رواية بنات المنشاوي الجزء الثاني – الفصل السادس والعشرون
بنات المنشاوي ج٢ الفصل السادس والعشرون
بقلم خلود وائل 🌻
مضي الليل بسلام علي ابطالنا جميعهم فأخيرا عادت الامور بين ورد وعاصم لسابق عهدها وتم تحديد يوم اتحاد قلبي زياد وهناء بينما علي الجانب الأخر كانت تغفو آيه بسلام بين احضان سيف لتفتح عيناها براحه وتبتسم لرؤيتها وجهه الملائكي وتتسلل من تملكه لها وتهبط للأسفل لتعد له الفطور بينما تململ هو الأخر بعد فترة ليفتح زرقاوتيه ويرمش بأهدابه عدة مرات باحثا عنها فوجدها تفتح باب الغرفه وتدلف للداخل حامله بين يديها صينيه مليئه بالطعام وتبتسم بنعومة وصفاء ليعتدل هو في جلسته ويطالعها بنظرات عاشقه بينما تدنو منه وتجلس بقربه واضعه الصينيه امامها
آيه:ياصباح الهنا علي حبيبي
سيف:صباح الورد علي عيونك يايويتي
آيه:قوم يلا بسرعه أغسل وشك وتعالي بقي دوق الفطار ال حضرتهولك بأيديا
سيف: امممم فطار لحد السرير دة أيه الرضا دة كله
آيه :هو انت متعرفش ان ربنا خلقني علشان راحتك انت وبس وان رضايا عليك دى فرض عليا ولا مش واخد بالك
سيف غامز:لا بستعبط
آيه بضحكه ناعمه:طب يلا ياعم المستعبط انت
قبل سيف جبينها ودلف للمرحاض وغاب لدقائق وعاد سريعا للسرير لتبداء هي بأطعامه بيديها بحنان بينما هو لا تسعه السعادة
سيف:كان فين الرضا دة امبارح واحنا نايمين اخوات مش فاهم
آيه:الله .. مش انت قلت ان دي تعليمات الدكتورة اعملك ايه وبعدين انا لسه مش صفيتلك اوي
سيف بتعجب:انتي هتجننيني والله امال ايه ال حصل امبارح علي الشط والكلام الحلو دة كله وكمان الفطار دة … بت انا شاكك فيكي انطقي حطيتي ايه في العصير دة
آيه: يعني هكون حطالك حبوب منع الحمل ذي مكنت بتعمل معايا
سيف بغصه:بردو مش قادرة تنسي ولا عاوزة تصدقي انه كان لمصلحتك
آيه بندم:لا والله انا مش قصدي انا بس قلت ال جه في دماغي علي طول … أنا أسفه ياسيف والله مااققصد انا عارفه انك كنت بتعمل كدة لمصلحتي
سيف:لما عرفتي اني بحطلك الحبوب من وراكي وكنت فعلا بعمل كدة حكمتي عليا اني مبحبكيش ومش عايز اخلف منك وزعلتي وخدتي قرارك مع نفسك لكن بعدين عرفتي اني مظلوم وبعمل كدة لمصلحتك بس تسرعك وحكمك عليا من غير ماتديني فرصه ادافع بيها عن نفسي كان ممكن يغير معالم حياتنا صح؟
آيه: صح
سيف وهو يمسك بوجنتها بخفه:والموقف دة بيشبه اوي الفترة ال احنا فيها دي بردو انا مظلوم وانتي بتحكمي عليا بسبب حجات بتشوفيها
آيه:خلاص قلتلك أني واثقه فيك
سيف:يعني مش هلاقيكي قافشه عليا لما نروح ويحصل اي حركه تانيه
آيه بتوتر: اكيد…
سيف :محتاجلك اووي محتاجك جمبي اوعي تسبيني ياآيه انا بقوي بيكي وبحبك ليا طمنيني بوجودك وسندتك ليا
