رواية تراث النهروان – الفصل الاربعون
part-40
عقجت وجهي ورديت عليّ
– وجع وجعك، عبالك اني كاتله روحي حتى احجي ويااك، ما اتصلت علمودك اتصلت علمود ماماا
فـراس شمسووي لماما وليش هيجي ضايجه؟؟
من اجت لسه
هي ماا تحجي ويا احد وضايجه ليش مزعلهاا!!
– ماايخصج، الموضوع بيناتنه لا تدخلين.
– لاا ادخلل الموضوع يخص ماماا يعني يخصنيي
لا عبالك
محد وراهااا وعلي اذبك سجن لو ضوجتهاا خااف تكولل
ماعدهاا اخ لو اب يمها تضلل تزعلها وتضوجهاا والله اشيلك من المنطققه واجيبهاا يميي.
فـراس – اشش لج اششش، شلووون لساان زفرررر
والله اطيح حظج اني
احترررمي نفسسج لا تتجاوزين اكثررر لا تخليني اعرف
شلوون اتصررف ويااج.
– خااب دروووح، خايفه منك اني؟؟ بس والله اذاا ما اجيتت
اليووم وصاالحت ماماا واعتذرتت منهاا اله اخليهاا ترفع دعوة طلااق وتعووفك انتَ وجهاالك وخلي الزعلل يفيددك عودد.
سكت واسمع صوت انفاسة عاليه نتر متنرفز
– ماتكدررين.
– اكدرر اكدرر ولله اكدر اذا اخيرها بيني وبينك تتوقع تعوفيني للمره الثانيه وتجيك؟؟
– نــهروان لاا تسوين هييج!
– اسووي تجيي اليووم وتعتذرر منها وتراضيهاا
ما تستاهل وحده مثل ماماا تضوج عليك.
– السااالفةةة بيناتننه ليشش تدخللينن!!
– مااكو سالفة تسووى ماما تضوج علمودهاا!
– استغفرررر الله ياااارب الله يصبرررررنيي علىى ماا بلااانيييي.
سد الخط بسرعه، سكتت اجر نفس وحطيت ايدي على كلبي
– يماماا، اخ كلبي الله ياخذك تعبتنيي.
حذفت المكالمه واتصلت على بــارون، كال مسافة الطريق ويجي
سديت التلفون ورجعته يم ماما حتى ما تحس
شوية وطلع سيف من الغرفه مبتسم كال
– ترى جعت حيلل.
مـامـا – يخسه الجوع ماما، هسه بس يستوي ويجي عمك اصب الاكل.
ابتسم الها فرحان بكلامها وهز راسة، راح بجهة الهول
واني ارتاجيت على الكاونتر انتظر ماما تكمل تحظير الاكل حتى نصب
سمعت الباب انفتح وانسد، رحت للهول شفت بــارون
دخل للبيت كالب وجهه وضايج، استغربت حالته
دنك
نزع وشمره بالحديقة وسد الباب حيل، عقدت حاجبي
مصدومه بي مشيتله بسرعه احجي
– شكوو بــارون شبيكك؟؟
باوعلي عاقد حاجبة وضايج، دار وجهه ومشة للغرفه
اخذ ملابس ودخل للحمام، ضليت اباوعله وهو ما دار عليّ
ولا باوعلي، بلعت ريكي مختنكه من تصرفه كعدت بالهول
حتى ما كمت صبيت اكل ويا ماما صبته وجابته طلع
بــارون من الحمام سلم على ماما وكعد نزل سيف كعد بصفه
وماما هم كعدت
ضليت كاعده على التخم وكالبه وجهي وحاضنه اديه لصدري
باوعلي بــارون وهز راسه
– تعاي تغدي؟
باوعتله وبدون ما ارد درت وجهي على الحايط طك الخاشوگه بالماعون وكال بنتر
– شنوو معنى تديررين وجهج هيجج هاا؟
باوعتله وعقدت حاجبي بضوجه وصحت
– بــارون، لاا تحجي ويااي خووش؟
ازدهــار – شبيكم انتوا ما تگلوليي؟ شكو كل شوية واحد متعاارك!!
– مااماا اني ماليي دخل، هو اول مادخل كالب وجهه
وحتى ماباوعليي ولا اتلتفت عليّ مدرري شبي ويايي.
كلتها واختنك صوتي، ما متعوده بــارون يتعامل وياي هيج
غطيت وجهي ابجي وهو عاف الغده وكام بسرعه يحجي
– رواان، روان شبيج شساالفة يمعووده!
جرني لحضنه واني دفعته
– وخرر بــارون وخرر، يعنيي كلساع مبجينيي ومزعليي
شمسووية انييي وخرر عوفنيي.
حضني حيل وجر حسره كال
– والله مو هيج روان، بس ضايج من سالفة وطلعتها بيج.
– ايي شعليةة انيي شكو تصيح عليّ وتتعارك ويايي!
وخرني من حضنه مسح دموعي وكال
– اتصل بــرهــوم، اخذ رقمي من اجوا وكال شقررتوا
وكتله موافقين.
رفعت راسي باوعتله يحجيها كوة روحه طالعه
سكتت
وكمت غسلت وجهي ودخلت للغرفه، سديت الباب
وكعدت
على الجرباية، شلون اقنع بــارون تُـــراث مو مثل ما هو يفكر
تنهدت بصوت، خلص خليها الايام تثبت برائة تُـــراث كدامه وتخلي يقتنع
كعدت على الجرباية صافنه، اخذت التلفون شفت تُـــراث داز رساله من الصبح
– كاعده؟
عضيت شفتي، مودي مو مال ارد عليّ هسه ضليت
داخله
على الواتساب وصافنه على رسالته من بره، بعدني
صافنه
فزيت على صوت دگت التلفون، شفته تُـــراث يتصل
فتحت خط وقبل لا اجاوبة اجاني صوته يكول
– صايرة ثكيلة شنو؟ متصل وما تردين؟؟
نــهروان – لا جنت صافنه.
– ليش يروحي شماكله؟
– بعدني ماماكله شي ليش؟
ضحك وكال
– شحلاتج من تنثولين.
عقدت حاجبي مافاهمه كلامه بعدين استوعبت شنو يقصد
– تُـــراث هااي عليّ؟؟
– لا لا مو عليج، اكلج ليش ماماكله شي؟ شوفي بيش الساعه مو عندج علاج؟
– هسه شوية واكل عود.
– صاير شي شلال؟
– هـئ.
تُـــراث – لا ما اقتنعت بهاي الهـئ مالتج ابد، صاير شي سولفيلي؟
تنهدت وكعدت اعدل، لازم اسولفله حتى يكون عنده علم بكلشي ويحاول يكسب ثقة بــارون
– تُـــراث.
– ها عيوني؟
ابتسمت من كالها بصوت حنين، انطيت كتم للصوت
وكمزت شوية على الجرباية وردت اكفش روحي بس جريت نفس اهدئ نفسي ورجعت فتحت الكتم
– وين رحتي شلال شكو؟
– هاا هنا موجوده.
تُـــراث – سولفيلي شلال شكوو؟
– تُـــراث، بــارون يخاف عليّ منك.
– شنوو؟؟ شكو يخاف عليج مني؟
– شوف، بس لا تضوج ولا تزعل مني تُـــراث اني بس
اريدك تصحح صورتك كدامه لان بــارون متررد بس مايريد يجبرني على شي.
– على شنووو شلاال على شنو يجبرج؟؟ وليشش هلكد متردد؟
– تُـــراث، الضابط رضـا من اجه سولف كلشي لـ بــارون
واني هم حجيتله وعرف كل الشغلات الي مسويها ويكلي خاف باجر عكبه تزوجتوا وهو عصبي وانتِ لسان
وخاف يكتلج، لان متعود يكتل.
سكت مارد، عضيت شفتي بخوف متوتره
– تُـــراث؟؟ الوو؟
– وياج.
– تُـــراث لا تزعل مني بس..
– اشش اشش ما زعلت اني، حقة يخاف عليج ماكو عائله
تنطي بتهم لشخص عنده الكتل شربة مي خلص اني اليوم جايكم.
– لاا تُـــراث لحظةة..
سد الخط بوجهي بسرعه بدون ما يسمع مني شي
شمرت التلفون على الجرباية وكمت افتر وحاطه ايدي على وجهي
– يااارب شسوويت انيي ليشش حجيتييي نــهروان ليشش!!
كمت ازفرر نفس ميته قهر وخوف ماريد اغث تُـــراث
وماريد افتح موضوع يذكره بالصار بإيران اريده ينسى
واذا اجه وحجه راح يتذكر وينقهر اكثر ماريد يحترك كلبة هيجج ياربيي
اندك الباب، جريت نفس بسرعه اهدئ نفسي وفتحت الباب صار بوجهي سيف باوعلي مستغرب وهز راسة
سـيف – شبيج؟
– مابية، تريد شي؟
– لا، عمو يريدج يكول صيحلها تجي تاكل حتى تاخذ علاجها.
هزيت راسي وطلعت ورا
رحت للهول، ماما كاعده على القنفه تشرب جاي وبــارون
كاعد كدام الصينية، باوعلي واشر تعاي، رحت كعدت يمه
جر الصينية عليّ وكام يخبط تمن ومرك بالماعون
شال بالخاشوكه وكال
– يله اكلي.
