رواية تجبر أبناء العم – الفصل الثامن والعشرون
////////////////////////////////////////////
“” نور “”
حاتم كال هيج وراح ورة الولد
اردفت هاله بقهر
هاله : الله يلعنك الله ياخذك الله لا
يوفقك ولا يخليك أن شاء الله تطلع
حوبتي بيك أن شاء الله تتلگاهه بعزاز
كلبك أن شاء الله تتلگاهه بعافيتك عله
كسرة خاطري وحركت كلبي
إن شاء متشوف يوم حلو بحياتك
حجت هيج وطاحت بل كاع تبجي
نزلت يمهااا عيوني تذرف دموع
وقهر عله حالنه..
نور: كومي حبيبتي كومي الله
وياج الله ماينسه عبدة
هاله : نور ضحك عليه كلي بعد ماخون
ثقتج ماراح اخذلج راحححح سافرر
وعافني كسرني بهل سهوله
كعدت بصفحه وخليت راسي عل
حائط واردفت
نور: مامكتوبلنه نعيش مرتاحين جبنه
العمر تعلعل
نزلت ايلين تبجي وتشهك وكالت
ايلين : راح حاتم وعافني نور
فتحتلهه حضني اجتي تركض حضنتني
تبجي وهاله بصفي تبجي وتنوح
وكملتهه عليه سارة من نزلت خدودهاا
حمر وشفايفها حمر وترجف وكالت بهدوء
سارة: نور نور سمعت صوت حسين يصيحلي
نور: اخخ ياوجع روحي
تعالي حبيبتي تعالي يمنه
كالت ببجي
سارة: قسور راح وحسين مات شلون
بيه مو تعبت والله اريدهم يمي
نور: تعالي يعيون اختج تعالي
اجتي كعدت بصفي وخلت راسهاا
عله جتفي ….
جنت أضن من زوجنه وشفت علاقتي
بقتام وحبه الي وشفت حنيه حاتم
عله ايلين وشفت تضحيات وصبر
قسور عله سارة وشفت علاقت هاله
وليث شلون داتتحسن أيقنت انو خلص
ماكو حزن ماكو تعب ماكوو بجي ماكو
خذلان ماكو مشاعر محطمه ماكو حركان
كلب ماكو كسر خاطر وكلب كل هذن
ماكو بس صار لعكس
////////////////////////////////////////
“” منار””
جاي اغسل مواعين ومندمجه ادندن
بقصيده الباسم الكربلائي بس سمعت
صرخه عبد عفت البيدي ورحت اركض
للاستقبال
عبد الإله: شنووووو وينهههه هسه
هوةةةة احجيييي
عبد الإله: خوش
سد التليفون وباوعلي عيونه حمر
كال بصوت مبين بل كوة كاتم بجيته
عبد الإله: حضرييي الجنط بسرعه
راح نرجع للعراق
منار: شنوووو لا عبد شدا تحجي انت
عبد الإله: لججج خابرني احمد يكوللل
حسين بل مستشفى مصاوببب
منار: يمه اسم الله عليه
عبد الإله: ايي وراح نروحله بسرعه
بدلي وألمي غراضج
منار: عبد عليك الله مو هيج احنه
شاردين من اهلنه اذا دروو شيسوون
بينه فكر بينه وابنه الي بطني
عبد الإله: ولجججج انت صاحيههه
ولجج اخووي الي فدانيي بروحه
ولجج اخوي الباع حته أهله علمودي
ولج حسين وكفلي وكفه لو اخوي
مايوكفلي هيج ولج داشوفيني كل
هل خير البيت والشغل هذن كلهن
من تعبه من گده ولج سنينن وهوة
يشتغلل علمود يشتريي سيارة بس
