رواية راعوث – الفصل الحادي عشر
– انفتح الباب انداريت دخل نفس الشخص الشفته بره من كد ما عملاق وطويل دنك ودخل من الباب هوه ويتقدم ناحية الكرسي بمشيته الكلها هيبه وثكل ورزانه أردف بصوت مستهزأ ..
عُقاب :- هلا باليسطر سطر وكلش خطر
راعوث :- دنكت راسي والعب باصابع ايدي كعد مقابيلي على الكرسي رجع ليوره ورخـه روحه على الكرسي وحاط ايده منا ومنا على ايد الكرسي ومحبسين بايده واحد باصبعه الخنصر والثاني بالبنصر وكل محبس اكبر من الثاني حيل كبار وجكاره بين اصابعه اخذ نفس من الجكاره ويباوع عليه بنضرات حاااده ،
عُقاب :- اي شو كولي اني بريئه
راعوث :- والخلق الكون اني بريئه ، ضحك واهتزت اكتافه ضحكته مرعبه وكلها رجوله
عُقاب :- ههههههه اخذ حسره ، اي كملي
راعوث :- ابلع ريكي واشهك وره كل كلمه ، والله والله اني بريئه همه خطفوني ويردون اشتغل مثلهم والله صارلي بس يومين عدهم
عُقاب ::- شگد عمرچ ؟
راعوث :- عفيه رجعني لأهلي
عُقاب :- كلمتي ما اثنيها !!
راعوث :- ارجف عضامي طكطك من الخوف وغاصه بعبرتي وايدي ترجف همست بخوف ، 16
عُقاب :- مجرمه متهمة بتهمة قتل وتهزين خصر لرايح والجاي وليلتج ماتناميها اذا مو بحضن فريخ كو** كل هاذا وعمرج 16 !!؟
راعوث :- بس اسمع مني ، ردت اكمل كلامي أردف
عُقاب :- يلي مجنني ، ضحك ضحكه مرعبه كزبر بدني
راعوث :- عفيه اسمعني ارجوك والله اني مالي دخل بيهم ولا مثلهم ولا اشتغل عدهم تعرضت لانفجار وكعدت لكيت نفسي بهاذا المكان وروح امي
عُقاب :- اسمج ؟
راعوث :- را راع راعوث ، كلبي يرجف من وحده احس راح يطلع من مكانه من ضخامته وصوته اليرعد رعد حتى لو جان يحجي بصوت هادئ مايهدأ صوته عصبي مثل شكله وضخامته أردف باستغراب
عُقاب :- راعوث ؟!
راعوث :- هزيت راسي بـ اي
عُقاب :- جذبي عدل المره الثانيه ، ايمان شتقربلچ
راعوث :- ما اعرفها
عُقاب :- غزوان ؟
راعوث :- ما اعرفه ، اخذ نفس من الجكاره رفع راسه وزفر الدخان ليفوك أردف
عُقاب :- ليش جنتي ويا بنفس الغرفة
راعوث :- دنكت راسي وصافنه شكول لدرجة من الخوف حسيت نسيت شصار وشلون صرت يم غزوان انفاسي مسموعه مغمضه واحاول احجيلي كلام منطقي ومفهوم
عُقاب :- فكريلج بجذبه معدله خوش بويه
راعوث :- لا والله وروح امي ما اجذب والله ايمان اخذتني لهاي الغرفه وبعدين هوه دخل عليه ، ابتسم تك خد ويباوع بنضرات مستهزأ انو اني جذابه
عُقاب :- دخل عليج ، كملي
راعوث :- قفل الباب اجه يمي سكتت مدنكه شكول ماكدر احجيله اكله تلمسني لو دخل اصبعه بحلكي مدنكه راسي وغمضت عيوني بتوتر اريد كلمه بيها حض كل الكلام طار
عُقاب :- بربوگه تقربلج !؟
راعوث :- بس لزم خدي ، قشعر بدني من حجيتها ، بسرعه عضيت ايده وركلته بطنه
عُقاب :- هههههههه بطنه ؟
راعوث :- رفعت شعري وره اذاني بلعت ريكي همست ، اي
عُقاب :- بس خوش ضربه معدله بعد مايكدر يسوي فريخات
راعوث :- مدنكه اباوع على ايدي ترجف وحدها والمكسوره احس العضم يصل احس راح اوكع الغرفه تفتر بيه
عُقاب :- كملي
راعوث :- رفعت راسي رمشت مرتين ، بعد مايكدر يوكف كعد بالكاع رحت دورت على المفتاح ماهوه مادري وين جان صرخت حتى يجي واحد يساعدني بس محد اجه شفته صحصح من الضربه يريد يكوم بسرعه رحت ضربته برجلي على وجها لزم رجلي وبعد مايهدها ويحجي كلام مو حلو يغلط عليه ويسب ضربته بصلعته ، ضحك بصوت عالي مرعب بلعت ريكي كملت كلامي ، وسحبت رجلي منه رحت على الكنتور طلعت خنجر وانتو اجيتو
عُقاب :- ما شاء ﷲ بيبي هالگ !!