اكلتها من عنده وهو ضل يوكل بية لحد ما شبعت
صاح لسيف يجيب العلاج
جابله العلاج وانطاهيا، اخذه فتح الحبوب وخلاني اخذهن
اخذتهن كامت ماما شالت الصينية وهو كام يغسل
كمت ويا
غسلت ورجعت كعدت بالهول، اندك باب البيت بلعت
ريكي متوتره حيل اكيد هذا تُـــراث اجه، طلع سيف يفتح الباب
شوية ودخل يركض كالة
– عمو، هذا تُـــراث بالباب.
باوعلي بــارون عاقد حاجبة، كام بسرعه عدل البرجله
وطلع، جريت شال وماما تحجي ماقابله اطلع
– ماماا لا ترحين وتزيديها خليهم يسولفون وحدهم.
– ماكدر ماما اريد اروح اشوف شراح يحجون.
هزت راسها ساكته
ودخلت للغرفه، ماما عرفت كلشي صار سولفتلها
على كلشي
ما سوت شي غير نصحتني لان تعرف لا تكدر تقدم بعد ولا تأخر
وكفت باب الهول شفته سلم عليّ واشراله
– تفضل فووت.
دخل تُـــراث من باب الشارع للحديقة، باوعلي وابتسم يطمني
ارتاحيت لابتسامته ودخلت، دخلوا للهول وكعدوا
ضليت واكفه
بمكاني اباوعلهم..
تُـــراث – بــارون، اكدر احجي وياك بدون ما تقاطعني؟
صارت تتنقل نظرات بــارون بيني وبين تُـــراث هز راسة بـ اي وكال
– اكيد تفضل اسمعك.
تُـــراث – بس قبلها، ممكن اعرف شنو المشكله الي تخليك
متررد بالموافقة؟ رغم انتَ وافقت بس اني جنت موجود
وسمعت كلامك ويا بــرهـوم، صح سمعت موافقتك
بس
كلامك ونظراتك ما تكول انتَ موافق، وشـ..
قطع كلامه ورجع كال
– بس نــهروان تكول انتَ خايف عليها مني!!
باوعلي بــارون بسرعه وتُــراث كال بسرعه
– اني كتلها، سالتها وكتلها بــارون مبين رافض ممكن اعرف السبب؟
والسبب جان انتَ خايف عليها مني بسبب الكلام الي سمعته عني.
بــارون – ماطول كلشي توضح وصار علني خليني احجي
شوف تُـــراث، اني لا عندي عداوة وياك ولا اعرفك
ولا معاشرك
صح نــهروان تعرفك وعاشت يمكم اكثر من شهر
بس هذا الشي
مايخليني اثق بيك ابدًا.!
تُـــراث – السبب؟
كام بــارون بسرعه متنرفز وصاح
– يااخيي انتَ تفتهم شجااي احجيي لوو لاا؟؟
انيي
عمم ياا بنيي آددم اني عمهاا واخووها وابووهاا
اخااف
عليهاا من الهووى شلوون جااي بكلل عين صلفه
بس خليتهاا
تتعلق بيك تخطبهاا.!! انتَ مجرررم ماايهم عند ياا دوولة اشتغلتت
وياا مكافحه الاعررفه انتَ بس تكتللل بدوون ما ريفلك عين
شلوون انطيك اخرر شخص بقى عندي من ريحةة اهلي وأمن شلوووون؟؟؟؟
رحت بسرعه لزمت بــارون اباوعله كام يصيح وعصب حيل
لزمته حيل من ايده وتُــراث ضل كاعد بمكانه ما تحرك
نــهروان – بــاروون شبيكك بــاروون، كاافي شجاااك.
وخرني من كدامه يجر نفس بعصبية روحه طالعه
حط ايده على صدره ويفتر بالهول يباوع على تُـــراث
ويجر نفس بسرعه، طلعوا ماما وسيف يباوعولهم
وماما تاشرلي طلعي تُـــراث
وين اطلعه ما تكليلي يماما شلون اطللعه حتى تكب اكثرر
التفتنه كلنه على تُـــراث من كال بخفوت
– اني صح اكتل، بس اني مو ظالم.
باوعتله وكلبي يدك بسرعه، ضاگ النفس بصدري
وصوتي
بعد ما اكدر اطلعه، باوعله بــارون يتنفس بسرعه وعاقد حاجبة
كام وكف كدام بــارون عيونه حمر وصوته مخنوك
عض شفته الفوك وغمض عيونه ورجع فتحهن صايرات حمر اكثر
تُـــراث – صح كتلت هواي ناس، بس ما أذيت شخص بـرئ
الي كتلتهم كلهم يستاهلون، كلهمم ماا كتلت احد بريئ
كتلت الي سلبوا اعضاء الاطفال، كتلت الي تحرشوا بـ نــهروان
كتلت الي راد يأذيهاا، كتلت الي كتلل بنتيي كدااام عيووووني
مااا اذذيتت احددد بريئ انييي موو مجررم ولاا ظااالم.
لزم بــارون من ملابسه يصيح بوجهه ردت الزمه
جرتني ماما وصاحت بوجهي
– لاا تدخليينن عووفييييهم.
– خااف يتعاركوون ماماا.
– مايتعااركون لا تدخللينن.
التفتت اباوعلهم تُـــراث لازمه وبــارون فاتح عيونه يباوعله
تُـــراث – تدري شغلة؟ انيي عااذرك عاذرك لان ماعشتت
ربع الي عشته، ولك انيي افتر بنص المجررمين
واشغلل وياهم
بس حتىى اطلع بنتيي ولك زلمه طوول بعرض مكاابل
جثث الجهاال وابجيي لان كتلووهم كداامي وماكدت اسووي شي
كتلووا بنتيي كداامي وماكدررت اسووي شيييي تتخيللل شصاااير بكلبيييي!!
دفعه بــارون وصاح بوجهه
– انتَ وررطتت رووحك ويااهم انتَ.
– توررطتت ما ورطتت روحييي، كلل الي ردته اعيشش
بسلاام ويا مرتي وبنتيي واخذووهن منيي شتريد اسووي!
اعوووفهم بحاالهم؟؟ لك انيي اليأذي شخصص يخصنيي
اطللعع برروحه!
بــارون – وتريد اأمن على روان يمك؟
– نــهروان مو مجرد بنية انقذتها، بــارون ماريد احجي شي بوجهك يقلل من احترامك.
– تُـــراث، اني مااعندي اي مشكله شخصية ويااك بس انتَ مرريت
بهواي أمور بحيااتك ماريددك تعالجهن برواان
والله
كلل هذاا اسوي لان مالي غيرهاا تستوعبب شجااي احجي؟؟
من ينفتح موضوعع يخصهاا كل حيليي يررجف
مااكدرر افرط بيهااا مااكدرر!
حطيت ايدي على وجهي وشهكت ابجي، كلبي اشتعل
نار واني اشوفهم هيج ماتحمل اشووفهم بــارون
من جهة
وتُــراث من جهةة وثنينهم غالين على كلبي
التفت
بــارون باوعلي وميل راسة مقهور
التفت تُـــراث عليّ من شاف بــارون يباوعلي عقد حاجبة
واجه وكف كدامي بسرعه كال
– شكوو عليمن تبجين؟؟ شلال اسمعيني والله مستعد اسوي كلشي
كلشيي اسووي لا تبجين انتِ بس لا تبجين.
– ماريدد اشوفكم هيج والله انقهررت.
وخر من كدامي بسرعه وضرب ايده بالحايط حيل غمضت عيوني وهو افتر ينكث بايده من الألم
وكف يجر نفس وباوع على بــارون
– اسمعني، بــارون اني مستحيل اذيها بيوم الله يشهد على كلامي
شلال رووحي والله روحي، تحرك كلبي من تخاف عليها مني
اوعدك مستحيل بيوم تسمع شلال متأذية بسببي
واذا سمعت
لو بس دمعه نازله من عينها بسببي الك كامل الحق
تحرمني منها العمر كله
مراح اعراضك، اعرف انتَ موافق بس الموافقه البيها عارض
ما تصير ماريدد توافق علمود فقط ترضينه لازم تكون مأمن عليها يمنه وكلبك مرتاح وراسك بارد منطي بنتك للشخص الممكن ترتاح ويا.
هز راسة بــارون بـ اي وتُــراث هز راسة وكاله
– ها، شنو؟
– ماعندي مشكله، اكيد موافق اذا هيج .
كالها وباوعله ومد ايده بسرعه لزمه من ملابسه
– بس اسمعني زين الاملح، اذا سمعت بيوم مأذيهاا
حساابك
عندي راح يكون عسيرر والله.
– ابو عيون الزرك، شنو نوع العسير؟
هده بــارون بسرعه يضحك، غطيت وجهي ابجي وتُــراث مبتسم بقهر
جرني بــارون حضني حيل يبوس براسي ويحاجيني
– شووف هاي من هسه بجت، روح بطلنه ما ننطي بتنه.
تُـــراث – لا بشرفك صارلي ساعه احفظ بيهن بالسيارة.
