رواية تجبر أبناء العم – الفصل التاسع والعشرون
سارة: يلااا شبيج ومفتي بيج زود
كتليهه
هاله : احممم وخرت منها احترام الج
سارة: اي احترام الي ام جيفه
شوفن انتن الاثنين وحك داحي
باب خيبر الي اشوفه تعيط عليهم
اكضهااا املش كفشتهاا
هاله : طبعاً والله انت طلعتي عيونهم
سارة: هسه غير تسكت مو صوتج
الحنون خله راسي يوجعني
نور: هالهههه راح اموت جوععع
وين الاكللل
هاله : يااا عزاااا نسيته عل نار
هسه ثواني
ايلين : مسوك تعالي يمي
راحت مسك تركض يم ايلين وكافل
يم سارة اجت سارة تربعت بل گاع
يمي وبحضنهه كعد كافل وايلين
ممطوله بل كاع ومسك بحضنهه
اجت هاله خلت الصينيه مال اكل
سارة: هاي شنووو هاله وين الشطه
نور: ترة بس تأكلين شطه ويه
الاكل وجهج يطگگ
سارة: شعليكم المهم اكل الشي الاحبه
هاله : انجبييي ماكو شطه
سارة : عابت لهل وجه اليخلس الميت
حمحمت ايلين وكالت
ايلين : بنات البارحه خابرتني عبير
كلها رفعت راسههه تباوع الايلين
الي بس ذكرت اسم عبير رجعتني
الهذاك اليوم الي لسه اتذكرة بوضوح
فلاش باك ( قبل أربع سنوات)
نوريه : إذن بعد المن حفيداتي
كاعدات اهنااا يلاا لمن غراضجن
ترجعن ويانه البغداد مالهن گعده
أهنأ بعد
بس گالت بيبي هيج اردفت هاله
هاله : واني موافقه اجي وياكم
سارة: شنوووووو انتِ مخبلهههه
بيجج شيييي ب ب بعدين اوكفوو
قسور كاللل راح ارجعلججج كلي
انتضرينيييي وينهه
نزلت دموعها وگالت بقهر
سارة: ﴿ هم هوة عافني مثلهم ﴾
شكريه: يمههه ولدييي راححووو
منييي ربي ليش هيج ولا فديوم
غضبتك ليش يمهههههه راحوو ولدج
وأبو بيتج يشكريه بعد بيمن تشدين
ضهرج بيمن تتنومسين راحووو
كامل : اخخ يماا نكسر ضهري
خليت ايدي عله بطني اتلمس بيهه
واحرك بيهه بلطف گلت بكلبي
نور: كافل لو زينب اي واحد بيكم
بس راح تجي أو تجين بدون اب
بدون عز بدون سند
غصيت بعبرتي
ايلين : جذابين حاتم كال ماعوفج
والله دا تجذبون حاتم وينك حبيبي
اني بعدني منتضرتك
خلت ايديهه عله وجهه تبجي بحركه
درت عيوني عله سارة الي كامت
تلطم عله رجلهه ودكول
سارة: نكسرتتت مرتيننن مرتيننن
نكسرتتت بسبوع فقدت اعز ثنين
عله كلبي بسبوع كل الي احبهممم
راحوووو ربيييي عله كيفك عليه
وعله كللبيي ربي ارحم بي احلفك
بكسرة ضلع الزهراء مو تعبت بعد
ماكدر اني كلبي خلص من الحزن
شلونننن اناممم ليللل واحد نايم
جوة تراب النجف والثاني بسجن
زهرة: بسج يمه حبيتي هاذه قضاء
الله وقدره يمه هاذة كله
امتحان من ربج و
ماكدرت تكمل عمتي زهرة خلت
شالهه عله حلگهاا وكامت تبجي
بهل أثناء طلعت بيبي هاشميه بلگوة
تمشي حانيه ضهرهاا وحلگهاا معوج
من الجلطه
هاشميه : شصاير شبيهم احفادي
كام فجئة كامل مسح عيونه وكال
كامل : لا جدة ماكو شي بس تذكرنه
حسين
هاشميه : احلف
كامل : شنهو يجده عجل اني اجذب
عليج يلچبيرة
هاشميه : عجل مالج ينوريه وين ماشيه
نوريه : اريد أخذ حفيداتي وروح البغداد
مالهن گعده أهنأ بعد
هاشميه : عش
نوريه : هيج يلااااا ولجننن
نور …..
