رواية بنات المنشاوي الجزء الثاني – الفصل الثاني والأربعون
بنات المنشاوي ج٢ الفصل الثاني والاربعون
بقلم خلود وائل 🌻
مرت بضعه ايام كسنوات ثقال علي آيه التي تقضي معضمها بغرفتها منطويه علي نفسها التي تلومها بشدة علي عنادها الذي أنهي سعادتها وأجمل لياليها لتفيق من شرودها علي صوت هناء
هناء:مساء الكمترة علي ال لسه حزننانه ومنكسرة
آيه:ها.. تعالي ياهناء
هناء وهي تجلس بجوارها علي السرير:الجميل هيفضل يفكر في الماضي ال كله جراح وينسي نفسه ومستقبله
آيه بأبتسامه لازعه:مستقبل ! وهو فين المستقبل دة
هناء:شغلك وحملك ال مكلفتيش نفسك تروحي تتطمني عليه بكشاف حتي
آيه:ملييش نفس
هناء:هو انا بقولك دوقي الشوربه !
آيه:معلش ياهناء سبيني علي راحتي
هناء:انا سيباكي علي راحتك من يوم عيد ميلادي واظن بقي آن الأوان انك تفتحي قلبك وتحكيلي ذي زمان ولا هتفضلي شايله طاجن ستك كدة وقاعدة.. الا صحيح هي ستك كان عندها طاجن؟
آيه بابتسامه:ايوة كان عندها يارخمه
هناء:الله اكبر مجبتش حاجه من عندي
آيه:زياد عامل ايه
هناء:عامل فرحان ومنامش من امبارح
آيه: ليه كدة
هناء:ورد عزمته يتغدي عندنا النهاردة ومن الفرحه منامش ياعيني
آيه:يلا هانت كلها شهرين ونيجي نتعزم عندكو
هناء:ياااارب
آيه:عامله ايه في مذاكرتك
هناء: باكل الكتب اكل علشان اعدي صافي من الامتحانات خليني اتجوز واتستت بقي
آيه :متستجليش ياهناء الجواز مش مستاهل اللهفه ذي منتي مفكرة كدة
هناء:مع احترامي لل مريتي بيه الفترة الأخيرة ياآيه بس انتي اخر واحدة تتكلم عن لهفه الجواز بجد انا اتمني من كل قلبي ان حياتي مع زياد تكون ربع حياتك مع سيف من حب وتفاهم وارتياح انا في حياتي مشفت راجل حنين بعد بابا الله يرحمه وعاصم ربنا يخليهولنا غير سيف طليقك حرفيا لحد دلوقتي لسه مش قادرة اصدق انكو انفصلتو
آيه:السعادة مش دايمه ياهناء
هناء:لا طبعا لازم تدوم طالما كل طرف بيقدم تضحيات وتنازلات علشان التاني
آيه:هتفضلي تتنازلي لحد متوصلي لكرامتك وساعتها مش هتقدري
هناء:حيلك حيلك وايه يابنتي ال يوصل الامور للكرامه طالما في حب ومودة وراجل يتقي ربنا فيا ويعاملني بما يرضي الله
آيه:____
هناء: سكتي ليه …. طب مش ناويه تحكيلي ايه موضوع الست ال جتلك هنا وشفناها في المول
تنهدت آيه بتعب قائله:هحكيلك منا عرفاكي رخمه
هناء:ايون بالظبط كدة 😅
آيه:الموضوع من اوله ياستي ————–
بعد فترة
هناء:يا نهار ابيض ياولاد ايه دة ايه الدماغ دة ايه دة ياشيخة حرام عليهم والله اذاي عملو كدة ينهاري انا والله مش قادرة اتخيل ان في تفكير قذر بالشكل دة
آيه:وانا ال طلعت غبيه في الأخر
هناء:غبيه وستين غبيه كمان انتي اذاي ميبقاش عندك ثقه في جوزك بالشكل دة
آيه:حطي نفسك مكاني
هناء:عندك دماغ فوق كتافك شغليه يابنتي دة انتي حياتك كلها اتدمرت و ضيعتي حب عمرك من بين ايديكي
آيه بحزن:مكانش قدامي غير اني انتقم منه وارضي غروري
