رواية راعوث – الفصل الأول
♥️🦋.
راعوث :- فتحت عيوني الغرفة ضلمه هدوء بَـس صوت ابوي الهادء الحنون يَرْتَلُ القرآن صوت المطر خفيف كعدت بارده لفيت روحي بالبطانية باوعت على بابا لابس نضارته الطبيه ويقره بالقران وبصفه لالة يقره على ضواها حمحمت رفع راسه باوعلي ابتسم رجع باوع على القران وهمس ، بصوته الهادء صدق الله العظيم طبك القران وباوعلي
أردف بصوت ناصي حتى ما يفزز اخواتي من نومهن
ناصر :- ها بابا ليش كاعده
راعوث :- ابتسمت ولميت روحي همست ، بارده
ناصر :- انشاء الله بس يصير عندي فلوس اشتري نفط وهسه هاج بنيتي اخذي بطانيتي تغطي ونامي اني بعدني مانعسان والجو مو بارد گلش
– لا بابا ما اريدها راح اتغطه ويا افراح ، سمعت صوت المطر بدأ ينزل بقوه درت وجهي على الشباج
– لا تخافين نامي بويه اني يمجن
– تقربت يم افراح وتغطيت غمضت عيوني واحجي بكلبي ماما هم تبرد بالكبور لو التراب حار بقيت افكر بـ هاذا التفكير الي ينهش عقلي وغفيت …
راعوث :- گعدت الصبح اتثاوب باوعت على الغرفه نضيفه والكل كاعد بس اني نايمه وفراشي باقي فركت عيوني لميت شعري وكمت سفطت فراشي وطلعت لصالة الي ارضيتها صبة وفارشين سجاده خفيفه بس المهم ادفي وحائطها من بورك نصه متقشر والفطور واضحه اما عن اثاثه هوه فقط ميز تلفزيون وكرويته ومرايه صغيره الصينيه مال الريوك بالكاع وكاعدات :- رقيه وشمس وابرار وافراح بالمطبخ هذني اخواتي
افراح :- عمرها 24 امي الثانيه حنونه زايد عن اللزوم محبوبه كلبها رقيق اتعصب علينه وره ثواني تكعد تبجي لان صاحت بينه كلنه نحبها
– شمس عمرها 21 ، رقيه 19 ، ابرار 15 ، اني 16
ابرار :- راعوث تعاي بابا جاب گيمر عرب التحبي
راعوث :- صدكك اويليي باع شكله اكعد اباوعلك لو اكلك
شمس :- تتغزلين بالگيمر اهمداني
راعوث :- يمعوده كاتلني بحبه هاذا الحليو ، وين افراح؟
شمس :- بالمطبخ
راعوث :- غسلت وجهي ورحت للمطبخ باوعت على المطبخ السقف يخر مي بالكاع گدر ينقط بي المي اخذت حسره شفت افراح ضايجه وتشتغل تنضف والقوري على النار
– همست بخوف ، تعاي اكلي
افراح :- روحي كعدي بَـس يفور الجاي اجيبه
راعوث – اممم بَـس جاي يفور !!
