رواية بنات المنشاوي الجزء الثالث – الفصل الثاني عشر
بارت ١٢
بقلم خلود وائل 🌻
بينما كانت تختلس النظرات نحوة وهو بارد كالجليد يتناول طعامه بصمت مريب لا يليق بالجو العائلي المحيط بهم رن هاتفها ⚡⚡ وكانت المتصله احدي صديقاتها تدعي سارة فأجابتها وسريعا تبدلت ملامحها للصدمه وعدم التصديق
نغم : عتچولي ايه يامخبله انتي ابتسام مين ال ماتت !! …….لااه انتي عتكدبي دة اكيد مقلب منيكي ….. بكفياكي حلفانات ياسارة عتتشوي بيهم في نار جهنم
ثم امتلئت مقلتيها بالدموع التي تأبي النزول وعقلها لايصدق مايتبادر إليه فأغلقت الخط سريعا وفتحت تطبيق الواتس اب سريعا تهاتف صديقتها ابتسام ولكن دون رد ومرة تلو الاخري ثم انتقلت باصابعها سريعا نحو الاستوريهات الخاصه بأصدقائها فكانت الصعقات تتوالي لجسدها المرتجف عندما وجدت صور صديقتها تملئ الحالات وجملات النعي والتعازي بجوارها فصرخت : لاااا ابتسااام لاااا
سقط هاتفها من بين يديها و هرولت سريعا مغادرة القصر حافيه القدمين بعبائتها المنزليه وتبعها والدها واخوانها وجميع الرجال الحضور كل منهم استقل سيارته وانطلقو لمنزل كريم والد ابتسام ورفيق عمر فارس ( ال كان معاه في اول الروايه وشهد علي جوازة من دعاء ) ليتوقف فارس علي جانب الطريق مرغما نغم علي الركوب برفقته لتمضي الدقائق كانها دهر علي تلك المسكينه التي يهئ لها عقلها الصغير انها حين تصل ستجد ابتسام تنتظرها كعادتها وكل ماتمر به الأن هو كابوس ليس إلا بينما في القصر تعالت شهقات دعاء وهي تبدل ملابسها وترتدي مايليق بالعزاء لتلحق بابنتها وتكون لجوار أهل ابتسام في هذا التوقيت العصيب أما بالاسفل
هايا : يلا ياخالتو ورد اتأخرنا
ورد وهي ترتدي حجابها بسرعه : جيت اهوة يابنتي امال مامتك فين
هايا : ماما بتجيب خالتو دعاء ونازلين سوا وراكي علي طول
ورد بتأثر : لا حول ولا قوة الا بالله العلي العظيم الله يرحمك ياحبيبه قلبي ويصبر ابوكي وامك
هايا بحزن لامس قلبها بشدة : الله يرحمها ويغفرلها كانت لسه امبارح بتضحك وتهزر معانا ربنا يصبر قلب نغم
___
توقفت السيارة امام المنزل الذي امتلاء بأفراد العائله والاقارب والجيران بينما نغم توزع نظرها بين الجميع وبداخلها لازالت تشعر بأن هذه مزحه من صديقتها كعادتها ثم هرولت للداخل ودموعها تابي النزول متجهه لغرفه ابتسام ثم دفعت الباب مرة واحدة لتتسمر بعيناها علي صديقتها التي ارتدت كفنها الابيض وهي ممده علي السرير استعدادا للدفن ولكنها تلاشت النظر نحوها واتجهت نحو والدتها تماضر وهتفت بصوت مبحوح : ابت__ ابتسسس ___ابتسااام فين ياخالتي
تعالت صيحات بكاء تماضر : ياعمري ياعمري ال راح ياابتسااام اااه يارب
هزت نغم رأسها باستنكار ثم اردفت مرة اخري : بالله عليكي تچوليلها تچوم بلاه هزار ماسخ عاد
تماضر : ابتسام راحت وهملتني يانغم راحت مني يابتي ااااه ياعمري ياابتسام
هنا سقطت دموع نغم ثم اتجهت نحو السرير بخطوات متثاقله قدم تؤخر الأخري إلي ان استقرت امامها فنظرت لوجها المكشوف من الكفن كالبدر المضئ ثم صرخت بكل مااوتيت من قوة : ابتسااام لاااااه لااااه چومي بالله عليكي چومي لاااه يارفيقه عمري عتهمليني لمين بالله عليكي لاااه متفقچناش علي اكدة لساكي ملبستيش فستان فرحك تجومي تلبسي كفنك لااااه ياضي العين چومي الله يوفقك لااااه ابتساااام چومي اااااه ياخيتي ااااه
