رواية أحفاد الشيخ علي – الفصل الرابع و الاربعون
Part 44
سديم::وينن ويننهه وينهه حمزهه شعده بطوارئ احجيلي شبي كلبي نارر عليه نارر حمزه شبي شبي يامن شبي شعده بطوارئ
حمزه::مابي بس اهدي مابيه والله كتفه الحمد الله الرصاصه جايه بكتفه وفوتو تا يطلعوها بس اهدي اكعدي سديم كافي راح تتخبلين
سديم::حمزه ولك حمزه يامن يامن تصاوب من وراي اني اني سببب هوه هنا بسببي
حمزه::سديم بس اهدي ما بيه شي والله بس ايده
سديم::جذاب والله جذاب ولكك جان واكع بحضني كلهه دمم دمم بااع فستاني متروس دمهه دمهه ولككك دمههه
كبل كعدت بالكاع وتبجي وتخمش بروحها وتلطم جيت اركض اني عليها وكعدت يمها
ساره::كافي اروحلج فدوه كافي حمزه ما يجذب كلشي مابيه
سديم::ما عندي غيره والله ما عندي غيره ما بقالي احد اضيع اني والله اضيع بدونه ساره تفهمين اني ما عندي احد لا ام تريدني ولا اخت واب ما عندي ما عندي احد بس يامن اموت وراه والله اذا صارله شي اموت والله
هيه حجت هيج اني نترسن عيوني دموع عليها وكبل حضنتها قوي وهيه حضنتني وتشهك وتبجي وتصيح بأسمه سمعت صوت صياحح مو غريب عليه رج المستشفى رج باوعت عمه جواهر تركض وعمو وليد وراها وعمه مروه وصيح باسم يامن جتي تركض علينه وكفت تباوع ماكو يامن
جواهر::يامن وين ابني ويننن وييننن
باوعت لعراق وعيونها متروسه دموع
جواهر::ولككك عراق اخوك وينن ويننن؟
وعراق ساكت ما حجه شي بس نزل راسه ما يعرف شيكول شيريد يحجي شيكول يكول الها اخوي صاوب بليلت عرسه مكان فرحه ودك وركص صار عزه وبجي ولطم وهيه شافت محد حجه ورد عليها كعدت بالكاع وكامت صيحح ودك على صدرهاا وصيحح
جواهر::يمههه يامننن يمههه ابني يمههه ولكم ابني ويننن ابن بطني ويننن ولك عراق اخوك ويننن
وهيه صيح وتبجي وتلطم وتخمش بوجها واجتي عمه مروه تركض عليها تغطي بشرعها وتحجي وياها وهيه ما يفيد بيها
مروه::ولج كافي انتي مسلمهه ما يصير ماا يصير كولي الحمد الله ابنج مابيه شي كافي ولج يمهه كافي حرامم حرااامم والله حراممم
جواهر::ابني ابني ولج ابني
وباوعت عليه اني وسديم وسديم حاطه راسها على صدري وصافنه وتبجي وكامت عمه جواهر من مكانها وجتي علينه وكفت كدام سديم وكامت صيح وتحجي عليها
جواهر::كلهه بسببج ابني هنا بسببج من الاول اني ما راضيه على هل زواج بس عناد انتي وياه مو بيدي تالي شوفي وين صفه من وراج كلهه بسببج الله ينعلجج
اجه عراق يركض عليها وكمشها يريد بس يسكتها
عراق::كافي ولجج كافي لو يامن يسمع حجيج الي يكتلنه كلنهه هل شي مقدر وصار محد يكدر يعترض على حكم الله كافي يمه كافي اروحلج فدوه
جواهر::بسببها والله بسببها اخذت اخوكك من عدنه كله من وراها هيه وامها ام السحوره ولكك كافي كلهه بسببها ليش محد يصدكني اعرف بيج متفقه ويه هل ولد ولج انتي بنت نجلاء احقد البشر مسويه روحج زينه ولعبتي على ابني
وسديم ما حجت شي بس تباوع الها وعيونها متروسه دموع وتبجي وما تعرف شنو سوي وشنو تحجي باوعت الها واردفت
ساره::كافي شبيج ماكو وحده سوي هيج همه بينهم حب وعلاقه من همه صغار تعبو ياله وصلو لهل لحضهه لجج شبيج لخاطر محمد انتي شبيج عيب هل حجي وانتي جبيره والفاهمه والعاقله هيج لعد البقيه شنكول عليهم قدر وصار ما نكدر نغيره
من سمعت هيج سكتت شويه وعراق كمشها ويحجي وياها الما سكتت وكعدت وسديم حاضنتني وتبجي شويه وطلع مريض من الغرفه وكلها كامت عليه بسرعه ينتضرن كلمه منه
_محتاجين دم دم بسرعه
سديم::اني اني نفس زمره دمهه
ساره ::شبيج سديم ميصير انتي بيج فقر دم نوب تنطين دم
سديم::انطي روحي مو دم
_اذا بيج فقر دم ميصير ناخذ منج
عراق::اني اخوه
_تفضل ويانهه
وراح عراق وياه وكلمن رجع كعد مكانه بس جواهر نضراتها لسديم حقد وكره احس لو ما احنه وياها جان كضبتها موتتها شويه ورجع عراق
جواهر::صارر وياك
