رواية راعوث – الفصل الثاني والعشرون
part 22 ”
– نايمه واسمع صوته فتحت عيوني علكيف شفته سابح ويسد بدكم القميص يم المرايه
عُقاب :- يله بويه كعدي نروح للبصره
راعوث :- بعدني ما صاحيه وبردانه حيل لافه روحي بالغطه أردفت ، باااارده
عُقاب :- كومي بويه لان نايمه
راعوث :- والله ما
عُقاب :- بردانه ؟
راعوث :- اي راح اموت اريد بعد غطه ، حسيت ثكل عليه فتحت عيوني شفته فوكاي تقرب يم اذاني شواربه طخ باذاني وخدي سرت بجسمي قشعريره غمضت عيوني وفتحتهن
عُقاب :- منو بليل يتكلب وطالعه بطنه اغطي يرجع يشمر اللحاف
راعوث :- انفاسي سريعه أردفت بصوت يرجف ، من منو
عُقاب :- واحد
راعوث :- اريد اكوم
عُقاب :- مو بردان
راعوث :- حاره اريد اسبح
عُقاب :- احح تسبحين
راعوث :- اي وخر ايدك حباب
عُقاب :- يكولون اذا الزوجين يسبحون سوه تقوه العلاقه !
راعوث :- فتحت عيوني على وسعهن وارجف ، ها
عُقاب :- اي نجرب نشوف تقوه لو لا
راعوث :- عوفني حباب
عُقاب :- *** اخت الحباب شجلبتي بهاي حباب
راعوث :- اباوعله بتوسل ، حباااب
عُقاب :- هههههههه اركضي راح احسب منا للعشره اذا ماجهزتي نسبح سوه
راعوث :- اي والله بس وخر
– وخر مني وحسب
عُقاب :- 1
راعوث :- ركضت طلعت ملابس ردت اسبح بس خفت يكمل حسب غسلت وجهي ولبست عسريع شلون ما جان وطلعت
عُقاب :- 8
راعوث :- كملت والله
عُقاب :- عفيه
راعوث :- بقيت واكفه يما منتضرته واكف يم الميز يكلب بالدفتر ويقرأ مزك ورقه كورها بيده وشمرها بسلة الزباله باوعلي ورجع كتب بالدفتر فتح الموبايل دز صوتيات بالانكليزي اخر شي دز
– اني جاي للبصره
راعوث :- سد الاتصال تعبت واني منتضرته وهوه يباوع على جسمي ويدير وجها ، نعسانه يله انته مو كلت نريد نروح ليش خليتني اكوم من النوم ، جاي احجي وياك تسمعني ، ليش ماتجاوبنيييي ، والله اله ارجع انام
عُقاب :- ام الاسفنجه بنفسجي
راعوث :- وياي ؟
عُقاب :- غيري لبسج لا يصير شي مايعجبج
راعوث :- شبي لبسي
– باوعلي عيونه حمر وعاقج حواجبه بعصبيه تقرب مني انفاسه عاليه لزم البدي شكه عليه
– رجعت لوره و شهكت فتحت عيوني على وسعهن وكمت اصرخ لزمت البدي سترت روحي وجسمي كله يرجف نزع قميصه شمره بالكاع وطب يسبح وهوه سابح اول ماكعد
– كمت ابجي بصوت عالي واشهك رحت ادور بالجنطه ملابس واناشغ طلعت ملابس اريد البس خاف يطلع وشلون ابقى بالمشكوك وكفت بصف الكنتور عيوني على باب الحمام نزعت باوعت على الستيا** بنفسجي صفنت وبسرعه لبست غيرهن رحت افتح بالباب مقفوله كعدت على الجربايه وابجي
– طلع من الحمام خزرني وراح لم غراضه اجه يمي خفت ادنيت لوره واشهك رافع راسه يباوعلي وحط غراضه بالجنطه سد السحابه وخازرني خزره احس رجليه جمدن ماكدر احركهن او اكوم
عُقاب :- لا تبجين
راعوث :- مدنكه وزدت بالبجي وامسح بعيوني بردن البدي ودموعي ماتتوقف شال الجنطه وشمرها على الباب صارت طكه قويه عاط
عُقاب :- لا تبجيييين