سارة: لاا انت كلش مصدكه نفسج
عله فكرةة اني بنسبه اليييي مااطلعع
من هل مهجووم فهمتيييي
نوريه : كافيييي عاد إلي جان مدللج
ومتحمل عرامتج ولسانج راحح
يعفن بسجن منو يكول مايموتتت
نور: اسم الله عليهم بيبي اروحلج
فدوة لا دكولين هيج اسم الله
عليهم اسم الله
سارة: ماراححح اروححح ماروحح
انتضررر قسورر ماروح
كامت ترجف سارة تروح وترجف
بصاله تفرگ بوجههه حيلل وبديها
نوريه : هههههههه خوش لعد اني
اخذ البنات وارجع البغداد
كالت هيج وتباوع لسارة وتغمز
فتحت عيونهااا سارة وكالت بصياح
سارة: لاااا تلزمينييي من يدي
التوجعني لاااا تسويننن هيججج
ايلين : يعني بعد ماشوف حاتم
نوريه : اي يلااا ولي لمي غراضج
ايلين : بس حاتم
نوريه : ولجججج نكلعييي
سارة: لااااا تصيحينننن عليهاااااا
وحك داحي باب خيبر اكتلج
وادفنججج وامشيييي بجنازتججج
بس تصيحينننن عليهننن خاااف
عبالجج اني سارة القديمههه ترة
كلبيي خلص من لوعاتتتت متعرفيننن
شكدررر اسويييي
كالت هيج وراحت صعدت فوگ
رحت وراها فوگ طبيت الغرفتهاا وراها واردفت …
نور: سارة
سارة: اش نور اش لا تقنعينيي
اجي وياكممم
نور: تمام بس انت رجعتي بكلامج
دارت وجهه عليه عيونها نملت دموع
كتمت بل كوة شهكتي وكملت كلامي ..
نور: كلتي ماراح امل من عدجن كلتي
راح اكون وياجن بكل خطوة كلتي
ماراح اعوفجن سارة اذا رحنا ويه
بيبي وحدنه راح تتمادى أكثر واكثر
ماراح يكون اكو احد يوقفهاا عن
حدها سارة اني حامل وهاله شاكه
بيههه وايلين ماتكدر هاي عود اذا
تخطت حاتم سارة محتاجيج عليج
ام الحسن تجين ويانه…
نزلت دموعها بسرعه مسحتهم
حيلل واردفت …
سارة: ماكدر ارجع للبيت وحسين مابي
ولا اكدر ابقه أهنأ وقسور ماكو
ياديرة تلمني …
قويت نفسي وحجيت
نور: جؤ جؤ انت مو سارة وينن
سارة الي صوتهه يهز البيت هز
وين سارة الي ماتقبللل أحد يصيح
عله خواتهه وين سارة القويه وين
لبوة القسور قسور من راح جان
يعرف اكو وراه لبوة قويه ماتهاب
أحد ماعاف لبوة جريحه هسه
ارجعي سارة
سارة: صعب والله صعب
نور: لااا مو صعب رجعي سارونتنه
الي الكل شاد ضهرة بيهه
خليت ايدي عله بطني وحجيت
بفخر وقوه
نور: ابني لو بنتي من يجي للدنيه
لازم يلكه سند واني شايفه هل
سند بيج
باوعتلي عيونهه ينفضن شرار وحقد
كالت وهيه صافنه عل حائط نضراتهه
احس تطلع منها نارر
سارة: خلص وكت البجي ولحزن
هسه اجه الوكت الي اكمل بي
انتقامي وارد اعتباري
باوعتلي وكالت
سارة: راح ارجع البغداد
نزلنه من فوك جنطنه بيدنه ولابسين
وكلشي مكملين عيونه تذرف دموع
وقهر جنت اعرف الدنيه دوارة بس