عراق::ما صار شي سحبو دم سألتهم عنه كال محتاج دم لان نازف هواي وبس بيده مصاب ومطلعين الرصاصه
مروه::الف الحمد الله هاي ولا غيرها
سجاد::بس يطلع يامن من هنا اله اندمهه والله اله ارتكب بيه جريمه
حمزه::هذا مو شغلك شغلي لا تدخل يطلع منا بسلامه واني اتفاهم وياه
مروه::كافيكم عاد اكعدو خلي نطمن عليه وشتردون سون سوو
جواهر::بس اعرف ابني بخير ما يهمني احد بعد أن شاءالله ناركم تاكل حطبكم
وما اسمع بس صوت عمو وليد صاح بصوت عالي كله غضب
وليد:: جواهر كافي عادد سكتي
وهوه كال هيج وهيه صارت مثل البزونه الي بالعه لسانها ما حجت كلمه وحده وشويه وطلع الدكتور وكلها كامت وجتي عليه كلنه لتمينه حواليها
وليد::بشرنه دكتور شونه ابني؟
_الحمد الله طلعنه رصاصه وما بيه اي اصابه ثانيه وحطينه اله دم وايده ضمدناها بس هسه خلو يرتاح لحد يدخل عليه الما اكول الكم
وليد::هاهيه دكتور
مروه ::الف الحمد الله كلووشششش
جواهر ::اي والله الف الحمدلله
ضحك دكتور واردف
_منو سديم؟
سديم::دكتور اني سديم
_شنو صيرين من المريض؟
سديم::مرته
_هل زلمه ديري بالج تخسري لان يحبج حيل
باوعت سديم صافنه مستغربه من حجيه ونضراتها كلها تعجب من حجيه
سديم ::صاير شي؟
_صار ثلاث ساعات واحنه وياه نطلع رصاصه ونعالج بيه وهوه يهلوس بيج ويحجي بأسمج
سديم::دكتور عادي افوت اشوفه؟
_اذا تفوتين لازم بس انتي اسمحلج تفوتين وحدج
سديم::اي افوت وحدي عادي
_تفضلي لعد
سديم ما صدكت على الله كبل فتحت باب الغرفه وفاتت تركض واحنه رجعنه كعدنه بس هل مره مرتاحين لان يامن بخير وما بيه شي
تراث::يصير نطلعه؟
_اي يصير اول ما يصحه وحنطيكم معقمات وضماد لجرحه لازم بليوم اقل شي 3 مرات يتغير ضماد حتى جرح ما يتلوث ويبقه نضيم ويشفه بسرعه
تراث::هاهيه دكتور مشكورين
_هذا واجبي
__________________
سديم::
فتت الغرفه واني احس الفرحه ما تسعني من عرفت بيه بخير باوعت متمدد على فراشه ومغمض عيونه ومتغطي نزلن دموعي كبل من شفته هيج وجيت يمه مسحت على شعره وبسته من راسه وكعدت على الكرسي الي يم الجربايه الي نايم عليها
سديم ::اوف سوده عليه كون هل رصاصه صابتني يمه يمه اسفه والله اسفه اروحلك فدوه اني ما عندي غيرك لا تعوفني
نزلن دموعي واحس كلبي معصور حيل عليه ضليت كاعده يمه وابجي وكامشه بيده ومره ابوسها ومره امسح وجهه ومره ابوسه من راسه
سديم::تذكر من جنه صغار جهال بوكتها ومن ضربتك وانته جيت عليه كسرت عود الماسحه عليهه هاي لحد هل يوم حالفه اكسره عليك مثل ما كسرته عليه يله كوم حباب تعبت اني حياتي بدونك ما تسوه شي تذكر من جنت صغيره ونام بحضنك لو من كبرنه وتجي علينه للبيت جايبلي وياك حلويات تشمرهن كدام باب البيت وتفلت وترمش عليه اطلع اخذهن
ضحكت من ذكرت هل موقف
سديم::لو كل مره من تجي تريد شوفني وبابا الله يرحمه يشوفك ويطلع يركض وراك بالعوده لو من جنت ازعل منك وتعوف شغلك وكلشي وتكعد تراضيني وتكلي من نزوج الهه اطلعهن منج كلهن يله كوم مو تعبت واني انتضرك عمري كلهه ما عندي غيرك وما مستعده اخسرك ابد والله
تقربت من ايده المضمده وبستها
سديم ::بستها طابت؟ تذكر كلما انجرح وتبوس جرحي ويطيب هسه بستها وطابت اكعد يله مشتاقتلك حيل حيل
بقيت كاعده صافنه واحجي وياه واكعد اذكر ايام قبل وحجيله شنو اذكر وره شويه شفت عيونه فتحن وباوع عليه ورفع ايده الي مو مضمده
يامن::سديم
سديم::يمك يمك يبعد روحي يمك والله
كمت من مكاني وكمشت ايده يريد يكعد وساعته
يامن::اخخ
سديم::توجعك؟
يامن::لا كلشي ما بيه انتي بيج شي؟
باوع عليه من جوه ليفوك وسكت ضل صافن على الدم الي بفستاني وحضني من خصري بيد وحده احس بيه يتوجع بس هوه دأمن كدامي يبين كلشي ما بيه حتى ما انقهر واخاف عليه ادري بيده توجعه وجسمه كله بس ما يحجيلي ما يريد يبين نفسه تعبان ابد لان ما يريدني اخاف عليه
يامن::اني اسف