راعوث :- أيست من كلامه ونضرته درت وجهي صفح صافنه شكول واخلص ماهيس اله بطوله وضخامته واكف بصفي مخصر تك ايد والايد الثانيه على الميز وينفض برماد الجكاره على الميز عيونه مضيقهن ويباوع عليه
راعوث :- سيدي والله اني بريئه
عُقاب :- اشششششش
راعوث :- سرت رعشه بجسمي من صده صوته بالمكان
عُقاب :- رفعي راسچ
راعوث :- من الخوف من صوته اليرعد رعد وضخامته بسرعه رفعت راسي صوته مخيف ضخامته مخيفه بحيث صرت جواه بكد النمله وهوه فوكاي شكبره بس كف ايده يخوف
عُقاب :- احچي الحقيقه
راعوث :- والله كلشي حجيته صدك اني من بغداد وبابا اسمه ناصر وعندي اربع اخوات ماما متوفيه ابوي فقير ماعنده فلوس بس متحمل العيشه علمودنه ويحبنه كلنه ومايفرق بيناتنه وهسه خايفه صايرله شي من خوفه عليه اتمنى ارجعله واحضنه والله بعد اتوبه اطلع اختي الجبيره بعد كم يوم عرسها وجاي تحضر روحها واني طلعت وياها لسوك وصار انفجار صحيت لكيت نفسي بالخيمه مالت هذوله الناس وهسه اختي حتى زواج ماراح تزوج اعرفها علمودي دنكت مسحت دموعي النزلن على خدي ، وهوه يدخن ويستمع اليه وبعيونه نضرة شكوك ،
عُقاب :- اسمج الثلاثي
راعوث :- راعوث ناصر ……. ، فرك كصته شمر الجكاره بالكاع وداسها برجليه
عُقاب :- بيتكم بالـ……
راعوث :- فتحت عيوني على وسعهن فرحه انو يعرفني وصدمه مين عرف أردفت بحماس ، اي
عُقاب :- ناصر شغلج بهاذا المكان لان فقير احجي ، ضرب الطاوله بايده أردف بعصبيه ، بسرعه وحرف حرف
راعوث :- والقران خطفوني هذولي الناس والعذراء والمسيح وامة محمد خطفوني ويجبروني البس مثلهم و اسوي مثلهم ويردون يبيعون اعضاء جسمي ويردون يبيعوني اصلاً اني فرحت من اجيتو عبالي راح تنقذوني مادري راح اتعذب اكثر ، اخذ نفس من الجكاره زفر الدخان أردف بثقه
عُقاب :- منو يوصلج و عُقاب بضهرج
راعوث :- دنكت راسي وگلبي يـدك سريع ..
عُقاب :- مسيحيه !!؟
راعوث :- امي مسيحيه
عُقاب :- ابوج ؟
راعوث :- شيعي
عُقاب :- مسلمه !؟
راعوث :- اني مسلمه وﷲ ، صافن بعيوني ويسحب النفس ويزفره ركز على شفتي عض شفته الجوه
عُقاب :- رفع اصبعه وحركة على شكل دائره وأردف بصوت حاد ، اكدر بفره من اصبعي اطلعج منا
راعوث :- سديت قبضه ايدي طكطكن اصابيعي ، بستر اخواتك طلعني
عُقاب :- لا تعبيني
راعوث :- والله ماتعبك
عُقاب :- حسج ماينسمع !!