گتله معوز فلوس باع الفوگاه والجواه
وانطاني ولجج وصلت بي مرحله
بنطيني تليفونه يكلي آخذة وبيعه
اذا تحتاج فلوس
منار: اعرف بس عبد اني بس
عبد الإله: اشششششش ولا كلمه هنه
قرارين تبقين لو تجين ؟؟؟
صفنت بعيونه ماكدر ابقه أهنأ وحدي
ولا عندي ذيج قوة الكلب وجراائه
علمود ارجع واواجه ابوي وقساوته
عليه حجيت بدون شعور
منار: موافقه اجي وياك
هز رأسه وكال
عبد الإله: رايح احجز اقرب طيارة
للعراق اروح وارجع الگاج مخلصه
لم الغراض
طلع كله يرجف من القهر صح ماانكر
حسين وكف ويانه وكفه ابد ماصايرة
اهواي ساعدنه دعيت بكلبي كون كلشي
مصاير عليه شي
رحت لميت أغراضنه وكلبي يوجعني
خايفه عله متوترة ابوي اذا رجعت
شراح يسويلي راح يحن عليه راح
يكون مشتاقلي راح يسامحني لو
راح يتعامل وياي بقسوة وبعنف
مثل كل مرة
راسي من شدة التفكير كام يوجعني
حيل التقلصات والاتهابات كلهههااا
هاجت عليه ماكو تقريبا ساعتين
واجه عبد الإله
عبد الإله: حضري روحج الصبح
بسبعه رحلتنه
هزيت براسي وكلت
منار : عبد خايفه خاف بابا من يشوفني
أو يشوفك يسويلنه شي
عبد الإله: ماكو شي مخوفني غير فكرة
حسين صاير بي شي وبنسبه الابوج
عوفي خيولي ميكدر يسوي شي
منار: زين احنه من نروح وين نسكن
اقصد وين نروح بل بدايه
عبد الإله: بيت اهلي
منار: راح يرضون يستقبلونه
عبد الإله: لا تفكرين روحي نامي عوفي
الشغله عله الله ثم عليه
منار : تمام تصبح عله خير بس انت
ماراح تنام
عبد الإله: بس انعس انام روحي
انت نامي ورانه طريق طويل
حتعبين لان رحلتنه طويله
منار: تمام
رحت انام بس عقلي رافض ينام
ويعوف التفكير خليت راسي عله
المخده واني افكر واكول اول مرة
عبد الإله هيج شكله جان دائما
يسولف ويضحك عبد وجهه بشوش
حيل بس اليوم عكس هل شي مغيم
عله وجهه الحزن نمت واني ادعي
نروح ونرجع عله خير ….
گعدت الصبح عله صوت عبد
وهوة يصحيني ….
عبد الإله: صباح الخير كومي يلا
مابقه شي عل طيارة
منار: صباح النور تمام
كمت غسلت وبدلت بس طلعت
من الغرفه لكيته مسويلي ريوگ كال
عبد الإله: يلا بسرعه اكلي خل نروح
كعدت اكل وهوة يحوس يروح
ويرجع حته بطني مغصتني
ماكدرت اكمل اكلي ..
منار: عبد خلصت
عبد الإله: يلااا امشي
طلع الجنط وخلاهم بل تكسي حته
تكسي طالب صعدنه متوجهين للمطار
طول الطريق عاگد حواجبه وساكت
يفرك بيده ويلوب ويحوس ابد مامرتاح
الحززن مغيم عله شكله ..
احنه تقريبا المطار مايبعد علينه اهواي
شغله نص ساعه تقريبا وصلنه نزل عبد
الجنط وطايررر طايرر لو بيدة هسه
يروح مشي للعراق ..
