رواية راعوث – الفصل الرابع والأربعون
part 44 ”
راعوث :- كعدت الساعه بـ 11 احس بانفاسه الحاره ويبوس بخدي الغرفه بارده ضلمه هدوء
عُقاب :- شبيها فراشتي ليش تون شنو اليأذيها
راعوث :- فريخك
عُقاب :- شبي شيسويلك
راعوث :- بطني توجعني من عنده
عُقاب :- اشكه هوه وامه شلون يأذيج
راعوث :- انته حلمان ارجع نام
عُقاب :- بربوگه هاي وين ايدج
راعوث :- على بطني والله على بطني
عُقاب :- بويه
راعوث :- ها
عُقاب :- منو نخطبت من اخواتج
راعوث :- شمس حبيبي يربي مشتاقتلهن
عُقاب :- منو بقت وياهيه الجبيره
راعوث :- بقت افراح الجبيره ورقيه اصغر منها وابرار اصغر وحده
عُقاب :- افراح شكد عمرها
راعوث :- 24
عُقاب :- كلتيلي مخطوبه بالتحقيق
راعوث :- لا فسخو الخطوبه
عُقاب :- من شوكت
راعوث :- مادري كلتلي افراح من انخطفتي فسخو الخطوبه
عُقاب :- شيصيرون منكم الخطبوها
راعوث :- غريبين من العماره ولد اسمه ماهر يعرفون جيرانه واجن النسوان شافن افراح وخطبنها
عُقاب :- رقيه شكد عمرها
راعوث :- 19 ليش تسأل عليهن
عُقاب :- ابني
راعوث :- ها
عُقاب :- اليوم ثلاثاء وعرس شمس الخميس
راعوث :- تاخذني الهم مو
عُقاب :- اي بويه خابرني ناصر قبل ساعه وكلتله اجيبها
راعوث :- صدك شوكت تاخذني اريد اكللهن اني حامل ويفرحن يله عُقاب حباب شوكت
عُقاب :- اشش كافي ملحه من افرغ اخذج
راعوث :- تشتريلي فستان
عُقاب :- من عيوني
راعوث :- شكراً
عُقاب :- مو وحدج ترحين لبغداد
راعوث :- منو وياي
عُقاب :- ام رائد تريد تخطب وحده من اخواتج
راعوث :- صديقك رائد
عُقاب :- اي بويه
راعوث :- راح يتزوج وحده من اخواتي
عُقاب :- اي ابني هيه ام رائد تشوف البنات وتشوف منو المناسبه لابنها
راعوث :- يعني وحده من اخواتي راح تجي يمي بالبصره
عُقاب :- مبارك
راعوث :- عُقااب صدك
عُقاب :- وداعتك بس بعدنه بسم الله لا تضل تفكر
راعوث :- ابتسمت ، ودعيت بكلبي تتزوجه افراح حتى تصير قريبه يمي وشوكت ما اريد اروح الها
– سحب كلادتي الفراشه والصليب وباسهن
عُقاب :- اخخخ جانن بين العافيه
راعوث :- تقربت منه همست يم اذانه ، قلبي خلاص اختار
عُقاب :- خلااااس
راعوث :- كرصته من زنده بكل قوتي ، ضحك بعلو صوتو و بحركه سريعه نام فوكاي
راعوث :- وخر عُقاب
عُقاب :- اششششش
راعوث :- عُقاب الباب يندك
عُقاب :- باع الشفه
راعوث :- عضيت شفتي الجوه ركزت بشواربه
عُقاب :- سرسري
راعوث :- بطني توجعني
– كام باس بطني و طلع من الغرفه بقيت نايمه بمكاني و صافنه بالسكف مبتسمه وره دقايق ما اجه عُقاب حسيت بلعبان نفس كمت للحمام غسلت وطلعت لازمه بطني واريد ابجي من الوجع
– شفت عُقاب دخل للغرفه بيده كلاص يطلع منه دخان وبين اصابعه الجكاره
عُقاب :- ها بويه ليش كمتي وحدج
راعوث :- احس اريد استفرغ وبطني تأذيني
عُقاب :- سويتلك حليب بالككو حار اشربه وهسه اطيب
راعوث :- انته سويتلي
عُقاب :- اي
راعوث :- باوعتله مبتسمه ، زفر نفس الجكاره وانطاني الكلاص رحت كعدت على الجربايه تغطيت وشربت الحليب
عُقاب :- تاكلين شي ويا الحليب
راعوث :- لا تعال يمي
– كعد على الجربايه سحبني لحضنه رخيت ضهري على صدره وايده على بطني والثانيه يدخن بيها
راعوث :- ضوك الحليب
عُقاب :- بالعافيه
راعوث :- ضوكه
عُقاب :- بويه ماريد
راعوث :- كل مره اكلك اكل شي مني تكلي بالعافيه
عُقاب :- ابني ما ارغب لاكلج
راعوث :- شبي اكلي حلاوتي ماتضوكها لفة الكيمر العرب ما انساها تره ما اكلتها هسه حليبي ماتضوكه
عُقاب :- حليبج
راعوث :- اي هذا الحليب ليش ماتضوكه
عُقاب :- اضوك حليبج بويه
راعوث :- الحليب هذا شبيك
عُقاب :- ضوكيني
راعوث :- لازمه الكلاص بيدي وشربته شحط من حلات الحليب كام يكح توترت شسوي
عُقاب :- فاخت !؟
راعوث :- شربت من الحليب وباوعله بطرف عيني ورث جكاره ثانيه وطلع من الغرفه شربت الحليب ونزلت جوه ماهوه عُقاب فتحت الباب طلعت للحديقه البره
