رواية بنات المنشاوي الجزء الثالث – الفصل الواحد والعشرون
بارت ٢١
كل عام وانتم جميعا بألف خير وسعادة ❤️
بقلم خلود وائل 🌻
زين : 😵😵😵😵😵😵😵😵
جابر : يألف نهار ابيض واحنا نطول ياابو ريان دة انت بس تشاور وأني اچيبها لحد القصر ودلوك كمان
فارس : تعيش ياجابر
جابر بحيرة : بس أني يعني كنت مفكر أنك چاي تطلبها لولدك ريان
فارس وهو تحت انظار ابنائه الثلاثه : ريان وزين واحد وبتك چوة عنينا بس ريان ولدي متكلم علي بت سعد السلانتي ولسانا مستنيين الرد
جابر بفرحه عارمه : وة وة دة يوم الفرح والسرور ربنا يفرحك بيهم اكدة الفرحه بچت فرحتين
فارس : شاور بتك ياجابر واهل بيتك وابعتلي مرسال خلينا نتفچ علي كل لوازم الخطبه
جابر : وة اشاور مين وهي فضه هتلاقي زي زين ولدك فين اتكل علي الله ياابو ريان وبلغني بس بمعاد الفرح ومليكش صالح بأيوتها حاچه
فارس بأبتسامه : تسلم ياولد الأكابر بس دى اصول ولابد منيها
استمرت الجلسه لمدة لابأس بها وكان ريان لايصدق مايحدث امامه وقلبه يتراقص علي انغام الفرحه علي عكس شقيقه زين الذي تبدلت ملامحه للحزن والتيه وبعد فترة غادرو عائدين للقصر وفي نهايه اليوم كان يجلس زين بغرفته التي احتجز بها نفسه منذ ان عاد من منزل جابر
⚡⚡⚡⚡⚡⚡⚡
زين بعصبيه : ادخل
دلف ريان وبرفقته دعاء واغلقو الباب خلفهم ثم اتجهو نحو زين وجلسو برفقته
دعاء وهي تربت على كتف زين بحنو : من ساعه مارچعت وانت چاعد اهنيه ومهملني
زين بضيق : مخنوق شويه يما
ريان : مخنوق كيف ياعريس
نهض زين من مكانه ثم هتف بعصبيه : عريس ايه وليه دى عمله تعملوها معاي بچي عشان تخلع انت تچوم تلبسهالي أني
ريان بصدق : والله مكنت اعرف ولا اصدق اصلا ان ابوك يعمل اكدة
زين : صدقتك أني اياك
دعاء : ياولدي اخوك اتفاچئ زيه زيك بالظبط
زين : واني ذنبي ايه اكون كبش الفدا هو عياخد ال حبها واختارها واني تلبسوني لواحدة بعمري مشفتها ومعملتوش حساب اني ممكن اكون عحب واحدة تانيه
ريان : عتحب حد تاني ياخوي
زين بمرار : لاه بس من حقي اختار كيف ماانت اختارت او علي الاقل كنتو تدوني علم قبليها مش رايحين تورطوني كيف العيل اللصغير
دعاء : ياولدي احنا مكناش نعرف ابوك فاجئنا كلياتنا
زين وهو يرتمي علي كرسي : واديكم عرفتم چايين ليه دلوك
دعاء : وة متضايق من قعدتنا معاك !
زين : لاه يما انتو تأنسو وتشرفو بس اني رايد اقعد لحالي هبابه
نظرت دعاء لريان بحزن ثم غادرو الغرفه وتركو زين كيفما اراد وبعد قليل كانت دعاء تجلس برفقه فارس بغرفتهم
دعاء : ايه ال عملته النهاردة دة
فارس وهو يعتدل بجلسته نحوها ويوليها اهتمامه : عملت إيه !