رحنه سوينه الإجراءات اللازمة
وبعدها صعدنه بطيارة بس صعدت
خليت راسي عله جتف عبد ونمت بعد
ماحسيت بشي حته من جابو الاكل
ماكلت قبل لا نوصل گعدني عبد الإله
رحت للحمام غسلت وعدلت شالي
ورجعت وأخيراً هبطت بينه الطيارة
بمطار بغداد الحبيبه نزلنه نختم
الجوازات وبعدهااا اخذنه تكسي
متوجهين البيت أهل عبد الإله
بس الصدمه لمن وصلنه والگينه
البيبيان مقفله تخبلل عبد كام
يرجف وجهه صارر اصفررر
وشفايفه بيض
اتصل عله حسين وعله ابوو.وامه
وعمامه ومحد يرد كام يفرك بوجهااا
حيل اخير شي اتصل عله احمد صديقه …
عبد الإله: احمد وينكك اني بل بغداد
يم بيتنه
احمد: هااا يمته جيت
عبد الإله: هستوني وصلت اهلي وين
احمدد ماكووو شو
احمد : خويه أهلك بل بل
سكت احمد يتلعثم بكلامه لو عبد تخبللل
عبد الإله: ماتحجييييي
احمد : خويه أهلك بل انباررر
عبد الإله: شيسوون اهناككك انت
مو خابرتني كتلي حسين بل مستشفى
مصاوببب
احمد : اي خويه بس بس حسين مات…
خليت ايدي عله حلگي من
وكع التليفون من يد عبد صارت
لحضه صمت لزم الحايط وكعد
بل گاع وفاتح عيونه نزلت
دمعته وكال بكسرة
عبد الإله: راح اخوي راح احزام ضهري
راح ضلع من الضلوعي راح واني
مشايفه مالحگت حته عله فاتحته
دنگ رأسه يبجي بصوت رجعت اليورة
من اجه احمد وثنين زلم كبار
احمد : عبد خويه كوم كوم وياي
نتر ايده حيل وكال
عبد الإله: ولككككك شكوم راححح
تچايتي وعكازتيي ولككك
راحح اخويبييي
كام يدگ عله رأسه حيل
وكفت ورة الباب حته محد يشوفني
ابجي بصمت
احمد : امشي خويه امشي
عبد الإله: دفنو موو دفنووو واني مو يمهه
احمد : امشي خل اخذك تشوفه تروح مووو
عبد الإله: اخخخ يا كسرتي اخخ يا
الم كلبي كسرتني خويه كسرتني
سمعت صوت سيارة جرو عبد وصعدو
بسيارة وراحو كلبي طاح بين رجليه
وين راحوو وعافونيي
طلعت برة البوب كلهاا مقفله. بس باب
الشارع مسلقي بس من اجينه عبد
طفر وفتحه الي وهسه نساني يمكن
راح وعافني وحدي افتر بطارمه خاف
أحد يشوفني انوب حته فلوس ماعندي
واخاف اطلع وبابا أو أحد من كرايبنه
يشوفوني والله يذبحوني
ضليت افتر بل طارمه ارجف رجيف
من الخوف بس ربج مايگطع مديت
راسي وشفت ولد صغار يلعبون طوبه
ومن ضمنهم اخواي حسام طلعت بس
عيوني ولوحت بيدي شافني بس ولد
ثاني شافني هم لان جان كاعد بصفه
فتح عيونه حسام مصدوم اجاني
يركض فتحت الباب وفتحتله ايدي
حضني حيل حبيببي هاذة حضني
ببوس بوجهي وبشالي وبيديه
حسام : شسوين أهنأ منار شجابكم
منار: عبد سمع حسين اخو سارة مات
واجه واطريت اجي ويااه
حسام : اي سمعنه خطيه الله يرحمه
بعده شاب زين عبد وين
اختنكت بعبرتي من سئلني كتله واني
اناشغ من البجي
منار: راح وعافني يمكن نساني لان
احمد صديقه تصل عليه وكله عله
خبر حسين وهوة طلع مستعجل
اجو الولد خذوة
حسام : شلون زين شنو حتسوين هسه
منار: بلكت يرجع
حسام : منار انت حامل ؟؟
منار: شلون عرفت ؟؟
حسام : ترة واضح عله بطنج
خليت ايدي عله بطني واردفت
منار: اي بس راح اموت جوع
حسام : ماماكله
منار: لاا بس الصبح صدك بابا شلونه
حسام : كلهم زينين بس لو شوفين
شسووو وراح اصلا ليش رجعتو
ترة كلهم حادين سنونهم عليج
منار: حسام لا تخوفني هسه بلكت
يرجعلي عبد
حسام : دبقي خل اجيبلج اكل واجي
قبل لا يفتح الباب حسام ندفر الباب
وشفت ابوي وعمي الجبير
واكفين كبال الباب ….