هناء:انتي كرهتيه فيكي بخطوبتك من الزفت ال اسمه حسين دة مش متخيله هو كان حاسس بأيه لما وصله خبر ذي دة بجد كتر خيرة انتي جرحتيه بعدم ثقتك فيه مرة وجرحتيه تاني لما صممتي تعانديه وتدخلي راجل تاني في حياتك مكانه
آيه:انا مفكرتش للحظه مع نفسي بعد ماشفته نايم جمبها انه ممكن يكون مظلوم دة امر واقع كنت اعمل ايه يعني
هناء:كنتي اديله فرصه يدافع عن نفسه فيها أنتي حكمتي عليه ونفذتي الحكم كمان من غير ماتسمعي منه كلمه واحدة
آيه:_____
هناء:بصي ياحبيبه قلبي انتي لازم تصلحي غلطتك بأي تمن دة سيف حبيبك وأبو ابنك ال لسه مجاش علي الدنيا روحيله واعتذريله كتير وفهميه انك ندمانه علي تسرعك
آيه:روحتله ياهناء ومكانش طايقني قدامه دة حتي لما لحقني من حسين كان بيتعامل معايا برسميه كأني واحدة غريبه عنه
هناء:حقه بصراحه يعمل اكتر من كدة انتي غلطتي فيه كتير وهو مفوتش ولا فرصه انه يصالحك فيها لكن انتي كنتي مغمضه عنيكي ومتربسه ودانك
آيه:عمرك مهتفهميني ولا هتحسي بكل ال انا حسيت بيه انا كنت بموت في اليوم الف مرة من كتر التفكير والشك ولو نسيت أسمي مش هقدر انسي منظرة وهو نايم جمبها .. ال عشته أكبر من اني اوصفه ياهناء حتي لو هو كان مظلوم وصدقيني كدة أحسن ليا وليه
هناء بأسي لصديقتها:ربنا يريح قلبك ياآيه بجد مش عارفه المفروض اققولك أيه .. أشجعك علي قرارك ولا اخليكي تروحيله مرة وعشرة لحد مايسامحك وترجعو لبعض
آيه:منقوليش اي حاجه وروحي ساعدي ورد في المطبخ وانا شويه وهاجي وراكي
هناء بطاعه:حاضر ياحبيبتي
فعلت هناء مثلما طلبت منها آيه واتجهت نحو المطبخ لتجد عاصم يقف برفقه ورد يتجادلون سويا
عاصم بضيق:وايه كمان ياست ورد قولي واشجيني
ورد بجديه:جوز بط وخمس أجواز حمام وفرختين شويتهم في الفرن ولسه هعمل صينيه جلاش باللحمه المفرومه وطاجن باميه صغنن كدة
عاصم بلهجه شبه مازحه:ياخراب بيتك ياعاصم
ورد:طول بالك ياعصوم دة لسه الرز المبهر والفريك
ورد:احنا رايحيين نحارب حرام عليكي
ورد بفرحه:يووة بقي ياصومه مش بعملك حاجه تشرف علشان الناس ال جايين للغدا
عاصم:وهو انتي عزمتي مين لكل دة
ورد:رنا وجوزها واولادها
عاصم متهكما:ايوة يختي امال ايه
ورد:وزياد
عاصم بغيظ:ايوة فرقع لوز لازمن امال هنتغدي من غيرة يعني و مين هيخلص الأكل والشرب
ورد:خلاص بقي ياصوما دى اول مرة نعزمهم
عاصم بحنق:وايه لزمتها العزومه اصلا مكنا خلينها في بوفيه الفرح وانتهينا ولا لازم مناحيه ووجع قلب
ورد:وسع كدة خليني اشوف صينيه البطاطس اوعا
عاصم:كمااان بطاطس ياخراب بيتك ياعاصم اه يااني
ورد:ربنا يكفينا شر الخراب ياحبيبي مهو الأكل ال هيفضل هنتغدي بيه بكرة
عاصم:انا داخل انااام عديني يختي
دلف عاصم لخارج المطبخ ليصتدم بهناء التي تقهقه بشدة
عاصم:بتضحكي أضحكي يختي منا مبقاش ورايا غيرك انتي وجوزك
هناء:تعيش وتعزم ياصاصا
عاصم وهو يشيح بيدة في الهواء:يختي اتلهي
__________________________
علي الهاتف 📱
سيف:كل الأمور تمام متقلقش
فارس: بكفياه ال حوصل عشيه انت اكدة بردت نارك وهي زمانها عرفت غلطتها عاد