– شفته مخصر يدخن ويباوع على رجال جبير لابس بنطرون عريض رصاصي مخطط وقميص ازرك فاتح ومبين بي التعب ويا مره لابسه عبايه وشادتها على خصرها وطالعه دشداشتها من جوه ويحفرون بالكاع
راعوث :- عُقاب هذوله منو
عُقاب :- فلاح
راعوث :- شجاي يسوي
عُقاب :- يرتب المزرعه من زمان ما مهتم بيها و يزرع ورد حتى يجن عليهن فراشات وتفرحين
– اتصل موبايله
عُقاب :- يله بويه حتى نرجع للبيت بس اكمل مخابره
راعوث :- هزيت راسي بـ اي دخل عُقاب للبيت رحت يم المره التشتغل باوعتلي باستغراب
– سلام عليكم
راعوث :- وعليكم السلام
– انتي من هذا البيت
راعوث :- اي
– شتصيرين منهم
راعوث :- مرت عُقاب
– ياعيني ياحبوبتي بعدج صغيرونه
راعوث :- اممم ، شعجب تشتغلين هيج شغل
– والله اساعد ابو البيت مايكدر وحده هوه احسن وحيد بالزراعه يعرف كلشي دهر يشتغل هذا الشغل وهواي ناس يودون عليه يشتغل لمزارعهم حتى ايده بيها بركه بس هسه تعب انهد حيله كمت اطلع ويا اني
راعوث :- خطيه الله يساعده من وين انتو
– من الـ….. بالريف لجوه احنه
راعوث :- احب هيج اماكن عدكم بقرات وهاي مو
– اي صلوات عدنه حلال هواي وكاع ونزرع شلب ونحصد ونبيع حلو الريف يحبوبتي
راعوث :- اي حلو وانتو احلى بعد
– بعد روحي يلالي الماي بلعومج تبرجين برج صل على محمد وآل محمد
راعوث :- صفنت عليها استوعب ، شنو
– اكلج يلالي الماي بلعومج
راعوث :- مسحت ركبتي مابيها شي ، شنو خاله مافهمتج
– ههههه يعني بيضه حلوه تلمعين لمع
راعوث :- شكراً انتي الحلوه والله
– طلعت موبايل من الحزام الشادته على بطنها احس كوه كاتمه الضحكه حلوه سوالفها وحركاتها
– تعاي اشوفنج حلالنه
راعوث :- كعدت بالكاع كعدت يمها طلعتلي صور بناتهم صغار والجهال كامت تعرفني عليهم شوفتني بيتهم وطلعاتهم من فطارتها شوفتني كلشي طلعتلي فيديوهات حلالهم
راعوث :- يمه شنو هذا
– هاي جاموسه
راعوث :- يمممه شلون لازمها هذا الولد
– هذا وليدي موجف حداها
راعوث :- ما يخاف
– لا هوه مربيهن مين يخاف يحبوبه ماتخوف ولا تعض حنينات كلش
راعوث :- الداموسه حنينه
– شني
راعوث :- صفنت ثواني ، شو بعد شوفيني هاي منو العروس
– هاي ابنيت بت بتي
راعوث :- بس صغيرونه خطيه
– اي خطيه مگروده عمرها 11 سنه جتي عليها الحبابه وزوجاها ابوها مايخلون بنيه هناك
راعوث :- منو اجتها المره تخطبها حبابه
– لا يحبوبتي جتها الحبابه يعني كبرت
راعوث :- هااا خطيه صغيرونه
– اي والله هاي قسمتها رجلها طلع من الغرفه بنص الليالي بيوم دخلتهم طبيت عليها مجعبزه وتتراجف وتحلف بالعباس ماتخلي يجيسها
راعوث :- خطيه يربي شلون زوجتوها وبعدين شصار
– يحبوبتي هاي ام الولد حيه ام راسين اله هسه اشوف نيشانها ليش ماترضه وليدي يتقربلها عدها شي شكت بشرفها طبينه ليها اني واميمتها وحجينه وياها كوه كوه ياله قنعت
راعوث :- بعدين هم اخذتوها لطبيب
– اي خذيناها ومرتين تخيطت تصرخ البت فرفحت روحها وهاي عمتها حاطه راسها ويا راس الطفله
راعوث :- سوده عليه جيبيها اضمها عندي 11 سنه شافت من حياتها والله تتأذه خاله حبابه جيبيها يمنه
– نزلت دموعي مسحتهن اريد ما ابجي ماكدر اتذكر اول زواجي وشلون خايفه وشكد تأذيت عود اني اكبر منها هيه شلون
– ليش تبجين يحبوبتي ليش يابعد جلاوي هاي قسمتها وهسه زينه البنيه مرتاحه رجلها يحبها ومداريها بس شويه عمتها مو زينه وياها
راعوث :- بس خطيه حرام على ابوها والله طفله بعدها شو اشوف صورها
– اخذت الموبايل منها وباوعت بالصوره متت قهر حيل صغيره ونضراتها خايفه والناس الحواليها بدون ذمه ولا ضمير يركصون وفرحانين حاسه بهاي نضرتها وكعدتها ورجفتها وحتى التفكير التفكر بي اعرفه كلش زين اتمنيت بوقتها احضنها اخلصها من هذا الزواج كله اخليها تعيش طفولتها ترتاح
راعوث :- شسمها
– فاطمه
راعوث :- وانتي ام منو
– ام جويسم
راعوث :- ام جويسم
– اي ام جاسم
راعوث :- الله يحفظ ولدج من ترحين سلميلي على فطومه
ام جاسم :- من عيوني ماتجون علينه نضيفكم
