رواية بنات المنشاوي الجزء الثاني – الفصل الرابع والأربعون
بنات المنشاوي ج٢ الفصل الرابع والاربعون
بقلم خلود وائل 🌻
آيه بعدم فهم:يادلال انا مش فاهمه اي حاجه
دلال بدموع:انا ال وقعت بينك وبين سيف بيه ومشيت ورا كلام حسين بيه اخو الدكتور طارق جوز الست ليان وبقيت ادخل اوضتك في غيابك وارش من ازازة الريحه ال هو ادهالي وانا ال حطيت قميص النوم في شنطه سيف بيه وانا مطلعاها لهنا لما كان جاي من السفر وانا ال بقيت اعمل كل حاجه تلاقيها عند سيف بيه وانا بردو ال عرفتهم ان البيه سهران في حفله الأستاذ بدر بيه بس والله حرمت ياست آيه وندمت قسما بالله وربنا يسامحني انا عملت كدة علشان بربي عيالي وكنت محتاجه الفلوس احب علي يدك ياست آيه تسامحيني والله انا فوقت وندمت والله علي كل ال عملته
آيه بصدمه :أنتي… انتي يادلال
دلال:انا عارفه اني غلط بس كنت معذورة والله ياست آيه
آيه بخذلان مؤلم:معذورة! أي عذر دة ال يديكي الحق انك تخربي حياتي بالشكل دة دة انتي خلتيني أشك في جوزي ال اعتبرته عوضي عن الدنيا كلها حرام عليكي يا شيخه دة انا كنت بموت قدامك وكل مرة ببقي بين الحيا والموت في مستشفي شكل ليه كدة يادلال انا غلط معاكي بأيه.. ثم أكملت بأعين دامعه:انتي السبب في بعدي عن سيف وطلاقي منه منك لله حسبي الله ونعم الوكيل فيكي
دلال:انا أسفه والله ياست هانم
آيه بحزم:وأسفك دة هيرجع ال راح جوزي هيفتكرني ولا هيسامحني ولا حتي هيرجع يحبني انا عمري مأذيت حد ليه أتأذي بالشكل دة
انهارت باكيه بشدة بينما انسحبت دلال بهدوء لتدلف لخارج الغرفه بينما استسلمت آيه لداومه العتاب التي احتلت تفكيرها
“طلع مظلوم ذي مقال وانتي في الأخر طلعتي ال ظلماه هتعملي ايه ولا هتواجهيه اذاي لما ترجعله الذاكرة . هتقدري تبصي في وشه اصلا بعد ماكنتي هتتجوزي راجل تاني ولا هيصدقك لو قلتيله بحبك بعد مليون مرة قولتيله انك بتكرهيه …. أاااه من الحيرة والوجع … دايما متسرعه ياآيه وفي النهايه ندمانه … هتعملي ايه الوقتي هتستسلمي وتمشي من سكات ولا هتحاربي الدنيا علشان خاطر حبك وابنك ال لسه مشافش النور…. ااااه علي ابني ال اتكتب عليه الوجع من قبل ماتشوفه عنيا… يارب اققف جمبي وخليك معايا مليش غيرك انا ضعيفه وانت قوتي وأماني”
قطع تفكيرها طرقات الباب ⚡⚡⚡ لتجيب الطارق بوهن:ادخل
دلفت الخادمه دنيا واتجهت نحوها ثم توقفت امامها قائله:مدام ورد أخت حضرتك وآنسه هناء و بشمهندس عاصم موجودين تحت وسيف بيه بينادي علي حضرتك
آيه بضعف:قوليله نزله علي طول
دنيا:حاضر يا هانم
