رواية راعوث – الفصل التاسع والثلاثون
part 39 ”
افراح :- شلونج زينه
راعوث :- اي زينه
افراح :- اكو واحد مأذيج يضوجج
راعوث :- تذكرت زينب صفنت ثواني أردفت ، لا بس لا تعوفوني
افراح :- يمه يابعد روحي والله بالي يمج بكل وقت واعرف اذا ماتغديتي او ماتعشيتي كلبي يحس بيج اذا ضايجه او فرحانه بس اني متاكده هسه انتي مرتاحه وكلنه مثلج راح نتزوج ونعوف بيتنه واهلنه
راعوث :- ادري بس تعالو اليه
افراح :- والله بس يصير بابا زين يجيبنه الج يوميه
راعوث :- انتو اجيتو لو عُقاب جابكم
افراح :- خابرنه عُقاب ودز علينه واحد جابنه الكم كوه اجه بابا مو قصة مايريد يجي بس مايكدر والله وهاي علاكه العلاجات جبتها ويانه عايش على المغذيات
راعوث :- باوعت لابوي ابتسمتله واني بداخلي مكسوره كسره جبيره
ناصر :- شونج بابا زينه مرتاحه
راعوث :- اني اصير زينه بس انته طيب
ناصر :- انشاء الله انشاء الله
راعوث :- باوعت على رقيه هيه الوحيده حركاتها غريبه صح اول ما شافتني بجت بس ماعرف شبيها احسها مو طبيعيه كلت يمكن لان مستحيه بيت جديد رحت يمها وحضنتها بست خدها
راعوث :- مشتاقتلكم كلكم احضن منو هسه حرت والله
افراح :- اني حضنيني
ابرار :- لا والله صارلها ساعه بحضنج واحنه
راعوث :- ضحكت انفتحت الباب دخلت عمتي لابسه حجابها وعبايتها
ابتسام :- السلام عليكم هلا بيكم هلا منورين البيت والله هلا بيك ابو فروحه عندك العافيه انشاء الله شلونك يخويه شلونجن يحلوات والله منور البيت بوجودكم بعد كلبي
ناصر :- وعليكم السلام هلا بيج خيتي والله البيت منور باهله شلونكم شلونها راعوث وياكم
ابتسام :- الحمدالله والشكر بشوفتكم احنه بخير شعدنه غير راعوث هيه مسويه واهس بالبيت ماكو مثل تربيتها والله حاطيها بعيونه الله يحفظك ويخليك
راعوث :- شفت فرح تاشرلي من الباب كمت من يم البنات
افراح :- ها وين
راعوث :- هسه اجي ، عفتهم وطلعت
فرح :- تعاي اخذيلهم المي اخواتج حلكهن نشف استحي اطب ابوج كاعد
راعوث :- اخذت دولگه المي وطبيت طلعت عمتي قدمت المي بابا ما شرب بس البنات
افراح :- يمممه فديتهاااا الصايره ام بيت وتقدملنه مي بيتها بعد روحي
راعوث :- كرصت خدودي واني مبتسمه وسنوني كلهن طالعات قدمت مي لرقيه باوعتلي من فوك لجوه ابتسمت ابتسمتلها
رقيه :- وين جنتي
راعوث :- قبل لا تجون
رقيه :- اي
راعوث :- نايمه ليش
رقيه :- مو اكول ملابسج
راعوث :- اي جنت نايمه وكعدني عُقاب من النوم ما كال اجو اهلج كالي مفاجأة ونزلت بسرعه
رقيه :- هممم
شمس :- ولج بس لا مكضيتها نوم
راعوث :- لا
افراح :- تعبانه يمكن ونامت شويه علكيفجن ويا البنيه عيني
راعوث :- احبج ، انطيتها بوسه بالهوى
راعوث :- بابا تريد اسويلك شي
ناصر :- سلامتج بويه اريد شوفتج وهاي ضحكتج الحلوه بس
راعوث :- احس دموعي راح تنزل منضره يوجع الكلب عيونه صايرات حمر من العلاجات ووجها اصفر شفايفه مابيهن نقطه دم بسرعه طلعت قبل لا ابجي كدامه رحتت للمطبخ لكيت عُقاب يخابر
عُقاب :- حضرت الوصيتك عليه كامل ماريد أي نقص اهم نقطه النضافه الاكل اريده نضيف والله اذا شفت غلط واحد بالاكل ما تلوم اله نفسك النضافه اهم شي سمعتني شكد ماتريد ادفعلك اي هلا بيك حبيبي من عيوني هلا هلا
راعوث :- سد الاتصال وتقدم مني ايده حاوطت خصري ويباوع بعيوني مبتسمه ونزلت عيوني
عُقاب :- فرحان؟
راعوث :- گلش فرحانه
عُقاب :- عجبتك المفاجأة
راعوث :- تجنن شكراً
عُقاب :- بس شكراً
راعوث :- جا ها
عُقاب :- هاهيه اكو احسن من الشكراً
راعوث :- يله وخر ايدك اريد اروح
عُقاب :- وين تروح
راعوث :- ابدل
عُقاب :- بدلي مو احترك جد جدي بفتحت الدگم
راعوث :- بسرعه لزمت القميص غطيت صدري ابتسم تك خد وخر ايده طلعت من المطبخ رحت للغرفه لبست بجامه سوده وتيشيرت رصاصي ربع ردن مشطت شعري لميته ذيل حصان وكذلتين فتحت المجر طلعت عطورته ابخ منهن واحجي ويا نفسي
راعوث :- اني اعلمه اله اخلصهن ليش يباوعلي وما يسد دگم قميصي
– بخيت من العطور كلهن احس بروده تجنن غمضت عيوني واخذت نفس وزفرته باريحيه نزلت جوه دخلت للاستقبال والعطر يسحب وراي اول مدخلت ابوي لزم صدره وكام يكح و عُقاب كاعد بصفه جاي يسوي بالابره يريد يضربها بالكانونه لبابا