ابتسمت آيه وامسكت بيديه:اطمن انا جمبك وجوة قلبك وعمري مهسيبك ابدا
ابتسم سيف بأرتياح واكملا تناول طعامها بهدوء ودلفا سويا للأسفل ليكملو بقيه اليوم بالخارج
__________________
في غرفه زياد كان يخطو ذهابا وأيابا وتجلس امامه اخته رنا تطالعه بأستغراب شديد
رنا:متقعد يبني خيلتني
زياد:نفسي اليومين ال لسه دول يعدو بسرعه انا حاسس ان يوم الجمعه دة مش عايز يجي خالص
رنا:يحبيبي انت علشان مستعجل فبيتهيقلك وبعدين دة بس كتب كتاب والفرح بعد سنه لسه بدري يازيزو
زياد:ولو المهم اطمن وتبقي مراتي واشوفها واكلمها براحتي وقت مااحب من غير ماابو لهب دة يكتم نفسي ويذلني ذي مابيعمل فيا الوقتي دة ساحب مني تليفوني وحابسها في اوضتها الجاحد ابن الست الطيبه ال قاعدة تحت دة محسسني اني ابنه وعملت عمله وبيربيني عليها
رنا بقهقهه:ياحبيبي القط ميحبش الا خناقه
ذياد:دة خنقني لحد ماجبت اخري دة ابتلاء من عند ربنا ياشيخه انا عارف هناء استحملته السنين ظى كلها اذاي
رنا:مش اخته يبني
زياد:بس بس متقوليش اخته دي حته فراولايه كدة عبارة عن منجايه مسكرة جمال ودلال انما فرعون دة حسبي الله ونعم الوكيل
طرقات الباب ⚡⚡⚡⚡
رنا:ادخل
دلفت الخادمه للغرفه:الغدا چاهز ياست هانم وعاصم بيه بعت وراكم لچل ماتتغدو
رنا:طب روحي واحنا جايين وراكي
اغلقت الخادمه الباب وهبطت للأسفل اما ذياد فهتف:لا وكمان بيجي علي الثيرة اللهم احفظنا
رنا:يازيزو ياحبيبي كبر دماغك وانسي واستحمل وربنا هيفرحكو في الاخر طب بذمتك كانت هتبقي خطوبه حلوة وسايبه جواك ذكريات من غير عمايل عاصم
زياد:دي سايبه جوايا علامات مش زكريات
رنا بضحك :طب والله دمه خفيف
زياد:اه مهو شربات مكرر مدي ننزل الله يخليكي قبل مااطق من الغيظ
هبط كلاهما للأسفل واتجهت رنا للطاوله الفارهه وسحبت كرسي وجلست بجوار ام عاصم بينما تبعها زياد وجلس برفقتها بعد دقائق وبداء الجميع بتناول الطعام
بعد دقائق…
عاصم:كح كح… كح كح…. اهه هء اهءءء كح
ورد بلهفه: مالك ياحبيبتي انت كويس
عاصم:مين حط في طبقي شطه
ورد بتعجب:شطه!! انا معرفاهم انك مبتحبش الشطه خالص ياحبيبي اكيد في حاجه غلط
عاصم: كح كح كح…اهء كححح
ام عاصم:مالك ياضنايا
حسان:بسرعه ناوليه ميه ياورد يابتي
ناولته ورد بقلق كوب المياة ليتناوله سريعا بينما أحمر وجهه بشدة واشتعلت عيناه كالجحيم
ورد:استر يارب مين ال طبخ الباميه دي
صفيه:اني يابتي ال طبختها بيدي وكلكم حداكم منيها اشمعنا طبچ عاصم اسملا عليه ياحبيبي
نهض عاصم من مجلسه وأخذ يسعل بشدة والحرارة تسري بجوفه تؤلمه بشدة بينما توترت الأجواء واجتمع حوله الجميع
رنا:وشه احمر بسرعه ليه كدة ياورد
