رواية بنات المنشاوي الجزء الثاني – الفصل السادس
بنات المنشاوي ج٢ الفصل السادس
بقلم خلود وائل 🌻
ورد:عصوم …صاصا … قلبي
عاصم دون ان ينظر اليها:نعم
ورد:طب بصلي طيب
عاصم:انجزي ياورد عاوزة ايه
ورد:عاوزة اصالحك ممكن!
عاصم بلغه هادرة:وانا زعلان ليه اصلا ؟!
ورد بدلال:قلبك ابيض بقي ياصومي انا عارفه اني مقصرة جامد اوي والله بس غصب عني
عاصم:حفظتهم انا الكلمتين دول شوفي غيرهم حتي نكسر الملل
ورد :بقي كدة ياعاصم
عاصم وهو ينظر نحوها :ايوة كد___ ….يخربيتك ايه الحلاوة دي 😍
ورد :عموما انا كنت جايه اصالحك بس انت حر بقي تصبح علي خير
انتفض عاصم من مجلسه سريعا وامسك بمعصمها برفق قائلا وهو يطالعها بحب:استني بس تصبح علي خير ايه الوقتي انا عاوز اسمع ال كنتي جايه تقوليه
ورد بدلع:خلاص بقي مهو انت طلعت مش زعلان وكمان حافظ الكلمتين ال هقولهم يبقي ملوش لزوم بقي
عاصم وهو يقترب منها:سيبك من الحوارات دي كلها وقوليلي ايه الجمال دة كله انا مش مصدق عنيا
ورد:اممم علشان تعرف بس ان الصبر اخرته جبر
عاصم وهو يقبل يديها بحنان:احلي جبر دة ولا ايه
ورد وهي تبتعد عنه بدلال بعد دقائق:اوعا كدة انا زعلانه منك اصلا
عاصم :الوقتي حالا هنسيكي كل الزعل دة
ورد بدلال:بحبك ياعصومي
عاصم بهيام:وانا بموت فيكي ياقلب عصومي والله…🙈💓
بعد فترة طويله وورد نائمه بجوار عاصم هتفت بنعومه :حبيبي سرحان في ايه؟
عاصم:فيكي
ورد:وانا جمبك ؟!
عاصم وهو ينظر لها بحب:ديما علي بالي ياورد وعمري منسيتك … الفترة ال غبتيها عني كانت اسؤ فترة في حياتي كنت بدعي ربنا ليل نهار انك ترجعيلي تاني كنت حاسس أني تايهه في بعدك
ورد:وانا عمري مهبعد عنك تاني ولو للحظه واحدة
عاصم:انا ال ابقي عبيط اصلا لو اديتك الفرصه
شعرت ورد بأنه التوقيت المناسب لتحدثه في أمر هناء ولكنها كانت حائرة لاتعلم من أين تبداء
عاصم:ريري… سرحتي في ايه كدة؟
ورد:في هناء
عاصم بأهتمام:مالها هناء ياروحي مهي ذي القردة تحت اهي
ورد:يعني الفترة دي علي طول سرحانه كدة ومع نفسها مش عادتها يعني
عاصم:انا بردو ملاحظ انها بقالها كام يوم هاديه ذي متكون بتفكر في حاجه.. متتكلمي معاها كدة وتشوفي الدنيا فيها ايه؟
ورد:مش يمكن تكون بتحب؟
عاصم: بتحب؟؟ لا يختي انا اختي محترمه وملهاش في الكلام الفارغ دة
ورد بأستياء:الحب بقي كلام فارغ وانت لما كنت بتحبني كان كلام فارغ ولا حبي ليك بتعتبرة كلام فارغ!