راعوث :- وين نجي
ام جاسم :- لبيتنه وعلي نكرمكم هذاك الكرم شتريدون من عيوني وهم تجي فطومه تعرفي عليها ونضوكم سياح وتمر والروب وكيمر العرب والحليبه كلهن اسويهن بيدي احلب البقره وابدي اشتغل بحليبها
راعوث :- شنو سياح
ام جاسم :- مثل الخبز بس تصير الگرصه خفيفه كلش طيب سياح و علي سميجه وبصله
راعوث :- بللت شفتي ، عليج الله خاله شلون مين تجيبون السياح طيب شلون طعمه
ام جاسم :- يا يخبل وحك العباس تاكلين وماتشبعين خاصتن اني ال اسوي كلها تحبه
راعوث :- خاله حامل اشتهيته عفيه
ام جاسم :- يا حبوبه حامل واشهي بيج ومادري سوده بوجهي هسه اروح منا اسويلج من عيوني بس لا يطلع بالوليد وحيمه
راعوث :- شلون خاله والله اشتهيته كلش
عُقاب :- ششتهيتي ؟
ام جاسم :- يمه اشتهت سياح سولفتلها عليه واشتهته خطيه هيه حويمله
عُقاب :- تعوذي من الشيطان بويه
راعوث :- ماكدر اشتهيته
ام جاسم :- دتفضلو ويانه والعباس ندللكم كلشي تشتهي موجود وهسه وكت غده اسويلكم هذاك الغده اليخبل والسياح والرويبه والتميرات والله اليوم غداكم علينه ازعل والله العظيم لخاطر الطفل ال بطنها
عُقاب :- الله يحفظج ويخليج حجيه بس عندي شغل واريد اخذها لاهلها بغداد غير مره والله ان شاء الله
ام جاسم :- لا والله العظيم هيجي راح تزعلني هاي كل مره اعزمك وما تجون لا انته ولا الوالده بفضل ربي وبفضلك طلع وليدي من السجن وما اعزمكم عيب عليه
ابو جاسم :- دتفضلو ويانه اليوم لا تزعلون الحجيه عزمتكم وتفشلوها
راعوث :- باوعت لـ عُقاب ، عفيه خلي نروح
عُقاب :- لخاطر الحجيه ، وانتي حسابج بعدين خايف لا يجي يوم تاكليني
راعوث :- اذا اشتهيتك شسوي اكلك
– خزرني من فوك لجوه
عُقاب :- يله حجي امشينه غير مره تكمل الكاع
راعوث :- بس ابدل صبرولي
ام جاسم :- يمه بعد روحي هلا بيكم والله راح تنورونه احنه رايحين كدامكم
راعوث :- صبرولنه مانندل بيتكم
عُقاب :- هلا بيكم عيني
راعوث :- راحو باوعت لـ عُقاب ، افتحلي السياره اريد ملابس من الشتريتهن
عُقاب :- ك****
راعوث :- ليش تفشر عليه
عُقاب :- كرصي دودتج كافي تلكلك اشتهيتي شي يعني اشتهيتي بس مو صوجج صوجي اني اريد اخذج لبيت اهلج بعد ماكو لا افراح ولا نويصر ولا عرس
راعوث :- عافني ومشه رحت وراه ، عفيه عُقاب والله هيه المره عزمتنه حباب شبيك عُقاب اوكفلي
– راح فتحلي السياره طلعلي ملابس شمرهن عليه اخذتهن ورحت بدلت صعدت للغرفه اخذت بدلتي الورديه دورت على الماشه ماهيه رحت صعدت بالسياره
راعوث :- عُقاب ما شفت ماشتي البيها فراشات
– ما جاوبني خليت ملابسي على الكشن الوره حرك الستيرن وبين اصابعه الجكاره ومضيق عيونه ويباوع على الطريق
– بقينه ساكتين طول الطريق اتصل موبايله
عُقاب :- الو هلا حجيه هلا بعد روحي محتاجين شي الله يسلمج انعزمنه والله وفشله ما اروح كل مره يعزمنه الرجال وما اروحله هلا بيج هلا
راعوث :- سد الاتصال باوعلي خزرني من فوك لجوه باوعت للمنطقه الطبينه الها تخوف كلها نخل وسنطه بس صوت الجلاب والبيوت تعبانه ومليانه طسات حسيت راح اجيب من وره السياره
عُقاب :- انعل ابوج لابو الخلفج بت الكواو** كح** اليوم انعل شرفج خلي نرجع للبيت شتهيتي سياح هااا اشتهيتي سيااااااح
راعوث :- هيه عزمتنه مو على السياح احنه راح نروح
عُقاب :- اشششششش
راعوث :- سكتت وصلنه يم بيت زين بي خير شويه وعلى الجهة الثانيه مضيف وحده لزلم اول ما وكفنه حاوطن السياره الجلاب دك هورن عُقاب ونزل فتحلي باب السياره وشفت الجلب يصيح
راعوث :- والعباس ما انزل لمن يروح
عُقاب :- صك على سنونه وحجه ، راعوث خليني لازم لساني
راعوث :- والحسين ما
– شفت رجال طلع و ام جاسم فرحانه شاكه حلكها الضحكه وترحب بينه والزعاطيط طلعو بالباب واكفين فاكين حلكهم على السياره و على عُقاب اجت ام جاسم يم السياره
ام جاسم :- هلا بيكم هلا نورتونه والله نورتو المنطقه كلها يله حبوبتي نزلي يله يروحي
