الفصل الخامس

فيلا مروان  الساعة 11م

غرفة نوم ماجى فى الطابق الثانى

مروان يطرق الباب  كان  هادى فى الداخل ثم تفتح ماجى وهى  ترتدى لانجيري  وبملامح عادية  لا يبدو عليها الخوف أو التوتر

ماجى :  أنت بتخبط ليه يا روحى  ؟! أنت تدخل على طول

(يدخل قليلا ويقف أمامها)

مروان :  (يضع ايده على وجهها ) : أكيد   تعرفى إنك وحشتينى اوى

ماجى  : وأنت كمان

مروان :  هو فى حد فى الأوضة  ؟

ماجى  (باستغراب ) :  حد ؟!! حد زى مين يعنى ؟ لومعايا هقولك

مروان  : مش عارف بس حاسس كده المهم هو أنتى ليه مش بتنامى تحت معايا ؟

ماجى : عادى يعنى  أنت اللى من وقت ما نزلت مصر قاعد تحت

مروان : ده معناه إنك  متناميش  فى نفس الاوضة معايا ؟!

ماجى  :  لا بس …

مروان : أنا عايز نرجع زى زمان ؛   احنا بعدنا أوى عن بعض

ماجى  : و أنا والله يا حبيبى نفسى احنا فعلا بعدنا عن بعض أنت عارف إنى بحبك أوى

مروان :  عارف  طب يلا

ماجى  : يلا إيه

مروان : ننزل تحت  ؛  أنتى من النهاردة  هتنامى معايا

ماجى : اوك يلا يا روحى

تمسك ماجى يد مروان ويخرج خارج الغرفة وأثناء سيرهم تغمز لهادى فيبتسم لها ويقبلها  على الهوا

– فيلا مروان  11 ص

أميرة تدخل الفيلا حاملة بوكيه من الورد الأحمر  وعلى ملامحها السعادة وأثناء سيرها ترى كيلا خادمة ماجى تتحدث معها

أميرة  :  هو الدكتور فين ؟؟

كيلا  : فى غرفته

أميرة : طب أنا هدخل له

( أميرة تطرق الباب ثم تدخل )

أميرة :  أنا آسفة جدا على التأخير

(تتفاجأ بوجود ماجى )  : أنا آسفة

ماجى :  لا عادى ، نفسى أفتكر شوفتك فين !!!

أميرة (بحزن )  : ما تشغليش بالك

ماجى  : حبيبى أنا هطلع فوق لأن لبسى كله فوق هبقى أخلي كيلا تنزل لي الحاجات تحت

(يخرج مروان من الحمام وهو يجفف شعره)

مروان : ماشى  ؛  ازيك

( أميرة طبعا غيرانة ومتضايقة أوى  عيونها مليانة بالدموع)

أميرة : أنا كويسة

مروان (باستغراب )  : مالك  ؟!

أميرة  : ولا حاجة ؛  تحب حضرتك نعمل إيه النهاردة ؟

مروان (يقترب منها  يلمس وجهها ) :  بتعيطى ليه ؟

أميرة  :  لا ده عينى وجعانى

مروان (بجدية ) : مالك ؟

أميرة : معلش ممكن أمشي أصل تعبانة أوى

مروان : جيتى ليه ؟

أميرة  : مكنتش تعبانة كده ؛  لما نزلت التعب زاد

مروان (بحنان ) مفيش مشكلة ابقى طمنينى عليكي ألف سلامة

أميرة  : الله يسلمك  ؛ باى

مروان :  سلام

تخرج أميرة من الغرفه وهى تبكى  بحرقة من الغيرة على مروان   تم تذهب أميرة إلى النادى  لصديقتها نور

بقلمي ليلةعادل

نادي المعادى 12م

نور تجلس على الترابيزة وتمسك تليفونها ثم تدخل عليها  أميرة وتجلس معها وهى تبكى ومتضايقة جدا

نور  (بخضة ) : مالك ؟

أميرة   : مخنوقه اوى

نور (باستفزاز ) : ليه ؟ عمل معاكى مشكلة تانى؟

أميرة  : بالعكس أنا بدأت أحس إنه اتغير بس شفتها فى الأوضة

نور (باستغراب ) : مين ؟!!

