الفصل الثاني

أحد أفخم فنادق فى مصر 8 م

أجواء احتفالية صاخبة قاعة زفاف من أفخم ما يمكن إنه زفاف شخص هام جدا فى الدولة ! حضور صف المجتمع والمشاهير وكبار الدولة ؛ زغاريد تعم المكان و أغانى و حركة فى كل مكان ثم يطلب الدي جي من العروسين أن يقوموا للرقص بعد لحظات يظهر مروان ؟ لقد تزوج من ماجى ماذا ستفعل أميرة إنها تعشقه ؟؟

يقوم مروان وماجى برقص سلو على أحد الأغانى الرومانسية لعمرو دياب مع نظرات سعادة متبادلة بينهم و يحضنها ويلف بها مع ابتسامات وسعادة من كل الحاضرين ولكن فجأة يظهر نفس الشاب مرة أخرى ولا يظهر منه سوى جزء صغير جدا من ظهره فقط لكن هذا الشاب يقف بجوار أميرة وهى تبكى ثم ينظرلها وعند وصول حمزة ونور إليها يختفى فى لمح البصر لماذا فمن هو هذا الشاب !!!! هل يعرف أميرة؟؟؟؟

حمزة : أميرة يلا

اميره  (وعيونها تمتلئ بالدموع ) : استنى بس شوية

نور  (بحسم ) : اسمعى الكلام يلا هى خلصت خلاص

أميرة : تنظر وعيونها مليئة بالدموع وخيبات الأمل والانكسار إلى حبيبها وهو يتزوج إمرأة أخرى

تشاهده هو وعروسته وهم يضحكون وسعداء بهذا الزفاف الذى بالنسبة لها عزاء فقد ضاع أملها فقد تحطم كل شئ فكل شئ أتمنته وحلمت به اختفى فى لحظة واحدة فقد ضاع عمرها هدر وهى تتمنى المستحيل .

ثم تقوم نور بشدها من كتفها الى خارج القاعة

نور ( بغضب ) : بقولك يلا

بعد خروجها بمسافة قصيرة تقف أميرة وتتحدث بصوت داخلى

أميرة (بتحدى وثقة) : لا مش دى نهاية

.ثم تنزع يد نور من عليها وتمسح دموعها وتذهب مسرعة مرة ثانية إلى داخل القاعة نور حمزة يجرون خلفها خائفين أن تفعل أى شىء مجنون تذهب أميرة وتقف بجوار مروان وماجى وهم يتحدثون

أميرة (ببتسامه زائفة ) :  ألف مبروك يا دكتور مبروك يا مدام ماجى

(الاتنين … الله يبارك فيكى عقبالك)

أميرة : ان شاء الله .. (تصمت قليلا ) ممكن تاخدى بالك منه لأنه بجد إنسان طيب جدا على فكرة أنتى اكيد ربنا بيحبك ومامتك دعتلك ليلة القدر بالزوج الصالح ابن الحلال

ماجى : أكييد يا حبيبتى. .يلا يا حبيبى

مروان  (بابتسامته الساحرة ) بعد إذنك عقبالك

أميرة : دكتور (ينظر مروان ويلتفت إليها ثم تقترب أميرة منه وبثقة وتحدى ) رقم ثمانية هتجيلك لإنى متأكدة إن اللى عايزاه هيحصل ومش دى النهاية

مروان  (باستغراب.) : مش فاهم.

أميرة : ولا عمرك فهمت ولا هتفهم مبروك

(وتذهب مسرعة وتترك مروان واقف مزهول مستغرب من كلامها)

منير : مبروك يا ماروووووو

مروان (يلتقت أنفاسه ) : خضتنى

منير :  ايه مالك سرحان فى العروسة

مروان :  اكيد .. بس البنت دى غريبة اوى

منير : مين دى

مروان  (باستغراب شديد ) : مشيت مرة تقولى 7 ومرة 8 مش فاهم حاجة غريبة اوى

منير  (بسخريه ): ههههه إيه بتقول تعويذة

مروان : لا يامنير بتقول حاجة مهمة انا متأكد باين من طريقتها

منير : ياعم ركز كده فى ليلة دخلتك سيبك من المعجبات بتوعك دول مجانين

مروان : امممم طيب يلا نروح لماجى

♥️_____ليلةعادل_____♥️

عربية حمزة 10 م

حمزه يقوم بالسواقة ونور بجواره وأميرة بالخلف يبدو على ملامحهم الانزعاج وعدم رضاهم على ما فعلته أميرة …. لكن أميرة تبكى بسكون

حمزة.( بنرفزة ) : أقسم بالله مجنونة بجد

نور (بعصبيه شديدة تلتفت وتنظر لها ) : أنتى غبية فى حد يعمل كده ها عمره ما حبك ولا حس بيكى من أولي ثانوى بتجرى ورا سراب

حمزة : نور اهدى

نور : بس ياحمزة احنا السبب محدش فينا فوقها على طول كنا ماشيين وراها لحد ما ضيعناها بس خلاص عارفة أنتى لو مش فوقتى من الهبل ده أقسم بالله هزعلك

