الفصل السادس

– البرنامج     9  م

نرى مروان جالس يتحدث مع المذيعة  ثم يذكر أميرة ويتحدث أنها هى سبب رجوعه وظهوره مرة ثانية ويشاور عليها  وهى تقف خلف  الكواليس والناس تصفق لها مع نظرات سعادة وخجل منها

*  باركنج   الساعة 11

بعد خروجهم من البرنامج  يقف مروان و أميرة ومنير  أمام عربية مروان

منير :  هتعرفى ترجعى لوحدك ؟

أميرة  (بسخرية ) : لا مش هعرف وهتوه أنا ومروان  والناس تدور علينا ويطلع علينا عصابة  يضربونا و يغتصبونى  (أثناء حديثها)

منير : أنا آسف والله آسف حقك على راسى مالكيش حل أقسم بالله

مروان : هههههه بتجيب لنفسك الكلام

منير : ههههههه تقريبا  خد بالك من نفسك  بالنسبة ليكى أنتى هكتفى ب.. مع السلامة عشان مسمعش قصيدة ردح بعدها

أميرة : ههه سلام

(داخل عربية  مروان  أميرة تسوق و مروان بجوارها)

مروان : سواقتك عكس شخصيتك

أميرة : ازاى

مروان : هادية

أميرة  : هو أنا مش هادية ؟

مروان : خايف أجاوب أسمع قاموس

أميرة :  امممم تقصد إيه إنى رغاية إنى مجنونة إنى تافهة وإنى …

مروان : أقصد إن شخصيتك قوية اللى بتعوزيه بتنفذيه صبورة جدا  رقيقة طيبة  جدعة بس مندفعة وعاطفية زيادة عن اللازم

أميرة : إيه الكلام الحلو ده  هشغل لك أغنية ههديها ليك

(تشغله أغنية جنات بحبك  تغنى معها  وهو يضحك)

مروان : جنات صوتها حلو

أميرة : ده بس اللى ركزت فيه؟!! صوتها حلو مركزتش بتقوله بحبك بحبك افهم بقى بحبببك

مروان  :  هههههههههه عايز أطلب منك طلب

أميرة  : انت تأمر وأنا أنفذ

عايزك تعملى ماجستير أنتى شاطرة موهوبة جدا لازم تكملى

أميرة : موافقة جدا

مروان :  بس بشرط

أميرة :   كمان شرط

مروان : إنى أكون المشرف بتاعك في الماجستير

أميرة   :  اتحايل عليا شوية

مروان  … لا كدا هغير رايي ..

أميرة  : إيه يا عم بهزر  معاك خليك فرفش ونعنش كده متبقاش قفوش يا مارميرو

مروان : هههههههه مجنونة

أميرة : تعرف إن ضحكتك جميلة أوى

مروان  :  بس أنتى أحلى

– فيلا مروان  الساعة 11م

عند وصول أميرة ومروان الفيلا وقتها هيكون هادي مع ماجى فى غرفة النوم …..

أميرة و مروان يقفان أمام باب الفيلا من الداخل

أميرة  ( باستغراب تنظر حولها ) :  هو محدش هنا ولا إيه ؟

مروان : أكيد ناموا ؛ يلا روحي أنتى تعبتى معايا النهاردة

أميرة  (بحب ) : ياريت كل التعب يبقى جنبك هيبقى أحلى تعب فالدنيا كفاية عليا إنى معاك

(تدخل ماجي عليهم )

ماجى (  بابتسامة ) : إيه ده حبيبى بيضحك لا ده احنا نعمل حفلة بقى

مروان :  مش أوى كده

ماجى (بقلة ذوق ) : أنتى هتباتى هنا ولا إيه ؟

أميرة : لا هروح

ماجى : اه أنا افتكرت شوفتك فين مش أنتى البت بتاعة الفرح

أميرة  (بقرف ) : البت؟؟

مروان (باستغرب ) : أنتى البنت اللى جت الفرح ؟!!

أميرة : اه انا

مروان : بتاعت 8 هتجيلك قريب

أميرة : اها

مروان : لينا كلام بعدين ماشى

أميرة  : حاضر

مروان (ينظر إلى ماجى ) : أميرة هتيجى كل يوم بعد كده لأنى أنا اللى هشرف على الرسالة بتاعتها

ماجى :  ما هى كل يوم هنا من غير مناسبة مش فارقة كتير بس دى شكلها لعبية مالهاش في المذاكرة هتتعبك

مروان : لا دى كانت شاطرة بتجيب امتياز معرفش مكنتش بشوفها ازاى!!