///////////////////////////////////////
“” نور””
كاعدين بصاله نسبح ونقرة قران
ونهدي بثوابهم ومن جهه منتضرين
الولد يرجعون بخير وسلامه
أسبح واقرة قران بس بالي كله يم
الولد كلبي مامرتاح اقنع كلبي انو
ماكو شي بس عقلي ينتفض ويرفض
يوافق انو ماكو شي ايلين عينه عل
باب وسارة صافنه بل كاع بس
دموعهاا تنزل بهدوء
هاله بغرفتهاا وقافله الباب ماترضه
تشوف أحد عفت البيدي وصعدت
الهه اشوفهاا دگيت الباب مرة
ومرتين وثلاثه بل رابعه يلا گالت
هاله : ماريد اشوف احددد ليش
مداتفهمون
نور: مو عله كيفج فتحي الباب
داشوف يلااا
هاله : نور الله يخليج روحي
ماريد اشوف احددد
نور: ويامن داحجي ولج فتحي الباب
فتحت الباب وجهه احمر فتحته
ودارت وجهه وكعدت
عل جربايه اردفت
باوعت على الغرفه هوسه
وملابس مشككه بلكاع
واشياء مكسره ماهتميت
وكلت لأن محروك كلبها
كعدت يمه وو
نور: راح تضلين هيج هاله سارة
محتاجتنه نكون يمهاا بهل ضرف
الصعب بداعت الخوة كومي وياي
خل نكون يمهاا
هاله : كسرني للمرة الثالثه خذلني
عيشني بأوهام صعدني اللسمه بكلامه
وهب نزلني لقاع الأرض
نور: راح تتخطين صدگيني
هاله : راح ارجع ويه بيبي البغداد
نور: شنوو
هاله : اي شنو ضلتي أهنأ شنو استفاد
غير الحزن والهم والغم كلما ادخل
للغرفه واشوف غراضه وملابسه
امووتتت اشتعلل كلبي يحتركك
ضحك عليه 3 مرااتت
نور: بهل سهوله تعوفينه
هاله : وضعجن يختلف عن وضعي
نور: لا تسوين هيج هاله
هاله : افهمي ماكدرر ابقه نور ماكدر
نور: بس احنه شلون بلياج
هاله : راح تتخطن
نور: لا تعيدين كلامي ماراح اقبل تروحين
هاله : اسفه بس يرجعون البغداد راح
ارجع ماشفت شي حلو من الانبار كلها
تعب وحزن الانبار حلوة بس الشي
الشفته بيهه ابد مو حلو
نور: هاله فكري بقرارج زين لا تأخذين
اي قرار بلحضه عصبيه
هاله : فكرت اهواي وهسه ممكن
ابقه وحدي ؟
نور : اكيد
طلعت من عدها درت وجهي عليه
قبل مااطلع صافنه عل حائط نضراتهه
خاويه شكلها هادئه بس الله اليعلم
بلي بگلبهه دعيت من كل كلبي هاي
الغيمه الي حطت عله رأسنه تزول
ونخلص منهااا لان كلوبنه خلصت
من الحزن والقهر
///////////////////////////////
“” هاله””
بعد ما طلعت نور من يمي كمت
وراها وقفلت الباب وكعدت بلكاع
ورجعت انهاريت ابجي بحركه كلب
محد يفتهمني محد يعرف ليش
هيج اسوي
“” قبل ساعات “”
دخلت للغرفه أخذت ملابس
ودخلت للحمام سبحت وكاعده
كدام المرايه امشط شعري باوعت
على نفسي حيل متغيره
وين جنت وين صرت
كملت ورحت أخذ شويه راحه
تمدتت على الجربايه ونهاريت ب
بجي ماكدر اتحمل ثقيت ونخذلت