أميرة : ماجى

نور : ههههههههه يخربيتك

أميرة :  بكلمك جد

نور : دى مراته  طبيعى يعنى

أميرة  : مكانتش بتنام جنبه

نور : أنتى ايش عرفك ؟

أميرة  : أنتى ناسية إني بروح من 8 لى 8 بقالي شهرين

نور  :  بس أنتى بردو متعرفيش  أنتى بتروحي قبل ما ينام  وبتروحى بعد  ما يصحى

أميرة :  قالت له هبقى  أخلى كيلا تنزل لى  هدومي من فوق يعنى مكانتش بتنام جنبه , ياربى علاقتهم متتحسنش غير على حظى النحس

نور : هههه حتى لو !! دى مراته حاجة عادية متوقعة

أميرة  : أيوه بس مكنتش عارفه إنها بتوجع كده  أول ما شفتها واقفة ولفه عليها الفوطة وهوخارج من الحمام  اتجنتت حتى الورد رميته على الأرض ومشيت

نور  :   هههههههه هموت يخرب عقلك  مجنونة هتفضلى طول عمرك كده ؛  اعقلى مراته اعقلي بقى

أميرة : خلاص بقى

مروان  الساعه 12

مروان فى غرفة النوم  يدخل عليه منير ؛ و هو داخل يلقى ورد مرمي على الأرض ينزل يجيبه

منير : إيه ده ؟ راميه ليه ؟

مروان : رامى ايه ؟!

منير  : ورد

مروان  (باستغراب ) :  ورد ؟!! أنا معرفش إن فى ورد ؛ عليه كارت ؟

منير  : اه مكتوب عليه  أنا قد التحدى

مروان  (بعقله ) : دى أميرة عملت ليه كده ؟(ثم يقول لمنير )

مروان : بقولك انسى خلينا فى شغلنا

منير  : أميرة فين ؟

مروان :  تعبانة روحت

– فيلا  مروان  1م

– تدخل أميرة على مروان فى غرفة  المكتب ؛ مروان  جالس يقرأ كتاب  مكتوب بطريقه  بريل   قبل أن تتحدث أميرة   يرفع وجهه ويقفل الكتاب يتحدث معها

مروان ( بشدة ) : أنتى مش ليكى ميعاد !! ولا أنتى بتيجى  بمزاجك ؟!

أميرة :  آسفة  كان ورايا حاجات

مروان  : طب ممكن تروحى أنا مش محتاجك النهاردة

أميرة   (بزهق ونرفزة ) : هو التحدى ده هيخلص امتي أنا زهقت بص أنا استسلمت أنا مش هوريك وشى تانى

مروان : تعالى هنا

أميرة  : نعم

مروان : مالك ؟

أميرة  : مفيش بس زهقت من طريقتك دى

مروان : بس أنتى اتحدتينى  إنى أغير من طريقتى دى

أميرة : وفشلت

مروان : متأكدة ؟!

أميرة : واضح جدا مش محتاجة تفكير

مروان : ههههه أكبر مشكلة فيكى إنك دايما متسرعة فى حكمك على الأمور

أميرة :  ازاى ؟!

مروان :  هو أنتى لحد اللحظة دى مش واخدة بالك إنك كسبتى التحدى

أميرة :  مش فاهمة

مروان  :  يعنى مش ملاحظة  إن طريقتى متغيرة معاكي وبسيبك تجيلى براحتك  ولا أنتى لسه فهمك على قدك

أميرة  : احلف

مروان  : أحلف على إيه ؟!!

أميرة : إنك خسرت

مروان :  هههههه بلاش جنان

أميرة  : والنبى والنبى  قولى أنا خسرت يا مرمر وإنك هزمتينى

مروان : لا كده هغير رأيي والله

أميرة  : لا أدب خلاص  ها فرصتى بقا أنت طبعا فاكر الاتفاق

مروان : أكيد

أميرة  :  يبقى من غير مناقشة تحلق دقنك

مروان : موافق

نظرات سعادة من أميرة ثم تقوم أميرة بحلاقة دقنه بنفسها بعد أن تنتهى

مروان  :  اتمنى إن وشى ميكنش  اتخرشم

أميرة :  مش أوى كم تعويرة بس

مروان  : هههههههه

مكتب مروان.  يجلس مروان و أميرة على كنبة يتحدثون

(يدخل عليهم منير )

منير .. بسعادة يقترب نحو مروان  مبروك على الحلاقة يا مارو لا واضح إن أميرة فيها سحر

مروان : اشمعنى !!