راعوث :- باوعت بعيونه واحس اختنكت اريد اجر النفس ماكدر ودموعي تنزل فاتحه حلكي اريد اجر النفس ماكو جاب بطل مي و اجه يمي خاف عليه حيل غسل وجهي تنكع الفراش وملابسي شربني مي من البطل
راعوث :- اريد افراح
عُقاب :- اششش ابني كافي بجي
راعوث :- ابوس ايدك رجعني لاهلي ، ثنه رجله وكعد مقابيلي مسح دموعي وخدي رفع شعري وره اذاني
عُقاب :- اريدج يمي
راعوث :- بس اني اريد اهلي
عُقاب :- اريد اخذج للبصره ارجع من الشغل اشوفج كبالي
راعوث :- اباوعله وابجي واني افكر معقوله راح اعوف بغداد راح ارجع للمحافظة الي نخطفت بيها راح اعيش ويا و كل ساعه لزمني وحضني ويبوسني اباوعله وشهكت بصوت عالي
عُقاب :- اسم الله بويه
راعوث :- احجي واشهك بين كل كلمه ، تقبل اخذك من ابوك
عُقاب :- ابتسم تك خد بعدم اهتمام وأردف ، عادي
راعوث :- يمكن انته تكره ابوك تقبل اخذك من امك
عُقاب :- اذا انتي تاخذيني عادي
راعوث :- لا هيج مره تاخذك وتحضنك وتبوسك وتشك قميصك ، صفنت استوعبت الجاي احجي ضحك بصوت عالي
عُقاب :- بوسيني وحضنيني حتى اجرب الشعور واكلج اقبل لو لا
راعوث :- رجعت ابجي ازيد ، اريد بيت اهلي ماريد بيتكم
عُقاب :- هسه هوه شلون بيت
راعوث :- لا تحجي على بيتنه اريد افراح وشمس ورقيه وابرار
عُقاب :- ياابويه يابويه هاذا نويصر شكد مسوي فريخااات
راعوث :- مو فريخات بنااات
عُقاب :- هاذا ابوج مايفوتله ليلة
راعوث :- اباوعله بعدم فهم ، يا ليلة
عُقاب :- كومي لا نطب بالغميج
راعوث :- ماريد اروح خلي نبقه هنا حباب
عُقاب :- عاجبك نبقه وحدنه
راعوث :- لا بس اريد ابقه هنا ، كام شال الجنطه أردف بتحذير هوه وطالع يمشي بهيبه وثكل
عُقاب :- ال ما يسمع كلام عُقاب خلي يحسب اسمه باعداد الموته
راعوث :- كلبي رجف بعد ماحسيت على روحي من الخوف لكيت نفسي امشي وراه لزم ايدي وطلعنه صعدت بالسياره شغل السياره وباوع خاف اكو سيارات وراه
راعوث :- اخذني لاهلي بس اشوفهم حباب
عُقاب :- اشش
راعوث :- والله بس اشوفهم
عُقاب :- ملحه زايده ماريد
راعوث :- سكتت ودنكت راسي والدمعه بطرف عيني انطلقنه للبصره وصلنه لبيتهم نزلت لزم ايدي دك الباب دكه خفيفه وفتحها طبينه شفت ولد يلبس بالنعال يريد يفتح الباب بس باوع على عُقاب شكت حلكه الضحكه
زيد :- هلااا هلا حبيبي هلا عريسنه الف مبروك ، اجه حضن عُقاب وباسه ، الف مبروك خويه هلا بيك شلونج خيتي نورتينه والله تفضلو تفضلو
– عُقاب بيده السويج شمره بايد الولد و أردف بتعب
عُقاب :- الجنط بالسياره جيبهن ودخل السياره للكراج
زيد :- من عيوني تفضلو
راعوث :- طبينه باب على الاستقبال تلكتنه امه حضنتني والابتسامه شاكه حلكها وعيونها يلمعن ومبروك وهلهلت ماحسيت اله عُقاب مختفي ادور عليه بعيوني ماهوه
ابتسام :- كعدي يمه كعدي ارتاحي شونج يحبيبتي يروحي عساج زينه
راعوث :- كلت بصوت ناصي ومخنوك ، زينه
ابتسام :- يمه لا تستحين البيت بيتج اخذي راحتج
راعوث :- سكتت ومدنكه راسي طبت فرح ابتسمتلي كمت حضنتني باست خدي