أميرة (تنظر إليها بكل يأس) : ياريتك عملتى كده من زمان

– أماكن مختلفه فى فرنسا

سافر مروان وماجى إلى فرنسا لقضاء شهر العسل

ظهور أجمل شوارع باريس وأشهرها ومروان وماجى يسيروا فى الشوارع وعلى البحر مرتدين ملابس البحر وهم فى منتهى السعادة

بعد مرور عام على هذا الزوج عاش مروان هو و ماجى حياة زوجية سعيدة كان بها بعض المشاكل التى تكون بين أى زوجين وعملت أميرة فى أحد أفرع مراكز مروان فهى ذكية جدا وممتازة فى عملها وأصبحت من المتميزين فيه فهى تعمل جلسات ومحاضرات فى التنمية البشرية والإرشاد النفسي وتعديل السلوك

ومرت السنوات و مازالت أميرة تتابع مروان فهى لا تيأس لكنها أصبحت اقوى بكثير من قبل لكن مروان عكسها كانت ماجى تستغل نجاحه وشهرته وأمواله لتحقيق أحلامها فى خلال عامين أصبحت تمتلك أكثر من معرض وجاليرى وورش خاص بها لكنها كانت أنانية لا تحب غير نفسها والفلوس كانت كثيرة الخناق والمشاكل مع مروان فهى لا يعجبها طريقته فهى تحب السهر والحفلات و شرب الخمرة وهذا كان لا يعجب مروان أبدا , خصوصا منعها أن تحمل بسبب خوفها على جسمها الرشيق ولكن آخر سنه كانت المشاكل بينهم كبيرة جدا وكان يرغب مروان أن يطلقها لكنها كانت تعتذر منه وكان يعطيها الكثير من الفرص برغم كل شى فعله معها مازالت ماجى لا يرضيها شئ .

(بعد مرور عامين )

عربية مروان 2 م

فى يوم كان مروان راجع من أحد المؤتمرات كان يتحدث مع ماجى فى التليفون وهم يتشاجرون وكان يبدو على ملامحه الغضب الشديد جدا !!

ماجى (بنرفزة واستفزاز ) : أنت مش هتبطل البرود بتاعك ده

مروان (بجدية وقوة ) : قولتك لما أرجع

ماجى : أنا قولتلك ع الحفلة

وفجأة يصاب مروان بحادث كبير جدا

وهنا يبدأ التشويق

ظهور اسعاف وعربيات شرطة حركة سريعة جدا خوف وقلق على ملامح الجميع الكثير من الناس بتجرى ماذا حدث تظهر عربية مروان مقلوبة ومروان بداخلها ولا يتحرك شبه مغمى عليه ماذا حدث؟؟

♥️_____ليلةعادل_____♥️

– احد المستشفيات 5 م

منير وماجى يقفو أمام باب العمليات وعليهم ملامح الخوف والقلق ثم يخرج الدكتور يجرى عليه الاثنان

ماجى ومنير : خير يا دكتور

ماجى : مروان كويس رد طمنى

الدكتور : الحمد الله هو نزف كتير وكنا شاكين اثنه عنده نزيف داخلى بس الحمد الله هو بخير

منير (يطمئن) : الحمد الله هنقدر نشوفه امتي

الدكتور :  لما يفوق من البنج

– نادى المعادى 6م

أميرة وأصدقائها يجلسون على الترابيزة أميرة تمسك تليفونها تتصفح الفيس فجأة تقرأ خبر الحادثة تجرى مسرعة على عربيتها متجهة إلى المستشفى وهى خايفة جدا

– المستشفى 7م

– عند وصول أميرة إلى المستشفى تجرى مسرعة وهى خائفة وحزينة على مروان تصل إلى الاستقبال و تتحدث مع موظف الاستقبال

أميرة ( بقلق ورعب ) : لوسمحت دكتور مروان عزت فين

الموظف : تقصدى الراجل اللى جه فى حادثة العربية

أميرة : اه

الموظف : الدور الثالث

تجرى أميرة على الأسانسير وهى خايفة وتبكى تخرج من الأسانسير تتلفت حوليها مش عارفة تروح فين فيزداد قلقها فجأة يظهر منير تجرى عليه مسرعه وهى تنهج

أميرة (بصوت مخضوض) : أستاذ منير يا أستاذ

منير : أيوة

أميرة : هو هو دكتور مروان كويس

منير : اهدى بس أنتى مين

اميره : من فضلك قولى بس والنبى هو كويس

منير : الحمد الله

أميرة :  احلف يعنى هو بخير محصلوش حاجة

منير : والله العظيم كويس

أميرة (تشعر بالاطمئنان ) : الحمد الله

منير (يتحدث مع احدى الممرضات) : لو سمحتي ممكن كوباية مياه

الممرضة : حاضر

منير : ها أنتى مين بقى

أميرة : أميرة أنا طالبة عند دكتور مروان كمان بشتغل فى المركز فرع اكتوبر

تأتى الممرضة ومعاها كوباية مياه ثم يعطى منير الكوباية لأميرة

منير : اتفضلى اشربى

أميرة : متشكرة

.منير (بخبث ) : بس هما كل الطلبة بيخافوا كده على الدكاترة بتوعهم ؛ أنتى كنتى مش عارفة تاخدى نفسك

أميرة : لا بس يعنى .