راعوث :- طردي الجلب
ام جاسم :- وينه يحبوبتي هذني جلابنه وين اوديهن مايعضن والله العظيم بس لان غربه كامن يعون
راعوث :- طردي شلون يباوعلي والله ما انزل لمن يروح
ام جاسم :- ولك يممه حميد تعال اطرد جلبك هذا كل الاجه ووكف بنص الطريق
راعوث :- يله وينه حميد ما يجي ، صاح عُقاب بصوت عالي خله الجلب مايعرف دربه كام يمشي صفح
عُقاب :- ابن النعال امشي منا امشيييي
راعوث :- نزلت من السياره اجو الولد رحبو بـ عُقاب
عُقاب :- بويه روحي يم النسوان اني هنا يمج بس تحتاجيني ودي واحد يصيحلي
راعوث :- اي ، اخذتني ام جاسم والجهال كلهم صافنين عليه طبيت للبيت اخذتني للاستقبال كعدت وهيه كعدت يمي
ام جاسم :- هلا بيج نورتينه والله نورتي البيت هلا بيج حبوبه خابرتلج فطومه بس ماتكدر تجي والله هاي عمتها مكابلتها وكاعده لا تخليها تطلع ولا طب وهذني بنياتي وجنايني
راعوث :- دخلن بنات كبار بكد افراح واصغر قدمتلي مي بنيه شربته واحس مستحيه جان بالي بس هيه موجوده طلعو عائله كامله ما شاء الله
ام جاسم :- وسويتلج سياح هسه تاكلين منه لمن تشبعين يعزيزتي
راعوث :- شكراً خاله
سكينه :- انتي بدون حجاب لو هسه نزعتي
– باوعتلها حاطه الطفل بحضنها وترضعه طبيعي ولا تستحتي ولا عبالك احد يمها
راعوث :- اني بدون حجاب
سكينه :- هنيالكم هناك عدكم حريه شوفي احنه حتى بالبيت حجاب لابسينه شو مامبينه بصراويه انتي
راعوث :- من بغداد وتزوجت هنا
ام جاسم :- اي يمه مو كتلج
سكينه :- ها شلون صارت قسمتج من بغداد للبصره
ام جاسم :- اي والله واتذكر عُقاب متزوج وحيده نسيت اسمها شسمها يمه نسيته
سكينه :- زينب
ام جاسم :- اي زنيبه لو غلطانه هذا زيد
راعوث :- طلكها
ام جاسم :- ها يله عوفينه من هاي السالفه خاف تضوجج
راعوث :- لا عادي
سكينه :- شكد عمرج
راعوث :- 16
سكينه :- شعجب متزوجه بهذا العمر
راعوث :- سكتت دنكت راسي كلهن كعدن مسطرات وفاتحات عيونهن وحلكهن عليه احس توترت كل النضر عليه اريد عُقاب شلون يجي
سكينه :- سهله الولاده ماتخوف
راعوث :- امم
سكينه :- اني عندي اكثر شي صعب الرضاعه الطبيعيه يابويه منا الابو ومنا الطفل
راعوث :- فتحت عيوني على وسعهن مصدومه هاي شلون تحجي هيج
ام جاسم :- ههههه يمه من لسانج ماتستحين
راعوث :- وجهي صار نار وتوترت حيل ، وين راح عُقاب
ام جاسم :- بالمضيف يم الولد شبيج حبوبه شو حومرتي
راعوث :- مادري اريد اطلع بره
ام جاسم :- اختنكت خطيه مامتعوده على هذا الجو كومي يمه شفاوي اخذيها للحديقه شوفيها الحلال شوي تشم هوى
راعوث :- كمت ويا بنيه صغيره عمرها تقريباً 12 سنوات اخذتني وره بيتهم كاع كلها بقرات وطليان وبط ودجاج وجاموس بالماي لزمت ايد البنيه خشنه من الشغل والشمس
شفاء :- لا تخافين ما يأذن مربيهن من هنه صغار
راعوث :- لا تمشين اوكفي هنا نباوع وين ماخذتني وخرري اخاف ما مربوطات
شفاء :- لا مربوطات والله بس الصغار ما نربطهن
راعوث :- اخاف والله ما امشي يمهن حبيبي هاي شنو فروخ الدجاجه
شفاء :- تريدين تكمشين واحد
راعوث :- اي ناعم مو
شفاء :- اي ناعمات
– راحت لزمت واحد اخذته منها
راعوث :- الللله حبيبي يربيي والله حلوات
شفاء :- اول مره تشوفيهن
راعوث :- لا شايفتهن بس مو هواي
راعوث :- شوفتني كاعهم كلها والحيوانات والزرع الفواكه والخضروات هيه واخواتها اندمجت وياهن يحبن يسولفن هواي وفرحانات بيه اشم ريحة الاكل يطبخون اخذني لبيت عمامهم شفت النسوان يخبزن وياهيه الشافتني صلت على النبي واني اندمج وياهن بالحجي يكيفن عليه سوالفهن حلوه ولهجتهن احلى بعد رحنه لبيت عمهم طبيت لكيت النسوان يشون سمج بالحوش
– هلا حبيبتي هلا يروحي الله يحفضج ويخليج ويستر عليج ولج فدوه شنو هذا الجمال شنهاي الوجه النوراني فدوه انتي شسمج
راعوث :- اسمي راعوث
– راعوث
راعوث :- اي
– غريب بس حلو من رحت فدوه لاسمج جنج هذني البغداديات هيجي لبسهن وبياضهن كشطه الله يحرسج والله لو بنيتي اخاف اطلعج لا تنحسدين تعاي احبنج