دلفت الخادمه للخارج وببطئ شديد نهضت آيه من مجلسها وجففت دموعها بصمت وبدلت ملابسها وارتدت بنطالا فضفاض ذو لون بينك وبلوزة بأكمام طويله ذات لون أبيض وعكصت خصلات شعرها للخلف بعشوائية ثم هبطت للأسفل بملامح باهته ورحبت بهم جميعا وجلسو سويا فترة ثم اتجهت ورد وهناء برفقه آيه للحديقه وجلسو سويا …
هناء:طمنيني عليكي عامله ايه أفتكرك ولا لسه
ورد: انتي مطفيه ليه كدة ياحبيبتي طمنيني عليكي
آيه بوهن: أنا كويسه مفيش حاجه
ورد:لا مش كويسه تحبي نطلبلك دكتور نطمن عليكي
آيه:انا كويسه والله اطمني
هناء:انا جبتلك كل ال طلبتيه من الصبح وانا عماله الف في المحلات لما جبتلك حجات ايه هتهبل سيف اي بالله
ورد:ربنا يروق بالكو ياحبيبه قلبي
هناء:ها احكيلي بقي اتصالحتو اذاي
ورد:سيف معرفناش اول ماجينا انا بجد مش مصدقه
هناء:انا فضلت اققوله انا هناء يابشمهندس هناااء فاكر ولا مش فاكر رزعني واحدة مش فاكر طيرت جبهتي
ورد:انتي حكايه ياهناء والله هو دة وقته
هناء:مش جايز يفتكر وترجعله الذاكرة
ورد:آيه هي ال هترجعاله مش كدة يايويو ولا ايه
آيه:ها.. اه إنشاء الله
ورد: علشان خاطري قوليلي مالك مش معقول كل دة علشان سيف مش فاكرك
آيه :ورد هو انتي لو مكان سيف هتسامحيني علي كل ال عملته
نظرت ورد وهناء لبعضهما بحيرة ثم أردفت هناء قائله:بصي يايويو انتو حبكو اققوي من اي حاجه ممكن تحصل وقادرين سوا تنسو كل حاجه وحشه بينكو أنتي بس حسسيه انك فعلا ندمانه وباقيه عليه وهو هيسامحك اكيد
آيه بحيرة:انا ….
ورد:انتي اتصرفتي ذي مااي واحدة تانيه غيرك كانت هتتصرف ياآيه ومتحمليش نفسك فوق طاقتها وطالما عرفتي انك كنتي ظلماه يبقي خلاص ابدئي صفحه جديدة وخليه يحبك من اول وجديد ولما ترجعله الذاكرة ابقي اعتذريله عن ال فات ومن هنا لوقتها عيشي حياتك مش معقول هتفضلي كدة علي طول انتي ناسيه انك حامل
آيه :حاضر
هناء:حاضر ايه؟ لا اجمدي كدة لا الراجل يطفش منك
ابتسمت آيه بتكليف قائله:حاضر يا نؤة
مضت السهرة بهدوء وعادو لمنزلهم بينما ظلت آيه جالسه لفترة برفقه العائله حتي شعرت بالصداع الشديد والدوار الذي تملك منها لتهم سريعا بالاستأذان والتوجه نحو غرفتها لتصبح الرؤيه ضبابيه امام درجات السلم وتسقط مغشيا عليها ليشعر سيف بأنخلاع قلبه من بين اضلعه ويركض سريعا نحوها ويحملها بين زراعيه وهو يصيح :اطلب دكتور بسرعه ياساااامر
ارتقي درجات السلم وهو يحملها ثم اتجهه لغرفتهم ووضعها برفق علي السرير ودسرها ثم جلس بقربها ينظر لها بقلق بالغ وهو يقبل كف يدها وجبينها ويمسد علي خصلات شعرها
فرح:متخافش ياسيف خير انشاء الله
نورة:خير ياحبيبي هتبقي كويسه والله دة اكيد علشان مرضيتش تتعشي