أميرة  : عشان حضرتك  تملى كنت لابس نظارة

مروان : ههه نظارة

ماجى : انا مش فاهمة

مراون : أنا فاهم المهم إنها هتيجى كل يوم

ماجى : طيب

( يدخل هادى)

هادى ( بغزل  ) : مساء الخير  فين علماء الفلك

ماجى : اشمعنى

هادى : يجو يشوفوا الشمس ويا القمر طالعين

ماجى : بطل شقاوة يا واد

هادى : لا أنا أقصد الشمس اللى جنبك دى

مروان( يشعر بالغيرة ) : أميرة يلا عشان تقدرى تصحى بدرى لما توصلى طمنينى تقدرى تخلى العربية معاكى

أميرة :  لا معايا عربيتى كنت  سيباها هنا؛  يلا تصبحوا على خير

مروان : هستناكى بكرة

أميرة  (بسعادة)  : مش هتأخر أكيد

–   فيلا مروان   8 ص

مكتب مروان

مروان يجلس على المكتب ثم تدخل عليه أميرة

أميرة  ( تقف أمام المكتب بابتسامة ) : صباح الخير يا دكتور

مروان : صباح الخير

أميرة : نمت كويس

مروان : اه الحمد الله ؛  بقول لك

أميرة  (تجلس ) : نعم

مروان ( باهتمام ) : أنتى ليه مش قولتى إنك البنت اللى جت الفرح؟

أميرة : ماجتش فرصة وحضرتك مسألتش موضوع مش مهم

مروان : طب أنتى   تقصدى إيه من الأرقام

أميرة : ولا حاجة ؛ مش فاكرة ؛ تخاريف

مروان  (بجدية ) : أميرة مبحبش الكدب

أميرة : طب اوعدنى إنك ما تتعصبش ولا تغير رأيك ونفضل كده

مروان : وعد

أميرة :  ده كان رقم الكورسات بتاعتك إنى هدخل المستوى الثامن مش هكتفى بالسابع

مروان : مش فاهم

أميرة : يعنى أنت عارف مش أى حد  بيوصل للمستوى ده

مروان : مش مقتنع

أميرة : خلاص بقى حوار قديم أنا أصلا مجنونة محدش بياخد على كلامى أنت عارف

مروان : ماشى

طبعا مروان عارف إنها بتكدب و عارف إنها هى اللى كانت بتبعت الهدايا  .  ثم تأتى لقطات سريعة لوجودها فى البيت و هو بيذاكر لها و أخرى يضحكون و أخرى  و هم فى الجامعة والمركز .

أميرة قدرت ترجع مروان لحياته الطبيعية قبل الحادثة بل قبل زواجه من ماجى ؛ قدرت فى وقت قصير ترجعه لضحكته ولهدوئه من غير انفعال وغضب .

مر أكثر من 8 شهور

لكن هل مروان أصبح يحبها  هل شعر بمشاعرها أم هى مجرد طاقة إيجابية  ورجوع للحياة ؟!!!

–  فيلا مروان  الساعة 4 م

المكتب

اميرة تجلس أمام مروان تكتب  على اللاب توب الخاص بيها  ثم تقفله و ترجع ظهرها على الكرسى وتسكت ومروان جالس  على الكرسى أمامها يستمع لها ويشرب سيجارة

مروان ( بجدية ) :  ها مش سامع صوتك ليه؟

أميرة  ( بمزح  )  : والمصحف تعبت وهنجت

مروان  : هنتدلع من أولها؟

أميرة  : على فكره اسمى أميرة خالد مش مروان عزت

مروان :  تقصدى إيه؟

أميرة  :  إنى بتعب و أفصل مش زيك يعنى أنت ماشاء الله بتقدر تتواصل فى الهري ده كتير

مروان  :  هري ؟!! فى واحدة كلها سنة هتبقى دكتورة تقول هري

أميرة  ( بسخرية ) : طبعا بتابع ثقافة المجتمع المحيطة بيا

مروان  ( بابتسامة ) :  ثقافة المجمتع المحيطة؟ أنتي فاهمة  الجملة  اللى بتقوليها أصلا ؟

أميرة (تسخر من نفسها ) : أكيد لا هههه ؛ تعرف عنى كده أنا تافهة  أساسا هههههههه ؛ (بدلع ) : يا دكتور

مروان : نعم

أميره دة  : ماتجيب سيجارة

مروان  (بجدية واستغراب ) : نعم أنتى اتجنننتى ؟!