وخرته شويه عني ونزلن دموعي وحضنته بس على كيفي عمود ايده
سديم::اشش اشش ما يهمني شي والله غير انو انته بخير وما بيك شي دنيا كلها ما تهمني بكدك
يامن::خربت لحضه ننتضرها سنين وما عرفت اصرف من وره عصبيتي من سمعت حجيه ما عرفت شون الزم روحي ردت بس اوصل اله واكتله نسيت شايل سلاح
سديم::اشش اشش ما يهمني والله لا عرس ولا غيره ما يهمني شي كل تفكيري ماريد اخسرك والحمد الله ما صارلك شي لا سامح الله جنت متت بعدك والله
يامن::اسم الله عليج
وخرت عنه وبتست اله
سديم::لا سوي هيج بعد لا تخوفني عليك
يامن::صار يفراشتي ام عيون خضر تأمرين امر انتي
رفع ايده ومسح دموعي واني مبتسه اله وما مصدكه صار زين
يامن::ساعديني اكوم
سديم::لا ابقه الما يفحصوك اخاف يامن
يامن::ما بيه شي والله اريد ارجع للبيت تعبت هواي
سديم::بس يشوفوك ونرجع يامن امانه لخاطري
يامن::تمام هاهيه
سديم::راح اروح اصيح الدكتور واجي
يامن::تمام حبيبي
___________________
نور::
كلنه كاعدين ننتضر سديم تطلع باوعت تراث وصارت عيوني بعيونه وكبل نزلت عيوني رديت رفعتهن شويه وشفته يباوع عليه وما نزل عيونه ابد عني واني باوعت لساره بس حتى ما ارجع اباوع اله واسوي نفسي ما مهتمه اله شويه ونفتح الباب وطلعت سديم
سديم::دكتور وين يامن كعد يريد يطلع للبيت خلي يجي يفحصه تا نطلع
سجاد::هسه اصيح اني
راح سجاد يركض يصيح دكتور والباقي كلها فاتت جوه شوف يامن واني فتت وياهم اريد اشوفه طكت روحي عليه باوعت عمه جواهر كاعده يمه تبوس بيه وتبجي وتحجي عليه وبابا واكف يم راسه وكلها تحجي وياه وفرحانه لان طلع بخير وما متأذي هوه باوع الي وبتسمي واني كبل جيت عليه حضنته وبسته من راسه
نور ::بعد لا سوي هيج وتخوفنه عليك
ضحك الي واردف
يامن::بس لا تبجين توبه
نور::هاهيه بعد ما ابجي بس اطلع من هنا
وخرت عنه وهوه ضحكلي وصد على حمزه واردف
يامن::مصطفى يمك مو
حمزه::اي بالمركز
يامن::اريد تسجنه وتربي تربيه تلوك لوجهه الخايس ابن الخايس
حمزه::نوب اهله كلهم بالمركز يردون يطلعو ونتنازل
يامن ::اذا ما يتعفن بسجن ما يتنازل تا اشوف يا كو** يشيله مسدس بعد
عراق::ولك هذا مسدس مال مي ما اشيله جاهل جاهل
يامن::بعد ابو مو خوش شتتوقه من ضناه يطلع بس اصير زين الزمه انعنن ضلوعه
حمزه::ابقه مكانك وستر علينه كافي ما تشبع من المشاكل انته ما تتعب
يامن::المشاكل لعبتي وملعبي
حمزه::يعني ما توب لوما نضرب طلقه ومستشفى وخلك الله تلطم وتبجي عليك وانته تريد نوب تكضبه بسجن تكتله يكضوك يسجنوك وياه
يامن ::ولك هذا المستهتر على يا اساس يضربني ولك والله لو ما شايل اسلاح وضربني جان هسه ميت بيدي ياهو يكدر يفكه مني بس كلولي ياهو
عراق::عمي بس كافي اسكت مو زين عليك العصبيه هسه ينفتح جرحك
يامن::انعل ابو جرح لابو وهذا سجاد وينه ودكتور وينه مو روحي طلعت
اجه سجاد يركض وراه دكتور من ذكر اسمه يامن
ايسر::سبحان الله ابن الحلال على ذكره يبان
يامن::انجب لك انته ثاني لا تخليني اكوم انهشك
ايسر ::يعني هم مضروب وهم تحجي وتتهدد بعد الله شيسوي بيك تا توب
ايمن::ما يتوب يكله توب يكلك والله ما توب
يامن::استغفر الله
_شويه مجال افوت اشوفه
حجه دكتور هيج وخرو عن طريقه وفات وفحصه وشاف جرحه ورد عقمه وضمد جرحه كمل دكتور وكال تكدرون تطلعون ومشه وعافنه
أيمن::اشو احسها طرده
ايسر::اني هم احس هيج يامن كومله اكتله
يامن::عراق ساعدني اكوم
اجه عراق عليه وساعده يكوم ورتاحينه من شفناه كام وعاد طلعنه من المستشفى وكلمن ركب سيارته ونطلقنه للبيت همه راحو للبيت جبير واني وحور وسمره رجعنه للبيت وصلنه ايسر فتنه البيت وحور وسمره كعدن ويه ماما ايلين يحجلها لان ما راحت جانت تعبانه واني عفتهم وطلعت لغرفتي فتت الغرفه وشغلت الضوه وكعدت مسحت المكياج وبدلت وتمدد على فراشي وبقيت افكر بنضرات تراث هوه مو معد يريدني وكال يخطب غيري شكو يباوع الي ليش يباوع اريد اعرف ليش وشنو سبب معقوله يحجي هيج عمود بس ابتعد بس شنو دافعه لهل شي وشنو راح يستفاد بس لو اعرف شنو راح يستفاد وبقيت افكر هيج الما غفيت
