رواية بنات المنشاوي الجزء الثاني – الفصل الثلاثون
بنات المنشاوي ج٢ الفصل الثلاثون
معلش بس ياجماعه عندي سؤال وياريت تجاوبوني قبل القرأه … يوم من الايام هموت والروايه دى او غيرها هتكون أثر ليا وخايفه أشيل ذنب بسببها او تكون حجه عليا قدام ربنا فسؤال هو هل وانتو بتقرأو الروايه من اولها حصل في مرة وحركت اي مشاعر غلط جواكو أو اثارت اي غريزة فيكو يعني مثلا بكتب باسلوب جرئ مثلا او كتبت حاجه مش تمام قبل كدة ؟ بالله عليكو طمنوني علشان لو في حاجه غلط أعدلها او اعيد صياغه الروايه مفيش اي مشكله ♥️
بقلم خلود وائل 🌻
جلس خلف المقود وأدار محرك السيارة وانطلق لمنزله وهو ينظر في ساعته ليجدها السابعه صباحا ويزيد من سرعه السيارة والآف السيناريوهات بداخل رأسه تزيد من القلق بداخله لتمضي فترة ويتوقف بسيارته بداخل الفيلا ويهبط منها سريعا ويدلف للداخل يطوي السلم بسرعه البرق ليفتح باب الغرفه بحذر ويدلف للداخل فيجدها معتمه الأضواء منطفئه والستائر مغلقه فظن انها نائمه ليكمل خطواته للداخل بهدوء ليستوقفه أضائتها لأحدي وحدات الأضائه الموضوعه علي طاوله بجوار الكرسي الذي تجلس عليه ليتملك منه الرعب وتفر من حلقه الكلمات لينظر اليها ويبتلع مافي حلقه بغصه مريرة فهو بمأزق لا يحسد عليه فهو يعلم تمام العلم انه تم الايقاع به وأنها بالفعل رأته الليله الماضيه وملامحها الشاحبه وعيناها المنتفخه من اثر البكاء وهيئتها الباليه تؤكدان ذلك ليهتف بنبرة مهتزة :آاايه حبيبتي أنتي صاحيه ليه لحد الوقتي!
نظرت له بألم وانتفضت من مجلسها ببطئ ومضت بخطوات منهزمه نحوة لتتوقف علي مقربه منه وتنظر له بحرقه وانكسار
سيف بتردد:انتي كويسه…. آيه انا والله مظلو____
صفعه قويه دوي صوتها بأركان الغرفه أخرسته واسقطت من فمه الكلمات لتنهيها هي بكلماتها الحازمه
آيه بنبرة جامدة:انت أوسخ واحد انا شفته في حياتي أنت اذاي كدة اذاااي أذاي بتوهمني انك بتحبني وعايش حياتك مع غيري اذاي بسامحك وبنسي كل ال بشوفه بسببك وبتقدر تنام في حضن غيري اذاي سلمتك قلبي وانت بتتسلي بيا كان قدامي بدل العلامه الف وكدبت الدنيا كلها وصدقتك أشتريت حبك بالغالي وانت بعتني بالرخيص .. لميس ياسيف لميس انا آيه المنشاوي تخوني مع لميس مكانت قدامك سنين طويله ليه تدخلني وسطكو وتلعب بيا لييييه انا عملتلك ايه ياما لمحتلي زمان بس كنت عامله فيها مفتحه واققول لااا كله الا سيف طلع سيف هو مصيبتي وكسرة قلبي لييييه انطق
سيف بقلق شديد عليها:اهدي بس علشان خاطري والله انا مظلوم وحياتك عندي ياآيه صدقيني علشان خاطر ابننا ياآيه
آيه بصراخ:مش عيزاااه مش عايزة اي حاجه تربطني بيك مش طيقاه جوايا كنت محافظه عليه لآخر لحظه علشان حته منك اما الوقتي بقي النقطه السودة ال هتفضل تفكرني بيك
سيف بدموع حارة تسقط من مقلتيه:اسمعيني بس ياآيه
آيه وهي تدفعه بعيدا عنها:ابعد عنيييي اياك تقرب مني ولا حتي تفكر تلمسني فااااهم
سيف :فاهم والله فاهم انا هعملك كل ال انتي عوزاة بس اديني فرصه ادافع عن نفسي بيها ارجوكي
