رواية احفاد عمران – الفصل الخامس عشر
الكاتبه ضحى اليوسف
بارت _15_
هَاي گلوبنةٌ مِن الخوَف والصِدمات
گامَت مِا تمَيز فِرح لوُ لچمَة
…………………………………….
“” ريم””
أسمر:: ريم إلياس يريد يحجي وياج
ريم:: أسمر مو هسه فدوه
أسمر:: دتعالي هسه وياي
مشيت ويا وإني شايله جمانه بيدي
دنروح الورا البيت بس شفنه ليان
واكفه هي وليث وماعرف ليث شنو
ديشوفها بموبايله وهيه تضحك
وماخذها الواهس
انتبهت على اسمر إلي جان يباوع عليهم
والشر يطاير من عيونه خفت لا يسوون
النه سالفه والعالم يمنه لزمت ايده
واردفت
ريم:: اسمر……..
اسمر وهو يقاطع كلامي:: أمشي روحييي
الهممم خلي تولييي تطب جوووههه
ريم وهي تحاول تهدي:: رايحه رايحه الهم
بس اصبر ولا تصيح منه العالم
اسمر:: لتخليني أنع** العالم هسه
ريم:: هاك بنتك
بعدني توني أريد انطي جمانه حتى
اروح عليهم واشوفهم على شنو فاتحين
حلوكهم ويضحكون بس صاح ليث على
اسمر بصوت عالي
ليث:: هاااا اسمررر أنتَ اهنااا
باوعنه ثنينه عليهم ليان جانت تباوع على
اسمر ومتفاجئه بي وليث إلي يباوع على
اسمر بخبث وفاتح حلكه يتمضحك
ليث:: شنو مداهمينه لا حس ولا نفس
حجيت وإني احاول بكل جهدي اسد نقاشهم
ريم:: اسمرر أمشي يله مو أريد اشوف ألياس
فرك وجه بيده وهز راسه بمعنى أي وردنه
نمشي بس رجع صاح ليث وهلمره صاحها
بخباثه وحقد وكأن ديكول تعال شوف
انا ويامن واكف لو شنو جاي اسوي
ليث:: شنوو ماتردون تشوفون صورنه
أنا وليان
ماتحمل انطاني جمانه بسرعه وبحركه
سريعه راح عليهم نصدمت من شفته
ضرب ليث كله بحيث خله يرجع ليورا
وهو لازم خشمه إلي ديطلع منه دم لزم
جهاز ليث وفلشه تفلش واني بس واكفه
اتفرج من بعيد لأن اخاف اتقرب عليه لا
اني هم انكفخ لزم أيد ليان بقوه واجه
بتجاه الباب بس صاح عليه ليث
ليث:: راححح اندمكككك اسمرررر
اسمر وهو مامهتم:: شيطلع بايدك
سوي….. ريممم جوههه دخلييي
صاح بيه علمود ادخل هزيت اله راسي
ودخلت من الباب الوراني وماعرف شنو
راح يصير وشنو منتضرنه
///////////////////////////////
“”ليان””
ليان:: ليث
ليث:: ها ليان هاي انت
ليان:: اي بس انت شسوي أهنأ
ليث:: يمعوده اختنكت
ليان بضحكه:: ليش
ليث:: مو……..تعالي بعدين شنو هذا الزرق
اليخبل عليج
ليان بخجل:: شكرا……..وانت هم طالع تخبل
ليث:: مادام أنا هم طالع حلو تعالي ناخذ صوره
ليان:: لا مو……..