___________________
سديم::
وصلنه البيت الساعه بل 11 بليل ومن تعب كلمن فات الغرفته واني ويامن فتنه للغرفه باوعنه وبقينه نتمعن بيها باوعت عليه وهوه باوع لي وضحكنه مادري ليش وشنو سالفه بس ضحكنه واول مره اضحك ضحكه من كل كلبي
يامن::هههه هسه لو نحجي الي صار النه يكولونه مخابيل وماكو هيج شي والله حياتنه صايره عباره عن فلم اكشن
سديم::اي والله كلها ودي مستشفى تعال من المستشفى مدري منو نضرب مدري منو ندعم اهل المستشفى كامو يعرفونه
طكينها ضحكه قويه واحنه واكفين يم الباب باوعت لروحي اني وبعدني بفستاني الي كله دم ويامن الي بعده بقاط العرس وهم متروس دم ضحكت عليه وضحك عليه
سديم::اكعد على جربايه ابدل وكمل واجي اساعدك تسبح وتبدل
يامن::وانتي ما تسبحين وياي
سديم::اسبح وحدي
ضحك هوه واني ضحكت
اخذت ملابس وفتت للحمام بسرعه نزعت ملابسي وعلكتهن وفتحت الدوش غسلت جسمي من الدم بس وسديت المي ونشفت جسمي بسرعه ولبست ملابسي وطلعت ما تأخرت عنه نص ساعه وهوه يضحك عليه لبست تراك ابيض وحطيت عطر وما حطيت مكياج من تعب مابيه حيل وكبل جيت على يامن كمت اساعده ينزع ملابسه وعلى كيفي وياه عمود ايده رفعه ايده الي مابيها شي ونزعته من عدها ورديت للثانيه وفتنه للحمام وطلعت جبت كرسي وطاسه وخليته يكعد عليه وجبت علاكات ثنين وخوالي لفيت ايده بالعلاكه وفوكاها خاولي عمود ما يصلها مي وهوه كعد علي الكرسي ونزل راسه واني فتحت مي بارد وحار خليته دافي وحطيت بطاسه مي ترستها وكمت احط فوك شعره وافركه الما غسلته كله وترست نوب طاسه وطشيتها فوك ايده الي ما مضمده ورديت ترست طاسه مي وطشيتها ضهره وعلى وبقيت اترس طاسه وما خليت مكان بجسمه الما نضف فد مره وهوه بس يضحك عليه كملنه وجبت منشفه نشفته وساعته البسه ملابسه ورديت نشفت شعره وبسته من جبهته وجبن دهن بيدي وحطيت شعره وجبت مشط ومشطته اله تعدل
يامن::صرت المع
سديم::بحياتك ما سابح هيج سبحه
ضحك عليه واردف
يامن::اي والله اول مره احس روحي هيج نضيف ولو سبحان بس بمي عمي اذا هيج لهتمام خلي ايدي تبقه هيج وكل يوم يضربوني طلقه
سديم::يمهه يمهه غير اموت
يامن::اسم الله عليج
تقرب عليه وطبع بوسه على شفتي واني بتسمت خجلانه
يامن ::احبج يفراشتي ام عيون خضر يبعد هلي ويل تسوين اهلي وعشريتي
سديم::اروحلك فدوه اني
بتسملي واني بتسمت اله واحس بتعب كلش جبير وهوه هم مبين عليه لذا ساعته يتمدد على فراشه واني تمدد يمه وبقينه نضحك على الي صار اليوم ويانه من احنه وصغار متعودين شني يصير ويانه من مصايب اول ما تخلص نضحك شفنه هواي تعب ومصايب وكلها وكفت ضدنه وسمعنه هواي حجي وبقينه واحد كامش بيد ثانيه وصارت نهايه الي ترضيني وترضيه لقصتنه وبقه بس ننتضر ثمره حبنه وان شاء الله الي صار خاتمه كل اوجاعنه
__________________
علي::
كاعد بغرفتي وحدي وبنفس مكاني كدام الشباك وعيوني لبيتهم رايد اثر منها لو اضفر هم اقبل اريد اشوفها مره ثانيه عيوني ما شبعت من شوفتها عيوني على البيت وبيدي جكاره اورث بيها وجكاره وره جكاره وليله وره ليله واني باقي بنفس مكاني الما تعبت وتعب كلبي هل شعور ابد مو حلو من تنتضر شخص وما تعرف ايمت يرجع بس انته لازم تنتضر لان ما تتخيل يجي شخص مكانه، حطيت جكاره على شفتي وباوعت للسكف نزلت راسي لبيتهم وطلعت جهازي باوعت الساعه بل 2 بليل ماكو صوت او نفس لاي بشر بس اني وافكاري شي يصارع بشي وما اعرف منو الي راح ينتصر ستجمعت كل قوتي ورجعت ادور رقمها الي ما نطاني كلبي احذفه او اغير رقمي كلت اتصل عليه عسا ولعله يطلع بعده عدها وما مغيرته باوعت للرقم وجكاره بيدي اخذ نفس منها وانفخه للجهاز واني عيوني عليه الما تعبت بلاخير وتصلت وبده يرن حطيت الجهاز علي اذني واني منتضر اسمع صوتها الي صار 6 سنين ما سامعه ما طولت وجاوبتني
