رواية أحفاد الشيخ علي – الفصل الثلاثون
مَرة گتلك
لو تفارگنة ، تعيش ؟
وگتلي مَن تروح ،
مَا اريد أي بشر
وأنتَ بعد فراگي
يومَين وهويت
شوية دصبُر عاد
خل يعبُر شهر .
بنات تصويت للبارت وتعليق حلو مثلكم حتى استمر ومتابعه للحساب مضل شي وندخل الف متابع🔥.
________________§§§______________________________________________
ساره::
حمزه:: باجر ننتقل للبيت ويبقه بس غراض المطبخ اخذج انتي تختارين الي تردي وتحتاجي
ساره::وغزل؟
حمزه::راح احجي ويه عمه مروه وعمي حازم وشوف شيكولون
ساره::تمام
فرحانه لان راح انتقل من هنا ويصير عندي بيت وحدي ورتاح بيه وستقر بس بنفس الوقت بالي يم غزل وخايفه عليها
حمزه:: بقه 9 ايام وطبين شهر الخامس ونسوي سونار
ساره::هههه شتريد بنيه لو ولد؟
حمزه:: هل يجي منج ومن ربي نعمه
ساره::هههه
اجي يمي وباس بطني وين ما نكعد بغرفتنه يبوسها ومن دره بيه حامل ما يخليني اسوي اي شي ومن يطلع للشغل يوصي عمه مروه عليه يكللها خليها تاكل وعينج عليها ويضل يكللها دير بالج عليها واني اضحك عليه ويحسب يوم يوم من اخلص شهر
_________________
سمره::
سجاد::ولك رجلي على كيفك
ايمن::لا تخليني هسه صدك اكسرها مو بس فصخ
ضحك سجاد وصاح بعلو صوته
سجاد::عمههه مروهههه
ايمن::والله اشاقه شبيك ما تتحمل شقه اشاقه والله
وهوه يضحك عليه جتي عمه مروه تركض عبالها بيه شي
مروه::خوما بيك شي وليدي شي يوجعك؟
سجاد::لا بس جوعان
مروه::يمه سوده عليه مضل شي ويستوي الغده ونصب وجيبلك غداك
عراق ::ترى من وره دلالج راح تطلع عينه ولج هوه بس فصخ صار البيت كله يخدمه من وراج
مروه::ولك خطيه سوده عليه شبيكم ويه هل مسكين تحجون عليه
سجاد::اي والله يكرهوني محد يحبني
عراق::بعد بعد ابجي ولطم
مروه::سوده عليه وليدي هسه اكمل وصبلك غده
سجاد::فدوه لكلبج
مروه::يبعد روحي
طلعت من الاستقبال راحت للمطبخ من ندعم سجاد وعمه مروه ما تخلي احد لا يضوجه ولا يحجي وياه والي ما يصخرله تكضبه تكتله وكل نهار سوي اكل وزق بيه وهوه مكيف وكاعد ينهي ويأمر علينه ومحد يكدر يحجي وياه شي كلنه كاعدين على جمر ننتضر هل سبوعين يخلصن وكلها متحلفه تكضبه تكتله
سجاد :: ااخخ لو ادري هيج الحياه حلوه من تنفصخ جان من زمان ندعمت
سمره::هوه الي دعمك ابن حرام
سجاد::ليش؟
سمره ::لو ابن حلال جان مردك مرد بس ابن حرام
عراق ::اي والله صحيح
ايسر::العصر نطلع مو؟
سجاد::وين؟
عراق ::سفره للمي احنه والجماعه
سجاد::اروح وياكم؟
ايمن::ونكضيها حاطينك على ضهرنه ونفتر بيك من مكان لمكان
سجاد::اصيح عمه مروه؟
عراق::لو مو عمه مروه لو هسه تحبل هم ما ناخذك
سجاد::ماكول بس حسبي الله على ضالمين
عراق::اششش ولا كلمه محد كالك ندعم ابقه هنا متكسر واحنه نروح نتونس
سجاد::حسبي الله على ضالمين
سمره::هههههه
_________________
نور ::
نور::خطيه سجاد وربي شكد نقهرت عليه
تراث::واني ما تنقهرين عليه؟
نور::ليش شبيك انته؟
تراث:: جاي اموت من وراج
نور::اسم الله عليك ليش؟
تراث::تبوسيني واطيب؟
نور::موت موتتهم
تراث::شكد صلفه وشكد احب صلافتج
نور::انته اتبسزز فا تستاهل هل حجي
تراث::هههه اني ما طالب بس حقوقي
نور::ما عندك اي حقوق يمي
تراث:: غير مرتي باجر ربج يحاسبج
نور::خلي يحاسبني
تراث::ههههه
نور::همداك
تراث::هاي ليش؟
