شي كال وهو
يمشي البيتهم
حمزه:: أن شاء الله خير
دخل البيتهم وأنا هم دخلت لكيت ريم
كاعده بالحديقه على الكرسي وصافنه
رايحه بغير عالم تقربت عليها وحجيت
اسمر:: بيج شي ريمتي
فزت بسرعه وهيه تباوعلي
ريم:: ها…. لا لا مابيه شي
كعدت على الكرسي المقابيلها وصرت
احجي وياها وأريد اعرف ليش هيج
صايره حالتها
اسمر:: ريم ضامه شي علينه وماتردين
أحد يعرف
ريم وهيه تباوع لاسمر:: لا
اسمر:: ريم تصرفاتج فاضحتج احجي
ريم:: ماكو شي احجي اسمر شنو احجي مثلآ
اسمر:: متأكدة ريم
هزت براسها بمعنى أي وكامت دخلت
البيت وعلساس عود صدكتها ماكو شي
_خلي تجي ليان وأريد أشوف شنو حجتج بعد
كمت أنا هم دخلت البيت وصعدت الغرفتي
ضليت كاعد بيها وصافن
_ معقوله ماترجع
_بس أنا مستحيل اطلقها
_الصبر يارب الصبر
غفيت ساعه هيج شي وكعدت باوعت
على الساعه جانت 5:32 العصر على
السريع دخلت الحمام سبحت…… طلعت
شسورت شعري
وتعطرت ونزلت مستعجل
لكيت ريم وامي كاعدات بالصاله
امي:: خير اليوم وين رايح وكاشخ
ردت أرد عليها بس سبقتني ريم
ريم:: يمه مو كال اليوم يروح على ليان
باوعت عليه وكامت متجاهلتني هزيت ايدي
على سوالفها وطلعت
ورحت البيت عمي
يوسف مادكيت الباب طلعت تلفوني واتصلت
على حمزه كبل رد
اسمر:: أنا بالباب واكف
حمزه:: شسوي
اسمر:: تعال افتح الباب بدون حجي زايد
حمزه:: ترا أنت واكف بالباب مالنه وتريد
انفتحه الك روح حبيبي روح
اسمر:: حمزههه شحجينهههه احنه
حمزه:: هههههههههه نسيت يأبه نسيت أنت
جاي تسمع الطرده الزينه من ليان ادلل يأبه
سديته بوجهه وضليت منتضر بالباب شويه وفتحلي الباب وهو يكول
حمزه:: والله العظيم ماكو داعي الجيتك
هيج تحب تنطرد
اسمر:: حمزه لا تدخل كلت الك وارجع اكلك
هاي آخر مره احجي وياها
هز براسه ودخل دخلت وره وكعدنه
بالاستقبال سولفنه شويه وكال
حمزه:: رايح اصيح ليان
اسمر:: وبدربك شوفلك شغله انشغل بيها
حمزه:: تحلم حلم
ضحكت على سوالفه طلع هوه وانا ضليت
كاعد طلعت تلفوني وضليت أكلب
بال””فيسبوك””
شويه ونفتح الباب دخلت ليان بس
منزله راسها وكالت
_السلام عليكم
اسمر:: وعليكم
كعدت مقابيلي وأنا عدلت وذبيت تلفوني
باوعت عليها ماعجبتني حالتها ماعرف
شبيها بس يمكن مريضه
اسمر:: ليان أنتِ زينه
ليان وهي منزله راسها:: زينه زينه
اسمر:: تكدرين تجين تكعدين قريب عليه
دانحجي
هزت راسها وكامت مشت بخطوات بطيئه
أيدها ترجف وهي بعدها منزله راسها
مارفعت راسها ولا باوعت بوجهي جتي
وكعدت قريب عليه عدلت نفسي وصرت
كان مقابيلها وردت احجي
اسمر:: ليان إلي صار
ليان وهي تقاطع كلامي:: موافقه
اسمر بستغراب:: شنوو موافقه
ليان:: موافقه ارجع وياك
اسمر:: ليان أنا بعدني ماكملت كلامي ولا
فكرتي بالموضوع
ليان:: فكرت أي إني فكرت بالموضوع وقررت ارجع
اسمر:: بس أنا ماااريد ارجعج هيج وياي
رفعت راسها وباوعت بوجهي باوعت لعيونه
ذبلانه وتأكدت ليان بيها شي بس شنو ماعرف
ليان:: ش… لون!؟
اسمر:: أنا أريد ارجعج كازوجه إلي
ونعيش كأي زوجين
ليان:: موافقه موافقه……. تعال بأجر الصبح اخذني
ماخلتني احجي شي كبل طلعت وعافتني
بحيرتي هاي ليان!! مستحيل خليت وكمت
أنا راجع البيت كبل دخلت البيت وصعدت
الغرفتي ماردت أحد يسئلني عليها لآن أنا
لحد هاي الحضه مامصدك بيها…………….