ورد بقلق:عاصم عندة حساسيه من الشطه والاكل الحراق والباميه قلبت عليه الحساسيه ربنا يستر
عاصم:ااااه نااار ناار جوايا ياورد
ورد بأختناق:سلامتك ياحبيبي حد يجيب كوبايه لبن باردة بسرعه
رنا:لبن او زبادي قوم يازياد بسرعه روح اققرب صيدليه هاتلي الحبوب والچل ال هكتبلك اسمه بسرعه
زياد:حبيبي ياابو النسب الف سلامه عليك
نظر له عاصم بأعين منتفخه حمراء بشدة بغيظ شديد من برودة او بالأحري شماتته
بعد فترة طويله في غرفه عاصم والجميع حوله
ام عاصم بحزن:سلامتك ياضنايا انشالا انا مكانك
عاصم وهو يقبل يدها بحنو:بعد الشر عنك ياست الكل
صفيه: سلامتك ياغالي الف سلامه
عاصم: الله يخليكي ياطنط
فارس :سألت الخدم كلياتهم بيچولو الوكل كله انغرف كيف بعضه ومفيش هبابه شطه فيه مخابرش كيف اندست بطبقك عاد
عاصم بتعب :حصل خير يافارس متشغلش بالك انا كويس الدوا ال دكتورة رنا كتبتهولي ريحني كتير
رنا:الف سلامه عليك يابشمهندس الحمد لله ربنا لطف قبل ما الحساسيه كانت تبهدلك
ام عاصم:عمرة ياحبه عيني مبيحبش الحاجه الحارة من ال بتعمله فيه
زياد:قلبي عندك ياغالي والله سلامتك اذاي بس يحصل معاك كدة بقي دة اسمه كلام ياجماعه
فارس:والله عقلي شت عاد مخابرش كيف دة حوصل
هناء: الحمد لله حصل خير المهم يكون عاصم بخير
ورد:الحمد لله ربنا يخليك لينا يا حبيبي
عاصم:وميحرمناش من لمتنا ابدا يارب
جميعهم :يارب
كان زياد يختلس النظرات لهناء وهي تقف حزينه من اجل اخيها لينتبه له عاصم فيزفر بضيق
عاصم:خلاص ياجماعه انا بقيت كويس اطمنو
حسان: ادينا چاعدين چارك ياولدي نطمنو عليك
عاصم:مش عايز اتعبكو ياعمي واتقل عليكو كفايه ورد قاعدة معايا
فارس:كلام عاصم زين يبوي دلوك لازم نسيبوة يرتاح هبابه ومرته چارة
زياد بنبرة مازحه :زعلت علشانك والله يبو النسب شدة وتزول البني أدم ضعيف بردو مفيهوش الا لسان تخيل
عاصم وهو يكز علي انيابه:ربنا يجازي ولاد الحرام
زياد:ياارب
اطمئنو جميعا عليه وهمو بالخروج من الغرفه ليقترب ذياد من هناء بمرح ويهمس:نصايه واققابلك تحت هموت واكلمك وحشني دلالك يابرنسيسه
هناء بخجل:بس لأحسن عاصم يشو____
عاصم من الداخل :هنااااء
هناء بتوتر:نعم ايوة جيت اهوة
زياد بضيق:الجوازة دى منظورة اقسم بالله حد باصصلي فيها انا عملت ايه في حياتي علشان يتعمل معايا كدة
دلفت هناء للداخل هاتفه:ايوة ياعاصم عاوز مني حاجه
عاصم :اققعدي معايا شويه عما ننزل سوا
هناء:ننزل!! مش انت منبه عليا مااخرجش من اوضتي
عاصم:زمانك زهقتي انزلي معايا شويه وبعدين ارجعي تاني
هزت هناء كتفيها بحيرة:ماشي
عاصم لنفسه:”لا الناصح فاكر انه هيستفرد بيكي في غيابي ههه كان غيرك اشطر يازياد افندي”
بالحديقه..