ليث:: لا لا ولا شي تعالي
جنت متردهه اخذ صور وخاصه ويا يعني
شنو يدور يأخذ صوره وياي طلع موبايله
من جيبه وفتح للكامره رفع الموبايل
وبينت أكثر ابتسم وأشر إلي ابتسم
ابتسمت غصب عني وأخذ الصوره بس
لا إراديا تقرب اكثر إلي حسيته صار
يتماده بحركاته ابتعدت شوي عنه
ليان:: كافي صوره وحده كافيه
ليث بتحمحم:: ها اي……..تعالي نشوف
الصوره شلون طلعت
تقربت شوي عليه وهو طلع الصوره
وصار يحشش عليها
ليث:: شوفي خشمج شكبره صاير
ضحكت ضحكه يمكن الجوه كلها
سمعتها
“بس مثل ماكلت الضحكه مدوملي””
بس فجأة اختفت ابتسامتي من صاح
ليث على أسمر الي جان واكف هو وريم
الي شايله جمانه باوعت عليه يباوع
على ليث بغضب وكأن معصب من شي
ماهتم اسمر اله وحاجته ريم ودارو ضهرهم
النه رادو يرحون يرجعون بس صاح عليه
ليث وحاول هاي المره يستفزه اكثر
اجه اسمر بحركه سريعه ضربه بوجه
حسيت اتكسر تكسر بس كلشي مابي
لزم خشمه ورجع ليوره اجه عليه اسمر
وقبض على أيدي بقوه حسيتها انخلعت
من مكانها بسببه مشاني ويا وكأن راح
ندخل من الباب الاساسي
صاح عليه ليث وچان مايحجي چان يهدد
تهديد علني ماهتم اسمر وهو يمشي ولازم
ايدي ممشيني وياه صاح على ريم حتى
تدخل وماضل برا
واحنه
دخلنا من المطبخ
وسئل اسمر ميامين على عمه زهور وهو
على قبضه ايده
اسمر:: خويه ميامين وين ام احمد اريدها
بشغله
ميامين:: ها عمه زهور يم النسوان أتريد
اصيحه الك
اسمر:: اي والله اذا ماتصير زحمه عليج
صيحيها الي
هزت راسها وراحت دخلت الصاله بقينه
اني وياه وحدنه بالمطبخ حركت ايدي
اريد افلتها منه بس صاح بيه
اسمر:: وتاللييي وياججج
ليان:: اسمر ايدي هدها كاافييي
اسمر:: هسه أنا اشوفج الكافي على اصوله
عفته ماحاجيته واني اتلفت اشوف بلكي
الكه حمزه بس ماكو لا هو ولا عمر شويه
وجتي عمه زهور باوعت على أسمر
باستغراب وحجت
عمه زهور:: ها يمه اسمر رايدني
اسمر:: اي والله يا أم أحمد اريدج بخدمه
صغيره
عمه زهور:: كول يمه احجيلي
اسمر وهو يباوع على ليان:: تكدرين
تفرغيلي وحده من الغرفه اريد احجي
ويا ليان بوحدنه
عمه زهور بضحكه:: اي يايمه ادلل تانيني
خمس دقايق واجيك
راحت عمه زهور واني ضليت صافنه على
أسمر ومستغربه منه حجيت ويا بهدوء
ليان:: شنسوي بالغرفه احجي التريده أهنأ
اسمر:: بله اكرمينه بسكوتج
باوعتله صفح ودرت وجهي منه واني
افكر بيني وبين نفسي هذا شبي وشنو
يريد يحجي وليش مايحجي أهنأ والا
بالغرفه كومه افكار براسي بس ماكو الي
يجاوب عليهن جتي عمه زهور وهي تضحك
عمه زهور:: يمه روح على غرفه عمك
احسن واني بلغت البنات مايدخلن……
وها من تدخل سلم مو تسحب مريتك
وتختفي
هز رأسه وسحبني ويا صرت احس نفسي
تمثال ويمشيني على مزاجه
دخلنا الصاله
جانت هواي اكو نسوان وبنات شابات
من عمري باوعت على امي الكاعده