////////////////////////
“”ليان””
مر اليوم عادي لليل كاعده بغرفتي ودخل
عليه حمزه عيونه بكصته من العصبيه اجه
عليه بحركه سريعه لزمني من زندي بقوه
وصاح بوجهي
حمزه:: شنووو هذااا العبببب
ليان بخوف:: ش..شنو
حمزه:: ولج شنوو تردين خبر الأسمر أنتِ موافقههه تخبلتتتتيييي
ابتعد عليه وباوع بوجهي نزلت راسي صارت
أيدي ترجف لزمت أيد بأيد أريد احاول
اسيطر على رجفتها ماكو سويت نفسي
العب بصابيعي واحجيت بهدوء
ليان:: هذا إلي لازم يصير
حمزه:: ولج أنا أنا مو سئلتججج كتلجججج ترجعين كلتي مستحيللل ولججج شلوننن
هيج تصرفين من يمججج
تقربت عليه لزمت وجه بين اديه وحجي ويا
ليان:: حمزه اهدئ كافي
نتر أيدي منه ومشه بتجاه الباب بس قبل
لا يطلع التفت عليه وكال بصوت بي غصه
حمزه:: أن صار ورجعتي لاسمر تنسين عندج
أخ اسمه حمزه
باوعت عليه وإني دموعي صارت تنزل على
خدي تقدمت عليه وردت احجي بس خله
اصبعه بينه مانعني اتقرب وكال
حمزه:: هذا آخر حجي عندي.
طلع ولطخ الباب بقوه كعدت بالكاع
وصرت ابجي واملخ بنفسي
_اني مخبلههه وقبلتتت
_الله ياخذك……..
كمت حيل مابيه رحت الحمام غسلت
وجهي ورجعت كاعدت على كعدتي بلارض
ومخليه راسي على حافه الجربايه دموعي
عشره عشره تنزل على خدي وإني كاعده
افكر شنو بعد ممكن يصير بيه……. وغفيت
كعدت الصبح على صوت عمر وهو ينده بيه
عمر:: ليان ليونه ليش اهنا نايمه
تحركت وفركت عيوني باوعت على نفسي
على كعدتي من البارحه باليل رجعت رفعت
راسي باوعت لعمر واكف يباوع إلي
باستغراب
ليان:: ما.. ما… مادري بنفسي ونمت
عمر:: تعالي أريد احجي وياج
كعد على الجربايه واشر اليه أروح يمه
كمت ورحت كعدت بصفه باوع عليه
وابتسم ابتسامه مجامله رفع ايده
وخلاها على ايدي الترجف
عمر:: سمعت بيج تردين ترجعين لاسمر
ليان وهي تهز راسها:: أي
عمر:: مو جنتي ماتردينه
ليان:: جنت غلطانه
عمر:: ليان أنا ماريد اوكف بطريقج
بس.. أتمنى كون اخذتي القرار الصح
هزيت براسي بمعنى أي تقرب عليه ولزم
راسي باسه وكام طلع كمت إني أخذت
ملابس ودخلت الحمام سبحت وعدلت
نفسي ونزلت جوه المطبخ لكيت أمي
كاعده تحضر ريوك
ليان:: صباح الخير
أمي بدون ماتباوعلي:: صباح النور
يمه….. ليان بس انقلي المواعيد الميز
صرت انقل بالمواعين رجعت المطبخ
أخذت الستكاين وهم وديتهن نزل حمزه
من فوك ماباوع بوجهي وابوي طلع من
الغرفه صبح عليه وراح يغسل ويجي
ودخل عمر من برا انجمعنه كلنا كعدو
على الطاوله واني هم كعدت باوعت
عليه امي وكالت وهي هسه يلا انتبهتلي
امي:: شنو ليان وين راح اطلعين