راعوث :- حضنتني وباستني متت خجل احس يطلع من وجهي نار واله شويه ابجي لان ماعرف شنو ارد عليها
– انتي مرت عُقاب اليوم انخبصت المنطقه بيكم راح يجون وفرحانين بيكم
راعوث :- اي مرته شكراً اني هم من اجيت هنا حيل فرحت والله
– عندج اخوات
راعوث :- اي خاله
– ابني مهندس واخلاق وشغل وراتب زين وغرفة عرسه جاهزه بس ناقصه مريه هوه هسه الطلعلج بالباب وهاي مامرتب وهيجي اذا يلبس ويعدل اله تتخبلين
راعوث :- الله يحفظه
– اريد وحده من اخياتج
راعوث :- شتسوين بيها
– اكلها شسوي بيها اخطبها
راعوث :- مادري حاجي عُقاب
– والله دخلتي كلبي شحلاتج اخخ لو ما متزوجه
راعوث :- شكراً خاله عيونج الحلوه
شفاء :- يله كومي هسه صبو الاكل واحنه نفتر
راعوث :- مع السلامه خاله
– بعد روحي تعاي ابوسج ولج ماشبع منج
– باستني وشمتني حيل
– يمممه هنياله رجلج عليج عمي احنه يمج مو نسوان
راعوث :- والله الجمال بس يمجن تخبلن
شفاء :- يله ولج امشي
راعوث :- بيباي
– طلعنه نمشي بالحديقه لازماتني وحده منا وحده منا
مريم :- وخري اني اكمش ايدها من رحنه واجينه انتن لازماتها
شفاء :- والله اني اكمش ايدها راعوث مو تخافين اله اني اكمش ايدج
راعوث :- اي بس عادي خلي تكمشني اذا تريد
مريم :- انتي ايات وخري
ايات :- والله ما
راعوث :- كافي لا تتعاركن ماريد وحده تكمشني بس سكتن
– شفت مريم ضربت شفاء راشدي وركضت وشفاء نزعت نعالها وشمرته عليها وصاحت
شفاء :- ك** اشكه ياقندره بت القندره
راعوث :- طكيتها بضحكه قويه كلش على الموقف بس من سمعتها فشرت اختفت ضحكتي وصفنت عليها
راعوث :- مو عيب تفشرين
شفاء :- مو عليج عليها
راعوث :- ادري عيب انتي بنيه وصغيره ليش تفشرين
شفاء :- عادي شبيج
راعوث :- شنو العادي اكول لامج عليج
ايات :- هيه تفشر وحتى امها جوتها وما تعوف الفشاير وتلعب ويا الولد وتعرف سوالف المتزوجين
راعوث :- مو عيب انتي بنيه صغيرونه وحلوه ليش ماتلعبين ويا البنات ولا تفشرين
شفاء :- مادري بالغلط فشرت
راعوث :- سكتت مشيت شفت بيت صغير وعباره عن خراب وبالباب عجوز كاعده على كرسي متحرك وشعرها كله ابيض من الشي طالع من الحجاب ومبهذله
راعوث :- هاي منو العجوز
شفاء :- هاي بيها جني مخبله جيرانه عدها بنيه واثنين ولد
راعوث :- خطيه شلون تخبلت شبيها
شفاء :- ولج بتها ضاعت من سبع سنين يكولون الناس جاي رجال البيتهم انطاها ضرف وراح فتحت الضرف لكت بي صور بتها مصلخه عريانه وبين الزلم وصور اشكال
راعوث :- شنو هذا الحجي معقوله اهلج يحجو الج
شفاء :- لا الولد بالمنطقه
راعوث :- صفنت على المره وصرت اتقرب منها اركز بملامحها اني وين شايفتها بحلم حقيقه احس اعرفها كلبي مقبوض
شفاء :- شبيج تعاي ولج لا ترحين الها مخبله لا تضربج
راعوث :- شكد عمرها بتها وضاعت
شفاء :- مادري يكولون بالعشرينات
راعوث :- باوعت للعجوز اخذت حسره ومشيت ، الله يشافيها
– رجعنه للبيت تلكتني ام جاسم
ام جاسم :- ها ولجن عوبات وين اخذتن البنيه صارلجن ساعه تعبت البنيه ماتشوفنها شلون صارت حمره من الشمس
راعوث :- لا اصلاً اني اريد ابقه اباوع حيل حلوه الاجواء هنا اتمنى اجيب ابوي يحب هاي الاجواء
ام جاسم :- علواه جيبي والله نكيف شوكت ماتجون هلا بيكم هسه وين تريدين تتغدين ويا رجيلج لو ويانه
راعوث :- اريد ويا عُقاب
ام جاسم :- بكيفج احنه صبينه الاكل بالمضيف بس زوجج بالسياره كال عندي اتصال مهم بالشغل
راعوث :- راح اروح اشوفه
ام جاسم :- روحي بعد كلبي والغده بالمضيف اكلو وبالعافيه وعذرونه من التقصير
راعوث :- اهم شي السياح
ام جاسم :- سويتلج اطيب سياح اكلي لمن تشبعين
راعوث :- شكراً ، ابتسمت ورحت لسياره عُقاب فتحت الباب شفته كاعد يخابر لابس نضاره شمسيه ويحجي بعصبيه بقيت اباوعله دار وجها اليه مسح شواربه وسحبني حيل لحضنه وسد الباب
راعوث :- لااا لا عُقااب عيييب