عاصم:في ايه ياورد انا مقصدش كدة انا وانتي كنا حاجه تانيه انا اول ماحبيتك طلبت ايدك علي طول مالعبتش عليكي ولا قضيتها مكالمات وخروجات ولعبت بيكي
ورد بمحاوله تلطيف الجو:علشان راجل ومفيش منك ياروحي
عاصم:لا … علشان بموت فيكي وكنتي مجننه أمي
ضحكت ورد بدلال انثوي هاتفه:طب ايه رايك بقي اني حاسه انها هتتخطب قريب
عاصم:وايه بقي ال مخليكي حاسه بكدة؟
ورد:يعني كنت بكلم دكتورة رنا من كام يوم ولمحتلي ان زياد اخوها بيدور علي عروسه وكدة
عاصم:الواد الرزل دة مستحيل يتجوز اختي
ورد:اهدي بس ياابو منال
عاصم:اااه طالما قلتي يابو منال يبقي الموضوع كبر في دماغك صح
ورد بأبتسامه:صراحه زياد انسان محترم ويعرف ربنا وهيحافظ عليها
عاصم:ومالك بتتكلمي وكانه عاوز يخطبها بجد ليه كدة؟!
ورد بتوتر:ها… لا … ابدا.. انا بس يعني بقول احساس
عاصم:لا اطمني الواد دة مبينزليش من زور اصلا ولو حصل مش هوافق مبقاش غير العيل الطري دة ال هجوز اختي ليه
ورد بتوتر:بس انا حاسه انه ممكن يكون داخل دماغ هناء
عاصم :بأمارة ايه انشاء الله تعرفه منين هناء ولا كلمته امتي علشان يدخل دماغها… ورد في حاجه تعرفيها ومخبياها؟
ورد برعب:انا!! لا ابدا دي مجرد دردشه معاك ياحووب
عاصم:طب نامي ياورد قبل ماتقلب نكد
ورد :ماشي ياروحي تصبح علي خير
عاصم بهيام:رايحه فين تعالي في حضني ولا نسيتي كنتي بتنامي اذاي قبل منوله
ورد بفرحه:لا طبعا منستش ياقلبي😍
_________________
في قصر المنشاوي كانت تجلس دعاء علي الأرض تبكي بقهره علي مافعله فارس بها منذ ان رأها تقف مع سعد وضربه لها والكلمات الجارحه التي وجهها لها إلي أن انتهي بها الأمر محبوسه في جناحها الخاص دون ان يهتم لأمر جنينها الذي اقترب موعد ميلادته أما بالأسفل فكان يجلس في احدي الغرف مطأطئ رأسه للأسفل بين كفي يديه يشعر بضيق شديد بداخله يتذكر كلمات سعد واشتياقه لزوجته لتغلي الدماء بجسدة وتحترق رجولته يود لو يمسك بسعد ويكيل له الضربات بل ينهي أمرة ويبرد دمائه وود أكثر لو يحتضن محبوبته ويطمئن عليها وعلي جنينها فمنذ الصباح ولم يراها ولا يعلم كيف حالها ولكن كبريائه يمنعه من هذا الي ان قطع تفكيره صوت والدته
صفيه بحزن:حرام عليك ال عتعمله دة ياولدي البت ياحبه عيني ريقها نشف من كتر العييط ومن صباحيه ربنا مداقتش الذاد حرام عليك يافارس
فارس بحرقه:تنقطم رقبتها وتحمد ربها اني مدفنتهاش مطرحها
صفيه:وهي عملت ايه لكل دة ياولدي ولا ابنك ال في بطنها ذنبه ايه بكفاياك عناد يافارس ال عتعمله دة نهايته واعرة چوي
فارس بحدة:عوزاني اعمل ايييه يعني لما ادخل علي مرتي والاقي راجل غريب عنيها عياكلها بعنيه ويقولها انه عيحبها واتوحشها چوي قوليلي يما اعمل ايه انا چوايا ناار قايدة لو سبتها عليها هتحرقها هي وال في بطنها حبستها فوق ارحملها بكتير عن ال هعمله فيها لو شفتها
صفيه بدهشه:وة وة كيف ال عتقوله دة ياولدي وراچل مين دة ال كان معاها وميتي!!