تباوعلي بستغراب وكان تكلي شسوين
ويا
دنك راسه اسمر واردف بصوت
اسمر:: السلام عليكم
النسوان:: وعليكم السلام
مشه الغرفه واني ورا دخلني الغرفه
وقفل الباب باوع عليه وكال
اسمر:: اي ست ليان
ليان بهدوء:: نعم
اسمر:: شعندججج يم ليثث هاا وحدكممم
ليان:: ما يحق إلك تحاسبني
أسمر بضحكه وهو يتقرب:: مايحق إلي لعد
منو يحق اله يحاسبج
ليان:: عندي إخوان وأبو وأم همه يحاسبوني
أسمر:: وعندج زوج هم شنو نسيتي أنتِ
بعدج على ذمتي
ضحكت بوجهه ضحكه استهزاء
ليان:: بس ايام قليله اصبر وحمزه راح
يطلكني منك واخلص منك
اسمر::: هههههههههههههه
ليان:: أكو شي يضحك
صار يتقرب عليه وإني صرت ارجع
اليورا من الخوف الطشت بالحايط
وهو قرب عليه نزل نفسه المستواي
وصار وجه بوجهي درت وجهي على
صفحه ماريد اباوع عليه بس هو قرب
نفسه أكثر وهمس باذاني
أسمر:: طلاق ماطلق وشتريدون تسوون سووو
درت وجهي اله ونرسمت ابتسامه على
وجهي بس حركت شفايفي وأريد أرد عليه
بحركه سريعه رفع ايده خلاها على شفايفي مانعني من الحجي تقرب أكثر ورجع همس
أسمر:: لا بكيفج ولا بكيف حمزه تبقين
مرتي وتبقين على ذمتي وغير هذا الكلام
ماراح تسمعين أبدا
رفعت أيدي على ايده نزلت ايده وأريد
احجي بي فجأة اندك الباب بقوه واجانه
صوت حمزه
حمزه:: أسمر افتح الباب
ضحك أسمر وكأن يعرف راح يجي حمزه
راح فتح الباب اله دخل حمزه بسرعه
واجت عينه بعيني كبل طفر على أسمر
لزمه من ياخته وصاح بي
حمزه:: شسويييي يممم لياااننن
أسمر بابتسامه:: يم مرتي أنا
حمزه:: تنسه عدك مره يمي افتهمتتت……
تعالي ليانن
صاح بيه مشيت بخطوات بطيئة كلبي
يدك من الخوف عاف أسمر وتقرب عليه
لزمني من اكتافي وهو يحاجيني
حمزه:: ليان بيج شي سوالج شي
هزيت براسي بمعنى لا واني عيوني ثابته
على أسمر الي جان يباوع عليه ويضحك
حمزه:: امشي نرجع البيت كافي خلصت الحفله
باوعت على حمزه جان يريد احجي وارفض
بس صار العكس هزيت راسي واني احجي
ليان:: أي رجعني ماريد اضل اهنا
حمزه:: اي اي هسه ارجعج………ام احمدد ام احمدددد
صاح على عمه زهور تجي واني عيني
مثبتتها على أسمر باوع عليه نضره اخيره
ونزل راسه وطلع من الغرفه رجعت عيني
على حمزه شويه ودخلت عمه زهور
عمه زهور:: ها حمزه اسمر كالي صحت عليه ماسمعتك
حمزه:: ام احمد الله يخليج بس شال شي
اخلي على شعر ليان
عمه زهور بتسائل:: ليش يمه شسوي بشال
وهيه يم البنات
حمزه:: مو تعبت وما ترتاح الا ترجع بعد……….وزحمه شباب برا لازم تغطي شعرها
عمه زهور:: افتهمتك يمه
همه يحجون واني بس صافنه عليهم
راحت عمه زهور على الكنتور وطلعت
شال انطته الحمزه اخذه حمزه ولبسني
يا شلون ماجان باوع عليه وابتسم
حمزه:: شحلاتج طلعتي
لا اراديآ انرسمت ابتسامه على وجهي
تقرب عليه وباسني براسي ولزمني من