وخرت من حضن بــارون وضحكت ودموعي تنزل بفرح
نــهروان – هو انتَ ماتعرف تسولف.
راحت ضحكته وصفن عليّ، باوعله بــارون وهو كاله
– حلال كتلتها هسه مو؟
بــارون – ايدك الك.
ضحكوا ثنينهم وماما جابتلهم مي، اخذوا المي من اديها
شربوا وكعدوا، كعدت يم بــارون وتُــراث كدامنه
وسيف كاعد يمه
بــارون – تُـــراث، الكلام الي كلته مو قصدي اأذيك وافتح جروحك
بس اريد راحت روان وبس.
– بالعكس، البنية البظهرها رجال مثلك هاي تستاهل حروب تصير علمودها
لا تهتم، الجروح القديمه ما توجع لان بمرور الزمن يبقى بس الاثر للذكرى.
هز راسة بــارون بـ اي ساكت. جابتلهم متما جاي
اخذو
بدوا يشربون الجاي، رفعت راسي باوعت على تُـــراث
ابتسم وغمز ابتسمت ودنكت راسي احمد رب العالمين الف مره
كلما اباوعله احس روحي بعدني بحلم ما متوقعه بيوم
اشوفهم هيج هو وبــارون!
فزيت من صفنتي على دكة الباب، كام سيف وكال
– اني راح افتح الباب.
راح يفتح الباب وهم مدنكين يشربون جاي، دخل سيف
بسرعه باوعنه عليّ كلنه، باوع على ماما وباوع على بــارون كال
– عمو، هذا فـراس بالباب.
” بــرهــوم ”
واكفين اني والولد كلنه بالباب منتظرين تُـــراث يطلع
التفتت على آدم وتقربت عليً وهمست
– شوكت هذا الحجي؟ وليش ما كتلي قبل لا تكله؟؟؟
آدم – البارحه، بــرهــوم السالفة صارلها هواي مليتت مليتت
يوميه دااك يوميه رساله خل يشوفة شيريدد منه ويتوكلل
عليمن مصعبيها هلكدد؟؟
سكتت منه الحجي ميفيد بعد، طلع تُـــراث مبدل شغل
سيارته وكال
– رايح وحدي.
مشيتله بسرعه فتحت الباب وصعدت وباوعت على الولد
– روحوا شبااب اني وياا.
هزوا روسهم وراحوا كلمن لسيارته، التفت تُـــراث عليّ
راد يحجي بس عرف ما اخلي يروح وحده ومستحيل
حرك السيارة واخذنه للمكان الموجود بي خال قمر
وصلنه
للمكان يم شارع عام، تلفتنه بالمكان ونشوفة اجه من بعيد يمشي
قرب علينه لزمت تُـــراث بسرعه
– بدون مشاكل.
جر ايده من ايدي حيل والتفت عليّ، صار كدامنه مد ايده وكال
– سلام عليكم.
رديت السلام عليّ بس تُـــراث يباوعله بنظرات يريد ياكله
باوع علينه وكال بعراقي مكسر
– اني اجيت هنا، حتى احجي.
بــرهــوم – احجي بسرعه؟
باوع على تُـــراث وراد يحجي بس ما كدر يحجي كلامه
بالعراقي، كام يحجي بالإيراني ويعتذر منه وييفهمه
هو تهدد
وتُــراث يهز راسة بـ اي مجاري بالكلام
– ضميري يأذيني، اختي ماتت وبنتها الصغيره بسببي
انتَ تعرف شكد احبكم كلكم يا تُـــراث بس الي صار غصب عني
من يوم الرجعت من عدكم الى حد الأن اني نوم ما انام ارجوك تسامحني وتبريني الذمه.
هز راسة تُـــراث بـ اي وكاله بالإيراني
– اكيد، راح ابريك الذمه وراح اسامحك.
ابتسم وهز راسة يتشكر منه، لزمه تُـــراث من ملابسة وكاله
– بعد وكت للشكر.
غمضت عيوني بقلة صبر عرفته شراح يسوي، سحله
من ملابسة وضربة بوكس على وجهه وكع بالكاع
يحاجي تُـــراث
ويعتذر منه بس تُـــراث مايرد ولا يسمع منه رجع شاله
وضربة بوكس اقوة ويصيح
– ابن النعااال اعتذاااارك يرجعع بنتيييي ولك يرجعهاااااا.
جريت الرجال من ايده حيل خليته وراي لان من كام يصيح هيج
يعني ماراح يطلع من ايده اذا مو جنازة، دفعني عنه يصيح
– وخررررر انتَ لاا احطك ويااااا.
خزرته وجريت الرجال دفعته عليّ
– دهاااك طبكم مرررض انتَ وياااا.
شمره بالكاع وكعد فوكاه شبعه بوكسات رجع خلاه يوكف
ولزمه من شعره وضرب بي بوكسات على بطنه
ودفره
وكع بالكاع، شفت وجهه صار كله دم وكام يطوطح بايد تُـــراث
جريت تُـــراث حيل عنه دفعته اصيح
– كااافي رااح يمووت كااافيي.
– خلل يموووت، مثلل ماا مووتوونييي وانيي عدلل اموووتهم كللهمم والله امووتهم.
دفعته بجهة السيارة اصيح عليّ ورجعت للرجال
اشوفة
وجهه كله دم من خشمه ومن حلكه، طلعت التلفون خابرت آدم
– هاا بــرهــوم؟
– انعل ابوووك لاابو بــرهــوم ويااك، هذاا الرجاال اذاا ماااات
خطيته بركبتك انتَ، تعااال اخذةة بسرررعه انعلل اليووم العرفنييي بيكككمم.
– شكوووو شصااااىر وين انتووا؟؟
– بجهنممم ان شااااءالله.
سديته بوجهه ودزيتله العنوان برساله، التفتت اباوع على تُـــراث
مرتاج على السيارة ويدخن، دنكت على هذا اليون بالكاع
كومته كعدته على الرصيف
– ضلل هناا راح يجيك آددم، وارجع منين ما اجيتت اذا تضل هناا تُـــراث ينهيك على ايدده!
باوعلي وجر نفس كوة يحجي
– راضي يقتلني، اهم شي يرتاح ضميري دُنـيار ما فارقة احلامي قلبي ياذيني من اشوفها تبكي بالمناام.
چـؤؤ شلون سالفة هاي
– مايرضى ضميررك هيج تموت ويتعذب اكثر روح اختفي من كدامه
والله يصبركم عليها، بس تضل تلح عليّ تُـــراث يريد يشوف حياته
راح يتزوج عوفة لا تضلل تنگز كدامه كل شوية تحرك كلبة
هيج تعذبة اكثر عوفة بحاله وهو يرتاح ضميرك هيج.
هز راسة ساكت، عفته ورجعت يم تُـــراث صعدت بمكان السايق واشرتله
– خلصنييي اصعدددد.
شمر الجكارة من ايده وصعد بالسيارة، حركتها
ورجعنه
للبيت اول ما طبينه تلكتنه بـــراء خايفه حضنت تُـــراث وابتعدت تباوعله
– شصار تُـــراث؟
وخرها من كدامه وراح بجهة الغرفه دخل لغرفته وسد الباب ورا
” بـــراء ”
باوعتله من سد الباب التفتت بسرعه على بــرهـوم
– شصاار بــرهـوم شبيي تُـــراث؟؟
– مابي شي لا تخافين، خالها راد يحجي ويا ويعتذر من عنده وطلب يسامحه.
– ايي؟؟
– ايي ماصار شي سامحه تُـــراث، بس تذكر قمر وضاج شوي.
حطيت ايدي على كلبي وجريت نفس براحه، مشى
بــرهـوم
بجهة المطبخ يغسل واني رجعت للغرفه، شلت روان
من صارت تبجي رغم توني رضعتها انطيتها المُلهي مالتها
سكتت رجعتها للكركوت مالتها وطلعت يم بــرهـوم
لكيته
كاعد بالهول ويدخن، كعدت بصفه ولزمت ايده
– بــرهـوم، ضامين شي عليّ؟ ليش هيجي ثنينكم ضايجين؟
هز راسة بـ لا وجرني لحضنه، باس راسي وايده تمسح على زندي
– ماكو شي، لا تخافين بس كتلج تذكر وضاج من شافهم
لا تضلين تفكرين وتوجعين راسج اكثر.
هزيت راسي ساكته وضليت حاطه راسي على صدره
مرن كم يوم تُـــراث لو يطلع بره لو يطب لغرفته ويسد الباب
مايكعد هواي يمنه، بس مرات اسمه يحاجي نــهروان
ويسلم ويسده بسرعه، ضجت عليّ اكثر بس ما حجيت
للظهر حطيت الغده على نار ورجعت للهول وبـرهـوم اتصل على بــارون وسأله
ورد بالموافقة
فرحنه حيل وجنه متوقعين يوافقون باوعت على تُـــراث
ابتسم براحه وبـرهـوم ضحك كاله
– لك رااح تااخذ شلاالك تُـــراث.
ضحكت فرحانه وكمت حضنته
– شبيك اضحك شوويةة، راح تاخذ البنية التحبها اخيرًا.!
ابتسم وحضني وهمس
– الحمدلله.
وخرت من حضنه اباوعله كام وكال
– شوية واجي.