راعوث :- امم
عُقاب :- نفس ماريد حركه منا منا ماريد تره بحركه منج تندزين لاقرب مقبره فهاوه ماريد تلكلك ماريد
راعوث :- هزيت راسي بـ اي
عُقاب :- ابقي بمكانچ
راعوث :- عافني وطلع تاخر هواي واني اباوع يمنى ويسرى واكوم افتر بالغرفه اكعد بمكانه احط راسي على الطاوله واغمض احاول اهدى كامت تنزل دموعي وحده وره الثانيه ليش انطاني امل ليش جذب عليه شبيه صدكت بي اجيت لهنا بعد مستحيل اطلع بقيت ابجي والف تفكير بالي وره نص ساعه وطب بيده ستره باوعلي بنضره حاده عاط ..
عُقاب :- بجي مااااا اريد
راعوث :- مسحت دموعي بـ ردن البدي وكلت ، عبالي ما راح تجي وتساعدني
عُقاب :- كلتلج كلمتي وحده ماتصير اثنين ، كومي اوكفي زقچه لازم انام بالكاع واحجي وياج
راعوث :- كمت نكتت ملابسي وكفت يما واكفه يم عملاق مو بشر عيوني بصدره رفعت راسي باوعتله مبتسم تك خد واصل حد طولي جوه صدره ماهيس اله ايده محاوطتني بسرعه دفعته من صدره ورجعت لوره انطخيت بالستره لازمها يريد يلبسني
عُقاب :- بربوگه الشريفه لبسي الستره
راعوث :- دخلت ايدي بالردن ولبستها أردف
عُقاب :- امشي وراي
راعوث :- مشيت وراه بالباب حجه واحد من الضباط
عُقاب :- بس سيدي الرائد
عُقاب :- انتبه لشغلك
راعوث :- اركض وراه ركض ماكدر الحكه اني اركض وراه وهوه يمشي طبيعي بس مشيته سريعه وكف يم السياره واشرلي بعيونه بمعنى صعدي بسرعه صعدت ليكدام صعد سد الجامات لبس النضاره الشمسيه سحب الكير وفر الستيرن يسوق بايد وحده والثانيه لازم باكيت الجكاير فتحه باصبعه الابهام وسحب الجكاره بشفايفه شمر الباكيت سحب الجداحه شغلها اكثر من مره وشتعلت الجكاره
عُقاب :- اخذ نفس وزفره أردف ، الطريق من البصرة لبغداد بحدود 5 ساعات فـ لازم ناكل شي
راعوث :- ساكته احس الدنيا ما سايعتني من الفرح معقوله راح ارجع لاهلي يارب حتى لو حلم لا تكعدني منه بس خليني اشوف ابوي كلشي ماريد لا اكل ولا نوم حتى لو اروح مشي عادي بس اريد ارجع لأبوي وبيتنه اسمعه يدردم
عُقاب :- يا مطعم ، يا مطعم
راعوث :- طبك يم مطعم ونزل بقيت كاعده وحدي وافكر راح ارجع لاهلي واذا يجذب عليه مكان مو زين شلون صدكت بي ليش مايحاجو الشرطه ياربي رجعني بسلامه يارب اني تحت رحمتك رجعني سالمه يارب
– وره دقايق واجه بيده صينية مشاوي وشوربه وبطلين ماي وقوطية ببسي وباكيت عصير حطها بحضني ونزل من السياره انتجه على السياره شابك ايد وحده والثانيه يدخن بيها من كد ما ضخم ماخذ عرض الجامه وسيارته عاليه كل هاذا وهوه اطول منها بهواي بقه بره نص ساعه واني ما اكلت لكمه وحده ولا شربت مي وره نص ساعه صعد بالسياره داير وجهة يباوعلي وسد الباب طبكها حيل باوع على الاكل وعليه
عُقاب :- ما ماكله شي؟
راعوث :- دنكت راسي و أردفت بصوت ناصي ، ما اشتهي