سيف:لا لسه معرفتش غلطها يافارس انا مش عيل معاها علشان تعمل كل ال عملته دة لازم تعرف ان حياتها معايا مش لعبه تطلع منها وقت ماتحب
فارس:وناوي تنفذ ميتي؟
سيف:النهاردة
فارس:ربنا معاك ياسيف بس بالراحه عليها متنساش انها حبله وكمان اني ودعاء مقاطعينعا ومعنكلموهاش واصل
سيف:اتطمن يافارس دي مراتي بردة
فارس:ربنا معاك
________________________
في منزل عاصم مساءاً كان الجميع يجلسون بعد الانتهاء من تناول الطعام في غرفه المعيشه يتسامرون بسعادة وفي التراس كانت تقف هناء برفقه زياد يتبادلون نظرات الحب
زياد: وحشاني اووي يامنجايتي
هناء:احم .. اخويا مركز معانا ها عدي الليله علي خير
زياد:مركز معانا ليه بقي انشاء الله مش كفايه نظراته طول منا باكل داانا كنت هظور ياشيخة ايه اخوكي دة
هناء:والله عصوم طيب وبيحبك
زياد:كل دة وبيحبني امال لو كان بيكرهني كان عمل فيا ايه يارب هون بال لسه يارب انا غلبان
هناء:اسم الله عليك يا حبيبي من الغلب
زياد:عليكي واحدة حبيبي يالهوي بالي عليها
هناء بضحكه ناعمه:طب لو قلتلك ياروحي او ياعمري هتعمل ايه
زياد وهو يمسك بيديها: لا داانا هعمل عمايل بقي
عاصم من الداخل بنبرة مرتفعه:احم احم
ترك زياد يديها ودلف للداخل ونظر لعاصم قائلا:ايه ياعم انت مالك مركز معانا من الصبح ليه دي مراتي علي فكرة
محمود زوج رنا بتعجب:مالك يبني انت حد كلمك
عاصم ببرائه:ايوة يازيزو هو حد كلمك!
زياد:لا ياشيخ
عاصم:انا يبني!؟
زياد :ماشي ياعاصم
عاصم:شفت يامحمود اديك شفت بعينك من يومه وهو بيتبلي عليا وتملي مزهقني أمتي بقي يتجوزو ونرتاح
محمود:كتر خيرك والله ياعاصم دة طلع رخم وانا ال كنت مفكرك موسي طلعت فرعون يازياد
زياد بعدم فهم:انت تقصدني انا
محمود:امال خيالك يعني
زياد وهو يضيق عينيه:هو حكالك ايه عني
محمود:ياااه من ناحيه الحكاوي فحكالي كتير طول بالك عليا روح شوف مراتك بدل منتا سايبها لوحدها وانت ياعاصم كان الله في عونك
عاد زياد مرة أخرى للتراس وهو يصفع يدة علي الأخري قائلا:لا حول ولا قوه الا بالله
هناء:ماقلتلك بيحبك يازيزو
زياد بلؤم:تعالي اما اققولك يانؤة
هناء ببلاهه:ايوة ياعيون نؤة
حاوطها بذراعيه وفاجئها بصفعه سريعه علي قفاها جعلتها تري نجوما امام عينيها
هناء:اااه
زياد بغيظ: وصلي دة للبقف أخوكي
مضي الكثير من الوقت وغادر زياد ومن معه وجلس أهل البيت يتسامرون ويمزحون قليلا الي ان قطع حديثهم صوت طرقات الباب ⚡⚡⚡⚡
ام عاصم:خير يارب مين ال جيلنا الساعه دى
عاصم:احنا لسه بدري ياماما متقلقيش
هناء:طب شوف مين ياصوما ليكون حد من الجماعه نسي حاجه وراجع تاني
اتجه عاصم نحو الباب وقام بفتحه ليجد الطارق هو سامر الحديدي
عاصم بدهشه:سامر بيه!
سامر:اذيك يابشمهندس
سامر:انا بأحسن حال اتفضل
دلف سامر لداخل المنزل واستقر برفقه عاصم بغرفه الصالون
سامر:احم … بعتذر طبعا اني جيت لحضرتك من غير ميعاد
عاصم:العفو ياسامر بيه البيت بيتك حضرتك تشرف في اي وقت
سامر:بستأذنك تنادي آيه تحضر الكلام علشان انا جاي ليها مخصوص
عاصم بتعجب:آيه!