منير : يعنى اللى معرفتش أعمله أنا فى سنة ونص عملته هي فى شهرين

أميرة : اتعلم بقى

منير (  يجلس  بجانبهم )   إذا كان كده ممكن أحجز عندك جلسات

أميرة : هشوف جدولى

منير : الحق دى بتتنك  من أولها

مروان  : حقها

منير  : أكيد    حبيبى  أنا مسافر يومين كده

أميرة :  أيوة بقى على فين ؟

منير : رايح شرم أغير جو أنا ولبنى والولاد  بقالى كتير ما فسحتهمش

مروان (باستغراب ) : ومين هيتابع الشغل ؟

منير : أنت ومعاك مرمر

أميرة : دكتور أنا هتابع كل شئ متقلقش

مروان (بجدية ) : افرض أميرة مكانتش هنا؟

منير (بسخرية ) : كنت هعمل إيه يعنى ؟ مكنتش هسافر

مروان : مالك بتقولها  ليه كده ؟

منير : فى إيه يابنى بهزر

مروان (بضيق ) : مفيش  تيجى بالسلامة

منير : فى إيه  يا مروان !! بهزر معاك والله

مروان : صدقنى مفيش  يا حبيبى  تروح وتيجى بالسلامة إن شاء الله

منير : ماشى يا مروان ربنا يهديك  أنا همشى مرمر لو فى أى حاجة كلمينى فى أى وقت

أميرة : حاضر رحلة سعيدة

يخرج منير  ثم تجلس أميرة بجانب مروان  على الكنبة وتنظر له

أميرة : دكتور

مروان : نعم

أميرة : الموضوع مكنش يستاهل إنك تضايق كده , هو أكيد مايقصدش  اللى وصلك هو لو مش واثق إن كل حاجة هتكون تمام مكنش سافر

مروان : عارف بس احساس وحش أوى إنك تبقى تقيلة على حد

أميرة :  هو مايقصدش صدقنى

مروان (بنبرة حزينة ) : والله عارف  منير ده أخويا عشرة عمرى واقف جنبى كتير , الوحيد اللى كان واقف فى ظهرى بعد الحادثة تعب معايا كتير واتحمل سخافتى وعصبيتى , بس حسيت  لما قالى إن لولا وجودك معايا مكنش عرف يسافر حسيت إني قد إيه موقف له حياته  زى ما بتقوله كده متكدر جنبى

أميرة (بحكمة ) بص هقولك حاجة  هو مش مجبر يعمل كده هو بيعمل كده عشان بيحبك بيعمل كده وهو مبسوط وسعيد , لو متضايق  أو متكدر زى ما بتقول كان كبر دماغه من زمان و اتلكك على أى موقف عملته معاه , بعدين هى الصداقة إيه غير صديق يقف جنبك وقت تعبك ومحنتك ؟!!

مروان : عندك حق

أميرة  :  أنت اللى حساس بزيادة بس

مروان : صدقينى أى حد مكانى هيبقى  كده .. بس احنا طلعنا عاقلين أهو أمال ليه بحس إنك مجنونة

أميرة  (بمزح ) : آمال أنت فاكر إيه أنت اللى ظالمنى ومندفع تملى

مروان : ده أنا بردو

أميرة : ايوان  , بس عارف بجد شكلك زى القمر  بعد الحلاقة

مروان : لما كنت بدقن  كنت وحش؟؟؟؟

أميرة :  (بغزل ) أنت قمر فى كل حالاتك

مروان (بابتسامة ) : طب يلا نكمل  شغلنا يا لمضة

أميرة : ههههه يلا

(بعد مرور أسبوعين )

بقلمي ليلة عادل

داخل فيلا مروان     4 م

فى حديقة الفيلا تجلس أميرة ومروان  يتحدثون عن العمل ثم يدخل عليهم منير

منير :  عاملين ايه؟

مروان  :  والله وحشتنى خلاص بطلت شغل الأطفال بتاعك؟

منير  : أنا ؟!

مروان : اه مقموص و زعلان عشان اتعصبت عليك  نسيت شعار الصداقة

منير  : شعار  ؟!! شعار ايه؟

مروان  : مرمر قولي له الشعار

أميرة :  الصاحب  ليه عند صاحبه إيه غير مزه وكدبة وعشوة

مروان  : لا التانية

أميرة  :  اه  الصاحب لازم يتحمل صاحبه لما يتعصب ولو مراته قفشته مع واحدة يقف جنبه ولو فاشل مدخلش الامتحان يقعد معاه