فارس بحسره:النهاردة الصبح رچعت القصر لقيتها واقفه مع سعد چوز مرام خيتي الله يرحمها وعيقولها … أغمض فارس عينيه بقوه ولم يكمل كلماته وابتلعها بغصه مؤلمه محاولا تمالك اعصابه وعدم الأنفجار بوالدته التي لا دخل لها بأي شيء
اقتربت منه صفيه بحذر ومدت يدها بحنو تربت علي كتفه وظهرة وهي تهتف:طول بالك ياولدي بالله عليك تطول بالك الأمور متنحلش اكدة
فارس بحزن:تنحل كيف يما قوليلي وريحيني
صفيه:فكر بعقلك ياولدي وافهم قبل ماتحكم مش كل حاچه بنشوفها بتكون صح سعد معذور بردك
فارس بغضب:عتچولي ايه يما مخك فووت ولا ايه
صفيه بتفهم:اسمعني بس يافارس
فارس:اسمعي انتي قسما عظما لربيه ولد النسوان دة واعرفه كيف يدخل قصري في غيابي وكيف يتمادي اكدة وخياله يوصله انه يبص لمرتي
صفيه:ياولدي افهم الأول سعد لما شاف دعاء فكرته بمرام الله يرحمها وانت خابر زين انه كان عاشقان مرته ومكانش يعرف دعاء واول ماشافهها فكرها مرام ورافض يصدق انها واحدة تانيه غير اختك
فارس بحدة:وهو شافهه قدامك قبل اكدة يما وعمل اكدة قدامه
صفيه:ياولدي طول بالك دة كان چاي يستأذن انه عيتچوز وعمل خاطر لينا واني ال بعت ورا دعاء وطلبتها تاچي تسلم عليه
فارس:ومن بچاحته چايلها النهاردة لوحدها والله لخليك عبرة ياولد هارون
صفيه:طول بالك ياولدي واخزي الشيطان واطلع لمرتك وروح راضيها بدل مايچرالها حاچه
فارس بغضب جليل:تنفلق ولا تولع
القي كلماته وترك الغرفه بأكملها ودلف للخارج والشر يحلق من حوله ….
____________________
صباحا في ڤيلا الحديدي استيقظت آيه وفتحت عينيها بتثاقل تبحث عن قرة عينها فوجدته نائم بجوارها غارقا في النوم فنظرت له بحب وابتسمت بسعادة وعدلت من جلستها بجوارة تتأمل ملامحه الرجوليه التي تعشقها وهي تهمس:قمررر يخربيت كدة
ثم وضعت كف يدها الرقيق علي خصلات شعرة تعبث فيها بنعومه وهي تبتسم هامسه:شعر حرير وعيون زرقا ودقن وكمان تفاحه آدم لا كدة كتير عليا والله أكيد منال الله يرحمها كانت بتحبني ودعيالي يخلاثو علي القمر ال نايم جمبي
سيف بهمس مبحوح:لا واحدة واحدة اصل هتغر في نفسي
آيه وقد اتسعت ابتسامتها:صباح الورد والياسمين .. انت صاحي من امتي
سيف بنبرة عاشقه وهو يفتح عينيه:صاحي من ساعه يخربيت كدة
آيه:سيف بقي
سيف: الله هو انا عملت ايه الوقتي
آيه:وهو انت ناوي تعمل ايه ع الصبح كدة
سيف وهو يضمها اليه :ناوي اعمل كتير بصراحه
آيه بمشاكسه:سيييف
سيف:طب والله انتي ال نيتك مش سالكه اصلا انا مش في دماغي كدة
آيه بأحراج:احم امال قصدك ايه؟
سيف:قصدي اني النهاردة ليكي وبس مفيش شغل ولا اي حاجه مفضيلك نفسي اؤمري ذي ماتحبي عاوزة نخرج نسافر نعمل اي حاجه انا مش هقولك لا … تحبي نقضي اليوم اذاي
آيه بسعادة:بجد … يعني انت ليا وبس
سيف وهو يمسك بكف يدها يقبله بنعومه:ليوم مااموت انا ليكي وبس
وضعت آيه يدها بسرعه علي فمه :بعيد الشر عنيك اوعاك تچول اكدة تاني
سيف:اموت انا في الصعيدي ياخط انت
قهقهت آيه عاليا مكمله:أحنا چامدين چوي ونخافو عليك ونحطوك برمش عيونا كيف الكحله
سيف وهو يتأملها بشغف:وانتي جوة قلبي قاعدة مربعه
آيه بخجل:سيف بقي
سيف برغبه وعشق:ايوة بقي
ارتفعت طرقات الباب ⚡⚡⚡
آيه:الباااب
سيف:سيبك منه ركزي معايا
آيه:ياسيف مينفعش الباب بيخبط
سيف بضيق:هيكون مين يعني غير المؤذيه هادمه اللذات ومفرقه الجماعات!