عُقاب :- مهدي بعدين احجي وياك مع سلامه بعدين بعدين الله وياك اسكتتتتتت كافي لغوه هسه اني شفهمت غير تتتتتت الله ومحمد وعلي وياك
– سد الاتصال وشمر الموبايل على الكشن الثاني هوه والنضارات الجان لابسهن ماكدر احجي ويا خايفه من صوته العالي ونضراته
عُقاب :- وين جبتينه بروح امج الحلوه وين جبتينه
راعوث :- شفت البقرات وال… ، ردت اكمل عاط
عُقاب :- اشششششششششش
راعوث :- دنكت راسي وارجف شسوي
عُقاب :- تريدين تاكلين سياح روحي اكلي يله روحي
راعوث :- تعال وي… ، عاط
عُقاب :- اششششششش
راعوث :- دنكت العب باصابعي واريد ابجي سحبت باكيت الجكاير طلعت جكاره حطيتها بحلكي وباوعتله سحب الجداحه شغلها واخذها من بين شفايفي اخذ نفس وزفر الدخان بوجهي كحيت
راعوث :- اذا ضا…
عُقاب :- اشششششششششش
راعوث :- باوعت من الجامه وباوعتله اخذت نفس وزفرته اريد احجي ليش مايخليني باوعت بعيونه مركز بعيوني سرت قشعريره بجسمي نزلت عيوني بقه مركز بيه تقرب من وجهي ادنيت حط ايده وره راسي وقربني اله يريد ياخذ شفايفي دفعته حيل مايوخر اريد اصد وجهي عنه لازمني حيل اخذ شفايفي بين شفايفه لزمت الستيرن بالغلط ضغطت على الهورن وبقيت ضاغطه عليه بكل قوتي
– وخر عُقاب من شفايفي وسحب ايدي من الهورن طلع ابوهم يصيح
ابو جاسم :- ها خير ان شاء الله
عُقاب :- **** عمتج
راعوث :- دفعني على الكشن الثاني كعدت على النضارات والموبايل صحت ، اخخخخ
عُقاب :- انشكت فريختك يابن حسام
راعوث :- فتحت الباب ونزلت من السياره نزل عُقاب
ابو جاسم :- خيركم محتاجين شي مو غداكم برد ياعيني دتفضلو اكلو
عُقاب :- سلامتك حجي هاي سيارتي وحدها دك هورن
ابو جاسم :- تحتاج تصليح خاف احاجي الولد يعرفولها
عُقاب :- تسلم اريد اغيرها هسه خلي ناكل مو ريحه الاكل كتلتني
ابو جاسم :- بالعافيه براحتكم
راعوث :- رحنه للمضيف محد بي فارشين سفره وصابين الغده كعدت يم عُقاب مسوين سمج ودولمه ومقبلات ضكت السياح وعفته طيب بس حسيت ما ارغب اله اكلت من الاكل و عُقاب ما ياكل يباوعلي
راعوث :- اكل
– بحركه سريعه باسني من خدي دنكت مبتسمه
عُقاب :- اكل سياح
راعوث :- تقربت منه شاورته ، ما احبه
عُقاب :- لو مو نعمه كدامي جان سمعتي احلى الفشاير
راعوث :- هوه ابنك يمكن يحبه بس اني لا اشتهيته وضكته شويه حتى ما تطلعله سياحه بيده
عُقاب :- سياحه
راعوث :- اممم سياح
– اكلنه والروبه تجنن واللبن شربناه كله من كد ما طيب كله نعناع وليمون كمنه اني ويا بره الحمامات والمغسله غسلنه
راعوث :- ماتسويلي هيج حمام بالشارع
عُقاب :- ومن احصرك بالحمام يشوفونه
راعوث :- والله حلوه اغسل واباوع للبستان ليش ابقه صافنه بالحيطان
عُقاب :- شلون احصرك فهمني
راعوث :- كل بالك يم من تحصرني اله بالحمام عدنه غرفه
عُقاب :- بالحمام احلى مو صدك
راعوث :- مو حلوه كافي اجت البنيه
عُقاب :- هلا بيها بت الكواو***
راعوث :- يا عزه عُقاب ها حبيبتي
شفاء :- شبعتو
عُقاب :- اي عيني عاشت ايدها ام جاسم خوش اكل والسياح بعد اطيب عاشت ايدها سفره دايمه
شفاء :- بالعافيه
راعوث :- باوعتلي شفاء وغمزت
عُقاب :- ها لجججج
راعوث :- راحت تركض تضحك عُقاب باوعلي من فوك لجوه لزم ايدي واخذني تمشينه بالبستان
راعوث :- خلي نجيب بابا هنا
عُقاب :- ان شاء الله بويه
راعوث :- تعرفهم انته هذوله الناس
عُقاب :- اي عرف من بعيد
راعوث :- حبابين همه بس هاي البنيه مستهتره بس مو تحجي حباب
عُقاب :- شلون مستهتره من يا ناحيه
راعوث :- تفشر وتعرف سوالف المتزوجين
عُقاب :- احسن منج
راعوث :- اممم عُقاااب بس صغيرونه
عُقاب :- بويه همه هنا عدهم كلشي عادي
راعوث :- اسم الله
عُقاب :- انته شسويت وين رحت
راعوث :- طلعت وياهن لزمت الكتكوت ناعم يجنن وشفت البقرات والبطات
عُقاب :- حلوات
راعوث :- اي بس يخوفن البقرات والداموسات
عُقاب :- هاي شنو داموسات
راعوث :- هاي الداموسه سوده وتنام بالشط
عُقاب :- بشرفج شو كولي داموسه
راعوث :- داموسه