دعاء : خطبت فضه لزين
فارس : وة مش كنتي عتتحايلي علي أني مخطبهاش لريان
دعاء : ايوة حوصل بس مش تقوم تورط زين فيها يافارس
تنهد فارس بتعب ثم رمقها بحنو مردفا : صعب عليا
دعاء بعدم فهم : تقصد مين عاد
فارس : ريان ولدي لما كنا حدا جابر اليوم كان قاعد كيف المسچون ال مستني يتنفذ فيه حكم الاعدام وبلحظه ماكنت بطلب يد فضه من ابوها مر قدامي ايام ماكنتي بعيدة عني ومتداريه بالبندر وابوي چبرني اتچوز غيرك وأني رفضت وحسيت حالي ظالم بساعتها وفكرت بمستقبل ولدي كيف هيكون مع واحدة انچبر عليها وقبل ماادوس علي قلبي وانطق اسمه اتذكرت كريم يوم دفنه ابتسام وكلامه ال يقطع القلب فلقيت حالي بنطق اسم زين بدل ريان وربك والحق أني حاسس ان ال حوصل مع نغم دة كان اشارة من ربنا سبحانه وتعالى علشان يخليني اشوف سعد بعد السنين دى كلياتها ويبقاله چميله في رقبتي
دعاء بتأثر وهي تربت علي كفي فارس بحنو : ربنا كبير چوي يافارس ومردش دعواتي ال ياما سهرت اصلي وادعيله بيها
فارس : ربنا عالم ومطلع أني رايد مصلحه ولادي
دعاء : بس دلوك زين زعلان منيك
فارس بتنهيدة : بكرة يعرف اني كان قصدي خير ولما يتچوزها ويعيش متهني عيدعيلي كل يوم
دعاء بأبتسامه : ربنا يديمك لينا ياغالي ومينحرمو منيك واصل
_________________________
بغرفه نغم كانت تهاتف هايا 📱📱
نغم : اعمل ايه بس قدر ربنا ولطف
هايا : طب هتيجي امتي
نغم : مش عارف قدامي اسبوع علي ما افك الغرزتين دول واققدر ادوس علي رجلي كويس
هايا : طب محاضرات الجامعه يابنتي مين هيجبهالك
نغم : انا عملت حسابي اول ماارجع في كورس لسنه اولي صيدله هقدم فيه وهعوض كل ال فاتني ومعادة هيبتدي كمان ١٠ ايام اكون بقيت كويسه
هايا : الله اكبر عليكي مبتضيعيش وقت
نغم : طبعا احنا هنهزر ولا ايه انا بس عوزاكي تشوفيلي عيادة ليزر حلوة كدة اعمل فيها جلسات تجميل لمكان الغرز علشان حرفيا بكرة نفسي لما بشوفها
هايا : حاضر هسألك من عيوني
نغم : يسلمولي وبالمرة امرمط حموزة معايا في المشاوير دى
هايا : انتي دماغك مهلبيه اقسم بالله
نغم : وحشني اوي ووحشتني رزالته الا هو فين مسألش عليا ليه
هايا : اسكتي دة كان عليه ابتسامه من الودن للودن لما عرف انك اتخبطي
نغم بعبوث : بقي كدة
هايا : وقالي مين القادر ال عمل في الجبروت دى كدة
نغم : طب والله لبهدله اخر بهدله ابن آيه وسيف دة بس اما اجيله
هايا : الطيب احسن
نغم: بلا طيب بلا بتنجان اققفلي فورتي دمي كغايه عليا اخواتي هنا
هايا : شكلي كدة بهدلت الدنيا ألحق اطير انا
نغم : يستحسن بردو سلام
هايا بقهقهه : بتموتي فيا سلامااات
اغلقت نغم الخط وهي تتوعد لحمزة بالكثير لدي عودتها اما بمنزل جابر اللاوندي فعمت اجواء الفرحه لدي اخباره لأسرته بطلب فارس ورغبه زبن ابنه بخطبه فضه ابنته وبعد فترة كانت فضه تجلس بغرفتها برفقه خادمتها التي تقوم بطي ملابسها