دلف سيف لخارج السرير واتجهه نحو الباب ليفتحه وهو يهتف:انا قلت والله مهو مفيش قطاعه ارزاق هنا غيرك
ليان :لأقعدن علي الطريق واشتكي ياسيفو
سيف :يختي اققعدي جمب اي إشارة اخلصي عاوزة ايه ع الصبح مش فايقلك
ليان:شكلي جيت في وقت مش مناسب
سيف: عادتك ولا هتشتريها !
ليان:طيب بابي بيقولك قبل ماتسافر امضي الملف دة علشان يعتمدة
سبف:هشششش وطي صوتك هتبوظي المفاجئه
ليان غامزة:ايوة ياعم مفاجآت وحركات
سيف وهو ينتزع منها الملف:انتي مش متخيله انا هزعل اذاي لما تتجوزي داانا هقطع شراييني من الفرحه
ليان:أصيل يابو رحاب
سيف:الملف اهوة يلا طيري وخلي دلال تطلع كمان شويه تاخد الشنط
ليان:اي اي كابتن
اغلق الباب ودلف للداخل واتجهه عائدا نحو الفراش هاتفا:هنقضيها نوم ولا ايه
آيه:انا جعانه
سيف:الفطار جاهز ومستني من بدري يلا بينا
حملها بين ذراعيه وضمها لصدرة ودلف بها للمرحاض ثم تركها وعاد للخارج وقام بأعداد حقيبتهم استعدادا للسفر بينما دلفت هي للخارج وبدأت في ارتداء ملابسها وتصفيف شعرها بينما احتضنها من الخلف وهو يستنشق عبير رائحتها الناعمه التي يعشقها
سيف:حبيبي مش هيقولي عاوز يروح فين النهاردة
آيه:طالما جهزت الشنطه يبقي انت مجهز اليوم كله وبعدين المهم اني اكون معاك اي مكان بيبقي جنه بوجودك جمبي
سيف:بعشقك ياجنتي
آيه:وانا بدمنك ياعشقي
حملت الخادمه الحقيبه ووضعتها بالسيارة بينما انطلق سيف بالسيارة برفقه زوجته اما في الخلفيه فدارت مكالمه هاتفيه
-الو… ايه الاخبار؟
-خدها ومعاهم شنطه وبينهم هيسافرو
-هيقعدو قد ايه؟
-مقالوش الموضوع جه فجأه
-لو حصل اي جديد عاوز اعرف علي طول
-تحب حضرتك انفذ حاجه في غيابهم
-لا مش دلوقتي خليهم يتبسطولهم يومين علشان لما الدنيا تولع يعيش هو علي ذكري اليومين دول ههههههههههه
في السيارة كان يقود سيف بأنسيابيه مرتديا نظارته الشمسيه السوداء بينما تنظر له آيه بفضول
سيف بأبتسامته الساحرة :عارف انتي هتقولي ايه
آيه:طب متقولي بقي
سيف:ساعه زمن هنكون في العين السخنه حجزتلنا شاليه نقضي فيه اليوم براحتنا واخر النهار نخرج نتفسح وبليل نتمشي علي البحر ذي مابتحبي ونرجع علي طول
آيه:ربنا يديمك ليا انت عوض ربنا لقلبي ياسيف وفي كل لحظه بدعي ربنا يخليني ليك علشان اسعدك ذي مابتسعد قلبي
سيف:انا كنت ناوي اخلي السفريه دي برة مصر بعد فرح ليان بس شايفك الفترة دى مرهقه خالص خصوصا بعد تجهيزات الفرح اول مرة اشوف عروسه بتجهز لفرحها بقالها اكتر من شهر
آيه :ليان تستاهل كل خير وانا موافقه اتعب علشان خاطرها اكتر من كدة عشر مرات كفايه انها كانت سبب معرفتي بيك يامز المزموزات انت
سيف:اعترفت علي نفسها بنفس ذات نفسها أخيرا اعترفتي اني مز والبنات بتموت فيا
آيه: سيف اتلم الله
سيف:طب اعترفي انك بتغيري عليا لما اي بنت تعاكسني
