رواية بريئه بين قيود مجرم – الفصل الرابع والستون
***************************************
نسرين… وكفتني كلماته مثل الصاعقه على گلبي التفت اله بدم بارد وكلت
نسرين… شجاي تحجي؟
اركان… خلي افهمج
نسرين… اركااااان
اركان… اي كل الصار اني سويته اني السبب بكلشي صار وياج
بقيت بصدمتي دموعي نزلت واني اباوع عالشخص الحبيته واعتبرته كلشي بحياتي وهوه يباوعلي بحسره ضلت دموعي تنزل ماتوكف وباوعليه بصدمه كل هاي الاشهر هوه يجذب عليه رجعت ليوره اهز راسي وابجي وطلعت خارج الغرفه اركض والبنات ورايه وتقدموا فرات وجاسم وكفوني
فرات… وين شبيج
نسرين… وخر اريد اطلع
فرات.. مايص…
نسرين… كلتلكككككككك وخررررررررررررررررر
ودفعته وطلعت ركض والبنات ورايه ورحت صعدت تكسي رجعني للبيت طلعت المفتاح وفتحت الباب ودخلت للبيت ورحت كعدت بالصاله ابجي اجه ابويه بسرعه عليه وكال
ادريس… نسرين شبيج
نسرين… بابا
ادريس… احجي شصاار
نسرين…. اركااان هوه سواااههههه هووووهههه سوااااههههه
ادريس… تمام حبيبتي اهدي واحجيلي كلشي من البدايه
مسحت دموعي ونفسي سريع وكلت
نسرين… اركان هوه الفجر المبنى وهوه الخلاك مشلول وكل هذا وهوه ماكالي ويضحك عليه
ادريس.. معقوله
نسرين…. اي اي معقووله
وتذكرت الملفات كلهن يمي ورحت بسرعه للغرفه طلعتهن وخابرت على ريام وجاوبت
نسرين…. ريام اركان هوه السواهه
ريام… توقعت تعالي على******
………………………………………….
نور….. شنو راح تسوي
براء… رر راح تسجنه
واجوا فرات وجاسم
فرات…. راااح يدخل السجنن خررررب
براء… لحضه انت جنت تعرف؟؟
فرات… منو اني؟؟
براء… اييي جنت تعرف
فرات…. وداعت انور ماعرف
انور…. ابن النعال ليش تفاول عليه بويه رحت بيها
براء…. ماتوووقعتهااا منككك
فرات…. ماااعررررف
براء…. لاتعرررررف
فرات…. اي اعرف شسوي اخويه اشتكي عليه
براء… وههييييه هممم صديييقتي واختي بعد لاتراويني وجهك
فرات…. طاح حضك اركان هسه الا تحجي
براء… هااا تررريده يضل ساااكت
فرات… اول لاااااااا
براء… لاتصيييح عليه فتهمت بعد لاتراويني وجهك ولاتطلع كدامي
وراحت طلعت بره ولحكناهه وهمه اجوا وكفت سياره ونزل عمر وهاله راحت طلعت وهوه تقدم على فرات
فرات… انطتك؟
عمر…. مانطتي الحقيره بنت ابوها شتطلع غير ال *****
فرات… منا الناس كض السانك
نور…. منووو انت وتغلط عليها هاااا
وهوه بقى ساكت وكلت
نور…. كالتلكك ماااكو الملفاااتتت ليش تلح
عمر…. وصاااحبي هااا
نور…. شبييي صاااحبك هااا انتوا كل مايصير وياااكم شي تجون تتهمووونا كااافييييي عااااد
ورحت وعفتهم واجن البنات
براء…. يجوز راحت تشتكي عليه
هاله… ماعتقد تسويها
نور… خلي نروح نشوف
وردنا ناخذ تكسي وكفت سياره ونزل منها كرم
كرم… خلي اني اوصلكم
هاله… مانريد
كرم… شنو تروحون وحدكم؟؟
نور… اي
كرم…. دصعدن
براء… يووو مانريد
كرم… لم…
براء… صعدنااااا
وراحت صعدت وصعدنا وياهه ورحنا هلى بيت نسرين دكيت الباب وطلعنا ابوها جان معصب وخايف
كرم… السلام عليكم نريد
ادريس…. ابني ماعرف وين راحت ماجاي تجاوب
كرم… تمام عمي راح نشوف لايضل بالك
وراح ولحكنا وصعدنا السياره
براء… يمكن بمكتبها
كرم… رايحيلها
وساق وصلنا مكان شغلها ونزلنا وهوه راح حتى يدخل ومنعونا وكرم كال
كرم…. لازم نشوفها ضروري
الحارس…. ماكدر هيه منعت ماكدر ادخلكم
كرم…. بس كللها اصدقائج هيه راح تعرف
الحارس…. ماكدر
كرم…. يااابه نريد نحجيييي وياااههه
وراد يدخل غصبا عنه وهوه منعه وصيح عليه وطلعت نسري شافتنه وتقربت مع ريام وجها بارد وكلت
نور… نسرين شسويتي
نسرين…. سويت الي لازم اسوي من زمان
براء… اشتكيتي عليه
نسرين… سجنته ومحكمته بعد شهر
هاله… شنوووو
نور… زين يمكن مو هوه اكيد اكوا شي غلط
نسرين… ماكو شي غلط كله صح وهوه اعترف بنفسه واني اخذت حقي صح كرم؟
التفتنا على كرم وبراء كالت