كام ودخل للغرفه وسد الباب، باوعلي بــرهــوم وكال
– راح يحاجي نـــهروان يمكن.
هزيت راسي بـ اي ساكته، طلع عزيز من الغرفه يصيح
– مامااا لوااان تبشيييي.
كمت بسرعه للغرفه لكيتها محلله من الكماط وتبجي
شلتها اهز بيها
– هاا ماماا ها حبيبي ليش البجي ماماتي.
بستها اهز بيها سكتت شوية ورجعت تبجي، انطيتها
المُلهي مارادته، ردت ارضعها هم ما سكتت، شفتها خاف
متضايقه من الحفوضة، بس نظيفة الصبح غيرتها الها
رجعت كمطتها حتى اسيطر عليها ورضعتها سكتت ونامت
خليتها بفراشها وطلعت للهول، باوعت على عزيز خازرته
– عزيزز، منوو فاتح كمااك روان؟؟
باوعلي عزيز بخوف والتفت باوع على ابو وهز راسة
– شثمه.
– لاا شسمه ولاا بطيخ، عزيزز ماماا ليش تسوي هيج؟؟ موو كتلك اختك صغيرونه ما تتحمل هيج
شلون فاتح الكماك منها واكيد شاايلها موو؟
باوعله بــرهــوم بخزره وكال
– عزيزز، اني مو كتلك صيرر حباب لو لا؟؟
– بااباا شبيكم اني احبهاا وشنت العبهاا.
بـــراء – عزيز ممنووع تشيلل رواان ممنووع افتهمتت؟
ااذا تريدها كول لـ باباا لو الي ونخليك تشيلها اذا وحدها ممنوع تلمسها افتهمت؟؟
هز راسة بـ اي وخنس ورا ابو، كعدت على التخم وهو ضل خانس
كمت صبيت الهم الغده، تغدوا وكاموا يصلون بالهول
رحت حميت الجاي علما خلصوا صلاة صبيته الهم ورحت اني صليت ورجعت للهول
طلع تُــراث تلفونه باوع عليّ شوي واتصل وكام دخل للغرفه
واحنه ضلينه كاعدين بالهول نسولف على الخطوبة
شوية وانفتح باب غرفة تُــراث وطلع منها يمشي بسرعه
وكف بــرهــوم
كدامه بسرعه ولزمه من ايده، طفرت اني بسرعه اباوعله
بــرهــوم – شكووو وين راايح؟؟؟
تُــراث – هسه اجي وخر.
بـــراء – شبيك تُــراث صااير شيي؟
هز راسة بـ لا وكال
– رايح اشوف نـــهروان واجي ما اتأخرر.
جلبت بي بسرعه
– وحددكم؟؟
– بـــراااء شساالفه عمها يمهمم!
هديته وهو لبس حذائة وطلع من البيت، باوعلي بــرهــوم يضحك
– بـــراء سودتني الزلمه ما تعوفينه بحاله.
– شسووي بــرهــوم مو بيدي، اخوية اعرفه خاف يسويله سالفه وعمها مبين يحب تُــراث رأسًا يبطلل خلينه ساترين على رواحنه.
ضحك ودخل للغرفه، شوية وطلع شايل روان بحضنه
كاعده بس خانسه بحضنه، كعد ودنك يبوس بيها
– افيشش بووية، اروحلج فدووة بنيتيي.
نزل راسها ليورة ودنك باسها من نحرها وشمها بشوغة
– ههههه شبيك بــرهــوم، عبالك اول مره تشيلها وتبوسها.
باوعلي وهز راسة بـ اي كال
– اول مره اشيلها وحدي، كل مره تُـــراث موجود ماكدر اشيلها كدامه وابوسها واحضنها هيج
امووت اذا اشوف نظراته كلهن حسره مستحيل
كدامه
حتى ما اباوع عليها ماكدر اقهره.
ابتسمت على حنيته، ياروحـي اليفكر باخو ياروحي
بـــراء – بالعكس بــرهــوم، تُـــراث يفرح من يشوفك هيج
لا تضم حبك لبنتك حتى ما ينقهر بالعكس ينقهر اكثر ويضوج
يكوم يحس هو حارمك منها ويضل يفكر، تعامل وياها
مثل ماتريد كدامه لو ورا هو اخوك مو غريب وتهتم شراح يفكر
تُـــراث يعرفك اكثر من نفسه لا تحاول تضم عليّ وتتصرف هيج كدامه.
هز راسة بـ اي وهمس
– ان شاء الله.
” نــهروان ”
سـيف – عمو هذا فـراس بالباب.
كام بــارون بسرعه ويحجي ويا
– غيرر تكله تفضلل.
راح بــارون يدخل فـراس وتُــراث باوع مستغرب
باوعت على ماما
رأسًا عافتنه ودخلت للغرفه وسدت الباب
تُـــراث – شكوو شلال، منو هذاا فـراس؟؟
– رجل ماما.
– وشيريدد؟؟
– مادري، هسه نشوف.
دخل بــارون ودخل ورا فـراس، باوع علينه وكال
– السلام عليكم.
ردينه السلام وبــارون كاله
– تفضل اكعد، روان جيبي مي حبيبتي.
هزيت راسي ورحت للمطبخ ترست كلاص مي واخذته اله
اخذ المي من ايدي شرب وباوع على تُـــراث مستغرب وباوع على بــارون
بــارون – ضيف.
هز راسة بـ اي وابتسم
باوعلي عاقد حاجبة ماعاجبه، وعبابت هل وجهه اي والله
كلبت عيوني وهو جر نفس وكال
– بــارون، اريد احاجي ازدهار وحدنه.
تحمحم بــارون وكام كال
– اي، بهذيج الغرفه تفضل.
هز راسة وتشكره، كام وفات لغرفتي ورا ماما
رفع حاجبة تُـــراث بتعجب وباوعلي بخزر واشر تعاي هيج
تجتفت وهزيت راسي بـ لا، مشيت ودكيت الباب عليهم
ويا دكتي انفتحت بسرعه ماما تريد تطلع، لزمتها وهمست
– فوتي ماماا.
– وخري نــهروان.
– ماماا حبابة فووتي.
دخلت للغرفه، فتحت الباب وخليت الحجره مالتها حتى تضل مفتوحه باوعت على فـراس وباوعت على ماما
– ضلوا هنا وحلوا مشكتلكم، ماما اسمعي منه وخلي يفهمج
لا تضلين زعلانه، ترى ما اتحمل اشوفج هيج والله
حبابه اسمعي منه وافهمي وبعدين شتردين تسوين سوي واني وياج.
– بس اني..
فـراس – خلص، نــهروان اطلعي ماقصرتي اني احجي.
باوعتله كالبه وجهي واشرت مستهزءة
– ايي يله حلهاا.
طلعت وسديت الباب وراي، رحت للهول لكيتهم يحجون
ويتفقون على الخطوبة، رجعت للمطبخ ضليت واكفه هناك
ماطلعت ضلوا ماما وفـراس يحجون بالغرفه وتُــراث وبــارون
يحجون بالهول، وسيف كاعد يمهم، كعدت بالمطبخ على الكرسي
مر وقت وسمعت تُـــراث يسلم يريد يطلع، كمت رحت للهول
باوعلي ودار وجهه مني ضايج، عقدت حاجبي مستغربة
شبي هذا؟ طلع وبــارون طلع ورا، فتح الباب وما التفتت
ولا باوعلي صعد سيارته وحرك ومشى، دخل بــارون للبيت وسد الباب ورا
عقدت حاجبي ضايجة وطبيت للبيت، طب وراي بــارون
باوعلي مستغرب وتقرب اشر على باب الغرفه وهمس
– هذاا شعنده جاي لهنا؟
– متعاركين، ماتشوف ماما من اجت لسه ضايجه
اجه يريد يصالحها.
هز راسة ورفع حاجبة متعجب
كعد على القنفة واشرلي اجي يمه، كعت بصفه باوع لعيوني وكال
– كلامه قنعني، وصوته بالغصه من يسولف بيج جان
كفيل يخليني اقتنع، صح ماكو شخص يحبج بكدي
بس اكوا مكانات
اني مكاني اول واحد، بعدين امج بعدين سيف وهو ورانه
يمكن اكثر من عدنه بس محد يحبج بكدي خوش؟
ضحكت وهزيت راسي بـ اي، ابتسم على ضحكتي وكرص خدي
– هو هذا الاريده، بس اشوفج تضحكين ومرتاحه
اني ارتاح.
برطمت بوجهه ادلع عليّ وكتله
– هااي شنوو، بارونتييي راح تبجينيي والله.
حضنته ابوس بي وهو يضحك مكيف بية، ابتعدت من سمعت
صوتهم جايين لهنا، التفتت شفتهم دخلوا للهول، مبتسمين
ثنينهم جريت نفس براحه من شفتها مبتسمه ومرتاحه
كعد فـراس على القنفة
بــارون – خير ان شاء الله، خوماكو شي؟
– لا، مجرد مشكله صغيره وانحلت.
– هاا الله يهدي النفوس.