عُقاب :- ضحك بعلو صوته ، وج مو داموسه
راعوث :- جا شنيه
عُقاب :- جاموسه
راعوث :- جاموسه اي هوه بس حرف
عُقاب :- اخخخ الله داموسه مالكيتي اله هذا الحرف
راعوث :- جا شنو حاموسه
عُقاب :- احصرك
راعوث :- لااااا عُقاااب مو جاي نحجي
عُقاب :- يله بويه حتى نرجع
راعوث :- ماشي بس اروح اسلم على ام جاسم
– اخذني ورحنه لكيت ابوهم بره حجه ويا عُقاب وتشكره طبيت للبيت لكيتهن كاعدات يتغدن بالحوش الاجواء تجنن بسرعه كامت ام جاسم
راعوث :- خاله احنه راح نروح عاشت ايدج على الاكل واجيت اشوفج قبل لا نروح
ام جاسم :- شني والله ما طلعون منا لا ما تشربون جاي والله ازعل
راعوث :- خاله والله عنده شغل
ام جاسم :- لا والله العظيم هذا الجاي يتهدر على النار
راعوث :- هسه احاجي عُقاب
ام جاسم :- اي والله العظيم تره ازعل
– طلعت حجه عُقاب
عُقاب :- نشرب جاي ونروح بويه
راعوث :- اممم
ابو جاسم :- اخذو راحتكم اروح اشوف الجايات
راعوث :- خزرني خزره عُقاب حسيت روحي طلعت كلبي كام يوجعني من الخوف
عُقاب :- كله من وره **** تتشهين سياااح مووو
راعوث :- شبيك هوه بس جاي ونروح
عُقاب :- اتوبه اذا بعد جلبت بواحد يبوووي شكد اكره الملحه هسه عندي شغل غير يفهمون
راعوث :- بس جاي والله
– ما حاجاني رحنه للمضيف شفته فارغ شايلين السفره ومنضفين المكان
راعوث :- نادرات هذني النسوان
– ورث جكاره وراح وكف كبال الشباج مخصر تك ايد والثانيه يدخن بيها ومضيق عيونه وواصله لخشمه مايتحاجه
– كعدت على الفراش حضنت رجليه وصفنت اتذكر شكل المره المخبله ملامحها وين شايفتهن بين ما افكر دخلت شفاء بيدها الصينيه وبيها ستكانين جاي حطتها بالكاع
راعوث :- عفيه شنو هالنداره فدوه
– ابتسمتلي وطلعت عُقاب راح قفل السقفاله مال الباب توترت وكف كبالي ويدخن رفعت راسي باوعتله ودنكت شربت جاي
– نزل لمستواي سحب كلاص الجاي وركعه بالصينيه باوعت بعيونه ونزلت عيوني
راعوث :- شبيك
– رفع شعري وره اذاني تلمس خدي بضهر ايده اخذ نفس وزفره سحبني لحضنه نام على الدوشگ ونيمني فوكاه
راعوث :- عفيه عُقاب عليك الله والله يجي واحد
عُقاب :- وچ تعاااااي طفي نار گلبي
راعوث :- عليك الرضا عُقاب خلي نشرب الجاي
عُقاب :- والعباس هسه اكسر الاستكان براسج
راعوث :- سكتت حط ايده وره راسي سحب راسي على وجها يقرب شفايفي من شفايفه غمضت عيوني اخذت نفس وزفرته بخوف طبكن شفايفنه رخيت كل جسمي وبادلته ..
– الباب تندك صوت رجال بره كمت بسرعه لبست ملابسي عدلت روحي مسحت شفايفي رفعت شعري لزمت الجاي بارد
راعوث :- فشله عُقاب ما شربناه
عُقاب :- ورب العباد طعمها غير بالختله
راعوث :- كااافي عاد الجاي وين اخذه
– كام عُقاب اخذ الستكاين فتح الشباج صاير على البستان من وره دارهن رجع الستكاين للصينيه وراح فتح الباب
عُقاب :- اخذتنه النومه وره الجاي المهيل الطيب عاشت الايادي السوته
ابو جاسم :- اعتذر عبالي رحتو والله العظيم هوه الباب دوم يشكل ينقفل عبالي هم انقفل كلت والله ازعل يروح ومايودعنه
عُقاب :- بعد عيوني هم يله لازم نروح ورانه شغل والمره اريد اخذها لاهلها
ابو جاسم :- هلا بيكم والله ونورتونه وعيدوها مو تغطون فرد غطه والله تونسنه اليوم وياكم والبنيات حبنها مريتك تدخل الكلب عاشت ايد اهلها على هاي التربيه الله يحفظكم ويخليكم سويه وبالجيه الثانيه وليدكم بحضنكم
عُقاب :- الله يحفظك الله يسلمك بعد عيوني الله يزيدها عليكم واجيب اهلي ونجي عليكم والله حلوه الكعده وياكم ان شاء الله نعيدها ، يله بويه كومي
راعوث :- كمت ويا عُقاب طلعت المره لبره وكامت تلح ابقو للعشه وشفت عُقاب صار اعصار يتنرفز من اليلح بس كوه لازم نفسه باستني وسلمنه صعدت بالسياره صعد عُقاب وهمه يودعونه وضاجو من رحنه حرك الستيرن وانطلق للبيت
– باوعلي وغمز تذكرت الصار دنكت مستحيه
عُقاب :- اوفففف
راعوث :- عضيت شفتي الجوه اخذت نفس متوتره ابد ما باوعت بعيونه لحد ان وصلنه للبيت نزلت دكيت الباب فتحتها وطبيت طلعت فرح