رجعت ثقيت نخذلت وللمره لثالثه
نخذلت
كمت مابيه حيل كوه امشي
رحت لجرار اخذ منه لريموت
اشغل قران
فتحت الجرار واخذت الريموت
ردت اسده وعيني راحت على
ظرف مكتوب عليه
“” لهيلايتي””
استغربت هذا منين واني ممخليه
شي دائما انظف
أخذت الظرف وفتحته
لكيت ورقه بي
اخذته وذبيت الضرف
فتحته جانت
“” هيلايه اني اسف بس ماكدر أكون
سعيد وياج حاولت وحاولت وشكد
حاولت بس ماكدرت ماجنتي انتي البنية
لمناسبه إلي حاولت احبج بس ماكدرت
ماحبيتج فديوم كسرتج يي هواي كسرتج
انضلمتي من اهلج ومني اني ماستاهلج
ولا انتي تستاهلين واحد مثلي انتي
تساهلين لأحسن مني مكدرت أضل وياج
حاولت بس حبي لريهام جان اقوى من
كلشي أعرف هسه انت تقرين الرساله
واني مسافر ويا ريهام هيلايه سامحيني
بس مو بيدي اني كلبي مايرضه يحب
غيرها اني اسف بس ارجع للعراق
احررج مني واخليج حره وتروحين
تختارين الشخص إلي انتي تردي “”
أقرها وابجي شنو ذنبي اني
إذا حبها ليش اتزوجني ليش
عيشني باوهام
صرت الهوس
__ ليش كالي احبج
__ مو كال ماعوفج
__ مو كلي ماحبها
__ خذلني
__كسرني
__حطمني
ماتحملت وردت شي اذب بي حركتي
رحت فتحت جرار الميز وأخذت مكص
رحت متوجه لكنتور مالته وطلعت
كل ملابسه وصرت اشكك بيهن
وابجي ماخليت بملابسه شي بي
خير كله شككتنه ومارتاحيت
رحت لميز وكسرت شكو شي إله
فجئه وكع واحد من عطوراته
وترس الغرفه ريحه حسيت
بلعبان نفس كبل رحت للحمام
اتقيئ
غسلت وجهي وطلعت تمددت
عله الجربايه اهمس وحدي
__ مستحيل اسامحك
__راح اخذلك مثل ماخذلتني
__ راح اخليك تبجي مثل مابجيت
__ راح الوع كلبك مثل مالوعت كلبي
__ اكسرك مثل كسرتي
//////////////////////////////////////////
“” نور””
رجعت للصاله كعدت بصف سارة
ومن الجهه الثانيه ايلين گاعده
اردفت ايلين بحزن ..
ايلين : شو ماكو وينهم لحد هسه
اتاخروو
نور: اصبري حبيبتي الله كريم
اردفت عمتي شكريه وهيه ترفع أيدها
الدعاء وكالت
شكريه : اللهم يا راد يوسف ليعقوب
اللهم يا مخرج يونس من بطن الحوت
رجعلي اولادي بخير وسلامه وحك
الزهرة ام الحسن بعد مابيه حيل
فراگ وجع كلب
الكل : امين
سارة: شد حيلك يكلبي الفرگه كثرت
نور: هدي يروحي ان شاء الله
ماكو كل خير
ايلين : اني كلش احب حاتم والإمام
علي اني احبه وماريدة يروح ويعوفني
هوة اهواي حباب وياي ابد ماكسر خاطري
لو كسر كلبي ولا حته خذلني والله العضيم
بس يرجع بعد مااخلي يجيبلي اندومي وكندر وحليب شوكولاته بنص الليل
كالت هيج وشهكت جريتهه الحضني
اهدي بيهه ورجعت قوانت البجي
كلهاا كعدت تبجي وتنوح….