– رفع راسه باوعلي خزرني وفتح عيونه على وسعهن ركز بمعصم ايدي وزندي بقه ثواني مركز بيهن واني صافنه عليه حسيت اكو شي غلط باوع بوجهي واشرلي بحواجبه بمعنى طلعي
راعوث :- سويت نفسي ماشفته ، شجاي تسوي؟
عُقاب :- روحي للغرفه
راعوث :- ليش
عُقاب :- روحي بويه
راعوث :- ما اروح اريد ابقه هنا يم اخواتي وانته شني دكتور تسوي لبابا الابره
عُقاب :- لا تلحين روحي للـ لا اله الا الله راعوث خليني لازم لساني ، صك على سنونه وحجه بنفاذ صبر ، امشي منااا
راعوث :- شفت اخواتي يمي و ابوي مايكدر يسويلي شي سكتت ما جاوبته حط الابره بالكانونه وباوع لابوي من فوك لجوه
عُقاب :- عليمن طالعه
ناصر :- راعوث
عُقاب :- اي شالعه گلبي
راعوث :- تشتكي لابوي عليه؟
عُقاب :- موتتني يوميه من الصبح تسحب الفراش من جواي تغسله ماتعرف اله تشتغل الصبح الحجيه علمتها على الطبخ بيوم واحد لكفت الوصفات لكف شلون اكل تسوي يابويه نادره نادره خو اللبس هذاك اليوم لكيتها لابسه عشره بلوزات تكول ماريد واحد يشوف قوام جسمي
ناصر :- اي بنيتي حبابه هيه تحب النضافه من بيتنه هيه هيج
عُقاب :- گلش حبابه ماكلتلي عليمن طالعه
ناصر :- على امها جانت امها هيج
عُقاب :- ماكول غير الله يساعدك
ناصر :- ها ليش
عُقاب :- سلامتك يابعد شيبات ابوي
راعوث :- لا تضوجني والله تره احجي كلشي
عُقاب :- شو شفتي ابوج طلع لسانج
راعوث :- اي والله بس تضوجني احجي
عُقاب :- شتحجين
راعوث :- بيت الحصان
– باوعلي بنضره بارده أردف ببرود ،
عُقاب :- فتحي المغذي بين ما كمل الابره
راعوث :- رحت يما اخذت المغذي سحب نفس قوي وزفره بعصبيه
راعوث :- شلون افتحه
عُقاب :- دخلي جهاز الاعطاء بالمغذي
راعوث :- وين ادخله منا لو منا
– خزرني عض شفته الجوه بسنونه اخذ نفس وزفره حجه بصوت ناصي بحيث بس اني اسمعه
عُقاب :- اخخ يلساني البنات كاعده راعوث
ناصر :- ها يبويه شكو شبيها راعوث
راعوث :- مايدخل هاك انته سوي
عُقاب :- امشي للغرفه
راعوث :- ما
ناصر :- امشي بويه ليش ماتسمعين كلام رجلج روحي عيب والله يبوي ماكدر اتحرك واحجي راح اموت يراعوث يبويه
راعوث :- اسم الله ليش تحجي هيج
ناصر :- صدري مادري شبي موتني ماشفت الراحه من نخطفتي لهذا اليوم
عُقاب :- الله يشافيك يابعد حيلي انشاء الله مابقه شي وتخلص من هذا المرض بس كلي شتاكل شنو نضامك بالأكل عادي تاكل أي شي لو اسويلك فد شي
افراح :- اصلاً هوه مايقبل ياكل وهم منعو من اكلات هواي عايش على الخبزه وروبه
عُقاب :- شلون حچي هذا غير تريد تتشافه اكل عيد صحتك اكل خضروات فواكه يابعد روحي
ناصر :- ماكدر صدري يوجعني بس اكل لكمه احس اموت الله لا يسلط هذا المرض على واحد
عُقاب :- يابعد اهلي بحسام ولا بيك
– كام ركبله المغذي حجه ابوي
ناصر :- لا اسم الله لا تدعي يعمي حتى لو واحد مضوجك لو كارها ، حسام مو ابوك
عُقاب :- لا هذا مجرم الامس كضيته كضه من هاي الزينه
ناصر :- الله يوفقك بشغلك ويحفظك
راعوث :- كمل من المغذي تقدم مني ايده حاوطت كتفي ويريد يمشي دفعت ايده مايوخرها
راعوث :- ماااا ما باباااا
ناصر :- ها يابعد روحي ها يابعد ابوج
راعوث :- باوعت لـ عُقاب خازرني باوعت لابوي حسيته مقهور يريد يكوم يشوف شبيه واذا ابقه اسوي يما هيج ينقهر اكثر
– مشيت ويا عُقاب صعدنه للغرفه وكفت يم الجربايه تخصر ووكف تخصرت مثله وباوعتله بنفس النضره
عُقاب :- مددي
راعوث :- ما امدد
عُقاب :- انطمري على الجربايه
راعوث :- ما انطمر
عُقاب :- انداري
راعوث :- ما اندار
– سحب باكيت الجكاير من الجيب عاط
عُقاب :- فتحي ايدج
راعوث :- ما افتحها
عُقاب :- فتحي ايدج احسن ما تنفتح رجليج
راعوث :- فتحت ايدي شمر باكيت الجكاير لزمته
عُقاب :- طلعي جكاره
راعوث :- فتحت الباكيت من التوتر ايدي ترجف وحدها اريد اسحب الجكاره ماتنسحب سحبتها حيل وكع الباكيت من ايدي ونص الجكاير وكعن بالكاع باوعتله ثنيت رجليه وكعدت المهن بين ما افكر
– هسه يكول فاهيه حتى ما عرفت ادبر اطلعلي جكاره كلشي ماتعرف تسوي يمكن توصخن بعد مايريدهن هسه يكول شلون رجعتهن للباكيت
– دنك عليه شالني من الكاع وشمرني على الجربايه ردت اكعد عاط
عُقاب :- ناميييي
راعوث :- بقيت نايمه بمكاني فتح المجر طلع باكيت جكاير طلع جكاره حطها بحلكي نام عليه وشغل الجكاره سحبها من بين شفايفي ودخن سحب نفس وزفره بوجهي حطيت ايدي على حلكي وكحيت