أميرة  : فيها إيه ؟ عيب؟

مروان  : لا بس صحتك

أميرة (تقف وتشد منه علبة السجاير):  أيووووه يبقى  تجيب دى  وصحتك

مروان : هاتى العلبة

أميرة  : لا

مروان  : أميرة متعصبينيش

أميرة : لا

مروان : اوففف بلاش عند

أميرة  : لا بردو

مروان (هيقوم يمسك ايدها  يبص لها كأنه شايفها بعد لحظات بتوتر  ) : ماتعمليش كده تانى

أميرة :  ما أنا خايفة عليك ؛   أنت ما تعرفش أنا بخاف عليك ازاى ؛ أنت اصلا متعرفش أنت بالنسبة لي إيه

مروان : عارف

أميرة : عارف إيه؟

مروان : إنى دكتورك المفضل بتحبينى من ثانوى

(وأثناء حديث مروان معها  تقول له)

أميرة  : أنا بحبك

مروان : إيه ؟!!

أميرة : بحبك ؛  لا افتكرت  أغنية

مروان :  امممم   مش ناوية تقرى لي مذكراتك ؟

أميرة : لا ماى سيكرت

مروان : وأنا اللى فاكر إننا بقينا أصحاب

أميرة  : يا سلام أنت أصلا لحد دلوقتى ما دفعتش عربون الصداقة

مروان  : يعنى !!!

أميرة : تحكيلى أي حاجة  سر أنت بس اللى تعرفها

مروان : فهمت ؛ تعالي

أميرة : فين ؟

مروان : تعالي بس

يسير مروان  و أميرة خلفه ثم يقف أمام دولاب الهدايا

مروان (يشاور بايده) : ده سرى

عند مشاهدة أميرة الدولاب وترى هداياها تسعد كثير من داخلها لكن لا  تظهر أى شى لمروان

أميرة (تتظاهر أنها لا تعرف): إيه ده؟

مروان : دى سندريلا

أميرة  : سندريلا؟

مروان  : أو فيروز

أميرة : ههههه أنت بتقول ألغاز

مروان : بصى هى فيروز عشان كل كارت بتبعته بتكتبلى فيه أغنية لفيروز ؛ و سندريلا .. عشان معرفهاش

أميرة : هي مين يعنى؟

مروان  : معرفش  كل اللى أعرفه إنه حد بيحبنى أوى حد عايز دايما يشوفنى مبسوط  بيفكر فيا كل لحظة مش بينسانى …عارفة كل سنة بتبعت هدية في نفس الميعاد

أميرة  : هم حلوين ؛ وواضح إنهم غاليين كمان

مروان : مش قصة أغلى

أميرة  : أمال ايه ؟

مروان : الهدية فى  قيمتها المعنوية مش المادية ومعناها ؛ عندك البرواز ده (يشاور بايده )  شفتى صغير ازاى بس كتبت فى الكارت ده أنا وأنت هنكون فيه ؛ الساعة دى كانت عجبانى أوى لقيتها جيباها؛  المصحف ده بعد الحادثة جابته ؛  معمول مخصوص لفاقدي البصر

أميرة :  عميقة يعنى ؟

مروان  :  اه  بتغيرى ؟

أميرة  : أنا أحلى؛  الهدايا بتاعتى أعمق

مروان : ده على أساس إيه بقى؟

أميرة : إنى ميرو

مروان : يا سلام على الثقة

أميرة  : أنا الثقة بالنفس ماشية برجلين على الأرض

مروان  : هههههههههههه يا سلام

أميرة : أومال ايه ههههه

مروان : مجنونة

أميرة  : بس عسل صح صح!!