آيه:ايوة بغير عليك وببقي عايزة اموت البنات ال متربوش دول لما واحدة تبصلك بأعجاب او تتعامل معاك وببقي بموت وانت بتشتغل مع ستات أجانب وحلوين بس ال مطمني ان مفيش في قلبي غيرك 😌😌
سيف وهو يطلق صافرة من فمه:ياواد ياواثق
آيه :طبعا آيه هانم عين اعيان نزله السمان
سيف:😂😂😂😂
بعد فترة توقف سيف بسيارته امام احدي الشاليهات وحمل الحقيبه ودلف للداخل ووضع الحقيبه ارضا وحمل آيه ودلف بها للأعلي ثم وضعها علي السرير برفق
سيف:عما اجهز الفطار تكوني لبستي المايوة الأبيض وحصلتيني في حمام سباحه تحت
آيه:لا البيكيني الأزرق أحلي هلبسه
سيف :ايوة بقي بقينا جامدين وبنختار هنلبس ايه من غير كسوف
آيه وهي تقترب منه وتحتضن رقبته بذراعيها بدلال :انا اعمل اي حاجه علشان اشوفك مبسوط راحتك وانبساطك دول مسؤليتي انا
سيف:كدة هتضريني اعمل حجات هموت واعملها وتضيعي مخططات اليوم كله
آيه:طب خلاص هقعد مؤدبه بس اعمل فطار حلو بلاش شغل عك وليس كله كويس
سيف بضحكه رجولية:يابنتي انزلي من التوكتوك بقي هتجننيني
طبعت آيه قبله سريعه علي خدة الأيمن ودلفت سريعا للمرحاض وبعد فترة كانت برفقه سيف في حمام السباحه…
_________________________
هناء:يعني ايه موافقش!
ورد:اصبري شويه هكلمه تاني
هناء:يابنتي زياد ابتدي يفكر اني بهرب منه ومش موافقه
ورد: اعمل ايه يعني؟!
هناء:خليه يختار يوم ويجي يقابله فيه بقي علشان خاطري ياورد
ورد:وهو انا ياهبله بعمل كدة علشان خاطر مين
هناء:طب اسكتي اسكتي عاصم داخل علينا
…عاصم:السلام عليكم.. امال ماما فين
ورد:وعليكم السلام ورحمه الله وبركاته ماما راحت تزور طنك حنان خالتك
عاصم:هتتأخر
هناء:لا مش هتتأخر بس ورد قالتلي انها عاوزة تكلمك في موضوع ضروري
نظرت لها ورد بدهشه ووسعت حدقتي عينيها بينما فرت هناء سريعا من مجلسهم
عاصم بتعجب:مالها دى … موضوع ايه ال عاوزة تقوله ياوردتي؟
ورد:ها؟! انا …
عاصم بأهتمام:سامعك ياروحي
ورد:اصل … اصل … يعني
عاصم:اصل ايه؟
ورد :بصراحه كدة استاذ زياد عاوز يحدد معاد يجي يقابلك فيه ويطلب ايد هناء
اتسعت عيني عاصم بغضب :اييييه ودة من امتي انشاء الله ايه ال بيحصل من ورايا اليومين دول انطقي
ورد بخوف:والله مابيحصل اي حاجه دي رنا ال كلمتني النهاردة وانت في الشغل وقالتلي نحدد يوم علشان يجو فيه
عاصم بعدم تصديق:متحوريش عليا ياورد انطقي
ورد بتوتر:وانا هحور عليك ليه بس هو دة ال حصل وبعدين مش انا قلتلك امبارح انها كانت بتلمحلي من فترة
عاصم :كلميها قوليلها اني مش موافق
ورد:بقي تصغرني قدام الست ياعاصم وجميلها لسه في رقبتنا
عاصم:انتي بتكتفيني يعني هو اي واحد طلع شهم اجوزله أختي
ورد :طب طالما شهم ونعرفه وانا عشت معاه فترة يبقي دة كويس احسن من ال منعرفوش