فضه بسعادة عارمه : أني ممصدقاش حالي يابت يا وزة بقي زين ولد المنشاوي عيخطبني أني لاه أني بايني بحلم اققرصيني يابت
وزة بتبرم: ومالك ياست البنته انتي زينه بنات المركز بحاله هو ياچي فيكي ايه عاد
فضه : انكتمي يابت انتي مخبراش زين دة كيف يكون دة بدر في ليله التمام طول بعرض زين الشباب صوح
وزة وهي تلوي شفتيها : ملهاش عازة الفرحه دى كلياتها ياست فضه دة في الأول والأخر مغصوب عليكي
فضه بتعجب : وة ايه الحديت الماسخ دة ياوزة
وزة وهي تلقي قطعه مطويه من الملابس بجوارها وتمسك بالأخري تطويها : ياست البنته فارس بيه كان رايدك لولدة ريان الكبير بس ولدة مرضييش بيكي وفضل عليكي ال متنسمي بت السلانتيه دى قوم ايه سي فارس غصب ولدة زين عليكي وانتي اكمنك طيبه وعلي نياتك طايرة من الفرحه ومخبراش حاچه
فضه بصدمه : ال عتچوليه دة صوح يابت ياوزة
وزة وهي تلوي شفتيها : مسسسم صوح الصوح ياست البنته أني يعني هكدب عليكي في حاچه ذي دى أني بس قصدي اوعيكي
فضه وهي تنهض من مكانها بضيق : أني نازله لأبوي اچوله يرفض زين دة أني يااتحط فوق الراس ويتمني ينولني ياأما بلاه الچواز من اصله
وزة وهي تنهض وتتجه نحوها سريعا وتمنعها من مغادرة الغرفه : استني بس ياست فضه الأمور دى متنحلش اكدة
فضه وهي ترفع حاجبها : امال تنحل كيف وبعدين چوليلي انتي عرفتي الحديت دة كيف
وزة : واحدة من الخدم حداهم اسمها سنيه تبقي بت خالتي هي ال خابرة الحديت دة من اوله اصل الموال دة اديله شهور معدة وكمان لساهم لحد دلوك مراحوش اتقدمو لبت سعد دى
فضه بغيظ : بچي ريان يرفضني وكمان زين مغصوب عليا طب والله لربيهم كلياتهم واعرفهم مين هي فضه
وزة : ستهم وتاچ راسهم كلهم انتي لازمن تدخلي قصر المنشاوي من اوسع ابوابه وتعرفي الكل قيمته وبالأخص ال متنسمي ال فضلها عليكي دى
فضه بغليان داخلي : غلطه عمرك ياريان انك هملتني بس ملحوقه ولازمن متتهناش بيها ودة وعد عليا ودين
______________________________
في اليوم التالي بسرايا السلانتي كانت تجلس نعمه برفقه سعد بالحديقه وهو يتناول قهوته فهتفت هي : الا بصحيح يا سعد هي الست ام نغم دى تبچي أخت المرحومه مرام
سعد بأنتباه لحديثها : عتسألي ليه يانعمه
نعمه بتردد : يعني … أصل لما شفتها اتذكرت مرام تشبهلها چوي مع انها كبرت شويه بس لساها بنفس حلاوة مرام
سعد مبتسما : عنيا معتشوفش غيرك يانعمه ربنا عليا اتطمني
نعمه : وة أني چولت حاچه لاسمح الله
سعد : اهييه من غير ماتچولي أني خابرك زين
انضمت الخادمه لهم وهتفت بأدب : في راچل بيچول اسمه فارس المنشاوي رايد يچابلك ياچناب البيه
نظر سعد ونعمه لبعضهم ثم اردف : قدميله الواچب وأني چاي طوالي
غادرت الخادمه بينما هتفت نعمه بقلق : وة چاي ليه دة يكونش مفكر ان ولدي ال خبط بته !