عُقاب :- هاي الفالينه وين لكيتيها بيا محل
راعوث :- امك جابتهن
عُقاب :- امك؟
راعوث :- اي
عُقاب :- شنو امك بلا زحمه
راعوث :- يعني امك امك
عُقاب :- اذا تحجين ويا غريب شتكولين هم امك
راعوث :- لا اكول عمتي ابتسام
عُقاب :- خيعون امي ابتسام شكو عدنه تحقيق كولي عمتي وهاهيه
راعوث :- اي عمتي كوم اريد اروح يم افراح مشتاقتلهم كافي عوفني بس اليوم حباب
عُقاب :- ليش لابسه هاي الفالينه
راعوث :- شلبس كلشي لبسته حجيت عليه
عُقاب :- بابا تفاصيل جسمج كلها مبينه الفالينه ضيكه وصلوخ لو تردين تشوفين اخواتج كبرانات لو بعدهن
راعوث :- شنو الكبرانات
عُقاب :- شيب ابوي
راعوث :- حااااره حاره ابقه البس شتوي
عُقاب :- محتره؟
راعوث :- اي راح اموت حر
عُقاب :- چسمج محتر
راعوث :- اي
عُقاب :- ابرده
راعوث :- اممم ها
عُقاب :- اطفي الجكاره بيگ وابلش
راعوث :- نضراته انفاسه شواربه لمسات اصابعه على جسمي خلني انتهي بين ايده غمضت عيوني وكزبر بدني فتحت عيوني واني احاول اسيطر على نفسي
راعوث :- اريد اهلي
عُقاب :- اني امك وابوك وابو حقوقك وابو فريخاتك اني اهلك كلهم
راعوث :- مشتاقه لافراح ، كرص فخذي قوي ، اخخخ
عُقاب :- شني افراح رجلج وجاي من السفر تسويله اغرائات بهذا لبسج
راعوث :- شبي لبسي شبي ، اخخ عُقاااب
عُقاب :- تبدلين يو اشوف شغلي
راعوث :- حجيت بدلع ، حباب حبااب
عُقاب :- اويلي يابه هذا منو يدلع بصوته
راعوث :- حجيت بدلع وباوعله ببراءة ، عفيه بس اليوم البسه وبعدين نطلع سوه تشتريلي ملابس عراض لان بطني راح تكبر من وره ابنك
عُقاب :- اللهم صلى على محمد وآل محمد اليوم مين طالعه الشمس
راعوث :- حباب عُقاب بس اليوم حبااب
عُقاب :- اخر مره المره الثانيه ينشكن عليج
راعوث :- باوعت بعيونه وتقربت من وجهه غمضت عيوني اريد ابوس شواربه حرك راسه صارت البوسه بطرف شفايفه
– عيونه ذبلن حط راسه على صدري دكات كلبي سريعه وانفاسي عاليه
راعوث :- يله عُقاب اريد اروح
عُقاب :- بشرفچ لا ترحين
راعوث :- اريد اروح
– وخر من عندي نام بصفي حط الجكاره بين شفايفه وصافن بالسكف عيونه ذبلانه انفاسه حار كمت عدلت ملابسي سحبت القراصه شمرتها على الجربايه وطلعت
افراح :- دتعاي والله مشتاقيلج وين ترحين
راعوث :- شسوي ماتشوفي يصيحلي عُقاب
رقيه :- شيريد منج
افراح :- هذا هم سؤال شعليج مو عيب
راعوث :- لا عادي يريد ملابسه وبس ، ها بابا تريد شي تريد ترتاح اخذك لغرفه تنام
ناصر :- لا مرتاح هنا من اشوف ضحكتجن ارتاح
راعوث :- وانته شوفنه ضحكتك يربي شو صاير حلو بابا مثل هذوله الممثلين بالافلام
ناصر :- هههه يابعد بناتي هاي عيونج حلوه تشوف كلشي حلو والله مشتاق لهذا الطول والحس بالبيت
راعوث :- عندك هاي ابرار لسانها شطوله اصلاً حليانين مبين مرتاحين جنت مدوختكم
ناصر :- لا والله العظيم حتى لو اخواتج كاعدات بس البيت من بعدج احسه ضلمه وكلجن اذا ترحن هيج يصير بيه لو بيدي اضمجن بكلبي وماخلي بشر يتقربلجن لو يغثجن بس هذا الشي مو بيدي صرت رجال جبير وتعبت وخايف عليجن اريد أمن على مستقبلجن
افراح :- عمرك طويل وتشوف جهال جهالنه
راعوث :- ابتسمت وكعدت يم افراح بسرعه اخذتني لحضنها وباست راسي
افراح :- منو عدكم بالبيت
راعوث :- بس فرح وعمتي وعلوش وقمر وجود وزيد زوج فرح طالع
افراح :- الولد صغار لو كبار
راعوث :- صغار اصيح لعلوش احبه حيل وهوه يموت عليه يشتريلي ويكلي اريد اتزوج بنتج يجنن
افراح :- ههههههه هاذا شنو من طفل لا كعدي عوفي شويه همه يجون خلي اشبع منج
راعوث :- بعده بيتنه مثله
افراح :- اي شنسويله يعني
راعوث :- اممم عدكم فلوس
افراح :- حجيت بصوت ناصي ، بين يوم يومين و يودي مبلغ عُقاب بيد ولد حتى متكفل بكلشي عُقاب المستشفى والعلاجات والعمليه ابد ما مقصر احمد ربي واشكره اجانه هيج نسيب والله العظيم يا راعوث لو مو عُقاب اسم الله على ابوي هسه ما كاعد يمج هيج من غير الاكل والغراض يوديهن بيد الولد النه والله مستحيه كلش منه ما اعرف شلون اشكره بس اتمنى من ربي يهديج عليه لان اعرفج من البدايه ما تريدي
راعوث :- صدك هذا الحجي؟
افراح :- وروح امي
راعوث :- منو جابكم رائد
افراح :- منو رائد مادري بس هوه كال اسمي رائد صديق عُقاب حباب كلش
راعوث :- حطيت ايدي على خدي واباوعلها ، اي وبعد سولفي كلشي يصير وياكم