فرح :- منو هلا راعوث اهلاً وسهلا
راعوث :- ها
فرح :- دتعاي مشتاقتلج احس من سنه ما شايفتج
راعوث :- حضنتها وبستها طبيت لجوه سلمت على عمتي
ابتسام :- شبيج مستعجله
راعوث :- اريد احضر ملابسي اروح يم اهلي
ابتسام :- ها صدك يمه
راعوث :- والله
ابتسام :- شكد تبقين
راعوث :- مادري لمن نكمل عرس شمس
ابتسام :- ان شاء الله اجي اني الخميس
راعوث :- هلا بيج
ابتسام :- يله يمه روحي لمي غريضاتج لا يصيح عُقاب
راعوث :- صعدت للغرفه ركض طلعت جنطه مال ملابس صغيره طلعت كم لبسه مال بيت وطلعه اخذت اكسسوارات شويه ومكياج رحت دورت على المداليه مالت عُقاب انطاها اليه اول ما خطبني طلعتها انفتحت الباب دخل عُقاب ضميتها وره ضهري وباوعتله
عُقاب :- ها ابني حضرت روحك
راعوث :- تقرب مني بلعت ريكي ، اي بس اريد اسبح
– حضني قوي ايدي وره ضهري مسح بيده على ضهري دنك شم ركبتي
عُقاب :- شلون اعوفك
راعوث :- وين راح تعوفني
عُقاب :- بيت اهلج لازم ارجع عندي شغل بالبصره ماكدر اعوفه
راعوث :- يعني تعوفني وحدي هناك
عُقاب :- اي ابني
راعوث :- ليش ما تبقه وياي حباب عوف الشغل
عُقاب :- لا لا ياعيني اني مو اشتغل صانع حتى اكعد استراح ويمته مايعجبني ارجع لا ياهوه اخلي بمكاني شلون كلام هذا
راعوث :- ماشي تجي تشوفني وتروح مو اله تبات
– لزم ايدي الوره ضهري سديتها حيل
عُقاب :- شو ايدك ليش ضامها وره ضهرك
راعوث :- اريد اسبح
عُقاب :- ايدج
راعوث :- اريد اسبح عفيه
عُقاب :- ايدج ؟
راعوث :- مابيها شي شبيها
عُقاب :- شو
راعوث :- طلعتله ايدي وسادتها بكل قوتي
– فتح ايدي شاف المداليه باوع بعيوني تقرب مني اكثر رجعت لوره صار يتقرب بخطوات بطيئه طبكت بالحايط دنك عليه باس خدي انفاسه حاره صار يتقرب من شفايفي شواربه طخت طرف شفتي جسمي كزبر حجه وعيونه بعيوني
عُقاب :- اوففف بربوگتي لحد هسه ضامتها
راعوث :- نزلت عيوني بالكاع احس صرت نار من المستحه
– باس المداليه هيه وبايدي سد قبضة ايدي ابتسم تك خد دنك باس خدي لزم خصري بايده تقرب من اذاني بايده الثانيه رفع شعري همس ..
عُقاب :- احبچ
راعوث :- كزبرت و جمد الدم بعروكي بقيت واكفه بمكاني اتأكد من السمعته جسمي نار احس كلبي وكف باوعلي باوعت بعيونه
عُقاب :- ابن حسام حبچ مايحب حتى روحه بس حبچ فريخته انتي روحه صرتي ادماني
راعوث :- رمشت مرتين بلعت ريكي صافنه بعيونه نسيت الحجي حسيت ماكدر احجي كل الكلام نسيته صفن بعيوني وخرت عنه مشيت بهدوء طلعت من الغرفه دخلت للحمام سديت الباب باوعت لوجهي بالمرايه صفنت هنا ادركت اعترفلي بحبه ..
– حضنت المداليه لصدري الضحكه شكت حلكي كمزت بفرحه رجعت اباوع بالمرايه تقربت منها حجيت ويا شكلي بالمرايه
راعوث :- اعترفلج بحبه يحبج هوه كال احبج عُقاب يحبج راعوث خليتي يحبج شلون كدرتي يالفاهيه اهمداج جلبه شلون عفتي
– اندكت الباب توترت شسوي رحت بسرعه فتحت المي بست المداليه حطيتها على المغسله وفتحت الباب شفته عُقاب دنكت انطاني ملابسي تقرب مني اكثر رفعت عيوني باوعت بعيونه دنك عليه همس ..
عُقاب :- بربوگه
راعوث :- سرت رعشه بجسمي بلعت ريكي حسيت راح اوكع بسرعه طبيت وسديت الباب خليت الملابس على وجهي مبتسمه حضنت الملابس لصدري حيل دخلت جوه الدوش والابتسامه ما فارقت وجهي اسمع كلمة احبج بصوته جسمي يكزبر بس اتمنى اسيطر على حركاتي يمه ودي احضنه ابوسه ابادله نفس الشعور ..
– معقوله حبني عُقاب يحبني هوه هذا شعور الحب معقوله هيج ابرار وكرار جانو هيج تفرح من يكللها احبج ليش ما جنت اعرف عُقاب من زمان اريده ابطل ما اروح لاهلي لا لازم اروح من اطلع ابوسه لا شلون تبوسي هسه يكول اول مره واحد يحبها اي جا منو يحبني كافي رحمه لدينج عوفي هذا التفكير راح اروح لاهلي واشوف افراح يعني من زمان هوه يحبني لو اليوم حبني يالله عقلي راح يوكف …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.