أيدي ممشيني ويا طلعنه من الغرفه جانت
النسوان بعدها موجوده حسيت الأنظار
كلها تحولت عليه وصار صوت همس
ماهتميت الهن وضليت ماشيه وي حمزه إلي
جان مدنك راسه ويمشي طلعنه برأ جانت
هواي أكو زلم كبار وصغار دنكت راسي
ومشيت وي حمزه بس سرعان مارفعت
راسي واجت عيني على ليث إلي جان
واكف ويمه كم شخص ويحجي وياهم
وهو يمسح بخشمه نزلت راسي عنهم
وبقيت على مشيتي طلعنه من الباب
وفتح السياره حمزه صعدني ولوف
هو هم صعد ومشينه البيت
دخلنا البيت ماحاجيت حمزه وكبل صعدت
الغرفتي اخذت ملابس ودخلت الحمام ذبيت فستاني وسبحت…….. طلعت شسورت شعري وتمددت على الجربايه وضلت الافكار تاخذني وتردني بس بعدين تذكرت ماجايبه تلفوني
كمت وطلعت ومن الغرفه رحت على غرفه
حمزه دكيت الباب وسمحلي ادخل دخلت
وكبل بدون مقدمات كتله
ليان:: حمزه انطيني تلفونك
باوع عليه مستغرب
حمزه:: شسوين بي
ليان:: بس ادك على ريم لأن نسيت تلفوني
ماهتم شال تلفونه وفتحه وقدمه إلي
اخذته منه وطلعت رحت الغرفتي خليت
رقم ريم ودكيت عليها شويه يلا ردت
ريم:: ألو منو
ليان:: ريم هاي إني ليان
ريم:: ها ولج رايحه وناسيه جنطتج
قبل شويه شفتها
ليان:: أي والله ومن خطر بالي التلفون
يله تذكرت
ريم:: على طاري التلفون أريد اكلج شي
استغربت ريم شنو تريد تكول
ليان:: احجي
ريم:: قبل شويه من دخلت الغرفه أمل
لكيت ياسمين ماعرف أن كانت فاتحته
أو لا بس لكيتها لازمه تلفونج
ليان:: لحضه ياسمين شنو جايبها… وشوكت
جايه شو ماشفتها
ريم:: أي همه جوي بعدين مو من أول
الحفله ويجوز بسبب الصار ماشفتيها
ليان:: ها دزيلي التلفون
ريم:: هسه اسمر راح يرجع البيت وادزه
بيده بس ماراح أدز الملابس زحمه
ليان:: لا عادي ابقه اتانيج لمه تجين
ريم:: دسكتي شتانين إني اضل أليوم يم
أمل وعمه صابرين هم رجعت البيت
ونسيت انطيها التلفون…. راح ادزه
بيد اسمر خوش
ليان:: خوش راح أخلي حمزه يطلع إله
إني ماطلع
ريم:: اهمداج…… صدك قبل ماسدين الخط
من رقم منو جاي تحاجيني
ليان:: احم حمزه
ريم:: عزااا بعينجججج برقم حمزهه
ليان:: ديله هسه شنو
ريم:: أول ماسدين الخط المكالمه تحذفيها
ليان بضحكه:: تره أخوي ميحط عينه على
بنات عمه وهاا نوب شنو مزوجه وبطنها
واصله الخشمها
ريم:: ولي ليان
ليان:: وليت هههههه
ضحكت على سوالفها شكد تخاف سديت
الخط ومثل ماكالت حذفت المكالمه
ورجعت على حمزه انطيته التلفون
واني اكله
ليان:: شسمه حمزه
حمزه بابتسامه:: ها شسمه
ليان:: اسمر راح يجيب تلفوني لأن نسيته
كبل خزرني كلت هاي هيه راح يخليني
ويكتلني بس صاح بوجهي
حمزه:: شنوووو انتي وهذا اهمالج أنا
مو اكلجج تلفونجج مستحيل ينسي
بمكانن
ليان:: شبيك حمزه هسه نسيته شسالفه
حمزه:: ولججج شنوو تعرفين ليش نسيتي
لانج مهمله
ليان:: بس….