سقطت نغم ارضا وهي تبكي بحرقه بينما احتضنتها تماضر واخريات بالغرفه وحاولن ابعادها ولكنها امسكت بأبتسام تحتضنها وتقبلها للمرة الأخيرة….. حانت ساعه الدفن وهاهي ابتسام تستقر في مأواها الأخير ووالدها كريم يصرخ كطفل تائه من امه في وسط الغرباء وفارس يحاول تهدئته واحتضانه
كريم : اااه ياكبدي ااااه ياضي العين حقك علي والله مهزعلك تاني بس ارچعلي أرچعي لحضني تاني ياارب مليش غيرك عروسه في جنتك يارب والليله فرحها يارب تصبر قلبي علي فراق نن العين
فارس وهويحاوطه بين اضلعه ويبكي هو الأخر : بس ياكريم بكفياك عاد اكدة عتأذيها في نومتها ادعيلها ربنا يتولاها برحمته
كريم بانكسار وسط الناس : كنت انا وهي لاه يارب اني وهي لاه يارب
سيف : وحد الله ياابو هاشم اللهم لا اعتراض علي حكمه
كريم وهو يشعر بالضياع وحرقه الفؤاد: الحمد لله اللهم لااعتراض اللهم لا اعتراض حكمتك يارب
علي الجانب الأخر من جهه السيدات كانت نغم تحتضن القبر وتهمس من بين بكائها : ربك هو الله دينك هو الاسلام نبيك هو محمد .. كنت معاكي دايما في امحنات الدنيا ودلوك هدعيلك في امتحنات الاخرة يارب ارضي عنيها وصبر قلبي يارب
انتهي اليوم بأوجاعه علي الجميع او بالنسبه للبعض فمثل من يمرون بهذة المواقف لا يمكنني الوصف او حتي التعبير ككاتبه اللهم ألهم ذويهم الصبر والسلوان ..عادت نغم للقصر في وقت متأخر من الليل وكان الجميع بأنتظارها دلفت للبهو الكبير برفقه والدتها تسير بخطوات متثاقله منهزمه اكاد اجزم انها اوشكت علي الزحف ارضا لولا مساندة والدتها لها
فارس وهو يقف متجها نحو ابنته والحزن يكسو ملامحه : تعالي يابتي ارتاحي اهنيه
لم تبالي نغم واكملت طريقها نحو السلم بانهزام
ورد بحزن : سيبها الوقتي يافارس
هايا : انا هطلعلها فوق يامامي
آيه : استني انا جايه معاكي
صعدت ورد برفقه آيه وابنتها وجلسو سويا برفقه دعاء ونغم بغرفتها يحاولون التخفيف عنها ولكن دون فائدة فهاهي تصرخ تارة وتبكي تارة أخري وبالنهايه تملكت منها نوبه تشنجات لم تعهدها من قبل انتهت بفقدانها الوعي لدقائق وظلت علي وتيره بكائها حتي صباح اليوم التالي
******في غرفه سيف وآيه*****
سيف : نغم عامله ايه الوقتي ؟
آيه بحزن : وحشه اوي ياحبيبه قلبي مش مبطله عياط طول الليل
سيف : كتر خيرها ياآيه ابتسام صاحبه عمرها وفراقها حاجه مش سهله عليها
آيه : فراقها صعب علينا كلنا ياحبيبي مش بس علي نغم ربنا يصبر كريم وتماضر يارب
سيف وهو يرمقها بأهتمام : منظر كريم قدام القبر كان يقطع القلب انا اتوجعت عليه اكتر مااتوجعت علي موت بنته الله يرحمها
آيه : ربنا ميكتبها علينا ولا علي اي حد ياحبييي
سيف : يارب
*********في غرفه عاصم ********
عاصم : نغم بقت كويسه الوقتي ؟
ورد بحزن : نغم اتبهدلت اوي امبارح ياحبيبه قلبي
عاصم : كتر خيرها البنت كانت ذي اختها بالظبط
ورد : نغم دبلت وانطفت ياقلبي عليها من امبارح الصبح وعنيها مبطلتش تعيط
عاصم : قلبي وجعني علي نغم وابتسام الله يرحمها وبالأخص كريم
ورد : ربنا يصبرة يارب
عاصم : كان بيقولها مش هزعلك تاني بس ارجعي لحضني تاني حقيقي حسسني بالندم علي كل دقيقه عدت من عمري وانا بعيد عنك انتي ومحمد ومنال العمر لحظه وبينتهي والندم علي ال فات منه ذي عدمه
ورد : كل اب وام اهملو وقصرو في حق عيالهم وبخلو عليهم بالحنيه هما ال هيتوجعو عليهم قوي وهيندمو لكن انت ياحبييي ربنا مايكتبها عليك طول عمرك حنين علينا كلنا