ابتسمت وباوعتله، كامت ماما وكالت
– اصبلك غده؟
هز راسة يباوعلها مبتسم وكام
– لا، اصلا اريد اروح الجهال ضالين يم ساره، جانت تقريهم
عدهم امتحان باجر، وهم اخذلهم اكل جاهز وياي وشغلات للدراسة.
هزت راسها كام ويا بــارون سلم وطلع بــارون ورا
باوعتلي ماما وكالت تضحك
– هاي انتِ خابرتي فـراس؟
هزيت راسي بـ اي اضحك كالت
– يكول خابرتني بنتج اكلتي وشربني خفت منها واجيت.
ضحكت بصوت مكيفة واكللها
– اييي اخوف اني لعد شعباالج، اموته اذا يزعلج عيني.
– ياروحي ماماتي انتِ فدوة الج.
ابتسمت وشمرتلها بوسة، دخل بــارون كعد يمي باوعتله ماما وكالتله
– هم كالك شي تُـــراث؟
– اي، اتفقنه على المهر والخطوبة وحددنه يوم
نهاية هذا الاسبوع نسوي
يعني بس تخلص امتحانات نص السنه.
– ها الله يسهل ان شاء الله.
بــارون – يكول يومين ويجون ينطونه فلوس المهر
ونتفق عليهن
علمود نبلش بالتجهيز لكلشي.
شكد ردت اضم فرحتي بس ماكدرت الابتسامه شاكه حلكي
كمت بسرعه طبيت للغرفه اكمززز واضحك
اخذت تلفوني بسرعه ودكيت على غيد، سولفت الها على كلشي
وغيد اخبل مني كامت تهلهل ومريم وياها متت ضحك عليهن
صعدنه نسرين ونـدى ويانه بالأتصال وضلينه نسولف
وهنه يسألن اختصرنه الموضوع الهن
نــهروان – هو الشخص الساعدني نفسه الكتلج مات طلع عايش
وخطية مو تصاوب؟ انشل وانتظر يصير زين ومن طاب اجه بسرعه خطبني.
حطت نسرين اديها على خدها وكامت تصيح
– اووووي اوووي يااعمررري شكدد كيووت ياروحي فددووة
ولج نوونه يجننن والله حبيتت.
ضحكت اسلك وحطيت ايدي على خدي مثلها
– ايي عينيي شفتيي والله كيووت اصلا ماكو اكيتت منه
لو تشوفينه من يصير عصبي؟ هيجي ينكرط وجهه يصير احمرر فدووة.
ضحكت غيد بصوت مختنكه وكالت
– الاملح هم يصير احمر؟
ضحكت عليها وخزرتها
– تروحين فدووة لسمااره الصخله.
كامت تضحك تقلد عليّ، واني اباوعلهن صفنت بسرعه اتذكر
نــهروان – بناات صعدوا الولد بسررعه صعدوهم.
بدون ما يعرفن ليش
صعدن جـواد ومصطفى وعبود سلموا علينه وجواد يضحك ويكول
– اووويليي والله مشتاق لهاي اللمات، اخواتي العزيزات
شصاير بيجن بغياابيي.
ضحكت عليّ وضلينه نسولف وهم يحجون واني ساكته
اباوعلهم، جنه فاتحين كامره، باوعلي مصطفى وكال
– شمشوون شبيك صاافن؟
باوعولي كلهم، عضيت شفتي متوتره وكتلهم
– اريد اكللكم شي.
جـواد – شكو شمشون صاير شي؟
نــهروان – شباب اني انخطبت.
باوعولي مافاهمين شي ومستغربين كال عبود
– شنوو؟ رجعتوا انتِ وهُــمام؟؟
هزيت راسي بـ لا
– مو هُــمام.
جــواد – شنوو؟؟ لعدد منو؟
– شخص احبه ويحبني.
مصطفى ساكت ويباوع علينه مبين مريم مسولفتله
ضل ساكت
عبـود – شمشوون شجاي تحجين؟ منوو هذاا؟
وهُــمام؟؟
انتِ وياا مو بعلاقة؟؟
– يااعلااقة هااي عبودد؟؟ ماكوو علاقة اني وهُــمام
ماكو شي بيناتنه، هو حبني وخطبني ومن قبلت وراد يصير نصيب
صارت مشكله وانلغه كلشي، بس اكوا شخص جنت احبه
وخطبني وماضل شي للخطوبة.
– منوو هذاا زين؟ نعرفه؟ من الكلية؟
– لاا، شخص الساعدني من جنت مخطوفة.
كلبوا وجهم ومصطفى كال
– شباب، عدكم كلام زين احجوا ماعدكم اسكتوا لا تكسرون فرحتها
شي ماصار خلص انتهى مو بكيفها الي صار كلشي
قدر
ومكتوب لحد يحجي، شمشون مبروك خوية الله يتممها على خير.
ابتسمتله بأمتنان، سكتوا الولد وباركولي مبينه عليهم الضوجه
ما الومهم هُــمام صديقهم واكثر من اخ بالنسبة الهم
وكلها جانت فرحانه من ردنه نخطب بس قدر الله وماشاء فعل
نــهروان – شباب الاريده منكم كلكم، لحد يحجي شي لـ هُــمام
تصير الخطوبة وتخلص وبعدين بــارون يسولفله ويفهمه
حتى يقطع الامل، والله انقهر من اشوفة متأذي بس مو بايدي
والله العظيم مو بيدي هُــمام شخص ماكو احسن منه
مايستاهل هيج يصير بي بس الگلب، مو بيدي صدگوني
مو بيدي ماكدر اجبر نفسي وبعدين اظلمه واظلم نفسي ويا.
حجوا كلهم سوة مأيدين كلامي ويطمنون بية محد يحجيله شي
سلمت عليهم وسديت الخط منهم، حطيت التلفون على جهه
كلبي ممرود عليّ بس ماكدرر والله العظيم ما اكدرر
اتمنى
لو اكدر اغير شي اتمنى لو ارجع للماضي وامحي
كل يوم
عشته ويا هُــمام، ماجنت اعرف عفويتي ويا راح يحسبها
امل واهتمام مني حتى يحبني!!
لمت نفسي هواي لحد ما تعبت، مددت بفراشي وغمضت عيوني
افكر بي وارجع افكر بـ تُـــراث، تنهدت ادعيله
ربي
يطلعني من كلبه وينساني راضية يكرهني اهمشي
ما يتلوع بسببي
مرن يومين عاديات حتى تُـــراث ماتواصلت ويا هواي
قليل كلش، لان عرفت دا يحضرون للعقد، والعصر
راح يجون
عزلت ماما البيت واني بدلت وبــارون طلع من البيت للشغل
ورا بشوية اندك الباب، رحت فتحته وابتسمت
من شفتها بـــراء
وياها تُـــراث واكفين بالباب، سلمت عليّ الضحكه ماليه وجها
فاتت للبيت تلكتها ماما، التفتت على تُـــراث ورفعتله حاجبي
– هاا شبيك؟
– شبية؟
– اي؟ شو كالب وجهك؟
– يعني ما تعرفين ليش؟ اكوا حظرت جنابها ليش حتى
ما اتصلت ولا بررت شي طلعت مو بالها السالفه اصلاً.
نــهروان – شكو ياسالفة؟
عقد حاجبة، دخل للبيت وسد الباب وارتاج عليها يباوعلي بنظرات ضايجه
– عود صدك؟ يعني من اشرتلج تعاي هيج من اجه رجل امج
وغلستي ورحتي وراهم هاي عادي؟
– اهاااااا.
– ايييييييي.
– صدك جذب تُـــراث، هي هاي هم سالفة؟ عبالي شو شبيك.
تُـــراث – لا انتِ صدك طلعتيها من ماعونها.
– لا لا اسفه، شوف مو جانوا متزاعلين وخفت عليها
طبيت هددته وطلعت.
– هددتي؟؟ انتِ؟؟
تجتفت وهزيت راسي بثقة
– اي نعم، حتى يعرف وراها مره بالف زلمه قبل لا يفكر يزعلها.
– ايبااه والنعللل منج.
ابتسمت، وهو عرف ما فهتمها ضحك، باوعلته ومن افتهمت شكال
خزرته وضربته بوكس على بطنه، صاح ولزمها
– اااخ خررب، ولج مطيةة.
– لاا تغلط بعددد.
عفته وطبيت للهول وسديت الباب، باوعتله راد يطب
ودار وجهه فتح الباب وراح صعد بالسيارة
ابتسمت وطبيت يمهن، كعدت يم ماما جانت تسولف
هي وبـراء على العقد واني صافنه كلشي ما مفتهمه
شوية وكامت
بعد ما انطت فلوس المهر لـ ماما، سلمت عليّ وبوستني وطلعت
ودعناهم وسدينه الباب، طبيت يم ماما كالت
– خل يجي بــارون وانطيهيا، يشوف هو اعرف بهذني الشغلات.
– ياشغلات ماما، هنه ملابس وبوكسات توزيع والكوشة وهاهي.
– اي ماما بس مانعرف شكد نجيب هو يعرف ويتعامل وياهم.
هزيت راسي ساكته، اعرف هي ما تعرف بهذني الشغلات
مال المناسبات وكذا..