افراح :- افرحج بشي
راعوث :- شنو احجي
افراح :- شمس انخطبت
راعوث :- فتحت عيوني على وسعهن بفرحه وشكت حلكي الضحكه باوعت لشمس ، صدككك
افراح :- وداعت عيونج
راعوث :- حبيبي ، رحت حضنتها وبستها
شمس :- تره استحي والله كافي شبيجن واذا شسالفه
راعوث :- يمه حبيبي حبيبي يجنن الزواج اتزوجي
– تغيرت ملامحي للاستوعاب اني شحجيت
افراح :- هااا ولججج هاااا
راعوث :- بسرعه كمت من يمهن
افراح :- تعاااي ولج اشاقه واذا الله يسعدج تعاي راعووث
راعوث :- طلعت لصاله ابد ما ارمش وصافنه بالكاع ومبتسمه ابتسامه كلها خجل وماعرف اتصرف بعد طبيت للمطبخ لكيت فرح تصب جاي بالاستكاين وياهن ماعين بيهن كيك
فرح :- همزين اجيتي جاي افكر شلون اطب شلون اصيحلج هاج اخذيهن
راعوث :- اخذت الصينيه وسويت روحي عود نسيت الصار قدمته وكعدت اكل وياهن
افراح :- وين راح عُقاب
راعوث :- مادري
افراح :- ماتدرين وين زوجج
راعوث :- شعليه بيه اي شصار بـ ماهر
افراح :- يمه انسي ماهر
راعوث :- ليش؟
افراح :- فسخنه الخطوبه من حد ما نخطفتي
راعوث :- ليش ما كلتيلي وليش فسختوها شصار
افراح :- هيج مشكله اصلاً ما يشرفني اصير مرته ولا استاهل هيج واحد
راعوث :- بسببي ؟
افراح :- اكلج راعوث شنو هذا
راعوث :- شنو
افراح :- ايدج وهاي منا ركبتج هم بعدج تكعدين الصبح تلكين خراميش
راعوث :- لا
افراح :- وهذني شنو منين؟
راعوث :- اممم ، درت وجهي صفنت شربت جاي وباوعت بعيونها
افراح :- اكو واحد يضربج عُقاب يضربج احجي لا تخافين
راعوث :- لا هنه هيج
افراح :- احجي راعوث لا تخوفيني
راعوث :- والله محد يضربني كافي
افراح :- هذني شيسموهن مو خراميش مو مال واحد مخرمشج لا تخليني اصيح بصوت عالي ابوي كاعد لا تخبلي
راعوث :- مو البس اكسسوارات اتخرمش
افراح :- اعرفج تجذبين من عيونج مربيتج على ايدي وما تردين اعرفج تجذبين لو صدك
راعوث :- كافي افراح
افراح :- ما اسكت لمن تحجيلي
راعوث :- تقربت منها وشاورتها وخرت باوعتلها وطكيتها بضحكه عاليه وهيه ابد ما ضحكت بقت صافنه عليه
شمس :- شنو احجن شكو هاي شكلتيلها صدمتي البنيه
افراح :- لا ماكو شي ضحكي عدل راعوث واريد احجي وياج بعدين وحدنه
راعوث :- اختفت ضحكتي كعدت عدل واكلت كيكه
رقيه :- ما تحجن النه صارت خصوصيات
راعوث :- كافي لا تلحن زايد مو حلوه الملحه
افراح :- هاي منو يحجي
راعوث :- هههههههههههههههههه
افراح :- انجبي ولج انجبي ضحكتج فضحتينه هسه يكولون يضحكون علينه ولج اخخ اذا الزمج ووحدنه
راعوث :- هذا عُقاب هيج يحجي اني ما الح هوه كل ساعه كالي تلحين ما تحاجي
افراح :- هسه احاجي بس لا تضحكين هاي الضحكه
راعوث :- اي بعد منو انخطبت
افراح :- بس شموسه
راعوث :- تذكرت كرار درت وجهي لابرار غمزتلها وضحكت هيه باوعتلي ودنكت بسرعه لا ضحكت ولا انطت ردة فعل بس حسيت خافت شويه
ناصر :- راعوث صيحي لـ عُقاب يوخر المغذي خلص
راعوث :- اي بابا
– كمت للغرفه دخلت لكيته يخابر وبيده ملف يباوع بي ويحجي
راعوث :- بابا يكول خلص المغذي
عُقاب :- اي بويه جاي روح
راعوث :- بين ما نزلت من الدرج نزل وراي يعبر بايتين تلاثه كعدت يم البنات وخرله المغذي وطلع من الاستقبال
– بقينه كاعدين سوه ملتمين كل وحده تحجي سالفه ونضحك ونذكر ايام احلى لحظات بعمري احب هاي اللمه اخاف يجي يوم افقدها اريد احافظ على لمتنه احب اخواتي احبهن كلهن نفس مستوى الحب كاعده بيناتهن واباوع عليهن احفظ ملامحهن صوتهن ضحكتهن سوالفهن مريت باصعب تجربه ومن المستحيل اتوقع ارجع لاهلي بس رجعتلهم واني بخير ومحد لامسني بس بقت محفوره هاي الذكره بالي ومستحيل يجي يوم من الايام تنمحي من ذاكرتي اتذكر ثانيه ثانيه من الصار من الانفجار لحد مركز الشرطه …
– صار الغروب كامن البنات توضن فرشتلهن سجادات صلن رحت للغرفه ماهوه عُقاب توضيت وصليت وره ما كملت نزلت واشم ريحه تموت بللت شفتي طبيت للمطبخ وشفت المطبخ كله ماعين سفري كبار مسلفنه وزيد يطلع لبره يجيب ويدخل للمطبخ
فرح :- هاج اخذي السفره فرشيها
راعوث :- اخذتها شفت البنات كاعدات وبابا نايم على التخم افراح اخذت مني السفره رحت للمطبخ شفت عُقاب مخصر تك ايد ويدخن بالثانيه مضيق عيونه ويباوع على الاكل وكل شويه عاط
عُقاب :- ديربالكم شعرررر الاكل