مروان : ههههههههههه فاقد الأمل فيكى من زمان

أميرة : بحبك

مروان  ( باستهبال) :  يابنتى والله عندى استعداد أجيب لك جنات وتغنيلك الأغنية بدل ما بتحبيها أوى  كده

أميرة : (بنرفزة مش عارفه تعمل إيه فى الغباء ده ) : عارف يا دكتور  أحيانا الواحد بيفقد أعصابه من الغباء أو جبلة الشخصية اللى قصاده بيبقى عايز يديله بشبشب على وشه

مروان : غباء وشبشب

أميرة : اه بقولك تعالى نكمل شغلنا هفقد أعصابى

مروان  :  ههههههههههههههه يلا

شقة  أميرة  3 م

– يجلس الأب و الأم التى تعمل مهندسة معمارية وأخواتها ياسمين وكريم  شقيقها الأكبر  على السفرة يتناولوا الغداء

الأب : أميرة فين؟

الأم  : لسه مجاتش

الأب ( بضيق ) : أنتى مش شايفة إن حياتها كلها بقت فى بيت الدكتور ده

الأم : ما هو اللى بيشرف على الرسالة بتاعتها  ؛ سيبها براحتها

الأب  :  أنا مش موافق على اللى بيحصل ده

الأم  : خالد  سيب أميرة احنا ما صدقنا إنها بقت عاقلة أنت مش شايف إنها اتغيرت

الأب :  ازاى؟

كريم : بقت تتكلم قليل بقت هادية وعاقلة تحسها كبرت بطلت عصبية وصوتها بقى واطى بصراحة مروان ده علمها الأدب واضح إنه مسيطر ههههه

الأم : أنت ماشفتش بنتك حتى لبسها الغريب غيرته تحسها بقت حد تانى

الأب  : بس واخدها مننا  ؛   يشكر إنه غيرها بس …

ياسمين :  بابا  سيبها والنبى أول مرة أشوف أميرة فرحانة من قلبها من غير دموع و يأس

الأب (مش عاجبه الكلام ) :  واضح إن في إجماع ؛ طب لما الهانم تيجى خليها تجينى   ( يقف )

الأم  : مش هتكمل أكلك؟

الأب : لا شبعت     ( يتركهم و يخرج )

–  فيلا مروان 4م

داخل المطبخ تقف أميرة أمام البوتجاز تقوم بعمل قهوة وتمسك تليفونها  ومروان واقف خلفها ساند ظهره على الترابيزة  ويضع ايده فى جيبه

أميرة : دكتور أغنية من 5 حروف لعمر دياب ؛ متخافيش صح؟

مروان : ازاى يعنى ؟

أميرة  : احسبها كده

مروان  :  احسبيها انتى كده

أميرة  : اه 6 ههههه سورى

مروان (يضع ايده على وجهه ويمسحه على غبائها ) : 6  ؟ هتشل منك هبقى أعمى ومشلول والله منك  أنتى ساقطة حساب و إملاء وعربى و كله  ؟

اميرة : ليه كده  بس ؟

مروان  : معرفش ؛ عملتى القهوة؟

أميرة  : أيوه

مروان : طب يلا نكمل

(أثناء سيرهم )

أميرة (طب استنى هات ايدك كده ) : على فكرة أنا شطورة عرفت إنها من 9

مروان  : بس هشش متتكلميش تانى لحد ما نوصل هناك والله هبدأ أنسى الحساب بسببك

أميرة : ماشى يا دكتور مروان ماشى

يدخل مروان و أميرة حديقة الفيلا  كان هادى وماجى يجلسون على كنبة أمام حمام السباحة  وتنام ماجى على صدر هادى و هو يلعب بشعرها أول ما يدخلوا  عليهم ماجى تتخض

أميرة (باستغراب ) : ناس غريبة

مروان : هو إيه اللى غريب؟

أميرة : لا مافيش

ماجى  تعدل نفسها بسرعة هى وهادي ثم تساعد أميرة مروان للجلوس  و تجلس بجواره

ماجى : إيه يا حبيبى عملت القهوة ؟ خلاص بقيت مدمن قهوة أميرة!!

مروان  (فى سره) : هى قهوة بس ؟؟

هادى : بصراحة أنا حبيتها من ايدها مكنتش بشربها بس لما شربتها منها بقيت مدمن لو مشربتش منها يوم بقلب زومبى

(نظرات غيرة من مروان وماجى)

أميرة  : دكتور

مروان : نعم

أميرة  : فى رحله كام يوم للسخنة ممكن نروح؟

ماجى (بعجرفة ) : متروحى هو واصي عليكى؟

مروان  لا يا ماجى  بس عندنا رسالة بنحضر لها وشغل بس مفيش مانع ممكن تروحى

أميرة :  لا فهمتوا غلط ؛ أنا عايزاك تيجى معايا

مروان :   انسى

أميرة : ليه بس دي فرصة حلوة حضرتك  مش بتخرج غير من أوضتك لأوضة المكتب اللى هى أصلا جوة أوضتك  للجنينة وفين وفين لما بتروح المركز