باوعت على حمزه مامهتم الشي وكاعد
ياكل رجعت التفتت على امي واردفت
ليان:: اني راجعه لاسمر
لحضه صمت عد ابوي وامي إلي جانو مامستوعبين هذا الشي مني باوعو عليه
وحجو
ابوي:: بابا أنتِ مو ماتردين ترجعين شنو
مناسبه هذا الكلام هسه
امي:: ليان شنو هذا الحجي هسه
ليان بهدوء:: اني مفكره بالموضوع واخذت قراري
امي بعصبية:: هوه شنوو مفكره وماخذه قرارج تخبلتييي
ابوي:: على كيفج صابرين مو بالصياح
امي:: يوسف كل إلي ديصير وي ليان إنتو سببه
ابوي بصيحه:: صابرين لضلين تحجين بكيفج
ضلو ابوي وامي يتصايحون واني كوه
مسيطره على نفسي عمر حاط ايده على
وجهه ويباوع عليهم كام حمزه غسل وطلع
برا كمت ورا بسرعه لكيته ديلبس بحذائه ..تكرمون..
ليان:: حمزه الله يخليك خلي نحجي شويه
ماجاوب عليه ومشه بتجاه الباب فتحه
وديريد يطلع بس صحت بي
ليان:: حمزههه
حمزه بصيحه:: اسسس لجج منه العالم
ولي فوتي
سد الباب وراح رجعت دخلت البيت
ماكو لا امي ولا ابوي بس عمر كاعد
ليان:: وينهم
عمر:: يمعوده عوفيهم متعاركين عود
عفته وصعدت الغرفتي اخذت تلفوني
ودزيت رساله لاسمر
“يله”
كبل رد عليه
“منو أنتِ”
ليان””اني ليان””
اسمر””هذا الرقم الج “”
ليان””أي…. شوكت تجي تاخذني “”
اسمر””جايج””
سديت الموبايل وكمت اخذت جنطتي
الصغيره خليت بيها كم غرض وموبايلي
ونزلت أتاني بي بالطارمه باربع ساعه
يلا اجه كمت فتحت الباب وصبحت عليه
ومشيت وياه ولا التفتت ورايه
وصلنا البيت فتح الباب ودخلنا ماكو
أحد ولا حس هدوء تام باوعت عليه
بدون مااحجي شي هو كبل كال
اسمر:: نايمين بعدهم
ماحجيت شي وصعدت فوك الغرفه
دخلت وخليت جنطتي على الميز كعدت
على الجربايه دخل اسمر الغرفه وهو
يباوع عليه باستغراب
اسمر:: ليان أنتِ زينه
ليان:: أي زينه لعد شبيه
اسمر:: احسج مو على بعضج
ليان:: ماكو شي بس اني وحمزه تعاركنه
وحمزه صار مايحجي وياي لهذا السبب
اجه وكعد على الجهه الثانيه مال الجربايه
ولزم أيدي وهو يكول
اسمر:: تعالي
تقربت شوي عليه وهو سحبني عليه أكثر
حضني بقوه صار راسي على صدره واديه
على ضهري
اسمر:: أنا احاجي مو بكيفه مايحجي وياج
ماحجيت شي بس هزيت راسي مد ايده
على شعري وصار يلاعب خصلات شعري
واني كل هذا مانطيت رده فعل أحس
عقلي مشوش وماجاي اعرف اتصرف
ضليت نايمه على صدره وهو يلعب بشعري
ماعرف شون غفيت ومادري بنفسي بس
اسمعه يحاجيني بس ما كدر أرد عليه
نعاسي قلبني
_ليان ردي
_شنو نمتي
حسيته تقرب عليه وطبع بوسه خفيفه
على خدي تحرك وبعد راسي من حضنه
وخلاني انام على المخده وبعد ماعرف
شصار…….