ابتسام :- يمه راعوث اني وياج نودي الاكل
راعوث :- اي
– راحت عمتي تاخذ اكل وتودي للاستقبال عُقاب شال ماعون سفري جبير مثل الصينيه مسلفن
عُقاب :- تعاي بابا شيلي
– رحت يم اريد اشيله ماكدر ثكيل
راعوث :- ماكدر اشيله
عُقاب :- ماتكدرين تشيلي
راعوث :- اي جبير
عُقاب :- ابد ماتكدرين ابد
راعوث :- والله ماكدر ثكيل ماتشوفه
عُقاب :- صك على سنونه وحجه بصوت ناصي ، راعوث فرح هنا
راعوث :- جا واذا
عُقاب :- حطي ايدج من جوه
راعوث :- حطيت ايدي
عُقاب :- يله شو شيلي
راعوث :- ماكدر والعباس
عُقاب :- روحي شيلي هذيج الخاشوكه بس وحده ديربالج اذا اثنين تموتين
راعوث :- رحت شلت الخاشوكه وباوعتله عض اصبعه و عاط
عُقاب :- اخخخخخ يالسانييييي
فرح :- كافي شبيكم تتعاركون هسه عمتي تنكلهن كلهن
راعوث :- ماكدر اشيلهن والله يعني اشفتني مثلك اشيل كلشي
عُقاب :- لزميها ولج فرح لزميهاااا
راعوث :- بسرعه طلعت من المطبخ رحت للاستقبال طلعت عمتي من الباب
ابتسام :- ها يعمه شو ايدج فارغه
راعوث :- ماكدر اشيلهن ثكال
ابتسام :- اكو مقبلات اللبن الروبه الطرشي الفواكه جيبي السهلات جا عُقاب انطاج اكبر صينيه
راعوث :- شمدريني ما تحاجي
ابتسام :- تعاي تعاي معليج بي
راعوث :- رحت وياها شلت الماعين الصغار وهوه واكف يدخن ويباوعلي كمت اروح واجي دخل زيد تخصر ووكف
زيد :- ها خويه خو ما ناقص شي
عُقاب :- كله تمام سبع بعد اخوك
راعوث :- طلع زيد لغرفته راحت وراه فرح رحت يم طاوله اخذ عليها الماعين حسيت جسمه طخ بيه ما اهتميت بقيت اسحب بالماعين ايده اثنينهن حاوطن خصري ودفعني اله اكثر انطخيت بجسمه حط ايده على ضهري يريد يدفعني سمعت صوت عمتي كحت بصوت عالي وغصت من صدك كامت تكح
– وخر من يمي عُقاب وانطاها مي
– بسرعه اخذت الماعين ورحت للاستقبال باوعت على السفره متروسه على طول الاستقبال من كلشي جايب سمج دجاج لحم وكل الانواع شوي وكلي ومرك وتشريب وحلويات كل الأنواع وفواكه وطرشي ولبن ومقبلات حرفياً جايب كل الاكلات وانواعهن
افراح :- سوده عليه ليش يراعوث ولج هذا المن الاكل منو ياكله شجاكم سوده عليه منو كال جيبو كل هذا الاكل ولج والله جاي وخبز رحمه من الله
راعوث :- لا عادي بالعافيه والله ال ما تاكل ازعل
افراح :- يمه شجاكم والله ادري ماتقصرون بس مو لهاي الدرجه
راعوث :- چؤ اكلي ومعليج يله كعدن اكلن محد يجي
– كعدن على السفره وبابا يما طاوله صغيره وعليها صينيه بيها كله اكل صحي ويفيده ردت اطلع حجت افراح
افراح :- ها وين
راعوث :- هسه اجي اكلن
– طلعت للمطبخ لكيت عمتي تضحك وكاعده تاكل على الطاوله بالمطبخ و عُقاب كاعده على الكرسي كدامها مرخي روحه يدخن ويباوع على امه
ابتسام :- ها يمه ما تاكلين
راعوث :- وانتو
ابتسام :- جاي اكل يحبيبتي روحي يم اخياتج وكليلهن عذرونه من التقصير بعد روحي مستحيه والله هاي اول طبتهم النه
راعوث :- اي عمه
– باوعت على عُقاب يباوع عليه ويدخن بلعت ريكي ومشيت طبيت للاستقبال وحجيت
راعوث :- عذرونه من التقصير
افراح :- يمعوده كعدي راحه انتو بقيتو شي يا تقصير هذا
– ابتسمت و كعدت ويا البنات اكل ما شاء الله السفره متروسه بحيث كل وحده منه الها صينيه اكل كامله وبقه زايد
ابرار :- والله احس روحي ملكه هاي اول مره بحياتي من جابتني امي ليهسه اول مره اكعد على هيج سفره وهلكد اكل وهلكد اشبع
افراح :- اسكتي فضحتينه لا يسمع واحد
راعوث :- بالعافيه اكلي لمن تشبعين مو شبع عادي لا كون بعد ماتكدرين تتحركين
ابرار :- صراحه احسدج على هاي العيشه
افراح :- ولج اسكتييي اسكتييي شلون بيها هاي اليوم تشيبني اختج هاي شكو تحسديها
ابرار :- لا مو احسد وعلي بس هيه كلمه تنكال
افراح :- يمممه منج ابرار
راعوث :- اباوعلهن ومبتسمه حيل فرحانه حققت الي اريده وجبنالهن كل الاكل وهسه كاعدات يمي وفرحانات وياكلن براحتهن بقينه ناكل ونسولف لحد ان خلصنه افراح كومت بابا يغسل وهنه كامن غسلن بالحمام البره محد موجود اني وعمتي اخذنه الماعين للمطبخ لكيت عُقاب بعده كاعد بالمطبخ
راعوث :- شعندك كاعد هنا
عُقاب :- حتى من تجي اشوفك
راعوث :- عضيت شفتي الجوه رحت يما مدنكه راسي أردفت بصوت خافت
راعوث :- شكراً
عُقاب :- انته بس اطلب واني انفذ
– دنكت ومبتسمه سحبني حيل كعدت بحضنه رفعت شعري وره اذاني