سامر:ايوة
غاب عاصم لدقائق وعاد برفقه آيه وجلسو سويا مرة اخري برفقه سامر
آيه:اذيك ياسامر
سامر:انا بخير الحمد لله أذيك انتي والبيبي
آيه: ماشي الحال
سامر:مطولش عليكي بس انا جايلك الوقتي وطالب مساعدتك أنتي الوحيدة ال هتقدري تساعدينا في الورطه ال احنا فيها
آيه بتوتر طفيف:لو اققدر اساعدك مش هتأخر عنك ياسامر انت أخويا الكبير قولي انا ممكن اساعدك اذاي؟
سامر :سيف
آيه بقلق بالغ: ماله
سامر بحزن:عمل حادثه بالعربيه من كام يوم وفضل غايب عن الوعي وفاق النهاردة و
آيه بلهفه:وأيه اتكلم
سامر مكملا:وفقد الذاكرة
آيه:أيه … فقد الذاكرة أذاي يعني … يعني نساني مثلا ونسي سنين عمرنا مع بعض
سامر:اهدي ياآيه الموضوع مش اوي كدة
عاصم:قلقتني ياسامر بيه يعني ايه فقد الذاكرة ومش اوي كدة
سامر:انا اققصد اققول انه مفقدش الذاكرة كلها تقدر تقول ان أخر كام سنه هما ال اتمسحو من ذاكرته بمعني انه لما عمل الحادثه الخبطه ال أثرت علي مكان الذاكرة مكانتش جامدة اوي وبالتالي نسي كام سنه من عمرة ووقف بذاكرته عند فترة معينه وللأسف الفترة دى لما كان لسه متجوز ريهام وحامل منه
نظرت له آيه بحيرة شديدة وبداخلها نغزة تغمر فؤادها الذي اصبح التألم في صمت عادته ليبادلها سامر النظرات قائلا:وانا جاي طالب منك تقفي جمبه ياآيه وتفكريه بكل السنين ال عدت بعد كدة ودة انسب حل علشان الذاكرة ترجعله بسرعه
عاصم:رايك ايه ياآيه
نظرت له بحيرة ولم تعلم بماذا تنطق ولكنها تتمني لو تراه وتعانقه بشدة وتخبئه بداخل صدرها وتخفيه عن أذي العالم أجمع
سامر:بتمني تسانديني ياآيه وتقفي جمب سيف وتدعميه لحد ماربنا ياخد بأيدة ويرجعلنا بالسلامه
عاصم:طبعا آيه هتعمل كدة ياسامر بيه علشان دة جوزها ودة حقه عليها وهي كمان بنت أصول وعمرها مهتتخلي عنه في محنته صح ولا ايه ياآيه
آيه :____صح ياعاصم
سامر:هبعتلك السواق بكرة الصبح إنشاء الله يوصلك للفيلا وتكوني في انتظار سيف لما يرجع من المستشفي
آيه بلهفه:طب انا ممكن اروح اشوفه الوقتي حالا يمكن يفتكرني
سامر:لا طبعا الوقتي هتبقي صدمه كبيرة ليه خصوصا انه مبطلش يسأل علي ريهام يعني لسه هيتأثر لما يعرف انها ماتت ياآيه الموضوع أكبر من تصورك وقبل ماتشوفي سيف لازم هوديكي للدكتور المسؤل عن حالته علشان تعرفي هتتعاملي معاه اذاي
عاصم: احنا في انتظار توجيهاتك ياسامر بيه وآيه هتعمل كل ال تطلبه منها والف مليون سلامه علي سيف وانشاء الله ربنا هيتم شفاه علي خير
سامر:يارب
مضت دقائق تحاور فيها عاصم وسامر بينما كانت آيه بوادي آخر لاتستطيع وصف الشعور الذي تملك منها وتود بشدة ان تكون بحلم وتستفيق ولكن هيهات أنه الواقع المؤلم الذي يحيط بها ويجعل حياتها تتخذ منحني جديد
هناء:هلووووو يابنتي انتي فين
عاصم:رشي برفيوم يمكن تفوق
هناء:هي مش مغمي عليها هي سرحانه … بت ياآياااه
آيه وهي تفيق من شرود طويل:ها… انا انا….