آيه بحرقه:طلقناااي انا كرهتك كل الحب ال كان جوايا ليك بقي أضعاف كرة انا بكرهك ليه عملت فيا كدة بقالي كام سنه نايمه علي وداني ومن خيبتي بصدقك وبمشي ورا قلبي قلبي ال محبش غيرك قلبي ال صنته ليك وعمره مدق غير ليك انت وبس ليه بتكسرني كدة انا عملتلك ايه فيها ايه لميس مخليك متمسك بيها السنين دى كلها ومغفلني
سيف: علشان خاطري اهدي ياآيه والله بحبك انتي وعمري مبصيت لغيرك اقسم بالله مالمستها ولا قربتلها انا___
آيه صارخه:انت كداااب كداااب حجتك ايه المرة دى متعرفش ولا مش فاهم ولا مكنتش واعي خلاص حفظتك وحفظت كدبك انت خلاص انتهيت بالنسبالي سنين عمري ال هعيش ندمانه عليها ياريتني كنت مت قبل مااشوفها نايمه جمبك منك لله ذي ماحرقت قلبي
سيف باكيا: والله محرقت قلبك انا مظلوم والله ياآيه ماعملت حاجه من ال بتقولي عليها دي انا بحبك انتي وبس انتي مراتي وعشقي
آيه:بااااس كفايه بقي انت أيه حرام عليك عاوزني اكدب عيني واصدقك حاضر مصدقاك يابيه كنت فين بقي طول الليل وراجع وش الصبح
سيف :_____
آيه:رد عليااا انكر كدب عنيا وقول انك مكنتش بايت معاها خليني الاقي أمل واحد بس يشفعلك رد عليا قول كنت فين طول الليل
سيف :كنت معاها بس معرفش اذاي دة حصل
كان ردة كالخنجر الذي استقر بفؤادها لينهي أخر نبضه لحبهما لتتبلد معالمها وتهتف بجمود :طلقني
سيف وهو يبكي:اطلبي اي حاجه تانيه الا كدة انا مقدرش اعيش ثانيه واحدة من غيرك لا ياآيه متظلمنيش بالشكل دة اديني فرصه اثبت فيها اني مظلوم من حقي عليكي تقفي جمبي حرام عليكي وحيات ابننا ال لسه مجاش علي الدنيا خليكي جمبي متسبنيش انا بحبك والله محبيت ولا هحب بعدك انا ليكي وبس وانتي ليا وعمرك مهتكوني لغيري
آيه ببرود:هكون ياسيف وهتشوف بعينك وهدوقك من نفس الكاس ال دوقتني منه وهدفعك تمن عملتك غالي قووي وهخليك تحس بكل احساس يوجع خليتني أحس بيه وبأسرع مما تتخيل هخليك تندم علي كل لحظه شك عيشتهالي وكل دمعه غاليه نزلت من عيني هخليك تتوجع كل دقيقه لما تشوفني في حضن غيرك وابنك ال في بطني هعيشك بحسرتك عليه
امسكها بقوة من ذراعيها جعلها تأن ألما ليهتف هو بشر:أنتي ليا انا انا وبس ومش علشان ساكتلك يبقي تدوسي عليا كدة انا راجل ياهانم مش عيل علشان تقوليلي هتشوفني في حضن غيري دة انا ادفنك قبل ماتفكري تعمليها ولولا اني خايف عليكي مكنتش سمحتلك حتي تعلي صوتك عليا وكلامك دة هتعرفي قيمته وتندمي عليه بعدين
آيه بألم:اااه سيبني ابعد عني
افلتها سيف من بين براثنه وظل ينظر لها بعينيه التي تطلق الشر بقوة بينما هي تأن من ذراعيها لتنظر له بعيون ممتلئه بالدموع المحتبسه وهمت بترك الغرفه ليمسكها مرة أخري من معصمها
سيف:تعالي هنا رايحه فين
آيه وهي تدفعه :ابعد عني وأياك تفكر تقربلي انا ماشيه وورقتي توصلي من سكات ومتفكرش توريني وشك تاني علشان من اللحظه دى انا معرفكش ولا انت هتحب تعرفني
سيف:اعقلي ياآيه
آيه ببحه:طلقني وريحني منك انا خلاص كرهتك ومبقاش جوايا ذرة حب ليك
القت كلماتها ودلفت لخارج الغرفه لتسقط دموعها بحرارة وهي تطوي الطريق نزولا للأسفل وتغادر الفيلا بأكملها أما هو بالأعلي فجثي علي ركبتيه وخيوط الدموع الرفيعه ينسدل علي خديه بأنكسار وقله حيله..