راعوث :- وخر راح تجي عمتي
عُقاب :- هلا بيها خلي تجي ابنها واكع بالعشگ منتهي مايشوف غيرها عروك گلبه بربوگته
راعوث :- سديت قبضه ايدي طكطكن اصابعي كزبر بدني كمت من حضنه و رحت لغرفة زيد دكيتها
زيد :- منو
راعوث :- اني
فرح :- طبي حبيبتي
– فتحت الباب باوعت لعلوش
راعوث :- علوش تعال
علي :- ها
راعوث :- اخذته بالزاويه وحجيت ويا ، علوش انطيك فلوس وتجيبلي موطه حباب
علي :- هسه ماما ماتقبل اطلع
راعوث :- حباب شلون
علي :- هسه اشوف وين الفلوس شكد اجيبلج
راعوث :- انطيك الف جيبلي اربعه
علي :- يله
راعوث :- هسه اجي
– رحت للمطبخ شفت عُقاب توه كام وكفت مقابيله رفعت راسي باوعتله
راعوث :- انطيني الف
عُقاب :- الف شتسوين بي
راعوث :- اشتري شغله
– بين ميطلع المحفظه من الجيب ويطلع منها فلوس يحجي وياي
عُقاب :- شنهاي الفريخات ها ولك شنو من فريخ انته شلون واكف يمي ورافع راسه وطوله نص شبر ماتخليني ابرد نار كلبي بيك ها بويه
راعوث :- طلع دسته فلوس بيهن لاستيكه كلهن حمر سحب خمسه وعشرين انطانياها اخذتها منه
عُقاب :- اذا تريد بعد كلي خوش بويه
راعوث :- هزيت راسي بـ اي وطلعت ركض شاكه حلكي الضحكه ولازمه الفلوس بيدي فرحانه عبالك منطيني عيديه بالعيد مو اني طالبه منه
– رحت للغرفه لكيت علوش واكف يم ابو انطاه فلوس
راعوث :- هاك علوش صرفهن ورجع الباقي
زيد :- شنو هاي شراح تشترين
راعوث :- موطه
زيد :- جم وحده
راعوث :- صفنت اتذكرت خواتي يحبن نساتل وهذني الاكلت ، لا مو بس موطه اريد هواي شغلات
زيد :- المن خيتي
راعوث :- اليه ولاخواتي
زيد :- صدك جذب هوه عُقاب محضرلهن
راعوث :- صدك
زيد :- والله هسه فروحه تنطيهن الج
راعوث :- بس اريد موطه جايب
زيد :- اي جايب كلشي
راعوث :- هاهيه علوش ماريد شي
علي :- بكيفج
راعوث :- رحت للاستقبال لكيت التلفزيون مشتغل والبنات يحجن من طبيت سكتن رحت كعدت يم افراح بست خدها وانطيتها الفلوس
افراح :- هاي شنو ولج
راعوث :- الج
افراح :- صدك تحجين تره ازعل والله العظيم شنو السالفه عندي والله ما محتاجه هاج ياحبيبتي هاج
راعوث :- ماريدها والله اخذيها
افراح :- كلتلج ماريدها
راعوث :- والله اذا ما اخذتيها ابجي وازعل ويعني انتي ماتحبيني هديه مني هاي
افراح :- اخذتها لحضني وحضنتها بكل قوتي ، ولج يمه شنو هاي الحنيه العندج يابعد عافيتي انتي والله اموت عليج البيت خالي بدونج
راعوث :- سمعتها كامت تبجي واني طكيت وياها بالبجي بس اتخيل يوم او يومين ويرحون احس كلبي يتكطع ماريد يعوفوني اريد افراح احبهن اريد اسولف وياهن ونضحك سوه وناكل سوه باوعتلي افراح مسحت دموعي بيدها وتمسح بدموعها
ابرار :- كافي اله تبجنه مو فرحانين
افراح :- هاي دموع الفرح والله فرحانه لان شفت راعوث الله يسعدج ويريح بالج
راعوث :- لا تعوفوني حبابه
افراح :- ماعوفج ماعوفج
راعوث :- حطيت راسي على صدرها واشهك بصوت عالي
شمس :- يله بجيتنه وبجيتن بابا
راعوث :- باوعت لابوي ودموعي تنزل على خدي واشهك شفت دموعه على خده كمت ركض اريد اشمر روحي بحضنه وكفت بطريقي افراح حضنتني وسكتتني
افراح :- كافي راعوث لا تبجين كافي تردين تضوجين بابا مسحي دموعي وكعدي يله
راعوث :- انتي لا تبجين
افراح :- مابجي والله هاي مسحت دموعي
راعوث :- مسحت دموعي وكعدت يمهن بقينه نباوع تلفزيون ونحجي وشربنه جاي نسيت روحي يمهن للـ 11 فرشت لبابا نام وبقينه احنه نسولف علكيف ونطكها بضحكه ويفز ابوي تذكرت الاكل كمت للمطبخ لكيت صافي منضفته كله فرح فتحت الثلاجه لكيت علاكه جبيره سحبتها شفت بيها جبس ونساتل وهلسوالف عرفتها هيه اخذت العلاكه ورحت كعدنه ناكل ونكرز شعور يجنن عبالك عايشه بالجنه فرشت للبنات نامن على سوالفنه وبقت بس افراح نسولف اني وياها باوعت لساعه وشهكت
افراح :- عزه العزاني ولج كومي عيب رجلج روحيله باعي الساعه بـ 1
راعوث :- ما ينام هسه عُقاب بس شويه حبابه
افراح :- لا عيب روحي ماكو خلصت السوالف كلهن نامن روحي يله
راعوث :- اريد انام يمج حبابه هوه كل يوم انام يما بس اليوم يقبل
افراح :- لا ماكو عيب
راعوث :- ماتردين انام يمج
افراح :- لا يروحي بس والله عيب باجر الصبح نكعد سوه ونسولف
راعوث :- باوعتلها ودنكت اريد ابجي
افراح :- صدك نسيت تعاي يمي