زياد:ابن الذين امنو بردو طابق علي نفسي وخد البت قعدها معاه اعمل فيه ايه اققتله
رنا:يابني ارحم نفسك بقي هيجرالك حاجه
زياد:هو انا لسه هيجرالي مجرالي يختي وال كان كان
رنا:زيااد…
زياد بتوتر:نعمين وحته
رنا:انت ليك يد في ال حصل مع عاصم ؟
زاغ زياد بنظرة ورفع حاجبيه بتعجب :انااااا يستحيل دة ابو النسب وحبيبي لا لا… ….لايمكن
رنا:امممممم امال اختفيت فين قبل الغدا ها؟
زياد:كنت بشرب ميه وجيت عادي يعني
رنا:عليا انا يازيزو
زياد:انتي اذاي تشككي في اخلاقي ومبادئي انا اعمل كدة انا لايمكن احط شطه لنسيبي حبيبي انا حطيتله فلفل حراق مطحون بالهنا والشفتشي علي قلبه مطرح مايسري يكوي 😂
رنا :انا كنت متأكدة … انت لازم تعتذرة وحالا
زياد:انتي مجنونه يابت دة مش بعيد يخنقني ويوئد أخته علشان يرتاح من الموال دة دة من حظي الهباب انه طلع عندة حساسيه من الشطه وكان هيروح فيها دي هناء لو عرفت هتقطع علاقتها بيا للأبد
رنا: ولما انت عارف ان هناء هتزعل عملت كدة ليه مش حرام عليك
زياد:وهو مش حرام عليه عمايله ال عاملها فيا دي كلها ولا انا مش اخوكي وصعبان عليكي
رنا: ياحبيبي انا خايفه عليك طب افرض كان جراله حاجه كنت هتعيش بذنبه
زياد:عدت بقي يارنوش اديني فشيت غلي والسلام
رنا:لا معدتش كدة غلط وانت لازم تكون ندمان عليه بينك وبين نفسك اققل حاجه
زياد: ندمان والله بس هو ال خلاني اعمل كدة منا مش هفضل مستحمل الملطشه دى كتير انا مش عيل يارنا متفهمي بقي
رنا:فاهمه ياحبيبي بس انت استحملت ورضيت من الاول ليه جاي تزهق الوقتي
زياد:جبت اخري خلاص بقي كفايه كدة خطيبتي لا عارف اشوفها ولا اتكلم معاها دة يرضي مين
رنا:طب اوعدني انك مش هتعمل كدة تاني تحت اس سبب كان
زياد:اوعدك ياستي
_________________
كانت تجلس بغرفتها علي أحدي الارائك تعبث بهاتفها دون اهتمام لذاك الذي يتأنق أمام المرآه ويسترق النظرات اليها دون انتباه منها
سعد:چومي چيبلي الچذمه البني
نعمه ببرود:حداك عند الباب
سعد بأستنكار:وة ممكلفاش حالك تچوي تلبسهالي كيف قبل خلاص اتستتي وبچيتي هانم
نعمه وهي تنظر للهاتف بلهجه باردة:اني هانم من يومي وملوش عازة عاد البسك چزمتك يدك مفيهاش حاچه تلبس حالك ولا انشليت
اقترب منها بغضب وامسكها بقوة من خصلات شعرها وهتف بشر:شلل يلملمك لم ايه السم ال عيطلع من خشمك دة
نعمه بغضب:هملني باعد عني
سعد:اعتذري عن الحديت الماسخ ال قلتيه دة
نعمه ببكاء:أسفه … انا أسفه هملني الله يخليك اااه
شعر بغصه لبكائها وانينها بين يديه فتركها بغضب شديد وهتف:انچري هاتي الچذمه ولبسيهالي عاد
خطت نعمه نحو الحذاء وحملته متجهه اليه ووضعته ارضا وجثت علي ركبتيها وشرعت في وضعها بقدمه ليمسكها من ذراعها قائلا:باعدي اني هلبس حالي لساني منشليتش عاد