سعد وهو يطمئنها : دلوك نعرف متخافيش عاد
نعمه : استر يارب
دلف سعد بهيبته للصالون الفاره حيث يجلس فارس ورحب به بحفاوة ثم جلسو سويا
سعد : أخر مرة نورتني بزيارتك اهنيه كانت وانت چاي تبارك لمرام علي خبر حملها
فارس : الله يرحمها برحمته قبل ماتموت وصتني عليك
سعد : خابر .. بس انت معملتش بالوصيه
فارس وهو بعقد حاجبيه: حط حالك موطرحي
سعد بتوتر طفيف : اختك كانت غاليه علي قلبي چوي وربنا وحدة يعلم ولما ماتت مبقيتش قادر اصدق ولما شفت مرتك اتوهمت انها مرام وحصل ال حوصل ومن قبل سابق وأني استسمحتك بس اعمل ايه عاد انت واخد من الحاچ حسان الله يرحمه كتييير
فارس : العرق يمد لسابع چد بردك
سعد : كيفها الست نغم دلوك
فارس : نحمد ربنا بقت عال العال
سعد : ربنا يباركلك فيها سمعت انها بقت دكتورة
فارس : ايوة دكتورة صيدلانيه عقبال بتك
سعد : ابرار بتي في تچارة أخر سنه
فارس : مشاء الله كيفها دلوك اققصد يعني كانت اليوم اياه قلقانه علي اخوها چوي
سعد : ابرار حساسه حبتين وروحها في اخوها بس بقت زينه اتطمن
فارس : يزيدني اطمئنان لما تبقي واحدة من اهل بيتي
سعد بدهشة : عتچول ايه !
فارس : عچول أني چاي النهاردة اخطبها لولدي ريان
سعد : ابرار !
فارس : عنديك بنات غيرها ولا إيه
سعد : لاه بس
فارس وهو ينهض من مجلسه : الچواز قسمه ونصيب وأني طلبت وانت بيدك توافق او ترفض علي كيفك ومفيهاش زعل وبلغ چماعتك أني خابر انهم كانو يعزو خيتي چوي
سعد وهو يقف بمحاذاته مردفا : دة كان زمان يافارس ام ماجد طيبه چوي وال عملته مع مرام كان طيش شباب
فارس : بلغني رأيك عن قريب انت خابر أني معحبش الأنتظار بالأذن
القي كلماته وغادر بشموخ تاركا سعد غارق بالمفاجئه ولا يستوعب بعد طلب فارس ثم عاد لزوجته واخبرها بما حدث منذ قليل فهتفت بدهشه : وة ابرار مرة واحدة
سعد : امال يعني متقسمه
نعمه : بربك ياسعد مطلباش هزار معاي
سعد : اني مبهزرش عاد اني عفكر واشور عليكي
نعمه : رايد توافق ولا ايه
سعد بتفكير : لساني عفكر وبعدين انتي شكلك مموفقاش ولا ايه
نعمه : واوافق ليه ونوصل ال انقطع وارتاحنا منيه زمان
سعد بحدة خفيفه : نعماااه
نعمه : وة لساك عتحبها وهي ميته !
سعد : الميت له حرمته ومتنسيش انها كانت مرتي ولعلمك چوازة ابرار دي لمصلحتك انتي
نعمه : كيف يعني
سعد : هتكوني مطمنه عليها انها وسط ناس يعرفو ربنا وچوزها راچل ولد اصول
نعمه بأذعان : انت خلاص خليته چوزها
سعد : بلغي بتك وخبريني ردها
نعمه : سعد انت طوالي وافقت
سعد : قلتلك عفكر عفكر
نعمه وهي تزفر بضيق : ماشي ياابو ماجد فكر علي راحتك
________________________________
ابرار بدهشه : ريان يما !!!
