رواية بريئه بين قيود مجرم – الفصل الثالث والخمسون
***************************************
براء…
وفجاه دخلوا مجموعه زلم وكمت وابويه كال
ابو كرم… هاااا شجاااايييي يصيرررر هناااااااا
فرات… اجيت اخذ مرتي بس حبيت اول شي نمر نسلم على ابوها
واجى كرم بسرعه ونزع جاكيته وغطاني وطلعني خارج البيت وصعدني السياره وكال
كرم… ابقي هنا خوش
براء… تمام بس انتبهوا
وهوه راح بسرعه وضليت انتضرهم وخايفه ومر وقت هوايه وهمه مااجوا ونزلت من السياره حتى اروح وسمعت صوت
فرات… وين موليه
التفت اله وارتاحيت الحمدلله خفت كلش واجى كرم وحضني وفرات عاط بينا
فرات… يلااااااااا بسررررععهههه
كرم… شبيككك تصيححح اذنيييي
فرات… بطل هاي سوالفك مال الحضن والبوس
كرم… اختييييي ترى
فرات… حتى لو اختتتك بطل
براء… يااا خلي عادييي
وحضنته وهوه بادلني وهوه يباوعلنه معصب وراح صعد السياره وصعدنا اني وكرم متوجهين للبيت…
بعد ما وصلنا الساعه ثلاثه الفجر طبينا البيت وجنت كلش تعبانه ودخلوا وكرم راح يجيب الاغراض
براء… بسسس اريددد انزع هالفستااان لعببب روووحييي
فرات… اني هدم بروووحي
براء… ليش؟
فرات… لج اشوفج لابسه فستان ابيض الغيري غير اموت
براء… اسم الله عليك
فرات… تخافين عليه؟؟
براء… اي اخاف اكيد اخاف على حبيبي
فرات… من حبيبج يروووحلللجججج فدوووه كون
وراد يحضني ودخل كرم وكال
كرم… هييييي شكووو هناااا وانتي اصعديي فوووك يلا
ضحكت ورحت بسرعه صعدت فوك وهمه يتعاركون ورحت نزعت فستاني وسبحت وبدلت لبست تراكي ورحت عالجربايه وتمددت واضحك وكلت
براء… الحمدلله خلصتتتت يممههه…
……………………………………….
بعد مرور شهر…
نور… هاااالههه خففييييي وييييين تررريدييين
هاله… يااا شبيج نور خلي نتونسس
نور… ياااانتونسسس ولججججج رااااح نمووووت خففي
جاي تسوق بالسياره كلش سريع واحاول اوكفها بس ماتسمعني خفت كلش وقريت ايات وغمضت عيوني
نور… بسم الله الرحمن الرحيم يمممهههه يااارررب اغفرررلييي يمممهههه بعدددنيييي صغيييررره يبووووووو
وفتحت سقفيه السياره وصار يضربنا الهوى البارد وشعرنا يطير بالهوى والدنيا ليل ودخلنا بين افرع ضلمه وطلعنا منه وصار المكان عباره عن اضويه
هاله… ياااااايييييييييي
نور… لججججج وكفيييييييي رااااححح نموووووت
واخيرا وكفت على صفحه ونزلت بسرعه اتنفس سريع وحطيت ايدي على صدري وكلت
نور… هاي اخر مره اصعد وياج لو جايه بسيارتي هم افضلي
هاله… يا كل عقلج عبالج راح نسوي حادث ههههههههههه
نور… كافي لعبت نفسي يلا خلي نرجع
هاله… خلي نتصل بحمودات ونروح للمطعم نتعشى كلش جوعانه
نور… مستحيييل بهالوقتتت لججج لازززم نرررجع
هاله… يمعوده بعد
وطلعت موبايله وتتصل عليه