جوري::الو
اخذت نفس واني احس كلبي راح يطك من سمعت صوتها وطفيت جكاره وعدلت كعدتي واردفت
علي::احم هلا
جوري::هلا بويه
علي:: اولي هلا هلا بالغايب هلا بولفي
الكطع بيه هلا بولفي الوعد وخان بيه
هلا بالخلاني وحدي هلا بكلبي وطيف كلبي
هلا بالعافني ويتمني وراه هلا بالي اهله
حرموني من ريحته
سكتت ما حجت شي شويه وسمع صوت شهكات وعرفت بيها جاي تبجي
علي::كافي تبجين ولج دموعج خناجر تضرب بكلبي
اردفت ومبين بصوتها الغصه وبالكوه تحجي ومن صوتها مبينه دموعها ونفتح حجينه الي صار 6 سنين منتضري حتى نحجي حجت بسرعه وهيه تبجي مبينه من صوتها حركت كلبها
جوري::كافي تعبت اني تحملت هواي علي مشتاقتلك هواي طاك كلبي عليك تعبت والله مدمره اني وهسه رجعت مطلكه ويه طفل هلي دمروني هلكوني تعتب اني
علي::حتى اني دمروني وياج رحتي الغيري ذيج اليله لو مو امي والبنات جنت معتلك اني من سمعت بالعرس وطلعت بره صبيت على روحي نفط واريد اعلكها لو ما امي جنت متت محترك ذيج اليله جنت خارج العراق مكدرت اسوي شي مكدرت ارجع وثاني يوم رجعت طاير بس رجعت وجان كلشي منتهي كمت اجي للعراق ويه ابوي اروح وارجع على امل الاكيج وتعبت هواي ابوي ما خليه شيخ ما خله دكتور ما رحت عليه واني علتي كلبي مو جسمي ياهو يكدر يعالجني وانتي علاجي
سكتت شويه وسمع صوت بيجها وشهكاتها وشويه واردفت
جوري::علي صحيح تفاركنه وكلمن مشه بطريقه بس كلشي توقع مني بس لا تتوقع يجي يوم وانطي كلبي لاحد غيرك انته راح تبقه حبيب كلبي وروحي ذاك المجرم اخذ مني جسمي بس مكدر ياخذ كلبي لان هوه بس الك انته اول شخص حبيته وفتحت عيوني عليه انته اول شخص علمني شون احب وذقت وياه طعم الحب صعبه ارجع اذوقه ويه غيرك صار 6 سنين بعاد احنه بس ما مر يوم وما فكرت بيك كلشي جان صعب عليه حيل بس الي جان يخليني اعيش هوه انو يجي يوم واكدر اشوفك واجه هل يوم بس متوقعته هلكد صعب
علي::مجرم؟؟؟؟
سكتت ما حجت شي
علي::شنو مسوي الج احجيلي؟؟
جوري::ما مسوي شي
علي::جذابهه وربي جذابه احجيلي شنو مسوي الج؟
جوري::جان يضربني
نصدمت من الي حجته
علي::اهلج يدرون؟؟؟
جوري ::يدرون ويردون يرجعوني اله علي عليك الله ساعدني والله تعتب مو بس يضربني والله ما بقه شي وما سواه بيه واحد قذر وصخ والله يشرب ويتعاطه مخدرات وكلما يشرب وياخذهن يجي عليه يضربني ويغتصبني كدام ابني ولك علي طفل والله عمره 4 سنوات شاف ضيم وهوه يريد يضربه واني ما اخليه احضنهه لو ادزه جيرانه لو افوته الغرفه واقفل عليه الباب من الخوف عليه
وسمع صوت بجيها وشهكها هسه عرفت ليش من شفتها جانت ذبلانه وتعبانه ومبين عليه كبرانه الف سنه خذاها مني ورجعها ذبلانه
علي::والله والله وتراب جدي ما ترجعين اله لو اعرف يكصون ركبتي ويدفنوني ذاك اليوم عود يرجعون
جوري ::علي اهلي ناس قذره ما يهمها احد غير الفلوس ما راح تكدر الهم والله
علي::جوري
جوري::ها
علي::طلكتو طلاك محكمه؟؟
جوري ::لا بعد بس اهلي ما يقبلون
علي::تواصلي وياه وخلي يطلكج
جوري::يعدموني والله
علي::اخذج وعقد عليج وصيرين بأسمي واتحده كو** يجي صوبج بعد
جوري::لا لا علي لا
علي::شنو لا ليش؟؟؟
جوري ::اني مطلكه وعندي طفل وانته اعزب ما يصير والله كلها تحجي ناس تلعب بينه طوبه واهلك مستحيل يوافقون
علي::نتضرتج 6 سنوات عمود هل لحضه تتوقعين اهتم لكلام اهلي لو ناس وابنج هوه شي منج واني كلشي منج احبه اربي والله واصير اب اله والله ما شوفين اذه مني والله
سكتت ما حجت شي وحسيتها صفنت محتاره
علي::جوري
جوري ::ها
علي::ثنينه تعبنه هواي ما كافي؟
جوري ::كافي حيل كافي
علي::تواصلي وياه واريد تعرفيلي هوه وين
جوري ::ليش؟