فتحت عيوني ماكو أحد يمي بس اني
وصوت جوه مبين موجودين كمت الحمام
غسلت وجهي ورحت الميز اخذ عطر من
عطوره ورشيت شوي ونزلت جوا
لكيت عمه سناء وريم كاعدات وبينهن
جمانه واسمر كاعد على صفحه يكلب
بجهازه تقدمت واردفت
_السلام عليكم
التفتت عليه ريم بلهفه وجتي كبل
حضنتني بادلتها الحض وكعدنه على صفحه
ريم:: ليان رجعتي!!
ليان:: أي هاي هيه رجعت
ريم:: ليان إذا مامتاكده من رجعتج
ليش رجعتي
ليان بابتسامه:: متأكدة واني إلي
طلبت رجعتي
باوعت عليه وضلت صافنه هههه حقها
وين أكو هيج شي قبل كم يوم اكول
ماريده واليوم اني اكول إلي طلبت رجعتي
ضلينه كاعدين بصاله كامت ريم وجابت
جمانه خلتها بحضني لزمتها بقوه وقربتها
عليه شميت عطرها اليرد روحي
وهيج مر كم يوم علاقتي باسمر تحسنت
وحسيت اسمر حيل متغير بهل كم يوم
جمانه رجعت تنام يمنه بالغرفه
اجه إلياس على ريم وريم قررت ترجع
ويا وتواجه بالحقيقه……
///////////////////////
“”ريم””
رجعت البيت وي اليأس وكلت هاي هيه
لازم اخذ اجوبه على اسئلتي ماكدر اوصف
فرحه عمه اقبال برجعتي وكان اني صار
الي سنه غايبه عليهم مو شهر
مر كم يوم على رجعتي واني ماحجي
وي اليأس هو شكد يحاول يفتح
مواضيع وياي بس اني ابد ماانطيته
مجال
جنت كاعده وي عمه اقبال ونرجس
بصاله نسولف فجاة دخل اليأس من
برا سلم ردن السلام هنه بس اني لا
باوع عليه واشر الي اصعد ورا اشرت
اله براسي بمعنى شكو بس هو ولا كأن
صاح عليه بصوت
اليأس:: ريم تعالي وياي
ريم بتجاهل:: مو تشوفني كاعده وي
عمه ونرجس اسولف خليها بعدين
اليأس بصياح:: ريممم
عمه اقبال:: روحي يمه روحي شوفي
اليأس شيريد
هزيت راسي وكمت صعد هو واني صعدت
ورا ابلع بريكي من الخوف دخلت الغرفة
اجه رئستن تقدم عليه وصاح بوجهي
اليأس:: ليوين تردين توصلين بتصرفاتجج
هاا احججججيييي
ريم بخوف:: شبيك اليأس
اليأس بضحك:: شبيه ونوب تسئلني
ولججج ريم بس كاليلي ولج بس انطيني
تبرير التصرفاتججج احجي
ريم:: شحج….ي
اليأس:: ولجج احجيلي يله برري افعالج
ريم:: وانت ها وانت ماتبرر افعالككك بس
اني لازم اكعد وابررر
اليأس باستغرات :: ليش شنو لازم ابرر أنا
ريم:: ههههههه مسوي نفسك ماتعرف
اليأس:: ريم تحجين لا اطلع بروحجج
ريم:: احجي ليش لا اي احجي ياخايننن
بحركه سريعه لزم ايدي لواها وره ضهري
وهمس باذني
اليأس:: قسم بالله كلمه زايده احطج
اهنا واكتلج ومااهتم الج حامل
ريم:: شترجه من واحد خاين
اني حجيت هيج لو تندمت على عمري
لوفني ولزمني من ركبتي بقوه طبكني
على الكنتور وهو ايده مارخت من ركبتي
صار يزيد ماينقص وهو يهمس الي
اليأس:: اطلع بروحج اخر مره احذرج
ريم وهي كوه تحجي:: هه ليش جرحت
مشاعرك
زاد على قبضه ايده حسيت هاي هيه هاي
نهايتي ماكو مهرب الي صرت كوه اخذ النفس