مو بهل سرعه هذاك اليوم دخلنه
نبجي وحزنانين وحنطلع هم نبجي
وحزنانين بس اكو فرق هذاك اليوم
دخلنه مجبورين وهسه هم راح نطلع
مجبورين بهاذة البيت عشنه 9 اشهر
ضحكنه وسولفنه بچينه تعاركنه
ذكريات حلوة ويه الولد درت وجهي
عله القنفه هاي القنفه جنت اكعد اني
وقتام عليها يسولف وياي ويضحك
ويتغزل بيه حته اول مدريت بنفسي
حامل اول مره كعدت عله هذيج
القنفه خليت ايدي عله بطني
أتحسس بيه واكول بهمس
نور: راح اطلع من هل بيت وابنك
او بنتك بطني يا روحي
درت عيوني عله الممر اهناك جانو
قسور وسارة يتعاركون واحنه نضحك
عليهم لان عرايكهم عبارة عن تحشيش
باوعت عله ايلين جانت تباوع عله
كرسي هاذة الكرسي جان حاتم يكعد
عليه وايلين تكعد عله رجله تباوعله
وتنزل دموعهاا راحت وكفت يمه
تتلمس بي درت عيوني عله سارة
وهاله سارة واكفه مجتفه يدهه
وتعضعض بشفايفهه وعيونهه تدور
عل بيت نضراتهاا مابيه اي رحمه
عبالك داتتوعد الهم واكفه وتهز برجلهه
وهاله ساكته هادئه نفس كل مرة تعبر
عن حزنهاا بسكوتهاا مانستاهل كلنه
مانستاهل الي دنعيشه ماذينه أحد
ولا تسلطنه عله أحد جنه طول
عمرنه نرد الإساءة بل احسان
ماعدا سارة طبعاً……
طلعنه بل طرمه واكفه بيبي نوريه
منتجيه عله عكازتهاا الفضيه الي
مسببه رعب الي بطفولتي هل عكازه…..
نوريه : نمتنن صارلجن ساعه يلا
نكسحن كدامي
سارة: عله كيفج بيبي ليروح يصعد
عندج السكر وتموتين ترة مطالعين
للنجف لا لبغداد بس اذا صارت ومتي
انشوفلج اقرب مزبله وندفنج بيها
مع كل احترامي الج طبعاً
نوريه : احجي الي تردي يبنت ابني
بس والله والله اذا ماندمتج
سارة: اويبي بيبي شكد احبج
خصوصاً من تهددين وانت حالج
حال النفاخه بس نفخ هههههههههههه
زهرة: سارةةةةةة
سارة: يا عيون سارة
عمر: يلا يمه يلا وصلت السيارات
نوريه : مو مئدبه
كالت هيج وضربت عكازتهاا بل كاع
وراحت اردفت سارة بعلو صوتهاا …
سارة: تربيتج وطالعه عليج طبعاً
هوة هوة العرج دساس
كامت عمتي شكريه تحجي وتبجي
شكريه: يما شلون بيه فرغ البيت
عليه راحو ولدي وتاج راسي راح
وهسه بنياتي
سارة: لا تحجين هيج راح نرجع
شكريه: يمته يعيوني يمته
سارة: لمن يزهق الباطل ويضهر الحق
حضنت سارة عمتي شكريه ونبراس
وحضناهم احنه هم جان وداع كله
بجي وحزن
حته بيبي هاشميه ودعناهه هستونه
دنصعد بسيارة طلعت رحيق ضعفانه
حيل وجها اصفر ومتغيرة كلش كالت
بصوت مبحوح
رحيق : هيج اهون عليكم تروحون
بدون متودعوني
رحنالهه كلنه حضناهه خمستنه حضنه
بعض نبجي وحزنانين عله فراگنه
بوستنه وحدة وحده بس لمن
وصلت السارة اردفت ..