نور::احسن وخر عني خنكتني
متدد على الفراش ورجليه صارن بنص رجليه ومثبتهن حيل مكدر اتحرك
تراث::بوسيني ووخر
نور::لو تموت
تراث::مو ابوسج غصب؟
نور::مو اصيح وافضحك؟
تراث::استغفر الله
نور ::دوخر يلههه
تراث ::ماوخر
نور::هههه وخر
وخر عني بالكوه ضليت اتوسل بيه ياله وخر طلعت من الغرفه وخليته وحده شفت نمارق وهيه متوتره مدري شبيها باوعت عليه
نمارق::نور اريد جهازج؟
نور::ليش؟
نمارق ::اريد اتصل على صديقتي مسويه حادث
نور::يااا عزززا خطيه
نمارق ::بسرعه وينه
نور::جهازج وينه؟
نمارق::مكسور
نور::تمام هسهه اجيبه الج
رحت ركض للغرفه فتحت الباب وجفل تراث وضل يباوع عليه ما لحك يسألني كبل اخذت جهاز وعفته وطلعت بره جيت اركض على نمارق وطيتها الجهاز كلتلي شكرا وخذته وطلعت ب لغرفتها نقهر حيل على صديقتها
__________________
سديم::
يامن :: لو ما سالفه عمر وسمره جان طلعنه عقدنه
سديم::تعبت والله
يامن::من شنو؟
سديم::من كلشي كلها ضدنه ومحد يقبل نزوج ولا نصير لبعض يمكن ربك ما كاتب النه نصيب
نصدم من سمع هل حجي مني لان اني جنت دأمن اكله حنصير لبعض وربي كاتب النه نصيب ومتفأله فا من سمع هل حجي تفاجأ بيه
يامن::اشششش ماريد اسمع ولا كلمه شهل حجي سديم؟
سديم ::حجيت صدك
يامن ::ما اعوفج لغيري لو اعرف يكصون ركبتي
سديم::محد يقبل
يامن:: باجر نروح نعقد وغصب عنهم كلهم
سديم::امي؟
يامن::طبها قندره اريد من الله تفك حلكها اشكها شك
سديم::هههه ولك هاي شبيك شهل حجي
يامن::هههه
سديم::ايمت نصير لبعض وما نبقه هيج كل لمسه حرام ومكدر حتى اطخك
يامن::بس باجر صبري عليه
سديم ::اريد اجي بحضنك وابقه نايمه واحس براحه
يامن ::هههه تدرين شي؟
سديم::شنو هوه؟
يامن::شتريت بيت النه
سديم::كول والله؟
يامن::والله العظيم
سديم::هههه ليش؟
يامن::اول ما نزوج نمشي عليه
سديم::هههه
يامن::وشتريت مرجوحه الج جنن
سديم::هههه وبعد؟
يامن::فوك 3 غرف وحده النه وحده جهالنه
سديم::هههه
يامن::وحده نخليها هيج ومن تطلعين من الغرف اكو هول جبير حيل فوك واكو بلكونه هم ارتبها وشتري مرجوحه صير كعدتنه كلها هناك
سديم::اي صيرر تموتت
يامن::هههه ومن تنزلين جوه اكو حمام وتواليت داخلي ومطبخ وستقبال وديوان جبير وبره حديقه حلوه سويتها واول ما نسكن نجيب ورد انتي تختاري نحط بيها
سديم::يمهههه اموت على الورد
يامن::لذا سويت الحديقه اترسها ورد الج
سديم::ههه
ضحك وباوع على الباب ورفع ايده واشر عليه واردف
يامن::شايفه هذا الباب
سديم ::شبي؟
يامن::لو اطلع منه عريس وانتي عروسي لو اطلع منه شهيد
سديم ::اسم الله عليك شهل حجي يامن؟
يامن::ههه كتلج تحرم عليه مره بعدج
___________________
نور ::
حس شويه على نفسه وطلع تا ينام بغرفته مدري شعجب لزم الباب تا يفتح ويطلع وشويه ويفتر ويباوع عليه
تراث:: خلي ابوسج تا اروح ونام مرتاح
نور::روح روح كمل خياناتك
ضل هوه فاك حلكه مصدوم مفتهم على شنو احجي واجه تقرب عليه وكعد على جربايه اني محجيت هيج من حاله لان صارله كم يوم مختفي عني ماكو ومو مثل قبل
تراث:: حبيبي شبيج وداعت امي حروح انام اني وشني خيانات ؟
نور:: يي
تراث::كل عقلج انتي؟
مبين على وجهه ضاج وتغيرت ملامح وجهه
نور::هاي شبيك شكو هيج عصبت؟
تراث:: شني كمل خره خياناتك؟
نور::يي
تراث:: امداج نور