براء… كرم صح؟
كرم… اي صح هوه سواهه بس صدكيني ماجان…
ماكمل كلامه وقاطعته وكالت
نسرين… مايهمني هوه حاول يقتل احد وهسه انتهى كلشي
ونزعت خاتم الخطوبه وذبته بيد كرم وكالت
نسرين…. كول اله اتمنى يبقى طول عمره هناك
وراحت ولحكتها وكلت
نور…. نسرين انتضري
نسرين…. بنات بعدين احاجيكم اني راح اروح على عمامي يوم المحكمه نلتقي وصعدت السياره وريام كالت
ريام… ماكدرت اقنعها اسفه
وراحت صعدت وياهه وراحوا
اجاني اتصال جاوبت
نور…. الو
الراموث…. بنياتي
نور…. الله يلعنك شتريد ليش اتصلتتت
الراموث…. اهدي ليش عصبتي بس اريد انطيج بشاره
نور… الله ياخذك انت وبشارتك روووح عني
وردت اسد الخط وهوه كال
الراموث…. زوجج يمي
نور.. شنووو
الراموث…. على حافه الموت
خفت كلش وكلت
نور… انت شجاااي تخررربط وييييينه
الراموث…. خليج هادئه اذا تريدينه يبقى عايش تعالي على ****** وها لاتحجين الاحد وسد الخط
التفت عالبنات وكلت
نور…. الراموث
هاله… شيريد النوب
نور… هيج مايريد شي تعرفين سوالفه يهدد
هاله… ها بنات لازم نروح على ياسين
براء… صحييح ياالله شلون نسينااا يلا
وراحن للسياره ورحت دكيت الجام ونزله كرم وكال
كرم… صعدي
نور… اني رايحه
كرم… وين
نور… عندي شغل
كرم… شنو هوه مايصير تضلن هنا
نور…. اسفه اني رايحه
ورحت ركض وهوه نزل يصيح وكفت سياره تكسي صعدتها وهوه راد يجي وكلت
نور… تحرك بسرعه
وهوه ساق وانطيته العنوان….
…………………………………………..
هاله….. نوووور ياالله وين راحت
كرم… هااااي شصااااار
براء…. الراموث هددها بشي
كرم… لازم نروح نلحك على حور على الاقل بسررعه
وراحوا صعدوا وصعدت ورحنا على قصر ياسين وصلنا بسرعه ونزلت ودخلنا جوه ومنعونه الحرس وكرم ضربهم ودخلنا ركض ودخلت جوه وشفتهم كاعدين وكلت
هاله…. وييييين حووووورررررررر
ياسين…. بنت اخويه واخيرا نورتني بس ليش مو كلكم هاي محسوبه عليكم
هاله…. الله ياااخذذذذككككك ويييينهاااااااا
وانفتح الباب ودخلوا عمر وفرات وكرم وحمزه وغيث وراح عمر بسرعه على ياسين وضربه بوكس وضل يضربه ويا الولد رحت اريد اجره وبعدني البنات
براء… هسه تجيج ضربه طايره
هاله…. خلي ندورلها
ورحنا للغرف ندورلها وماكوا وصلنا غرفه وميرال واكفه وتبجي ودك بالباب ورحت بسرعه احاول افتحه وماكدرت باوعت عليه وكلت
هاله…. المفتاح
ميرال… يم يسار القذر مايقبل ينطيني
هاله…. كلب الله ياخذه حووور تسمعيني
حور… ايي لاتنطونهم افضحوهم
هاله….لا مستحيل انطيهم اروح اخذ المفاتيح
ونزلت بسرعه جوه وجريت يسار وكلت
هاله…. طلعوووهااااا
يسار…. صددك يلا تعالي دروووحي شنو شااايفه روووحج
وضربته على صدره وكلت
هاله…. ياحيوااان انطييينييييي يااااهننننن
وهوه ضربني راشدي وكعت بالكاع وشافه عمر وعاط بي
عمر…. اببببن القنننننددددددررررره
وكمز عليه وضل يضربه ورجعت ليوره ماعرف شسوي
ورحت صعدت فوك احاول افتح الباب ماكدرت وبقيت ادورلي على شي وماكوا
براء…. اروح ادور
ميرال…. اني هم
وراحن واني بقيت احاول افتح الباب ماكدرت ورحت على غرفه معزوله فتحت الباب جانت ضلمه شغلت الضوه وحسيت شي انضرب على راسي باوعت وشفته احمد مبتسم بوجهي لزمت راسي بيدي وباوعت على ايدي كلها دم عيوني غوشت واحتلها الضلام واغمى عليه….
……………………………………
نزلت من السياره وصلت للمكان جان شبه مهجور بقيت امشي ادور للعنوان وصلت جانت عماره مهجوره دخلت للداخل ادورله وخايفه مالكيته واصوات خفيفه تقربت اكثر واكثر من الاصوات ولكيت غرفه يطلع منها الاصوات ورحت بسرعه دخلتها جانت ضلمه ومابيها شي رجعت ليوره ادور ولكيت غرفه اخرى ويطلع منها صوت ورحت بسرعه دخلتها وشفت رجال مقيد بسلاسل بالكاع ويتنفس سريع مايبين ملامحه كلش وكلت
نور…. الاكبر؟
يتبع…….
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.