نعمه : انتي تعرفيه ياابرار
ابرار بتلعثم : لاه اني يعني شفته اليوم اياه بس اعرف زين اخوة هو زميلي بالچامعه
نعمه : چولي انك مموفقاش وخلصيني خليني ابلغ ابوك
ابرار بحزن : مموفقاش ليه يما دة نسب زين چوي
نعمه : بت انتي متوافقيش وخلاص
ابرار : بس اني فرحانه يما دة زين دة محترم چوي واخوة زيه بالظبط
نعمه وهي تمسكها من كتفها : وايه ال عرفك انه زيه بالظبط
ابرار بتوتر : مهو يعني اصل شفته كام مرة اكدة وهو بيوصل اخوة وكمان بيحضرله كتير في مناسبات الچامعه أخ حنين يعني ومحترم
نعمه بتنهيدة وهي تغمض نصف عينيها : ماشي يابرار اما اشوف اخرتها معاكي انتي وابوكي
ابرار وهي تقبل خد والدتها : اخرتها فل يافله انتي
ابتسمت نعمه ثم غادرت للاسفل لتبلغ زوجها برد ابنتها بينما امسكت ابرار بالهاتف وضغطت عدة ازرار وانتظرت اجابه الطرف الآخر
زهرة : الووو
ابرار بصياح : زهرة الحقيني
زهرة : مالك يابت اتكهربتي ولا وقعتي من البلكونه علي چدور رقبتك انطقي
ابرار: قطع لسانك يابومه انتي اني زينه الحمد لله
زهرة : قطعتي نفسي منك لله عاوزة ايه انتي دلوك
ابرار : تصدقي انتي خسارة فيكي الخبر الحلو ال عندي
زهرة : چولي يختي اشتريتي شراب چديد ولا ايه
ابرار : مصاحبه بومه والله
زهرة : دكتورة يابت اني دكتورة
ابرار : امسحي الدال والكاف ويبچي دة تمامك صوح
زهرة : دك..تورة !! اني طورة يابجم
ابرار : انكتمي بچي انا فرهدت منيكي منك لله
زهرة : اخلصي يختي وطلي علي بخبرك
ابرار بسعادة عارمه : ريان طلب يدي 🤩🤩🤩🤩
زهرة : وة وة وة صوح الحديت ولا ايه
ابرار : صوح الصوح تعاليلي دلوك
زهرة : مسافه الشارع طيارة اققفلي
اغلقت زهرة الخط وهرولت سريعا لمنزل صديقتها وشاركتها يومها وبكو سويا من شدة الفرحه وبدائو بتخطيط يومها الذي لم يتحدد بعد اما عن نغم فقد مر الاسبوع وتعافت بالكامل واتي اليوم المحدد لخطبه أخواتها وحضر بالقصر جميع افراد العائله كما استأجر فارس قاعه احتفالات لتتم بها الخطبه
هايا : وحشاني هبل مكنتش اعرف انك هتسيبي فراغ جامد كدة
نغم : راجعه معاكو وهفضل قرفاكو اتطمني
هايا : حمزة ياحرام هيطب ساكت اما يعرف
نغم بهيام : بذمتك مفتكرنيش بأي حاجه وانا غايبه
هايا : بصراحه فضل يشتم فيكي كتير وانه اخيرا ارتاح منك وكدة __
نغم مقاطعه : اسكتي ياريتني مسألت
هايا : استني هقولك بس
نغم وهي تقذفها بوسادة في وجهها : اسكتي انا مني لله ان سألت تاني
هايا بقهقهه شديدة : استني هقولك والله هو بجد كان واحشه اكلك اوي وبالذات المكرونه بالبشاميل ال ريحتها بتجيب اول الشارع
التفتت لها نغم ثم اردفت بأبتسامه : تعرفي اني اتعلمت الطبيخ من وانا في اعدادي مخصوص علشانه
هايا بتريقه : ياسيدي ياسيدي
نغم : تصدقي انك غتته
هايا بمرح: اه منا عارفه حمزة مأكدلي الموضوع دة قبل كدة
قهقت نغم ثم اتجهت نحو المرحاض لتستعد للتوجه للقاعه وبعد قليل كانت بابهي طله حيث ارتدت فستان سيمبل من الستان ذو لون موف فاتح يزين صدرة بضع النقوشات الفضيه وحجاب بنفس لون الفستان ثم هبطت للاسفل وللبرهه الاولي ابتسم حمزة حينما رأها وعلت الابتسامه ثغرة بينما شعرت هي بالخجل واتجهت نحوة
