رواية بريئه بين قيود مجرم – الفصل التاسع والأربعون
***************************************
نسرين… انصدمت من كلامه وضليت واكفه بمكاني وكال
ادريس… تعالي بنيتي اكعدي
ورحت كعدت واركان يباوعلي بقيت ساكته مااعرف شنو احجي وابويه كال
ادريس… اركان ماكوا منه خوش زلمه بنيتي فكري بقرارج
هزيت راسي وضلوا يحجون وهوه يباوعلي بعد مرور كام وكال
اركان… احنه هسه لازم نروح
ادريس… بعد وكت ابقوا
اركان.. يشرفني ابقى بس عندي شغل ونتركها تفكر على راحته
وافق ابويه وراحوا طلعوا ورجعت كعدت يم ابويه وكلت
نسرين… ماعرف شكول
ادريس… حقج بنيتي فكري زين ورديلهم خبر
هزيت راسي ورحت دخلت على غرفتي بدلت وسبحت ولبست ملابسي وكعدت كدام المرايه افكر اوافق او لا…
…………………………………………
نور…. طلعنا وصعدنا السياره وكلت
نور… هيه ماتدري صدمناهه غير ننطيها خبر
علي الاكبر… هوه سواهه مره وحده اذا وافقت يسوي مشيه جبيره
نور… وليييش هاله ماجااايه شمعنى
علي الاكبر…. غير عمر ماجابه
نور…. شنو تتحكمون بينا شوكت مايخطر ابالكم تطلعونا وشكت مايخطر ابالكم تتطببونا؟
علي الاكبر… اي
نور… محد يتحكم بيه خوش
وباوعت عالجام وكتفت ايدي وهوه
علي الاكبر… شنهو زقج زعلت
وماجاوبته وهوه لزم ايدي وكال
علي الاكبر… ليش زعلت يول
نور… يااا عوووفني بحالي وديني على اختي يلا
علي الاكبر… اشششش ماكوا روحه
نور… لعد لاتحجي وياي
علي الاكبر… يمممههه زعلت زقجه بعد منهو يراضيها
ومارديتله وضل يحاول يراضيني ومااقتنعت وكال
علي الاكبر… زقج
نور… اسمي نوور مو زقج
علي الاكبر… يمه زقجه زعلان اشغلك اغنيه
ضحكت وكلت
نور… اي شغل هاي حبيبي بعيني الك دمعه
علي الاكبر… يمه يمه على ذوق زقجتي الحلو
وشغلها وعله الصوت وصرت اردد ويا الاغنيه
“” “”
تعالي الخاطري بسرعه…
حبيبي بعيني الك دمعه…
كلام بگلبي متسمعه…
اريد احجيلك وارتاح..
تعالي الخاطري بسرعه…
“” “”
وهوه يردد ويايه ويضحك ولزم ايدي وباسه…
وصلنا للبيت ونزلت ودخلنا للبيت وهوه راح صعد فوك ورحت كعدت مع ميار وعبير حجيتلهن شسويت ووين رحت
ميار… يعني جانت صدمه الها
عبير… مايصير هيج
نور… غير هوه يريدها
ميار… بنات اريد احجيلكم شي بس ماتحجون الاحد
نور… احجي شكو
عبير… احجي
ميار… الفلاشه جاسم وانور اخذوها
نور… شنوووووو
ميار… اي واخوج تحرش بيه الحقير
نور.. منووو؟
ميار… انور الحقيير
نور… ياااا
عبير… وانتي شنزلج ولج
ميار… عود نزلت اشرب ماي صار سم
نور… يااا ههههههههه رومانسيه
ميار… انجبي يا رومانسيه
نور… بعدين انتوا لايكين واخويه حلو ترى
ميار… مااقبل بي لو يطير
عبير… صحيح يخبل
ميار… نروح نخابر حارث
عبير… خابري اصلا نهيت كلشي ويا
ميار… ليش؟
عبير… راح يخطب بنت عمه
نور… احسن نهيتي كلشي
وضلينا نحجي ورحت صعدت فوك وشلت ملابسي ودك موبايله واخذه وجاوب
علي الاكبر… هااا جاسمم.. ماانطي روح
ورحت اله بسرعه وكلت
نور… لا لا اريد احجي ويا
وهوه انطاني يا وحجيت وكلت
نور… جاسم
جاسم… حبيبتي شلونج مشتاقلج
وهوه سحب الموبايل وكال
علي الاكبر… تشتاقلك العافيه يلا توكل
جاسم… ياااابه بس خلي نحجييي
واخذته وهوه شغل السبيكر وجاسم كال
جاسم… باجر تجين يمي
نور…تمام
وضل يحجي ويسلم عليه وعلي الاكبر يسحبه ويرزله ويرجعلي ياه وسديت الخط وكلت
نور… اروووح
علي الاكبر… لا
نور… الله يخليك
علي الاكبر…. كلت لاا
نور… ولله غصبا عليك اروح
وهوه باوعلي مصدوم وكال
علي الاكبر… شنهو ولج
وتقرب عليه وردت اروح وسحبني وكلت
نور…. ها؟
علي الاكبر…. شكلتيييي؟