_________________________
ارتفعت طرقات الباب ⚡⚡ ليشعر عاصم بالضيق وينسحب من علي طاوله الافطار ويتجه نحو الباب ليفتحه ويعبث وجهه لدي رؤيته زياد يقف حاملا باقه من الورود الحمراء ويعلو وجهه ابتسامته العريضه
زياد :صباح الفل يبو النسب
عاصم :صباح ال بتغني يبا
زياد:وسع كدة هتسيبني واقف علي الباب
عاصم وهو يمسك به:تعالي هنا هي وكاله من غير بواب
زياد:ياعم احنا خلاص بقينا أهل واتجوزت أختك وبقي معايا قسيمه جواز ومتسجله عند الحكومه كمان مبقاش غير البطاقه وجاي النهاردة اخدها علشان اغيرلها الحاله الأجتماعيه واكتب أسمي في بطاقتها
عاصم:انت وارث الغتاته دى عن مين قول متتكثفش
زياد:بعض ماعندكم يسطا
عاصم:ولااا
زياد: الله هو الحق بيزعل انا عارف طب بص صلي ع النبي كدة
عاصم وهو يزفر بضيق:عليه افضل الصلاه والسلام
زياد:المثل بيقولك اتلم تنتون علي تنتن واحد نتن ال هو حضرتك وواحد انتن ال هو حضرتي وسبحان الله بردو يقولك اتلم المتعوس ال هو انا علي خايب الرجا ال هو انت واحنا مبنطقش بعض بس لازم نعصر علي نفسنا فدان لمون لحد ماام السنه المنحوسه دى تعدي واتجوز اختك ال خللت جوة دى واوعدك مش هنوريكو وشنا تاني
أغلق عاصم الباب في وجهه وعاد للداخل ليجلس علي طاوله الطعام مرة أخري
ام عاصم:مين ياحبيبي
عاصم:الغتت هو فيه غيرة
هناء:زياد!!
عاصم:سبحان الله معروف ان هو الغتت
ام عاصم:يوة جتك ايه ياواد ياعاصم وهو فين دخلته اوضه الضيوف
عاصم :لا رزعت الباب في خلقته البهيه
ام عاصم:ياندامه روحي يابت ياهناء بسرعه افتحي الباب لجوزك ودخليه يفطر معانا يابنتي كدة ياعاصم الراجل يقول علينا أيه انا ربيتك علي كدة
عاصم:بس ياماما انتي متعرفيش الأشكال دى سبيني انا اتعامل معاه
ام عاصم:بصراحه يبني انت زودتها مع الواد ده اوي وهو شهادة لله طيب ومحترم
ورد:ع الهادي ياعصوم بقي دة مهما كان بقي ابو النسب بردو
عاصم:متقوليليش ابو الزفت تاني
ورد:حاضر يابو منال 😅
فتحت هناء الباب لتجدة جالسا علي السلم ممسكا بباقه الورود عابث الوجه لتهبط بضع درجات وتجلس بجوارة وتمسك بالباقه من بين يديه
هناء: الله الورد الحلو دة علشاني
زياد بضيق:ايوة
هناء:حلو اوي يازيزو متحرمش منك ابدا عقبال بوكيه الفرح
زياد:انشاء الله
هناء:مالك ياروحي زعلان ليه
زياد:عادي … انتي عاوزة حاجه؟
هناء: ايه دة انت ماشي ولا ايه!
زياد:ايوة سلام
هناء:استني بس فيك ايه اوعي تكون زعلت من عاصم دة بيهزر معاك
زياد: ياستي لازعلت ولا غيرة بس عموما اناشكلي اتسرعت لما اتجوزتك غصب عنه وشكلنا كدة هنعيش حياه نكد طول العمر بسببه
هناء بحزن:يعني ايه؟
زياد:يعني شوفي أخوكي وانا تحت امرة في ال عايز يعمله علشان بصراحه انا طاقتي خلصت لحد كدة ومبقتش قادر استحمل اكتر من كدة
هناء:طب وانا
زياد:انا مستحمل علشان خاطرك انتي وبس لكن حاسس اني مش مترحب بيا من أخوكي ومش هينفع نبني عيله وهو واخد الموقف دة مع أول زعله مابينا هيولع في الدنيا ودى حاجه انا مش هقدر اققبلها ولا أتعايش معاها بعد اذنك
انسحب بهدوء وغادر بسيارته وهي تشاهدة بحزن شديد ثم حملت الورود ودلفت للداخل واتجهت نحوهم والقت الورود جانبا وهتفت
هناء بحزن:ليه ياعاصم؟
عاصم: ليه ايه!