عاصم بتحذير:متجبيش الثيرة دى تاني وتجننيني ياورد فاهمه
هناء بالخارج:والنبي يارب والله لو وافق هبطل اكل الكيكه بتاعه منال ومش هاخد زيت جونسون بتاعها والله هحرم خلاص
ورد:طب علشان خاطري انا اققعد معاهم واسمع ال هيقولوة وأديه فرصته مش جايز يطلع كويس ولو مش عايز توافق براحتك بس متبقاش صغرتني قدام الست
تروي عاصم قليلا وفكر بمنطقيه بحديث ورد بينما استغلت هي الفرصه واكملت وهي تقترب منه :علشان خاطري ياصوما وليك عليا هنسهر النهاردة ذي امبارح وهناء هتفرح جدا بموافقتك
عاصم: يعني هي موافقه
ورد بكذب: يعني كنت بختبرها من بعيد كدة حسيت انها موافقه بس مستنيه رأيك انت ومكبرة بيك
هناء من الخارج: ياستي والله انا موافقه من امبارح بس اخلصو
تنهد عاصم بضيق :كلميها قوليلها تيجي بكرة هي والمعدول اخوها خلينا نشوف
ارتفعت ورد لمستواه علي اطراف اناملها وطبعت قبله علي خدة ثم هتفت:دي ماما هتفرح اوي لما تعرف
عاصم بضيق :روحي يختي عرفيها
ورد:حبيبي ياصاصا اما اروح اققول لنؤة وافرحها
عاصم:محسساني اني هوافق اصلا!
ورد بثقه:هتوافق علشان انت حنين ياقلبي …
___________________
بعد قضاء فترة طويله في المسبح دلف سيف وآيه للخارج وأمضو بعض الأوقات المرحه سويا حيث تفنن سيف في اسعادها فهي مصدر قوته وسعادته التي كلما مضي يوم عشقها بشدة عن الذي مضي فقد تخلت عن عنادها وكبريائها واصبحت طوع أمرة تتفنن في ارضائه وطاعته واسترضاء قلبه الذي توجت ملكه علي عرشه ..
سيف :يلا ياأيوو الأكل جه من بدري وهيبرد
آيه بتعب :جايه حاضر
سيف :مالك ياروحي؟ انتي كويسه
آيه :اه انا تمام اطمن
اتجه كلاهما لطاوله الطعام وبداء سيف بتناول الطعام بينما شعرت آيه بالتعب الشديد يعتصر امعائها فأنسحبت سريعا ودلفت لداخل المرحاض واغلقت خلفها الباب بينما تبعها سيف سريعا وطرق الباب لكن دون اجابه لتتحول لطرقات هستيريه توقف عنها عندما فتحت آيه الباب وتبدو عليها آثار التعب ليمسكها سيف سريعا بخوف شديد
سيف:انتي كويسه مالك وشك مخطوف كدة ليه؟
آيه :انا كويسه متقلقش
سيف: تعالي نروح المستشفي نطمن عليكي
آيه:لا ملوش لزمه انا كويسه والله
سيف:هو ايه ال كويسه انتي تعبانه خالص
آيه:ياحبيبي انا تمام والله هو بس ريحه الأكل ال قلبت بطني مبقتش برتاح في الأكل الجاهز
سيف:بس انتي مأكلتيش منه حاجه اصلا علشان ترجعي كدة انا لازم اخدك لدكتور حالا
آيه :قلتلك انا كويسه
سيف بأصرار:الزوق مش جايب نتيجه تعالي بقي
حملها بين ذراعيه بقوة وهم بالخروج من الغرفه وهو يتمتم:هتكشفي يعني هتكشفي
آيه:سيف ا___
سيف:ولا كلمه هتطمن عليكي الوقتي حالا
آيه:انا ____
سيف: اسكتي بقي هنروح لدكتور ونعرف مالك
آيه بنبرة سعيدة مقاطعه :انا حااامل
⭐⭐⭐ڤووووت ⭐⭐⭐
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.