منير : بس يعنى ايه

أميرة : هو حضرتك

(تدخل ماجى عليهم وهم واقفين فى الممر)

ماجى : أنت واقف كده ليه يا منير ؛ مين دى صحفية ؟!!

أميرة : لا يا فندم أنااا….

(ماجى ..تنظر لمنير متخلهاش تكمل كلامها بقلة ذوق)

ماجى : منير مروان بقا كويس أنا هروح مش قادرة ؛ أنت هتبات معاه صح؟!

منير : اه مقدرش أسيبه لوحده

ماجى : طب سلام

وسط دهشة واستغراب من أميرة كيف لها أن تترك زوجها وهو فى هذه الحالة بهذه البساطة

أميرة : أستاذ منير هو ينفع أبص على دكتور مروان والله العظيم مش هعمل أى صوت

منير : هدخلك عشان تعبك وخوفك ده

أميرة : متشكرة جدا

تدخل أميرة إلى غرفة الرعاية المركزة ثم تنظر إلى مروان تنزل دموعها من منظر مروان وهوعلى الأجهزة ثم تجلس على الكرسى الذى بجوار السرير وتظل تنظر إليه بعض من الدقائق بحب وخوف, وكان يشاهدها من بعيد منير لكن هى كانت لا ترى , ثم تقوم وتقرب من السرير وتنزل دمعة من عيونها على وجه مروان وتلمس شعره ووجه بحب, وتتحدث أنت عارف لو كان حصلك حاجة كنت هموت وراك أنت متعرفش أنا بحبك قد إيه و ازاى , أنت ساكن هنا من غيرك قلبى ميقدرش يكمل أنت لازم تقوم وترجع عشانى أنت فاهم, ثم تقترب كثيرا إلى أذنه وتقول بحبك ثم تخرج وأثناء خروجها تتحرك عيون مروان ) هل سمعها؟؟

أميرة(بامتنان ) : شكرا بجد إن حضرتك وافقت إنى أدخل هو أنا هبقى رخمة لو طلبت منك حاجه كمان

منير : أولا مفيش شكرا ؛ ثانيا اتفضلى

أميرة : ابات معاك

(ينظر منير لها باستغراب)

منير : معايا فين

أميرة : هنا مش حضرتك هتبات

منير : أيوه بس

أميرة : خلاص والله هقعد مش هعمل صوت لو ضايقتك بلغ الأمن والنبى والنبى

منير : طب خلاص اهدى موافق

أميرة (بسعادة) : شكرا اوى ربنا يخليك بجد

♥️_____ليلةعادل_____♥️

صباح اليوم الثانى

فى ممر المستشفى أمام العناية المركزة منير نائم على الكرسى ,ثم داخل غرفة العناية المركزة أميرة تجلس على الكرسى الذى بجانب مروان تنظر بحب وشوق إليه وتمسك يده ثم يدخل الدكتور والممرضات)

الدكتور :  أنتى مين ؟! مين دخلك هنا ؟!! يا امن

أميرة (باستفزاز ) : أمن مين ؟ مالك أنت شيفنى كنت بقتله؟!!! ما انا قاعدة فى مكانى زى الكرسى اللى قاعدة عليه

(منير يدخل على الصوت)

منير (بخضة ) إيه يا دكتور فى إيه مروان حصل له حاجة

الدكتور : لا بس البنت دى

أميرة (بقرف ) : متقولش بنت بس

الدكتور : لقيتها قاعدة فى العناية اكنها اوضة نومها

منير : حقك عليا معلش دى قريبته خايفة عليه

أميرة : انا اصلا معملتش حاجة على فكرة هو اللى أوڤر

(أثناء حديثهم يفوق مروان)

كلهم فى نفس واحد … مروان أنت كويس

(لكن أميرة تقف فى جانب الغرفه تنظر إليه و سعيدة)

منير :  إيه يا حبيبى قلقتنا عليك

مروان :  (بتعب )ااااااه مش عارف أنا فين انتو مين

الدكتور يقترب منه و يقوم بفحصه ويطلب بإخراج الجميع بره ثم يأمر بنقل مروان إلى غرفة عادية

المستشفى 10 ص

– فى غرفة مروان العادية فى المستشفى يقوم الدكتور بفحص مروان

الدكتور : مروان أنت كويس

مروان : الحمد الله بس دايخ شويه

الدكتور : معلش آثار البنج

مروان : بس أنا ليه حاسس إنى مش شايف ( ثم يقوم بدعك عيونه أكثر من مرة )

مروان : هو فى إيه أنا مش شايف ليه دكتور أنا مش شايف ليه

(يدخل الجميع بنظرات الصدمة ماذا حدث؟؟)

(بعد مرور عام )

ياترى ايه اللي حصل

#الاعمى

#تاليف ليلةعادل