ريم:: إل… ياس را… ح مو.ت
هد ايده لو حسيت رجعت إلي الحياة
كعدت بالكاع لازمه ركبتي وصرت اجر
النفس كوه راح إلياس يدور بالجرارات
طلع تلفوني وخلاه بجيبه كمت على
السريع ولزمت ايده واني احجي كوه
ريم:: جيب التلفون
إلياس:: ريم وخري
ريم:: الياس جيب التلفون
إلياس:: دوخريييي
دفعني على الميز نبتت حافه الميز على
بطني بقوه شاقت روحي واني اتلوه من
الوجع باوع عليه إلياس وطلع المفتاح
من الداخل وطلع قفل عليه الباب وراح
صرت اصرخ من الوجع بس ماكو شخص
ساعدني
_إلياس افتح الباب
_اخخخ إلياس بطنيييي
لزمت بطني واني اضغط عليها من
الوجع وهمس النفسي
_اهدئي ماكو شي مستحيل يصير
شي اله…………
////////////////////////
“”ليان””
سويت ممه الجمانه ونومتها رحت اخذت
ملابس نوم ودخلت الحمام سبحت…….
وطلعت داعدل بنفسي على المرايا
ودخل اسمر من برا باوع عليه وابتسم
شمر محفظته وموبايله على الجربايه
واجه طبع شفايفه على خدي وراح أخذ
ملابسه ودخل الحمام شويه وطلع اجه
باتجاهي حضني وصار يبوس بركبتي
اسمر:: افيشش
انداريت عليه انرسمت ابتسامه على
وجه سحبني ويا الجربايه…….
“” اتفضلو برا “”
نايمه وحسيت موبايلي جاي ايدك تحركت
من حضن اسمر وهو تحرك ودار ظهره عليه
مديت ايدي جوه المخده وطلعت موبايلي
باوعت المتصل…..
غمضت عيوني بنفاض الصبر انطيته
رفض ورجعته جوه المخده دااريد انام
وكعدت جمانه صارت تصرخ كمت سويت
إلها ممه مارضت ترضع وضلت تصرخ
بصوت شلتها وضليت اهز بيها ماكو ولا
سكتت تحرك اسمر ورفع نفسه وهو يكول
اسمر:: ليان شبيها
ليان بخوف:: ماعرف اسمر فجأة كعدت
وصارت تصرخ
رجع رأسه على المخده وكأنه رجع
نام هم ضليت اني اسكت بيها ماكو
_الحلوين مايبجون
_يمه يمه البنات
_ولج يمه شبيج
ماتحملت اصريخها واسمر نايم ولا بالك
أكو طفل بالغرفه شابع
بجي رحت فوك رأسه واني شايله جمانه
_اسمر اكعددد
_اسمر شسالفههه
_اسمرررررررررر
اسمر:: همممم
ليان:: اسمر كافي نوم وكوم شوف جمانه
فتح عين باوع عليه ورجع سد عينه
وهو يعدل نومته ويحجي
اسمر:: قابل أنا شمعرفني بلاطفال
عفته ماحاجيته ورحت اخذت مخدتها
الصغيره وكعدت بالارض مددت رجلي
وخليت المخده على رجلي ورجعت ضليت
جمانه وصرت احرك برجلي حتى هي
تنخض وتسكت بس نجحت وياي وسكتت
بس فجأة صرت اني اشهك وابجي بصوت
عالي ماتحملت خليت ايدي على وجهي
وزدت بالبجي ماحسيت غير أسمر
يحاجيني
أسمر:: ليان هاي أنتِ تبجين
مارديت عليه وضليت ابجي حسيته كام
بس فعلآ كام واجه عليه بسرعه وخر
أيدي من وجهي وهو يباوع عليه بقلق
أسمر:: ليان شبيج تبجين شصاير
ليان ببجي:: يعني مو تشوفها شلون تبجي
أسمر بهدوء:: ليان ترا هيه طفله اكيد
هيج تبجي
ليان:: ماتحمل إني.. شهكه… كول الها.