صار المغرب والناس تروح وترجع علينه
عمامي من الصبح بل مضيف الخطار
مارايح من عدنه مخليه ايلين بحضني
والعب بشعرهاا وعبير كاعده بصف
سارة تهدي بيهه وتحجي وياهااا ..
سمعنه صوت عياط وصراخ بره كلهاا
فزت خفنه الولد صاير الهم شي بس
ماكو دقائق ودخل عبد الإله يلطم
ويصرخ دخل للبيت وصاح
عبد الإله: راححح تچايتي راحح
عضيدي يمهههه راح الي كضيت طول
عمري اتنومس بي راحح عضيدي وعافنيي
شك تشيرته وكام يلطم حيللل حاله
يوجع الكلب گابلته سارة يلطمون
اجيت اروح الهه اسحبهه بس لزمتني
عبير وكالت وهيه تبجي
عبير: عوفيهه لا تضم بكلبهه خل
تبجي ترة الكتمان يموت عوفيه
خليت ايدي عله حلگي واني اشوفهم
شلون تگابلوو يلطمون عله حسين راح
وكسرهم ثنينهم اهواي اتاذوو عليه اهواي
زهرة: وينكك يمهه يعيوني شفت من
حياتتكك شفتت ورحتتت ماشفت
جهالك بعدنيبي يعيونيييي
ام هاله : يمه حبيبي عبد تعال ليه راح
اخوك راح اخذتهه تراب النجف
عبد الإله: ربييييي ليش هيجججج
ربيييي چا خذتني وعفتههه ربي بعدني
مارادله معروفه وياي ربييي بعدني
ماوفيت عهدي ويااا وركصت بعرسه
سارة: راح الموت خذاه مني شلون
اصبر دكلولييي ولكمم منووو شافت
اخوههااا يموت كدامها منووو ماتت
اخوهااا وهمه مامصالحين حاجونيي
خل يرتاحح كلبيي
ضلوو يبجون ويلطمون عليه عبد الإله
وحسين صداقتهم ينحجي بيهه من
الصغر همه سوة يلعبون ويضحكون
ويشاقون كبرو سوة عاشور طفولتهم
سوة وفترة المراهقه سوة صعبه وهضيمه
يموت شخص عزيز وغالي تبقى غصه
بكلبك بس حكم رب العالمين فوق الكل
الحمد لله على كل شيء
هاذا نصيبنه وقدرنه بنهايه وله
ماتزول هل غيمه والمصاعب
صارت ساعه بل 11 بل ليل عبد الإله
اجااه ميثم ورضا وطلعووو برة يغسلوله
ورحيق بغرفته لا تحجي ولا تأكل عمتي
نبراس شكد تلح عليه تاكل علمود الي
بطنهه بس لا حياه لمن تنادي تاكل لكمه
لكمتين بل غصب وبالف ياعلي
سارة كاعده بل كاع عيونه مورمات
من البجي بس شكلها يكسر الخاطر
بهل أثناء دخلو كامل وسجاد بس
شلون حالهم كلهم ترااب عيونهم
حمرر وجوهمم صفرر دخل كامل
يركض كعد يم رجلين عمتي شكريه
واردف بصياح
كامل : راحوووو اخوتييي راحووو
يمههه لزموهم القياده كاتلين شباب
وزلم من عشيره ال*** راحوو
أقل شي 20 سنه بسجن
بعدنه مامتخطين هاي الصدمه كلهااا
سكتتت بس صوت بچيه كامل ترج
بصاله اردفت بيبي نوريه بحقد
نوريه : إذن بعد المن حفيداتي كاعدات
اهنااا يلاا لمن غراضجن ترجعن
ويانه البغداد ….
يتبععععع……..
//////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.