ضلينه منتظرين بــارون من اجه سولفتله ماما وانطته الفلوس
وهو كعد يحجي وياها واني صافنه عليهم وهم يعزلون
هذني الفلوس لهاي الشغله وهذني لهاي وهذني هيج
بدوا بتجهيز الغراض، وصوا على الكوشة وجابوا البوكسات
والكيك والشغلات كلهن حظروهن، وراها طلعنه
اني وماما وغيد
اشترينه الفستان مال العقد، اخذت لون سمائي
ردانه تور
ويجي قصير لحد الركبة وبي نفشة خفيف ومن يم الخصر
لحد الصدر ضيگ حيل ومن ورا بي حزام على شكل
في لونهن ابيض
ينضب من عدهن ويترخه، اخذته واني اضحك
– اعلمك تريثاان ابو النسواان.
اخذته، وماما اخذت الكبوس الابيض واخذت بعد
شغلات ثانية
واشترت هي الها وغيد هم اشترت ثوب لون بصلي طويل
ومخصر يصير تعلاگه كلش حلوو، اللوتيه تختار الالوان
الي يلوكلها لان هي بيضة واشترت لامها ولمريم
طلعنه
من خلصنه كلشي ورجعنه للبيت، خلينه الغراض كلهن
بالغرفه مالتي حتى غراض البنات لان راح يباتن هنا
سيف حابسينه بغرفة بــارون وسادين الباب لان ضل اخر
امتحان، واحنه نحظر بالغراض بالبيت وبــارون
يدك
يعزم ويوصي، كالوا باجر يجيبون الكيك والكوشة
كلها
مخبوصة وتحظر، وبـراء كلساع داكه، ها ناقصكم شي؟
محتاجين شي؟ نجيكم؟ شضل الكم؟
اتصل تُـــراث على بــارون، وطلب منه يجي ياخذني باجر
حتى نروح نشتري الذهب، قبل بــارون بس شرط تروح ماما ويانه ضحك تُـــراث وكال بصوت احسه يريد يصيح (كملتتتتت)
– لا لا لتخاف، اصلا بـــراء اختي راح تجي ويانه.
– هاا، تمام زيادة الخير خيرين.
– ايي، على گلبك انتَ.
ضحك بــارون، سد الخط وباوعلي كال
– هذاا سينما وعلي.
– هههههههه، لو تشوفة من جنت يمهم بــارون
مخبل اخته ورجلها
لو يحجون كلمه يضل يحشش عليهم ويخبلهم.
هز راسة بـ اي يضحك
كامن البنات، ورجعن ويا امهن للبيت وباجر يجن الصبح
طلع سيف من الغرفه تعبان، اكل وراح نام حتى يكعد الصبح
من وكت يكمل دراسه ويروح للامتحان، طبيت للغرفه
وسديت الباب شمرت روحي على الجرباية تعبانه من الفره
جريت الغطه ولفيت روحي وغفيت بسرعه
ثاني يوم سمعت صوت البنات يم راسي، فتحت عيوني
اباوعلهن بتك عين وحجيت بصوت مطبگ من النوم
– هاي شجابجن من الصبح.
غـيـد – اهووو، شهلل عرووس الكسلاانه هااي كوومي يلهه كوومي.
– غيددد، وخرري مو هسه يجون العصرر شبيج.
– اييي عفيةة، ومن ترحين تكدررين الحلقة هنااك
ويشوف ايدج
كلهاا شعرر غير يتفلل عليج ويكلج امشيي وليي مني يمي زلمه انتِ!!
طفرت بسرعه من الجرباية اباوع على اديه، بيهن شعر
خفيف، بس مبين اكيد عضيت شفتي ومريم تضحك كلت
– البارحه خلتنه نسوي اني وياها حتى تجيج تسويلج.
– هسه فضحتني فضيحه شجاهاا هاي.
– محد بالبيت، بــارون بالشغل وسيف بالامتحان وامي وامج
راحن للسوك ومناك يحجزن الصالون و يجيبن هذني السوالف الشمعه والهيل ومدري شنو .
هزيت راسي بـ اي وخرت الغطه وكمت
– تمام، بس خل اغسل واكل جوعانه.
كامن وياي، غسلت وجهي وفرچت سنوني حيلل
اخر
فتره يله تذكرت اهتم بيهن صارلي فتره هاملتهن
سويت اكل
الي وللبنات كعدنه بالهول اكلنه، وغيد كامت قبلي
حظرت الغراض
واخذتهن للغرفه كملت وشلت الصينية غسلت الماعين
ودخلت يمهن للغرفه
طلعت غيد جهاز الشمع، ومريم طلعت الشيرة طفرت بسرعه وصحت
– هاااا هااا.
غـيـد – اكعدي عاقلة احسن الج، لا تخلينه نجربج ونلصلخج.
– صليي على محمد غيدد؟
– اللهم صلِّ على محمد وآل محمد، يله اكعددي.
– اوكفي ماتكدرين بهذني ملابسي بس خل ابدلل.
ركضت بدلت تراكي، لبست دشداشة قصيره ورجعت يمهن
سولي جسمي ثنينهن كمت اكمزز ما الحك اصيح من غيد
شيل الشمع تشلع الشيره وراها مريم خبلني
ماهدني
لحد ما خلصن كلشي، غسلت جسمي ورجعت يمهن
طلعت
غيد الخيط وبدت تحفلي وجهي، كل مره اني احفه
بس هل مره
اخذت من حاجبي هواي ورتبته الي صار كلش حلو
ابتسمت فرحانه بالنتيجه وتشكرتهن وغيد تكفخ بية
– اخوات احنه لا تخليني اعلسج.
– اووي، هسه انتِ ليش هيجي قااسية.؟
– طلع جباار البداخلج يمي شمشوون الدلع هذاا يم تُـــراثج.
ضحكت مغطية وجهي وهي تضحك تقلد عليّ
اخذت ملابس ودخلت للحمام، سبحت ولبست تراك بيت
طلعت لكيتهم كلهم جايين، ماما والبنات كاعدات على جهه
يشوفن الغراض وبــارون مكعد سيف كدامه ويسأل بي
على الامتحان وسيف يسفط يسفط ميل كل مره
ضحكت وكعدت يمهم، شوفتني ماما الغراض كلش عجبني
كعدت اشوفهن وياها، وهي حطتهن يمنه وكامت
– خل اسويلكم الغده، بنات بس تكملون شيلوهن حتى
اجيب الغده هنا.
كامت وياها خاله ام غيد
– اوكفيلي خية اجي وياج.
راحن ثنينهن، واحنه شلنه الغراض طببناهن للغرفه
كعدنه نطلع بيهن
وحطيناهن على جهة، رجعنه للهول كعدت يم سيف وبسته
– الله يساعدك.
– ويساعدج.
– شلونك بالامتحان؟
– زين، يعني الاسأله صعبه شوية بس جاوبت.
– الحمدلله، لا تخاف هاي نص السنه يعني مجرد تمهيد وتقوية
للاخير السنه شلون ماجانت النتيجه لا تضوج.
هز راسة بـ اي مبتسم، جابن ماما وام غيد الغده
كعدنه
نتغدة، وغيد وبــارون يتبادلون النظرات احاول ماباوع
بس غصب عني من اشوف نظراتهم والحب اليطلع منهن
انجبر اباوع عليهم
خلصنه غده، وعفنه الماعين على ماما وخاله وطبينه للغرفه
وكفنه ندور ملابس، وغيد طلع شكل ومريم شكل
نــهروان – لاا مريم ماريد بنطرون، اريد ثوب بسيط مال طلعه احسن.
طلعت غيد ثوب نيلي طويل ومخصر، اخذته ويا شال
بيجي حظرتهن على صفحه، طلعن هنه واني لبستهن وخليت ميكب خفيف
طلعت لكيت ماما هم مجهزه نفسها كعدنه ننتظر بالهول
لحد ما سمعنه هورن السيارة، طلعنه وبــارون طلع ويانه
سلم عليهم واحنه صعدنه بالسيارة
فتحت باب الصدر وصعدت من شفت بـــراء صاعده وره
سلمت عليها وهي ردت مبتسمه، باوعت على تُـــراث
الباوعلي من فوك لجوة وعض شفته، خزرته ودرت وجهي على الجامه
باوع على ماما الي لابسة شال بس شامرته منا ومنا
كاللها
– شهلل جمال عمه، فوكاها لابسة شاال هسه عبالهم صاحبتي والله.
خزرته وماما تضحك خجلانه وبـــراء مدت اديها كرصته تضحك
– هههههههه تُـــراث، يمعود هههههههه شبيك.
تُـــراث – شكوو شبيجن من هسه صرتن تغارن؟
لا تضوجين عـمه
يرحلج فدوة ثنينهن.
ضحكت اسلك اله وكتله
– ههههه تُـــراث، تدري فـراس حيل يحب ماما ويغار عليها؟
ههههههههههه لو يدري بيك هيج تحجي يكتلك ههههههه.
نحجي ونضحك وهو يباوعلنه مستغرب، وماما انكلبت حمره
درت وجهي اباوع من الجامه وماما وبـــراء يسولفن سوة
نــهروان – بـــراء، لعد وين عفتي الجهال؟
– يم ابوهم.