ماجى  ( بسعادة ) : عندها حق روح وغير جو أنا متأكدة ميرو هتاخد بالها منك

مروان : أنتى شايفة كده

ماجى : أكيد

مروان :  هادى وأنت رأيك ايه؟   …  يا هادى (هادي سرحان فى أميرة) هادى

هادى  : اه  روح

مروان : طب ما تيجو معايا

ماجى  : أنت عارف عندى افتتاح معرض

مروان  : وانت يا هادى

هادى  … لا أنا مسحول في الشغل

مروان  (باستغراب ) : مسحول؟

هادى : اه والله طالع عين اللى جابونى أنا فاكس من الحوار ده أنا هطير عندى حوار كده هخلصه سلام   سلام يا مكسرات

أميرة :  سلام

ماجى : هادى استنى

(يقوم هادى وماجى خلفه وبعد قليل )

مروان  (ينظر مروان الى أميرة) : أميرة

أميرة : نعم

مروان  : إيه رأيك فى هادى؟

أميرة  : صايع وشمال

مروان  : ههههه ازاى يعنى؟

أميرة : معرفش بس هو كده ؛  وبعدين حوار إنه فضل فى انجلترا 15 سنة ده شكله مراحش مارينا  ده مش بيتكلم كلمة توحد ربنا انجليش … غير  كسرة بوقه أسلوب كلامه.. الكلمات اللى بيستخدمها

مروان : بس بس أنتى دمرتى الراجل

أميرة : مش صح تحليلى؟

مروان : 100% ده اللى مخلينى هتجنن

أميرة : تتجنن من إيه؟

مروان : لا سيبك منى المهم لمبة وزومي جايين ؟

أميرة  : اه طبعا نفسى يتعرفوا عليك زى ما أنا أعرفك وبحبك

مروان  : هههه نفس الأغنية

أميرة .: ما أنت عارف إنى بحبها

مروان : مدمناها وحياتك

أميرة (بصوت داخلها ) : مدمناك أنت وحياتك

– فيلا  مروان  10 ص

فى حديقة الفيلا مروان   يجلس  على أحد الكراسي  بجانبه هادى وماجى

هادى : أنا هطير

مروان  : رايح فين

هادى :  عندى مشوار كده في التجمع

مروان : تمام

ماجى :  مروان أنت مش رايح المركز ؟

مروان : اه

ماجى  : طب ما تروح مع هادى بدل ما منير ييجى ياخدك وترجعوا تانى

مروان :  مش عايز أتعبه معايا ؛ يمكن مش فى طريقه

هادى :  لا يسطا فى طريقى  مفيش أى تعب

مروان (باستغراب ) : يسطا ؟

ماجى  (بتحاول تلم الموقف ) هههه شكلك أخدت على جو مصر بسرعة يا هادى

هادى  : اه طبعا

– مركز  مروان 11 ص

منظر عام للمركز من  الخارج  ثم يصل مروان وهو بعربية هادى ثم يخرج منها ويساعده هادى للخروج ثم يقفون أمام العربية

مروان : شكرا يا هادى تعبتك

هادى : لا مفيش حاجة

(ثم يأتى شاب فجأة يسلم على هادى)

الشاب : أسامه ازيك إيه يابنى رجعت امتي من السعودية؟

هادى (باستغراب ) : حضرتك بتكلمنى أنا ؟ أنت أكيد بتشبه (ثم يغمز للشاب).

الشاب :  آسف

هادى  : ناس غريبة

مروان : عادى بتحصل كتير ؛   شكرا

هادى : على إيه ؟ تحب أطلعك ؟

مروان : شكرا  ؛ عارف طريقى

يتركه مروان ثم يدخل داخل المبنى ثم يدخل غرفة مكتبه .. مروان جالس على كرسى المكتب  وهو يفكر ثم تدخل عليه اميرة

أميرة  : إيه ده جيت ؟

مروان : لا لسه

أميرة : لا و الله  !!  أنت بتقلش؟!

مروان : لازم بقالى سنة أعرفك

أميرة : ههههههههه حضرت الحاجة

مروان : اه  فاضل بس أخلص شوية حاجات هنا عشان يبقى  مش ورايا حاجه هناك

أميرة : قشطات

ياترى ايه إللي هيحصل في السخنه

تابع

الأعمى

بقلمي_ليلة عادل