علي::عرفيلي مكانه وخلي يطلكج والباقي عليه
جوري::تمام
علي::ابنج عمره 4 سنوات؟
جوري ::اي
علي::يعني سنتين ياله خلفتي؟
جوري ::اني مجنت رايده منه خلفه وصار علي غصب عني وهوه ابني اجه من بطني ما كدرت انزله ما نطاني كلبي
علي::اسمه علي؟؟؟
جوري ::اي سميته على اسمك كلما احضنه انومه يمي اشتمه اذكرك احس جنه انته ابوه مو هوه سميته على اسمك وتعلقت بيه هواي وسميته على اسمك حتى يطلع مثلك من يكبر
سكتت ماعرف شنو احجي عبالي كل هل سنين عافتني ونستني وعاشت حياتها طلعت مدمره ومنتضره اثر مني
جوري::اخذ جسمي مني وما كدر ياخذ كلبي
لان هوه ينبض بس الك
علي::وعد اعوضج عن كلشي صار وعد
سكتت ما حجت شي وشويه واردفت
جوري::اخاف احد من اهلي هسه يجي وتأخر الوقت لازم اروح انام واول ما تخلص سالفه توصلك رساله مني
علي::انتضرج
سدت الاتصال واني بقيت صافنه على كل كلامها بس ما جان بالي بس شي واحد وهوه اندم رجلها اندمه حيل اندمه على كل السنين الي اذاها بيها
يكـــول ::
ابشركـــم اجت بـس حيل ذبلانــه متعبها
الخذاهـا وردها عطشانــه راحــت كمره
مني وخذت نــص الحيل درت بالجــروح
وحيل فحطانــه تحبني بـس مانعها
شــوك العافها تحــب وجع ذاك الـي
دفر بالحافـــها.
___________________
غزل::
الكل كاعده اليوم من وكت البنات كلها بالمطبخ سوي غده والزلم كلهم كاعدين بالاستقبال يضحكون ويشاقون واني عقلي محيرني شون اكو هيج ناس شكد ما يصير عدهم مصايب اول ما تخلص ينسوها ويتخطوها بسرعه ويكعدون يضحكون ويشاقون ولا كأن البارحه راد واحد منهم يموت كملو الغده وطلعت اني للمطبخ ساعدتهم وفرشنه السفره وصبينه الاكل وشلناه للاستقبال وكلها لتمتت حوالي السفره وكلها نضحك وتشاقهه وصوتهم عالي والي يشوفوهم يكول بحياتي ما شافو مشاكل وشويه وحجه تراث واني ستغربت من كلامه
تراث::يابهه بعد مابيها مجال معد اتحمل اريد نروح نخطب
حازم::اي وليدي طولنه بسالفه ان شاء الله حنطيهم خبر واحنه بليل يمهم نخطب وتشاوف انته والبنيه شوفه شرعيه
تراث::لعد انطيهم خبر يابهه
حازم::اني من زمان كايل لابوها بس اليوم اكله احنه جاينه عليكم ونثبتها ان شاء الله
تراث::ان شاء الله يابهه
محد حجه وكلها ساكته لان كلها تخاف من عمو حازم وتهابه محد يكدر حتى يسأل ساره كاعده يمي تقربت منها وهمست بأذنها
غزل::ونور شون اشو محد حجه شني يخطب غيرها لو شنو ما فتهمت؟
وردت هيه همست بأذني
ساره::والله يا خيه محد مفتهم شي هيه ويه الايام تبين
غزل::ان شاء الله
ورجعت تاكل واني هم رجعت اكل
سجاد::اني هم اريد اخطب وره تراث
حازم::الله كريم نحجي بهل سالفه بعدين
عراق::واني همات اريد اعرس
حازم::استغفر الله
سجاد ::هم حط روحه الدوده
عراق::اذا ما تخلوني اعرس اخرب عليكم كلكم
تراث ::استر علينه وكعد نعرسك. ورانه
عراق::سجاد شنو رأيك نسوي عرسنه سويه زفهه وحدهه عالميه
سجاد::لا بله بعد تريد انته ومرتك هم تفوتون ويانه للغرفه؟
عراق::اي عادي دام هيج تلح عليه مابيها شي تعرف اني مستحيل افشلك
سجاد::انجب لكك اتبسززز قليل حيه لاحكني بكلشي
عراق::دمشي لك ياهو بحالك انته
ايسر::اني هم اريد اعرس
ساره::شني سالفه منو كاللكم احنه بموسم التزاوج
أيمن::اي والله وحتى اني اريد مره بس ما اسكن وياكم بيت وحدي اريد
حازم::بعد تأمرون بشي ولد الكو** كلمه ماريد بعد كلمن يحط الخاشوكه بحلكه يسده
___________________
نور ::
عمر ::مرتيي مرتيي مريتي وينهاا
علي::عرج يطكك انته وياها
عمر::يطكك انته
نور::فاتت يمكن تسبح
عمر::شعجب انتي بالمطبخ مو من عوايدج
نور::وكفتت مكان سمره اكلب الاكل الما تجي
عمر::لعد امي وين
نور::بغرفتها تعبانه وكالت ماريد غده
عمر::ليش شبيها؟
نور::مابيها شي بس صخونه من البارحه
عمر::وانته ثاني شكو كاعد هنا
علي::شعليك حاط روحك بكلشي