حمزه:: ليان برأ اطلعي
درت وجهي وطلعت رحت الغرفتي ضليت
كاعده باربع ساعه ضجت ونزلت جوه
لكيت أمي جايه ضليت كاعده بالصاله
بالنص ساعه واني كاعده على التلفزيون
جان يدك الجرس كمزت بسرعه وصحت
على حمزه
ليان:: حمزههههه وينكك حمزهههه
حمزه بصوت عالي:: صوتجججججج
خرست وماطلعت كلمه مني بعد أبدا
نزل هوه وكبل راح طلع ماطلعت وره
ضليت على كعدتي بالصاله شوي ودخل
انطاني التلفون وهو ينبه بيه
حمزه:: آخر مره ياليان إذا صار ونسيتي
مره ثانيه تحلمين أرجعه الج
اخذته وسكتت ماعرف شنو أرد عليه
طبعا حقه شون انسه تلفوني وهو بي
صوري
مرن كم يوم عن خطوبه أمل جنت
كاعده بالغرفه واكلب بتلفوني بس
فجأة اندز إلي صور من رقم غريب
دخلت المحادثه أيدي ترجف ونصدمت
من إلي شفته جانن صور من جهازي
بملابس مدلعه وجسمي بارز بيهن
وحتى صور الخطوبه أمل بالفستان مالتي
وكاتب جوه الصور
_ها يحلوه انشرهن لو تسوين لاريده
إيدي محتلتها الرجفه كلبي انقبض
ماعرف شنو اتصرف ولا اعرف شنو
اكول بس كتبت إله
_من…و أنت
_معجب بيج يحلوه
لا اراديا راحت أيدي على الاتصال
اتصلت عليه ماكو ماجاوب عليه
رفضت الاتصال ولكيته حاضرني بلاساس
_منو هذا
_شيريد مني
خفت احجي الحمزه لا يفكرني غير
شي وتطلع نوب وحده من البنات
تشاقه ماهتميت من خطر هيج على
بالي لأن مره مرتين سوتها ريم بيه
هم كالعاده الخبله تشاقه
وهيج مر سبوع كامل على ذيج الرساله
والرقم بعده حاضرني مانفك الحضر
واني أصلا ماهتميت ولا فكرت “بالعواقب”
نزلت جوه المطبخ بس انتبهت على
عمر إلي جان كاعد بالحديقه ويدخن
مشيت على كيفي إله وكعدت يمه
باوع عليه ودار وجه مني استغربت
هذا شبي
ليان:: شبيك عيني خيووو
عمر:: بله ماتروحين تدخلين جوا شطلعج
ليان بضحكه:: شنو أبوي مسجل الحديقة
باسمك واحنه مانعرف
ماجاوبني وفعلاً حسيت بي ضايج من
شي كمت وكعدت قريب عليه باوع عليه
وبقه صافن بوجهي واني اباوعله واريده
يحجيلي
ليان:: شبيك عمر
عمر بقهر:: اريدها
ليان بصيحه:: شنوووووووو
عمر:: صوتججج
ليان:: شنو شنو منو تريد عمر منو تريد
عمر:: لتخليني اتندم كلتها الج
ليان:: بس فهمني فهمني منو تريد ها
عمر:: رهف اريدها لرهف
ليان:: رهففف ماتريدككك ياخي افتهممم ماتريدككك شنو هيه اجبارييي
كام وصاح بوجهي
عمر:: اييي اجباريييي اريدهااا يعني اريدهااا
ماحجيت شي مشيت الداخل بس قبل
ماادخل صحت عليه بصوت عالي
ليان:: شنووو عمرر تريد رهف تسوي بيك
مثل ماسوه بيه اسمر
باوع عليه وفتح عيونه على وسعهن
مصدوم اني احجي هيج بس بحركه
سريعه دنك نزع نعا** تكرمون وشمره
عليه بس ماجه بيه ومادخلت كملت حجيي
ليان بضحكه:: بس هااا أكو فرقق بينها
وبين اسمر بهواي
باوع عليه وضل صافن وكان ايكلي كملي
ليان:: أي باوع خلي أكمل… اسمر يكدر
يزوج ومن ازوج رجع جاب بنته وراد
اربيها إله بنهايه اضل مره أبو اني
بس…….. رهف لو عافتك شلون راح
تزوج وها إذا تزوجت اتجيبلك ابنها
وتكلك تعال ربي ابن زوجي
عمر:: لا ياحيوانهههه تعاليييي
بدون مالتفت اله طكيتها ركضه الغرفه مالتي…………..