هناء: ليه مصمم تكسر فرحتي وانت عارف اننا بنحب بعض ليه كل مرة تزعله وتقلل منه وانت عارف ومتأكد ان بيحبك وعاوز يقرب منك ومعتبرك اخوة الكبير
عاصم:انا… انا بهزر معاه عادي
هناء بلوم شديد:هزارك دة علي حساب كرامته ال هو لاغيها علشان خاطر يرضيك وبردو مش عاجبك وكل دة ليه ها علشان ضربك في مرة مهو كان علشان خاطر مراتك ولا علشان كان معجب بيها مهو عرف غلطه واعتذر مالك انت بقي فيك أيه عاوز تزعلني ليه دى وصيه بابا الله يرحمه حرام عليك والله لو ماصالحته منا مسمحاك
القت كلماتها وهرولت لغرفتها واغلقت الباب خلفها ثم ارتمت علي سريرها تبكي بشدة اما بالخارج:,,
ام عاصم:شفت يبني أخرة عنادك أديك زعلت اختك ال روحها فيك
عاصم:____
ورد:روح صالحها وراضيها ياعاصم هي ملهاش غيرك
عاصم:___
ورد:انا هدخلها ياماما
عاصم:استني ….
نظرت ورد وام عاصم ليعضهما بينما نهض من مجلسه ودلف لغرفه هناء فوجدها تبكي بشدة فجلس بجوارها علي السرير وهي متكورة علي نفسها
عاصم:بقي كدة عصوم حبيبك تقلبي عليه الدنيا علشان سي زياد بتاعك دة
هناء :😭😭😭
عاصم:خلاص علشان خاطري دموعك دي غاليه عليا اوي
هناء:لو غاليه عليك مكنتش عملت كدة من الأول خالص
عاصم:طب ايه ال يرضيكي وانا اعمله
نظرت له هناء بمغزي ليهتف هو:طب وكرامتي يانؤة
هناء:منتا ممرمغ بكرامته الأرض من يوم ماعرفناه
عاصم: بتحبيه اوي كدة
هناء: لما ورد اتخطفت وفضلت بعيدة عنك كنت حاسس بأيه؟
عاصم :كنت حاسس اني مخنوق متكتف وجع كبير اوي وكأني مدبوح ومش عارف ارتاح وهي بعيدة عني
هناء:اهو دة ال انا حساه الوقتي
عاصم:اممم كبرنا وبقينا نقول كلام عميق ياست نؤة حاسه بكل دة علشان زياد بيه لسه ماشي الوقتي حالا وانتي لسه مفقستيش من البيضه
هناء:عاصم
عاصم:قلب عاصم والله
هناء:روح صالحه وحدد معاه معاد الفرح كمان
عاصم:كمان!
هناء:ايوة علشان يتأكد انك باقي عليه وبتحبه ومتزعلش منه لما يقولك ياابو النسب ماشي
عاصم بتنهيده:أمري لله
_________________________
هارون:الخطبه يوم الچمعه الچايه وكلياتنا لازمن نروح دة حكيم زينه شباب السلانتيه كلياتهم
نعمه:ايوة صوح ياعمي حكيم واد عمتي زينه شبابنا كلهم عقل وأدب وعلام واحترام كفايه الطله بوشه تزين يوم الواحد
ماجد:ايوالله حكيم طول عمرة محترم وعاقل
نعمه:من واحنا صغار يبوي كان ديما يشدني من ضفايري ويلعب معاي دونا عن العيال كلياتها
ماجد:كنتي انتي وياه كيف التؤام علي طول مع بعض تلعبو وتتسامرو طول النهار ومحد يسمعلكم حس
هارون:ايوة ايوة فاكر يوم ماراحت الارض من ورانا وحكيم چابها لما تاهت وقعدت تعييط
ماجد:يومها كان شايلها شيل من كتررماعييطت ومكانتش راضيه تعاود القصر واصل
قهقه جميع الجالسون لتذكرهم ذكريات طفوله نعمه وحكيم عدا ذلك الذي يشعر بالغيظ والغيرة التي تفتك به لتمضي فترة ويتبعها للأعلي لجناحهما ويغلق الباب خلفه بضيق بينما اتجهت هي لخزانه ملابسها تنتقي من الثياب أفضلهم
سعد وهو يتابعها بنظراته:عتتهندمي اكدة ورايحه علي فين عاد؟
نعمه بلغه هادرة:رايحه قصر عمي هنداوي
سعد:وملكيش راچل تستأذنيه ولا ايه
نعمه :رايحه ابارك واهني مفيهاش حاچه
سعد:ويبقالك ايه بقي سي حكيم دة علشان يشيلك وانتي شحطه اكدة