شويه وفات عمو هشام كلنه صدينه عليه وهوه سلم وسحب كرسي وكعد ويباوع عليه واردف
هشام::نور وليدي اليوم جايينج خطابه
نور::تعرف ردي مستحيل اقبل
هشام::هل ناس كلش خوش ناس ومعروفين خلي يجون وكعدي انتي والولد شوفه شرعيه اذا عجبج نتوكل ما عجبج بعد بكيفج ما نجبرج
نور::لا ماريد
هشام ::مكدر اردهم عيب والله انتي شوفي وقرري لان الجماعه نعرفهم حيل وصداقه احنه وياهم عيب اردهم خلي يجون وشوفي الزلمه وبعدين قرري
فاتت حور وهيه مبينه سمعت كل الحجي
حور::شبيج ما نقبلين اكعدي ويه الولد يجوز زين انتي ما تقبلين عمود تغاث عشتو اكعدي وياه وذا عجبج اقبلي وحغكي دمه وطبه مغض
سكتت ما حجيت شي فكرت شويه وحسيت كلام حور منطقي حيل وشويه واردفت
نور::خلي يجون
هشام::هاهيه وليدي راح اردلهم الخبر وانتو جهزو كلشي بليل ترتيبات حلوه مثلكم وعلي انته اريد جيب بقلاوه وحلويات ومشروبات وهل سوالف
علي::صار يابه
كام عمو هشام من مكانه وطلع بره وعلي باوع عليه واردف
علي::اذا ما تردين شوفي او يجي كولي هسه اني اخرب كلشي
نور::لا عوفها يجوز لازم. ابدي بدايه جديد احسن حالي حاله
علي::بعد بكيفج وحياتج هاي انتي تعرفين مصلحتج
نور::تمام
عمر ::احنه اخوتج واي شي تحتاجي احنه بضهرج
بتسمت اله وحسيت براحه من وره حجيهم وفرحه حلوه من تلكين شخص بضهرج وساندج هيج تتأكدين محد راح يكدر يأذيج
علي::اني حطلع اجيب الغراض الي كال عنها ابوي
حور::نور اني وياج وسمره نسوي حمله على البيت كله ونضفه ونمسحه اخاف امه او اخته يجن وياه عيب
نور::تمام
طلع عمر وعلي واني وحور بدينه نضف البيت كله شويه واجت سمره علينه ساعدنه بدينه من الديوان كله رتبناه ومسحنه الكاع ومسحنه الميز مال الكزاز وخليناه يلمع لمع وره ما كملنه رشينه معطر وسدينه الباب ودخلنه على الاستقبال هم نضفناه بنفس الطريقه وكملنه هيج غرفه غرفه الما كملنه واحس جسمي متكسر تكسر واجه علي وجاب الضيافه واخذنها حور وسمره للمطبخ يرتب باقي الترتيبات واني طلعت للغرفه اسبح ورتب روحي فتحت الباب وفتت اخذت احله فستان عندي وطلعت من الغرفه للحمام سديت الباب وفتحت الدوش وغسلت شعري وجسمي كملت ولبست الفستان وطلعت لغرفتي كعدت كدام المرايه وحطيت مكياج خفيف ونشفت شعري وكويته وخليته مفتوح مغطي ضهري كله والفستان الي لبسته احمر وطويل بس كلش حلو كملت وباوعت للساعه بل 8 شويه وسمعت صوت هونرات عرفت بيهم جوي كبل طلعت من الغرفه ركض للمطبخ والبنات كاعدات يضحكن ويشاورن بينهن واني مادري ليش ما فرحانه تمنيته تراث بس كلت ربي يعرف البي خير الي اكثر مني وستقبلوهم بابا وليدي وعمو هشام وعمر وعلي وفوتوهم واجوي عمر وعلي اخذو الضيافه وكعدو بل نص ساعه مدري ساعه جوه بس يحجون واحنه كلنه لازكات اذانه بالباب مال الديون نريد نسمع شي وما نسمع بس صوت ضحك وشقه عاد عفناهم ورجعنه للمطبخ وشويه واجه عمو هشام
هشام::الولد طلب يشوفج وكتله يفوت للاستقبال حتى تكعدون وحدكم هوه هسه بلاستقبال فوتي انتي عليه
نور::تمام
عافنه ورجع للديوان واني بتشجيع من البنات طلعت من المطبخ وكفت كدام باب الاستقبال احط ايدي على يده الباب ورد اوخرها متوتره وجسمي يرجف وخايفه ستجمعت قوتي وحطيت ايدي على يده الباب وفتحته وفتت ونصدمت من شفت تراث كاعد كدامي فتت وسديت الباب وراي بقيت صافنه بوجوه وهوه مبتسم الي من صدمه خرسيت ما عرفت شنو احجي
نور::انته شجابك هناا شني شجاي يصير؟؟؟؟
تراث::اني الخطاب الي جاي اخطبج
نور::جذاب تشاقه مو؟؟
تراث::اني ما اجذب وتعرفين هل شي
نور::انته كلت راح تخطب وحده من كرايبك
ضحك وكام من مكانه واجه عليه شعري صاير على وجهي تقرب مني واني رجعت ليوره الما لزكت على الحايط وهوه صاير كدامي ورفع ايده وخر شعري من وجهي
تراث::واخليج ترحين لغيري؟
نور::انته ما تحبني
تراث::اكو واحد ما يحب روحه؟
نور::عفتني بوقت جنت محتاجتك بيه