انسحبت من أمامه وهي تبكي بحرقه لتدلف سريعا للمرحاض وتغلق خلفها الباب اما هو فأرتدي حذائه بغضب ودلف لخارج الغرفه واستوقفته عند الباب اصوات شهقاتها العاليه ليشعر بغصه شديدة تتملكه وتمنعه من الخروج ليغلق الباب ويعود للداخل متجها لباب المرحاض ليطرقه
سعد:افتحي الباب يانعمه
_چلتلك افتحي الباب
_بلاش دلع ماسخ امال
_يوووة چلتلك افتحي ام الباب بدل مااكسرة علي نفوخك دلوك
بدأت شهقاتها بالأندثار بينما شعر هو بالرعب كون تذكره فعلتها السابقه فأخذ يطرق الباب بشدة واندفع بكامل جسدة نحوة مرة تلو الأخري حتي كسره ودلف للداخل فوجدها تجلس أرضا متكورة علي نفسها بوضعيه الجنين تبكي بصمت ليشعر بقليل من الارتياح ويتجهه نحوها ويجذبها من ذراعيها لتقف بمحاذاته
سعد بنبرة حازمه: لما انتي مش قد المناهدة والزعل عتناحي وتطولي لسانك لييه
نعمه:😭😭😭😭
سعد: اللهم طولك ياروح
نعمه:باعد يدك عني واوعاك تقرب مني روح شوف كنت رايح فين وهملني انا معوزاش منيك شفقه
سعد:بكفياكي طوله لسان ولا مصممه امد يدي عليكي
نعمه:مدها وريح حالك انت من امتي بيهمك راحتي ولا بيخوفك زعلي عمال تفكر كيف تكسرني وتوچعني بتعرف زين تدوس عليا وتزلني مستني مني ايه اهننك وادلعك قصاد ايه قصاد كسرة نفسي ودموعي ال معتفارچش خدي ولا قصاد حبستي ليل نهار بالأوضه علشان تشوفني مقهورة
سعد:وة شيفاني قاسي اكدة ومشيفاش حالك ياما حذرتك وقلتلك انسيني وبعدي عن طريقي صممتي وحكمتي راسك واتچوزتيني غصب عني دلوك چايه تعيطي وتولولي مش انتي ال حاولتي تفرچي بيني وبين مرام الله يرحمها ودنيتك ورايا لحد مااتچوزتك
نعمه بصراخ:كنت مخبله كنت عيله مفهماش كان عقلي مشايفش غيرك وقلبي متشحتف عليك قلبي ال انت دوست عليه بالچذمه
انتابتها نوبه صراخ هستيريه ممزوجه بالبكاء الحار ولم يجد فائدة من الحديث او التهديد لأسكاتها فوجد نفسه دون تفكير يحتضنها بقوة لتستكين بين أضلعه وتهداء تدريجيا وتصبح شبه فاقدة للوعي ليحملها بين ذراعيه ويتجه بها نحو السرير ويدثرها ثم جلس بقربها يربت علي خصلات شعرها بحنو بينما غفت هي في سبات عميق
_____________________
آيه:لا ياعم انت بتغش كدة مينفعش
سيف:انتي ال مش عارفه تلعبي اصلا وبتداري علي خيبتك
آيه:محصلش انت ال بتلعب عليا وبتستغل اني مبتدئه اعترف ياسيف الأنكار مش هيفيدك
سيف بضحكه رجوليه:منا لو اعترفت هتعاقبيني ولو صممت علي كلامي مش هترحميني اعمل ايه
ابتسمت بشدة تكشف عن اللؤلؤ المصفوف اسفل شفتيها قائله بدلال:طب اعملك ايه منا ضعيفه قدامك في كل حاجه مبعرفش اغلبك ابدا
سيف وهو يحك ذقنه:امممم لا في حاجه واحدة غلبتيني فيها
آيه بلهفه:هي ايه؟
سيف:العناد
آيه بفقدان الشغف:منا بطلت عناد من زمان ولا ايه!