سيف بقلق :الدكتور اتأخر ليه كدة
فرح:سامر اخد عربيته وراح يجيبه بنفسه وزمانه جاي
نورة:طب ياولاد حد يحطلها برفيوم يفوقها عما الدكتور يجي
هرولت فرح سريعا ناحيه البرفيوم وامسكت بأحدي الزجاجات واتجهت بها ناحيه آيه ونثرت القليل علي يدها ووضعتها امام انفها لتفتح آيه عيناها بوهن شديد وهي تتمتم:سس..يييفف
سيف بأعين تحتقن دما ودموعا محتجزة:قلب سيف وعقله متخافيش انا جمبك ياعشقي ومش هسيبك
دقائق قليله ودلف الطبيب للغرفه وقام بفحصها ودون بعض الأدويه
سيف بلهفه:هي مالها يادكتور
الطبيب:ضغطها واطي في الارض ودة عملها هبوط حاد أذاي تسيبها توصل للحاله دى وهي حامل يابني كدة خطر عليها وعلي الجنين
سيف بخوف عليها: غلطه ومش هتتكرر تاني بس اكتبلها دوا يخليها كويسه بأسرع وقت
الطبيب:انا كتبتلها حبوب تظبط الضغط وطبعا الغذا أهم من اي دوا والڤيتامينات دى كويسه ليها جدا بس لازم تاكل الوقتي وتشرب عصاير وممنوع الأجهاد النفسي او الجسدي
سيف:شكرا يادكتور
جلس الجميع قليلا برفقه آيه ثم دلفو للخارج تاركين كلاهما لينعما ببعض الخصوصيه ليجلس هو بقربها ويطيل النظر اليها لتهتف هي بضعف:أنت كنت بتقول ايه لما فوقت
سيف :بقول ايه؟
آيه:انت قولتلي ياعشقي ومش هسيبك صح
سيف برسم ملامح الجمود:لا مقولتش اكيد كان بيتهيألك
آيه بأصرار:لا مكانش بيتهيئلي أنا عارفه صوتك كويس وعارفه النبرة ال مليانه خوف وقلق عليا دى وحافظاك كويس ياسيف وعارفه انك كنت خايف عليا وقلت الكلام دة كله من قلبك
سيف:لاااه دى الخبطه كانت جامدة علي دماغك
آيه:انا متأكدة انك قلت كدة
طرقات الباب ⚡⚡⚡
سيف:ادخل
دلفت الخادمه تحمل صينيه العشاء فحملها سيف من بين يديها ووضعها علي قدميه بجوار آيه علي السرير بينما اعتدلت هي في جلستها وهي تنظر للطعام بتعجب
آيه:انت ال قلتلهم يعملولي عصير الفراوله صح
سيف بكذب:لا
نظرت له بضيق ثم هتفت:خلاص مش هاكل
سيف:بلاش عوج واتعدلي انا معنديش خلق للمحايله والكلام الفاضي دة
آيه بحزن:طب خلاص ريح نفسك وسيبني علي راحتي
زفر انفاسه بضيق:الصبر يارب … الله يهديكي يابنت الحلال كلي من سكات بقي
آيه :طب انا مش قادرة أكل بجد بس جعانه اوي مأكلتش حاجه من الصبح
سيف وهو يناولها الطعام في فمها:ومأكلتيش ليه لما صحيتي من النوم
آيه:كنت مستنياك ترجع من برة علشان ناكل سوا
سيف :أشربي العصير يلا
آيه بدلال:ايدي بتوجعني مش قادرة امسك الكوبايه
امسك سيف بكوب العصير ووضعه علي شفتيها ترتشف منه متمتما:اما اشوف اخرتها معاكي