راعوث :- تقربت منها سحبت ايدي كعدت كدامها حيل قريبه منها تلمست الخراميش سحبت فالينتي شويه باوعتلي وحجت بصوت ناصي
افراح :- كلتيلي من تنامين ويا عُقاب يخرمشج
راعوث :- اي مرات اني من ادفع ايده او شي اخرمش روحي باضافري
افراح :- يضربج
راعوث :- هزيت راسي بـ لا
افراح :- راعوث احجي عدل وياي يضربج
راعوث :- لا
افراح :- من تنامين ويا
راعوث :- لا
افراح :- ملاحضة تخافين منه كلش ليش؟
راعوث :- ما اخاف
افراح :- يروحي يمه راعوث احجي وياي لا تخافين اذا يضربج يأذيج تعامله مو حلو وياج بس كليلي
راعوث :- لا والله كافي شبيج
افراح :- حاجي كليله يوجعني الخراميش هسه هذا منضر اليشوفه شيكول من غير هاي الاثار
راعوث :- غير مزوجه
افراح :- ادري بس مو لهاي الدرجه يوجعنج
راعوث :- شويه
افراح :- يابعد عمري سوده عليه يماما هذا القدر مكتوب اطلعين اول انتي وتزوجين بهذا العمر اكدر اغيره والله لو انطي عمري ويتغير جا انطيته عمري فدوه الج
راعوث :- لا تضوجين عليه مابيه شي يشتريلي يوميه ويطلعني وياخذني للحصان وجابكم اليه
افراح :- الله يسعدج حبيبتي بنيتي يله تعاي ابوسج حتى ترحين تنامين
راعوث :- بستها و أردفت ، ماريد اروح
افراح :- لا يروحي يله كومي
راعوث :- لا تنامين هسه اجي
افراح :- ولج امشي
راعوث :- طفيت الضوه ورحت للغرفه لكيته كاعد بالكاع ويكتب بدفتر بالانكليزي باوعلي اخذ حسره ورجع كمل تقربت منه دفعت الدفتر والقلم وكعدت بحضنه باوع بعيوني همست
راعوث :- عُقاب
عُقاب :- احجي شتردين مو خاليه السالفه
– ايدي حاوطت ضهره حضنته وحطيت راسي على صدره
راعوث :- شبيك ضايج
عُقاب :- ابني تعبان واعرف سوالفك تريد تنام يم البنات
راعوث :- باوعت بوجها مصدومه ، مين عرفت
عُقاب :- اعرفك بابا يعني شنو غير هاي السالفه
راعوث :- اي حباب خليني انام يمهن
عُقاب :- اشششش
راعوث :- تقبل
عُقاب :- راعوث لا تخليني اتندم جبتهم
راعوث :- بس اليوم حبااب عفييه
عُقاب :- من العصر لهسه يمهن كافي ولا تلحين زايد
راعوث :- بس اليوم والله
– خزرني خزرته التخوف وعاط
عُقاب :- راعوووووث
راعوث :- سكتت ردت اكوم سحبني حيل بقيت كاعده بحضنه كمل كتابه نزلت دمعه من عيني باوعلي مسح الدمعه وباس خدي تقرب من اذاني همس
عُقاب :- لا تبچين وصية الرسول
راعوث :- مسحت دموعي وشهكت بصوت عالي
عُقاب :- اسم الله ابوي
راعوث :- اريد موطه
عُقاب :- دخلتينه بالغميج مين اجيبلج موطه
راعوث :- انته مو عندك
عُقاب :- البالي بالج ؟
راعوث :- شنو
عُقاب :- موطه موطه
راعوث :- اي موطه شبيك فرح كالت عند عُقاب موطه بليل ينطيج
عُقاب :- انتي لو فرخه لو فريخه
راعوث :- ليش خليني انزل اشوف اكو بالثلاجه
عُقاب :- اي واذا ماكو تعال عندي مو تدلل شلون اخليك تنام بدون موطه
راعوث :- صفنت عليه نضرته وكلامه غريبه حسيت اكو شي غريب كمت من حضنه نزلت جوه فتحت الثلاجه لكيت اخذت اثنين وصعدت
راعوث :- هاي الك
عُقاب :- لا حبيبي ما اكل اكلهن اثنينهن
راعوث :- كعدت يما فتحت الموطه واكلت هوه يباوعلي
عُقاب :- هاي تدربين بيها
راعوث :- شنو
عُقاب :- اكلي الموطه عدل شو تعضين
راعوث :- اطيب هيج
عُقاب :- سنونج بابا اكلي عدل
راعوث :- هوه هيج عدل يعني شلون اكلها
عُقاب :- اعلمج شلون
راعوث :- چؤ اطيب اعض
عُقاب :- الله يساعد الباشا
راعوث :- خطيه شبي هذا الرجال
عُقاب :- سالفته سالفه
راعوث :- شبي
عُقاب :- يريد موطه
راعوث :- مايشتري
عُقاب :- يريد من راعوث
راعوث :- اسم الله دخيلك يابو فاضل يعرفني
عُقاب :- يابويه عشره معاشرج
راعوث :- هذا جني لو شنو شو اني ما اعرفه
عُقاب :- خليج لا تعرفي احسن
راعوث :- ما تكتب شو تباوعلي خاف اشتهيت موطه
عُقاب :- اخخخ بويه
راعوث :- والله طيبه
عُقاب :- صدك
راعوث :- والعباس
عُقاب :- الباشا يريد اغرائات
راعوث :- انزعله
عُقاب :- ينسطر وسيراميك الحمزه خو اذا تنزعين وتاكلين بالموطه عدل مو تعضعض صاحبه يدخل مستشفى مجانين
راعوث :- يعني هوه وصاحبه عليه
عُقاب :- هههههههههههه اكلي بابا اكلي مو يمج السالفه
راعوث :- تره زعلانه لا تشوفني احجي وياك مكيف
عُقاب :- ليش يابه
راعوث :- ماتخليني انام بحضن افراح
عُقاب :- ليش ما تبجين على حضني هيجي؟
راعوث :- انته مستهتر
عُقاب :- اني مستهتر
راعوث :- اي
عُقاب :- شمسوي
راعوث :- اشكال
عُقاب :- احب الاستهتار وياك