– وبـرهـوم يكدرلهم ثنينهم؟
– ليش لعد شبي؟ عـزيـز جبير صاير وروان تنطيها ممه
تنام اربعة ايام ليگدام.
ضحكت وتُــراث هز راسة بـ اي مستهزء
– خو شايفه من هي نايمه وتحركيها؟؟ اووه
ماشاء الله مالها صوت ابد.
ضحكت بـــراء وكالتله
– عود نشوفك من يصير عندك جهال شلون تسكتهم.
باوعلي تُـــراث وابتسم درت وجهي مبوخه من الخجل باوعت على الجامه مبتسمه
تُـــراث كل شوية يلتفت عليّ يباوعلي ورجع يباوع على الطريق
لحد مافاض الصبر بي كال
– بـــراء، بربج تعاي شوفي مو اكوا شي متغير بوجها؟؟
فتحت عيوني حاصرتني الضحكه، هاي معقولة هيج وجهي جان يخزي بالشعر؟
بـــراء ضحكت وهزت راسها
– لا كلشي مابيها تخبل.
– لعد ليش مستغرب، اليوم طالعه تخبل، تحسيها إيچـة.
فتحت عيوني بسرعه وضربته على رجله
– تُـــرااااث ايععع ايععع شبيك اني إيچـة؟؟
– لعد شبيها الإيجه مو مره؟
كلبت وجهي ضايجه وهو ضحك كال
– لا وعلي اتشاقة، طالعه حوورية.
ابتسمت وضليت اباوع من الجامه ما التفتت عليّ بعد
وصلنه للصايغ، نزلنه من السيارة الهوه عالي وقوي
رغم مو بارد
بس يسمونه هوى شرجي، باوع علينه تُـــراث وكال
– وين الله والعبااس ويندارر حلگجن شررجي وكله تضلن تحجين هيج.
وعوج حلكه يقلد، فحطت من الضحك على شكله وبـــراء
مغطية وجها بالعبا وتضحك
ابتسمت ماما واني اباوعلها واشر بايدي هو مخبل
حسيت بي
يمشي ورانه صرت بصفه خزرني عود يخوفني واشر بسيطه
تقرب عليّ وهمست
– اليجي من ايدك الله يزيدك.
عض شفته ودنك عليّ يهمس
– اييي ايي ادعي الله يزيد.
وخرت عنه من دخلنه للصايغ، سلمنه وكفنه يم الولد
باوعله تُـــراث وكال
– طلعنله شي مال خطوبة.
باوعله الصايغ عاقد حاجبة كالتله بـــراء
– احم، خوية انريد حلقات، وطقم ذهب مال نيشان.
هز راسة بـ اي ودنك يطلع من جوة العارضة
وتُــراث يباوع لـ بـــراء ماعاجبه عود لان هي حجت ويا الولد
طلع النه حلقات، كلما اجرب وحده تطلع اكبر من حجم اصبعي
تُـــراث – معقولة ماعندك على حجم اصبعها؟
الصايـغ – شو بالله مدي ايدج؟
مديت ايدي كدامه مد ايده ياشر من فوك ايدي، تُـــراث
عباله لزمني رأسًا كاله
– هاا خوية؟
باوعله الصايغ منحرج كاله
– بس خلي تكلب اديها.
كلبت ايدي ورجعتها، طلع مجموعه ثانية وحطهن كدامي
رجعت اجرب لحد ما اجت وحده على مقاسي اخذنها
ورجعت اختاريت الذهب بسرعه شلون ماجان لان الحلقة
راح تضل بايدي، بس الذهب البسه بس بالعقد وخلص ما احب البس الذهب
طلعنه من الصايغ، صعدنه بالسيارة وتُــراث ينافخ
صعدن
ماما وبـــراء ساكتات بس اني ما اعرف اسكت
التفتت عليّ
حضنت اديه لصدري وكتله
– شبيك عينييي هاا؟
شغل السيارة وباوعلي، حط ايده على الچكمچه وكال
– شكوو؟ ياهو يمج؟
– عليمن كالب وجهك؟
– مااكالب وجهي.
نــهروان – شووف تُـــراث افنددي، ترى هذاا العقد مالتيي خوش؟
ماريده يصير بي شي يعكر مزااجي فـ اريددك تللزم
نفسك ولا تعصب ابدد
والله بس تصيرر عصبي وتتعارك افركشش كلشي واكعد واسكتت خوش؟؟
باوعلي فاتح عيونه على وسعهن، عصر وجهي وهدني بسرعه يباوع على ماما
– هاااج شووفي شووفيي، يكليي اخااف على بنت اخووي
خل يجي يشووف لساانها شطوولة.
– والله مااعليةةة ماريد شي يخررب فرحتيي!!
رفع حاجبة وابتسم مرجع روحه على الكشن
– فرحتج؟
– طبعًا.
ابتسم وهز راسة وحرك السيارة، بـــراء وماما يباوعن علينه صافنات
واحنه رجعنه نضحك ونتشاقة مره ثانية، اهمشي يسمع كلامي
وياخذه على محمل الجد!
رجعنه للبيت، نزلنه تُـــراث وسلموا وراحوا، دخلنه للبيت
الذهب والحلقة ضلن عند بـــراء حتى تجيبهم وياها بالعقد
طبينه للبيت، لكينه البنات معزلات البيت ومحظرات الغراض
ياربي هذني لو افديهن بروحي مقصره وياهن
شافني دخلت كامن بسرعه كالت غـيـد
– هاا شصار؟ اشترتوا؟
هزيت راسي بـ اي وذبيت الشال على القنفة
– اي، ضلن يم بـــراء، بس صورتهن الجن.
فتحت تلفوني مصورة كم صورة للذهب شافنهن وباركلي فرحانات
مـامـا – بنات لا تسون البوكسات هسه، خلنها باجر من تروح
نــهروان للصالون، نسويهن لان خاف يخربن لو ضلن الباجر.
ام غـيـد – اي صدك، خلنها باجر الصبح سونها.
عفنه البوكسات بس حظرناهن، كمنه نحظر العشه
وغيد تغني يمي بالمطبخ ومريم تدك على الميز
غـيـد – عرووستنه مااكو مثلهاا، وعريسنه حبهاا واخذهاا.
اسوي بالاكل واضحك عليهن، اجت غيد نصت الاكل
وجرتني من ايدي تركص وتضحك
– وهااي الرادهاا وهااي التمنااهاا بنت الشيخ لابن الشيخ جبنااهاا.
نــهروان – ههههههههه هاي اني وتُــراث ولد شيوخ؟؟
كلتها اضحك وهنه يضحكن عليّ، طبن ماما وخاله صاحن بينه
– دنياا المغررب ولجنن الأذاان يأذن.
عفناها وركضنه توضينه وصلينه بسرعه، لورا الصلاة
اجه بــارون من الشغل تعبان، سبح واكل وطب نام
واحنه هم
بس كملنه اكل فرشنه كلنه بالهول، وماما وخاله نامن بغرفتي وسيف نام يم بــارون
ضلينه للفجر كاعدات ناكل ونسولف ونحشش على غيد
– كومي يم عمي خطيةة بردااان.
وهي تضحك، اليشوفنه يكول سكاره ميتات نعاس
بس محد ترضى تنام مريم نايمة على بطنها كوه مفتحه عيونها وتضحك وتكول
– اريدد صوفايتي، هههههههه حبيبي مصطفى راح يشتريلي بطانية حمرة.
كالتها وسكرت من الضحك، انريد نسكت ما نكدر
شالت راسها
وجها احمر من الضحك وعيونها مدمعات وكالت بصوت مخنوك حاصره ضحكتها
– يريد يتغطة بطانية حمرررة ويايي هههههههههههههههههههههاايي.
سديت حلكها اضحك وهي تضحك بصوت وغيد تضحك وتصور بيها
سدت التصوير تضحك وكالتها
– اله اشوفة لـ مصطفى.
مـريـم – عادددديي، هههههههههههههههههههههه.
بطني كامت توجعني من الضحك، نمت على ظهري
لازمه بطني واضحك
– واني راح اعقد بااجر، راح اتزوج الشخص الباگ كليتي هههههههههههههههههههههههههههه.
ضحكت بصوت وهنه يضحكن وياي فحطانات
غـيـد – وانيي انخطبت لشخص كوة وطلع يحبنيي واحبه ههههههههههههههه.
نمنه على بطنه وكلساع وحده تحجي شغله ونضحك كلنه بصوت
لحد ما غفينه بمكانه من التعب
فزيت الصبح على صوت ماما تصيح
– رووان، رواان مااماا كوومي شوفي بيش السااعه.
طفرت بسرعه اباوع للساعه بـ8 اله ربع كمت غسلت وجهي
واكلت وكمنه بــارون ماموجود بالبيت، لبسنه اني ومريم
وردنه نطلع
– مااماا لعد منو ياخذنه اذا بــارون بالشغل؟
دنكت مريم تلبس حذائها وكالت
– مصطفى راح يجينه، يله البسي.
– وغيد ما تجي؟
– لا راح تسوي البوكسات والغراض ويا ماما وخاله، يله امشي.