نظرت له بحب وهي تشرب العصير بينما بادلها هو النظرات وانهاها بأنزاله كوب العصير وطبعه قبله حانيه علي خدها قائلا:دى بس علشان سمعتي الكلام واتعشيتي
آيه:طب انا طيوبه والله وبسمع الكلام علي طول
قهقه سيف بقوة واردف:هنشوف الموضوع دة بعدين
آيه: ممكن اطلب منه طلب
سيف :امم
آيه:ممكن تيجي معايا بكرة عند الدكتورة علشان اتطمن علي البيبي
سيف بتصنع اللا مبالاة:لااا طبعا دة شغل ستات انا ملييش فيه روحي مع اختك او فرح او اي حد
آيه بضيق:انت ال دايما كنت بتروح معايا وكمان عوزاك تشوف ابنك انت مشفتوش من وهو في الشهر التالت
سيف بسخريه:وهو بسلامته بقي في الشهر الكام الوقتي
آيه:بكرة هيبداء السابع بذمتك مش عايز تشوفه دة حتي شبهك اوي
نظر لها بهدوء قائلا:ماشي…. وعلي كدة ناويه تسميه ايه
آيه:نفسي اسمي يونس اوي
سيف:أنس حلو
آيه:بقول يونس يونس مش أنس
سيف:والله طالما هو ابني انا يبقي انا اسمي براحتي ولا رأيك ايه
آيه بضيق:ال تشوفه ياسيف
سيف:طبعا ال اشوفه ولا هسمع كلامك وامشي برأيك
نظرت له بأستغراب بينما هتف هو:مالك بتبصيلي كدة ليه
آيه:انت علي طول بتحب تاخد رأيي وتسمع كلامي وبتشجعني اشاركك كل حاجه وعمرك مزعلتني ودة ابننا احنا الاتنين مش ابنك لوحدك
سيف:الظاهر ان انا كنت مدلعك زيادة عن اللازم والمفروض اعاملك ذي اي ست عاديه علشان انتي اصلا مفيكيش اي حاجه مميزة تدلعي علشانها
شعرت آيه بمدي ألم كلماته اللاذعه فهي بالنهايه أنثي وتحب ان تكون هي مدلله زوجها لا أن ينتقدها كل مرة مثلما يفعل ويهين كبريائها وانوثتها
آيه بحزن:تصبح على خير
سيف بضيق مما فعل:طب مش هتحكيلي انتي كنتي سايبه البيت ليه قبل مااعمل الحادثه
آيه بملامح منطفئه وبركان ثائر بداخلها:كنا متطلقين
ألقت كلمتها وولته ظهرها واستلقت علي السرير ودموعها تنسدل من مقلتيها بصمت شديد بينما أنسحب هو من السرير واتجهه نحو الأريكه واستلقي عليها ومضي الليل بطوله وكلاهما مستيقظان وأتي الصباح واتجه سيف لعمله ومضي اليوم بأعتياديه حتي حل المساء وعاد سيف من عمله واستعد للذهاب برفقتها للطبيبه
سيف:يلا ياآيه هنتأخر
دلفت آيه من داخل غرفه الملابس متجهه نحوة وهي ترتدي فستانا طويل ذو لون روز وحجاب باللون الاوف وايت لينظر لها بدهشه شديدة وأعين تلمع بالسعادة التي ملئت معالم وجهه لينهض من مجلسه ويتأمل ملامحها التي زادها الحجاب جمالا وجاذبية
سيف بفرحه داخليه شديدة:أيه دة؟
آيه:حجاب
سيف:منا واخد بالي انه حجاب انا بسأل ليه لبساه
آيه :علشان خارجين
سيف:ياربي علي الذكاء انا قصدي بالسؤال أنك اصلا مش محجبه فلبساه الوقتي ليه!
آيه:مش انت كنت عايزني اتحجب
سيف بأستنكار:انا ؟!