رحيق : عزيزة اخوي
سارة: عافني وراح اخوج
رحيق : راح يرجع وراح يرجعج صدكيني
سارة: واني راح انتضرة الآخر يوم بعمري
رحيق : نعناعه راح تنتضر ابو شهاب
سارة: ايي ايي راح انتضرة
حضنن بعض يبجن وحده تواسي
الثانيه بكلامه
وخرت رحيق وكالت
رحيق : راح تخليني الدنيه ارجع واشوفجن ؟؟؟
نور: اذا الله راد
رحيق : راح نرجع نلتم عل اكل سوة
هاله : اذا الله كتب
رحيق : راح نرجع نشوف حاتم بل
ليل وهوة يجيب حلويات الايلين
ايلين : والله اذا رجع ماخلي يطلع
بل ليل يجيبلي والله وحق الامام علي
رحيق : سارة راح نرجع نتعارك
سارة: كلشي قسمه ونصيب وبني
ادم مياخذ غير نصيبه وقسمته
والله الله كاتب النه نرجع ماكو اي
احد يكدر يغير هل شي
رجعنه باوسناهه وحضناهه وصعدنه
بسيارة طلعنه متوجهين البغداد ….
رجعت من ذاكرتي عله لمسات ناعمه
لتفتت لكيته كافل ..
كافل : مامي بيج
( شبيج )
نور: حبيبي مابيه شي
سارة: اخخ والله تعبانه اريد انام
نومت أهل الكهف
هاله : اءء بنات شوفو ترة من جنت
داسوي الاكل سمعت بيبي تخابر
بعمتي رشا ويمكن باجر يجون علينه
سارة: اوففف شكد أكرهه تجمع الأفاعي
ايلين : اني ابد ماحبهن
نور: بناتتت لا تحجون هيج كدام
الاطفال ميصير
سارة: ليش خل يعرفون انو عمات
أمهاتهم تستس وحيايه
نور: حتلو ميصيرر
سارة: ترة مو عيب ولا شي مو زين
نحجي كدامهم هيج الشي الموزين
الحقيقي انو نعوفهم عميان مايعرفون
الي يحبهم من اليكرهم اهم شي
يكونون مكتشفين الاقنعه من الصغر
هاله : كلام سارة عين العقل
نور: ماريدهم يدخلون بمستنقع
الحقد والشر والضلم من هسه
اريدهم يعيشون مرتاحين بال
سارة: وماراح يصير غير كل خير
صدكيني ماطولني عايشه وخشمي
يشم الهوة ماراح اخلي اي احد
ياذيهم لا بفعل ولا بكلام
رفعت راسههه وحجت بفخر واردفت ..
سارة: اني لبوة هذاك الي يمكن هسه
واكف ورة قضبان السجن منتضر
شوفه لبوته …
/////////////////////////////////////
“”منار””
منار: عبد تعال فدوة ‘ نفس ‘
مدري شبيهه
عبد الإله: شبيهه بابا حبيبي شبيج
يا بعد عمر ابوج
منار: مدري اليوم بس تستفرغ
عبد الإله: اركضي لبسي يلا خل نأخذها للمستشفى
لبست ركض وشلت نفس وطلعت
اركض صعدت بسيارة ونفوسه
بحضني وعبد يسوق وصلنه
للمستشفى گبل اخذوهاا من
عدنا بس شفت هاي المستشفى
لا إراديآ تذكرت هذاك اليوم المشؤوم …
بعد ما شفت ابوي وعمي الجبير
وواكفين كبال الباب كلبي وكع بطني
لزمت يد حسام حيل كمت ارجف رجيف
ابو منار: يا كح*** رجعتي بياااا وجههه
اكرم : ساق*** مثل امها شتوقع منهااا
منار : لاااا تغلطط عله امي
ماعرف شلون طلعت مني الكلمه
محد يقبل يشوف يغلطون عله أمه
عايشه أو ميته واني امي ميته
ومايجوز عليها بس الرحمه ماكدرت
اسكت بس
اني كلت هيج لو همه جروني من شالي وخذوني يسحولون بيه البيتنه بيتنه
قريب عله بيت أهل عبد الإله يعني
يبعد عن بيتهم بثلاث بيوت خذوني
يجرجرون بيه واني احس الالم كلهااا
هاجت عليه شمروني بطرمه بدون
رحمه كلت بصوت يرجف عسى ولعل
يخف الحقد الي بداخلهم الي
منار: باباااا فدوة اني حامل فدوة.