عاصم : ولو اعملي حسابك لما نرجع هحجز اسيوع في اي مكان وهنسافر كلنا نقضي وقت حلو مع بعض الله اعلم بكرة مخبي ايه
ورد : صلي علي النبي ياعاصم مالك كدة
عاصم :عاوز اسعدكم بأي شكل ربنا ما يحرمني منكم يانور عيني
*******في غرفه حمزة *******
دلفت هايا لغرفه أنس بعدما طرقت الباب وسمح لها حمزة بالدخول
حمزة : ادخل
اتجهت نحوة بتعب وجلس بجوارة علي الاريكه ثم رمقته بغضب : انت قاعد هنا بتعمل ايه
حمزة : شوفه عينك بلعب بالتليفون
هايا : منا واخدة بالي انك بتلعب بالفون انا قصدي ليه مجتش تعزى نغم وتطمن عليها
حمزة : انا كنت في العزا وأديني قاعد اهوة ومعطل نفسي وال وريا في القاهرة بسبب الست نغم وعزا صاحبتها
هايا : حرام عليك يا شيخ انت مش زعلان علشانها
حمزة : هايا بليز فكك من الهري دة نغم دى حلال فيها اي حاجه وأهي حاجه تلهيها عني دة انا بقيت اخاف اتنفس لتكون حطالي حاجه في الهوا
هايا : بس الوقتي هي في محنه ومحتجالك جمبها
حمزة وهو يعقد حاجبيه : محتجالي جمبها ليه يااختي كنت صاحبها ولا خطيبها ولا حتي الأكس بتاعها
هايا : احترم نفسك ياحمزة نغم مش بتاعه الكلام دة وبعدين كلنا جنبها علشان بنحبها
حمزة وهو يمل لعبه بهاتفه وهو يضع قدما فوق الاخري: وانا لله في لله مبطيقهاش ربنا يديم عدم القبول مابينا
نهضت هايا من جواره وهتفت : مفيش فايدة انت عيل والله دة انت لو شفت منظرها وحالتها قلبك هيتوجع عليها
غادرت هايا الغرفه ثم تركت حمزة الذي لم يبالي لحديثها واكمل مايفعله بالهاتف ومر اليوم بطوله ونغم لازالت متقوقعه بغرفتها لاتاكل ولا تشرب وانما تبكي بألم واسي يمزق الفؤاد وفي صباح اليوم التالي استعد الجميع للمغادرة وهاهو حمزة يبحث عنها بعينيه وسط العائله ليست واقفه كعادتها تودعه بأبتسامتها البلهاء ثم رفع بصرة للاعلي علها تكون بالشرفه ولكن خابت آماله ولم يكن لها اي أثر فتعجب بشدة ثم دلف لداخل السيارة وهيئتها ليله عودتها من العزاء تجول بذاكرته ليشعر بقليل من الحزن لأجلها اما بالخارج
ورد : طب كلميها تاني يادعاء مهو مش هنسيبها للحزن يخلص عليها
آيه : لازم تغير جو وتبعد فترة عن هنا تريح اعصابها احنا هنسيبها اسبوع واكتر من كدة الرفض مش مقبول وهنيجي ناخدها غصب عنها
دعاء : ربنا يقدم ال فيه الخير
ورد : مش عاوزة حاجه ياحبيبتي
دعاء: عوزاكم بصحه وسلامه
دقائق وانطلق الجميع عائدون لمنازلهم بينما دلف فارس برفقه اولاده وزوجته للداخل وبينما ريان يرتقي درجات السلم استوقفه نداء والدة بنبرة حادة : ريااان
_______________
اذيكم ياجميلاتي ♥️🌻انا عارفه ان البارت قصير بس اتأخرت علي ماكتبته فبدل مااأجله لبكرة كتبت دة والبارت الجاي هيكون تعويض باذن الله وهتفرحو بيه 💓😂اما حاليا فرجاء لكل ام او حتي اب بيقراء الروايه دي الكلمتين دول ليك 🙏🏻💚
حب ولادك من قلبك بأختلافهم وصعوبه طباعهم ؛ قرب منهم وطبطب عليهم ؛ قولهم دايما انك بتحبهم ؛ حذاري تفضل حد عليهم ( اختك ‘ عماك ‘ جارتك ‘ بنت عم عبدو البقال ) دايما حسسهم انهم مهمين وليهم مكانتهم وخاطرهم عندك وحطو تحت كلمه خاطرهم دي مليوووون خط علشان الخواطر لما بتتكسر بتبقي صعبه اووي واسألو مجرب 🤷🏻♀️💔 واخيرا حطو في دماغكو ان هيجي يوم وهنفارق للابد والله اعلم مين فينا اول فخلونا نفارق واحنا سايبين جواهم زكريات مليانه فرحه وحنيه 🔥💝🎉
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.