آيه بهدوء :بص ياسيف انت طلبت مني قبل كدة اتحجب وانا رفضت وقلتلك سيبني براحتي علشان البسه عن اقتناع وانت وافقت ووعدتك اننا هنعمل عمرة وارجع منها متحجبه بس الوقتي أخدت الخطوة دى وحقيقي فرحانه بنفسي فلو معندكش اي اعتراض كسيف الجديد ال بيكرهني وانا معرفهوش توافق أني اتحجب ممكن؟
سيف بفرحه:ممكن اوي… تعرفي انه حلو عليكي مكنتش اعرف انك قمورة اوي كدة
ابتسمت آيه بفرحه فهي تشعر بقليل من الراحه بمدحه لها ولمست الصدق في حديثه فأكملت قائله:عنيك هي ال حلوة
سيف ممازحا:ايوة طبعا هتلاقي احلي مني فين
ابتسمت آيه وهي تنظر له بتأمل لتهتف قائله:وحشتني اوي ياسيف
سيف بتصنع الجمود:ماشي … يلا بقي علشان منتأخرش ..ثم أكمل بنظرة تعرفها جيدا:الف مبروك علي الحجاب ياااااا أيواا
اتسعت زرقاوتيها بسعادة قائله:انت افتكرتني صح صح بالله عليك قول
سيف :يلا يامجنونه هنتأخر قال افتكرت قال
بعد فترة وكلاهما بعيادة الطبيبه
الطبيبه:اهلا مدام آيه فينك من زمان
آيه:معلش يادكتورة حبه ظروف كدة أخرتني عن الزيارة
الطبيبه:خير باذن الله … اذيك يااستاذ سيف
سيف: الحمدلله اذي حضرتك
الطبيبه:انا بأحسن حال حضرتك مبتجيش بقالك كام زيارة ليه
سيف:معلش يادوكتورة اديني جيت اهوة
الطبيبه:اتفضلي يا آيه اشوفك علي السونار
*****
الطبيبه:مشاء الله البيبي ذي القمر طالع لمامته
آيه:لا طالما قمر يبقي لبباه
الطبيبه:يتربي في عزكو يارب
كلاهما:يارب
ظل سيف يراقب شاشه السونار وعيناه تلمع بالسعادة وقليلا ما يختلس النظرات منها فقد اشتاقها حد الجنون
الطبيبه:هكتبلك كام تحليل ضروري تعمليه علشان بقيتي في اخر السابع
آيه:لا يادكتورة انا في اول السابع
الطبيبه: حساباتك غلط ياآيه انتي اكيد اتلغبطي عموما مش مشكله تعالي اكتبلك علي حقنه كان المفروض اخدتيها في اول الشهر لكن انتي فوتي الزيارة ومجتيش
آيه :حاضر
دونت الطبيبه بعض الادويه وسيف يبدو عليه الضيق. ودلف كلاهما للأسفل ودلفو لداخل السيارة ليغلق سيف الباب ويصيح بها قائلا :انتي مستهترة كدة ليه ياهانم
آيه:في ايه ياسيف انت بتزعقلي ليه كدة
سيف:انا ازعق براحتي انا جوزك مش عيل بلعب معاكي أيه ال يخليكي متجيش تتابعي الحمل وتفوتي علاجك بالشكل المستهتر دة أنتي هتبقي ام مسئوله اذاي
آيه :انا مكنتش واعيه لأي حاجه في حياتي كنت في فترة ميعلم بيها الا ربنا
سيف:فترة ايه دى ال تنسيكي ابنك ال في بطنك افرضي كان جراله حاجه ولا هو استعباط والسلام
آيه :قلتلك كان غصب عني ليه مش عايز تصدقني
سيف:اصدقك اذاي وانتي كل دقيقه بحال
آيه:دى هرمونات حمل مش بأيديا
سيف بحدة:وهرمونات الحمل دى تخليكي تقعدي تحكيلي عن قصه حب خرافيه كنت عايشها معاكي وبعدين تقوليلي اصل كنا متطلقين انتي بتستعبطي ولا نظام اهلك ايه
آيه بأختناق:انت بتعمل معايا كدة ليه
سيف بحزم: انا جيت جمبك ولا هو تتويه في الكلام
آيه :لا مش تتويه في الكلام ياسيف ايوة كنت عايش معايا قصه حب خرافيه والكل كان بيتمني يعيش ربع حبنا دة وخلصت حكايتنا بخيانتك ليا وانا طلبت الطلاق وانت طلقتني وبعدها عملت الحادثه وانا جيتلك جري اول ماسمعت بال حصلك عرفت انا كنت مش واعيه لأي حاجه في حياتي ليه انا كنت بعيش اسوء ايامي في بعدي عنك كنت بموت في الثانيه الواحدة ألف مرة مكنتش بتروح من بالي لحظه واحدة عارف ليه .. علشان بحبك وادمنتك خلاص بقيت بتجري في دمي مش قادرة أكرهك برغم اني قلتهالك كتير وأفعالي يمكن تكون أكددتلك دة بس والله العظيم لسه بحبك انا بحبك اوي وندمانه علي كل لحظه شكيت فيها في حبك واخلاصك ليا انا بحبك ياسيف
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.