تراث ::اني دقيقه ما عفتج جنت وياج بكلشي
نور::شنو شون؟؟
تراث::قبل ما فتي العمليه اني جنت بالمستشفى وما خليت احد يكلج ومن طلعتي من العمليه جيت شفتج وبقيت يمج الما قبل ما تصحين مشيت اني بكل لحضه جنت وياج ومراقبج وين ترحين وين طلعين وشنو سوين كلشي جنت اعرف اذا مو من سمره من حور ومن طلعين اضل وراج وراج مراقبج
رفعت اديه ودفعته قوي من صدره وصحت بصوت عالي
نور::انتهه مخبل مجنونن والله مو صاحي والله هذا مو حب هذا هوس وخبال
تراث::اي اني مخبل ومجنون ومهوس بيج اني احب هيج شنو اسوي ولج انتي من كل عقلج اخطب غيرج لو احب غيرج؟؟
نور::لعد ليش عفتني كل هل ايام ليش تراث ليش ما تعرف شكد جنت محتاجتك وانته ماكو تراث ليش سويت هيج؟
رجع تقرب عليه يريد يحضني ودفعته قوي ودموعي مامن ينزلن كمشت اليده مالت الباب وفتحته اريد اطلع وكمش الباب وسده قوي
تراث ::ما طلعين والله الما اكمل حجي والله سالفه مو بيدي والله شفتي شكد مشاكل صارت انتي شفتي بعينج. ردت كلشي يفض وبتعد عنج واجي اتقدملج اريد نسوي عرس وشوفج بلابيض حالج حال البنات
نور::ما تحجي ما تكلي ليش خليتني اعيش كل هذا؟
تراث::ردت اسويها مفاجئه الج
نور::شون كدرت بدوني شون؟
تقدم الي وحضني قوي غصب عني بقيت ارافس اريد بس اوخره بس هوه حاط كل قوته بهل حضن الما بلاخير ستسلمت
تراث::ولج اوفف اوففف ولج ما كدرت والله ما كدرت بدونج والله كاعده وشوف صورتج لو اكضيها احجي ويه سمره حتى اعرف اخبارج ترحين للمدرسه طاير وراج بسياره وين ما تطلعين طاير وراج ولج والله ما كدرت والله اني متت متتت ما خلصن هل ايام اله اني تافل دم والله
دموعي ما وكفن ابد وحضنته قوي جنت محتاجه هل حضن ومتمنيته هواي لان ثنينه تعبنه هواي وهوه يشتم بشعري وحاضني قوي ويتافأف واني دموعي ما وكفن دقيقه وحده
تراث::اوف يولي حبيبج هواي يحبج ومستعد يضحي بروحه عمودج حبيبج هواي تعب بس هوه ما يحجي حبيبج تعذب تعذب تعذب هواي تعب بدونج تعب حيل حيل ولج افديج بروحي وبكلشي والله
وخرته شويه واحنه قراب حيل من بعض حطيت اديه ثنينه على وجوه وباوعت بعيونه وهوه يباوع بعيوني
نور::تراث اني احبك هواي احبك والله
تراث::ولجج اخخ اخخخخ منتضرر هل كلمههه ولجج سلكتي جد جدييي والله شكيتني شكك ياله كلتيها
ومن الفرحه حضني قوي وشالني وفرنيي واني ميته فرحه وضحك وشويه وسمعنه الباب يندك وكبل نزلني
عمر ::ترى تأخرتو هواي ايمت تطلعون
حجه هيج وهوه وره الباب
تراث::نعله على شيب جدك
فتحت الباب وكبل فات
عمر::يله لك كافي ما صارت شوفه شرعيه عود من تزوج وتاخذها بيتك سوي الي يعجبك
تراث::عمي شني سالفه بعد ما شفنه زين
عمر::ساعه وما شفت لعد شجنت سوي يله عمي بره
واخذه بالكوه سحله سحل وطلعه واني كعدت ميته ضحك ورجع عليه عمر وباوع عليه واردف
عمر::بابا هشام يكول موافقه
نور::كللهم سبوع وارد الكم خبر نفكر
ضحك هوه وفتهم عليه وراح
عمر::صار
صارله شهرين مكليني تكلي اله اكليه اني همات خلي ينتضر سبوع كامل ويشتعل نار نار الي خلفه
__________________
زهراء ::
طلعت من الحمام وره ما سبحت وكعدت سشورت شعري تا يبس كملت وطفيت السشوار وباوعت جهازي يرن وما سمعته من وره صوت السشوار اخذته وشفت المتصل سجاد نصدمت وكمت ارجف وبطني كامت توجعني مدري ليش بس حسيت فرحه حيل جبيره جني اريد اكمز من الفرحه اخذت نفس وجاوبت عليه ورفعت جهاز على اذني
زهراء ::الو
سجاد ::أولي هلا هلا بمرتي
زهراء::مين جيت مرتك
سجاد::نجبي لج مرتي وغصب عن اليرضه وما يرضه
زهراء::لا والله
سجاد::اي والله وداعت عبد الله المهم اريد رقم ابوج
زهراء::ليش
سجاد::شنو ليش احجي وياه وحدد موعد اجي اخطب
زهراء::ماريدك هيه كوه؟
سجاد ::مو بكيفج اني اريد ازوج واريدج انتي مرتي
زهراء::……….
يتبع………
👇👇👇
👇👇👇
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.