نور… كلت انت حلو
علي الاكبر… اخ منج يالعرمهههه
نور… اروح
علي الاكبر… لا
وعافني وراح نام ورحت وكعدت يمه وكلت
نور… بس هالمره الله يخلييك
علي الاكبر… لاااااا
نور… بسيطه اريد اشوف بعد منو تحجي وياك
وردت اطلع وسحبني من ايدي وكعني عالجربايه ونام فوكايه وصيحت
نور…. يمههه راااح امووووت انكطععع نفسييي يبووووووووووووو
علي الاكبر…. صوتتتج عرمه زقجه وشعلوا صوته
نور… مو زقجه انت ضخممم
علي الاكبر… اني ضخم
نور… اي ولله شطووولك
وضغط عليه قوي وانكطع نفسي وخر عني وضليت اكح ودمعت عيوني وهوه باوعلي
علي الاكبر…. يووولووووو زقج يبجييي تعاللل ام دميعهههه
نور… مو ام دمييعه روح عني
علي الاكبر… تعاال
وجرني ونام وحضني قوي كل مااتحرك يعيط بيه لحد مانمت…
………………………………………
هاله….لبست ملابسي ورحت عالجربايه اريد انام وانفتح الباب ودخل عمر وجان مبين عليه تعبان وراح طلع ملابسه ودخل للحمام وتمددت بفراشي ونمت وبعد وقت حسيت احد يقربني اله وجان هو حاضني ويقربني اله ونمت..
كعدت الصبح ورحت للحمام فرشت سنوني ومشطت شعري وبدلت وطلعت وشفته جاي يتحضر وكلت
هاله… وين رايح؟؟
عمر… عندي مهمه لازم اروح راح اتاخر
هاله… تمام
وراح طلع خارج الغرفه ورحت طلعت ونزلت جوه كعدت مع البنات
زهراء… بنات اني اليوم طالعه
ليام… اوووو مع الحب
زهراء… يااا سكتييي
ليام.. اني هم امي اصرت عليه علمود اروح اكمل التجهيزات تعالي وياي
هاله… ماكدر هالمره لان عمر طلع
ليام… احنه عود نكوله ابقي وياي
هاله… ولله مااكدر اسفه
ليام… تمام حبيبتي براحتج حمزه راح يوصلنا انتي راح تبقين مع نارين
هاله… اوف يلا نتحملها شنسوي
زهراء… بس تحجي لطميها على حلكها
ليام… اي ولله اخذي حقج منها
هاله… هههه طبعا هيه بس خلي تقربلي اني الها عود
زهراء… يلا بنات اني رايحه دك حسين
وراحت طلعت وليام هم راحت مع امها وحمزه
وراحت زهراء وليام هم وبقيت وحدي وياهه ورحت للصاله كعدت وهيه اجت كعدت كبالي وكالت
نارين… اييي اخبارجج
هاله… نارين عوفيني بحالي راسي يوجعني
نارين… ييي شبيج عود قررت اتعرف عليج ونبدي من جديد بس دائما تخربين كلشي
هاله…. هههههههههه تتعرفين عليه بعد كل الصار؟
نارين.. اي حبيت نصير صديقات قبل لااروح تعرفين باجر طيارتي
جانت جديه بكلامه كلش استغربت منه وفرحت لان راح تروح وقررت انطيها فرصه
هاله… تمام مو مشكله
وصفكت بيدها وضحكت وكالت
نارين… حلو اروح اسوي عصير وكيك بمناسبه صداقتنا
ضحكت على تصرفاته وهيه راحت تسوي وضليت اباوع عالتلفزيون مر وقت واجت بيدها صينيه عصير وكيك واخذتهن منها وهيه اكلت وتحجيلي على نفسها وشنو تحب وماتحب وشربت من العصير وحجيتلها على نفسي وخلصنا الوقت كلوا نحجي حسيت نفسي تلعي وراسي يوجعني وعيوني تغمض من حالهه لزمت راسي وكلت
هاله… اخخ راسي
واجت عليه نارين وكالت
نارين… ياا حبيبتي بيج شي
هاله… راسي رااسي يوجعني شو دخت شنو حطيتيلي ها؟
وهيه صفكت وكالت
نارين…. هسه تمام. ماكوا شي حبيبتي نامي غمضي عيونج وحطت ايدها على عيوني وردت ادفعها ماكدرت اتحرك وحسيت احد دخل للبيت وشالني حاولت ابعده ماكدرت فقدت كل طاقتي واغمى عليه…
بعد مرور وقت كعدت راسي يوجعني بالكوه افتح عيوني وصحصحت ولكيت روحي عالجربايه وكل عيلت عمر جانوا موجودين وعمر واكف كبالي معصب وعيونه حمر باوعت ولكيت رجال بالكاع سابح بدمه وجه مشوه من الضرب وكلت
هاله… ش… شصاير هنا
عمر… لمي اغراضج واطلعي بره البيت يا سا*طه…
يتبع…..
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.