مر شهر وتغير كلشي بهذا الشهر الراموث الي هوه ابونا حجزنا وصار يحاول يخلينا نشتغل ويا بتهديده المستمر الجريمه انور الي هوه مالوا ذنب بيها وانجبرنا نبقى وهاله تغيرت كلش وصارت تنفذ كل خطه يطلبها منها الراموث عمر غيرها كلش وصارت تحب الطلعات مع صديقها حمودات الي هوه محمد وجاسم اضطر هوه وانور يكملون شغلهم بالشركه واني وهاله انفذ خطط الراموث قاطع افكاري صوت هاله وهيه ادكول
هاله…. حموووداات تعااال يلاااا تمام انتضرك
وسدت الموبايل وضحكت وصفكت بيدها وكالت
هاله… يلا حبيبتي خلي نروح
نور… لا لا ماصعد روحي انتي اني راح ارجع للبيت
وهيه جرتني من ايدي وصعدتني السياره وصعدت وكالت
هاله… وعد مااسوق سريع
وصعدت وساقت وخففت السرعه وصلنا للمطعم ونزلنا واجت سياره نزلوا منها محمد وصديقه ماعرفه اول مره اشوفه وهاله راحت حضنته ورحت بسرعه جريتها وكلت
نور… هاااله شبيييججج مايصيرررر
هاله… اوففف تمام
محمد… شلونكم بنات
نور… الحمدلله
محمد… يلا دخلوا اليوم على حسابي ها
هاله… يلا لعد راح اطلب اغلى شي اريد اخسرك
محمد… تدللين
ورحنا دخلنا جوه وحجزنا طاوله وكعدنا وكال
محمد… ها بالمناسبة صديقي مصطفى
هاله… اهلا وسهلا
مصطفى… اهلا وسهلا بيج ماعرفتينا منو هاي الحلوه وياج
هاله… هاي اختي نور
مصطفى… تشرفت بيج
نور… اني الاكثر
محمد… اي شنو تتطلبون
هاله… شاورما دجاج
محمد… انستي وانتي
نور… ستيك لحم
مصطفى… خلي نفس طلبها
محمد… اوووو
وطلبنا وبقينا كاعدين وهاله تحجي وماخذها الواهس وصديقه بس يباوعلي ماارتاحيتله كلش واجى طلبنا واكلت شويه وكلت
نور… يلا تأخر الوقت
مصطفى… وين بعد؟
نور… شكرا بس لازم ارجع
هاله… ياا وين ترجعين وكأنوا اهلي مهتمين خلي نبقى بعد وكت
نور… هاااله كلت يلا
محمد… تمام مو مشكله نلتقي غير مره
هاله… يااا نور عفيه خلي نبقى شويه
وكعدت وهيه طلبت مشروبات وماعرف شنو طلبت وهذا بقى يباوعلي ماهتميت واجى طلب هاله طالبه مشروب وبسده لحضه هاي نرگيله الكترونيه انصدمت وكلت
نور… هاي شنو؟
هاله…. جربيها حلوه ولله
نور… ابقي هنا اني رايحه
وكمت حتى اروح وكام مصطفى ولزمني من ايدي وكال
مصطفى… ابقي شويه ليش مسرعه ياحلوه
دفعت ايده وكلت
نور… لا ابقوا انتوا تونسوا اما اني اريد اروح
ورحت وجرني من ايدي وكال
مصطفى… بس اني اريدج تبقين
ودفعت ايده قوي وضربته راشدي وكلت
نور… لاتلزمني مره ثانيه فهمت
وهاله انصدمت ورحت طلعت خارج المطعم اخذت قمصلتي وهاله لحكتني وكالت
هاله… نوررر انتضريييني
وكفت وكلت
نور… خيييررر شكوووو
هاله… ليش هيج طلعتي فجاه ها لييش
نور… شنو هاي تصرفاااتج وينج وين النرگيله هااا
هاله… عادي بس حبيت اجرب
نور… تمام روحي جربي اني اروح باي
وردت اروح وجرتني من ايدي ورادت تحجي وسمعت صوت ورايه التفت وشفت…
يتبع…
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.