فرح :- الف الف مبروك يروحي الله يسعدج ويهنيج بحياتج الجديده
راعوث :- ابتسمت وكعدت جابتلي مي شربت كعدت يمي ام عُقاب وتباوعلي ومبتسمه شربت كمعه من المي فرح طلعت بره شويه سمعت صوت فرح عاطت
فرح :- لا تسوين مشاكل زينب عُقاب بعده بالبيت
راعوث :- رفعت راسي طبت بنيه جبيره
أردفت باستفزاز
زينب :- شرفت بواكة الزلم
أردفت بتحذير
ابتسام :- صيري عاقله عيب
راعوث :- عليه تحجي ؟
زينب :- اي عليج جان استحيتي كاعده ومرتاحه هاي لو اني بدالج اضم روحي بالغرفه
راعوث :- شمسويه
زينب :- ماتعرفين شمسويه لهسه خايفين وماكلتولها والله يالله شتسوي يعني اذا كلتولها اني مرته تخافون ترجفون منها
راعوث :- مافهمت كلامها باوعتلها باستغراب
زينب :- اي عيني مثل ما سمعتي اني مرت عُقاب
راعوث :- فتحت عيوني على وسعهن وكلبي كام يدك سريع ايدي ترجف من وحدها والتفكير نهش عقلي الكلاص بيدي من كد رجفت ايدي بعد ماكدر الزم شي وكع بالكاع ونكسر الكاع سيراميك بس بنص الاستقبال قطعه صغيره الكلاص وكع على السيراميك وتكسر واني ماحس صافنه عليها وفاتحه عيوني على وسعهن وكلبي يرجف احاول استوعب ماكدر معقوله متزوج معقوله ليش ما كالولي يعني هم مجبوره وهم متزوج بابا يدري افراح تدري شصار ليش محد يكلي واحس كلبي مقبوض بس اتخيل هاي مرته مدري شيصيرلي
ابتسام :- يايمه انكسر الشر كومي يمه كومي معليج بيها هاي السكط كومي يحبيبتي تعاي فرح اخذيها لغرفة عُقاب
راعوث :- اجت فرح لزمت ايدي كومتني واني صافنه على البنيه تباوعلي من فوك لجوه اخذتني فرح صعدت بالدرج باوعتلي
فرح :- والله ما يريدها ولا يحبها يروحي والله يطلكها معليج بيها ضايجه منج وحده سا** ماتستحي راح تموت منج لان صغيره وحلوه
راعوث :- الدرج بي لوفه صعدنه كدامي ممر صغير على اليمنى باب الحمام وكدامي باب مسدوده صايره على اليسرى وهاهيه طبيت للغرفه واسعه بس هوسه ملابس رجاليه بالكاع كدامي برده تول ابيض حيل جبيره وراها شباج وباب كله طبك من زجاج الباب اطلع على البلكونه بس قافلها مايقبل احد يطلع لان شارع ضوه الغرفه ازرك طوخ الغرفه ما بين الضلمه ومضويه كعدت على الجربايه فرح شغلت الضوه وكامت تلم بالغراض مستحيه تشيل الملابس ويوكعن الاوراق من بين الملابس والملفات بالكاع ولابتوب والاوايرات عافت الي بايدها اخذت حسره
فرح :- عذريني على هوسة الغرفه بس والله العظيم عُقاب مايقبل احد يدخللها هستوه فتحها جانت مقفوله
راعوث :- هاي وين واني وين عافتني وطلعت نمت على بطني وعصرت المخده حيللل اطلع كل القهر الي بداخلي فاتحه حلكي واجر النفس جر واحس كلبي يرجف
– كلبي يكلي هاذا شي يخصني ماريد وحده تشاركني بي شلون متزوجها يحبها اكثر مني يشتريلها ويطلعها وينام يمها لو لا
– وعقلي يكلي جذب عليه لازم اطلك هاذا حقي لان ما ادري بي متزوج لازم اعوفه يا اني يا هيه انفتح الباب دخل عُقاب …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.