نور::ييي
تراث:: يله عمي باقي يمج شو وخري
وخرت شويه وجان يجي يرفع البطانيه ويتمدد بسدي ويباوع عليه واني درت وجهي عليه كمت اباوع عليه
تراث::كحزي عليه
نور::شني؟
تراث::كحزي
نور::شني؟
تراث:: تكلطي عليه
تقربت عليه وجان صير وحده من اديه جوه جسمي وثانيه فوكاه وحضني قويي حيل
نور::ولكك وخر شويهه راح اختنك
تراث::اششش خليني هيج مرتاح
ويشد بل حضنن حيل يصير اقوه واني ختنكتت
نور::ولكك بس شويه وخر اريد اسولف
تراث::ماوخر
وفتريت بالكوه وايده اصير على حلكي واعضها قوي وصيح عليه وخرها بسرعه من حلكي
تراث::ولجج اخخخ ستجلبتي
نور::تستاهل
تراث::هاي ليش ولج
نور:: تا توخر ختنكتت
تراث:: هههه
نور::تراث
تراث::عيون وكلب وروح تراث
نور:: هسه كلي ويا منو جاي تخوني
تراث::وياج
نور::هاي سوالف مو عليه
تراث:: لا حبيبي شسالفه
نور:: صارلك كم يوم ماكو ومدري شون صاير حجيك نوب حتى من ادزلك رساله تتأخر برد
تراث::صدك والله؟
نور:: اي والله
تراث:: لا حبيبي يعمري انتي
نور::يي
تراث::لا حبيبي نور شجاج على هل سالفه
نور::هسه مو كتلك اي
تراث::لا حبيبي ما اخونج وعد زلم لا يجي على بالج هيج شي
نور:: هسه اني شناقصني تا تخوني
تراث:: يابويهه شون سالفه هاي
وجان يتقرب عليه ونفسه صار على خدي يبوسني ويجرني عليه أكثر
تراث::نامي حبيبي وراج دوام
نور:: هيه حلوه؟
تراث ::شني
نور::هيه
تراث::مني هيه
نور::الي تخوني وياها
تراث::حبيبي إذا جاي تنكدين عليه لا تمشيهن عليه لا تخليني هسه اضوجج
نور::جاي احجي صدك ترى
تراث::مو هسه راح ابلش احجي واجلطج وروح جديتي
نور:: باع ما يتحمل واحد يسأل عليها
وجان افتر للجهه الثانيه وهوه يصير وره ضهري
تراث:: اغار عليها شجابج تسألين عليها اذا بعد جيبين طاريها اكص لسانج
نور::طيططط
تراث::ها ها وين راحن الأخلاق
نور:: اسكت يله
تراث::اوفف ولج غير تخبل
نور::كون ربي يفرقكم يارب
تراث::عود الطول والجمال
نور::هاا
تراث:: يبوه شني من عيون عدها ربي يحفضها
نور::ي؟
تراث::لج تلبسلي لبس يشك شك عود من تنام تحضني ياله تنام مهتمه بيه وتموت عليه قابل مثل البعض
نور::شو وخر عني
أريد اوخر ايديه لافهن على خصري ما يوخر لازمني قوي ويضحك
تراث::لج وسويلي اكل يجنن انتي حمضت من وره الاندومي مالج امداج شعدي يمج لج جتي هاي البنيه عوضتني عن كلشي
نور:: ما تروح الها شكو يمي
تراث:: غير اكضي وقت وياج
نور:: لا والله
تراث:: عدها شغل ماريد اضغط عليها
نور::اسكت تراث هاي شبيك
تراث:: لج شون بنيه
نور::خرا عليها
تراث:: تخبل حيل حيل
كمت احجي بصوت علي
نور:: اسكتتت كافي اني شعليهه
تراث::عود من تركصلي شرقي
نور:: شو وخر تصبح على خير
تراث::قابل مثلج تكمزين تكول فاره
نور::وخر تراث ولي عنييي
تراث ::ههههه ها شكلنه
نور:: ولي تراث
تراث::سكتت والله ههههه
نور::ترى مجابرتك تبقه اذا ما عاجبك
تراث:: انتي من كل عقلج عبالج احجي ويه بنات هوه الي عده هيج كمر هم يباوع للنجوم
نور:: روح للي تريدها كلعه
تراث::اروح اني والبنات لعيونج
نور::صحيح
تراث::لج انتي غيرر تسوين عشيرتي لج انتي غير كيمر عربب انتي
نور:: كافي تراث وحجيك على هاي البنيه
تراث::هههه شو خلي ابوسج
نور:: روح بوسها الها
تراث:: شو شويه شويه
لزمني من حنجي ويبوسني من خدي قوي وشتم حيل ورد باس