راعوث :- خليني اروح حباب
– ورث الجكاره اخذ نفسر وزفره فتح الابتوب وكمل شغله بدون ما يجاوبني
راعوث :- يعيشون عدنه
عُقاب :- يابويه حتى بعد ماشوف وجهج
راعوث :- اسم الله انته ليش ما تنام
عُقاب :- الذيب ما ينام
راعوث :- اني اليوم اريد اصير ذيب وما انام
عُقاب :- روحي نامي راح تنشكين
– سحبت باكيت الجكاير والجكاره من بين اصابعه وعطت
راعوث :- طفيهااا طفيها اختنكتت كافي جكاااير جكاير
– كمت من يما طفيت الجكاره بالنفاضه سمعت صوته الحاد
عُقاب :- منو بالسياره كال ماتغثني ريحه الجكاره؟
راعوث :- ابوك
– رحت نمت على الجربايه ما حاجاني بقه يكمل شغله بقيت اتكلب عيوني يغمضن وافتحهن اريد ابقه كاعده وره نص ساعه حسيت استسلمت للنوم هستوني غمضت وسمعت همسه باذاني
عُقاب :- منو كال اليوم ما انام
راعوث :- نعسانه
عُقاب :- شكد حلوه اليوم من فرحانه تردين الروح
راعوث :- عُقاب
عُقاب :- ها ابني
راعوث :- اهلي يدرون بزينب
عُقاب :- لا حبيبي
راعوث :- ضاحك علينه كلنه
عُقاب :- جا شلون اريدگ
راعوث :- عُقاب
عُقاب :- ها بويه
راعوث :- اشتهيت
عُقاب :- اهخخ ششتهيتي ناويه نسبح الفجريات
راعوث :- حليب بالككو
عُقاب :- مين اجيب بهذا الوكت
راعوث :- والله راح اموت اشم ريحه حليب بالككو
عُقاب :- اكو حليب عادي اله بالككو
راعوث :- ما اله ككو
عُقاب :- الساعه بـ 3 وين اكو محلات
راعوث :- تقبل اموت
عُقاب :- هوه شنو تموتين على الحليب تموتين
راعوث :- اي اريد حليب بالككو
عُقاب :- بابا باجر اجيبلك درزن والله
راعوث :- ماكدر اموت تفهم
عُقاب :- هسه شذكرج بالحليب بتالي الليل
راعوث :- ابنك
عُقاب :- كو** ابني
راعوث :- مث.. ، ردت اكول مثلك سكتت عضيت شفتي الجوه
عُقاب :- هسه مين اجيبلج
راعوث :- مادري جيبلي
– شفته كام كمت وراه راد ينزل بالدرج باوعلي
عُقاب :- وين بويه
راعوث :- انته وين راح تروح
عُقاب :- اشوف بلكت محل مفتح
راعوث :- اروح وياك
عُقاب :- كرصيها دودتج وطبي نامي
راعوث :- والله اروح وياك
عُقاب :- طبي لبسي جاكيت
راعوث :- كول والعباس ماتعوفني
عُقاب :- والعباس
راعوث :- والحسين
عُقاب :- والحسين وشريفه بنت الحسن والكاضم والكفل زينب ماعوفج
راعوث :- ههههههههههههههه
عُقاب :- بربوگه امشي كعدتي العالم
راعوث :- رحت لبست جاكيته وصعدت بالسياره بقه يفتر ماكو سنطه ولا محل مفتح طبك يم محل معزل وخزرني خزره كمت اباوعله بطرف عيني وادنك وارجف بعد كلشي ماريد
راعوث :- بطلت والله ماريد حليب
– فتح الباب هوه وخازرني نزل طبكها حيل راح دك باب الناس بقه يدك محد يفتحها وره 5 دقايق فتحها ولد باوعله باستغراب و خاف سمعت صوتهم
– اهلاً سيدي صاير شي
عُقاب :- اعتذر على الازعاج بس محتاج تفتح المحل ضروري
– خير انشاء الله
عُقاب :- مرتي حامل وتتوحم وتريد حليب بالككو لا اكدر اعوفها لباجر ولا عدنه بالبيت
– مو تدلل هسه افتح المحل
راعوث :- احس راح اموت من الخوف خاف يصيح عليه فتح المحل اشتره علاكه كامله كلها حليب بالككو دفع فلوس واجه انطاني العلاكه و حرك الستيرن
عُقاب :- شايفه اذا ما طلعتي حامل احبلج مو بتؤام لا كل 9 اشهر اربعه فروخ اسوي بيج صرع من دوخت الفريخات
راعوث :- شمدريني انييييي شمدريني يمته كلتلك حامل بس اشتهيتتتت حليب بالككو
عُقاب :- **** بعماتج كلهن
راعوث :- وبعماتك
عُقاب :- ها عرفتي **** شنو
راعوث :- درت وجهي لجامه فتحت الحليب وشربته رجعنه للبيت غسلت رحت للغرفه لكيته نايم على الجربايه نمت يما ونداريت لجهة الثانيه حسيت ايده حاوطت خصري تقرب مني اكثر وباس راسي همست بصوت خافت
راعوث :- ضجت مني
عُقاب :- الف عافيه ابني
راعوث :- درت وجهي اله باوعتله وابتسمت حطيت راسي يم ركبته اخذت نفس وزفرته غمضت عيوني وغفيت بين ما افكر
– شلون صرت احس بالأمان يما شلون صرت اطلب منه شي اريده او فلوس بدون ما استحي شلون تعلمت عليه وما اخاف منه وانام ويا شنو هذا الشعور ليش عندي شعور اتجاها غريب ليش صرت احب حتى عصبيته من يحجي وياي كلام حلو ليش كلبي تصير نبضاته مو منتضمه ودي احضنه وابوسه اني مو بجيت وما اريده شو صرت اريده هسه واذا واحد كلي ترحين ويا اهلج لو تبقين يما احس قرار صعب ليش كل هذا جاي يصيرلي معقوله حبيته؟ …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.