ابو منار: حامللل بنغ**** بعددد
ولججج ليوم شسوي بيج
اكرم : تفوووو عليج وعله تربيتج يا عايق*****
نهدو عليه بكلام وفشر يقشعر البدن
تولوني دفرات وكتل كطعوني تكطع
يدرون بيه عله ضهري وبطني حيل
شعري يجرجرون بس من الحجاب
جردوني حجابي وكامو يلزموني
من شعري وبركعوني بل كاع وراجديات
صارت مالهه والي كمت احس بزفرة دم بحلكي هاذة كله وحسام لازمه ابن عمي
اكرم
وحسام يصرخ يريد يجيني يساعدني
لاكن حكم القوي عله الضعيف وزمن
واكفه كبالي تباوعلي وتشمتت أتوسل
بيهم واكلهم طفلي طفلي بطني احلفهم
بس لا حياه لمن تنادي لو كافر لو يهودي
هم ينكسر كلبه عليه ويعوفني شنو ذنبي
اذا حبيت شنو ذنبي اذا خاطرت واجيت
ويه عبد الإله
ضلو يضربوني لحد ما حسيت بشي
حارر ينزل من بين رجليه أهنأ أدركت اني ‘ سقطت طفلي ‘ راح طفلي الي اني ما
شفته ولا شميته ولا حته فرحت بي
مثل اي ام من شافوو أخذني النزيف
كالت زمن …
زمن : اخذوهه للمستشفى لا نوب تموت ويحطوههه براسنه
ابو منار: تموت موتتهم هل ساق*
زمن : ولكمم البنت متزوجه يعني
صارت غير عشيرة لو جانت بعدهااا
يمنه جا طبههه مرض بس اذا ماتت
زوجههه يرفع عليكم دعوة ويحبسكم
نايمه بل كاع وروحي تفرفحح من
الالم احس خلص هاي نهايتيي راحح
اموت بعد مابيه مجاللل
باوعلي عمي ودفرني بخاصرتي
حيللل احس روحي صعدت للسمه
ابو منار: اكرم ودي ابنك عله القابله
خل تجي
اكرم : تريد تفضحنه انته
زمن : يمعودين عود سكتوههه بكم فلس
اخير شي وعيت عليه راح ابن اكرم
يجيب القابله وبعدهااا ماحسيت بشي .