////////////////////////
“”ريم””
سبوعين مرن على خطوبه أمل
اني مابقه شي وادخل بشهري
بس بعدني يم أهلي امي شكت
أكو شي صاير وحتى اسمر يسئلني
شعجب مايجي إلياس عليج اما إبويه
فاهوه بعالم ثاني
أمجد مانعرف عليه شي عود فتره
قصيره يجي علينه وهم يرجع يسافر
لاحضت بهل أيام اسمر صار يهتم الجمانه
وصار دائما يسئل عليها بس بنفس الوقت
يسئلني على ليان _ليان شلونهه__هم
تحجين وياها_ ويوميه نفس السؤال
حاولت اسمر أكثر من مره يحجي وي حمزه
علمود ليان ترجع بس حمزه جان قافل وحتى مايسمع منه حسيت اسمر بلش يتعلق باليان ماعرف جان احساس لا أكثر
اما ليان جانت مثل الاطرش بالزفه
كل شي ماجانت تعرف
إلياس يدك عليه ويحاول يتواصل
وياي بس مارد عليه عمه اقبال أكثر من
مره اجتي علينه ورادت ارجع بس ماقبلت
وجان جوابي “” أريد اضل يم جمانه مايمها أحد””
جنت كاعده بصاله ويمي جمانه إلي
صايره تكركر وتضحك واحنه ميتين
عليها كالساعه جاي واحد فوك راسها
ويحاجيها
دخل اسمر من برا ضحك وتقرب على
جمانه شالها على كيفه وضل يبوس
بخدوها ويشم بعطرها
ريم:: اسم……….
ردت احجي بس دك تلفوني رفعته
شفتها ليان دتتصل عليه
باوعت على اسمر جان يباوع عليه
ريم:: ليان جاي تتصل
اسمر بهدوء:: ردي عليها
هزيت راسي وفتحت خط عليها بس
فتحت سبيكر هم متعمده
ليان:: هااا ولججج
ريم بضحكه:: العالم تسلم أول شي
ليان:: وهوه السلام شنو يوميه
ريم:: لا يابه بلاسبوع كافي سلام واحد
ليان::: ههههههههههعععععع
ريم:: خرب حضج مو ضحكه ضيم
ليان:: عوفي الضيم وووين جمانه
مامشوفتها إلي صار يومين
باوعت على اسمر إلي جان مركز بصوت
ليان اشرتله بيدي يلا انتبه إلي تقدم
عليه ونطاني جمانه خليتها بحضني
ووخر هو فتحت كامره ودرتها على
جمانه وهيه ضلت تحجي وتضحك وياها
ليان:: يمه يمه البنات
_لج جمانه حبيبتي
_اغوو اغوو
_جمانه اضحكي
_هههه ولججج ريممم شوفيها ضحكت إلي
ريم:: امداج أي والله ترا من زمان تضحك
ليان:: يمه يمه اني بعد ماتحمل جيبيها إلي
ريم:: احمم تعالي أنتِ الها
ليان وهي تحاول تغير السالفه:: اكلج ريم
هم متصله على امل
ريم:: لا ليش
ليان:: ها لعد اروح اتصل عليها
يله مع السلامة بوسيلي جمانه
خلت وسدته نزلت الموبايل من أيدي
وباوعت على اسمر
ريم:: ها…..
اسمر:: شو جيبيها
تقدم عليه وأخذ جمانه من حضني
وصعد فوك ضليت كاعده بصاله واكلب
بموبايلي وره ربع ساعه دك جهازي باوعت
ليان تفاجئت قبل شويه جنه نحجي
شعجب رجعت اتصلت فتحت خط
وخليته على اذني ونصدمت منها
ليان ببجي:: ريم ريم وكعت
بمصبيهههه…………….
يتبععععع………………
///////////////////////////
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.