… بجي وشهكه….. بعد لا لا تبجي هيج
أسمر وهو حابس ضحكته:: يعني هسه
أنتِ تردين اكللها بعد لا تبجي
هزيت راسي بمعنى أي ماتحمل هو وضحك
أسمر:: هنيالي أي والله هنيالي على
هيج وحده
ليان:: چن ماعاجبتج هاي الوحده
أسمر بابتسامه:: لا عاجبتني ونص
ليان:: كوم شيل بتك خليها بكركوتها
هز ايده وهو يضحك كام على كيفه شالها
وخلاها بكركوتها كمت إني ورحت عليها
غطيته زين لأن أسمر يخلي السبلت على
أعلى درجه وهي طفله أخاف عليها لا
تتمرض راح أسمر وتمدتت على الجربايه
فتح ايده وباوع عليه وهو يكول
أسمر:: تعالي
ضحكت ورحت دحست روحي بحضنه
وهو حضني بقوه ونمنه…
كعدت الصبح هدوء ماكو شخص باوعت
بصفي ماكو أسمر باوعت على كركوت جمانه
هم ماكو كمت اخذت ملابس ودخلت الحمام…. طلعت وكفت على المرايا شلت شعري ليفوك ونزلت لكيت جمانه يم عمه سناء تلعب واسمر ماكو
ليان:: صباح الخير عمه…….. أسمر وين
عمه سناء:: أي عيني أنتِ تدرين وين
أسمر وين جمانه إذا أنتِ تنامين لضهاري
ليان:: عمه ياضهاري شوفي بيش الساعه
عمه سناء:: النسوان يكعدن ب7 مو
ب9 يالفهيمهه
ضجت ونقهرت من حجيها حيل بس
مانطيت اهميه وإذا ارجع ارد عليها راح
تكول إني جنتي ماتحترم جبير
عفتها ورحت المطبخ سويت ريوك
النفسي وتريكت غسلت المواعين
ونظفت البيت رحت أخذت جمانه
وصعدت فوك غسلت إلها وغيرت
ملابسها وهي تكمز كوه تخليني
إغير إلها
مشطت شعرها وسويت إلها ستوته
طلعت تخبل ابتسمت على شكلها
وكلت إلا اخذلها صوره
كمت على تلفوني اخذته ورجعت إلها
صرت اصور بيها صور اشكال
شفت وحده من الصوره صايره
تخبل وهيه ضاحكه بيها دزيتها
لاسمر بس هو كبل شافها ورد عليها
_فدوه لبنياتي
ابتسمت على كلمته “بنياتي”
بس اختفت ابتسامتي وإني أشوف
ديتصل عليه……..
فتحت خط وخليته على اذني
_دكيت عليج بنص أليل وين جنتي
بحضن حبيب القلب
ليان:: الله ياخذك…
يتبعععع………..
الكاتبه ضحى اليوسف
#احفاد عمران
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.