– غمضت عيونها بتوتر فركت وجها ، اي ما انتبهت
– رحت بسرعه كدامها اخذت القوري وطلعت كعدت صبينه الجاي واجت افراح كعدنه ناكل سوه بابا بالشغل عنده دكان يبيع ويشتري غراض قديمه مستعمله والمحل ايجار وكوه مدبرين العيشه افراح تركت دراستها من توفت ماما علمود تربينه وهسه تشتغل خياطه واخواتي الباقيات يدرسن يجون خطابه علينه بَـس كلنه نريد نكمل دراستنه وحالياً عدنه عطله ابوي قانع بهاذه الشي صح مرات يصير عصبي من الفقر العايشين بي ويكول ازوجن اريد أمن عليجن بس مايسويها صدك لان يحبنه ويريد نكمل دراستنه وخصوصاً احنه خمس بنات فـ العيشه اصعب والحمدالله …
راعوث :- باع ايدي والله ثلجت ماجاي اكدر احركهن جامدات
ابرار :- اي والله اني حتى رجليه جمدت شوكت يجي الصيف
افراح :- وعود شنو الصيف بعد انكس لا كهرباء لا كعده حلوه تكتلنه الشمس والحر
راعوث :- شوكت يصير عدنه فلوس تره والله طلعت روحي الامس رحت يم ريهام بت ام زيد شايفه بيتهم ورب دافييي نسيت عدنه شته ولابسات صيفي من كد ما حاره بالبيت
افراح :- بالعافيه عليهم
راعوث :- اريد اتزوج واحد عمره 80 ومريض وعنده املاك الدنيا كلهن ومن اتزوجه يموت حتى اخذ املاكه واخلي يسجل البيت بأسمي ، سمعت الباب تندك
ابرار :- اجه الثمانيني
راعوث :- اكوم استقبله ، كمت فتحت الباب
– هلا حبيبي تفضل
– ماما ودتني على القماش تكول خلص لو بعده
راعوث :- انتضرني ثواني واجيك ، افراح هاذه علاوي ابن ام جاسم يكول كملتي الخياط
افراح :- اي اكو علاكه حمره يم الكنتور هاي مالتهم انطيها اله وكليله على الفلوس
راعوث :- خوش رحت اخذت العلاكه و انطيته ، والفلوس؟
– ماما كالت على الراتب
راعوث :- يا راتب تعال طب جوه احجي ويا افراح اني معليه والله طببته وكلتلها ، يكول على الراتب
افراح :- لا اله الا الله هاهيه روح حبيبي روح
راعوث :- خزرته وصحت روح وكللها لامك بعد لا تخيط يمنه
افراح :- كافي راعوث عيب روح يكلبي بالعافيه تلبسه بالسعاده
راعوث :- رحت وراه وصلته للباب وباوعت حيدر المجلوب ابن جيرانه يريد يصعد بالسياره بقه واكف ويباوع عليه ويلبس بالنضاره سديت الباب بوجها خليت صوت طبكت الباب يوصل لاخر المنطقه وطبيت ارفع شعري عن وجهي وروحي لاعبه
افراح :- كسرتي الباب علكيفج
ابرار :- شفتي المجلوب
راعوث :- عاقجه حواجبي بعصبيه وباوعتلها ، ابن القندره انسدت نفسي شكومني اني
افراح :- تعاي اكلي راعوث
– كلتلج بعد ما اشتهي جماله ابيض واشكراني ايعع
ابرار :- لا و معضل وكصير
افراح :- كافي لا تحجن بي لا ابويه يسمعجن والله يدفنجن
راعوث :- باوعت على ابرار وكتمت صوت ضحكتي طبيت للحمام غسلت وجهي وباوعت بالمرايه ركزت بـ لون عيوني ماعرف شلون اوصف لونهن الي نص يكول خضر ونص رمادي ونص زرك بس اني الي متاكده منه ازرك رمادي عيوني اتجهت لشعري الي لونه اسود ليل كصير لحد كتفي باوعت على الكلاده الصليب هنا روح امي اذا اشتاقيتلها اشم الصليب وابوسه امي مسيحيه مسلمه ابوي حبها واخذها وترك اهله والكل علمودها وهيه كذالك عاندت حتى اخوانها الي همه خوالي وتزوجو وهسه ماعدنه لا خوال ولا عمام ركزت بشفايفي الي الجوه تكول للفوك اني احلى والفوك تكللها لا اني عضيت شفتي الجوه وابتسمت تقربت من المرايه اريد ابوس شكلي لا ارادي سمعت صوت افراح
– راعوث والله حلوه كافي تباعين بالمرايه وتكلي احلم وخايفه وبليل تتراجف وتفزفز مو زين كافي غسلتي روحي يله جماله بالحمام
– شبيججج خرعتينيييي
– اي شوفي من وره المباوع على المرايه بس واحد يحاجيج تخترعين جم مره اني اعيد مايصير تركزين بالمرايه هواي
– يعني شيصير مثلاً
– راعوث امشييي
– قلدتها ، عقچت حواجبي بعصبيه راعوث امشيي ، ضحكت بصوت عالي وطلعت هيه ابتسمت لا ارادي
– شلون بيها هاي البنيه گتلتيني ولچ
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.