نعمه:يبقي واد عم ابوي فيها حاچه مزعلاك دى
سعد :لاه وعتزعلني ليه انتي مفرچاش معاي اصلا
نعمه:وعتسأل ليه بچي طالما مفرچاش معاك
سعد:وانتي دخلك ايه أسال ولا مسألشي واعملي حسابك الفرح دة معتروحيهوشي واصل فاهمه
نعمه بأذعان:وة كيف الحديت دة
سعد:كيفي اكدة وكلمتي سيف علي رقبتك فاهمه
نعمه :لاة مفهماش حكيم دة رفيق عمري ويوم الهنا والمني اني اشوفه عريس كيف تمنعني من روحتي هناك
سعد بحمقه:قلتلك معتروحيش يعني معتروحيش وحكيم دة لو لسانك خاطب لسانه هقتلك واريح حالي وحسك عينك تطلي علي حد تاني بشعرك اكدة واعيه لحديتي ولا لاه
نعمه:تكونش غيران عليا واني موخداش بالي ولا ايه
سعد بأندفاع:ايوة غيرااان…. احم قصدي لاة مغيرانش بس يعني الكل عيتطلع فيكي وفي جمالك واني راجل حر ميمراش عليا الحديت دة وكمان الحجات ال عتحطيها علي خلقتك دى متحطيهاش واصل
نعمه :اوف منيك ومن تحكماتك دى
سعد بتحذير:قلتلك بلا طوله لسان يابت عمي ولا عترچعي تولولي
نعمه بضيق مكتوم:خلاص سكت اهه
_________________________
بعد ساعات طويله توقفت سيارة أمام قصر المنشاوي وهبطت منها آيه ثم دلفت لداخل القصر بهيئه مريبه يرثي لها ثم اتجهت نحو غرفتها ترتمي علي فراشها تبكي بحرقه علي ماآلت اليه الأمور وكيف انتهت قصه حبهما سويا لتمضي دقائق وتدلف دعاء للغرفه بعدما اخبرها الخدم بوصول آيه لتسرع اليها بلهفه
دعاء:آيه حبيبتي وحشتيني …. وة مالك عتبكي ليه عاد چرالك ايه انتي زينه ياخيتي
آيه:😭😭😭😭
دعاء:ايه ال حوصل بس طمنيني عليكي مالك ايه ال عيوچعك
آيه:همليني لحالي الله يوفچك يادعاء
دعاء:كيف اهملك وانتي اكدة فينه سيف كيف چيتي اهنيه لحالك
ظلت آيه تبكي دون تفسير مما أثار قلق دعاء بشدة لتجلس بجوارها وتحتضنها وتربت علي كتفها بحنان لتمضي دقائق ويدلف فارس للغرفه
دعاء بلهفه:فارس تعالي شوف آيه مالها
فارس بعقلانيه:آيه زينه هملينا لحالنا يادعاء
دعاء بأستغراب:اني مفهماش حاجه
فارس:مش ضروري تفهمي دلوك
فهمت دعاء ان هناك أمرا لا يطمئن فأنسحبت بهدوء تاركه لهم المجال للحديث سويا علي انفراد
فارس: مالك ياخيتي فيكي ايه؟
آيه:انا عاوزة اتطلق
فارس:استهدي بالله اكدة واعقلي
آيه:قلتلك عاوزة اتطلق يافارس هتقف معايا ولا لا
فارس:اني چارك في كل ال تطلبيه لكن عمري معمل حاچه تأذيكي انتي خيتي وراحتك مسؤليتي عاد
آيه ببكاء:انا تعبت ولو بجد هماك راحتي ذي مابتقول يبقي تطلقني منه
فارس:طب ايه ال حوصل فهميني علشان اعرف اققف چارك
آيه:بيخوني سيف بيخوني بعد الحب ال حبيتهوله كسرني وقهرني وشفته بعيني يافارس محدش حكالي انا بكرهه
فارس:الأمور متنحلش اكدة طولي بالك
⬇️⬇️الاقتباس الصغيور فكرينه⬇️⬇️
آيه:انا كرهته مبقتش طايقه اشوفه حرام عليك بقي حس بيا
فارس:حسي انتي بالمصيبه ال عهتعمليها في حق نفسك
آيه:خلاص استحاله ارجعله تاني بعد ال عمله دة كسرني وحرق قلبي
فارس:انتي ظلماه حرام عليكي اققفي مع نفسك شويه هتلاقي انه مظلوم اعقلي يابت عمي قبل مايفوت الأوان وترچعي تاكلي صوابعك من الندم
آيه:لازم ادوقه ال عمله معايا ويحس بال انا حساه الوقتي بسببه
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.