مروان  : أهو شفت؟

منير (مندهش من تغير صديقه  ) : اه شفت  المهم إيه الرساله دى؟

أميرة :  ولا حاجة برنامج  منى الشاذلى طلب  يقابل الدكتور وأنا طبعا أقنعته  وظبطت كل حاجة خلاص

منير  : ما أنا شايف إنك ماشاء الله أخدتى مكانى محتاجة إيه منى ؟

أميرة  : لا تيجى معانا بس

منير :  كتر ألف خيرك إنك هتتكرمى وتاخدينى معاكى

أميرة : أى خدمة

–  فيلا مروان  6 م

يقف مروان و أميرة  فى غرفة النوم  تقوم أميرة بمساعدته فى ارتداء جاكيت البدلة   ثم يدخل منير عليهم

منير : ها جهزت ؟ الله حلوة البدلة دى

مروان : أميرة اللى جابتها لى مع الجرافتة دى

منير :  ذوقك حلو يا مرمر

أميرة : شكرا

منير :  المهم بس  هناك تبقي هادية مترغيش كتير وتتعصبى

أميرة (بنرفزة ) : تقصد  ايه ؟!! ها  .. أنا مش عصبية على فكرة ولا رغاية

منير :  بص لسه بتكلم  و من دلوقتى بتتعصب

مروان : ههههههه بس مش بزمتك عسل حتى فى عصبيتها

(ماجي تدخل وهم يضحكون)

ماجى :  إيه يا حبيبى أنت نازل؟

مروان  : اه عندى برنامج

ماجى  : طب برافو حلو التغيير ده  بس إيه القرف اللى أنت لابسه ده ؟ وحشه أوى الجرافتة دى  اقلعها بقى دى أحلى

أميرة تحزن جدا من طريقة ماجى

أثناء خروج مروان وأميرة ومنير من الغرفة

مروان : مرمر مالك ؟!!

أميرة  : لا مافيش أنا تمام

(مروان  يطلع من جيبه الجرافته بتاعتها  ثم يخلع اللى ماجى لبستها له) طب هتساعدينى وأنا بلبس دى ولا..

أميرة    (بفرحة شديدة)  : طبعا

بقلمي ليلة عادل

–  فيلا  مروان 9 م

غرفة نوم ماجى …  ماجى ترتدى لانجيرى مثير  متسطحة على صدر هادى على السرير وهادى يحسس على شعرها وهو عارى الصدر

هادى (مضايق ):  أنتى مش هتنامى جنبى تانى؟ هو أنا جيت أقعد معاكى فى البيت عشان تبعدى عنى؟

ماجى : عايزنى أقول لجوزى مش هنام جنبك

هادى : بقولك أنتى فهمانى

ماجى : لا متقلقش مش بييجى جنبى  ؛ أخوات من وقت الحادثة

هادى : طب ما تتطلقى ؛  أنا سامعه بودنى قالك كده إنه ظالمك معاه ولا أنتى إيه رأيك ؟

ماجى : ها وتتجوزنى؟

هادى : اه

ماجى : يعنى أنا قبل متجوز اخترته هو و رفضتك أنت عايز بعد كل ده أوافق

هادى : ما خلاص  بقى مش مشهور ولا حد يعرفه و أعمى وكئيب وبيعاملك  زى أخته ؛ لو رفعتى خُلع هتكسبى

ماجى  : أنت فاهم غلط مروان ده عند فلوس   كتير أوى  احنا عايشين فى خيره عربيتك ولبسك وكل حاجه بفلوسه اوعى تكون فاكر شويه اللوح اللى برسمها دى  بتجبلى ملايين ؛  فوووق

هادى (بقلق ينعدل ويجلس على السرير  ) : أنتى مش فاهمة أنا حاسس إنه شاكك فينا شوفى  أسئلته ؛ بقا ينام جنبك مع إنه مش بيقربلك اوعى تفتكرى إن العمي هو السبب لا لو ليه مزاج فيكى عادى  بس هو عمل كده فى حاجة فى دماغه  أنتى مش بتشوفى أسئلته أنا مش بقيت أحب أقعد معاه لوحدى

ماجى (بثقة تنظر له بقوة ) : أنت غبى  يشك فى مين؟ , مين مجنون يتصور إننا مش أخوات وإنك عشيقى  مين مجنون  يحط فى دماغه إن مراته تجيب عشيقها وتعيشهم سوا  تحت سقف واحد أنت بقيت ممل  يلا عايزة أنام   على أوضتك

ياتري ايه هيحصل في الأحداث جايه تابع

الأعمى

بقلمي_ليلةعادل