نغم بابتسامه عذبه : اذيك ياحمزة
حمزة بابتسامه : بخير اذيك انتي الف سلامه عليكي
نغم : الله يسلمك
حمزة : امال هايا فين
نغم : لسه بتلبس فوق حبه وهتنزل
حمزة : بس الفستان دة حلو اوي حتي عن ال كنتي لبساه في خطوبه صاحبه هايا
نغم: علي فكرة انا ال بحليهم يعني
حمزة : اممم ياربي علي ام التواضع ال عندك يابنتي انا بقولك كدة اجبر بخاطرك يعني مش اكتر علشان محدش هيعبرك ويبصلك افهمي بقي
نغم ببرود : معلش بحاول انزل بمستوي تفكيري لمستواك
هنا ارتفع صوت صرصور الحقل قليلا وبعدها اردف حمزة : بصي بلاش اطلع جناني عليكي والليله ليله اخواتك الاتنين هااا
نغم وهي تلوي فمها : مااشي من خاف سلم بردو
حمزة : وامسحي البتاع ال علي بوقك دة اول مرة اشوف جعفر حاطط روج
نغم بضيق : دى ذبدة كاكاو ياغبي
حمزة : معلش اصل انا في امور البنات مش اد كدة فتلاقيني مبشغلش دماغي غير مع المزز الجامدين
نغم وهي تغادر من امامه بكبرياء : كويس انك واخد بالك من دماغك العطلانه
حمزة بعدما غادرت : اووف ايه البت ال مبتغلبش دي انا هسكت خالص النهاردة كفايه عليا تهزيق كدة
انطلق الجميع نحو القاعه وبداء الاحتفال المهيب الذي اشرف أنس علي تنظيمه فبدا كحفل زفاف لا خطوبه وبعد انتهاء الحوريتين ( العروستين ) من ارتداء الشبكه بدأو بألتقاط الصور التذكاريه و من ضمنهم كانت صورة لفضه وابرار يحتضنون بعضهم البعض وعلي مقربه يلتقط المصور لهم الصورة ثم انتهو وابتعدو عن بعضهم وهمت ابرار بالعودة لمكانها ليستوقفها شئ ما يجذبها حتي كادت تسقط ارضا بينما اسرعت زهرة صديقتها بامساكها تجنبا الوقوع ثم التفتت لتنظر ماذا حدث فأذا بفستانها ممزق من الخلف بشكل ملفت جعلها تستشيط غضبا وماكان السبب سوي قدم فضه التي تعمددت وضعها علي طرف الفستان
ابرار بحسرة : وة فستاني
فضه بمكر : وة ياحبيبتي مش تخلي بالك عاد
ابرار : ايه ال عملتيه دة يافضه
فضه بلؤم : أني !! مكانش قصدي ياخيتي دة انا دوست عليه واحنا عنتصورو سوا
نغم بضيق من المنظر الذي اصبحت به ابرار امام انظار الجميع : طب هتمشي كيف دلوك
فضه بشماته : خليها تقعد مطرحها لحد ماالليله تخلص ونخرچها من اهنيه في الضلمه
رمقتها ابرار بغيظ ثم اردفت : لاه ياحبيبتي مش بت السلانتي ال تخرج كيف الحراميه أني ميوقفنيش حاچه ..ثم نظرت نحو زهرة مكمله : امسكي اكدة ديل الفستان دة يازهرة
فعلت زهرة مثلما اخبرتها وسريعا قامت ابرار بفك الحزام العريض الذي يتخصر الفستان وقامت بحله وسقط معه ديل الفستان الذي كان بالأساس اكستينشن متصل بالفستان فقد انتقت فستان يمكن ارتدائه بأكثر من هيئه
ابرار : خلي الضلمه دى ليكي ياحبيبتي وانتي عتتفرچي علي الكرتون
________________________
كل عام وانتم جميعا وانا معكم إلي الله اقرب وعلي طاعته اقوي وادوم ومتنسونيش رجاءا من دعواتكو بيوم عرفه دة يوم جبر ربنا يجبر بخاطرنا كلنا يارب ❤️😻♥️ دمتم في رعايه الله وحفظه
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.