هزيت راسي ودنكت لبست حذائي وطلعت
فتحنه باب الشارع وطلعنه، لكيت مصطفى طابگ سيارته بالباب
صعدنه ويا ومن شفته حتى نسيت اسلم تذكرت كلام مريم
وحرصتني الضحكه، باوعلي وضحك يسلم
– هههه هاا شلوونج؟
– احمم، الحمدلله وانتَ؟
– زين الحمدلله.
ضلينه نسولف شوية، ويسال مريم شوكت يجي كالتله بس اتصل عليك
وصلنه للصالون، وقبل لا ننزل كتله
– مصطفى، هُــمام مايدري مو.؟
جر نفس وهز راسة بـ اي
– اطمني، مايدري.
ابتسمتله ونزلت من السيارة
دخلنه للصالون، انتظرنه دورنه، حطينه غراضنه على صفحه
وكعدنه ننتظر على الكراسي، من اجه دورنه بلشت بية
والثانية سوت ميكب لـ مريم بس خفيف لايك لملابسها
بس خلصت رفضت تسويلي اي تسريحه اوڤـر
نــهروان – ماريد تسريحه، سويلي شعري ويڤي من الاطراف
وثبتي وحطيلي هذا التاج الصغير وبس ماريد شي مبالغ بي.
هزت راسها وسوتلي شعري وحطت سبرية ثبتت شعري
كملنه كلشي وكفت كدام المراية اباوع على شكلي فرحانه
الثوب السمائي ويا الميكب الوردي الخفيف يجنن صاير ، لبسنه الصايات فوك الملابس والشالات وطلعنه
تلكانه مصطفى اخذ الغراض من عدنه وباوع على مريم
– بوووويااي، شني هااي ولج شطاالعه؟
ضحكت مريم خجلانه واشرتله
– صعد الغرااض بعدين احجيي.
صعدهن بالسيارة صعدنه ورا ثنينه، حرك السيارة
والطريق
كله يتغزل بيها بس بأدب واني اضحك عليهم
وصلنه
للبيت نزلنه جان اكوا زلم هواي وزمالائنه البالكلية كلهم
واكفين بالباب، دخلنه للحديق لكيت بــارون واكف ويمه سيف
يحجون بالحديقة، ابتسمت وهو باوعلي وابتسم عيونه تلمع
تقرب حضن وجهي بثنين اديه وباس راسي حيل وابتعد يباوعلي
– مهناية ياروحي، الله يسعدج وماتشوفين يوم سوء بحياتج
نور عيوني، طالعه ملاك.
ابتسمت وحضنته حيل وهو يبوس براسي وخرت بسرعه واباوعه اداري دموعي
– هههه وانتَ طالع تخبلل، شهل جماال، هسه تُـــراث
يغار منك لابس سترة بلون عيوونك اله ينجلط.
ضحك وكال
– متخبل من عيوني مادري شبي.
– يروحلك فدوة يغار منهن.
خزرني يضحك وفرحان بس مايبين
– مايصير تكولين هيج ولج.
– اوو ميخالف ميخالف.
ضحك وباس خدي، سمع الولد يصيحونه من بره اخذ سيف وطلع
طبيت للبيت لكيتهن مخلصاات كلشي، سلمت عليهم
وذبيت الصاية والشال وانطيتهن لماما
علكتهن باب الغرفه واجت، كعدت على الكوشة
اعدل
بشعري والبنات يمي، اجن صديقات الكلية كلهن فرحانات
سلمن عليّ وباركلي وشغلن اغاني يركصن واني متوتره وفرحانه بنفس الوقت
كومني البنات يردني اركص وياهن بس غيد ماقبلت تكللهن
– لا خاف تعرك والمكياج يخرب، يشوفها العريس يله تركص.
ماكمت هنه ضلن يركصن بأدب على كولتهن، لحد ما اجت المشية
دخلت بـــراء شايله بنتها وياها نسوان هواي العرفته
هذني گرايبهم من بعيد، ونصهم نسوان اصدقاء تُـــراث
دخلن سلمن عليّ وعرفتني بـــراء عليهن باركلي وحده منهن تصير زوجة صديقة حـمزة كالت
– ههههههه والله اجه اليوم الي نشوف بي تُـــراث متزوج.
نــهروان – هههههه بس هو جان متزوج؟
– الله يرحمها، مرته الإيرانيه جانت خطية عبالك صنم
لا تحجي ولا تسوي شي مره صوتها ماينسمع وهو جان
ينرادله مره تضبة على گولة حمزه هسه اجت العراقية الراح تضبة.
ضحكت وهنه كلهن يضحكن ويتشاقن وياي حيل سبورتيات
كعدت بـــراء بصفي شايله روان كالت
– اجت المشية، بس تخلص شوية يبدي العقد.
هزيت راسي
وهنه كامن يركصن كلهن بـــراء كاعده بصفي نسولف
تحجي عليّ لان لابسة قصير كلش ومطلعه رجلية
نــهروان – كل عقلج؟ اريده يشوف بس ممنوع
المس
اريد احرگ كلبة بسيطه اني اعلمه.
– هههههههه كون تضلين كد كلمتج يا شلال.
رفعت ايدي ااشر على كصتي
– لا افاا عليج اذا ما سويتها، اتفلي عليّ هناا هناا بگصتييي.
نزلت ايدي من كصتي تضحك
– ايييي اهدددي اهددي.
شوية واندك باب الهول بقوة وصوت بــارون يصيح لان الاغاني عالية
– السيدد اجهه.
طفن الاغاني وكومني بسرعه، واني اطگطگ باصبايعي متوتره
كعدت على الكرسي يم الباب وغطن راسي بالكبوس، حطلي المي والقرآن بايدي
بلش السيد يحجي واني اردد ورا واسمع تُـــراث يردد ورا
لحد ما طلب موافقتي اول مره سكتت بالثانية سكتت بالثالثه جاوبت هلهلن النسوان كلهن والزلم من سمعوهن هم هلهلوا وياهن
طلب موافقة تُـــراث اجانه صوته يكول بصوت عالي
– قبلتُ بِها فـ هي العـوض من بعد التعبِ
وهي الفرج من بعـد الضيق
وهي شريكة دربـي، وصديقة روحـي…
واحلفلج يا نــهروان، وكداام النااس كلهاا اذاا بيووم نزلت دمعه من عينج
فـ هااي الدمعه دمعةة فررح ياا نـور عيوني.
شهكت وحطيت ايدي على وجهي ارجف والدموع ترجف بعيوني
كلها تهلهل واسمع صوت الصفير من بره، كومني البنات يهلهلن ويضحكن
وبــراء عيونها مليانه دموع لازمتي وتهز راسها
– لاا لتبجين نــهروان.
ايدي ترجف من الفرحه ومن كلامه، والبنات التمن عليّ فرحانات
غيد شايله كلنس وتحطه جوه عيوني وتضحك
– اشش اشش لا يخرب المكياج.
هزيت راسي بـ اي ومشيت وياهن للكوشة كعدت عليها
امسح بعيوني، وهنه كلهن لبسن لان راح يدخل تُـــراث
كمت وكفت اباوع على الباب وهنه سون مجال من يم باب الهول
انفتح الباب ودخل تُـــراث، باوعتله مبتسمه وهو اجت عينه بعيني وميل راسة مبتسم بتعب
هلهلن النسوان كلهن بعلوا صوتهن، وهو ولا التفت على احد مانزل عينه من عيني
اجه يمشي بجهتي، باوعلي من فوك لجوة وعض شفته
ضحكت ودرت وجهي منه، تقرب صار كدامي حضن وجهي وباس راسي
وباس خدودي ثنينهن وشمهن وابتعد يباوعلي عيونه ذبلانه
– اووووف يابة.
ابتسمت وهو وكف بصفي، طلعت بـــراء الذهب وكالتله
– احم، تُـــراث لبسها الحلقة.
اخذ الحلقة من اديها، جر ايدي لبسني الحلقة وباس ايدي وضل لازمها يحرك اصبعه عليها بهدوء
اخذت الحلقة مالته من ماما
لبستها اله، انطته بـــراء الذهب اخذه لبسني السواء
وفتح التراجي
لبسهن الي واني همست يمه
– شلون تعرف للتراجي، بسيطه اني اعلمك ابو النسوان.
– انجبي لا امطلج هناا.
كرصته من ايده حيل وابتسمت بوجهه وهو بلع ريكه ورفع عينه لعيني
استغربت دنكت اباوع، وطلع الثوب من كد ما ضيك
عاصر صدري حيل
ومبين كله، ابتسمت وحطيت ايدي بسرعه وهو ميل راسة بتعب وهمس
– اني اعلمج.
ضحكت وهو لبسني الثانية، ورجع لبسني الكلاده والمحبس
ابتعدت اعدلهن على صدري، الكلاده طويلة صارت فوك صدري
وهو كلساع ينزل عينه ويرجع يباوع على النسوان ويرجع يخزرني
كوة حابسه ضحكتي، شوية وصاحوله يطلع باسني
بخدي وهمس
– الزمج لو لا؟
ضحكت وهو توى راد يطلع سمعت صوت صياح من بره
باوعلي بسرعه واني فتحت عيوني مصدومه من سمعت صوته يصيح
هُــمام – نــهروااااااااان، ولججج اطلعيييييييييي اطلعيييييي حاااجينيييييي نــهرواااااان.
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.