////////////////////////////////////
“”هاله””
نايمه بأمان الله ماحس اله ذبو
عليه مي بس عبالك مطببيني بشط
شهكت وكمت عله حيلي واني اشوف
مسك بيدهاا بطل مي وتضحك
وسارة واكعه بل كاع وترفس
وفاحطه ضحك
هاله : ولكممم ليش هيج مو مخموده
مسككك اني اعلمج
مسك : ماميي لا تثعلين ثاله كالت
ثوي ايج
( مامي لا تزعلين سارة كالت سوي هيج )
هاله : طيح الله حضج وحض سارة
سارة: وزحيررر أن شاء الله شبيجج
ام الوصخ سبحناج بل فراش مو زين
هاله: شعدج كاعده من الصبح
سارة: كلبي وشوراعه يا صبح ساعه
بل 9 كومننن صيرن نشطات مثلي
هاله : سويرةةة انت ماتكعدين الصبح
اله اذا عندج مصيبه فء اشعدج
سارة: انيبييي ولج اني كلهااا تشهد
عله برائتي ولجج انيبييي اكوو بفقري
هاله : والله لازمه كلبي من وراج
شما اشوف عندج سالفه
سارة: بعد روحي واني هم احبج
نور: صباح الخير بنات
سارة: صباحووو تعالي امطعج
نور: ايع وخري
سارة: كافل
كافل : انت اليع مامي
( انت العيع مامي )
نور: ايااا طايح الحض
هاله: طبعا انت دتخربين تربيت الجهال
نور: طبعاً حبيبتي ابو المثل يكلج
الام تربي والخاله تفسد
سارة: اوفف شهل نكد كافل مسك
يلااا خل نسوي هجوم عله نوريه
وبناتهاااا النعالات هجوممم
كافل + مسك : هجوممم
راحو طلعو يركضون
هاله : بلا هاي صغيرة
نور: عوفيه خل تلتهي وياهم بلكي تنسه
هاله : بس مر اربع سنوات
نور: وماراح تنسه لو مر قرن راح
يضل حسين بذاكرة سارة كلشي
اجه وره بعضه كتلت اخوها سجن
قسور كلشي ورة بعضه
هاله : الله يهون عليها وعلينه
نور: اميننن
هاله : ليلييي كومي يلااا كوميييي
ايلين : بس شوي
نور: خلص ليلي كومي غسلي واكليي
يلااا
كامت ايلين تتمغط وتتعثر اخير شي
لتفت البطانيه عله رجلهه ونجبحت
عله وجهااا
نور: وثول
هاله : وعمه
ايلين : شبيكم ترة ماشفته
نور: بعد جري بل كلمه بعد
راحت تمشي عله كيفه للحمام
هاله : الله يعينه شلون جان حاملهاا
نور: بلاوي يا اختي بلاوي
هاله : بس سارة تبقه البلوة الكبرى
نور: هاي الشغله مايختلفون عليهه ثنين
بعدنه دانلم ونعزل بل غرفه وومانسمع
غير صواتتت بيبي نوريه العالي وبناتهااا
طلعنه نركض للصاله وجان نشوف ….
نوريه: ولجج انت تضلين هيج
عرمهه وماتحترمين الأكبر منج
سارة: عفواً
سجى : ولجج زهرة ادبيههه البنتج
لا اجي ادفنههه اهنااا
نور: يعني احنا نخلص من سماح
وعبير نجي أهنأ البنات نوريه
زهرة: سارة كافييي
سارة: اويي هسه اني شكلت
نوريه : عوفيه يمه عوفنههه هاي
متصيرر الهه جارة
سجى : لا يمه عوفيني ائدبهاااا
لهل حيونهه
سارة: لا سجاوي لا تشبهيني بيج
سجى : سجاوي ولجج اني العب وياججج
سارة: تدرين مرات اكول انت شكد
خطيه اثاري طلعتي مثل امج نفاخه
سجى : لججج شتقصدين مو اجي
افرك حلكج
سارة: هههههههه حلوة هاي
نورس : ختولي يمعودة كلهااا خلك
زعطوطه جان ملفيهه واحد من
احفاد هاشميه وبسبب فكرهن
دخلووو للسجن
سارة: اووي صدك عود
سجى : احجي عدل لج
سارة: يعني هسه اله ترديني احجي
انو رندة بنت اختج نورس تصير
بنفس الوقت بنت رجلج يعني بل
خط العريض زوجج حبيبيج عنده
علاقه غيررر شريعه ويه اختج نورس
ورنده بتهم بس بل حرام ماجنت رايده
اكولج بس انتو. جبرتوني
كالت هيج ودزت بوسه النورس
يتبعععع…………..
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.