هناء ممازحه:انا مين انا فين انا ايييه
التفتت آيه تنظر حولها تبحث عن سامر قائله:هو سامر راح فين
عاصم:مشي من بدري وانتي في عالم تاني
آيه:هو الكلام ال قاله دة بجد
عاصم:ودة كان شكل واحد بيهزر
آيه:طب يعني هو كدة سيف خلاص مش هيفتكرني تاني ولا هيفتكر ابنه ال في بطني
عاصم:براحه علي نفسك ياآيه وبلاش نسبق الأحداث انشاء الله كل حاجه هترجع أحسن من الأول
هناء:هو في ايه
آيه بدموع:سيف فقد الذاكرة ونساني ياهناء 😭😭
هناء وهي تحتضنها:لا حول ولا قوه الا بالله العلي العظيم طب طولي بالك هترجعله تاني خلي املك في ربنا كبير
آيه:ونعم بالله … طب ينفع اكلمه في التليفون طيب
ورد:اااه ياني طب وكان ليه من الاول عمايلك دى كلها
هناء:خلاص بقي ياورد مش يمكن ربنا ال عمل كدة علشان يديها فرصه جديدة
ورد:ربنا قادر على كل شيء المهم هي تصبر وترجع جوزها ليها وتخليه يحبها من اول وجديد كمان
مضي الليل كدهر طويل علي آيه وعيناها تأبيان النوم تتخيل كيف سيكون اللقاء هل من الممكن ان لا يتذكرها واذا لم يفعل فما حال فؤادة هل سيشعر بمحبوبته وعشقه اللامنتهي ام انه نسيها هو الأخر..
صباحا بمكتب الطبيب المعالج لحاله سيف بالمستشفي كانت تجلس آيه برفقه سامر
الطبيب: الموضوع بأكمله معتمد عليكي يامدام
آيه:طب اتعامل معاه اذاي حضرتك صعبت عليا الموضوع اوي انا خايفه ابوظ الدنيا
الطبيب:انا شرحت لحضرتك تفاصيل حالته وعرفتك هتتعاملي اذاي
آيه:تمام بس انا خايفه يرفض يقابلني
الطبيب:ربنا معاكي يابنتي
عادت إلى الفيلا وصعدت لغرفتها تجلس في انتظارة تتأمل أركان جناحهما الذي قضيا به أسعد سنوات عمرهما سويا بحثت بين أغراضه وملابسه وانتهت بنثر قطرات من البرفيوم الخاص به الذي تعشقه وجلست بكل زاويه تتذكر الذكريات الجميلة التي عاشاها سويا بها وأخري مؤلمه كانت لها الأثر الأخير في حياه كل منهما لتفيق من شرودها علي صوت توقف السيارة بالاسفل لتهرع سريعا نحو النافذة الزجاجيه وتنظر من خلفها وتقع بزرقاوتيها عليه وتتأمل ملامحه المجهدة ورأسه الملفوفه بشريط قطني يحيطها من جبهته لنهايه راسه بشكل دائري وفي المنتصف خصلات شعره المبعثرة لتشعر بدقات قلبها تتسارع وبداخلها تطلاطم امواج الحيرة المختلطه بالتوتر والخجل وتهرول سريعا نحو باب الغرفه وانتظرت صعودة ليزامن فتح باب الغرفه مع ارتفاع ضربات قلبها واحمرار وجنتيها لتستقر بزرقاوتيها عليه مرتديا بنطال چينز أزرق وتيشرت رمادي اللون ييرز وسامته وعلي وجهه بضع أثار الجروح البسيطة لينظر لها بدهشه قائلا:انتي مين ؟
آيه بتوتر:أنا .. انا …
سيف:انتي الخدامه ؟!
آيه بضيق : نعم!!
سيف:هو ايه ال نعم بقولك انتي الخدامه؟
آيه لنفسها”بقي دة منظر خدامه باين الخبطه أثرت علي نفوخك جامد ”
سيف بحزم:انتي يا زفته هتفضلي واقفه عندك كتير
آيه:سيف انت بجد مش فاكرني!
سيف:اللهم طولك ياروح اطلعي برة يابت انتي
آيه:بت!!
___________________________
بعتذر جدا عن التأخير❤️دعوة حلوة بليز
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.