– سحب الصينية من حضني وكعد يسوي لفات وياكل وفتح الببسي بشربه وحده خلصت القوطيه شمرها بالعلاكه عصر الليمون على المشاوي وسوه لفه بصل وطرشي وخضره وطماطه شوي والمشاوي كلهن صوص وبعد عصر ليمون على اللفه بيده كلينس حاطها جوه حلكه وعض اللفه والصوص وليمون ينزل على الكلينس نشف حلكي كمت امطك وبلل شفتي اللكمه بحلكه ويحجي
عُقاب :- هممم اويليييي عاشت ايدددده
راعوث :- حسيت راح اموت من الجوع اني الجان بالي فكرة الاكل مو نضيف ردت اموت ليش ما اكلت الله ياخذج مو طلع وانطاج مجال تاكلين ليشش ماهيس اله ايده الضخمه كلها عروق كدامي ولازم اللفه باوعتله رمش واشرلي على اللفه براسه وأردف
عُقاب :- اكلي لخاطر نويصر
راعوث :- احس اريد اخذها بس مادري شنو اليمنعني
عُقاب :- اكلي بويه
راعوث :- اخذت اللفه وبقيت اكل بيها هوه مسوي لفة لازمها بيده يباوع من الجامه واني اكل علكيف احس معدتي توجعني انتضر ثواني تهدأ واكل باوعلي بعدني اكل باللفة حط الصينيه بحضني فتح العصير ونطاني لزمته شربت منه
– نزل من السياره كعد على الصبه بره فاتح رجليه يباوع بالموبايل وبيده الجكاره مورثها وعاقج حواجبه بعصبيه
– الخلخال برجليه ضايقني بس اتحرك يطلع صوت مزعج نزعته وحطيته بمكان مال بطل مي ورجعت اكل كملت اكل حطيت الصينيه على الكشن مالته وره شويه واجه فتح الباب لم الباقي بالعلاكه وحطهن على الكشن الوره ركب السياره وانطلق
– بقيت اباوع على الطريق مرينه على محلات وارياف البصره متروسه نخل الجو بدأ يغيم الجو يخنك السياره سريعه صوت السيارت يمر من يم السياره يفزز كلبي رخيت جسمي على الكشن ومركزه بالسمه والنخل والبساتين الجو برد بس السياره دافيه شويه بقيت استغفر و سمي بكلبي عيوني يغمضن وحدهن اريد اغفه بس اخاف انام واني ويا رجال وحدنه بسرعه اكعد افرك عيوني وحرك روحي حتى اصحصح عيوني يحركني افتح بعيوني حيل وعض شفتي الجوه حتى ما اغفه اخذ نفس وزفره اعصر بايدي حيل وافكر شلون استقبالهم راح يكون يفرحون يضوجون شراح يصير
– رفع الاسلكي سمعت صوت واحد يحجي انكليزي تغيرن ملامحه وصار نار لهيب رد عليه بالانكليزي مافهمت شيحجون شمره واخذ نفس بعصبيه سحب جكاره ودخنها شكد يدخن أردف بدون مايباوع بيه
عُقاب :- خو ما تغثج ريحة الجكاير
راعوث :- حتلو نغثيت اكيد ما راح احجي دنكت العب باصابيعي أردفت بصوت ناصي ، چؤ
– اتصل موبايله رفعه بعصبيه فاتح عيونه على وسعهن وخزر خزره كانو يما الي بالاتصال وحواجبه رافعهن من يحجي ويرتفعن شواربه ارجف من يمي صوته الخشن العالي يمي قريب كمت ادنه على الباب من الخوف وكوه اجر النفس احس معدتي مدري بطني مدري كلبي كام يوجعني من الخوف واجر النفس جر بقيت جامده بمكاني ماريد اتحرك خاف احصلي صمخه لو ضربه يصيح ويفر الستيرن بايد وحده والسياره تشخط شخط كمت انطق الشهادة على روحي لان كلت راح تنكلب السياره بينه