سيف :طب عيني في عينك كدة
آيه:يووة بقي منتا عارف ياعم انت اني بغرق في بحر عنيك الله بقي
سيف: وحشتني الله بقي دة اووي
آيه: وايه كمان؟
سيف :وفنجان قهوة وحشتني القهوة موت
آيه بغيرة:انا ولا القهوة ياسيف
سيف:دة سؤال يايويو انتي طبعا
آيه:ايوة كدة
سيف:بجد والله بقالي كام يوم مشربتش قهوة دماغي مش مظبوطه خالص
آيه:طب متشربها فين المشكله
سيف: انتي مبتحبيش ريحتها وانا مش حابب اضايقك
آيه:طب جرب تعملها يمكن الحمل يخليني اتقبل ريحتها ذي حجات تانيه كتير
سيف:تعرفي انا نفسي اشربها من ايديكي اوي
آيه:عمري معملتها …. ايه رايك نقوم نعملك قهوة وانا بنفسي هعملهالك انت بس عرفني الخطوات
سيف:متأكدة؟
آيه :ايوة قوم يلا وبالمرة نسيب اللعبه ال انت بتغش فيها دي
سيف :بردو بغش
آيه:ايون
دلف كلاهما للمطبخ واحضر لها سيف ماتحتاجه لأعداد فنجان من القهوة
سيف:بصي يابنوتي اول حاجه هتحطي ميه باردة قيمه الفنجان علشان البن يستوي علي مهل تمام
آيه: تمام
سيف:وبعدين حطي اربع معالق بن صغيرين
آيه:مش كتير؟
سيف:لا مظبوطه انا بحبها كدة
آيه: تمام….. كام معلقه سكر
سيف: سكر!!انتي كدة بتهيني القهوة
آيه بتعجب:بهينها؟!
سيف:ايوة طبعا حلاوة القهوة في مرارتها هي تتشرب سادة بس غير كدة متتحسبش قهوة
آيه:بتستمتع بيها اذاي وهي مرة
سيف:دة كيف ياأيوو مستحيل اشربها غير لما تكون سادة وبوش كمان
آيه:وانا اشطر كتكوت وهعملهالك بوش كمان لا بجد انت مش طماع
سيف:متخافيش بس وخلي نار الركوه هاديه خالص وانا معاكي اهوة
فعلت مثلما اخبرها تمام وهاهي تقف بتركيز تتابع القهوة وهو ينظر لها بسعادة
سيف: ريحتها مضيقاكي؟
آيه: مش اوي
سيف:طب اطلعي انتي برة وانا هخلصها
آيه:لا طبعا انا ال هعملها ولا خايف لتطلع مظبوطه وتنسب الفضل لنفسك يامكار
سيف بقهقه رجوليه:مكار .. ماشي ياستي خلي بالك خلاص قربت تخلص ثواني وصبيها في الفنجان
ثواني وفعلت مثلما اخبرها وحملت الفنجان وظلت تنظر له بفرحه متسائله:ها كدة بوش ولا من غير طمني
سيف:جميله الوش ماليها اهوة يابنتي انتي متعرفيهوش
آيه:ولا عمري شفته يبني بقولك مكنتش بطيق ريحتها وكنت بتغاظ من عمي حسان كل دقيقه قهوة قهوة لما كان بيقلب بطني
سيف وهو يرتشف القهوة:اممممم هتصدقيني لو قلتلك ان دة اطعم فنجان قهوه شربته في حياتي
آيه بفرحه غامرة:بجد!
سيف:اه والله كفايه انه من ايديكي الحلوين دول
آيه:ربنا يخليك لقلبي ياسيفو
سيف:قلب سيفو والله
مضي الليل بفرحه وسلام علي جميع الاطراف وتبعه اليوم التالي والذي يليه حيث انهي سيف وآيه به أيامهم المرحه واتجهو سويا لقصر المنشاوي كما وعدها من قبل لتشرق شمس اليوم الموعود يوم كتب كتاب زياد وهناء
_________________
⭐⭐⭐ڤوت⭐⭐⭐
دة الهدوء ال قبل العاصفه 😅💓فرحوني بتوقعاتكو علشان المرة الجايه غيرررر 😻🤷🏻♀️
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.