تراث:: اوفف شهل خد ينوكل
نور:: هسه تخوني
تراث::هههه لا حبيبي لا
نور::اشو انته ما تحبني
تراث:: اني ما احبج همداني اذا صحيح
نور:: ي ي ي
تراث:: يله بويه نامي مبقه عليج وقت
نور:: شحب كلمه بويه منك
تراث::ههههه عود اشبعج منها دللي
جان يكوم من الفراش ويبوسني من راسي ويغطيني
تراث::يله تصبحين على خير
نور::اشو ما كتلي حبيبي؟
تراث:: ههههه تصبحين على خير بنيتي
نور::وانت من اهل الخير
وجان يطلع ويسد الباب وراه
____________________
سمره::
شويه وصعدنه اتصال وثنينه ساكتين وهوه مبين جاي يشرب جكاير اخذ نفس قوي منها وبعدين طلعه واردف
عمر :: ادري بيج بعدج تحبي
يحجي وصوته كله حسره ومبينه الغصه بيه
نزلت راسي وكلبي يدك بسرعه واحس بوجع بيه رفعت راسي من سمعت صوته
عمر::تدرين انتي مثل شنو
سمره::مثل شنو؟
عمر::مثل جكاير ادري بيها تأذيني بس مكدر اعوفها
من حجه هيج حسيت نغزه بكلبي وكمت اطكطك اصابعي
سمره::ماحب ريحت جكاير
سمعت ضحكه خفيفه منه واردف
عمر :: ما يهمني هوه جان الماضي مالج وهسه اني اريد اصير الحاضر مالج المهم تحبيني والي تردي يصير واني حاضر
من حجه هيج بتسمت وهوه ضحك واردف
عمر::واخاف الجكاير ريحتهن تغثج اني هم اتوب من الجكاير
بسمت وحسيت كلبي حيطير من الفرحه واردفت
سمره::انت اول شخص احس بأمان يمه لذا احس اذا اسلمك روحي ابد بعدين ما تندم
عمر::ابد ما راح اخليج تتندمين وعد
___________________
نمارق::هههه ثاق بيها ونايمه بحضنك وانته هايم بيها وساحرتك وما تعرف شنو مضموم وراك
تراث::شنو قصدج؟
نمارق::نور عدها علاقه ويه ولد
اجه بسرعه عليه ولزمني من فكي قوي وصرت على الحايط وهوه يباوع عليع بنضرات كلها حقد وكره
تراث::ديري بالج ديري بالح والله اموتج اذا اسمعج تحجين عن نور كلام وصخ
لزمت اديه واني مختنكه واحس فكي جاي ينمرد بأديه كمت احجي بالكوه وهوه لازمه قوي
نمارق ::اني ما احجي لحالي هدني بس شويه
عافني واني وكعت بالكاع كمت اتنفس بالكوه
تراث::احجي الي عندج يسرعه
نمارق::نور عدها غيرك واني ما احجي بدون دليل
تراث::شنو دليلج؟
نمارق::عندي صور وحادثات ادزهن الك واتساب وذا ما صدكت بيهن وره ما شوفهن دور اسم الولد بجهازها
من سمع هيج حجي تغيرت كل ملامح وجهه وما نطق حرف هز راسه ومشه وعافني من شفته هيج حسيت صدكني شويه وحسيت بنصر بقه ادزله المحادثات وتنتهي قصه نور وتراث
________________
سديم::
كعدت على رنه جهازي باوعت للجهاز اشوف الساعه بل 9 ولمتصل يامن جاوبت عليه واني نعسانه وبالكوه احجي وحطيت جهاز على اذني
سديم::”الو”
يامن::”هههه كعدتي يبعد روحي”
سديم::”شكو تتصل عليه”
يامن::”ههه تحضري نروح نعقد”
نصدمت من حجيه وكعدت على حيلي
سديم ::”شنو”
يامن::”تحضري بسرعه جايج”
بعدني ما حجيت شي وسد الاتصال البارحه من كال عبالي يشاقه بس طلع صحيح كلامه كمت من مكاني وبدلت بسرعه ونزلت على كيفي للمطبخ والبيت هدوئ كلها نايمه فتت للمطبخ وغسل وجهي وطلعت ركض لغرفتي حطيت مكياج خفيف وباوع على نمارق نايمه على جربايتها واني خايفه لا تكعد وتفضحني شويه وتصل عليه يامن بمعنه اطلع بره طلعت من الغرفه بسرعه لبره وشفته بسياره ميكدر يدكلي هورن يخاف لا يكعد احد صعدت ونطلقنه بسياره للمحكمه نعقد
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.