عُقاب :- راااائودي هااااااا رائودي حبيبييي شلونك مرتاححح اجيبلك كهوه تريح اعصابك تروقك روقاان لا لا ماكو شي لا تخاف غزواااااان الفررررريخ شلووون كدر ينهزم هاااا ولككك اخخخخ اذا الزمكم ابو الحسن ووووين مو خليته يمااااا انعل والديكم مستشفى شكبرها حطيت كل حارس بجهة ماشفتو *** بخواتكم اخ الكح** ابو الحسن ، عض شفته الجوه بسنونه ، الاهل يممممي انعل روحك راائد مو وكتك تتصل فلت لساني ابن ال ولك اخخخ بس ارجع للبصره الزمكم واحد واحد استلمكم بدال المجرمين كول لابو الحسن خلي يصلي يستغفر جايه الموت خوش رااائودي ، قفله بوجها وشمر الموبايل سحب كلينس مسح العرك النزل من كصته وضرب الستيرن حيل
راعوث :- وجهي صار دم واحس يطلع منه نار اتمنى اغطي روحي بشي بس حتى مايشوف وجهي من وره الفشار السمعته وهوه يدخن جكاره وره جكاره فتح الجامه احتر سحب سترته على الكشن الوره حطها على كتفي صرت لابسه سترتين عباله بردت مايدري من الفشار السمعته اتمنى فد سبلت يبردني بقه يسوق ويتنفس سريع وكلساعه أردف چؤ سكتت اباوع على الطريق وصلنه لسيطره فتح الجام دك اله تحيه الجندي و أردف
– السلام عليكم سيدي الرائد عُقاب
عُقاب :- وعليكم السلام
– خير سيدي الرائد طالع من البصره وين
عُقاب :- عندي شغل بغداد
– شنو من شغل
عُقاب :- مالك دخل حبيبي
– دك اله تحيه :- اعتذر سيدي الرائد تفضل
راعوث :- رجال مشورب بكبره وعرضه من يحجي وياه غاصته العبره وأطرافه ترجف رفع الجامات وانطلق اتصل موبايله جاوبه
عُقاب :- الو
– الوو سيدي الرائد غزوان لحد الان ماله خبر
عُقاب :- خبر حميع مكافحة الاجرام القبض على غزوان …… حالياً مو بالبصره اني طالع جاي وره تلاث ساعات تقريباً تصرف غبي ما اريد ايمان انتبهو الها خوش واني جاي واعرف اتصرف غزوان بعده بنفس المكان اريدكم تفتشون كل البصرة حتى الكاع حفروها وطلعو والرضا بس الزمه اخخخ اكصله خليني لازم لساني والرضا اسوي وصل لحم اوزعه بثوابه
– حاضر سيدي الرائد
راعوث :- قفل الاتصال واخذ نفس جسمي كله يرجف هسه ليش يصيح شدعوه صوته هلكد خشن ويخوف أردف
– شكلتي اسمج
– راعوث
عُقاب :- را عوث راعوث ، تقربلچ غزوان
راعوث :- چؤ
عُقاب :- تقربلچ يو لا
راعوث :- شلون يعني
عُقاب :- نام وياج باسج تعدى حدوده
راعوث :- دنكت مستحيه احس نار يطلع من وجهي أردفت ، لا
عُقاب :- غيره !!؟
راعوث :- لا
عُقاب :- بردانه ؟
راعوث :- لا ، ابتسم تك خد بدون مايباوعلي أردف
عُقاب :- شبيك ترجف بيگ سُوله؟
راعوث :- ضيقت عيوني ببراءة ، اريد افراح
عُقاب :- سحب دخان ونفخه ، ثواني وتشوف بغداد السلام ترحب بگم
راعوث :- من سمعت بغداد السلام احس كلبي ارتاح اطمأنيت رخيت روحي على الكشن ومنتضره نوصل رحت بعالمي يم افراح وابوي واشوف استقبالهم وشوقهم اليه حضن ابوي بيتنه وفراشي اكلنه ضحكتنه صوت ابوي يقرأ القران عيونه ملامحه المتعوبه افراح ضحكت ابرار ابتسمت لا ارادي بقيت افكر وهدوء صوت السياره ينعس وبدت الدنيا تضلم واني يوم كامل ما نايمه بس 5 ساعات او اقل ماحسيت على نفسي وغافيه …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.